[ اهملتني ]

المنسي

الاعضاء

[ اهملتني ]
وكنت انا اسمع دندنة
عوده على لحن البيات !
تدرين وادري بنفترق !؟
قبل لا حب لا ذكرى !
قبل لاخاف انا الفرقا !
قبل الفرْح لاينسرق !
تدرين وادري بنفترق !

قبل لاحس باحساسه !

واشعر ابمعاناته !
قبل ... لاتبكي عيوني !
وماكنت عارف وقتها !
. . . . . . ان قلبي منك بيحترق !




لو كان كف السحابه ترتخي للبشر !

. . . . . . شفنا السحب تحت كفك والمطر جادلك !
ولو كان بعض البشر ماتعترف بالسحر ؟!
. . . . . . حجتك : بسمه شفاهك ورهّا مجادلك !
ياللي تعبت أعشقك ولا لقيت الممر !
. . . . . . ياليت روما خفوقك لي.. وانقادلك !
تعبت احبك وطن والقاك دمع وسهر !
. . . . . . تعبت ما تعتبرني مثلي بلادلك !
تعبت اغمض عن افعالك .. واشيح النظر !
. . . . . . وكلّ ماتهز ارضي .. أصبح اوتادلك !
تعبت أنادي وصوتي ..بحته لك قهر !
. . . . . . تعبت اقولك حبيبي للعشق نادلك !
وانت العطا المبذر وانت السخا والمطر
. . . . . . لكن معي .. كلّ ماقوله بك [ اضداد لك]
من كثر حنيتك .. ممشاك ماله اثر
. . . . . . كن الثرى روح والاحجار اجسادلك
مخلوق تعطي امل لاهل الغنا والفقر
. . . . . . الطير والليل والاشجار ~ أبعادلك
مخلوق تكسر مساحات .. الخنا والبذر
. . . . . . الجود .. والحاتمي ماهم بـ أنداد لك
ماكنت خايف عليّ إلا صدوف الدهر
. . . . . . وماكنت ادري الحزن والهم اسعاد لك
تِلحق جروحي سبايبك .. البعد والهجر !
. . . . . . تنقص وتنقص محبتك وانا ازدادلك
من بعد ماكان حبي يشتعلك جمر
. . . . . . اليوم اصبح خفوقي منك رَمادلك
اهملتني بحجة ضروفك .. وقلت الصبر !
. . . . . . وصبرت لين الصبر بالبكى عادلك
خليتني مسامر الليل وخيوط الفجر
. . . . . . وحيدك .. وانت لاجيت اصبح اعداد لك
ان كان فعلك تغلي أو غرور وكبر
. . . . . . علمني اقلها ماجيك وانقادلك
ي فتنتي قبل لانصبح ويجلى البدر
. . . . . . قلبي حلالك وحقك فيه ماجادلك !
لكنّ لاتهمله .. ولا يضيق الصدر !
. . . . . . ولا اتركه للقدر لاجاك أو عادلك !

 
[ اهملتني ]
 
الوسوم
اهملتني
عودة
أعلى