احساس قلبي والشعور
سلبت احساس قلبي والشعور
ونبض قلبي بعد حبك ما استقر
الدقايق في غيابك لي شهور
راحتي قربك وبعدك لي خطر
هاتفي لا دق رقمك زاد نور
وانت من صوته يزيح عني الكدر
تجلب الفرحه لقلبي والسرور
كل مارقمك على الشاشه ظهر
عطرحبي انت وانا لك زهور
يمتزج حبك على قلبي عطر
والمحبه بانيه لك كم قصور
وامتلكت القلب يا اغلا بشر
وحب غيرك أرفضه ماهو غرور
بس قلبي لحب غيرك ما قدر
قد على حبي وحبك الف سور
وصار قلبي لك وقولي مختصر