أحس إن الوفا معدووووم

ايفےـلےـين

من الاعضاء المؤسسين
تضيق الدنيا بعيوني.... وأحس إن الوفا معدوم....


إذا صار الغلط سكة.... يمر الوقت ونمشيها"


وأنا ميزت أصحابي.... وميزت الزعل واللوم....


دنيانا... نعاتبها... وفينا عيوب نخفيها"


رحم الله زمان الصدق.. زمان(ن) وافي(ن) مرحوم


يفزعك صاحبك وانته... دموع اليأس تهميها"


زمان(ن) تلمح الطيبه... تتلبد سمانا غيوم...


تروي قلبه القاسي... صفحة حقد يطويها"


زمان(ن) يقتل الفرقا... تجمعنا المحبه دوم....


وإذا ماتت بنا فرحه... يجينا الصبح ونحييها"



زمانه حاتم الطائي ...زمانه عمر إبن كلثوم..


دنياهم تحس الود... عذبه في لياليها"


ماضي حي(ن) بذكره... وحاضر ميت ومذموم


نقصر رجلنا للخير... وللزله نعنيها"


نذم الغدر ونخاويه... فجو المذنبين يحوم


نكحل وقتنا بالزيف... وعين الصدق نعميها


مصالح تجبر الواحد ...في وحل الخيانه يعوم


على الله تمضي الدنيا... ولا أدري ويش تاليها


تجاهلنا العقيده وصار ...مانعرف صلاه أو صوم


إلا من رحم ربي... حياته دين يقضيها


وعاتبت الخيال اللي... على صدر الأمل مرسوم


من آلام البشر يقتات... يامن هو يداويها!


ياليته ما مضى يرجع... نحس بالفرحه بس لو يوم...


بعيشتنا حملنا الصبر... شربنا المر لي فيها"


جهاله بس ف الواقع... طاولنا بوفانا نجوم...


نفز لزقرة المحتاج... بطيبتنا نلبيها"


أنا آسف سرحت كثير... فدنيا قاسيه وهموم...


لأني يوم ناديتك!... همومي صرت تقفيها"


تخونك ربعك وناسك ...ولاني بالغدر ملزوم...


إنته من بدى القصة ...وإذا حبيت إنهيها!



 
الوسوم
أحس إن الوفا معدووووم
عودة
أعلى