مذكرات زوج مفروس جدا
****
***
**
*
أقر أنا الموقع أدناة فلان الفلاني أنني كتبت هذة المذكرات وأنا ما زلت
في كامل وعي وقبل ما تجيني نقطة واتشل وأعجز عن الكلام والكتابة
وأوجة نداء الي كل الأزواج المفروسين والمتغاظين أن يتواصلوا معي
حتي نكتب شهادة للتاريخ فيما تفعله بنات حوا المفتريين ..حسبي اللة
ونعم الوكيل فيهم ..بأبناء أدم المساكين ..
عايزين تعرفوا طبعا هي عملت أية ..
أنا هحكيلكم وأنتوا أحكموا ..
***********
1
- خارج الصبح علي شغلي وكنت مفلس ومفيش في جيبي حتي جنية
يوحد اللة ..فغلطت وقولتيلها ..
- أدعيلي دعوي حلوة كدة من قلبك ع الصبح ..
رفعت يدها للسماء وقالت بحرقة ومن قلبها ..
- روح يا خويا ..يجعل عمرك ..قد فلوسك ..
**********
2
ليلة الخميس وما أدراك بليلة الخميس ..الليلة المباركة لكل زوج
ما هو بكرة أجازة ونهيص براحتنا بأة ..نيمت العيال ..ودخلت
الحمام تذوق نفسها وتحط الأحمر وتلبس قميص النوم الأحمر اللي
بيجنني ..طبعا دة اللي أنا فاكر أنها بتعملة ..طفيت النور ..
وولعت النور الاحمر ..عشان الجو والذي منة ..
وفجأة..وجدتها أمامي..شعرها منكوش..تخرج لسانها ..فاتحة ذراعيها كالشيطان ..
عيناها تبرق في الظلام ..ذي بسم اللة الرحمن الرحيم ويجعل كلامنا خفيف عليهم ..وهي ترقص وتغني ..كالمجنونة ..
- والشعر الغجري المجنون ..يسافر في كل الدنيا ..
وضعت يدي علي قلبي من الخضة وأنا أصرخ ..
- قد تغدو امرأة يا ولدي ..هي الأخرة ..
وطبيت ساكت ..محطتش منطق ..
********
3
قاعد وسارح مع بنات أفكاري ..أبحث عن الوحي لكتابة قصيدة
تناسب القصة التي أكتبها..وفجأة تذكرت بيت شعر يناسب الفكرة
فقلتة بصوت عالي حتي لا أنساة ..فسمعت صرخة عالية ..وصوت
أرتطام جسدها بالأرض ..وراحت في غيبوبة ..
طلبت الأسعاف ..ودخلوها غرفة الأنعاش ..
وطبعا دفعت كل اللي في جيبي وأستلفت ..عشان أسدد مصاريف
المستشفي ..
بسأل الدكتور وأنا في غاية الأنزعاج ..
- طمني يا دكتور ..مراتي عندها أية ..سكر ..ضغط ..سرطان ..
أرجوك يا دكتور طمني .. هتموت ..
فرد الدكتور وهو يبتسم أبتسامة خبيثة ..
- تموت أية يا راجل ..المدام ذي الفل ..
- أمال أية اللي حصل ..
فرد الدكتور ضاحكا ..
- هو اللي طالع عليها تصرخ وتقول ..قال فية شعر ..قال فية شعر
بعد عشرين سنة جواز قال لي شعر ..
**********
4
قاعد كافي خيري شري ..لقيتها بتقرب مني وهي بتهرش راسها وسألتني .
- مش أنت عامل نفسك ناصح وبتفهم في كل حاجة ..
طب أنا هسألك سؤال ..لو جاوبتة ..هصدق أنك ناصح و بتفهم ..
أخذت نفسا عميقا وبلعت كلامها الزفر ..بس بيني وبينكم ...
أتفرست ..فقلت لها مبتسما وأنا أجز علي أسناني غيظا ..
- أسألي يا حبيبتي ..
وبلغة المثقفين سألت ..
- ما هو الفرق بين ..القضاء والقدر ..والمصيبة ..والكارثة ..
سؤال صعب أنا عارفة ..ومش هتعرف تجاوبة ..مش أنت
بتقول علية حمارة ومبفهمش ..جاوب بأة يا ابو العريف ..
بصراحة أستفزتني وأغاظتني ..ومن فرستي جاوبتها ..
- القضاء والقدر يا حبيبتي ..لو خطرعلي بالك تروحي تشمي
هوا علي كورنيش النيل ..والمصيبة لو ركبتي مركب وغرق
بيكي ..
فسألتني متحفزة ..
- طب والكارثة ..
فرددت علي الفور ..
- لو حد طلعك ..
**********
5
كلة كوم واللي حصل في سبوع أببنا البكري كوم .. قاعد وسط أصحابي ورجالة الحتة نافش ريشي وفاتح صدري ..
أبو الرجالة بأة ..وجاب الولد.. وولي العهد ..
والأمور كلها ماشية تمام ..الولاد ماسكين الشموع ..وولي العهد
في الغربال تهزة حماتي ..وهي تقول ..
- أسمع كلام أمك ..متسمعش كلام أبوك ..
طنشت ولا كأني سامع حاجة ..وأنا أبتسم بغيظ ..ولكني لاحظت
زوجتي تلم الأولاد حولها ..وتحفظهم أغنية شادية ..برجالاتك ..
وفجأة ..وجدتني محاط بالأولاد وهم يلفون حولي بالشموع ..
وهم يغنون ..
- برجالاتك ..برجالاتك ..يا سلام سلم علي شرباتك ..
وفجأة وجدتها تقفز وسط حلقة الأولاد وهي تقلد شادية وتغني ..
- أسفخس عليك ..وع اللي جابوك ..
حمار الحتة ..صبح حمارين ..
هو الخالق الناطق ...أبوة ..
بس التاني ..باربع رجلين ..
********
اللي سمعتوة دة نقطة من بحر ..
ولذلك أوجة نداء الي كل الأزواج المفروسين في الأرض ..
قولوا ..أصرخوا ..أنفجروا ..تواصلوا معي قبل ما تجيلكوا ..
نقطة في النافوخ ..ولا شلل ..ولا ..ولا ..
****
***
**
*
أقر أنا الموقع أدناة فلان الفلاني أنني كتبت هذة المذكرات وأنا ما زلت
في كامل وعي وقبل ما تجيني نقطة واتشل وأعجز عن الكلام والكتابة
وأوجة نداء الي كل الأزواج المفروسين والمتغاظين أن يتواصلوا معي
حتي نكتب شهادة للتاريخ فيما تفعله بنات حوا المفتريين ..حسبي اللة
ونعم الوكيل فيهم ..بأبناء أدم المساكين ..
عايزين تعرفوا طبعا هي عملت أية ..
أنا هحكيلكم وأنتوا أحكموا ..
***********
1
- خارج الصبح علي شغلي وكنت مفلس ومفيش في جيبي حتي جنية
يوحد اللة ..فغلطت وقولتيلها ..
- أدعيلي دعوي حلوة كدة من قلبك ع الصبح ..
رفعت يدها للسماء وقالت بحرقة ومن قلبها ..
- روح يا خويا ..يجعل عمرك ..قد فلوسك ..
**********
2
ليلة الخميس وما أدراك بليلة الخميس ..الليلة المباركة لكل زوج
ما هو بكرة أجازة ونهيص براحتنا بأة ..نيمت العيال ..ودخلت
الحمام تذوق نفسها وتحط الأحمر وتلبس قميص النوم الأحمر اللي
بيجنني ..طبعا دة اللي أنا فاكر أنها بتعملة ..طفيت النور ..
وولعت النور الاحمر ..عشان الجو والذي منة ..
وفجأة..وجدتها أمامي..شعرها منكوش..تخرج لسانها ..فاتحة ذراعيها كالشيطان ..
عيناها تبرق في الظلام ..ذي بسم اللة الرحمن الرحيم ويجعل كلامنا خفيف عليهم ..وهي ترقص وتغني ..كالمجنونة ..
- والشعر الغجري المجنون ..يسافر في كل الدنيا ..
وضعت يدي علي قلبي من الخضة وأنا أصرخ ..
- قد تغدو امرأة يا ولدي ..هي الأخرة ..
وطبيت ساكت ..محطتش منطق ..
********
3
قاعد وسارح مع بنات أفكاري ..أبحث عن الوحي لكتابة قصيدة
تناسب القصة التي أكتبها..وفجأة تذكرت بيت شعر يناسب الفكرة
فقلتة بصوت عالي حتي لا أنساة ..فسمعت صرخة عالية ..وصوت
أرتطام جسدها بالأرض ..وراحت في غيبوبة ..
طلبت الأسعاف ..ودخلوها غرفة الأنعاش ..
وطبعا دفعت كل اللي في جيبي وأستلفت ..عشان أسدد مصاريف
المستشفي ..
بسأل الدكتور وأنا في غاية الأنزعاج ..
- طمني يا دكتور ..مراتي عندها أية ..سكر ..ضغط ..سرطان ..
أرجوك يا دكتور طمني .. هتموت ..
فرد الدكتور وهو يبتسم أبتسامة خبيثة ..
- تموت أية يا راجل ..المدام ذي الفل ..
- أمال أية اللي حصل ..
فرد الدكتور ضاحكا ..
- هو اللي طالع عليها تصرخ وتقول ..قال فية شعر ..قال فية شعر
بعد عشرين سنة جواز قال لي شعر ..
**********
4
قاعد كافي خيري شري ..لقيتها بتقرب مني وهي بتهرش راسها وسألتني .
- مش أنت عامل نفسك ناصح وبتفهم في كل حاجة ..
طب أنا هسألك سؤال ..لو جاوبتة ..هصدق أنك ناصح و بتفهم ..
أخذت نفسا عميقا وبلعت كلامها الزفر ..بس بيني وبينكم ...
أتفرست ..فقلت لها مبتسما وأنا أجز علي أسناني غيظا ..
- أسألي يا حبيبتي ..
وبلغة المثقفين سألت ..
- ما هو الفرق بين ..القضاء والقدر ..والمصيبة ..والكارثة ..
سؤال صعب أنا عارفة ..ومش هتعرف تجاوبة ..مش أنت
بتقول علية حمارة ومبفهمش ..جاوب بأة يا ابو العريف ..
بصراحة أستفزتني وأغاظتني ..ومن فرستي جاوبتها ..
- القضاء والقدر يا حبيبتي ..لو خطرعلي بالك تروحي تشمي
هوا علي كورنيش النيل ..والمصيبة لو ركبتي مركب وغرق
بيكي ..
فسألتني متحفزة ..
- طب والكارثة ..
فرددت علي الفور ..
- لو حد طلعك ..
**********
5
كلة كوم واللي حصل في سبوع أببنا البكري كوم .. قاعد وسط أصحابي ورجالة الحتة نافش ريشي وفاتح صدري ..
أبو الرجالة بأة ..وجاب الولد.. وولي العهد ..
والأمور كلها ماشية تمام ..الولاد ماسكين الشموع ..وولي العهد
في الغربال تهزة حماتي ..وهي تقول ..
- أسمع كلام أمك ..متسمعش كلام أبوك ..
طنشت ولا كأني سامع حاجة ..وأنا أبتسم بغيظ ..ولكني لاحظت
زوجتي تلم الأولاد حولها ..وتحفظهم أغنية شادية ..برجالاتك ..
وفجأة ..وجدتني محاط بالأولاد وهم يلفون حولي بالشموع ..
وهم يغنون ..
- برجالاتك ..برجالاتك ..يا سلام سلم علي شرباتك ..
وفجأة وجدتها تقفز وسط حلقة الأولاد وهي تقلد شادية وتغني ..
- أسفخس عليك ..وع اللي جابوك ..
حمار الحتة ..صبح حمارين ..
هو الخالق الناطق ...أبوة ..
بس التاني ..باربع رجلين ..
********
اللي سمعتوة دة نقطة من بحر ..
ولذلك أوجة نداء الي كل الأزواج المفروسين في الأرض ..
قولوا ..أصرخوا ..أنفجروا ..تواصلوا معي قبل ما تجيلكوا ..
نقطة في النافوخ ..ولا شلل ..ولا ..ولا ..
