ليت الجروح تروح من داخل الروح

خالدالطيب

شخصية هامة

  1. ليت , الجروح , الروج , بروح , داخل

    ليت الجروح تروح من داخل الروح

    ليت الجروح تروح من داخل الروح

    واعيش في دنيا الهنا لو ثواني


    مليت من دنيا التباريح والنوح
    عانيت من جور الزمن والاماني


    أمسي ... واظن النزف يتبدل فروح
    واصبح ... ونااللي ماغديت بمكاني


    حظي يعاكسني على وين ماأروح
    فوق الشقا كاس المرارة سقاني


    دنيا الهوى لوعة وحرمان وجروح
    حارت بغبتها .. بحور المعاني


    نمشي ونتبعها على غير مصلوح
    لحظة تزين ... وتاليتها نعاني


    لي قصة فيها .. حروف على اللوح
    مدادها .. دمعي .. ونبضة حناني


    كانت بدايتها ترانيم ومزوح
    مع من بها قلبي وحظي رماني

    معها بدا عمري وردت لي الروح
    ومعها شعرت بلوعتي وامتهاني

    زال القناع وماحها خافقي موح
    ادوس قلبي لو سعى في هواني

    ذاقت من الدنيا صواديف وشحوح
    من عقب ماطافت جميع المواني


    وجتني .. ودمعه فوق الاجفان مسفوح
    تقول .. خذني من قساوة زماني


    في صوتها حسيت تعبير وشروح
    للي خفا بين الضلوع المحاني


    وبعينها سر الهوا بان مفضوح
    يقول : عفوك مالقيته كفاني


    بذكرى الليالي الماضية ليتك تبوح
    تسأل خفوق في ربيعه رعاني


    قلت : الخفوق اللي قبل كان به ضوح
    داجي صدودك من عذابه غشاني


    ذنب الوفي عنده على الطول مدموح
    ويبيع من هو باعني ماشراني


    وينك ... وانا انادي لما صرت مبحوح
    صوتي يردد في هواك الاغاني


    اليوم فات الوقت مافيه مسموح
    شوفي غشيم بعالم الحب ثاني


    هذا نصيبي بهم الاحزان مذبوح
    مأاعيش في دنيا الهنا لو ثواني

 
الوسوم
الجروح الروح تروح داخل ليت من
عودة
أعلى