ايفےـلےـين
من الاعضاء المؤسسين
إن جيت يا عيد صفّقنا وغنيّنا
----------- وانْ رحت ياعيد مانحزن ولا نشره
ياعيد: ياجرح يقتلنا ويحيينا
-------------- ( اظنيت قلب الفتى حتى انحنى ظهره )
ياعيد : بحر الفرح ماكان له مينا..
--------------- وش فيك ياعيد حديّته على صخرة؟
ياعيد : كان السحاب يغسّل ايدينا
--------------- واليوم يا عيد مايحمل ولاقطرة
ياعيد : كان الشتا يدفى بأغانينا
------------- واليوم مايدفي اضلاعه سوى العبرة
ياعيد عشنا طفولتنا بليالينا
----------------- طفولة الحب يوم الله كتب عمره
طفلٍ وطفله تغازلنا امانينا
---------------- ( قلوبنا بيض لا تحقد ولا تكره )
لا حِسْد لا زيف لا كذبٍ نبت فينا
-------------- نقول : لا,للشتات. ونحفظ العشرة
صغار واحباب والدنيا تمنّينا
--------------- ( ومن الجهالة تمنيّنا نصير أسرة )
طفلٍ وطفله وفي كم عام شبيّنا
-------------- وشبّت بنا احلامنا اللي جت على الفطره
وياليتنا ماكبرنا يوم حبّينا
----------- ياليت من حبّ ما يستعجله عمره
حلّ الفراق-ودعينا الله يدنينا
------------- من بعضنا البعض رغم البعد والهجرة
رغم القيود اللي ألتفّت حوالينا
----------------- اللي فرضها علينا الناس والقدرة
ياقدرة الله والله ماتناسينا
-------------- الحب توّه غرير وليّنٍ ظفره
الله ياعيد يومن كنت تلفينا ....
---------- ( وقت الطفوله ) بثوب العيد والغتره
كنت أجمل من الهدوم اللي تغطّينا
----------- واحلى من السُكّر اللي يغمر السفره
وأزكى من النفحة اللي في ايادينا
--------------- وأطيب من الطيب والريحان والزهرة
ياعيد لو جيت لا تنسى تعزّينا
--------------- في موت حلمٍ محاه الوقت من صُغره
حلمٍ توفى وهو يبكي وينعينا
------------------ بكى نهار النوى حتى انفجر صدره
ولونا ضحكنا وجاملنا اهالينا
----------------- ( نضحك ونمزح وكلٍ داخله جمره )
ياعيد لا تخدعك ضجة تهانينا...
----------------- ( حنّا نهنّي عشان الناس ماتشره )
----------- وانْ رحت ياعيد مانحزن ولا نشره
ياعيد: ياجرح يقتلنا ويحيينا
-------------- ( اظنيت قلب الفتى حتى انحنى ظهره )
ياعيد : بحر الفرح ماكان له مينا..
--------------- وش فيك ياعيد حديّته على صخرة؟
ياعيد : كان السحاب يغسّل ايدينا
--------------- واليوم يا عيد مايحمل ولاقطرة
ياعيد : كان الشتا يدفى بأغانينا
------------- واليوم مايدفي اضلاعه سوى العبرة
ياعيد عشنا طفولتنا بليالينا
----------------- طفولة الحب يوم الله كتب عمره
طفلٍ وطفله تغازلنا امانينا
---------------- ( قلوبنا بيض لا تحقد ولا تكره )
لا حِسْد لا زيف لا كذبٍ نبت فينا
-------------- نقول : لا,للشتات. ونحفظ العشرة
صغار واحباب والدنيا تمنّينا
--------------- ( ومن الجهالة تمنيّنا نصير أسرة )
طفلٍ وطفله وفي كم عام شبيّنا
-------------- وشبّت بنا احلامنا اللي جت على الفطره
وياليتنا ماكبرنا يوم حبّينا
----------- ياليت من حبّ ما يستعجله عمره
حلّ الفراق-ودعينا الله يدنينا
------------- من بعضنا البعض رغم البعد والهجرة
رغم القيود اللي ألتفّت حوالينا
----------------- اللي فرضها علينا الناس والقدرة
ياقدرة الله والله ماتناسينا
-------------- الحب توّه غرير وليّنٍ ظفره
الله ياعيد يومن كنت تلفينا ....
---------- ( وقت الطفوله ) بثوب العيد والغتره
كنت أجمل من الهدوم اللي تغطّينا
----------- واحلى من السُكّر اللي يغمر السفره
وأزكى من النفحة اللي في ايادينا
--------------- وأطيب من الطيب والريحان والزهرة
ياعيد لو جيت لا تنسى تعزّينا
--------------- في موت حلمٍ محاه الوقت من صُغره
حلمٍ توفى وهو يبكي وينعينا
------------------ بكى نهار النوى حتى انفجر صدره
ولونا ضحكنا وجاملنا اهالينا
----------------- ( نضحك ونمزح وكلٍ داخله جمره )
ياعيد لا تخدعك ضجة تهانينا...
----------------- ( حنّا نهنّي عشان الناس ماتشره )