قصيدة للشاعر : ياسر التويجري
يامعديـت الأدب ويـن الأصــول ..... ويامعتقـت العـنـب مانشتهـيـه
لونطـول الغصـن قلنـا مانطـول ..... ولـو نبـي سكـره قلنـا مانبـيـه
كـرم الله خشمـي الشـم الزعـول ...... وبيض الله وجهي المبيـض .. أيـه
وأن سألنـي مـن تطفلـه العـذول ...... وقال لي : يامكبـر الهقـوات ليـه
قلت مابه شخص يشبهنـي واقـول ..... يعطي المحتـاج فـي كلتـا يديـه
انوجدنا فالزمـن !! حتـى نـزول ..... والدروب اثنيـن محمـود وكريـه
النهايـه شـي مايعنـي الوصـول ..... والوصـول بمجملـه ماهـو نزيـه
والصبـر ماهـو مفتـاح القـفـول ..... دام ماللشخـص شــيٍ يحتـريـه
بين رفض العقـل الآخـر والقبـول ..... عقل ثالث مالـه اسـم إلا السفيـه
وإن بغينـا ناخـذ الدنيـا فصـول ..... الفصل بالضبط مثـل اللـي ياليـه
ماقتنعـت بفلسفـه غيـر الميـول .... كـل مـا مـال الخفـوق لمهتويـه
واحـدٍ يـروي معاطيـش الدحـول ..... لاتفجـر واغـدق العـذب ارتويـه
عالـيٍ يبـدع بتكتيـك الـنـزول ..... كـل ماحـول يـدوس معانـديـه
مابخـل إلا ليـا ذكـر الـرسـول ..... وهـو مسترخـي ولاصلـى عليـه
والحكم فـي مثـل هالحالـه يقـول ..... يعـذر النائـم ويسقـط مـزدريـه
أستتبـت الفكـر واعلنـت العـدول .... عن قرار الطعن فالـراي الوجيـه
لوعرفنـا نفتـح ابـواب العـقـول ..... كان نعرف نفتـح القـدس ونجيـه
شلت مدري !! بس شلت من الحمول ..... واستمريـت بعـذابـات المتـيـه
طاقتـي للحـزن تشبـه للكحـول ..... كـل ماافنـي كـاس ودي أبتديـه
ليـت رجمـي ماتريـث بالأفـول ..... وليت رجمي طاع يسقط من عليـه
وليتني ماصرت حل مـن الحلـول ..... كـل مـغـدي درب وده يهتـديـه
العصاء والخرج وخطـام الرحـول ..... والطريـق وكـل ضلـمٍ يحتـويـه
علمـن صـدرٍ المسافـات الملـول ..... كيف ضلعه كل مـا انفـل يحنيـه
الهـدوء إحسـاس تقتلـه الطبـول ..... والـفـراق الله يلـعـن والـديـه
يوتوب القصيدة
http://www.youtube.com/watch?v=TfMgmIF1dV0&feature=related
