روايه ودك تنامين نامي ...........كاااااااامله *رومنس سعوديه*

Dr.HAYA

من الاعضاء المؤسسين
روايه مره عجبتني وحبيتكم تشاركوني قرائتها


رح انزلها كامله





الشخصيات :.عائلة ابو سعود : عبدالله + باسمة
- سعود 25 سنة
- دلع 20 سنة
- سالم 18 سنة .. ثانوية عامة
- لينا 15 سنة .. ثالث متوسط

عائلة ابو عوض : صالح + منى
- عوض 25 سنة
- أروى 18 سنة .. ثانوية عامة

عائلة ابو غادة : ابراهيم + نورة
- غادة 18 سنة .. ثانوية عامة
- سمر 15 سنة .. ثالث متوسط
___________________________________

الجزء الأول :.

(( يوم الاربعاء .. 17 شعبان ))

( قدام المدرسة )

كانت أروى واقفة برى المدرسة كالعادة تنتظر أخوها يجي .. وجنبها كانت صديقتها غادة .. اللي كانت تنتظر السواق ..
أروى : أففف .. هذا وينه الحين ...؟؟ أكيد قاعد يسولف ويا ربعه ..
غادة : انا اوري شريفوو .. ان ما شلت آخر شعره بصلعته .. ما اكون غادة...!!
أروى : ليت عندنا سوااق .. كان انا الحين ف البيت .. مو هنا تحت الشمس ..!!
غادة : هذا انا عندي سواق وشوفي شلون ...؟؟
أروى التفتت على الحارس بعصبية : سمندرررررر ... ما في يجي أروى ..؟؟
دخلت غادة عرض : مافي يجي غادة ..؟؟
سمندر بكل غباء وبرود : مافي يجي لساااا ..

إلا وبيد تدف أروى وتسحبها من عبايتها ...
أروى : ووجع ... عوضووو لا تسحبني كذا قدام الناس ..
عوض وهو معصب يسحبها من يدها : انطمي وامشي بسرعة احسنلك ..
فهمت أروى انه معصب وواصلة معاه وانطمت ومشت بسرعة ...

ويوم وصلوا السيارة ....
عوض : بيجيك شيخ الحين وبيقول لك عطيني الكتاب .. عطيه الكتاب بدون ولا كلمة فاهمة ...
أروى مستغربة : شسالفة ..؟؟
عوض وهو خلاص واصل معاه : أفففف .. بعدين بتعرفين ..
راح عوض ورجع بعد دقيقة مع واحد مطوع ...

قرب الشيخ شوي : السلام عليكم ..
أروى : وعليكم السلام ..
الشيخ : لو سمحتي هذا اخوك ... ؟؟
أروى : أي نعم .. خير ...؟؟
الشيخ : عطينا كتابك لو سمحتي ...
أروى : نعم...؟؟ ليش..؟؟
الشيخ بصرامة : عطينا كتابك وبدون اسئلة .. يللا اشوف ...
أروى فتحت شنطتها وهي تافف : اففف .. طيب اعصابك ..
طلعت الكتاب وعطته الشيخ .. والشيخ بدوره قارنه مع كتاب كان في يده وكان مكتوب عليه نفس اسم الابو والعائلة ..
الشيخ : خلاص اركب السيارة .. ولا اشوفك مرة ثانية تسوي هالحركة ..
عوض : أي حركة ..؟؟ انا جاي آخذ اختي وانت تقول اني جاي اغازل ...؟؟
بالله عليك وش سويت انا....؟؟!!؟
الشيخ وهو يمشي : توكل على الله ..

دخل عوض السيارة معصب ووراه أروى ... وبدون ولا كلمة شغل السيارة ومشى ..

بعد سكوت طويل ..
أروى : ههه .. أخاف تكون مسوي حركة منا ولا منا .. ؟؟؟
عوض طالعها بنص عين : كلي تبن ..


( أكلمكم شوي عن اللي يصير .. أروى وعوض اخوان .. أروى صف ثالث ثانوي .. وعمرها 17 سنة .. طولها عادي .. بس شعرها كيرلي كشة .. ولونه بني .. وعيونها مكحلة .. يعني مررة حلوة .. اما عن طبايعها فهي انسانة ما يعجبها العجب .. ذوقها مرة غريب .. ومو سهل انها تخق على أي واحد ..
أما عوض .. اخو أروى الكبير والوحيد .. عمره 25 سنة .. ويشتغل في احد الشركات الخاصة .. طويل .. وضعيف .. وأسمر .. وخشمه ما بقول عنه سيف .. بس موب شين .. مقبوول ... وشعره ويفي .. يعني فيه تموجات .. ولونه اسود .. وعوض انسان متحضر ..يحب الكشخة مرررة .. ونادر ما ينشاف مبهدل .. وفيه صفة الغيرة .. يغار على اهله كثير وخصوصا اخته.. ويخاف عليها .. بس مايبين هالشي لانه دومه طق ومطاقق معاها .. وولا عمرهم اتفقوا على شي .. )



أروى مدت يدها وحطت على بانوراما ...
ورجع عوض غير وحط على ام بي سي اف ام ..
أروى : وعع .. بلا قرااوة!! رابح صقر!!!!
عوض : مالك دخل .. سيارتي وانا حر فيها ..
أروى : مالي دخل .. انا ما اقعد ف سيارة يغني فيها طير مخنوووق!!!
عوض : احسن من وجهك .. ماشفتي كشتك ..؟؟
أروى بغرور وهي تسبل بعيونها : عاجبتني ..
عوض : الحمدلله والشكر ..
أروى : زي شاكيرااا .. بامبوووووووو ..
عوض : جب جب .. ولا كلمة .. بتعتزل لو تدري عنك ..
أروى : زين بعلم ماما تظنز علي ..
عوض : علميها .. انا ما قلت غير الصدق ..
أروى : حرام عليك والله شعري احلى من شعرك ..
عوض وهو يمرر يده ف شعره بغرور : هه .. يصير خير ..
أروى تقلده : الحمدلله والشكر ..

وصلوا البيت ..

نزلت أروى تدخل البيت واول ما فتحت الباب قعدت تصارخ : مااااماااااااا... ترانا جينا ....
امها من فوق : لا تصارخيييييييين ... شوي شوي
أروى وهي تسحب شنطتها ع الارض وهي طالعة الدرج ومسوية ازعاج : فاااااااااااااتش شي خطييييييييييييييير .....!!
ام عوض ( ريم ): فاااتش!! وين كنتي انتي..؟؟
أروى: كنت ف جمس الهيئة .. هههههههه
أم عوض : ليييييش.....!!!
أروى بفتنة : اسألي ولدك؟؟؟ وش مسوي ..؟؟
ام عوض نزلت تركض ووقفت عند الباب وأروى تتفرج من فوووق وهي فاقعة ضحك على اللي بيصير ..

اول ما دخل عوض الا بامه ماسكته من اذنه وساحبته ..
عوض :آآآآآآآيــــــــــ ... يما اتركيني .. اذني حراام عليك ..
ام عوض تركته : قول لي وش مسوي الله يسود وجهك ...
عوض : وش سويت بعد ...؟؟!
ام عوض : اسألك انا .. جاوبني ..
عوض وهو خلاص ضايق مرررة : لا تسوين معاي هالتحقيق وش سامعة عني .. ؟؟
ام عوض : ليش كنت ف جمس الهيئة اليوم .. ؟؟ وش سويت .. ؟؟
عوض وهو يتوعد بأروى : انا اوريها أروووو ما قدرت تسكت يعني ..
ام عوض : لو تقرب عليها ذبحتك .. المهم ليش مسكوووك ..؟؟
عوض : اول شي .. ما ركبوني الجمس .. بس الشيخ مسكني .. يقول وش تسوي عند مدارس بنات؟؟.. وماتدري انها مدارس فيها متوسط وثانوي ؟؟ .. ويوم قلت له اختي هنا تدرس .. قال عطني كتابك وخل اختك تعطيني كتابها .. ويوم جات أروى .. اخذ كتابها وطابق اسم الوالد والعائلة وقال لنا توكلوا ..... والسلام عليكم ورحمة الله وبركاته ..
ام عوض : بس...؟؟
عوض : والله العظيم .. بس ..
ام عوض : طيب ييلا روح غير بسرعة عشان تتغدوا
عوض وهو يطلع الدرج : طيب ..
ويوم انتبه لاخته اللي كانت على راس الدرج قعد يركض وهو يركب : تعالي هنا انتي .. والله لا اوريك ..
أروى وهي تركض لغرفتها ... دخلت وقفلت الباااب وقعدت تضحك ..
عوض : طيب يا أروى .. ما يصير لك خير لو مسكتك ..
وراح لغرفته يغير ملابسه ...

 
(( بيت غــادة ))

( الساعة 6 المغرب )

( غادة صديقة أروى الروح بالروح .. وهم مع بعض من التمهيدي .. يعني صارلهم اكثر من 12 سنة مع بعض .. وكل اسرارهم عند بعض .. الفرق بينهم انه أروى مرجوووجة مرررة .. وغادة صح مرجوووجة بس مشكلتها مررة حساااسة .. وعاطفية بشكل كبير .. وينقال عنها رومانسية .. شعرها اسود سايح .. طويل .. وبيضا .. وشفايفها صغيرة .. بس الميزة الحلوة فيها انها جذااابة مرررة .. يعني الدلع فيها طبيعي من الله ... )

غادة وهي تلبس عبايتها : يا سمر ....... يللا بسرعة .. ترى والله عمي قايل لي ان تاخرنا ما بياخذنا
سمر وهي تركض وتلبس عبايتها : هذاني جيت .. بس باقي الصندل
غادة : مافي صندل ترى بروح عنك
سمر طلعت عيونها وشهقت : هيييييي .... يالخاينة تروحين تهايطين ف المجمعات بدوووني...؟؟!؟!؟!
غادة تحرك حواجبها : يس ..
سمر : اوووو مااااي قوووود ... محكووووم عليك بالحد بالسيف بكرة بعد أذان الفجر ..
غادة : اقووول اخلصي علينا يللا ...

( سمر اخت غادة الصغيرة .. محششة مررررة .. عمرها 15 سنة وتدرس ف ثالث متوسط .. وبايعتها .. مايهمها شي بالدنيا .. تشبه اختها شوي .. بس هي ادفش من غادة وماعندها الدلع حق اختها .. يعني بالشكل متشابهات والطبايع فرق السما والارض )

ركبوا السيارة ...
سمر : اقووول حبييييييييب ... ودينا بيت عمي محمد ..
حبيب ( السواق ) : انشالله عمتي
سمر : عمت عينك انشاللله .. وش شايفني ..؟؟
حبيب : سوري عمتي ....
سمر وهي بتطلع قرونها : شوف!!.. ويرجع يقول لي عمتييي!!!!
حبيب طفش : اوووووه .. وشو انتي ابغى انا قووول..؟؟
سمر : قول سموووووور فاهم ... ؟؟
غادة : خيييييير...؟؟!! هللي ناقص ..
سمر : مالك دخل انتي سنيوريتاااا ... ( نقزت قدام ) اقول حبيب
حبيب يهز رقبة : هلا سموووووور
غادة : وين قاعدين انتا وياها ...؟؟؟ انتبه للطريق وانطم ...
حبيب سكت ...
سمر تضرب كتفه بالخفيف وتهز رقبة زي الهنود : ما عليك منها هذي .. مخ مافي .. يعني مجنووووون ... شغل شغل بس اغاني ..
ضحك حبيب وشغل الاف ام الخليجية وكانوا حاطين اغنية سواها قلبي لأصالة ... وبدت الربشة والحالة ف سمر ... اما غادة فكانت ماخذة الوضع جد وتغني بأحلى صوت .. مسكينة تتخيل فارس احلامها .. خخخ

سواها قلبي يا حبيبي وحبك
ما طاعني وانا عن الحب ناهيه
الظاهر انه ما يبي غير قربك
عاف الجميع واول الناس راعيه

عليه لا اوصيك لاااا صار جنبك
صبح علييه بحب وبحب مسيه
نبضه وفاا والتضحية كان يعجبك
صافي ولكن مالقى من يصافيييه
سواااااااااهااااااااا...

الاخت سمر بدت ترقص ف السيارة بكل طاقتها .. ولا كانها ف سيارة!! ناسية كل من حولها .. اما غادة فكانت تهتز بهدوء وصوتها واطي وهي تدندن .. اما حبيب فهذا الله يخلف عليه .. مسكين ما يعرف غير سواها قلبي وكل ما تجي يقعد يصارخ باعلى صوته: سواااااااااااااااهاااااا كلبيييييييي


خلصت الاغنية وخلص المشوار بمجرد وصول السيارة قدام بيت عمهم محمد .. اكبر عم عندهم .. قعدت غادة تتعدل .. لزوووم الكشخة عندها مهمة مرررة .. اما سمر فما اهتمت .. على طول نزلت ودقت الجرس سبعين الف مرررة .. وما وقفت الا لما فتح ولد عمها ثامر الباب .. وهو لابس سروال السنة الابيض وفنيلة بيضا مغبرة ...

ثامر : اعوووذ بالله .. شوي شوي .. وش عندك خربتي جرسنا!!!
سمر وهي تدخل ولا عليها : اعووذ بالله منك.. جربان ما تسبحت!! .. (دخلت وما عليها ) ماعلينا .. دانة وعمي وين ...؟؟
ثامر : اول شي وعليكم السلام .. ثاني شي .. توني راجع كنت العب كووورة وما امداني ادخل غرفتي الا انتي مسوية تسونامي ف البيت وانتي تدقين الجرس .. نعنبووك ما تعرفين انه هذا الازعاج يرفع الضغط ؟؟
سمر : اففف .. ماراح ارد عليك .. لانه انا قصدي الاول والاخير ارفع ضغطك.. وبعدين اكس كيوووز ميي .. عندنا طلعة مانيب فاضية لك .....
ثامر وهو يقلدها : مانيب فاضية لك .. تكفين انا اللي ميت عليك.... !!
شوي الا تلف سمر وتقول وهي تصارخ : أي صح .. لاتسكر الباب .. بتدخل غادة بعد شوي ..
ثامر وهو يناظر السيارة : وينها ...؟؟
سمر تمشي وتصارخ اكثر : انتظرها قاعدة تتميكج وتتعدل .. تعرف دلعها ..
ثامر بصوت واطي : ع الاقل بنت .. مو زيك .. حشى ولا عن عشر رجااال ..

( ثامر ولد عم غادة وسمر عمره 22 سنة .. ثاني سنة جامعة .. ويدرس ف جامعة الملك فيصل .. قسم التقنية والحاسب الآلي .. شكله .. اسمراني .. وشعره ناعم شبه طويل .. واللي يميزه عن باقي العائلة انه عيونه عسلي فاتح .. وتجذب بشكل مو طبيعي .. اما صفاته .. انسان يحب البدو .. التراث يمشي ف عروقه .. وذوقه خليجي بحت .. محمد عبد وخالد عبدالرحمن ورابح صقر اشرطة لا يمكن يستغني عنها ف سيارته .. ومدمن مسلسل نمر بن عدوان .. ويقلد كل شي يسويه نمر .. حتى ف الكلام .. والتصرفات .. واغلب الاحيان لابس ثوبه المخصر الابيض .. واذا بغى يكشخ يلبس الشماغ .. خخخ )

نزلت غادة من سيارتها .. وقعدت تتمخطر لين ما وصلت للباب .. ويوم دخلت سمعت صوت ورى الباب فاخترعت ونقزت : يا ماااااااامااااااا
ثامر : هههه .. بشويش ... اخاف تموتين علينا ...
غادة : يا حماااار ... انت ثامر صح ...؟؟
رفع ثامر حاجب واحد : لا واللله !!! تستعبطين ..؟؟
غادة صدق مو فاهمة : لا والله ما استعبط .. انا دايم الخبط بينك وبين بندر .. أي واحد انت ...؟؟
ضحك ثامر وبعدها قرب وقال : طالعي ف عيوني وبتعرفين ..
غادة ما كانت تشوف ولاشي من تحت الغطا ..
غادة : أ.... ممم ... ما اشوف من تحت الغطا ..
ثامر بينت ابتسامة خبث على شفايفه بس ما انتبهت لها غادة : طيب .. مو مشكلة .. شيلي الغطا ...
غادة : لا والله!!! ... وش شايفني ..؟؟ وحدة من خوياااتك..؟؟
ثامر وخر شوي : أي خوياات؟؟ يا ماما انا ما عندي هالحركات .. بس .. بس .. اقولك .. روحي داخل احسنلك .. بتلقين عمي ودانة داخل ومعاهم الشيطان حقكم ..
غادة : شيطااننا ..؟؟!!
ثامر : أي .. سموووور الهبلة ..
غادة بضحكة رقيقة : ههه .. اوكي باي ..
ومشيت بكل دلع قدام ثامر ودخلت البيت ..
___________________________________


 
(( ف بيت ابو سعود ))
( الساعة 7 )

كانت قاعدة ف غرفتها .. ترتب المكتب العفسة .. وترمي الأوراق الزايدة لما اندق الباب ..
مشت بكل هدوء وفتحت الباب ...
شافت وجه منتفخ وخشم احمر كبير .. ودموع ما توقف ...
دلع بدهشة : لينا!! .. شفيك تصيحين ...؟؟
لينا من خنقة العبرة ما قدرت تتكلم .. فما كان من دلع غير انها دخلتها داخل وسكرت الباب ... وضمتها بقوة عشان تهدى ...

دلع وهي حاضنة لينا وتمسح على شعرها : خلاص حبيبتي .. اهدي شوي وفهميني وش السالفة ..؟؟

مسحت لينا دموعها بالمنديل وقالت بصعووبة : اهئ .. محد بيتزوجني .. محد .. اهئ اهئ ......!!!!!
استغربت دلع : ليش يالينا ...؟؟؟ ليش تقولين هالكلام ...؟؟

قعدت لينا على السرير وهي تصيح .. وما قدرت تتكلم ..
جات دلع وجلست جنبها : لينا حبيبتي .. قوليلي انا زي اختك..
لينا وهي تحضن دلع بيأس : انا .. ا... اهئ .. ز .. زدت 3 كيلو !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!

ومع هذا ارد ما قدرت دلع غير انها تفقع ضحك : كااااااااااااااااااااااااااااك ..... هههههههههههههههههه ..... الله يقطع ابليسك ... !!! خخخخخخ

لينا انقهرت : حماااارة .. لاتضحكين ... مافي شي يضحك ...!!!
دلع : ههه .. كل هذا وما في شي يضحك؟؟؟!! صدق من قال كلٍ على همه سرى ...... طيب وخير...؟؟ زدتي 3 كيلو شفيها ..؟؟

لينا : شلون شفيها .. شوفي شكلي شلون صاير ..؟!؟
دلع : قمر بسم الله عليك .. تجنننيييين .... !! والله انك حلوة يا لينا ...
لينا : صدق ...؟؟؟
دلع : والله العظيم .. أصلا انا اتمنى احصل زي خدودك الحمرا الحلوة ....
ابتسمت لينا : لا والله .. الحقوق محفوظة ..
دله : ههه .. شفتي .. يا حلاتك وانتي تضحكين .. اقول .. تبغي بكرة نروح السوق نشتري للعيد .. ترى ما بقى غير 5 ايام ...!!
لينا بحماس : أكيد .. ( تذكرت شي ) بس بدون العنكبوووت!!!
دلع : العنكبوووت ...؟؟؟!
لينا : اسم لماما جديد اخترعته انا وسالم امس ...
دلع بعتب : عيب تراها امك ....!!
لينا مو متهتمة وجاية بتطلع من الغرفة : wtv.. ع العموووم .. مشكوورة على تعديل النفسية يا احلى اخت ف الدنيا ..
دلع بابتسامة واسعة : العفو .. اني تاااايم ..

( لينا .. 15 سنة .. ثالث متوسط .. مدارس الظهران .. بنت دلوووعة مرة وناعمة .. وحساااسة بزياد .. ودايما تحب اللي يمدحها .. ويهتم فيها .. يمكن هالشي يرجع لانه امها مشغولة عنها باشغالها .. وما عطتها الحنان اللازم .. اللي تحتاجه .. وفوق كل هذا انها الحين في فترة المراهقة الصعبة .. بس لينا بنت تهتم بشكلها مرة .. ضعيفة .. وبيضا .. ودودها حمرا من الله .. وشعرها اسود قصير ومدرج ... )

طلعت لينا من غرفة دلع .. اللي تنهدت تنهيدة وراها ابتسامة على لينا ورقتها .....

دخل سالم الغرفة فجأة : اووووبس ... سوري ما دقيت الباب ...
دلع ابتسمت : لا عادي .. حياك سالم ..
دخل سالم بابتسامة مكر على وجهه وهو مخبي شي في يدينه الثنتين اللي ورا ظهره ....
دلع بشك : ها... وش عندك؟؟ .. هالنظرة ما تطمن .. ؟؟؟!
سحب سالم كرسي وقعد قدامها : شوفي وش جبت ...
مد يده وحط بوستر للاعب مالديني وواحد ثاني للاعب كاكا على السرير..

دلع : !!!!! وااااااااااااي يجننننننننننننننننن!! ... من وين جبتهم ....؟؟
سالم يحرك حواجبه : شارع الرياضة ...
دلع بدهشة : لا تقول ... سالم لا تقول .. لا تقول انك رحت هناك ....!!!
سالم يقهرها : توني واصل ...
دلع : حرااام عليييييييك ... ورا ما قلت لي اروح معاك ...؟؟!
سالم : ماعندي حريم يروحون هناك .. اقعدي ف البيت احسنلك ... !!!!
دلع حطت يدها على خصرها : يا سلااام ... وش معنى لينا تروح وين ما تبغى ...؟؟ وهالكلام علي اا بس ...؟؟!
سالم : لينا بزر .. بس انتي كبرتي .. خلاص .. لا تزوجتي خلي زوجك يوديك ....




..............: في واحد عاقل بيخلي القمر يطلع من البيت ....؟؟!

التفت سالم لمصدر الصوت

سعود دخل بكل وقاحة : سوووووري ... مادريت انه في شي اسمه .. أ ... ( طالع فيها ) الباب .. !!

دلع بدون اهتمام : مرة ثانية اعرف انه في بيبان ف البيت .. ولا ليش حاطينهم احنا....؟؟؟
سعود بقهر : انتي انا ابغى افهم .. ليش متلزقة بسالم 24 ساعة ؟؟.. لايكون حاطة عينك على سالم ..؟؟ تراه اصغر منك عشان يكون ف علمك ...

سالم بدهشة : انت وش تقول ...؟؟ صدق موب صاحي ...
سعود ماشال عينه عن دلع : انا اللي موب صاحي ..؟؟ ماتشوفها هي شلون تعاملني..؟؟ كاني ماكل حلالها !! ماكنها هي اللي ف بيتنا وتاكل من اكلنا وتشرب من شربنا ...!!

سالم بتهديد : سعود .. كف شرك احسنلك .. !!
سعود بسخرية : هههااااي .. وش بتسوي يا بطل .. لا يكون بتكفخني ..؟؟ ولا بتعلم امك عني...؟؟ ما بقى اللا البزران يتكلمون ...

سالم : انتــــ...........
قاطعته دلع : سالم عيب .. مهما كان .. هذا اخوك الكبير ولازم تحترمه ..
سالم : ما تسمعين وش يقوول...؟؟
دلع : معليش .. اتركه .. مهما سوى .. خلك محترمه ..

طلع سعود من الغرفة وهو يضحك ويستهزئ ..

سالم : هذا انا مدري شلون تتحملين كلامه ...
دلع تنهدت : الله يهديه .. بعدين انا ما اعطيه وجه .. كلامه يدخل من اليمين ويطلع من اليسار ..
سالم : دلع .. تكفين لا تشيلين بخاطرك ...
دلع تحاول تغير الجو : بشرط .. تعطيني البوستر حق مالديني ..
سالم : ههه ... ما يفوتك شي... ابد ..

_______
 
(( ف بيت ابو عوض ))

( نفس الوقت )

طلع عوض من غرفته مستعجل وهو يلبس شماغه .. وشافته أروى اللي كانت تتكلم بالتليفون مع بنت عمها ريم ..

أروى : يوووه .. هذا وين رايح..؟؟ ما قل بيوديني السوق اليوم...؟؟
ريم : مين..؟؟
أروى : عوضوووه .. لحظة بس ... عوضوووووه ..

عوض : وجع!! ... شتبين...؟؟
أروى : وين رايح ..؟؟ ما قلت بتوديني السوق اليوم ...؟
عوض : روحي مع امك .. مانيب فاضي ..
أروى برطمت : عوض حرام عليك .. تدري امي ذوقها وععععع ..!!
عوض : يا أروى .. صديقي طالع مع اهله ولازم اغطي مكانه ..
أروى : اففف .. وانت ليش ما يغطي احد مكانك .. ؟؟؟
عوض : لانه مافي احد غيري وغيره مسؤول عن اعلانات الشركة... لا تجننيني .. بكرة بوديك ..
أروى : اففف ... طيب ..

ورجعت تكلم تليفون ....

أروى بزعل : الووو ...
ريم : ها شصار ........؟؟؟
أروى : اففف ... بذبحه ..
ريم : ليش..؟
أروى : بيروح يغطي عن واحد من ربعه ف الشغل .. وانا بكرة بيوديني ..
ريم : حظك!! ... مو زي رائد اخوووي ... تصدقين ما شفته اليوم!!!
أروى : قولي والله!! .. هذا وين يروح ..؟؟
ريم : شدراني عنه ...؟؟ 24 ساعة برى ..
أروى : لا والله عوض اهون .. صح احيان نذل .. بس فيه طيبة وحنية .. علي انا بس ..
ريم بتنهيدة : ليتني اخته ...
أروى بخبث : قولي تحبينه وخلصينا ...
ريم : لا والله .. انا ما يعجبني اخوك ابد .. واعتبره اخو لا اكثر
أروى : امزح معاك صدقتي..؟؟... اصلا عوض ولا عمره بيحب وحدة .. مشاعره جامدة ..
ريم : كااااك ... قلب من حديد ...
أروى : بالزززبط .....

___________________________________

(( بيت ابو بندر ))

( الساعة 11 بالليل )

كانوا البنات توهم راجعين من السوق ويريحون ف غرفة دانة ... والاكياس مرمية ف كل مكان ف الغرفة ... والكل منسدح على اليري .. الا سمر ع الارض ..
قالت سمر : اقول دانة ...
دانة : همممم ...؟؟
سمر : ف ايش تفكرين من الصباح..؟؟ من اول اشوفك سرحانة ..
دامت دانة وتعدلت ف جلستها : شفتوا اللي كان يلحقنا ...؟؟
غادة : أي واحد ؟؟
سمر : ما اذكر ... كان في كثير رجال ف المجمع .. اوصفي ..
دانة : ذاك اللي شعره طويل لكتفه ولابس بلوزة سماوي وبنطلون جينز ..
غادة : أي صح .. اللي بغى يصدم فيك وقال سوري ...
دانة : ايووووووه .. هذا هو ...
سمر : المهم شفيه ...؟؟
دانة وهي متوترة : صارله كم يوم يلحقني للجامعة .. ومن الجامعة للبيت .. ومن البيت لاي مكان اروحه .. ما اشوفه غير بوجهي ....
سمر : نشبة!!!!
غادة : يماااا ... شلون تقدرين تطلعين ..؟؟
دانة : والله انا لما اطلع احط يدي على قلبي .. بس لما اشوفه .. اتطمن .. لانه ما يسوي لي أي حركة .. او حتى يكلمني .. بس المشكلة انه وراي دايم .. وين ما اروح موجود ..
غادة : انتبهي ... اخاف يسويلك شي ... هالناس ما يتامن لهم ..
دانة وهي تفكر : أي والله .. بس ما اعرف وش يبغى مني... ليش يلحقني..؟؟
سمر : طيب اسأليه ...

دانة وغادة فتحوا عيونهم ع الاخير ..!!!!!

( دانة بنت عم غادة وسمر .. تدرس رابع سنة وآخر سنة ف الجامعة .. تخصص طب .. بنت شاطرة ودافورة ومؤدبة .. ومشكلتها الطيبة الزايدة ورقيقة مرة .. وتراعي مشاعر الناس ... عمرها 24 سنة .. طولها عادي .. وشعرها اشقر مصبوغ طبعا .. ومتابعة الموضة اول باول .. ودايما انيقة .. )

غادة : انتي شتقولين ..؟؟!! .. يا مامي .. والله يخرع ..
دانة : ههه .. سمر انتي موب صاحية .. استخفيتي...؟؟
سمر : لا والله .. اساليه ايش يبغى .. وليش يلاحقك...؟؟
دانة بخوف : لا لا لا لا .. انا مالي دخل .. بحقره .. وهو شوي شوي بيزهق..
غادة : ليش ما تكلمي عمي احمد ...؟؟
دانة : انتي مجنونة ..؟؟ مالي خلق مشاكل .. وبعدين كيفه .. انا بحقره ولا كاني اشوفه ..
سمر : انتي وريني اياه وانا بتصرف معاه
دانة : انتي وحدة عقلك متبرّي منك ...

اندق الباب ...

دانة : مين ...
ثامر من ورى الباب : يللا انزلوا تقول امي حطوا العشا
دانة : طيب خلاص روح واحنا الحين بننزل ..
ثامر : اوكي ..

التفتت دانة على غادة وسمر : يللا تنزلو ا
سمر : يللا ..

نزلوا تحت وقعدوا ف الصالة على السفرة ...

وبعد الأكل ..

رن جوال غادة وردت ...
غادة بدلع : الوووو... هلا باحلاهم .. هلا بشيخهم كلهم
التفتت سمر وعيونها مفتوحة ع الاخير .....والكل كانت هالنظرة على وجهه
غادة : طيب بس شوي....... الله يخليك .. مو الحين .. طيب .. اوكي
من عيوووني انا ... فديتك .. باي

ام ثامر : من تكلمين ..؟؟
غادة : بابا حبيبي .. فديته يقول ارجعوا الحين ..
الكل هدت ملامح وجهه ..
ام ثامر : بدري
غادة : مدري يقول خلاص تاخر الوقت .. قومي سمر ..

............: تغطوا ....
ام ثامر : ادخل ادخل احمد ... حياك محد غريب ..
تحجبت ام ثامر ودخل احمد وشاف غادة وسمر يلبسون عباياتهم ...

أحمد : وين وين .. بدري .. ما قعدنا مع بعض ... ؟؟؟
سمر : بنروح البيت .. ابوي اتصل ويقول تعالوا ...
احمد بابتسامة : وبتروحون بدون ما تسلمون على عمكم حبيبكم ...؟؟

ضحك الكل ونقزت غادة تسلم على عمها ...

غادة : فدييييييييييتك .. مايهون علي اروح بدون ما اسلم عليك ..
أحمد بخقة : ياويلي ... كل هالحب لي...؟؟؟
سمر : اييييي .. انتي .. ذبحتي الولد
أحمد : ولد بعينك .. انطمي اشوف لا يجيك بوكس يطيرك ..
سمر قامت : واحنا نقدر على زعلك يا شيخ الشباب كلهم .. انت الكل بالكل ...
أحمد بنص عين : حلوة الترقيعة .. لا تعيدينها ..

( أحمد .. العم الفلاوي .. يجنن .. يخقق .. روووعة .... حلو بشكل مو طبيعي .. هذا غير روحه المرحة والطيبة الزايدة اللي فيه .. اللي تخليه فارس احلام كل بنت ..عمره 26 سنة.. اسمر وخشمه احد من السيف .. عيونه بنية بس فيها سحر غريب .. شعره اسود .. أحمد مو مرة اوروبي .. ولا مرة قروي .. وسط .. يجمع التراث بالاسلوب الاجنبي .. احيان يلبس ملابس عادية .. واحيان ثياب .. والاثنين طبعا يليقون عليه .. )

قعد أحمد ع الكنبة وقعدت جنبه غادة اللي تموووت عليه .. وبالنسبة لها هو احلى واحد ف العالم .. ومن الجهة الثانية قعدت دانة اما سمر فقعدت قدامهم تطالع تلزق غادة ودانة بعمهم ....
 
سمر : مشكلة اللي فاقدين الحناااان ..
قعد احمد يمسح بيده على شعر غادة بحنية : شعرك طول
غادة ابتسمت : حلو صح..؟؟
احمد : يجنن!!!

دق جوال غادة وقامت بدلع يخلي الواحد يشتهي يذبحها عليه : الووو
بابا حراام عليك .. والله تونا .. بليـــــــــــــز!!!!!!

احمد اخذ التليفون منها : الوو .. هلا والله .. هلا بشيخ الكل .. شخبارك ..؟؟ وش علومك..؟؟ وينك يا رجال ..؟؟ ماتنشاف... ها..؟؟ حرام عليك خليهم ..تونا واصلين من السوق ... ما امداني اقعد معاهم شوي .. اشتقت لهم مررة .. تعال انت واقعد معانا ... اي خلاص .. لا خلصوا انا برجعهم.. لا لا لا .. ما بخليهم يرجعون مع السواق آخر الليل لا تخاف .. خلاص انشالله .. لا توصي حريص ...مع السلامة

احمد : احم احم .. رضى لكم تقعدون بشرط انا اللي ارجعكم البيت
من الفرح نقزة غادة على عمها وباسته على خده ..
احمد : ما اقدر عليك يالدلوووعة .. والله انك عسل ..
سمر : لاتنخدع هالاسلوب ما يطلع الا قدامك .. شوفها بالبيت دومها مكشرة ومو عاجبها شي .. واذا احد كلمها تخمش وجهه لين ما يطلع الدم
احمد : قولي والله
سمر : اسالني انا اللي عايشة معاها ..
غادة : كذااابة .. والله شلاخة يا عمي ..
دانة : ههههه ويويوووو فشلوها فشلووها ..

ام ثامر : يللا تصبحون على خير انا رايحة انام .. خذوا راحتكم ..
احمد باحترام : وانتي من اهله يا ام ثامر ..

وقعدوا على السوالف والضحك ...

( بعد ساعة )

دخل عليهم وهو تعبان والشماغ على كتفه وكان منزل راسه ..
بندر : السلااااااااااااااام ..
احمد : اطلع اطلع .. بنات محمد هنا ..
تراجع بندر بسرعة وعلى طول دار وجهه : آسف ما دريت انكم موجودين ..
سمر وهي تطلع الدرج : لا عادي .. خذ راحتك ..

المهم طلعوا البنات وطلعت وراهم دانة ..
وبندر دخل وقعد ف الصالة : السلاااااااام
احمد : وعليكم السلام ...
بندر : سوري ما ادري انهم كانوا موجودين
احمد : انتبه مرة ثانية .. شفيك تعبان..؟؟
بندر : لا بس وقفت علينا سيارة خويي .. ونزلنا دفيناها طول الطريق واحنا ندفها .. وانكسر ظهري ..
احمد : يوووه .. مساكين .. من هذا ..؟؟
بندر : سلطان .. مسكين مدري وش صار ع البطارية ووقفت فينا السيارة .. بس اشوه ما كنا بعيدين مرة ..
احمد : وين رحتوا ...؟
بندر : رحنا ستاربكس على كورنيش الخبر .. وزححححمة ..
احمد : اكيد اول يوم اجازة كل الناس برى ..
بندر : أي .. الا وين ثامر .. ؟؟
احمد : ف غرفته .. انتبه لاتروح فوق لايكون وحدة من بنات عمك موجودات..
بندر : تراهم بنات عمي .. مو بنات احد غريب ..
احمد : ادري .. حتى لو .. تراهم كبااار ..
بندر : الحين سمر هذي تعتبرها كبيرة .. ترى صوتها واصل لبرى وانا جاي .. بس حسبتها دانة ..
احمد : ههه .. حليلها .. المهم بتروح تنام الحين ...؟؟
بندر : أي والله .. تعبان مرة ..
احمد قام وقال بصوت عالي : بنااات .. طريق ترى بندر بيمر
دانة من فوق : خليه يمر محد ...

بندر : يللا تصبح على خير .. تآمر على شي احمد ؟؟
احمد : سلامتك روح ارتاح .. وانت من اهله

طلع بندر الدرج وراح غرفته .. وبعدها كملوا البنات سوالفهم مع عمهم شوي وبعدها رجعوا البيت معاه ..


@@@@@@@@@@@@@@@@@@@@@@@@@@@@@@@@@@@@@

(( اليوم الثاني .. الخميس .. 18 شعبان ))

( الساعة 7 الصباح )

وقف احمد سيارته ولمح واحد برى السيارة ينتظره .. ابتسم .. يا حليله عوض .. يخلي الواحد مستانس حتى لو ما شبع نوووم ...

وقف السيارة ف الموقف ونزل يسلم عليه ..

عوض : صباح الخير يا نوّاااااااام ...؟؟ ما شبعت نوم كالعادة ..
احمد : وش نسوي .. امس بنات اخوي سهروا ف بيتنا ونمت متأخر ..
عوض : اهاااا .. حلت لك السهرة وانت مو مداوم ...
احمد : ههه .. احسك كرفت امس لين قلت بس ..
عوض : معليه تعوضني بعدين ..
احمد : ولا يهمك .. طلعة للبحرين على كيف كيفك ..
عوض يرفع يده للسما : يا كريم انتا ... الله لايحرمنا منك ..
احمد : ههه .. وش فيها العجوز تدعي ...؟؟

عوض : امشي ندخل لا يسجلنا السيكيوريتي تأخير ... بعدين بابا عبدالله سوي جنجاال ..
احمد : خخخخخخخ جاكم الهندي وما شي يعيقه .. عوضوو اليووم وخر عن طريقه

دخلوا الشركة .. وتوجهوا لقسم الاعلانات ف الدور الثاني ...

ولما وصلوا راح عوض وقعد على مكتبه يشوف الحوسة اللي عليه ..
عوض : يوووه .. وش هالحوووسة؟؟!! من وين جات هالاوراق ..؟؟!
واحد من الموظفين : ههااي .. الدور عليك اليوم ... شد حيلك يا بطل ..
عوض باستغراب : ليش..؟؟
الموظف : لانه الحبيب سعود ما داوم ولازم واحد يستلم شغله .. واليوم دورك ...
عوض : خير..؟؟ على كيفه هذا ..؟؟؟
الموظف : مو على كيفه .. على كيف ابوووه!!
احمد كان قاعدعلى مكتبه ويسمع اللي يصير : كاااااااك ... شكلك اليوم بعد بتداوم بالليل ...
عوض : لا تقول!! .. حرام وعدت اختي اوديها تتسوق للعيد .. ما بعد اشترت شي .. امسك مكاني احمد ..
احمد : مين انا ..؟؟!! لا لا لا لا انا مالي دخل ..

عوض قام وراح لمكتب احمد وتسند عليه : يللا عاااااااد ... (وطى صوته ) امس انا مسكت مكانك .. وحدة بوحدة .. محد بيدري ..
احمد بعد تفكير : خلاص طيب .. امرنا لله ..
عوض : احبك احبك احبك ..
رفع احمد حواجبه متنرفز : انقلع لمكتبك وكمل شغلك لا بالدباسة هذي بوجهك .....

___________________________________
 
(( ف بيت محمد .. ابو بندر ))

( الساعة 11 الصباح )

دخلت الغرفة وهي معصبة .. صارلها ساعة وهي تدق على الباب .. ومحد رضى يفتح .. فقررت تجيب المفتاح السبير اللي بغرفتها وتدخل تهزئهم ..... واول ما فتحت الباب .. شافت الملابس مرمية ف كل مكان .. والريحة حقت التشيبس والبوب كورن والاكل .. فايحة بشكل قوي .....

ام بندر وهي مصبة : بنننننندر .... ثااااااااامر .... قوموا اشوف حسبي الله عليكم على هالمزبلة .....!!!

راحت عند بندر واخذت كاسة الماي اللي على الكومادينا وكبتها عليه .... قام وهو خايف ....

بندر وهو يلتفت مرتعب : ها...؟؟ وش صار ....
ام بندر بعصبية : قم جعلك ما تفيق انشالله

تنهد بندر ومسح وجهه باللحاف وقال وهو يحاول يبتسم : فديتك يالمعصبة .. صباح الخير
ام بندر : أي صباح؟؟؟ الساعة 11 .. قوموا اشوف انت وياااه ..... ثاااامر ... قوووم يللا!!!

ثامر:....................نايم ولا عطاها وجه ....

راحت ام بندر معصبة وشالت اللحاف ودفته بقوة لين ما قام .....

ثامر وهو مسكر عين وفاتح عين : ها.....؟؟؟ شفيكم بعد ...؟؟
ام بندر : وش فينا يعني...؟؟ مابقى كم يوم للعيد وورانا شغل قد الدنيا ....قوم اشوووف
بندر وهو طالع ينشف وجهه بالمنشفة : شغل.....؟؟ أي شغل...؟؟
ام بندر : ومن اللي بينظف هالحوووش الوصخ ...؟؟ الجني...؟؟

ثامر وبندر متفاجئين: هاا....؟؟
ام بندر : لا تطالعوني كذا ...!! أي بتنظفون الحوش بين ما انا اروح انقي مع ابوكم الستاير حقت مجلس الرجال الجديد .. ولما ارجع ابغى اشوف الحوش يلمع ...

بندر وهو يتمطط : يصير خير ...
ام بندر : والله ترى ابوكم بيذبحكم لو ما نظفتوه ... نظفوا الجدران .. والارضية .. وقصقصوا الاشجار .. وغسلوا السياراة .. فاهمين ...؟؟
ثامر : هادر ماما في شي تاني...؟؟
ام بندر وهي طالعة : لا مافي ...

وتركتهم وطلعت من البيت ........

بندر وهو يقعد على السرير : من جدها هذي ولا تمزح؟؟؟
ثامر وهو يفرك وجهه ويحك شعره : ما تعرف امك يعني...؟؟ قوووم بس خلينا نخلص شغل ..... ونرجع ننام

بندر بعد تفكير رسم على وجهه ضحكة واسعة .....

ثامر مستغرب : شفيك انت بعد ...؟؟ لا يكون ملبووووس .....!!
بندر : لا يالغبي .. جاتني فكرة ..... رهيييييييييييييبة
ثامر : وايش هي... يا ابو الافكار ...
بندر قام : سوي اللي اقول لك عليه ووالله لا نستانس بغسيل هالحوووش ...
ثامر : ماني فاهم عليك ....
بندر : البس وخلص والحقني ...
ثامر : طيب ...

طلع بندر من الغرفة ودخل المطبخ .. يشرب له كاسة كابتشينو ...

( بندر .. انسان دلخ بس كووول مرة ... ذوقه اجنبي .. الا اذا كان الموضوع لفنان العرب .. متحرر ومواكب العصر .. كل يوم له جوال وموضة شعر وملابس .. ويهتم بشكله مرة .. هاليومين عنده شنب بدون لحية .. وزلفه مرسوووم بطريقة دقيقة .. والشعر قصير ومرتب .. وللمعلومية .. مرقم نص بنات الشرقية .. وهو اخو ثامر التوأم .. وهو اكبر طبعا من ثامر ..بدقيقة ولا ثنتين .. وعلى فكرة .. تراه من عشااق الكابتشينو )

وبعد شوي نزل ثامر ...

بندر : وين وين وين بتروح انت ...؟؟ ليش لابس الثوب ...؟؟ اقولك بننظف الحووووش ... ما بنروح نهايط .....!!
ثامر : مالك دخل انا متعود البس كذا .. حتى ف البيت ..
بندر وهو يبوس يده : الحمدلله والشكر .... امشي يللا
ثامر : وانت وين رايح كذا...؟؟ لايكون المسبح...!!!
بندر يقلده : مالك دخل انا متعود البس كذا ...
ثامر رفع حاجب : قصدك متعود تتفصخ وتطلع بدون فنيلة مع ذا البرمودا ... !!!!
بندر : وش عرفك انت بالموووضة امشي بس ياخي ..

طلعوا برى والشمس كانت حااارة مرة ...

ثامر : اوووف ... وش هالحر ....!!!
بندر : قلت لك .. البس زيي ما رضيت ...
ثامر : اموت ولا اسوي استعراض البحر حقك هذا .....!!
بندر : كيفك .. المهم .. جيب المسجل بسررررررعة مع الاشرطة ....
ثامر : طيب ...

راح ثامر يجيب المسجل اما بندر .. فراح وفتح البوابتين حقت البيت .. وصار الحوش مكشوف للشارع .. وفتح بعد الكاراج حق السيارات الثلاث الموجودة ... وصار البيت مكشوووف مرة .. يعني كل من يمر يشوف اللي داخله ...

رجع ثامر ومعاه المسجل والاشرطة وشاف البوابات والكاراج مفتوحن ع الاخير ....

ثامر : هذا المسجل ... ليش فتحت كل شي....؟؟؟ ناوي تفضحنا .....!!
بندر : اصبر علي شوي .. وبتعرف ليش كل هالاشياء ... اشوف وش جبت ....؟؟
ثامر وهو يعطيه الاشرطة : هذا المسجل .. وهذي الاشرطة ....

بندر قعد يشوف الاشرطة اللي جابهم ثامر .. محمد عبده .. رابح صقر .. خالد عبدالرحمن .. وغيرها الكثير من الاشرطة ...

بندر : ما قلت لك ابغى شريط قروي!! قلت أشرطة زي العالم والناس ..
ثامر وهو يرفع ثوبه ويربطه على خصره زي الهنود : والله هذا اللي عندي ..
بندر : طيب لحظة ...

راح بندر .. فتح سيارته وجاب منها شي .. ورجع ...........

ثامر : وش جبت..؟؟

بندر شبك المسجل باقرب فتحة كهربا ف الصالة .. وعلا الصوت ...
وطلع وقف جنب ثامر ...

وبعد كم ثانية من الصمت .. ارتفع الصوت ...

سوي كنك ما دريت وبوسني ...
وسوها ثاني على انك تعتذر ..
وقول آآآآآآآآسف ما انتبهت وضمني ...
والعذر مقبول ولك مني شكر ...

فتح ثامر عيونه ع الاخير وقال : يالكلب !!.. نزل الشريط ..؟؟ ورى ما قلت لي..؟؟
بندر بخقة : حلو صح ....؟؟ ادري ... ههههه

وقعدوا الاثنين المهبل يرقصون ف الحوش قدام الرايح والجاي .. وكلن يطالع فيهم ويضحك ...

كرر الغلطة معايا وخلني..
انتظر عذرك بكل فارغ صبر..
جيبني ثم ودني ثم جيبني..
من حدوود الشمس لحدوود القمر..

من الحماس مسك بندر الهووز حق الماي وفتحه على اقوى شي وقعد يرش كل شي ف الحوش بشكل عشوائي.. واللي يطالع البيت من فوق يعتقد انه حاطين نافورة جدة فيه ...

وبعد كم دقيقة لحقه وثامر ومسك هوووز ثاني وقعدوا يرشون بعض .. وسووا فيها بحيرة مائية ..... غرقوا فيها البيت .. وبعدها جلسوا يتزحلقون ع الارض ..

وين ماتبغى فديتك ودني...
خادمك يا سيدي تحت الامر....
وهد حيييييييييلي بالغرام وهدني...
والله اني ناذر لحبك نذر ....

ثامر وهو يصارخ : اقووول .. خلينا نشتغل لا تجي العجوووز وتذبحنا
بندر : أي صدق يللا

وقعدوا ينظفون وهم يستانسوون بالاغنية ويميلون معاها يمين يسااااار ...

تكفى بعثرني شظايا ولمني..
في كفوووفك يا بعد كل البشر ..
وراح اسوييي كني دخت وضمني ..
وراح اقووول امزح وابوسك واعتذر ..

بندر وثامر : سوي كنك ما دريتـــــــــــــــــــــــــ
بندر : وبوسني ...
ثامر : عاشوووووووووووا .... ونااااااااااسة ... ووووووووووووووووووو
بندر : ههههه حماس هالاغنية .. يللا حط لنا شريط راشد وعلي الصوت ع الاخير ..

___________________________________
 
(( بيت ابو سعود ))

( الساعة 12 الظهر ))

كانوا لينا ودلع ف الصالة .. ومعاهم سعود اللي كان ماسك جواله وشكله يدل على انه يسوي شي مهم .....
لينا لدلع بصوت واطي : شوفي هذا .. تلاقين قاعد يراسل خويته اللي ف عرعر ..
دلع : هههههههه ..

رفع راسه سعود وطالع دلع بنظرة ما تنفهم وبعدين رجع نزله وقال : دلع .. قومي جيبيلي ماي ...

لينا : لاوالله ... ما عندك رجووول ..؟؟
سعود : من كلمك يالملقووفة .. قومي عدلي كشتك بس ... تخرع بلد !!

على طول لينا قامت تركض لغرفتها لانه اكره ما عندها احد يتطنز على شكلها ... فقامت تتاكد ..

سعود : وانتي .. انا ما قلت ابي ماي ... ؟؟

تنهدت دلع وقامت ..

سعود : ههههه والله مسخرة هالبنت .. !!

رجعت دلع ماسكة كاسة ماي .. وجات بتعطيها سعود .. بس سعود كان حاط رجله ف طريقها .. عشان كذا جات بتطيح بس مسكت عمرها .. اما الماي فانكب نصه على جوال سعود ..

سعود معصب وهو يقوم : انتي ما تطالعين ..؟؟ عميا !!
دلع بانفعال : انت اللي حاط رجولك ف الطريق ..
سعود : يعني مري من فوقها .. فتحي عيونك انتي وتمشي ...


سعود : والله الاعمى يعرف يجيب ماي احسن منك ..

تركها وطلع على غرفته على طول .... اما هي فقعدت ع الكنبة والصيحة بحلقها ..

دخل سالم ....
سالم : السلاااااااااااااااااااام ..
دلع تبتسم مجاملة : وعليكم السلام .. تقبل الله ..
سالم وهو يجلس ع الكنبة اللي قدامها : منا ومنكم .. سعود هنا...؟
دلع : أي ..

شاف سالم انف دلع احمر والكلام بالغصب يطلع ...

سالم بشك : قال لك شي صح ...؟؟
دلع :...............سكتت .. اكتفت بدمعة ..
سالم قام معصب : انا اوريه هالحيوان .. والله ما يصير له خير اليوم ..
دلع بانفعال :والله العظيم ان كلمته لا تكلمني بعدها ولا اكلمك ..
سالم : بســـ..
قاطعته : لا بس ولا شي .. المشكلة بيني وبين اخوك جاء لا تتدخل يا سالم .. ما ابغاك تتهاوش مع اخوك الكبير عشاني .. خليه على قد عقله ..
سالم : طيب خلاص ..
دلع : مو طيب وتروح تتهاوش معاه ...
سالم : خلاص انشالله ما يصير خاطرك الا طيب ...

___________________________________


 
(( بيت ابو بندر ))

( بعد ساعة )

لا ينشغل بالك
وش قالوا عذالك
لاتتعب تدور
مين اللي قال لمين
حنا كذا "حلويييييييييييييييييييييييييييييييين"

وعلى انغام وكلمات اغنية حلوين لرابح صقر .. خلصوا بندر وثامر تنظيف السيارات على الشارع برى البيت .. وطبعا خلوا الشارع يفيض بالماي ..

بندر وهو ينشف سيارته : اخييييييييييييرا .. ما بغيت اخلص ... ثامر خلصت ..؟
ثامر يعدل شكله على مرايا السيارة : انا خلصت قبلك .. فديتني وفديت الانفينيتي حقتي ..

بندر وهو يرمي المنشفة على الارض ويحرك حواجبه : هههه ... تراها انفينيتي .. ما تجي نص اللكزس اللي عندي ..

مرت بنت منقبة وضعيفة تتمخطر من قدامهم على الرصيف ....

ثامر لبندر : اللللللللللللللحق ....
بندر انهبل وقال وهو يصارخ : يا حلو يا ثامر .. يا قمر انت ..
ثامر يصارخ : هلا والله .. آمر انت يا عمري
بندر يطالع البنت اللي تمشي وبياكلها بعيونه وهو يقول بصوت عالي : ثامر يا حلو .. سجل عندك رقمي .. صفر .. خمسة .. خمسة .. *******
ثامر : وصل .... ابشر بعزك .. انتظر مني مكالمة طيب...؟؟
بندر : على احر من الجمر يالحبيييييييييب ...

التفتت البنت عليهم وعطتهم نظرة غرور ومشت ...

بندر لثامر : فدييييييتهاااا .. شفت شلون تجنن ... عيونها ذباااحة .. تقول سهااام ..
ثامر : خخخخ .. شفت شكلها وهي معصبة .. كانت بتكفخك ..
بندر بحالمية : ظرب الحبيب .. زي اكل الزبييييييييب ..
ثامر : روووح يللا عاااد ..

مرت بنت مبرقعة على الرصيف تمشي بدلع ..

بندر لثامر : الللللللللحق .. دورك يا بطل ..
ثامر يطالع البنت ويقول لبندر : حبيبي يا بعد جبدي يا بندر .. يا عين ابوي اانت .. سجل عندك ..
بندر : كااااااااااك .. عطيني حبيبي .. كم رقمك ...؟؟
ثامر بصوت عالي : اكتب عندك .. صفر .. خمسة .. ستة .. ******
بندر : خلاص حبيبي استنى مني اتصال ف اقرب وقت ..

لفت البنت عليهم تتطنز : ههههههههههههههههاااااي .. موبااااااايلي،،،،...

بندر فقع ضحك .. اما ثامر فطاح وجهه من الفشلة ....
بندر : هذا اللي ياخذ موبايلي وش يصير فيه .. كااااااااااااااااااك .. فشلوووووه فشلوووه
ثامر : مالت عليها هالخايسة .. من زينها .. ما شافت عمرها مع هذا البرقع .. كانها من سلاحف النينجا ....!!!
بندر : هههههههههههههه ... امش بس الله يخسك .. خلينا نكمل شغل ..

دخل ثامر الحوش اما بندر فقعد يتمطط ف الشارع ويحرك عضلاته ... ولمح واحد ف سيارته من الصباح وهو موجود ويطالعهم ما تحرك ..
طلع فيه بندر باستفهام .. اما الرجال فابتسم ونزل من السيارة : ماشالله .. شكلك مداوم ف الجيم .....
بندر بابتسامة : ها..؟؟ أي والله .. لا زم الواحد يهتم بشكله شوي .. وش عندك من الصباح هنا...؟؟
فصخ الرجال نظارته وقال وهو يبتسم : ماعندي سالفة .. تعرف .. عزوبي .. وما اشتغل .. وزهقااان ... وش بسوي غير الهيااااتة ف هالشوارع .. ؟؟؟
بندر : أي والله وانت صااادق .. زهق هالايام .. بس يالله العيد جاي .. ع الاقل فيه اكشن شوي ...
الرجال : أي والله .. وش تسوون انتوا ..؟؟
بندر : والله تعرف ما عندنا سواق .. والوالدة تبغى البيت نظيف قبل ما يجي العيد بـ 3 ايام ع الاقل .. وتبغانا ننظف الحوش والسيارات حقتنا .. تعرف الحريم بعد ....الا تعال .. ما تعرفنا ...؟؟
الرجال وهو يمد يده : أي صح .. انا رائد ..
بندر مد يده يسلم عليه : والنعم يا رائد .. معاك بندر ..
رائد : يا هلا بك يا بندر .. تحتاجون مساعدة ..؟؟

جا ثامر ......

ثامر : يللا ما بتجي..؟؟
بندر : ثامر .. هذا رائد .. عرفته اللي من الصباح ف السيارة ..
ثامر وهو يسلم على رائد : هلا والله .. انا ثامر .. اخو هذا التوام
رائد : ماشالله توام ..؟؟
بندر : أي والله .. بس غير عن بعض ..
رائد : ما تبغون اساعدكم ..؟؟
بندر : لا والله مشكوووور
ثامر : ما تقصر ..
رائد : والله خلون اساعدكم .. زهقان حدي مدري وين ارووح .. ع الاقل اتسلى معاكم ..
ثامر : انا ما عندي مانع .. بس بنتعبك معانا .. ماله داعي ..
رائد : يا رجال لا تعب ولاشي .. ما صدقت على الله احصل لي شي اسويه ..
بندر : خلاص طيب .. حياك .. بس ها .. تشتغل زينا .. مو اقل ..
رائد : خخخخ ولا يهمك ..

دخلوا الثلاثة الحوش .. بندر وثامر ومعاهم رائد اللي كان لابس بنطلون جينز وفنيلة بيضا ..

ثامر مسك الهوز : بندر ننظف الارض اول ...؟؟
بندر : لا خلينا نخلص من الاشجار هذي ..
رائد : وش بتسوون فيها ..
بندر : بنقصقص فروعها واوراقها شوي .. شكلها مرة خايس كذا ..
رائد : اوكي .. ثامر عطني مقص لو سمحت ..

راح ثامر وجاب واحد زيادة لرائد .. وبدوا الكل يشتغل .. كل واحد مسك له شجرة يقصقص فيها على كيفه .. وبالشكل اللي يعجبه ..

التفت ثامر على رائد وشاف فنيلته انشقت بسبب الاشواك اللي ف الشجرة ..
ثامر : ما قلنا لك لا تشتغل .. ما تسمع الكلام ..
رائد : الا هي فنيلة .. مانيب ميت اذا انشقت ..
بندر : سوي زيي .. والله ما بتندم .. خصوصا مع هالجو ..

فكر رائد شوي .. وبعدها وقف وفصخ فنيلته ..
بندر : ماشالله .. وتقول ما عندك عضلات ...؟؟
رائد : هههه .. كنت ارفع اثقال من كم شهر .. والحين وقفت ..
بندر : جيب فنيلتك .. احطها لك ف البيت لا تتوصخ ..
رائد : لا خلاص بوديها السيارة .. ماله داعي
بندر وهو ياخذ الفنيلة : يا شيخ جيبها .. محد ف البيت .. البيت فاضي ..

اخذ بندر الفنيلة ووداها البيت .. ورجعوا يشتغلوا ...
 
( بعد ربع ساعة )

اذن الظهر وراحوا الكل يصلون الظهر ف البيت .. وبعدها رجعوا لاشغالهم .. وما كان باقي لهم غير الجدران والارضية ..

رائد : يللا اذا شدينا حيلنا .. نخلص الارضية والجدران ف نص ساعة
بندر : خلاص .. رائد انت خذ الهوز ورش الجدران بشكل عشوائي .. مو لازم تتنظف مررة .. وانا وثامر بننظف الارض ونشطفها بالموية ..
رائد : خلاص اوكي ...

ومع الهمة العالية اللي عند الشباب .. خلصوا اشغالهم .. بس بعدها طبعا وقفوا ف الزاوية وقعدوا يرشون بعض موية .. لين ما تغرقوا كلهم .. حتى رائد بنطلونه صار يكب موية وهو يمشي ...

بندر : خخخخ .. الحين انت وشلون بتمشي مع هالبنطلون ...؟؟
رائد : ههههههه مدري والله .. عادي ينشف الحين ..
ثامر : تشربون شاهي ..؟؟
بندر : لا نبغى شي باااارد يبرد ع القلب..
ثامر : بروح اشوف لنا شي ..

وبعد كم دقيقة رجع .. رجع ثامر ومعاه علب بيبسي ...

رائد وهو ياخذ العلبة : جات فوقتها ..

قعدوا الشباب على العتبة حقت الباب وقعدوا يشربون ويسولفون ...
بندر : كم عمرك يا رائد .؟؟
رائد : 26 سنة
ثامر : مو مبين عليك .. محشش ..
رائد : خخخ .. ابوي يقول انه لا يمكن يشغلني معاه ف الشركة حقته .. يقول اني مو قد المسؤولية ...
بندر : افاااا .... دايم كذا الاباء .. حتى ابوي .. يقول احنا ما مننا فايدة ..


( ف نفس الوقت )

قامت من النوم .. اليوم نامت زين وشبعت .. راحت الحمام .. غسلت وجهها وغيرت ملابسها .. لبست بنطلون جينز وبلوزة فوشي بدون اكمام .. وقعدت ترتب شعرها ع المرايا ...

دانة : آآآآآآآآآآه يا حلو الويك اند بدون جامعة .... وناااسة

سوت تسريحات كثيرة بس كلهم ما عجبوها .. وآخرتها استسلمت وخلته مفتووح ...

طلعت من غرفتها ومشت ف الممر ...

دانة : غريبة ... ما في صوت .. اول مرة الهدوووء كذا ف البيت ..

فتحت الباب حق غرفة بندر وثامر شوي شوي عشان ما تقومهم ... بس ... ما حصلت احد

دانة : لا لا لا اكيد في إن ف السالفة .. اجل قايمين من الظهر ...؟؟ هذولي ما يقومون قبل اذان العصر ....

طلعت من الغرفة لغرفة امها ونفس الشي ما حصلت احد .. فقررت تنزل تحت ..

لما نزلت من على الدرج .. شافت الباب حق البيت مفتوح واصوات اخوانها برى ....
دانة : شيسوون هذولي من الصباح .....؟؟

دارت بعيونها على الصالة وطاح نظرها على فنيلة بيضا
دانة : حتى الفنايل بيرمونها ف الصالة .. حشى !! محد يبغى يتحرك ويحطها ف سلة الغسيل ... ؟؟؟

اخذت الفنيلة وودتها لغرفة الغسيل وحطتها ف الغسالة ....
دانة : الله يعين زوجتك عليك يا بندر ... والله انها تكسر خاطري ..

طلعت من غرفة الغسيل متوجهة لباب البيت المفتوح ..

ويوم قربت من الباب شافت واحد واقف بدون فنيل ولابس نظارة شمسية .. ويوم قربت اكثر من الباب .. انتبه رائد لها والتفت ... وطاحت عينه بعينها ... بس اللي يشوفه يقول انه ماصار شي .. لانه رائد كان واقف ويطالع البيت وملامحه هادية .. اما دانة فشهقت يوم عرفته وراحت تركض بسرعة على الدرج لغرفتها ...

بندر : شفيك يا رجال ...؟؟
رائد : لا ولاشي .. بس اثاث الصالة حقكم ماشالله حلو ..
ثامر : الله يهديك احسب عندك سالفة .. واقول انا ليش الاخ سرحااان .. اثره الاثاث عاجبك خخخخخ
رائد : ههههه الله يخس ابليسك .. دايم فكرك يروح بعيد ... ( شاف ساعته ) يللا شباب انا استأذن .. فرصة سعيدة اني تعرفت عليكم
بندر : وين يا شيخ .. اقعد شوي ...
رائد : لا والله خلاص .. الحين الوالدة اللي عندي تبدا تدقدق علي ..
ثامر : هههه احس بشعووورك ...
بندر : طيب بس لحظة .. اجيب لك ملابس زي الناس تلبسها ..
رائد : ما يحتاج يا شيخ .. والله انها الحين بدت تنشف .. بعدين انا رايح البيت الحين .. وبغيرها ..
بندر : ما يصير توصخت وتغرقت ماي ..
رائد : معليش .... كلها خمس دقايق وانا ف البيت .. لا تخاف انت بس عطيني الفنيلة .. و مشكووور ما تقصر .. كفيت ووفيت
ثامر : احنا اللي ما ندري وشلون نشكرك يا رائد .. والله تعبناك معانا ..
رائد : افاا عليك .. احنا ربع واخوان ..

دخل ثامر يده ف جيبه وطلع ورقة بيضا صغيرة وعطاها رائد ..
رائد : ايش هذي ..
ثامر : رقمي ورقم بندر .. وآسف ع الورقة الصغيرة .. تعرف لزوووم الترقيم ..
رائد : خخخخخخ اما انك زااااحف ..

طلع بندر من الصالة : اقول ثامر .. شفت فنيلة الرجال ... ؟
ثامر : لأ
رائد : شصار ...؟؟
بندر : لحظة بس ..

رجع دخل بندر البيت من جديد وراح للمطبخ اللي فيه الشغالة ..
بندر : هي .. راااني .. مافي شوف فنيلة ف الصالة ...؟
الشغالة تهز راسها : نووو بابا .. مافي شوووف ..
بندر : انتي وش شفتي اصلا ؟؟

طلع من المطبخ معصب للدور اللي فوق .. ودق الباب على دانة اللي كانت قاعدة على السرير خايفة من الموقف اللي صار قبل شوي ...

دانة : مين ...؟؟
بندر : انا بندر افتحي الباب ..
خافت دانة " ياويلييييييي ... اكيد قال له .. والله بروح فيها " : أ.. ط.. طيب طيب ..

فتحت الباب بهدوووء ويدها ترتجف : هلا بندر ..

بندر : اقول دانة .. انتي نزلتي تحت ..؟؟
دانة " اقول له او ما اقول ..؟؟ بس اكيد هذاك قال له واذا كذبت بيعرف " : إ... إلا
بندر : طيب شفتي فنيلة موجودة على الكنبة ....؟؟ لونها ابيض ..
دانة بدت تتنفس براحة وهدت : أي ... ليش...؟؟
بندر : وينها ..؟؟
دانة:حطيتها ف الغسالة اغسلها لك ...
بندر فتح عيونه ع الاخير : يا فضيحتنا.................!!!!!
دانة : ليش...؟؟
بندر : الفنيلة فنيلة الرجال ... وشلون الحين يروح البيت ...؟؟
دانة : أي رجال...؟
بندر : واحد بن حلال ساعدنا ف تنظيف الحوش ....
دانة " الحماااار .. قاعد يتقرب من اخواناي هااا....؟؟ ما يستحي .. احسن يستاهل .. مافي فنيلة " : طيب عادي .. خليه يروح بدونها
بندر : شتقولين انتي ..؟؟ والله عيب .. الرجال ساعدنا وتعب .. وآخرتها يطلع بدون فنيلته .......؟!؟!؟!
دانة : طيب عطيه وحدة من فنايلك يعني .. وش اسوي ...؟؟
بندر : اففففف .. خلاص طيب .. لاتنزلين تحت تراه موجود ...
دانة : طيب ..

طلع بندر من الغرفة وراح لغرفة الغسيل .. طفا الغسالة وطلع الفنيلة اللي مغرقة ماي وصابون ...
بندر : يووووه ... هذي ما تنلبس كذا ... الله يهديك يا دانة ...

حط الفنيلة بكيس وطلع لغرفته .. وجاب فنيلة واسعة من عنده لونها اسود .. ورجع لبرا ..

رائد : وينك يا رجال طولت ....
بندر وهو مستحي : والله مدري وش اقولك يا رائد .. بصراحة متفشل منك ..
رائد : ليش...؟
بندر متلوم : والله انا حطيت الفنيلة بالصالة .. واختي الله يهديها ... بالغلط حسبتها فنيلتي .. وراحت حطتها بالغسالة ... وتغرقت ماس وصابون ..
رائد " فديييييييتهااا .. غسلت لي ملابسي " : لا عادي افا عليك ... اروح كذا مسوي اكشن ف الحي .. والله يخقون علي البنات ... ههههه
ثامر : هذا اكشن...؟؟؟!؟؟! والله ماعندكم سالفة .. تطلعون مفاصيخ وتقولون اكشن ..
رائد : هدي هدي يالشيخ .. آسفين .. اعصابك ..
بندر : بس انا جبت لك فنيل واسعة عندي ...
رائد : تسلم ما تقصر .. بس ماله داعي والله ..
بندر : رائد خذها الله يخليك .. حدني متفشل منك .. سامحنا على هالموقف البايخ ..
رائد : ياخوي لاتعقد الموضوع .. خلاص ابشر .. جيب الفنيلة عشان ضميرك يرتاح ..
اخذ رائد الفنيلة حقت بندر ولبسها ...

رائد وهو يسلم على بندر وثامر : انشالله بيننا اتصال قريب ..
ثامر : لاتقطعنا ...
رائد : لا انشالله .. فرصة سعيدة اني تعرفت عليكم ..
بندر : حياك الله ف أي وقت ..
رائد : الله يحييك .. يللا ف امان الله ..

___________________________________
 
(( بيت ابو عوض ))

( الساعة 6 المغرب )

رجع عوض من الصلاة ودخل البيت .. وقف عند الدرج وقال وهو يصارخ : يا ام كششششششششششششششششششششة ...!!! ما خلصتي.....؟؟

اروى تصارخ من غرفتها وهي طالعة : الا خلصت ... لاتصارخ .... كسرت الدرايش ..
عوض : كيفي مو انتي اللي مشتريتهم .. انزلي يللا خلصينا ...
اروى وهو تنزل : مالت عليك ... بتذلنا على هالمشواااااار ....
عوض وهو يدفها : اقول امشي بس .. لا تاخرينا ..
اروى : اقول من الحين شووووف .. لا تكرفتني وتقول بسرعة بسرعة .. ترى امس صديقتي غادة راحت كذا .. وطلع البنطلون ما يناسب البلوووزة .. خليني اشتري على راحتي .. ولا ترى بتوديني مشوار ثاني ...
عوض وهو شوي ويموتها : طيب خلاص خلاص .. انطمي وامشي .. حشى ..!! محد يقدر يقول لك كلمة ....!!!!؟؟

ركبوا السيارة وكالعادة تهاوشوا على الاغاني .. اروى تبغى البانوراما .. وعوض الام بي سي الخليجية ..... وخذوا من السب والصراخ اللي ف السيارة ....

أروى : اصلا انت واحد قوري .. ما تعرف التحظر والرووومنسية ... حدك هالطير المخنوق والعجيز حق العرب هذا ....!!..!.!
عوض : جيبي صوته بعدين تعالي تكلمي يا ست هيفاااا ... والله انتي اللي ما تفهمين شي بالفن ... حدك هالمسخرة اللي تطلع بالتلفزيوونات ..
اروى : انت وش فهمك ...؟؟ هذا تطور ... مو زيك للحين قاعد لي على الحفلات .. يا بابا اخترعوا فيديو كليبات ... ارتقي شوي .. كم مرة بعلمك ...؟؟!؟!
عوض : لاعطيني كف احسن .. ولا ورى ما تصيرين اكبر مني وتفلعيني ببلوك ....؟!؟!
اروى : يكون احسن والله

وعلى هذا الموال .. كملوا طريقهم ...

___________________________________


(( ف بيت ابو سعود ))

( ف نفس الوقت )

نزلت على الدرج وهي تسمع اصواتهم موجودة وشكلهم مجتمعين .. راحت للصالة وحصلت سعود وسالم موجودين .. وقاعدين يطالعون تلفزيووون ...
دلع : مسا الخير ...
سالم : مسا النور ...
سعود وهو يخزها : مسا الانوار والسرووور والورد والريحان ..
ابتسمت دلع غصبا عنها وجلست ع الكنبة بعيد عنهم شوي ....

وبعد شوي.....

دلع : اقول سالم صليت ....؟؟
سالم : أي قبل شوي رجعت ..
دلع : طيب يعني نلبس ...؟؟
سالم : ليش ...؟؟

لينا وهي نازلة من الدرج : يعني ليش سلوووومي ما قلت بتروح معانا السوق ...؟؟

سالم : يووووه .. والله نسيت .. وبعدين بيمرني فيصل بعد ساعة .. ما اقدر .. روحوا لوحدكم ....
دلع : تدري خالتي ما ترضى ...
سالم : وش اسوي انا يعني ...؟؟ خلاص اجلوها
لينا : حرااااااام عليكم .. والله ما اشتريت ولا شي للحين .. ما بيكفيني الوقت ..
سعود : حشى شهر كامل مايكفيكم..؟؟!
لينا مادة البوز شبرين : أي ما يكفي ...
سالم : خلاص خذوا السواق وروحوا بروحكم وانا بقول لامي اني وصلتكم ورجعت ...
سعود : لاوالله .. وين قاعدين احنا..؟؟ يابابا ماعندنا حريم يطلون بدون رجال ... خلاص انا بوديهم ..
دلع رفعت حاجب وسكتت ...
سعود يطالعها : شفيك آنسة دلع .. لا يكون مو عاجبك الوضع ....؟؟
دلع : انا اقول اننا مو مستعجلين .. نقدر ناجل الموضوع .. ما بنموت لو اجلناها يوووم ..
لينا باصرار : الا والله ... تكفى سعود .. عفيه عليك .. ودينا ..
دلع : لينا...!.!.!
لينا : دلع بليــــــــــــــز ...
دلع : اوووف .. طيب ..
سعود ابتسم بنصر : خلصوا بسرعة وانا بكون برا ...

دلع " الحين من طلب منه يتليقف ... والله حالة "

___________________________________

(( ف السوووق ..))

( بعد حوالي ساعة ونص )

اروى : وججججججججججع ... ما تطالعين ....؟؟ حشى !!! تمشين وتدفدفين يمين يسار ... فتحي عيونك جعلك العمى ....!..!.!.
الحرمة : انا قلت آسفة ..
اروى : آسفة وش تسوي ؟؟ مالت عليك وعلى اللي قال لك امشي بالسووووق ..

طلعت اروى من المحل معصبة ......
عوض : هي انتي ... صوتك واصل لين برى ... وش فيك ....؟؟ فضحتيناااا ...!
اروى : ماتشوف هالخبلة صدمت فيني وطاحت الاكياس من يدي...؟؟ بغيت اذبحها ...
عوذ يهمس وهو معصب : قصري صوتك لا اقص لسانك .. فاهمة ....؟؟ وامشي بس يللا ... حصلتي شي ف هالمحل....؟؟
اروى مبرطمة : لأ
عوض : اجل امشي يللا نشوف محل ثاني .. خلصينا ..

دخلت اروى كم محل .. وكل شوي تطلع وتقول ما عجبها شي .. لين ما تعبوا ...
عوض بضيق : الحين ابغى افهم .. ف هالمجمع الكبير ... ما حصلتي ولا شي يعجبك ....؟؟؟ ولا حتى بنطلون او بلوزة .......؟؟ او جزمة ع الاقل .....؟؟
اروى وهي ترفع كيس : غير هالحلق .. والاسوارة ... نوووووو
عوض راح صبره : اسمعي يا بنت الناس .. انا عطيتك فرصة وشكلك ما تنعطين وجه .. انا الحين بدخل المحلات وبشتريلك وانتي منطمة وساكتة ... كيفي .. آاخذ اللي آخذه .. وانتي ا ابغى اسمع منك حرف واحد ....
اروى فتحت عيونها ع الاخير : لااااااا .... بليز عوض لا بشتري خلااااص ...
عوض : ولا كلللللللللمة ... امشي قدامي اشوف ..

مشى معاها ودخلوا محل .. وهناك .. دار شوي عوض وقعد يطالع الملابس .. وبعدها ..
عوض : امشي مافي هنا شي حلوووو ... كلها قراااوة ...
اروى تعاند : لأ فيه .. من قالك مافي ....؟؟ كل الاغراض حلوة .. مو على كيفك ..
عوض : اعتقد انا اللي بشتري مو انتي ... قدامي يللا ..

مسكها من يدها وسحبها برى المحل ....

وحدة من اللي كانوا ف المحل تقول لصديقتها : وااااي ... شفتيه شلون يخقق وهو يختار لزوجته ملابس.....؟؟؟
صديقتها : اي والله ... الله يرزقنا ... ولا مسكة اليد صراااحة تذووووووووووب
الاولى : يا حظهاااا.....

___________________________________
 
(( ف مكان ثاني ))

( نفس الوقت )

الهندي : يللا مدام ... سكر صلااااة .....
لينا : طيب لحظة .... أ .... لوسمحت ......
قرب منها موظف سعودي : آمري ...
لينا استحت : ا .... ا ... عندك مقاس اصغر ...
السعودي وهو ياخذ التنورة اللي مقاسها ميديام : اصغر من كذا ...؟؟ والله مخلص ..
لينا بدلع طبيعي : يوووووه ... خساااارة ... والله انها تززززززززنننن ...
الموظف : في فرع ثاني بالدمام ...
لينا : والله ...
الموظف : أي
لينا : بس يوووه ... اخوي بالموووت جابنا .. ما اعتقد بيودينا مكان ثاني ... خلاص مشكوووور

جات بتطلع بس ناداها الموظف : احم .. اقول اختي ..
لفت لينا برقة وقالت : نعم .... ؟؟
الموظف خق : أ ... انتي بتقعدين لين متى ف المجمع ...؟
لينا : لين ما احصل شي اشتريه
الموظف : طيب .. يعني بعد الصلاة تكونين موجودة ...؟؟
لينا : اي اكيد ..
الموظف بابتسامة تخقق : خلاص مو مشكلة .. انا الحين بروح للفرع الثاني واجيب لك اللي تبغيه .. بس انتي ما يصير خاطرك الا طيب ..
لينا استحت وفرحت : والله ؟؟؟؟ ماله داعي اتعبك .. خلاص بشوف لي شي ثاني ..
الموظف : والله العظيم انه مافي تعب .. تعبك راحة .. انتي تبغي مقاس سمووول صح؟
لينا : اي ..
الموظف : ابشري بعزك .. بعد الصلاة بربع ساعة بكون موجود هنا انشالله .. تعالي وباذن الله تكون موجودة ..
لينا : ثانك يووووو مرررة ... صراحة مدري وشلون اشكرك ...؟
الموظف : افاااا علييييك ... حاظرين للطيبين ....

طلعت لينا من المحل فرحاااانة وشافت سعود واقف ....
سعود : حصلتي...؟؟
لينا شاقة الحلق : أي بس ماحصلت المقاس .. وقال لي امره بعد الصلاة ويجيبون لي اياه ... وين دلع ....؟
سعود وهو يطالع المحل اللي قدامه وياشر بعيونه عليه : هناك ..
وبعد كم دقيقة طلعت دلع وبيدها اكياس ....
دلع : ها...؟؟ حصلتي شي ....؟؟
لينا :أي .. بس بيجيبون المقاس بعد الصلاة ...؟؟ ايش اخذتي ...؟
دلع وهي شايلة الاكياس الثقيلة : اووووف .. ياثقلها هالاكياس .. اصبري نجلس واوريك..
سعود مد يده واخذ الاكياس من يد دلع بدون ولا كلمة .... بس لمسة يده وحركته الحلوة خلت دلع تسكت فجاة ولا تنطق ولا حرف لين ما وصلوا للكراسي ... وكان فيه ثنتين قاعدات فقعدت لينا جنبهم بعدين دلع ... وبقى مكان فاضي ..
دلع " !!!! بيقعد جنبي ....؟؟ وش هالحظ ....!!"
لينا : اقعد سعود ليش واقف ....؟
سعود : لا ماله داعي .. اقعدوا انتوا انا ابغى اوقف ...

سعود " خلينا نشوف الحين يا ست دلع ايش الشي الغلط اللي بتحاسبيني عليه "

___________________________________

(( من جهة عوض واروى ))

عوض : افففففف
اروى : شفيييييييييييييك ...؟؟
عوض يطالعها بنص عين : ابغى اصلي بس مافي احد يقعد معاك بين ما اجي ....
اروى : روح صلي بسرعة وارجع
خزها عوض بقوووووووووووة
اروى : خلاص خلاص خلاااااااااص .... يا كلمة ردي مكااااااااااانك ... خلك واقف جنبي .. طيب.....؟؟
ما رد عليها عوض وسكت ......
التفتت اروى تطالع الرايح والجاي .. لين ما طاحت عينها على وحدة تعرفها زيييييين .. ولا يمكن تغلط او تشبه عليها احد ....
اروى : لحظة
عوض : تعالي هنا وين رايحة ....؟؟

مشت اروى ولاسمعت كلام عوض .. وراحت للبنت وقربت منها وفجاة .. ضربتها بالخفيف على كتفها .. ونقزت البنت من الخوف مع صرخة خفيفة

غادة : !!!!! يا حمااااارة يا اروى خرعتيني ....
اروى : خخخخخخ ... مسكتك ... مع مين جاية ...؟؟
غادة : مع ابوووي ..
اروى : يوووه حسااافة .. حسبت عيال عمك الفلة .. الحلوين ..
غادة :شششش ... ترى اخوك وراك يا حمااارة وشكله معصب ...
اروى : ما عليك منه .. احقريه ... اكرههه ... فشلني قدام الناس ..

سحب عوض اروى من عبايتها لجنبه : انا ما قلت لك وقفي....؟؟
اروى : عوضووو وخر عني ..
عوض :ششش لا اقص لسانك الحين .. من هذي ....؟؟
اروى بضيق وهي توخر يده عنها : يعني مين غير غادوووو ... هذي اللي كل يوم توقف معاي برا ... اللي مرة سيارتهم تعطلت وركبت معانا ...
عوض تذكر : اييييي .... هذا ابوها ....؟؟
اروى : اي ...

راح عوض وسلم على ابو غادة ..... وبعدها رجع ..
عوض: اقوووول .. انا بروح اصلي .. خليك عند صديقتك .. لاتتحركين منا ولا منا ....!!
اروى : واااااااااو ... وناااااااااااسة ...
عوض : لا يا حلوة ... بصلي وبرجعلك .. لاتخافين ما نسيتك ..
اروى : ترى الخشوع زين ف الصلاة ... يرفع الدرجات ويمحي الذنوب ..
عوض بابتسامة مكر : بارك الله فيك يا اختي .. يا م كشة ..

راح عنها عوض يصلي .. اما غادة واروى فقعدوا يدورون ويسولفون تحت نظر ابو غادة اللي كان معاهم ...

___________________________________

(( من جهة سعود والبنات ))


فتحت المحلات .. ورجعوا البنات يلفون ويدورون وطبعا الاكياس ف يد الحمال سعود..

دلع كانت مستانسة مرة لدرجة انها كانت احيان تسولف مع سعود وتمزح ...
دلع : سعود
سعود : ها ....؟؟
دلع : بدخل هالمحل انا ولينا ...
سعود : طيب لا تتاخرون ..

دخلوا البنات ودلع اخذت لها صندل حلو ... يناسب التنورة اللي اخذتها .. ولينا اخذت لها نظارة شمسية بنية ....
بعدها طلعوا وراحوا الحل حق تنورة لينا ...

دخلت لينا المحل مع دلع ... وكان الموظف موجود .. واو ما شاف لينا .. طلع الكيس وابتسم ..
تقدمت لينا للمحاسبة وقالت : السلام
الموظف : وعليكم السلام ...
لينا : جبتها ....؟؟
الموظف : أي افا عليك .. ما قلت لك خلاص عيني خير .. وجبت لك معاها البلوزة حقتها..
فتحت لينا الكيس وشافت التنورة ومعاها بلوزة تناسبها تماما ...
دلع : حلوة .... مررررة حلوة
الموظف ابتسم : اي ماشالله ذوقها حلووو ...
لينا استحت مررررررررررة : شكرا .. مرة حلوة ... آسفة والله تعبتك معاي...
الموظف : لا مافي تعب ولاشي .. بالعكس .. خليتيلي حجة اطع من الدوام ..
لينا : ههههه

حاسبوا على التنورة وطلعوا من المحل ...

لينا وهي ترمي الاكياس على سعود : تعبت .. واخيرا خلصت
سعود : ليش...؟؟ كان اشتريتوا زيادة .. عندكم سواق يشيل الاكياس ....
لينا : صدقت .. بس رجولي تعورني .. خصوصا هالكعب مرة يتعب ..
دلع : ههههه آسفين سعود .. بس احنا بنات ما نشيل اكياس .. الاولاد هم اللي يشيلون..
سعود : طيب يللا نمشي ....؟؟
دلع ولينا : اي
سعود : يللا عازمكم على آيس كريم باسكن روبنز على حسابي..

__________________________________
 
--------------------------------------------------------------------------------

(( عند عوض واروى ))

( الساعة 8 ونص )

عوض : شرايك .....؟؟

كان خاطرها تقول حلوة .. بس .... لاااا .. عشان يخق علينا الحين ... والله ما اقول حلوة .. مع انها حلوة
اروى بقرف :وععععععععععع
عوض : ما طلبت رايك ..... بناخذها ...
اروى : افففف .. ياخي انا اللي بلبس ولا انت ....؟؟
عوض : كيفي .. مالك دخل .. اووووش ولا كلمة ..
راح للكاشير وحاسب وطلع ....

عوض وهو يعطيها الكيس : خذي ...
لروى : انت مشتريه انت امسكه .. ولا اقولك .. البسه بعد واتهنى فيه ... ما ابغاااه خاااااااااايس ....
عوض : ههههههه وانشالله محسبة اني بقعد ارضي فيك الحين ....؟؟ بتلبسيه غصبا عنك .. يكفي اني انا اللي مختاره ...
اروى : وهذا اكبر سبب يخليني ما البسه ...

شافوا ف طريقهم غادة وابوها يتمشون ....

اروى : خلصتي ....؟؟
غادة : أي الحمدلله ... وانتي ...؟؟
اروى : اففف ما خلصت .. اصلا ما اشتريت شي ... عوضووو اخذلي فستان على كيفه .. بس والله ما بلبسه لو يمووووت
غادة : اشوووف
فتحت اروى الكيس وشافته غادة ....
غادة : واااااااااي .... يجنننن .... حتى اللون راااااااااايق مرررة ...
اروى : وعععع ... يلوع الكبد ... ما اتحمل اطالع فليه حتى .. مقرررررررف
غادة : والله انه عاجبك بس انتي قاعدة تعاندين ف اخوك .. والله انه ذوقه احلى من ذوقك ... وناعم مرة الفستان صراااحة ...
اروى : هه .. وينك يا عوضوو تسمع المدح .. والله تخق علينا ..

ابو غادة ناداها شوي ..

راحت كلمته ورجعت ...

اروى : ها شقااال ...؟؟
غادة : يقول انه بيروح محل الجزم هذا الشوي .. ويبغاني اوقف معاك لين ما يخلص ويرجع ..
اروى : اكيد الحين عوض بيراقبنا وبيسمع كل كلمة نقولها ..
عوض من وراها : هذي مهنتي ...
اروى كانها عجوز : بسم الله ... جني جني .. مب بني آدم ... تف تف تف
غادة كتمت ضحكتها على اروى وعوض وهواشاتهم اللي ما تخلص ..
عوض : اسكتي لا الحين افلع راسك بالعقال ..
اروى : انت ما عندك غير العنف ...؟؟ شفت شلون قروي ...؟؟ !!!!
عوض : خلينا الذوق لك يا ام الذوق .. ساعتين ما تعرفين تختارين ملابس زي الناس .. لو ما انا اخترت لك .. كان الله يستر وش اخذتي .. حتى اسالي صديقتك .. توها تقول حلوووو
اروى : وانت ماشالله ... شابك معانا ع الخط .....؟؟!!؟؟!
عوض : كيفي .. مالك دخل ..
اروى وقفت متنرفزة من اخوها : وانتي على وشو تضحكين بعد ...؟؟
غادة : ولا شي ..
اروى : لا قولي على وشو ....؟؟
غادة : والله ولا شي .. بس اشكالكم تضحك ..
اروى بدن نفس : أي مرة تضحك ...

وفجاة جات خطة براس اروى تنتقم فيها من عوض ....
اروى : هع هع هع
غادة : شفيك ....؟؟
اروى : ولاشي .. ههاهاهاهاها ..
قربت اروى من عوض ولفت وراه ... ودفته على غادة ...
بس عوض كان اذكى منها .. وبحركة سريعة بيده سحب اروى ورماها على غادة ...
وطاحوا الثنتين بالارض .. الكل وقف يطالع الموقف ... والكل قعد يضحك ..

عوض : ويوووووووو ... فشلوووها فشلوووووها ... كاااااااااك ... تستاهلين والله ..
اروى وهي بالارض : يا حمااار .. يا كلب ... يا ثووور .. يا بقققققققققققر .. يا كل شي شين بالدنيا ... اكرررررررررهك ...
عوض من الضحك مد يده وسحب اروى بكل سهولة من ع الارض ووقفها ....

اروى : ياهوووو ... ترانا هنا ...نسيتونا... قومني ع الاقل....!!!!!!!!

وقف عوض ضحك والتفت على اللي ماسكها من يدها وكانت غادة ... تركها بسرعة ووخر ...
عوض :ا ....ا .... آسف والله ما دريت انك صديقتها ... حسبتك اروى ..
غادة مستحية لدرجة عينها ما انرفعت من ع الارض ...

ولحسن حظها طلع ابوها من المحل ... واستغل عوض الموقف فسحب اروى وقومها وطلعوا من المجمع على السيارة على طول .......

اروى : واك وااااااك .. واااااك ...
عوض : ولا كلمة .. ترى واصلة معاي ....
اروى تطلع لسانها : تستااااهل .. هذا اللي يرمي اخته ف الارض وش يصير فيه ..
عوض : اروى .. كلمة ثانية وبرميك ف الشااارع فاهمة ...
اروى خافت : يما يما يما ... خلاااص .... سكتنا ...

___________________________________
 
روايه ودك تنامين نامي ...........كاااااااامله *رومنس سعوديه*
 
الجزء الثاني :.

( الجمعة .. الساعة 11 .. 19 شعبان ))

(( بيت ابو سعود ))

دلع : يللا سالم تاخرت .... بسرررررررررعة ...
طلع سالم من الغرفة ما سك عقاله والشماغ على راسه : هذاني خلصت .... جا فيصل .....؟؟
دلع : من زمان ينتظرك برا ....
سالم : سعود لبس...؟؟
دلع : ما قام يا حظي .......!!!
سالم : الله يهديه .. طيب وابوي ...؟؟
دلع : عمي راااح من زمان ...
سالم وهو نازل الدرج : يوووووه ... اجل خليني الحق .. الحين بيذبحني ..

طلع سالم من البيت وركب سيارة فيصل اللي ف الحوش ...
فيصل : بدري ............!!
سالم : آسف .. راحت علي نووومة ... امشي خلينا نلحق الصلاة ..
فيصل : يللا مشينا ...

راحوا الاثنين المسجد ... وقعدوا سمعوا الخطبة وصلوا الجمعة والظهر... بعدها ... جو بيطلعون ....

سالم : شفت هذا يا فيصل ...؟؟
فيصل : مين ...؟
سالم : هذاك اللي من دخلنا وهو ماسك جواله ويلعب فيه .. حتى واحنا نصلي رن ..
فيصل : أي هذا الطويل ...
سالم : ايوووووووه ..
فيصل : شفيه ....؟؟
سالم : ما تحسه واحد راعي مغازل .. يعني خويات وسوالف بنات ..
فيصل : خخخ .. من شافه يلعب بالجوال وقت الصلاة عرف هالشي ..
سالم : تعرف هذا ولد منو ...؟؟
فيصل : لأ
سالم : هذا رائد ولد عبدالهادي .. اللي شركته تنافس شركته ابوي ف الاستثمارات .. وبصراحة شركتهم يقول ابوي قووووية ..
فيصل : اهاااا .. عشان كذا السيارة فراااري والحالة حالة ..
سالم : مالت عليه وعلى الفراري حقه .. والله البانوراما اللي بيطلعها لي ابوي احلى واحلى .. بس خليني آخذ الرخصة ... وابشر بالكشخة ..
فيصل : امشي يا شيخ .. بلا سيارات .. بلا خرابيط .. والله ما اكلت شي من الصباح ..
سالم : أي والله حتى انا .. امشي بس ..

___________________________________


(( ف بيت ابو غادة ))

( نفس الوقت )

ابراهيم ( ابو غادة ) : يا نووووورة ... آآآآآآآآآآي
نورة ( ام غادة ) : بسم الله عليك .. انا ما قلت لك لا تروح ... والله انك بهالطريقة بتذبح نفسك ...
ابراهيم عصب : انتي .. انتي مالك دخل .. اروح وين ما اروح واشرب اللي اشربه .. مو شغلك هذا .......!!!
نورة وهي تمسح على راسه تهديه : طيب خلاص .. اهدى انت بس .. عشان راسك يطيب...
ابراهيم : آآآآآآآآآآآآآآآآآ .... آآآآآآآآ يارب ...
نورة : بقوم اسويلك كوب كوفي يمكن يخفف عليك ..
ابراهيم : بسرعة الله يخليك ... مرررررة يعووووور ...

طلعت نورة من الغرفة خايفة لا يكون احد قايم من البنات ويسمع صوت ابراهيم .. مشت شوي شوي للمطبخ اللي ف الدور اللي فوق وحطت الموية على النار عشان تفووور ..... ووقفت تنتظرها ...

نورة : لا حول ولا قوة الا بالله .. الله يهديك يا ابراهيم ... والله ما يصير اللي يسيويه ولا احد يرضاه .. بس وش اسوي؟؟.. عجزت معاه .. ماهو راضي يسمع الكلام .. يارب اهديه واشفيه يارب ...

فارت الموية .. اخذتها وحطتها فكوب وحطت فوقها النسكافيه واخذتها للغرفة ..
ويوم دخلت .. شافته ممدد على السرير ودافن راسه بالمخدة ..
قعدت على طرف السرير ومسكت الكوب ...
نورة : ابراهيم ..
ابراهيم من غير ما يتحرك : هممممم ...
نورة : قوم .. قوم اشرب القهوة يمكن تخفف عليك هالتعب ...

وشوي شوي .. قام ابراهيم وشرب القهوة ..

ابراهيم وهو للحين سكران ودايخ : نورة ..
نورة : سم ....
ابراهيم : نورة احبك ..
نورة ابتسمت بالم ونزلت دمعتها : حتى انا احبك .. بس لما تكون مصحصح مو سكران وشارب هالسم ..
انقلبت ابتسامة ابراهيم لتعصيب : انا كم مرة اقولك ما تتدخلين ف هالموضوع .. انا حر بللي اسويه ...
نورة تحاول تهديه عشان ما يطلع صوته : ششش .. ابراهيم .. خلاص سوي اللي تبغاه .. انا مالي دخل .. طيب ...؟؟

___________________________________

(( ف بيت ابو عوض ))

( الساعة 2 الظهر )

ابو عوض : يا منى .... منى
ام عوض : نعم ...؟؟
ابو عوض : يللا ما جهزتوا ....؟؟ تاخرنا عن الغدا ....
ام عوض وهي تلبس العباية : انا مخلصة وجاهزة ...
ابو عوض : يا عوض .........

طلع عوض من غرفته وهو يعدل شماغه : سم يبا ...
ابو عوض : وينك ما خلصت ...؟؟
عوض : لا خلاص خلصت ...
ام عوض : يا اروووووووووى .... ارووووووى

بس اروى كانت ف غرفتها وما ردت ...

عوض باعلى صوته : اررررررررررررووووووووووووووووووووووووىىىىىىىىىىى

ابو عوض عصب : وججججججججع ... لا تصارخ كذا ... فاهم ...؟؟
عوض :انشالله ..
ابو عوض : يا اروى .. اروى ..

طلعت اروى من غرفتها لابسة عبايتها وجاهزة ..
اروى : هلا يبا ..
ابو عوض : ما صارت يا بنتي .. ساعتين تلبسين ..؟؟ وش يقولون بيت عمك الحين .. مواعدينهم من ساعة ...
اروى : آسفة يبا ..
ابو عوض : يللا طيب خلصونا ..

طلعوا العايلة وركبوا السيارة .. ابو عوض وام عوض قدام .. وعوض ورى ابوه .. واروى ورى امها .. وبينهم شنطة ام عوض عشان ما يتلاصقون ف بعض ويتهاوشون .. خخخ

وصلوا بيت عمهم الكبير .. كان اكبر من بيتهم بكثير .. وافخم بمليون مرة ..
دخلوا الحوش الكبير ووقفوا السيارة .. ونزلوا العايلة .. وكان ف الاستقبال .. اخو ابو عوض .. اللي هو ابو رائد .. ورائد ..
ابو عوض : السلام عليكم ..
ابو رائد : وعليكم السلام ... كان نمتوا ف بيتكم احسن هههه
ابو عوض : عندي هالبنت النشبة ما تخلص .. هههه تعرف العيال ..
ابو رائد : الله يعينك وانت الصادق .. حياك حياك ...

دخلوا الرجال المجلس اما الحريم فدخلوا الصالة .. وكانت ام رائد وريم بنتها بالاستقبال..

اروى : وي فديت بنت عمي انا ...
راحت وسلمت على ريم وطلعوا هي وياها الغرفة يسولفون ..
ام عوض : ههه يا حليلها ريم ماشالله عليها .. صايرة حلوة .. كبرت الله يحفظها
ام رائد بفخر : أي الله يحميها .. حتى اروى ماشالله .. كلهم كبروا.. محد يبقى صغير
ام عوض: صار لازم نزوجهم من بعض ..
ام رائد : ايوووووه .. عوض ياخذ ريم ورائد ياخذ اروى ......
ام عوض : هههههه حلوة والله .. شبكنا العايلة بكاملها ..

___________________________________

 

--------------------------------------------------------------------------------

(( ف مجلس الرجال ))

قام رائد يصب القهوة لعمه وولد عمه ...
ابو عوض : ماشالله يا رائد .. صاير رجال ...
ابو رائد : رجال بدون شغل ...
ابو عوض : افاااا .. ليش يا رائد ...؟؟
رائد : والله يا عمي .. نسبتي ما تاهل اشتغل ف أي مكان ..
ابو عوض : عندك شركة ابوووك ..؟
رائد : لا يا عمي انا اذا بشتغل ابغى اعتمد على نفسي .. مو على ابوي ..
عوض : كلامك ماله منطق .. يعني يا تشتغل ف مكان ثاني يا تبقى بدون شغل ..؟
رائد : تقدر تقول كذا ..
ابو رائد : ها ... سمعتوا ...؟؟ اهبل موب صاحي .. اقوله تعال احصل لك وظيفة عندي .. وراتب محترم .. بس مافي فايدة .. راسه يابس ..
ابو عوض : معليه يابو رائد .. شوي شوي يلين ..
ابو رائد : الله يسمع منك .. الا شخبار الشغل معاك يا عوض ...؟
عوض : والله يا عمي هو طيب .. بس ولد ابو سعود ما يداوم كل يوم وايام يجي وعشرة يغيب ومافي غيرنا اللي نمسك شغله .. خصوصا انه بالقسم حقنا ...
ابو رائد : وش لك طيب بالشغل هناك ...؟؟ تعال عندي انا عمك .. والله اخليك تمسك قسم الاعلانات بكبره ..
عوض : تسلم يا عمي بس والله انا مرتاح ف شغلي ..
ابو عوض : خليهم على راحتهم يابو رائد .. كل واحد يشتغل بللي يريحه ..
ابو رائد : مو مشكلة بس انا ابغى شباب العايلة يمسكون الشغل من بعدي .. ابغاهم من الحين يتعلموا كيف يديروها .. عشان لا مت تكون بيد امينة
ابو عوض : انت وش تقول الله يهديك بعد عمر طويل انشالله ... ولا تخاف الشباب مافيهم الا كل خير .. وانا وين رحت ..؟؟
ابو رائد : بعيد عن المجاملة انا وياك كبرنا ويالله نشيل اعمارنا ..
ابو عوض : تكلم عن نفسك انا بعدني شباب .. اطيح البنات لا مريت ...

وضحكوا كل من ف المجلس ...

___________________________________

(( ف بيت ابو بندر ))

( الساعة 5 المغرب )

كانت ام بندر قاعدة ويا بندر وثامر ودانة ف الصالة .. ومعاهم ابو بندر ..

ام بندر : اصلا يالكذابين مو انتوا اللي نظفتوا الحوش .. ما اصدق ..
بندر وهو فاتح عيونه ع الاخير : يوووه ...!! يا يما والله اننا احنا اللي منظفينه ..
ام بندر تهز راسها باصرار : لا تحلف انا اعرفكم مو بهالخبرة ف التنظيف .. اكيد جبتوا سواق الجيران ولا الخدامة ...
ثامر : زين اساليها ...
ام بندر : كذااابة .. اكيد عطيتوها كم ريال عشان ما تقول لي .. اعرف حركاتكم ..
بندر : وشرايك بللي تقوله امي يا يبا ...؟؟
ثامر : بالله عليك يبا هذا كلام ...؟؟! ننظف ونتعب آخرتها تقول كذا ....!!
ابو بندر : انا مصدقكم ..
ام بندر : انشالله قصوا عليك بكم كلمة .. ؟؟؟!؟!
ابو بندر : حراام عليك والله شكلهم تعبوا عليه
بندر : الا كرفنا تحت هالشمس مع رائد اللي ما قصر مسكين ...

دانة " !!!!! يا ويلي .. بعد اسمه رائد .. شكله شبك مع اخواني زين ... الله يستر "

ابو بندر : مين رائد ..؟؟
بندر : رائد عبدالهادي الـ ( ... )
ابو بندر : وش جابه هذا ..؟
ثامر : كان قاعد ف السيارة يطالعنا وحنا نشتغل ومسكين راعي نشامة نزل من سيارته وساعدنا .. ما قصر والله ..
بندر يسوي بدوي زي ثامر : والله انه اجودي .. وانا اشهد ..
دانة : خخخخخخخخ تحفة يا بندر
ثامر : اي اضكي انتي بعد .. ماكنه جدك وجد جدك كانوا يتكلمون كذا ..
ابو بندر : وانت صادق ..

احمد من على الدرج : احم ... درب ..
ام بندر حطت الشيلة على راسها ...
ابو بندر : تفضل .. حياك احمد ..

نزل احمد كاشخ ولابس ثوبه وشماغه النظيفين .. وجلس ع الكنبة ..
احمد : السلام عليكم
الكل : وعليكم السلام ..

ثامر صفّر .....

دانة : يا عيني ع الجمال والكشخة .. وين رايح يا شيخ الشباب ...؟
احمد : انتي ليش تسالين ...؟؟ اخاف عندك مشوار بعد .. ترى مافيني حيل اوديك اليوم ....
دانة : ومن طلب منك .. انا لو بروح .. بروح مع اللي احلى منك بمليوون مرة .. ابوي بعد قلبي ...
ابو بندر : انثبري ماني موديك مكان ....

دانة تفشلت واحمد وثامر وبندر نقعوا ضحك عليها ....

احمد : خخخ تستاهلين عشان مرة ثانية ما تتحرشين وتتليقفين .. !!!!
ابو بندر : صدق وين رايح ...؟؟
احمد : اليوم اجازة عندي .. وبطلع اصلي وبعدين بروح مع عوض مشوار .. من زمان ما تمشينا .. ويمكن نروح البحرين ... بس مو اكيد ..
ثامر : يا شيخ .. واحنا مالنا عم ياخذنا....؟؟
احمد : حياكم ... تجون معانا .. بس ترى مو اكيد الرووحة
بندر : لا يا ثامر .. وين قلنا اليوم بنروح ...؟؟
ثامر بغباء : وين...؟؟
بندر يغمز : ذاك المكان يا ولد .. اللي قلنا بنروحه ..
ابو بندر : انت وياه ما نبغى فضايح .. خلكم رجاجيل لاتفشلونا لاطلعتوا برى فاهمين ..؟
ثامر : افااا يا شيخ .. حنا رجاجيل عن 10 رجال .. لاتوصي ..
بندر : خلك واثق فينا بس .. ولا تراقبنا ...
دانة : دام قال الكلمة الاخيرة .. يبا اكيد عندهم شي ..
احمد : شوووف ...!! اقول دانوو ترى بذبحك .. لاتتدخلين فللي ما يخصك ...؟؟
ابو بندر : خلي بنتي لاتهاوشها ..
دانة تمد لسانها ..
احمد : هههههه انشااالله .. ما نقدر نعصي امر الشيخ على قولة ثامر ..

قام احمد ووصل عند الباب : يللا ف امان الله ...
وطلع ......

اما بندر وثامر فراحوا يصلون ويلبسون عشان يطلعون
دانة : يبا .. نبغى نطلع ...
ابو بندر : وين تروحين يعني..؟؟
دانة : أي مكان : زهقت ابغى اتمشى ..
ابو بندر وهو قايم ينام : خلاص بيجي العيد انشالله وتتمشين زي ما تبغين ..

راح ابو بندر وبقيت دانة وامها ..
دانة : يما يا قلبي يا عمري ..
ام بندر بزهق : نعم ...؟؟
دانة : فديتك ابغى اروح مكان ..
ام بندر : وين تروحين ..؟
دانة : أي مكان .. أي مجمع .. حتى لو الواجهة البحرية ..
ام بندر وهي قايمة ورى ابو بندر: بشوووف ..
دانة : فديت امي حبيبتي ..


___________________________________


 

(( بيت ابو سعود ))

( الساعة 7 العشا )

نزل سعود لابس فنيلة كحلي مع بنطلون جينز ...
وشاف دلع ولينا وسالم وامه ف الصالة ...

سعود : السلام عليكم ...
الكل : وعليكم السلام ..

تعدلت دلع بجلستها

ام سعود : انت وينك ما تنشاف ...؟؟
سعود : مشغول يا يما ...
ام سعود : وش مشغول فيه ...؟؟ الشركة ولا مشاوير البيت .. ولا عيالك وزوجتك ...؟؟!
سعود " ياربيييي على هالليلة اللي ما بتعدي على خير "
ام سعود : ووين رايح الحين ....؟؟
سعود يمشي: مشوار ضروري ..
ام سعود : وش هالمشوار ....؟؟ أي وحدة رايح تشوف اليوم...؟؟
سعود وقف : !!!! يما .. رايح ويا خويي .. وش هالكلام ...؟؟
ام سعود : تحسبني مدري عن سوالفك يعني ....؟؟!؟! تراني ادري عن كل شي .. ماني بغبية .. واسمعك مع هالبنات ع التليفون لآخر الليل .. لاتحسب اني ما ادري عنك .. تراني اعرف كل شي بس ساكتة .. استناك تتعدل بروحك ..

دلع " والله اني قايلة انه هالولد وراه فضايح .. بس .. محد يحس "
سعود يطالع دلع اللي نفس الشي تطالعه " يعني كان لازم تقول هالكلام قدامها .. انا اخطط واتعب وهذي تجي تخرب .. افففف .. "

ما رد سعود على امه بس عطى دلع نظرة وطلع ....

دلع " !!! وش يبي هذا؟؟؟ والله نشبة .. اخاف بعد يطير تفكير خالتي بعيد "
ام سعود معصبة : شفتوا شلون حاقرني ويطالع فيك ....؟؟
دلع بتوتر : لاخالتي ما كان يطالعني .. بس يمكن ما قدر يحط عينه بعينك
ام سعود : الله يهديه هالولد .. والله مدري وش اسوي معاه عشان يتعدل ..

___________________________________

طلع سعود من البيت وركب الرنج حقته ....
سعود : افففف ... والله هالبيت بلشة .. انا وش خلاني انخلق فيه ....؟؟ ودلع .. انا الحين مخطط اجيب راسها وآخرتها تجي وتخرب علي وتفضحني قدامها....!؟؟!؟!
والله راح كل شغلك يا سعود ....

رن التليفون ....

سعود : اففف .. وش تبي هذي بعد ....؟؟

رد : الوووو
هتون بنعوومة : الو
سعود : نعم ...؟؟
هتون : مشغول ...؟؟
سعود : ايه ...
هتون : خلاص اجل .. يللا باي .. لا فضيت كلمني ..
سعود : خلاص تمام .. باي ..

سكر التليفون : الله يقطع الساعة اللي عرفتك فيها .. مدري من وين طالعة لي هذي بعد ...؟؟

شغل السيارة وراح لستاربكس اللي على الكورنيش عشان يروق ...

___________________________________

(( ف بيت ابو بندر ))

( نفس الوقت )

دانة : ها يما ... وش قال ...؟؟
ام بندر : قبل كل شي .. تعالي اقول لك سالفة ..
دانة " الله يستر لا يكون عرفت .. الله يخسه وش يبغى هذا؟؟؟ " : ها ....؟؟ أي سالفة؟؟
ام بندر : وجدان ...
دانة " اشوووه ": شفيها .. ؟؟
ام بندر : شفتي اللي خطبها ...؟؟
دانة : أي واحد ...؟؟
ام بندر : ذاك ... أ .. ايش ياربي اسمه؟؟ .. استغفر الله .. أي صح .. اظن اسمه عادل..
دانة : أي شفيه ....؟؟
ام بندر : مات قبل 5 ايام بحادث سيارة .......!.!.!..!
دانة : يووووووووه ...!! لاتقولين ...
ام بندر بحزن : والله ...
دانة : حرااااام .. وانا اقول وش عندها ما تداوم بالجامعة ...
ام بندر : مسكينة الله يعينها .. مقطعة قلبي
دانة : أي والله .. الله يرحمه ويصبرها .. يما ابغى اروح لها ..
ام بندر : وهذا اللي كنت بقولك تسويه .. امها المسكينة تقول انها ما تاكل و24 ساعة ف غرفتها تصيح ..
دانة بحزن مرة : الله يعينها .. انا بروح لها واهديها ..
ام بندر : أي روحي .. يمكن ترضى تاكل على يدك .. يللا روحي البسي بسرعة ..

راحت دانة وهي ميتة زعل على حالة صديقتها وجدان اللي معاها بالجامعة .. صح ماهي قريبة مرة من دانة .. بس تعتبر صديقتها .. ومالها غيرها بالنهاية ..

___________________________________

(( ف ستاربكس ))

( الساعة 7 وربع )

عوض : المهم الله يهديه مو راضي يشتغل .. عايش على فلوس ابوه ..
احمد : هههه والله فلة ابوووه اجل .. ما منه اثنين...؟؟
عوض : فيه .. عندك ابو سعود .... نفس الحالة .. الولد مدلع زيادة عن اللزوم ..
احمد : اقول ما ودك تقوم ندور بهالواجهة ...؟؟
عوض : اصبر شوي .. مانا مستعجلين ..
احمد : لا لانه الجو ما يتفوت اليوم ..
عوض : الطيب عند ذكره ..
احمد : ها...؟؟
عوض ياشر بعيونه على سعود اللي توه واصل ..
احمد : بسم الله جني مب انساااان ......!..!!..!
عوض : خخخخخ طالع على اختي البقرة ....
احمد : الا تعال .. ما قلت لي وش صار امس ...؟؟ يوم كلمتك كنت معصب وسكرت بوجهي ..
عوض : اسكت لاتذكرني ...
احمد : هههاااااي شكلها طلعت شيبك ..
عوض : اففف تنررفز .. ما يعجبها العجب .. آخر شي انا اخترت لها فستان حلو .. والكذابة تقول ما عجبها وانا سامعها تقول لامي انه يهبل وتكذب عليها تقول انه هي اللي مختارته ......!!..!.!.
احمد : ههههه حركات بنات ...
عوض : أي صح .. وشفنا اخوك هناك مع بنته ...
احمد : اي .. ذبحتني بنت اخوي .. وديتها مرة وحدة مع بنت اخوي الثانية واختارت بنطلون طلع ضيق .. وتقول لي رجعني .. وانا ماني فاضي امس كنت ماسك مكانك .. فقلت لها ما اقدر .. راحت قالت لابوها وهو وداها ..

عوض : هههههه والله هالبنات بلشة .. مدري شلون يعيشون بدوننا .......؟؟!؟!
احمد : واحنا ما ادري شلون نعيش بدونهم ...؟؟! الا تعال ما ودك تتزوج .. ترى ما بقى شي وندخل الست وعشرين ...
عوض : يا شيخ انا بعد اللي اشوفه من اختي هونت ... تكرهك ف عمرك .. ههه
احمد : ههه لا انا اموووت ع البنات .. مهما جننوني يبقون عسل ..
عوض : يا حظها اللي بتاخذك اجل ..
احمد : والله بدلعها دلع ... ما قد وحدة حسته بيوووم ..
عوض يصفق : الللللللللله .... والله طلعت رومنسي من ورانا .. !!!!
احمد : هذي اسراااار خاصة .. بس انت .. غريب يا رجال .. الحين انت ماتحب...؟؟ مشاعرك جامدة ....؟؟
عوض : مو جامدة ... بس .. ما حصلت اللي احبها ..
احمد : وشلون مواصفاتها اللي بتحبها هذي ..
عوض : الشكل ما بقول لك .. بس احب البنات الهاديات الدلوووعات .. مو زي اختي الله لايبلانا .. تقول ولد من الشارع .. !!!!!
احمد : هههه مليانات البنات بهالبلد .. شوفلك وحدة ..
عوض : انا ماني مستعجل .. خليني سنتين زيادة وبعدين بخلي الوالدة تخطب لي .. وانت ....؟؟ وحدة ف بالك ...؟؟
احمد : لااااا .. انا ما احب ولا وحدة للحين .. وماني مستعجل زي ما قلت .. متى ما بغيت بقول لهم اخطبولي ..

___________________________________

--------------------------------------------------------------------------------

(( ف الجهة الثانية ))

سعود : اففففف .. وينك انت ...؟؟ ساعة انتظرك ....!!.!
خالد وهو يجلس : آسف .. وحدة نشبت لي .. غصب اروح اجيب لها دونات .. تقول مشتهيته ....
سعود : مين ميشو من جديد ....؟؟
خالد بضيق وهو ياخذ من السيجارة نفس : أي ...
سعود سحب السيجارة من خالد وحطها بفمه وقعد يدخنها ويتنهد ....
خالد : شفيك ....؟؟ ضايق خلقك ليش..؟؟ مو من عوايدك ...؟؟
سعود : افكر ..
خالد : بمين ...؟؟ هتون ...؟؟
سعود بقرف : لااا .. تخسي .. ما بقى الا اشغل بالي فيها .. انا افكر بشي احلى واحسن ..
خالد يبتسم : أهااا .. بنت الخالة ..
سعود يهز راسه وهو يبتسم : والله لو شفتها امس تكلمني .. تقول ما كني اضايقها..
خالد : احسها طيبة
سعود : هههه غبية .. بكلمة وحدة تنسى اللي سويته .. على طول تسامحك ..
خالد : طيب يعني سهلة ...
سعود يتطنز : أي صح مرررة سهلة .....
خالد : ليش...؟
سعود : عنيدة .. صح تسامحني بسرعة بس مافي مجال اتقرب منها .. اول ما ادخل مكان تكون هي فيه .. تقعد شوي وبعدين تنسحب .. حتى تكلمني برسمية وبرود .. وسالم .. عادي .. تقعد معاه وتسولف معاه .. يعني ما عندي مجال اسوي شي ..
خالد : يووووووه .. هذي من الصعبات اجل .. الله يعينك .. بس تقدر عليها يا بو عبدالله .. تجيبها .. اعرفك انا .. يا كثر ما طيحت بنات .. ما بتعجز تطيح هذي بعد ..
سعود : لا انشالله جايبها جايبها .. وين بتروح عني .. ؟؟

___________________________________​
 
(( بيت ابو بندر ))

( الساعة 8 )


خلصت ولبست عبايتها ..
دانة : يما خلصت من بيوديني ..
ام دانة : ابوك نايم واخوانك طلعوا .. عشان كذا برسل الخدامة معاك .. وخلي الجوال معاك احتياط ..
دانة " الله يستر " : يما اخااااااااااااااااااااااااف ...
ام دانة : يا دانة منتي بصغيرة .. عمرك 24 !!!!!! روحي بس بلا دلع ..
دانة : طيب باي ...

طلعت دانة مع ريني ( الشغالة ) وهي ترقع من الخوف ... وما سكرت باب الحوش عشان ترجع الشغالة .. ومشيت بكل هدوء وهي تتلفت حولها بحذر ..

دانة : الله يستر هذا ما يكون موجود ...
بس لما طالعت حوالها ما حصلت احد .. والسيارات مطفية .. ومحد ف الشارع ..
دانة : لا اشوووه .. مو موجود .. غريبة !! اول مرة ..

انتبهت للشغالة اللي طارت مترين قدام ...
دانة : هييييييييييي انتي ..
ريني وهي تلتفت بغباء: ها ..؟؟
دانة : ها بعينك انشالله .. شفيك طايرة قدااااااام ...؟؟ انتظري شوي شوي ..
وقفت ريني شوي لين ما وصلت لها دانة وكملوا مشي على الرصيف ..

ووسط الظلام .. اشتغتلت تولعت انوار سيارة بيضا .. ومشيت ببطئ جنب الرصيف اللي تمشي عليه دانة ...

دانة الدم وقف بعروقها " يا ربييييييي ... وش اسوي الحين .. "
التفتت لفتة بسيطة وعلى طول عرفته .. المدة اللي كان يلاحقها فيها .. خلتها كفيلة انها تميزه من نظرة وحدة وتحفظ لوحة سيارته وموديلها ...

رائد نزل القزاز حق السيارة وقال : على وين انشالله ....؟؟
دانة ما ردت ولا التفتت
رائد : وين بندر وثامر ..؟؟ ليش ما وصلوك بدال المشية ف هالليل .....؟!؟!؟؟!
دانة " فرحان يعني انك تعرف اخواني ...؟؟ ترى حتى انا اعرفهم ...."
رائد وقف السيارة ونزل وبحركة سريعة صار قدام دانة مكتف يدينه .. وعضلات صدره منفوخة .. ويناظرها بنظرات تذووووووووووب مع ابتسامة خفيفة ..
دانة " لا والله .. فلم رومنسي احنا...؟؟!؟! هذا ايش يبغى ؟؟؟؟؟ "
دانة بهدوء : لو سمحت وخر عن طريقي ..
رائد بنفس وقفته : حلوووو ... طلعتي مؤدبة .. تصدقين مافي شي فيك غلط .. كلك حلوة .. شكلك .. جسمك .. مشيتك .. وذوقك وتصرفاتك .. وحتى ادبك .. كل شي فيك كامل .. والكامل الله ..
دانة " الكامل الله ..؟!؟! مسويلي فيها درس ديني ...!! ولااااااا من مين ..؟؟ من اللاخ رائد"
دانة وهي تحاول تمر من أي مكان بس مافي مكان ..
دانة " حشى!!! .. سكر الرصيف من كيلو العضلات اللي عنده .. كانه جداار "
دانة تمثل انها بتصيح : انت ايش تبغى مني؟؟؟ خلاص ياخي روووح ... ناشبلي نشبة .. وين ما رحت وراي...؟؟ ترى انا ساكتة لك الحين .. ولا ترى اقدر اروح اعلم ابوي وهو يوريك شغلك ....
رائد باستهزاء : ليش ... ما دريتي انا ولد منو .... ؟؟
دانة : وما يهمني ... والحين لو سمحت وخر عن طريقي خليني اروح لا يشوفنا احد..
رائد بابتسامة واسعة : حاااضر .. تآمرين امر .. دامك جمعتيني وياك بقولك يشوفنا احد .. انا الحين رايح .. بس مو بعد ما اتاكد انك وصلتي بالسلامة .. وع العمووم .. مشكورة على غسيل الفنيلة .. ريحتها ورد زي ريحة اللي غسلتها ....!
دانة " نعم ...؟؟ غبي هذا ولا يستغبي .. ما يدري انه هذي ريحة منعم القماش .. والا قاعد يحاول يغازل يعني ...؟؟ "

ما عطته وجه ومشيت مكملة طريقها لبيت جارتهم بدون ما تلتفت لفة وحدة .. ويوم وصلت عند الباب .. دقت الجرس .. ويوم فتحت شغالتهم الباب ..
دانة : خلاص ريني روحي البيت .. وقولي لماما انا وصلت .. ولا تقوليلها شي ثاني فاهمة ....؟؟
ريني تهز راسها : طيب

وقبل لا تدخل دانة البيت .. طالعت المكان اللي موقف فيه رائد وشافته واقف ومتسند على باب السيارة ويطالعها .. وعلى وجهه ابتسامة حلوة .. دخلت البيت بسرعة عشان تحاول تكبت المشاعر اللي تحس فيها ..

واول ما دخلت البيت .. نست كل شي صار لها من شوي ..


@@@@@@@@@@@@@@@@@@@@@@@@@@@@@@@@@@@@@

مرت الايام . وجا رمضان .. وعدّى .. وجا عيد الفطر يرسم الفرحة على سكان الشرقية .. وعلى ابطال قصتنا ... >> مسوية فيها تعبير

(( ف بيت ابو سعود.. اول ايام عيد الفطر >> اختي تقول اكتبي السعيد ))

( الساعة 12 الظهر )

بيت ابو سعود ما فضى دقيقة وحدة .. الناس داخلة طالعة ..

لينا وهي تحط الدلة حقت القهوة على الطالوة وتقول لامها بطفش : افففف متى بيوصلوووون ....؟؟
ام سعود : اصبري .. الصبر زين .. على ايش طايرة .. بتشوفينهم وتملين منهم بعد ..
لينا : وناااااااسة .. ما اصدق متى اشوف ديمة فديتهاااا .. وحشتني موووووت ..

حطت دلع الصينية على الطاولة : عاااد الحين بتقلبينها صالون انتي وديمة ف الغرفة ..
لينا : اكيد ما يبغالها كلام ..
ام سعود : ابغى افهم ساحرتك هالديمة ولا وش مسوية ....؟
لينا: تقدرين تقولين يا امي الحبيبة انها توام روحي .. طبعا انا احلى عنها ..

انفتح الباب ودخل سعود البيت فرحان ..

قرب سعود وقال : يما .. اتصل فيني عمي عبدالرحمن .. يقول انه وصل دقيقتين ويكون هنا ..
ام سعود : اجل انا بروح اقول لابوكم .. وانتوا اتاكدوا انه البيت جاهز ...

طلعت ام سعود فوق .. اما لينا : وين سالم ...؟؟
دلع : مدري ...؟؟
سعود حط يده ف جيبه بملل وقال : راح يسلم على ابو فيصل ويعيد عليه ..
لينا : اهااااااا ... انا بروح اتاكد انه شعري حلوو ..
دلع :تعالي هنا والله حلو
لينا : لا لازم اتاكد بنفسي واحط غلوس زيادة ..

رحات لينا وبقيت دلع ف الصالة مع سعود ....
سعود : ورى ما لبستي ملابس العيد اللي اشتريتيها ذاك اليوم .. ؟؟
دلع : لانه ما كان فيه وقت.. قمت ولبست أي شي .. ونزلت استقبل الضيوف .. وما جاتني الفرصة اطلع البس .. والحين يوم جاتني .. راحت لينا فوق ... ومحد بيستقبل الضيوف اذا جوو ..
سعود : هههه كل هذا !!!! المهم .. روحي البسي انا بستقبلهم ..
دلع : لا ما يصير لازم وحدة من البنات ..
سعود : يا شيخة روحي .. انا بوقف والحين امي بتنزل .. روحي البسي ..
دلع بدون ما ترد لفت وطلعت لغرفتها ...

سعود " اففففففف ... حتى ابتسامة ما عطتني...؟؟؟!! "

رن الجرســــــــــ................

سعود يصارخ : يا جماعة .. ترى عمي وصل

نزلت ام سعود بسرعة ع الدرج : يللا افتح الباب بسرعة
ونزل وراها ابو سعود : افتح افتح .. وش تنتظر ...؟؟

فتح الباب سعود وشاف عمه عبدالرحمن ...

طلع ابو سعود : يا هلا واللللللللللللللللله .... لك وحشة يا رجال..
عبدالرحمن يسلم عل اخوه : حتى انت والله .. كل عام وانت بخير ..
ابو سعود : وانت بخير .. حياك حياك ..

دخل عبدالرحمن مع اخوه وراحوا المجلس .. اما ام سعود ..

ام سعود : يا هلا والله نور البيت بمنال ..
منال : منور باصحابه .. كيفك....؟؟
ام سعود : والله تمام الله يسلمك ...
منال تلتفت وراها : قربوا سلموا على خالة باسمة ..
قربت ديمة وهي شاقة الحلق : كل عام وانتي بخير ...
باسمة : هلا والله .. وانتي بخير .. شخبارك ..؟؟
ديمة : الحمدلله ..
منال : قربوا .. سلموا على خالة .. لاتستحون
نزلت باسمة بمستوى عزوز ولجين : سلموا ..

تقدم عزوز بخجل وباس باسمة على خدها .. اما لجين فاتخبت ورى امها خايفة

( عبدالرحمن .. اخو عبدالله ( ابو سعود ) الصغير .. متزوج منال اخت ام سعود باسمة .. وعنده ديمة 13 سنة .. ثاني متوسط .. وعزووز 7 سنين .. ولجين 5 سنين .. وعلى فكرة .. منال شخصية مختلفة عن اختها بالمرة .. خصوصا انه باسمة قاسية وشديدة اما منال حنونة وطيبة .. )

نزلت لينا تناقز على الدرج : هاااااااااااي

وعلى طول ركضت ورمت نفسها بحضن منال زوجة عمها ..
منال : فديت الصبايا اللي كبروا انا .. ماشالله باسمة عيالك يهبلون ..
باسمة : تسلمين حبيبتي .. انتي احلى .. اقعدي ..

راحت لينا وسلمت على ديمة وحضنوا بعض وقعدوا يسولفون ....
لينا : فديتك انا دمدووووووم ... وحشتيني ..
ديمة باسلوب الدلع نفسه : وانتي بعد يا قلبي .........

ام سعود : لينا .. روحي سلمي على عمك بالمجلس ..

لينا : انشالله ..
ديمة : بروح معاك ..

وراحوا ديمة ولينا يسلمون على اعمامهم ...

منال : الا ما قلتيلي وين دلع ...؟؟
ام سعود : والله دلع توها طلعت تلبس .. شوي وتنزل ..
منال : شخبارها ..؟؟
ام سعود : والله الحمدلله تمام .. كبرت .. صارت بالجامعة ..
منال بفرح : ماشالله .. الله يحفظها يا رب ..

___________________________________
 
(( بيت ابو بندر ))

( الساعة 12 ونص )

ام بندر : دانة .. ودي هذي الصينية المجلس .. ما بقى شي ويوصلوا بيت عمك ..
دانة وهي تاخذ الصينية : حااااضر ..

طلعت دانة من المطبخ شايلة صينية القهوة بحذر ويوم دخلت المجلس ..

حصلت اخوانها التوأم بندر وثامر يناقزون ويغنون زي الهبلان والطقاقين ... ومعلين الصوت ع الآخير....<< مو مصدقين الدنيا عيد خخخخخخ

حطت دانة الصينية على الطاولة الكبيرة .. تقدم بندر منها وأخذله فنجان قهوة .. ومدلها اياه وهو يغني بطرب :

صبولي من الفنجال .. صافي من عسل جرذان

دانة باست يدها تتحمد ربها وتشكره يوم شافت ثامر و بندر قاموا يغنون ويرقصون بالشماغ والعقال .. ويدورون كنهم في عرضة للجنادرية ..
دانة رفعت يدها للسما : يارب لك الحمد انك ما خلقتني زي هالمجانين اللي تقول مولودين في عرس بدو ...!!

بس بندر وثامر حقروها ولا عطوها وجه وكملوا يغنون ويرقصون :

بو صالح سرى ليله .. هل الدمع من عينه .. صبولي من الفنجان .. صافي من عسل الجرذان
بو صالح سرى ليله .. هل الدمع من عينه .. صبولي من الفنجان . صافي من عسل الجرذان
حبيبي وحبيته .. مرو بي على بيته .. خلي راح في وادي وانا رحت في وديان
حبيبي وحبيته .. مروبي على بيته .. خلي راح في وادي وانا رحت في وديان

وفجأة يدخل عمها أحمد متلثم .. والعقال بيده .. واول ما شافوه اخوانها قاموا يصفقون ويصفرون له ..وهو زاد الطين بلة وقام يرقص بزيادة .... ويركب على الكنب ويناقز هو و بندر وثامر ويغنون مع بعض ..

ياراكب وارد بهوان .. غيرك ما شراه انسان .. صبولي من الفنجان .. صافي من عسل الجرذان
يابكرة عمانيه .. ماتنزل صاله الميدان .. صبولي من الفنجان .. صافي من عسل الجرذان
يابكرة عمانيه .. ماتنزل صاله الميدان .. صبولي من الفنجان .. صافي من عسل الجرذان

وبين ما هم يرقصون ومندمجين دخل محمد ( ابو بندر وثامر ) وقعد يتفرج هو ودانة ويضحكون ....
ويوم خلصوا رقص وخلصوا الاغنية قعد يصفق هو وبنته ....
محمد : ماشالله.. تصلحون تشتغلون ف الحفلات ... !!
أحمد يقرب ويسلم على اخوه الكبير : يا هلا بمحمد .. كل عام وانت بخير
محمد : وانت بخير يالغالي ..
وتقرب دانة وتسلم على عمها : كل عام وانت بخير ..
أحمد : وانتي بخير يا حلوة .. ما تبين العيدية ...؟؟
دانة وهي شاقة الحلق : افااا .. وهذي يبغالها سؤااال ...؟؟ هات وش عندك ..؟؟
أحمد وهو يفتح المحفظة الفاضية اللي عنده ويسوي نفسه يعد الفلوس : مم ... كم تبين ....؟؟
دانة وهي مصدقة ومتوقعة عيدية محترمة: شوف عمي .. انا مو طماعة .. وكل شي منك حلو ....
أحمد وهو مسوي جدي : خلاص .. دامك شاطرة ومطيعة .. هذا البوك كله لك ....
دانة ما صدقت وطارت من الفرح وعيونها شوي وتطلع من وجهها ... اما بندر وثامر قعدوا يتغامزون ويضحكون .. خويهم ويعرفونه عدل ..
دانة: وش عندكم تضحكون ؟؟... غيرانين .....؟؟
لف أحمد عليهم وغمزلهم بمعنى اسكتوا ...
ثامر : ابد ولاشي سلامتك ..
محمد وهو كاشف حركة اخوه : دانة حبيبي رجعي المحفظة لعمك وانا اعطيك عيدية احلى من عيديته ...
دانة: من جدك يبا.؟؟!! .. عطاني محفظته بكبرها بللي داخلها .. والله ما استغني عنها ...
بندر وهو منفجر ضحك : هذا اذا كان في داخلها شي ..
ثامر : والمشكلة ان المحفظة من ابو ريالين ....!!! خخ ..
وانفجروا الكل هنا من الضحك على أحمد وسوالفه .. وهو بعد قام يضحك على وجه دانة اللي قام يقلب من بريء وفرحان لوجه وحدة معصبة ..
دانة وهي ترمي المحفظة : مالت عليكم .. مابي عيدية .. خلاص انا زعلت ..
وتطلع من المجلس وهي معصبة وبنفس الوقت كاتمة الضحكة اللي جاتها ..



(( ف بيت ابو عوض ))

( الساعة 1 الظهر )

ام عوض : انشالله بتخليه كذا ...؟؟
اروى: أي ..
ام عوض : لالالا استشوريه احلى عليك
اروى : لا وعععععع يصير ساااايح .. ما احب
ام عوض : مو لازم تحبين ..
اروى : يما مابي كيفي ..
ام عوض : لا موب كيفك ...

بعد ساعة ...

شافت نفسها بالمرايا : هاااا....؟؟
ام عوض : واااي فديتك .. كذا صار شكلك حلو .. خصوصا مع الفستان ..
أروى تمسك شعرها اللي صار نازل .. مو كشة كالعادة .. ومستغربة : هذا شعري..؟؟
ام عوض : أي شعرك يعني شعر مين ....؟؟
اروى ابتسمت: اول مرة احسه ناعم ...
ام عوض : هههه يللا اجهزي .. ما بقى شي ويوصلون بيت عمك .. وخالك ..
اروى : والله بيجون بيت خالي ....؟
ام عوض : أي ..
اروى نقزت من الفرح : يــــــــــــس !!!!

طلعت اورى من غرفتها شاقة الحلق وتتمخطر بالفستان البنفسجي الناعم اللي اشتراه عوض.. وف الصالة .. شافت عوض قاعد ويخربط بالجوال ... ولما شافها جات .. قعد يطالعها ...
عوض : هاا...؟؟ اشوف لبستي الفستان .....
اروى : غصبا عني .. مو حلو .. بس .. ماني معيدة من غير ملابس ..
عوض: خخخخ والله انك تحفة .. الحين بتقنعيني انه هالفستان الحلو مو حلو ...؟
اروى بتحدي : أي ..
عوض: الحمدلله والشكر .. مدري من اللي قبل شوي .. كان يقول ( يقلدها ) يجنن طالع علي .. مرة حلو لونه وانا اخرترته ومدري ايش ..
اروى : كذاااب ما قلت ..
عوض : الا قلتي انا سامعك .. وبعدين زي ضفيتي غابات الامازون حقتك .. احس راسك كان اكبر من وجهك .. الحين صرتي بنت ..
اروى : ليش انا اول ايش كنت...؟؟
عوض : مساكين الاولاد لو بشبهك فيهم ..
اروى : يا حمااااار .. انا ولد ها.........؟؟؟

ابو عوض : انتوا شفيكم ...؟ حتى ف العيد بتقلبوها هواااش ...؟؟
اروى بدلع ما يناسبها ابد : بابا ... شوف عوض .. هو اللي يحارشني ..
ابو عوض : انت يالهندي .. وش عندك تحارش اختك .. ؟
عوض : !!!! يبا !!! انا هندي الحين ...؟؟
ابو عوض : اي هندي .. فاعد لي بسروال السنة واحنا الحين الظهر وبيت عمك بيوصلون .....
اروى : خخخخخخخ ... يالهندي

عوض خز اروى بقوة لين ما اكلت التبن ..

ابو عوض : ليش تخزها ..؟؟ ما عليك منه يا اروى اذا سوى لك شي بس قوليلي واوريك فيه ..
عوض قام بسرعة : اقووول .. شكلك مسوية سحر للوالد اليوم ..بروح البس .. بااي ..

دخل عوض غرفته وسكر الباب .. اما اروى فدقت على غادة تعيد عليها .. بس ما ردت لانها ما كانت ف البيت ...

اروى : اففف .. هذي وين راحت ...؟؟ بدق على جوالها ..

واخذت اروى جوالها ودقت على جوال غادة ....

غادة بنعوومة : الوو ..
اروى بدفاااشة : الوووو ..
غادة : ههههه شوفوا الفرق بين ردي وردها ..
اروى : مدري عنك .. اللي يسمعك يقول تكلمين زوجك مو صديقتك ..؟
غادة : شسوي ف بيت عمي .. والرقابة علي من كل مكان .. لازم الرقة شوي .. تدرين زوجة عمي عندها عيال كبار .. يمكن ربي يرزقنا ....!.!.!
اروى : ان قربتي على واحد منهم لا اذبحك .. تعرفين اني انا حاجزتهم ..
غادة : مالت عليم .. عيال عمي .. انا اولى ..
اروى : انتي خلك على جنب .. ولا اقول لك .. انتي خذي عوضووو الهندي .. يناسبك ..
غادة : !!! حرام عليك .. من المهبل عيال عمي .. لعوض الدفش ...؟؟!؟! ناوية يكسرني .. ويعلقني بدال البوكسينغ حقته ....؟؟
اروى : خخخخخ اتخيل شكلك يرفعك اثقال ..
غادة : اقول .. عطيناك وجه وقمتي زودتيها .. اخوك ما باخذه .. وما باخذ عيال عمي .. انا باخذ واحد ما اعرفه ولا يعرفني .. وبتعرف عليه بعد العرس .. عشان يصير ف الموضوع رومنسية ..
اروى : رومنسية ...؟!؟! ما اصدق انك رومنسية ...؟ يمكن ناعمة .. دلوعة .. قلنا اوكي .. بس رومنسية مرة وحدة ...؟؟!!! هذا صارووووخ ..
غادة : احم .. بدوا يطالعون فيني .. مقدر اتكلم الحين .. لا رجعت كلمتك ..
اروى : يوووه نسيت .. دقيت عشان اقولك كل عام وانتي بخير
غادة : وانتي بخير .. من العايدين الفايزين يا رب ..
اروى : يللا فارقي ..
غادة : اوكي انقلعي .. باي
اروى : باي

سكرت اروى من غادة وراحت تتفرج على شعرها اللي مو مصدقة للحين انه ناعم ..!!

___________________________________
 
(( بيت ابو سعود ))

( مجلس الرجال .. بعد الغدا )

ابو سعود : يا سعود ..
سعود : نعم
ابو سعود : تعال شوي ..

طلع ابو سعود وسعود برى المجلس ...
ابو سعود : شوف .. روح نادي دلع .. وقول لها تتجهز وتلبس حجابها عشان تجي تسلم على عمك عبدالرحمن .. عيب ما يصير ما تسلم عليه
ابو سعود : انشالله ..
ابو سعود : شوف .. قول لها مو الحين .. بنروح نصلي العصر ونرجع بعدها تجي تسلم
سعود : طيب

دخل سعود البيت .. وكانت زوجة عمه موجودة ..
سعود نزل راسه : ادخل عادي ولا تتغطون مني ...؟
منال : ماشالله ... هذا سعووود ...؟؟
ام سعود " هههه ما عرفتيه على حقيقته " : أي ..
منال : كبرت يا سعود ..
سعود : هههه مشكورة خالتي ..
منال : حياك لا تستحي .. انت زي ولدي ما بتغطى منك ..

رفع سعود راسه وشاف ديمة ولينا ..

سعود : يما .. وين دلع ..؟؟
ام سعود : ليش..؟؟
سعود : ابوي يبغاها تدخل تسلم على عمي عبدالرحمن ..
منال : لا ممنووووع .. قول له مممنوع .. ماعندي حريم يطلعون قدام زوجي .. اخاف يتزوج علي .... ههههههه
ام سعود : هههه ... والله عبدالرحمن لو يلف الدنيا وين يحصل زيك ...؟؟ اصلا هو يموت فيك
منال : عيب يا حرمة .. اشوفك فصختي الحيا تتكلمين كذا قدام عيالك!! ...

ضحكوا الكل ....

منال : انشالله تتكلم قدامكم كذا كل يوم...؟؟
لينا : أي عاااااااادي .. ماما ما خذة راحتها .. حتى قدامنا تغازل بابا ..
ام سعود : شوف اللي ما تستحي...!.!.!.
منال : علمي نفسك ...
سعود : احم .. شكلكم متحمسين مع الموضوع .. انا بطلع انادي دلع ..

طلع سعود وخلى الحريم يكملون سوالفهم .. وفوق .. راح لغرفته يعدل شماغه ويتعطر.. وفتح جواله .. شاف عنده مسج .. يوم فتحه ..

في قلبي حطيتك ..
وبالتهاني خصيتك
وعلى الناس أغليتك
وبعيد الفطر هنيتك ..

" كل عام وانت بخير "

سعود ابتسم : هذي الناس الحلوة .. ع الاقل احد عيدني ..

ورسل لها مسج قال فيه ..


هذا العيد " يجنن "

تدري ليه؟

لأنك ( بوجودك ) محليه

العيد في السنة مرتين

لكن..

مثلك ...

ما في بالكون " اثنين "

وبعدها سكر جواله وشاف عمره ع المرايا للمرة الاخيرة .. وبعدها سكر النور حق الغرفة وطلع ....

كلها كم ثانية ورجع للغرفة ووقف ف الظلام داخلها يراقب .... دلع وهي طالعة من غرفتها .. وكانت فاكة شعرها البني .. ولابسة تنورتها القصيرة البني واللي فوقه بلوزة من نفس اللون بس على اغمق .. مع بوت كعب عالي ..

سعود " اخسسسس ... والله اثرها حلوة وانا مدري .. والله هالمكياج يسيوي البلاوي..."

قعد يراقبها وهي تعدل شكلها ف المرايا اللي بالممر قدام غرفته .. من فووووق .. لتححححححححححححححت .. يعني سوالها سكااااان زي ما يقولون ..

سعود : احم ..
تخرعت دلع ونقزت على ورى من الخوف حاطة يدها على قلبها : بسم الله .. من متى انت هنا .....؟؟
سعود : أ....أأ.... من حوالي ساعة ونص .. استناك تطلعين من الغرفة

دلع : ليش...؟؟ شصاير
طالع فيها سعود وعلى وجهه ابتسامة تخقق كل البنات : ولا شي بس .. بغيت اقول لك انك حلوة ...
دلع تسندت على الجدار وقالت : ماشالله تصدق من كثر ما تقوله الكلام للبنات صرت متقنه 100 % !! يبغالك شهادة ف المغازل ..
سعود تنرفز " ياصبر ايوووب على هالبنت " : افاااا .. توك وحليلك قاعدة تتدلعين وتتلزقين بالجدار ....
دلع : اففف ... سعود انت واحد تقهر .. لو سمحت مرة ثانية اذا بتتكلم بهالطريقة لا تكلمني ..
سعود : خلاص خلاص خلاص .. ولا تزعلين .. المهم .. يقول لك ابوي البسي شي عدل عشان الحين لما يرجعون من الصلاة تدخلين تسلمين على عمي عبدالرحمن ..
دلع : وانت ليش ما رحت تصلي ... ؟؟
سعود : انشالله بروح بعد شوي
دلع " شوووف الصاروووخ بس ..."

___________________________________

(( بيت ابو عوض ))

( المغرب )

كانوا الثنتين قاعدات ف غرفة اروى ..
اروى تلعب بشعرها ( الناعم ) : تصدقين .. يوم رحت اشتري الفستان .. شفت غادة ف المجمع ..
ريم : طيب؟؟.. اكيد صارت مصايب ف المجمع ..
اروى تضرب خدها بالخفيف : ماشفتي.....؟؟ عوض مسك غادة من يدها وقومها
ريم متحمسة : !!!! قولي والله..؟؟ عوضووو اخوك ما غيره ..؟؟!!
اروى : أي والله ..
ريم : شلون ..؟
اروى : انا كنت برميه عليها .. يعني على انه انتقام .. بس الكلب طلع ذكي وبحركة سريعة فرني على الارض بداله .. ولما طحت قعدت اصارخ وقام سحب غادة وقومها يحسبها انا .... خخخخخخ
ريم : ههههههههههههههه وش صار ف غادة ...؟
اروى : استحت .. ووجها صار طماطم من تحت النقاب .. بس عصبت .. بس بعدين ما شفت وش صار فيها لانه عوض سحبني وطلعني من المجمع من كثر ما كان متفشل ومعصب ...
ريم : يوووووووه ... اخوك لا عصب محد يكلمه
اروى : اعوووووووذ بالله تقولين ابليس على شكل واحد هندي ..

رن تليفون غرفة اروى ...

اروى : الووو
عوض : تحشين فيني ....؟؟
اروى :بسم الله الرحمن الرحيم ...!؟!؟!؟!؟ جني...!؟!؟!؟ وش دراك...؟
عوض : عصفووورتي قالت لي ...
اروى : عصفورتك غادة ها....؟؟
عوض : ريم جنبك يا حمااارة ...؟
اروى : يس ..
عوض : انطمي لا افقع وجهك .. كلبة وحدة ما تستحين ..
اروى تصارخ : انا ماني كلبة.. انت اللي مسكتها مو انا ....!.!.!
عوض : اوهووووو .. انتي الكلام ضايع معاك .. بغيت اطلعكم .. اثرك ما تستاهلين .. خليكم معفنة ف البيت .. بروح انا ورائد بروحنا ...
اروى جنت : الو ... الوووووو ... عوضووو يا قلبي يا عمري يا حياتي .. تعال يالغاالي .. يا اغلى من روحي .. تعالي يا وجه السعد .. تعال فديتك...
عوض متنرفز : انتي من وين تجيبين هالكلام ...؟؟ حشى كاني زوجك مو اخوك ...!.!.!.
اروى : انت مالك دخل من وين اجيبه ..... المهمم انك تسمعه .. فديتك خذنا معاك والله آسفة ..
عوض :مافي ... يللا اقلبي وجهك ..
اروى بنعوومة : والله ما بسبك من جديد بس وديني معاكم .. وين بتروحون ...؟؟
عوض : ماشالله تتشرطين بعد ...؟؟ مالك دخل وين .. تروحين وانتي قافلة فمك فاهمة ..؟
اروى تهز راسها : طيب .. من عيوني الثنتين يا عيووووني...
عوض : يللا معاكم 10 دقايق ولا بنمشي .. باي

سكر بوجهها ولا عطاها مجال تكلمه او تعترض .. اخته ويعرفها زين ...

ريم : ها وش قال ....؟؟
اروى تصفق : بيودينا ...
ريم : طيب...؟؟
اروى : طيب ايش..؟؟
ريم : طيب وين ..؟؟
اروى تقلده : تتشرطين انتي بعد!! تروحين وانتي قافلة فمك ولا مافي طلعة ..
ريم : خخخ الله يعيننا على هالاخوان .. رائد بيروح ..؟؟
اروى : أي
ريم : ما اصدق .... !!
اروى وهي تلبس عبايتها : ليش..؟؟
ريم : لاني نادر ما اشوفه ف البيت ... وتخيلي انا الحين اول سنة جامعة والدراسة علي متراكمة مرة .. يعني ما اشوفه الا كل اسبوووع كل اسبوعين .. واحيانا تمر شهووور بدون ما اشوفه ....!.!
اروى : لااااااااا عاااااد .. انا اهون .. ع الاقل اشوف عوض .. في احد يسليني ف البيت واتهاوش معاه .. بس تصدقين احيان يصير نشبة .. خصوصا لا كنت متضايقة .. ينرفز
ريم : ههههه عوض هذا بكبره رواية .. ياخي طويل مو طول اللي عنده
اروى وهي حاطة يدها على خصرها : قولي ماشالله لاتحسدين اخوي العملاق فديته بيطلعني الحين .....
ريم : بدت المصالح ..
اروى : اسكتي بس يللا وامشي .. لو اتاخرنا والله لا يروحون عنا .. يسويها اخوي ترى .. ما يستحي .. ما عنده شي اسمه بنت عم ولاشي ...

___________________________________
 
الوسوم
*رومنس ...........كاااااااامله تنامين روايه سعوديه* نامي
عودة
أعلى