تعال التم علي
خل التم اعليك
ونلم اشواكنه
ذيجة المساكين
تعال انطيني عينك رايد ابجيك
واذا ردت انت تبجي انطليلك العين
تعال ارجوك لمني اتطشرت حيل
ولا لاكي اليلمني بطول السنين
اريدك تلتفت واتشوفني وياك
نبع انت ونبع نتلاكة نبعين
تراني ملاحكك بس ماعرفتك يوم
ولاانت اعرفتني هاي سنتين
ياراقي بعنادك مثل السطور
واحس حتى القوافي البيك سجين
جزة ثلاثين عمري بمد الجسور
بس هسة آ نة احس سنتيني ستين
خلصت العمر اجمع بالاوراق
وشفت حتى الغرام انكلب بالدين
تعال التم علي
مليت الاشواك
وجثيرة اشوكي محبوسة حياطين
يسلمو يا طيب على الفكرة