الخيانه

رولا

الاعضاء
خيانه. . . وانتهت آخر سوالف عشقي المجنون=سوالف عشق. . .ياما الناس قالتها وعادتها

حكــوا عني وحكــوا عنه وعن حب ملا هالكون=صــاروا يحلفون بحبنا. . .وصدقي. . .وطيبته

وكم واحد تمنى لو خذا من لون حبي لــون=وكــم وحــده تمنت لــو تشابهنا حكايتهـــــا

انا وياه كنا حلم. . .بالمعنى وبالمضمون = لكل اثنين. . .قصة حبهم تعلن بدايتها

وفي ليله صرخ فيها الوفا من ظهره المطعون = بدايتها جروحي. . .والوفا مات بنهايتها

في ذيك الليله . . .كان اهون على احيا بدون عيون = ولا اشوف اللي شفته من حبيب قلبي ساعتها

بعيني شفته وياها. . .تضحك له. . .وهو مفتون = سعادتها في قربه. . .تشبه فقربي سعادته

وهو طاير من الفرحه. . .ولا يدري بأنه يخون = ويمكن يدري وساكت . . .ولا تهمه حقيقته

بعيني شفته. . .ماهو حكي واشي وخيال ظنون = بعيني. . .ليت عيني عمرها مايوم حبتها

وقفت ولسان حالي يقول ليه؟ ومن متى؟ وشلون؟ = عساي القى سبب واحد يبرر لي خيانته

وادور للجريمه ثغره بــكل مــذهب وقانــون = ولكني عجـــزت القى عذر يغفر جريمتهـ

قبل هالليله. . .كنت اسمع كثير من البشر يشكون = من سيوف الغدر. . .واضحك وانا أتباهى فبراءته

انا ما كان عندي شك ولو واحد من المليون = في صدق اللي تقوله عن غلاي وعن محبته

خيانته عطت حجه لكل اللي يبي يخونون = ومن هالليله. . .كل خاين بيتعذر بقصته

مادام اوفى البشر خانت. . .حرام الباقي ينلامون = وكلمات الوفا لا عاد احد يطري لي سيرته

خيانه. . .وانتهت آخر قصايد عشقي المجنون = وضاع الحلم. . .في ليله. . .الوفا مات بنهايتها
 
دائما متميزه في الانتقاء سلمتى على روعه طرحك نترقب المزيد من جديدك الرائع دمتى ودام لنا روعه مواضيعك لكـ خالص احترامي
 
جانا
الاروع والاميز مرورك
نورتي صفحتي
دمتي بخير غاليتي
 





عساي القى سبب واحد يبرر لي خيانته

الخيانه لها الف سبب

قال رسول الله عليه الصلاة والسلام

آية المنافق ثلاث

إذا حدث كذب

وإذا وعد اخلف

وإذا اؤتمن خان

فالسبب الحقيقى لخيانته ليس اى سبب غير انه

منافق


سلمت انا ملك رولا

فى الكتابات الغير منقولا
 
هلااااااا بلبل
شكرا لمرورك وكلماتك الرائعة والمميزة
لك ارق تحية واعذبها
والله يسلمك على كلماتي الغير منقوله شو اصدك
هههههههههههههه
 
رولا

اعجبني كثيرا ماخطه قلمك
واصلي ابداعك
لاعدمت جديدك المميز

 
الوسوم
الخيانه
عودة
أعلى