بنتي عمرها سنة ونص رجليها فيها تقوس وهي بتمشي عملتلها اشعة علي ايديها ورجليها وتحليل للكالسيوم طلع كله سليم الحمد لله
سألها الدكتور مشيت في عمر كام ردت في عمر سنة قالها بتجري وبتقع لما بتمشي قالتله ساعات
قالها اخبار السنان قالتله طلعت السنان وضرسين ونابين قالها كويس
رد الدكتور----------- كل الطفال بيتولدو عندهم تقوس طبيعي مفيش طفل رجليه عدلة لما بيمشي من سنة لسنة ونص بيكون فيه خوف من المشي فبيمشي مقوس بنسميها مشية البطة فالام تبص من ورا تقول انه مقوس خالص
بنتها كويسة بدليل انها طلعت سنان يعني مفيش لين عظام الام تطمن ومفيش اي مش
بنتي شهر ونص 4ونص والطول 54
عندها خنفرة جامدة بقالها اسبوع وبقالها اربع ايام مبتعملش براز وهي بترضع طبيعي بحس انها الرضاعة مش كافية ليها وجعانة وانا بعمل لها بخاخ محلول ملح
رد الدكتور---------
الخنفرة طبيعي اول ست اشهر تقل بعد التالت تروح بعد السادس
سببها الدموع القناة الدمعية بتروح للانف احنا لما بنعيط بنلاقي مية ف الانف
لازم نتعامل معاها لان الخنفرة بتبوظ الرضاعة الطفل مبيعرفش يتنفس كويس يتعب وينام يصحي تاني جعان كده الرضاعة باظت
نعمل ايه نحط محلول ملح قبل كل رضعة عادي الانف تسلك بنتك تاكل وتشبع
الامساك ده عادي لبن الام فيه حديد بيعمل امساك تاخد اعشاب بابونج ملينة مرة ف اليوم 150 سم هتعمل كل يوم
بس تخلي بالها الامساك يعني البنت معملتش من يومين انما يوم واحد ده عادي
لو يومين معملتش اديها ف اليوم التالت لبوسة جلسرين هتعمل وتستريح
فيه ناس بيخافو من اللبوس اللبوس مفيهوش مشكلة لانها هتنزل مع البراز وفيه امهات بتدهن الترمومتر فازلين بس تدخله كانها بتقيس الحرارة من الشرج وده بيساعد الطفل وبيعمل
ونخلي بالنا احنا ف الشتا لازم ندفي الطفل كويس علشان ميخنفرش تقول الام انا لفاها ف بطانيتين اه بس وشها معرض للبرد لازم ندفي الاوضة
هذا الموقع يستخدم ملفات تعريف الارتباط (الكوكيز ) للمساعدة في تخصيص المحتوى وتخصيص تجربتك والحفاظ على تسجيل دخولك إذا قمت بالتسجيل.
من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط.
