زهرة الجنة
الاعضاء
لحظة فراق
عندما يأتى المساء تتذكر هى ذاك اللقاء
هناك بالذكرى له مكان
هذا هو الكرسى الهزاز وفنجان قهوتة هنا فى الركن الهادئ تحت ضوء مصباح خافت
كانا يجلسان بالساعات يتحدثان وينساهما الزمن
ها هى وحدها الآن مع بعض كلمات تداعب أفكارها
. . تذكرت آخر لقاء
هى : اسألك وتجاوبنى بكل صراحه
هو : من يومنا و كلامنا صريح و واضح
هى : انا اية فى حياتك و ليه تعذبنى معاك
هو : انت القريبة و الصديقة و لا يمكن أفكر فى عذابك
هى : بعد اللى بنا أصبحت انا الصديقة و هى منك الحبيبة ؟!
هو : انت عارفة انها قبل منك لقلبى قريبة
هى : و كمان عارفة انك قلتلى ان راحتك على اعتابى
هو : و مازلت وهتفضلى ونيسة كل ايامى
هى : محتاجنى صديقة و هى حبيبة . . و ازى قلبك بينا هيكون ؟!
هو : و ليه المقارنة و الفرق بينكم واضح و بعيد
هى : الفرق ...... هو فى فرق بين الصفتين
الحبيبة بتملى القلب و بتكون صديقة و أخت و أم و دنيا تملى الروح و العين
هو : الحبيبة ليها شعور و وجدان و حالة من الرومانسية يصحبها شئ من الجنان
و لكن الصديقة ليها كامل العقل و احساسى معها انى طفل رافض مرور الزمان
اعيش معها بعفوية و تغفر هفواتى وأرمى على اعتابها هم الأيام
هى : صديقة تطلب لبعض أوقات ؟!
هو : انت قلبى يحمل لكى كل الود و الاحترام و الاحتياج
هى : و فين حقى فى انى اعيش حبيبة فى قلب عاشق بى هيمان ؟!
هو : الحب ممكن نفقدة فى ساعة زمن
لكن اللى بنا أقوى من أى زمن
هى : لكن أنا حبيتك وكنت أنت لى كل الزمن
وقلبى مال ومالى عليه حكم
هو : يا من ارمى على اعتابها هم الأ‘يام . .
كونى كما كنا أيام زمان
كونى حاسة بى من نظرة واشكى لكى همى و حزنى . .
يامن بين يديها أرى الأمان كلة يا من يمر وقتى معها دون شعور بالزمن . .
كونى لى كما كنت يا أعز من الحبيبة ..
و أحن من الأم .. و أقرب من الأخت
هى : من حبى ليك تحمل قلبى الكثير . . .
تشكى من حبها . . .
تنطق أمامى باسمها . .
تشكي لى بعدها . . و أنا اسمع و اتجرح و اتألم . .
هو أنا مش بشر و لا أنت شايفنى اية ؟!
حرام عليك معاك تعبت خلاص
هو : من غيرك حياتى تضيع
هى : و انت فى حياتى ضيعتنى و ضيعت قلبى منى
هو : انا من غيرك أتوه عن نفسى
هى : و انت فى حياتى توهتنى عن طريقى و عن دنيتى
هو : يا .....
هى : يا مين....؟؟!! أتقول يا صديقتى أم تقول يا حبيتى ؟!!
هو : انت كل الناس انت .. انت حبيبتى
هى : وانت .. انت ماضى وانتهى
هو : اسمعتى انا قلت لك انت حبيبتى
هى : اسمعنى يامن كنت ...
كنت اتمناك لا تقولها
الآن ثبت لى أن قلبك ليس له اى امان
ارحل .. ارحل ..
وانا هقول على أيامك سلام
