----------------
وش ها الشقى ..حتى بنظره ..مافيه لقى..,.
________________________________________
بسم الله الرحمن الرحيم
بدايه..
بين الحقيقه والكذب شعره
بين الخيال والواقع شعره
بين الحب والخداع شعره
مدخل
تـعــال دام الله كـتــب بــعــد وفــــراق
عـنــدي كـــلام بـخـاطـري مانـسـيـتـهـ
دام الـغـلا رشــة حـبـر فــوق الاوراق
لابــــوك يـاقـلـبـن طـلـبـنـي وجـيــتــهـ
شلـت التعـب ماقـلـت ياكـبـر الارهــاق
اخــاف يفهمـنـي غـلــط لـــو شكـيـتـهـ
ارضـيــه وادلــعــه والــبــال مــــاراق
فـديـت قـلــب الـلــي تـضـايـق فـديـتـهـ
فينـي وفـا عاشـق مـن البـعـد مشـتـاق
يـذكــر حبـيـبـه كـــل مـــا مـــر بـيـتـهـ
وجيتـه وفينـي شـوق مابيـن الاعمـاق
يـهـدنــي ويــزيـــد كـــــل مـاطـريـتــهـ
جيته عتب شوف العتـب داخلـي ضـاق
اسـتـغـرب اطـبـاعـي بقـلـبـن هـويـتـهـ
تدري وش اكبر شوق ما بين الاشواق
مـغـلـيــك لامــريـــت درب ولـقـيــتــهـ
والـيـوم يــوم الله كـتـب بـعـد وفـــراق
دعـيـتـلـه بــــس الـعـتــب مـانـسـيـتـهـ
...
...
بين دموعها ..رفعت جوالها وتصلت على تركي
تركي بعصبيه وبحده\انتي وينك ياغنج ..؟؟انا ماقلت لك لاتروحين...؟؟؟
غنج ببكى شديد يقطع القلب\انت ليش سويت كذا ليش دمرت اهلي..؟؟ ليه كسرة عزهم ...؟واهنتهم كذا ليه..؟؟
تركي بستغراب\انتي وينك ..؟؟وشصاير..؟؟ وش فيه..؟؟
غنج تكتم شهقتها\تركي انت ليش تكره عماني كذا..؟؟ حرام عليك حرام..؟؟؟
تركي\بطلي صياح وينك فيه..؟؟
غنج\انا بمجمع العالي...... ...؟؟؟ او الي كانو العالي.......؟؟
---------------------
مشكله ..لا صرت وافي مع ناس كذابه
مشكله.. لاصرت شامخ في زمن الانكسار
--------------------------
با القسم...
الضابط عمر جلس على مكتبه...
الضابط حسين\انت متئكد من المستندات اللي بيدك ياعمر..؟؟ تراك وهقت نفسك مع الي اسمه عزام..؟؟
هاذا الي لقبه با الاوراق الصقر..؟؟؟
عمر من دون مبالاة\واذا ..؟؟؟وواحد مجرم ..؟؟وش تبينا يعني نعامله..؟؟؟ نكسر خشمه بعد ...
خارج غرفة الضباط...
كانو الجنود كل جندين ماسكين واحد من العائله..
عزام كان ماسكه ثلاثه ..وواقف قدامه احد الضباط الي كانو با المداهمه يكلم..
ومن بعيد..ابو بدر يصوت على عزام وهو عند باب غرفة الضابط...
ابو بدر\يا الصقر ...خلك على خبري صقر...
عزام في ها اللحظه تئكد ان عمه ابو بدر مروج مخدرات ..ولا ماكان قال جملته هاذي ..الي دايم يقولها اذا قربت مصيبه.. وتصير مثل شيفره عندهم...
ابو فيصل بتعب\مايصير كذا يادخلونا.. يامنعو.. ها المصورين الي قاعدين يلتقطون لنا صور...
الضابط يسحب الكاميرا من واحد من الصحفين وتوجه لكلامه لبو فيصل\يعني لو انكم نظاف ماوقفتو ها الموقف,,,؟
عزام ماعاد صار يملك اعصابه\كل تبن انت وجهك انضف من نجومك الي رازها على كتفك..؟؟
الضابط ناظر عزام نظرات استحقار وطق باب غرفة الضابط عمر ودخل...
بدر بقل صبر\ابفهم يعني..؟؟ انتم وش مهببين..؟؟ وش المخدرات هاذي الي طالعين لي فيها..؟؟
فيصل\مخدرات..!!! مخدرات..!! مره وحده.. والله الي ماعاد شفت لنبات الشوراع حتى..؟؟؟
سعود بطفش \يلعن ام القرف..؟؟عزام ...وبعدين يعني مع ها الحاله..؟؟تصرف ياخي..؟؟
ابو بدر بصراخ\يعني وش تبونا نسوي بيدنا شي الحين وماسويناه..؟؟هم بس لو يعطوني جوالي ...اه يا القهر بس.؟؟
لحظات ونادو على اسم ابو فيصل..
وبتثاقل وتعب جر رجوله لداخل مكتب الضابط..
كان اللضابط عمر واقف ويصب له كوفي من الاله الي جنبه ولما شاف ابو فيصل...
الضابط عمر\هههههه واخيرا شرفتونا هنا...؟؟؟مافي احلا من الواجهات الاماعه اذا طاحت..؟؟وربي مسخره تصير...
الضابط حسين\تفضل ابو فيصل اجلس..
عمر بحده\انا مااسمح له يجلس خلك واقف..
ابو فيصل سحب الكرسي وبشموخه الي يفرضه جلس\اظن اني قريت بكتاب..؟؟ ان المتهم يبقى بريئ الى ان تثبت ادانته..واظن ها المعلومه مرة عليك بدراستك العسكريه...
عمر\هههههههههههه بريئ ياشيخ كل هاذا بريئ.. تجارة مخدرات.. هروين ..و..حشيش ..و..شمه بين المدراس ..اطفال صغار ..يروجون ..بنات في عمر الزهور ادمنو ..وللاسف تحولو لورود ذابله.. دمرتو بلادنا.. في ها الاسلحه ..الي تجي عن طريقكم ..وتوزع ايضا عن طريقكم.. ياااااه.. قد ايش الكلمه هاذي كبيره عليكم ..بريئ مره وحده.. خلني اقول لك شي...
طفل عمره 12 سنه مطلع على ملفه.. مدمن على الشمه.. ياه حتى الطفوله ماعاشها.. ماتحمل الجرعة الي خذاها.. وراح في غمضة عين..ياااه يابو فيصل بريئ ..؟؟ ام ماعندها الاذريه بنات.. ويالله طلعت في ها الدنيا بولد... وللاسف الولد صار يتعاطئ ..واغتصب وحده من خواته.. والام نفسها ..؟؟الي خافت عليه من الهوى الطاير... هي الي قتلته... ياااااااه يابوفيصل..؟؟؟ لو ائلف في السم الي تقول انك بريئ منه مجلدات ما خلصت..؟؟
ابو فيصل بحده\حنى مالنا شغل في هاذا الكلام كله...؟؟؟صدقني هاذي الحقيقه ,..العالي... يبنون مايدمرون...
يرفعون اسم بلدهم..مايحطونه في الوحل..العالي.... همهم الاول الشرف والكرامه..مالهم دخل في الضياع الي تكلمت عنه.. العالي...
محبينهم كثير..و اعدائهم كثير.. ماستبعد انهم من اعداءنا الي قدم لك ها البلاغ...ياولدي..
الضابط عمر معصب\انا ماني ولد تاجر مخدرات واسلحه..؟؟؟ مثلك مدعي الصلاح والتقى ..؟؟انا ابوي مايدمر بلده واهله..؟؟ابوي يابو فيصل مصلي وصايم ..ماهو من حضن عاهره؟؟ لحضن كافره...؟؟؟
والا.. ابو بدر وماجد اخوكم الي مات بعيد عن كلامي...قول وش فيك سكت..؟؟
الضابط حسين وهو يشوف ابو فيصل بادي يتعب.. وتتغير ملامح وجه.. للعبوس اكثر... مد له كاس مويه\تفضل ابو فيصل..
وابتسم..انا من مؤسسه الخيريه الي فتحتها للايتام الي كانت بسم العالي......
ابو فيصل رفع راسه اتجاه لهاذا االضابط الشاب وابتسم\مشاء الله خدمت وطنك..؟؟ونعم التربيه الي ربوك عليها..
الضابط عمر\اقول عن النفاق ..؟؟والمؤسسات هاذي الي انتم فاتحينها ماهي الا واجه تغطون فيها اعمالكم المشبوها ..قول بس وش اقوالك عن التهم الي موجه لك...؟؟؟
ابو فيصل بهدوء\ماظن احد يحب بلده مثلي والي يحب مايئذئ ...
الضابط عمر ائشر لضابط الثاني يطلعه وينادي عزام...
---------------------
مشكله ..لا صرت وافي مع ناس كذابه
مشكله.. لاصرت شامخ في زمن الانكسار
--------------------------
بمجمع العالي.....
6ص
ام فيصل\يابنتي ياغنج ادخلي نامي اواكلي لك لقمه..
غنج\مابي...
مهاوي الي كانت منسدحه على فخذ غنج\يمه انا خايفه مافي البيت رجال...
ام فيصل ببحه\ماله داعي ها الكلام انشاء بيطلعون..
ام بدر وهي تبكي\والله اظنها كايده ها المره..؟؟
العنود الي كانت ببدايه خايفه ..وبعدها صارت عادي.. لنها ماتحب احد من اهلها.. با العكس لو يسجنون.. بتلعب على كيفها..
مهاوي\حرام عليكي غنج اطلعي لخوك من ساعتين يستناك..؟؟
غنج تذكرة اخوها\انا بطلع شوي وراجعه...
طلعت غنج شافت اخوها واقف ومتكي على الجدار ومغمض عيونه من التعب..
غنج بدموع\تركي..
تركي فتح عيونه وبتعب\غنج صدقيني مالي شغل بسالفه هاذي..؟؟؟ صح اني ابي اذيهم.. بس مو كذا...والله العظيم مو انا...
غنج بحيره\انا مدري كيف..؟؟ ..بس انا مصدقتك ...انت مستحيل يكون قلبك كذا اسود....
تركي\انا ارسلت لهم محامي.. يشوف وش السالفه...
غنج وهي تتذكر قهر عزام\وانا دقيت على فارس يروح لهم ...يتصرف ..هو..معارفه كثير والي يحبونه الواصلين كثير..
تركي\يالله نمشي نرتاح ونرجع لهم....
غنج\لاروح انت انا بظل هنا....
تركي\براحتك انتبهي على نفسك انا كنت بجلس لاكن وجودي مو مرحب فيه
غنج ابتسمت له وباسها من خده ومشى..
---------------------
مشكله ..لا صرت وافي مع ناس كذابه
مشكله.. لاصرت شامخ في زمن الانكسار
--------------------------
با القسم ...
خمسة ضباط محاوطين عزام يستجوبونه..
الضابط عمر وهو الي ضربه\وش تفسر وجود ها الطقم ببت عمك ابو بدر ..؟؟
فتح الطقم وكب البودره الموجوده فيه ...عزام في ها اللحظه انصدم عمه مستعد يشتغل بي شي الا المخدرات.. ماتوقعها..
عمر بحده\ماتتكلم..؟؟؟
عزام يسحب سيجاره ويحطها بفمه...
الضابط عمر سحب السيجاره ورماها وبعصبيه\ودخن انت وجهك..؟؟ ياخي ياوقحاتك..؟؟ تموتون شبابنا... وتعيشون على امتصاص الدم
منهم...
عزام يمسح لدم الي كان ينزل من فمه.. قطرات.. كان هادئ.. وهدوئ يربك الضباط.. كانو عارفين انهم قدام مجرم كبير..
ومتمكن اكثر منهم .. على الرغم من صغر سنه ..ولاكن هيبته عبت المكان...وملته..
الضابط وليد بحده\عزام اعترف..؟؟ شف الانكار ماييودي ولا يجيب..؟؟ الادله ضدكم..؟؟
الضابط حسين بهدوء\عزام اذا اعترفت بئن عمك ابو بدر الراس المدبر..؟؟ صدقني بيصير الحكم عليك مخفف...ساعدنا ونساعدك...
عزام ناظرهم نظرات صقر حاده ورجع لهدوء...؟؟!!!!!
وليد بقرف\طيب ممكن تقولي يا استاذ عزام..ويرمي مسدسين عزام على الطاوله..ليش هاذي شايلها..؟؟
عزام وهو يطالع رسمة راس الصقر على مسكة المسدس\احتياطات .. والمسدسات مرخصه..
عمر\هممممم ..المخدرات جريمتها عاديه ..؟؟جنب اعمالكم الوسخه...؟؟ احد يسهل توفر الاسلحه للخلايا الارهابيه لدخول بلده
وتخريبها وموت المسلمين..قووووووووول
عزام من دون مبالاه\مافي دليل اذا حصلت دليل جبه اوكي..؟؟
الضابط عمر وهو يدور عند عزام وحط يده على كتف عزام\اولاد الحلال كثير... وهم الي بيتكفلون بئدلتكم الوسخه..
عزام امتلئة ضحكته ارجاء الغرفه... وانصدم الضباط من دمه الجليدي..؟؟ كيف قادر يضبط اعصابه على درجة التجمد..؟؟
وهو في موقف لا يحسد عليه..؟؟!!
عزام بسخريه لاذعه\يووووه تصدق عاد حسبت عندكم سالفه مهمه...؟؟ وماسكين شي كبير..؟؟
على العموم متى بس تفكني من وجهك صراحه بديت امل...؟؟؟وبد صبري ينفذ...
عمر وهو يجلس بقهر.. طلعوه وجيبوو عمه...
دخل ابو بدر بعد عزام واول ماجلس..
كان احد الضباط داخل وراه...
الضابط بخوف\ضابط عمر.. اللواء ركن سعد.. جاي من المركز بنفسه للقسم...
الضابط عمر ارتبك ووقف وفي ها الاثناء جلس ابو بدر والابتسامه تعلو فمه الواسع...
لحظات والباب يفتح على مصراعيه..
الضباط\احترامي سيدي...
اللواء سعد\ابو بدر اسف اني تئخرة...؟؟
ابو بدر يقوم يسلم عليه\لا جيت بوقتك بضبط...؟؟
اللواء بحده\ضابط عمر ..؟؟حسابك معي عسير ..؟؟؟كيف تحول مسار القضيه لعائلة العالي.... ... الي اعمالهم الخيريه.. ماليه البلد وتترك المجرمين الحقيقين..؟؟كيف تتصرف من نفسك..؟؟ وتهاجم عائله من اهم العوائل با لرياض... المعروفه بنشاءتها الي تخدم البلد.. ومن دون اذني واخذ توقعي؟؟؟..
الضابط عمر متلعثم\لاكن..الاوراق الي معي والمستندات..
اللواء سعد\جيب الاوراق الحين..؟؟
مد الضابط عمر الاوراق للواء سعد ولما مسكها اللواء سعد شققها وبحده\الناس ماعاد تميز بين الصالح والطالح ..؟؟بلاغات كيديه..
واوراق مزوره ماعد نتئكد منها...؟؟؟ضابط عمر انت محول للتحقيق...
الضابط عمر مقهور\انا اعترض سعادة اللواء ...
اعطاه سعد نظره ارعبته وامر بدخال ابو فيصل وعزام المكتب...
دخل عزام وسلم عليه اللواء سعد بحراره.. وسلم على ابوفيصل.. واعتذر لهم بشده عن هاذا الشي...
عزام ياخذ المسدسات حقته من مكتب الضابط...
الضابط عمر بحده\لاتتوقع انكم اذا ماحصلنا عليكم دليل قوي ..بتفلتون بعملتكم.. مصيركم طايحين بيدينا..؟؟وصدقوني راح اصعد القضيه للجهات العليا..؟؟
عزام ساكت ومارد عليه..
ابو بدر بثقه\وانت لاتتوقع انك في مكتبك بعد كم ساعه..الناس الي طلعونا.. هم الي بتطيرونك من كرسيك ياصغير...
الضابط\حتى لو نفذت تهديدك صدقني بيجي غيري وبينكبكم...خلك واثق من ها الشي...
كان الضابط عمر قريب من ابو بدر وعزام ..عزام عطاه ظهره .. ومشى خطوتين بعدين استدار..
وبهدوء\ضابط عمر..؟؟
عمر التفت له وبقرف\خير..؟؟
عزام بهدوء\كنت بطلع ..؟؟وائجل تصفيت حسابي معك..؟؟ بس صدقني ها الحساب مايتئجل..؟؟
عمر من دون فهم\وش تقصد..؟؟
ماكمل كلامه.. الا..عزام موجه له لكمه قويه على فمه ..وطاح بعدها على الكنبه وراه...
عزام بحده\هاذا بس لني بنشغل بعد كذا..؟؟ والا... كان فهمتك كيف تتجرء على اسيادك ياصغير....؟؟؟
طلعو الشباب وابو فيصل وابو بدر وعزام من القسم...
وعند باب القسم كانت السيارات حقتهم موقفه جايبهها فارس والسواقين..
فارس\الحمد لله على السلامه...
ابو فيصل\تعبناك ياولدي معنا... لولا.. وقفتك معنا انت ومحامينك ..مدري وش كنا بنسوي..
ابو بدر يشكر اللواء سعد\اشكرك بصراحه انت معروفك ماراح انساه..؟؟
سعد\ولو يابو بدر انت راعي الاوله دايم معنا.. وعلى العموم الضابط هاذا بنحوله لتحقيق وبنجازيه بعد..
ابوبدر يبتسم وهو يودع سعد...ومتئكد ان احبابه الهوامير الي في السوق هم الي ساندينه مو هاذا ووجه...
ابو فيصل كان يحس بتعب كبير وشافوه الشباب ولاحظه فارس...
عزام بخوف\عمي فيك شي...؟؟
ابو فيصل بجلس\ احس نفسي ضايق علي...
فتحو باب السياره وركبو ابو فيصل فيها..
عزام بخوف\عمي تبي المستشفى..؟؟
فارس قريب من ابو فيصل\تعبان انت يا بو فيصل...
ابو فيصل بتعب كبير\لا..لا.. مافيني شي ..وناظر ابو بدر وبعدها نزل عينه..انا اخرتي ادخل الحبوس وانام فيها ...ياالله الخيره..
انا ..اخرتي يحقر في وطنيتي وحبي لطهر بلد ضابط حقير...يالله الخيره...
عزام بقهر\عمي... والله.. والله.. لادفع الي ورى نومتنا باالسجن دم... عارف ياعمي دم...
ابو فيصل فتح القلاب حقه حس ان تنفسه يخف\خلونا نروح للبيت ...وانا اعرفك زين ياصقري...ماتحتاج المواقف تبرهن لي..
ركب كل واحد بسيارته وكان ابو فيصل وعزام وابو بدربسيارة عزام ...
بدر الي كان شوي وبينفجر منهم ركب سيارته بهدوء ..
وفارس وسعود وفيصل بسيارة فارس...
ابو بدر بعصبيه\ هو تركي متوعدنا اللعين بتدميرنا.. والا.. انتم ناسين اصلن با الاساس مافي احد يتجرئ علينا...
عزام بحده\عمي وليه مايكون من الي يكرهونك..؟؟ واعدائك..؟؟؟.
ابو بدر واصل حده\انا ...الي بصفي حسابي معه.. حسابي معه ..والله الليله قبل بكرا... اصفيه واعلمه ها التعبان..
ابو فيصل بتعب\اتركو ولد ماجد.. لو بس يكون سند لخته ..بعد ماموت..
عزام التف لعمه وحس بنغزه بقلبه\بعد عمر طويل عمي...لاتقول كذا..
ابو فيصل وهو يئشر بصبعه تهديد وبتعب\ سليمان..؟؟ ولد ماجد... لاتئذيه يا سليمان..
ابو بدر بضيق\طيب خلاص ارتاح انت...
لحظات ودخلو مجمعهم واصتفت السيارات بمكان المواقف.. ونزلو منها الشباب ..وبطبع ابو بدر وابو فيصل
في الفله...
مهاوي وهي عند الشباك وبفرحه\يمه ابوي طلع وعمي واخواني..
ام فيصل بضحكه\الله يبشرك با الخير...
غنج وهي تنط من الكنبه\جد مهاوي..؟؟؟
مهاوي\ تعالي شوفي ...؟؟
وطلت غنج وفعلن شافتهم قريبن من المدخل...
ام بدر بصوت عالي\الحمدلله الحمدلله...
دخلو الجميع فلة ابو فيصل..
مهاوي وغنج ركضو وحضنو ابو فيصل.. الي كان ماسكه عزام من ذراعه..وغنج جت من الجه الي فيها عزام ماسك ابو فيصل منها...
بدر بحده\لاتعبون عمي يابنات.. فوق ماهو تعبان..
غنج ومهاوي كانو حاضنينه ويبكون...
فيصل قرب من مهاوي وبعدها من حضن ابوه\مهاوي... اتركي ابوي يرتاح ...ماتشوفينه تعبان ..؟؟
مهاوي ضمت فيصل بعد.. الي خلاها تضمه ..اول مره تعبر من دون مزح ...وهبل.. عن اخوتها لفيصل ..وكانت تصيح..
ابو بدر بقرف\الله وكبر على ها المناحه..؟؟؟
غنج تمسح دموعها\عمي الحمدلله على سلامتك...
ابو فيصل وهو تعبان مره\الله يسلمك يا بنتي.. لاتصيحين تعورين قلبي..
غنج \عمي لاتتعب خلاص هاذا انا امسح دموعي...
مسحت دموعها غنج ..تحت اناظرعزام ..الي قريب منها مره.. اول مره بعد سفرتها.. يكون منها بها القرب.. وهي مانتبهت
له يااااااااه يانا مشتاق..
ودي بس اضمك.. وارتاح بعد ها الفراق.. سكر عيونه وهو يشم عطرها..يحس ها العطر يلفه ويضمه ويطفي شوقه لها...
لو بس لحضات ..لحضات ..بس...لحضات...
ام عزام تركض لعيالها وضمت سعود وصارت تصيح\يمه سعود يمه سعود يمه سعود.. كنتم بتروحون في رمشة عين يايمه..
عزام التفت لمه وترك عمه واتجه لها بسرعه.. مايتحمل يشوفها متضايقه ..كيف لو تصيح..؟؟ سحبها من حضن سعود لحضنه ..
بقامته الطويله.. وجسمه الرياضي ..انقلبت الايه.. وصارت امه كنها طفلته.. وهو ابوها يهديها\يمه لاتصيحين ..لاتضيقين خلقك يا الغاليه.. هاذا انا وسعود.. عندك.. مافينا شي.. سالمين.. و..الحمدلله ..
سعود يبوس راسها\يمه هدي نفسك مايصير كذا..
ام عزام تبكي وتحاول ان الكلام يظهر منها مفهوم\ياعزام ..انت ..و..سعود.. لو يصير لكم شي.. مدري وش اسوي بعمري ..
عزام مسكها وضمها لصدره وغمض عيونه بضعف\بسم لله عليك يمه...
ابو بدر يناظر غنج وبصراخ\انتي ياهيه..؟؟؟!!!
الجميع يناظرون ابو بدر.. وغنج انتبهة ان هي المقصوده ..واستغربت..؟؟؟
ابو بدربحده\لاتحسبين ان حنى بنسكت على خرابيطك وتمثيلك ..؟؟ومسويه فيها البريئه..؟؟ روحي لخوك..؟
؟ وقولي له ان انا وعزام برد له الصاع صاعين..!!
وبدال اليوم الي قضيناه... ندمه عمره كله.. وانتي انقلعي يالله من بيتنا ..ولاعشانك مرسله فارس الرخمه.. ومعه كم محامي.. بتحسبين غافلين عنك...
غنج تطالعه بصدمه... وهو يهاوش.. ومعصب وكن كل شحمه في جسمه السمين تهتز\عمي..؟؟ تقصد اخوي تركي..؟؟
بدر بستهزاء\تركي..ايه تركي جعله الموت ..ولاالحادث الي ينتفه.. ماعاد نحصله له ولا لحمه..
غنج سمعت دعاوي ابو بدر عليه وصرخت\لاتقول كذا علىاخوي..
بدر مقهور\يبه وش فيك..؟؟
ابوبدر بحده\انت كل تبن يا العاشق المتيم ..تراها ماهيب يمك.. سوى مثل هاذا الصقر... الي عافها من عمايلها وفساختها..
غنج التفتت لعزام الي جت عينه بعينها ...وسكت.. وهي تجمعت الدموع بعيونها من كلام ابو بدر.. الي زي السم
ابو بدر يئشر بيده لمدخل الفله\انقلعي الله ياخذك انتي واخوك..؟؟؟
مسك بدر ابوه عن غنج لا يضربها...
التفت عزام لعمه ابو فيصل الي كان توازنه يختل ...وبسرعه ركض له
و جلسه عزام على الكنبه.. شافه كل ماله يتعب... فتح ازرة ثوبه عشان يتنفس..
ابو بدر بعصبيه وبصوت يرعب ويزلزل اركان الفله\يا الفاجره روحي له ..والله.. والله.. لادفعه ثمن الي انكتب عنا اليوم با الجرايد دم ..
واخليه يدور الفرج مايلقاه..
غنج رجعت خطوات لورى.. شافت العيون كلها لها تلومها.. كلهم.. مافي احد دافع عنها.. كل واحد تشوف بعينها... الف ملامه
ام بدر والعنود كلوها بنظرات الي كنها خناجر فيصل الي استدار ومهاوي الي عضت شفايفها كنها مقهوره..ام عزام الي ودها تقتلها لما عرفت...
حتى عزام ماقال شي ..؟؟؟ولادافع عنها ..؟؟مافي احد... كلهم يبونها تطلع ...؟؟
ليه كذا بعد ماتعلقت فيهم وحبتهم..يسون فيها كذا..ليه ماهي من البدايه ماكانت تبيهم.. هم.. الي اصرو عليها..
لما تئقلمت معهم ..وحست بحب العائله ..والجو الحميم ..الاسري.. يطلبون منها الحين .. تطلع ..؟؟ولاترجع لهم.. مره ثانيه...
وبسرعه ..خذة عباتها من الكنبه.. وراحت برى الفله.. وهي تبكي وصوتها مبحوح من القهر...
طلعت بسرعه ومالتفت لحد ..كان يركض وراها..ومن التعب الي اكتساه حتى صوته خانه ..
.ركضت برى المجمع ...شافت سواقها عند السياره.. فتحت الباب وركبت بسرعه...
عزام في ها الوقت كان يركض وراها.. وقف عند الباب لما سمع اصوات بصاله صراخ.. حس ان عمه صار فيه شي..؟؟ورجع بسرعه...
---------------------
مشكله ..لا صرت وافي مع ناس كذابه
مشكله.. لاصرت شامخ في زمن الانكسار
--------------------------
وش ها الشقى ..حتى بنظره ..مافيه لقى..,.
________________________________________
بسم الله الرحمن الرحيم
بدايه..
بين الحقيقه والكذب شعره
بين الخيال والواقع شعره
بين الحب والخداع شعره
مدخل
تـعــال دام الله كـتــب بــعــد وفــــراق
عـنــدي كـــلام بـخـاطـري مانـسـيـتـهـ
دام الـغـلا رشــة حـبـر فــوق الاوراق
لابــــوك يـاقـلـبـن طـلـبـنـي وجـيــتــهـ
شلـت التعـب ماقـلـت ياكـبـر الارهــاق
اخــاف يفهمـنـي غـلــط لـــو شكـيـتـهـ
ارضـيــه وادلــعــه والــبــال مــــاراق
فـديـت قـلــب الـلــي تـضـايـق فـديـتـهـ
فينـي وفـا عاشـق مـن البـعـد مشـتـاق
يـذكــر حبـيـبـه كـــل مـــا مـــر بـيـتـهـ
وجيتـه وفينـي شـوق مابيـن الاعمـاق
يـهـدنــي ويــزيـــد كـــــل مـاطـريـتــهـ
جيته عتب شوف العتـب داخلـي ضـاق
اسـتـغـرب اطـبـاعـي بقـلـبـن هـويـتـهـ
تدري وش اكبر شوق ما بين الاشواق
مـغـلـيــك لامــريـــت درب ولـقـيــتــهـ
والـيـوم يــوم الله كـتـب بـعـد وفـــراق
دعـيـتـلـه بــــس الـعـتــب مـانـسـيـتـهـ
...
...
بين دموعها ..رفعت جوالها وتصلت على تركي
تركي بعصبيه وبحده\انتي وينك ياغنج ..؟؟انا ماقلت لك لاتروحين...؟؟؟
غنج ببكى شديد يقطع القلب\انت ليش سويت كذا ليش دمرت اهلي..؟؟ ليه كسرة عزهم ...؟واهنتهم كذا ليه..؟؟
تركي بستغراب\انتي وينك ..؟؟وشصاير..؟؟ وش فيه..؟؟
غنج تكتم شهقتها\تركي انت ليش تكره عماني كذا..؟؟ حرام عليك حرام..؟؟؟
تركي\بطلي صياح وينك فيه..؟؟
غنج\انا بمجمع العالي...... ...؟؟؟ او الي كانو العالي.......؟؟
---------------------
مشكله ..لا صرت وافي مع ناس كذابه
مشكله.. لاصرت شامخ في زمن الانكسار
--------------------------
با القسم...
الضابط عمر جلس على مكتبه...
الضابط حسين\انت متئكد من المستندات اللي بيدك ياعمر..؟؟ تراك وهقت نفسك مع الي اسمه عزام..؟؟
هاذا الي لقبه با الاوراق الصقر..؟؟؟
عمر من دون مبالاة\واذا ..؟؟؟وواحد مجرم ..؟؟وش تبينا يعني نعامله..؟؟؟ نكسر خشمه بعد ...
خارج غرفة الضباط...
كانو الجنود كل جندين ماسكين واحد من العائله..
عزام كان ماسكه ثلاثه ..وواقف قدامه احد الضباط الي كانو با المداهمه يكلم..
ومن بعيد..ابو بدر يصوت على عزام وهو عند باب غرفة الضابط...
ابو بدر\يا الصقر ...خلك على خبري صقر...
عزام في ها اللحظه تئكد ان عمه ابو بدر مروج مخدرات ..ولا ماكان قال جملته هاذي ..الي دايم يقولها اذا قربت مصيبه.. وتصير مثل شيفره عندهم...
ابو فيصل بتعب\مايصير كذا يادخلونا.. يامنعو.. ها المصورين الي قاعدين يلتقطون لنا صور...
الضابط يسحب الكاميرا من واحد من الصحفين وتوجه لكلامه لبو فيصل\يعني لو انكم نظاف ماوقفتو ها الموقف,,,؟
عزام ماعاد صار يملك اعصابه\كل تبن انت وجهك انضف من نجومك الي رازها على كتفك..؟؟
الضابط ناظر عزام نظرات استحقار وطق باب غرفة الضابط عمر ودخل...
بدر بقل صبر\ابفهم يعني..؟؟ انتم وش مهببين..؟؟ وش المخدرات هاذي الي طالعين لي فيها..؟؟
فيصل\مخدرات..!!! مخدرات..!! مره وحده.. والله الي ماعاد شفت لنبات الشوراع حتى..؟؟؟
سعود بطفش \يلعن ام القرف..؟؟عزام ...وبعدين يعني مع ها الحاله..؟؟تصرف ياخي..؟؟
ابو بدر بصراخ\يعني وش تبونا نسوي بيدنا شي الحين وماسويناه..؟؟هم بس لو يعطوني جوالي ...اه يا القهر بس.؟؟
لحظات ونادو على اسم ابو فيصل..
وبتثاقل وتعب جر رجوله لداخل مكتب الضابط..
كان اللضابط عمر واقف ويصب له كوفي من الاله الي جنبه ولما شاف ابو فيصل...
الضابط عمر\هههههه واخيرا شرفتونا هنا...؟؟؟مافي احلا من الواجهات الاماعه اذا طاحت..؟؟وربي مسخره تصير...
الضابط حسين\تفضل ابو فيصل اجلس..
عمر بحده\انا مااسمح له يجلس خلك واقف..
ابو فيصل سحب الكرسي وبشموخه الي يفرضه جلس\اظن اني قريت بكتاب..؟؟ ان المتهم يبقى بريئ الى ان تثبت ادانته..واظن ها المعلومه مرة عليك بدراستك العسكريه...
عمر\هههههههههههه بريئ ياشيخ كل هاذا بريئ.. تجارة مخدرات.. هروين ..و..حشيش ..و..شمه بين المدراس ..اطفال صغار ..يروجون ..بنات في عمر الزهور ادمنو ..وللاسف تحولو لورود ذابله.. دمرتو بلادنا.. في ها الاسلحه ..الي تجي عن طريقكم ..وتوزع ايضا عن طريقكم.. ياااااه.. قد ايش الكلمه هاذي كبيره عليكم ..بريئ مره وحده.. خلني اقول لك شي...
طفل عمره 12 سنه مطلع على ملفه.. مدمن على الشمه.. ياه حتى الطفوله ماعاشها.. ماتحمل الجرعة الي خذاها.. وراح في غمضة عين..ياااه يابو فيصل بريئ ..؟؟ ام ماعندها الاذريه بنات.. ويالله طلعت في ها الدنيا بولد... وللاسف الولد صار يتعاطئ ..واغتصب وحده من خواته.. والام نفسها ..؟؟الي خافت عليه من الهوى الطاير... هي الي قتلته... ياااااااه يابوفيصل..؟؟؟ لو ائلف في السم الي تقول انك بريئ منه مجلدات ما خلصت..؟؟
ابو فيصل بحده\حنى مالنا شغل في هاذا الكلام كله...؟؟؟صدقني هاذي الحقيقه ,..العالي... يبنون مايدمرون...
يرفعون اسم بلدهم..مايحطونه في الوحل..العالي.... همهم الاول الشرف والكرامه..مالهم دخل في الضياع الي تكلمت عنه.. العالي...
محبينهم كثير..و اعدائهم كثير.. ماستبعد انهم من اعداءنا الي قدم لك ها البلاغ...ياولدي..
الضابط عمر معصب\انا ماني ولد تاجر مخدرات واسلحه..؟؟؟ مثلك مدعي الصلاح والتقى ..؟؟انا ابوي مايدمر بلده واهله..؟؟ابوي يابو فيصل مصلي وصايم ..ماهو من حضن عاهره؟؟ لحضن كافره...؟؟؟
والا.. ابو بدر وماجد اخوكم الي مات بعيد عن كلامي...قول وش فيك سكت..؟؟
الضابط حسين وهو يشوف ابو فيصل بادي يتعب.. وتتغير ملامح وجه.. للعبوس اكثر... مد له كاس مويه\تفضل ابو فيصل..
وابتسم..انا من مؤسسه الخيريه الي فتحتها للايتام الي كانت بسم العالي......
ابو فيصل رفع راسه اتجاه لهاذا االضابط الشاب وابتسم\مشاء الله خدمت وطنك..؟؟ونعم التربيه الي ربوك عليها..
الضابط عمر\اقول عن النفاق ..؟؟والمؤسسات هاذي الي انتم فاتحينها ماهي الا واجه تغطون فيها اعمالكم المشبوها ..قول بس وش اقوالك عن التهم الي موجه لك...؟؟؟
ابو فيصل بهدوء\ماظن احد يحب بلده مثلي والي يحب مايئذئ ...
الضابط عمر ائشر لضابط الثاني يطلعه وينادي عزام...
---------------------
مشكله ..لا صرت وافي مع ناس كذابه
مشكله.. لاصرت شامخ في زمن الانكسار
--------------------------
بمجمع العالي.....
6ص
ام فيصل\يابنتي ياغنج ادخلي نامي اواكلي لك لقمه..
غنج\مابي...
مهاوي الي كانت منسدحه على فخذ غنج\يمه انا خايفه مافي البيت رجال...
ام فيصل ببحه\ماله داعي ها الكلام انشاء بيطلعون..
ام بدر وهي تبكي\والله اظنها كايده ها المره..؟؟
العنود الي كانت ببدايه خايفه ..وبعدها صارت عادي.. لنها ماتحب احد من اهلها.. با العكس لو يسجنون.. بتلعب على كيفها..
مهاوي\حرام عليكي غنج اطلعي لخوك من ساعتين يستناك..؟؟
غنج تذكرة اخوها\انا بطلع شوي وراجعه...
طلعت غنج شافت اخوها واقف ومتكي على الجدار ومغمض عيونه من التعب..
غنج بدموع\تركي..
تركي فتح عيونه وبتعب\غنج صدقيني مالي شغل بسالفه هاذي..؟؟؟ صح اني ابي اذيهم.. بس مو كذا...والله العظيم مو انا...
غنج بحيره\انا مدري كيف..؟؟ ..بس انا مصدقتك ...انت مستحيل يكون قلبك كذا اسود....
تركي\انا ارسلت لهم محامي.. يشوف وش السالفه...
غنج وهي تتذكر قهر عزام\وانا دقيت على فارس يروح لهم ...يتصرف ..هو..معارفه كثير والي يحبونه الواصلين كثير..
تركي\يالله نمشي نرتاح ونرجع لهم....
غنج\لاروح انت انا بظل هنا....
تركي\براحتك انتبهي على نفسك انا كنت بجلس لاكن وجودي مو مرحب فيه
غنج ابتسمت له وباسها من خده ومشى..
---------------------
مشكله ..لا صرت وافي مع ناس كذابه
مشكله.. لاصرت شامخ في زمن الانكسار
--------------------------
با القسم ...
خمسة ضباط محاوطين عزام يستجوبونه..
الضابط عمر وهو الي ضربه\وش تفسر وجود ها الطقم ببت عمك ابو بدر ..؟؟
فتح الطقم وكب البودره الموجوده فيه ...عزام في ها اللحظه انصدم عمه مستعد يشتغل بي شي الا المخدرات.. ماتوقعها..
عمر بحده\ماتتكلم..؟؟؟
عزام يسحب سيجاره ويحطها بفمه...
الضابط عمر سحب السيجاره ورماها وبعصبيه\ودخن انت وجهك..؟؟ ياخي ياوقحاتك..؟؟ تموتون شبابنا... وتعيشون على امتصاص الدم
منهم...
عزام يمسح لدم الي كان ينزل من فمه.. قطرات.. كان هادئ.. وهدوئ يربك الضباط.. كانو عارفين انهم قدام مجرم كبير..
ومتمكن اكثر منهم .. على الرغم من صغر سنه ..ولاكن هيبته عبت المكان...وملته..
الضابط وليد بحده\عزام اعترف..؟؟ شف الانكار ماييودي ولا يجيب..؟؟ الادله ضدكم..؟؟
الضابط حسين بهدوء\عزام اذا اعترفت بئن عمك ابو بدر الراس المدبر..؟؟ صدقني بيصير الحكم عليك مخفف...ساعدنا ونساعدك...
عزام ناظرهم نظرات صقر حاده ورجع لهدوء...؟؟!!!!!
وليد بقرف\طيب ممكن تقولي يا استاذ عزام..ويرمي مسدسين عزام على الطاوله..ليش هاذي شايلها..؟؟
عزام وهو يطالع رسمة راس الصقر على مسكة المسدس\احتياطات .. والمسدسات مرخصه..
عمر\هممممم ..المخدرات جريمتها عاديه ..؟؟جنب اعمالكم الوسخه...؟؟ احد يسهل توفر الاسلحه للخلايا الارهابيه لدخول بلده
وتخريبها وموت المسلمين..قووووووووول
عزام من دون مبالاه\مافي دليل اذا حصلت دليل جبه اوكي..؟؟
الضابط عمر وهو يدور عند عزام وحط يده على كتف عزام\اولاد الحلال كثير... وهم الي بيتكفلون بئدلتكم الوسخه..
عزام امتلئة ضحكته ارجاء الغرفه... وانصدم الضباط من دمه الجليدي..؟؟ كيف قادر يضبط اعصابه على درجة التجمد..؟؟
وهو في موقف لا يحسد عليه..؟؟!!
عزام بسخريه لاذعه\يووووه تصدق عاد حسبت عندكم سالفه مهمه...؟؟ وماسكين شي كبير..؟؟
على العموم متى بس تفكني من وجهك صراحه بديت امل...؟؟؟وبد صبري ينفذ...
عمر وهو يجلس بقهر.. طلعوه وجيبوو عمه...
دخل ابو بدر بعد عزام واول ماجلس..
كان احد الضباط داخل وراه...
الضابط بخوف\ضابط عمر.. اللواء ركن سعد.. جاي من المركز بنفسه للقسم...
الضابط عمر ارتبك ووقف وفي ها الاثناء جلس ابو بدر والابتسامه تعلو فمه الواسع...
لحظات والباب يفتح على مصراعيه..
الضباط\احترامي سيدي...
اللواء سعد\ابو بدر اسف اني تئخرة...؟؟
ابو بدر يقوم يسلم عليه\لا جيت بوقتك بضبط...؟؟
اللواء بحده\ضابط عمر ..؟؟حسابك معي عسير ..؟؟؟كيف تحول مسار القضيه لعائلة العالي.... ... الي اعمالهم الخيريه.. ماليه البلد وتترك المجرمين الحقيقين..؟؟كيف تتصرف من نفسك..؟؟ وتهاجم عائله من اهم العوائل با لرياض... المعروفه بنشاءتها الي تخدم البلد.. ومن دون اذني واخذ توقعي؟؟؟..
الضابط عمر متلعثم\لاكن..الاوراق الي معي والمستندات..
اللواء سعد\جيب الاوراق الحين..؟؟
مد الضابط عمر الاوراق للواء سعد ولما مسكها اللواء سعد شققها وبحده\الناس ماعاد تميز بين الصالح والطالح ..؟؟بلاغات كيديه..
واوراق مزوره ماعد نتئكد منها...؟؟؟ضابط عمر انت محول للتحقيق...
الضابط عمر مقهور\انا اعترض سعادة اللواء ...
اعطاه سعد نظره ارعبته وامر بدخال ابو فيصل وعزام المكتب...
دخل عزام وسلم عليه اللواء سعد بحراره.. وسلم على ابوفيصل.. واعتذر لهم بشده عن هاذا الشي...
عزام ياخذ المسدسات حقته من مكتب الضابط...
الضابط عمر بحده\لاتتوقع انكم اذا ماحصلنا عليكم دليل قوي ..بتفلتون بعملتكم.. مصيركم طايحين بيدينا..؟؟وصدقوني راح اصعد القضيه للجهات العليا..؟؟
عزام ساكت ومارد عليه..
ابو بدر بثقه\وانت لاتتوقع انك في مكتبك بعد كم ساعه..الناس الي طلعونا.. هم الي بتطيرونك من كرسيك ياصغير...
الضابط\حتى لو نفذت تهديدك صدقني بيجي غيري وبينكبكم...خلك واثق من ها الشي...
كان الضابط عمر قريب من ابو بدر وعزام ..عزام عطاه ظهره .. ومشى خطوتين بعدين استدار..
وبهدوء\ضابط عمر..؟؟
عمر التفت له وبقرف\خير..؟؟
عزام بهدوء\كنت بطلع ..؟؟وائجل تصفيت حسابي معك..؟؟ بس صدقني ها الحساب مايتئجل..؟؟
عمر من دون فهم\وش تقصد..؟؟
ماكمل كلامه.. الا..عزام موجه له لكمه قويه على فمه ..وطاح بعدها على الكنبه وراه...
عزام بحده\هاذا بس لني بنشغل بعد كذا..؟؟ والا... كان فهمتك كيف تتجرء على اسيادك ياصغير....؟؟؟
طلعو الشباب وابو فيصل وابو بدر وعزام من القسم...
وعند باب القسم كانت السيارات حقتهم موقفه جايبهها فارس والسواقين..
فارس\الحمد لله على السلامه...
ابو فيصل\تعبناك ياولدي معنا... لولا.. وقفتك معنا انت ومحامينك ..مدري وش كنا بنسوي..
ابو بدر يشكر اللواء سعد\اشكرك بصراحه انت معروفك ماراح انساه..؟؟
سعد\ولو يابو بدر انت راعي الاوله دايم معنا.. وعلى العموم الضابط هاذا بنحوله لتحقيق وبنجازيه بعد..
ابوبدر يبتسم وهو يودع سعد...ومتئكد ان احبابه الهوامير الي في السوق هم الي ساندينه مو هاذا ووجه...
ابو فيصل كان يحس بتعب كبير وشافوه الشباب ولاحظه فارس...
عزام بخوف\عمي فيك شي...؟؟
ابو فيصل بجلس\ احس نفسي ضايق علي...
فتحو باب السياره وركبو ابو فيصل فيها..
عزام بخوف\عمي تبي المستشفى..؟؟
فارس قريب من ابو فيصل\تعبان انت يا بو فيصل...
ابو فيصل بتعب كبير\لا..لا.. مافيني شي ..وناظر ابو بدر وبعدها نزل عينه..انا اخرتي ادخل الحبوس وانام فيها ...ياالله الخيره..
انا ..اخرتي يحقر في وطنيتي وحبي لطهر بلد ضابط حقير...يالله الخيره...
عزام بقهر\عمي... والله.. والله.. لادفع الي ورى نومتنا باالسجن دم... عارف ياعمي دم...
ابو فيصل فتح القلاب حقه حس ان تنفسه يخف\خلونا نروح للبيت ...وانا اعرفك زين ياصقري...ماتحتاج المواقف تبرهن لي..
ركب كل واحد بسيارته وكان ابو فيصل وعزام وابو بدربسيارة عزام ...
بدر الي كان شوي وبينفجر منهم ركب سيارته بهدوء ..
وفارس وسعود وفيصل بسيارة فارس...
ابو بدر بعصبيه\ هو تركي متوعدنا اللعين بتدميرنا.. والا.. انتم ناسين اصلن با الاساس مافي احد يتجرئ علينا...
عزام بحده\عمي وليه مايكون من الي يكرهونك..؟؟ واعدائك..؟؟؟.
ابو بدر واصل حده\انا ...الي بصفي حسابي معه.. حسابي معه ..والله الليله قبل بكرا... اصفيه واعلمه ها التعبان..
ابو فيصل بتعب\اتركو ولد ماجد.. لو بس يكون سند لخته ..بعد ماموت..
عزام التف لعمه وحس بنغزه بقلبه\بعد عمر طويل عمي...لاتقول كذا..
ابو فيصل وهو يئشر بصبعه تهديد وبتعب\ سليمان..؟؟ ولد ماجد... لاتئذيه يا سليمان..
ابو بدر بضيق\طيب خلاص ارتاح انت...
لحظات ودخلو مجمعهم واصتفت السيارات بمكان المواقف.. ونزلو منها الشباب ..وبطبع ابو بدر وابو فيصل
في الفله...
مهاوي وهي عند الشباك وبفرحه\يمه ابوي طلع وعمي واخواني..
ام فيصل بضحكه\الله يبشرك با الخير...
غنج وهي تنط من الكنبه\جد مهاوي..؟؟؟
مهاوي\ تعالي شوفي ...؟؟
وطلت غنج وفعلن شافتهم قريبن من المدخل...
ام بدر بصوت عالي\الحمدلله الحمدلله...
دخلو الجميع فلة ابو فيصل..
مهاوي وغنج ركضو وحضنو ابو فيصل.. الي كان ماسكه عزام من ذراعه..وغنج جت من الجه الي فيها عزام ماسك ابو فيصل منها...
بدر بحده\لاتعبون عمي يابنات.. فوق ماهو تعبان..
غنج ومهاوي كانو حاضنينه ويبكون...
فيصل قرب من مهاوي وبعدها من حضن ابوه\مهاوي... اتركي ابوي يرتاح ...ماتشوفينه تعبان ..؟؟
مهاوي ضمت فيصل بعد.. الي خلاها تضمه ..اول مره تعبر من دون مزح ...وهبل.. عن اخوتها لفيصل ..وكانت تصيح..
ابو بدر بقرف\الله وكبر على ها المناحه..؟؟؟
غنج تمسح دموعها\عمي الحمدلله على سلامتك...
ابو فيصل وهو تعبان مره\الله يسلمك يا بنتي.. لاتصيحين تعورين قلبي..
غنج \عمي لاتتعب خلاص هاذا انا امسح دموعي...
مسحت دموعها غنج ..تحت اناظرعزام ..الي قريب منها مره.. اول مره بعد سفرتها.. يكون منها بها القرب.. وهي مانتبهت
له يااااااااه يانا مشتاق..
ودي بس اضمك.. وارتاح بعد ها الفراق.. سكر عيونه وهو يشم عطرها..يحس ها العطر يلفه ويضمه ويطفي شوقه لها...
لو بس لحضات ..لحضات ..بس...لحضات...
ام عزام تركض لعيالها وضمت سعود وصارت تصيح\يمه سعود يمه سعود يمه سعود.. كنتم بتروحون في رمشة عين يايمه..
عزام التفت لمه وترك عمه واتجه لها بسرعه.. مايتحمل يشوفها متضايقه ..كيف لو تصيح..؟؟ سحبها من حضن سعود لحضنه ..
بقامته الطويله.. وجسمه الرياضي ..انقلبت الايه.. وصارت امه كنها طفلته.. وهو ابوها يهديها\يمه لاتصيحين ..لاتضيقين خلقك يا الغاليه.. هاذا انا وسعود.. عندك.. مافينا شي.. سالمين.. و..الحمدلله ..
سعود يبوس راسها\يمه هدي نفسك مايصير كذا..
ام عزام تبكي وتحاول ان الكلام يظهر منها مفهوم\ياعزام ..انت ..و..سعود.. لو يصير لكم شي.. مدري وش اسوي بعمري ..
عزام مسكها وضمها لصدره وغمض عيونه بضعف\بسم لله عليك يمه...
ابو بدر يناظر غنج وبصراخ\انتي ياهيه..؟؟؟!!!
الجميع يناظرون ابو بدر.. وغنج انتبهة ان هي المقصوده ..واستغربت..؟؟؟
ابو بدربحده\لاتحسبين ان حنى بنسكت على خرابيطك وتمثيلك ..؟؟ومسويه فيها البريئه..؟؟ روحي لخوك..؟
؟ وقولي له ان انا وعزام برد له الصاع صاعين..!!
وبدال اليوم الي قضيناه... ندمه عمره كله.. وانتي انقلعي يالله من بيتنا ..ولاعشانك مرسله فارس الرخمه.. ومعه كم محامي.. بتحسبين غافلين عنك...
غنج تطالعه بصدمه... وهو يهاوش.. ومعصب وكن كل شحمه في جسمه السمين تهتز\عمي..؟؟ تقصد اخوي تركي..؟؟
بدر بستهزاء\تركي..ايه تركي جعله الموت ..ولاالحادث الي ينتفه.. ماعاد نحصله له ولا لحمه..
غنج سمعت دعاوي ابو بدر عليه وصرخت\لاتقول كذا علىاخوي..
بدر مقهور\يبه وش فيك..؟؟
ابوبدر بحده\انت كل تبن يا العاشق المتيم ..تراها ماهيب يمك.. سوى مثل هاذا الصقر... الي عافها من عمايلها وفساختها..
غنج التفتت لعزام الي جت عينه بعينها ...وسكت.. وهي تجمعت الدموع بعيونها من كلام ابو بدر.. الي زي السم
ابو بدر يئشر بيده لمدخل الفله\انقلعي الله ياخذك انتي واخوك..؟؟؟
مسك بدر ابوه عن غنج لا يضربها...
التفت عزام لعمه ابو فيصل الي كان توازنه يختل ...وبسرعه ركض له
و جلسه عزام على الكنبه.. شافه كل ماله يتعب... فتح ازرة ثوبه عشان يتنفس..
ابو بدر بعصبيه وبصوت يرعب ويزلزل اركان الفله\يا الفاجره روحي له ..والله.. والله.. لادفعه ثمن الي انكتب عنا اليوم با الجرايد دم ..
واخليه يدور الفرج مايلقاه..
غنج رجعت خطوات لورى.. شافت العيون كلها لها تلومها.. كلهم.. مافي احد دافع عنها.. كل واحد تشوف بعينها... الف ملامه
ام بدر والعنود كلوها بنظرات الي كنها خناجر فيصل الي استدار ومهاوي الي عضت شفايفها كنها مقهوره..ام عزام الي ودها تقتلها لما عرفت...
حتى عزام ماقال شي ..؟؟؟ولادافع عنها ..؟؟مافي احد... كلهم يبونها تطلع ...؟؟
ليه كذا بعد ماتعلقت فيهم وحبتهم..يسون فيها كذا..ليه ماهي من البدايه ماكانت تبيهم.. هم.. الي اصرو عليها..
لما تئقلمت معهم ..وحست بحب العائله ..والجو الحميم ..الاسري.. يطلبون منها الحين .. تطلع ..؟؟ولاترجع لهم.. مره ثانيه...
وبسرعه ..خذة عباتها من الكنبه.. وراحت برى الفله.. وهي تبكي وصوتها مبحوح من القهر...
طلعت بسرعه ومالتفت لحد ..كان يركض وراها..ومن التعب الي اكتساه حتى صوته خانه ..
.ركضت برى المجمع ...شافت سواقها عند السياره.. فتحت الباب وركبت بسرعه...
عزام في ها الوقت كان يركض وراها.. وقف عند الباب لما سمع اصوات بصاله صراخ.. حس ان عمه صار فيه شي..؟؟ورجع بسرعه...
---------------------
مشكله ..لا صرت وافي مع ناس كذابه
مشكله.. لاصرت شامخ في زمن الانكسار
--------------------------
