ياسر المنياوى
شخصية هامة
لما حبيتك وعشقتك وهويتك
في عينيك شفت احلامى
وبين إيديك نسيت أحزنى وآلامى
وبكلمة بحبك لقيت الدنيا عيد
وإتولد جوايا إحساس جديد
لكن برجع وأقول دا يمكن يكون
مجرد إحساس فى لحظة جنون
بنظره مشاعرى راحت ليك
وبورده حمرا إرتبطت بيك
لما تزعلنى كنت بشكيلها
ولما بشتقلك كنت بحكيلها
وأحس إن الورده بتسافر ليك
وترجع وتطمن قلبى عليك
لكن برجع وأقول دا يمكن يكون
مجرد إحساس فى لحظة جنون
كنت بتخيل وأتخيل
لحد ما الدنيا تليُل
واشوف القمر آلاقى صورتك بضياه
ونجمه في السما كاتبه إسمك جواه
وأسرح وفكرى يروح لبعيد
وأحس إن قلبى جوايا سعيد
لكن برجع وأقول دا يمكن يكون
مجرد إحساس فى لحظة جنون
ومرت أيام والنوم مفارق عينى
صابر يمكن في يوم تجينى
ويكون لقائنا من غير ميعاد
ونطفى في قلوبنا شوق البعاد
وأحس إن الدنيا بتقسى عليا
وأقول برجوعك هتصفى ليا
لكن برجع وأقول دا يمكن يكون
مجرد إحساس في لحظة جنون
وفرقتنا أيام وليالى وسنين
وكل يوم بيكبر جوايا الحنين
حنين لعمرنا وحبنا وهوانا
في لحظة وداعنا وفي لحظة لقائنا
عمرى ما إتصورت إن الدنيا ديه
تدخلنى دنيا الغرام مجرد ضحيه
وآلاقى قلبى بيلومنى بعتاب
لحب حبيته وأصبح سراب
لكن برجع وأقول حبي ليك
لا يمكن يكون
مجرد إحساس فى لحظة جنون