غزل شامي

املي بالله

نائبة المدير العام
غزل شامي



بحبك حب الشباك للبرداية, بحبك حب الرز للكوساية,
بحبك حب الشلمونة للكولاية, بحبك حب الطشت للكباية,
بحبك حب الجحر للحرباية, يا ريت تكوني شخبرة وكون أنا المحاية, يا ريت تكوني القلم وكون أنا البراية, يا ريت ما تزتيلي موزة لما بكون جاية. بحبك حب المقلمة للشنتاية,
بحبك حب البيض للمقلاية, بحب حب الشعر للفرشاية, بحبك حب العودة للأسكاية, بحبك حب القطة للتنواية,
بحبك حب القهوجي للتمساية. يا ريت تكوني عوجا وكون أنا العرباية, يا ريت تكوني طربيزة وكون أنا الكنباية.
يا مدلوقة حياتي, وشعيبيات عمري, ووربات بقشطة روحي, وهريسة أحلامي, يا أحلى زبدية محلاية. يا مشبك الكراجات,
ويا ملضمينة الحارات, ويا شطي مطي العربايات, ويا سحلب أبو عزات. بحبك حب الريموت للتلفزيون, بحبك حب درفة الباب للمندلون, بحبك حب السيقان للبنطلون, بحبك حب بنت إختي الفصعونة لسبيس تون. بحبك حب الشبك للطابة, بحبك حب الجمل للشبابة, بحبك إذا كنت متنحة أو حبّابة, بحبك حتى لو كان صوتك متل موتور الدبابة. بحبك حب الكباب للمنقل, بحبك حب العتال للشنكل, يا ريت تكوني إنتي الجدبة وأنا الأهبل, ويا ريت تكوني إنتي الزريعة وأنا المنجل. بحبك حب ورق الشدة للقاشوش, بحبك حب الخبز للفتوش, يا ريت تكوني عرق أخضر وأنا الحالوش, ويا ريت تكوني البسمار وأنا الشاكوش. بحبك حب النمل للسكر, بحبك حب الحرامي للمخفر, يا ريت يكون على طول نيعك مفشوش, وحنكك دائماً مسكر. بحبك حب الجربان للحك, بحبك حب الدبوس للشك, يا ريت تكوني إنتي البرغي وأنا المفك. بحبك حب البزاق للخس, بحبك حب السلال للدس, يا ريت تكوني إنت وأنا وبس. بحبك حب العلقة للدم, بحبك حب الطفران للهم, يا ريت تكوني إنتي القميص وأنا الكم. بحبك حب المحشش للهروين بحبك حب القهوة للكافيين بحبك حب التنورة للفصاطين بحبك لما تكوني معي رايحين وجايين بحبك حب السيارة للبنزين, بحب حب الزنخة لسمك السردين, يا ريت تكوني إنتي ليلى وأنا علاء الدين, أو إنتي فطومة وأنا ياسين. بحب حب إبليس للوسواس, بحبك حب الموزة عند النسناس يا ريت تكوني إنتي الرمانة وأنا الأناناس. بحبك حب البحيرة للوز, بحبك حب السعوديين للرز يا ريت تكوني إنتي الحرير وكون أنا دودة القز. بحبك حب الطرنيب للشدة بحبك حب طاولة الأكل للمدة يا ريت تكوني العسل وكون أنا الزبدة يا ريت أكون المزهرية وتكوني إنتي الوردة بحبك حب الفقير لليرة بحبك لو كنتي طويلة ولا كنتي قصيرة بتضلي بقلبي الأولى وبعمري إنتي الأخيرة بحبك حب الزيت للمقالي, بحبك حب الضب للسحالي, يا ريت إنتي تكوني السعودي وكون أنا البنغالي. بحبك حب الشرطة للأمن, بحبك حب اللحية للدقن, يا ريت تكوني إنتي الليفة وكون أنا الصحن. بحبك حب المنحوس للحظ, بحبك حب العيون للبظ, يا ريت تكوني أنت اللطيفة وأنا الفظ. سمعيني شوي لحتى احكيلك هالقصة, يا ريت تكوني سكرة وأنا بمصها, انشالله ما يبلا هالطول ، يللي مثل عرق الفصّة, يا ريت يكون معي كمشة بزر وأعطيكي نصها. بحبك حب منير الجبّان لكلمة "صباح الخير", بحبك حب جهاد سعد لبرنامج "خبرني يا طير", بحبك حب جورج بوش لتوني بلير يا ريت ما تضربيني كف لما مسيكي بالخير بحبك حب السعادين للقرود, بحبك حب السويداء للحجار السود يا ريت تكوني المِسك وكون أنا دهن العود بحبك حب الزبال للتكنيس بحبك حب الخيار للتكبيس بحبك حب الزعران للتخميس بحبك حب النسوان للتبويس بحب تكوني عروستي وكون أنا العريس بحبك إذا كنت ساكتة أو عم تحاكينا, بحبك حب بنت إختي لبوظة كارينا, بحبك حب البردقان للكرمنتينا يا ريت تفوتي عندي وعالقعدة تسلينا حاجة بقى جننتينا, وروحي بقى افرقينا, لأنو من الحب ما عاد فينا, مرضنا وما عاد شفينا.
 
التعديل الأخير:


بحر الشوق


غزل شامي




مع تحياتى



بحر الشوق


غزل شامي




مع تحياتى

 

مواضيع ذات صلة

الوسوم
شامي
عودة
أعلى