القلب ينشد عنك والعين تبكيك
والروح تشكي منك بعدك وفرقاك
والله لوتعلم وش بقلب غاليك
خليت اهلك وجيتني تحسب اخطاك
انا عليك ومنك مستوطنن فيك
مالي وطن ياكود قربك ولاماك
تبدا حياتي لاتعلقت بيديك
وتبرى جروحي لاتداويت بدواك
لاذابت الشمعة على وردة الكيك
واعلنت ميلادي على كف يمناك
والله ماهني تاجر(ن) يملك الشيك
وش عاد لو عنده ملايين واملاك
مافي عيوني بالوطن من يساويك
فوق الثرى والا على متن الافلاك
اطلب وتلقى من يحبك ويرضيك
الله فيماصابني منك يبلاك
لك صاحب(ن) لو غاب ماهو بناسيك
وان غبت غاب النوم عنه وتباطاك
انا بلاي وعلتي حكم واليك
والمشكلة واليك ماخاف مولاك
عجزت لاخذ منك كلمة ولا اعطيك
ياكبر بلاويه وياكبر بلاواك
بس انتظر مع غفلة الناس طاريك
عساك تذكر بين ذولا وذولاك
وانت الحكم فيمايخصك ويعنيك
لايخلفك هذا ولايخلفك ذاك
في مملكة ذاتك ولاني مسميك
منك وعليك وفيك خانتني اسماك
ليلي وليلك غير ليلن يباريك
وغطت على الليلين طلعة محياك
من ميشك الساحر لياخر مواطيك
عجزت لا اكتب فيك وصفك ولااقراك
وان كان مالك عذر عن من يناجيك
لاجارك الله كان ماشفت حسناك
وان كان به شئ(ن) عن القرب حاديك
قلي وش اللي حاصل(ن) لك بدنياك
حلفت والله ياحبيبي ماخليك
علمن يجيك وجود العلم لاجاك
وليا وصلك العلم ماني موصيك
عجل تراني هايما واترجاك
والروح تشكي منك بعدك وفرقاك
والله لوتعلم وش بقلب غاليك
خليت اهلك وجيتني تحسب اخطاك
انا عليك ومنك مستوطنن فيك
مالي وطن ياكود قربك ولاماك
تبدا حياتي لاتعلقت بيديك
وتبرى جروحي لاتداويت بدواك
لاذابت الشمعة على وردة الكيك
واعلنت ميلادي على كف يمناك
والله ماهني تاجر(ن) يملك الشيك
وش عاد لو عنده ملايين واملاك
مافي عيوني بالوطن من يساويك
فوق الثرى والا على متن الافلاك
اطلب وتلقى من يحبك ويرضيك
الله فيماصابني منك يبلاك
لك صاحب(ن) لو غاب ماهو بناسيك
وان غبت غاب النوم عنه وتباطاك
انا بلاي وعلتي حكم واليك
والمشكلة واليك ماخاف مولاك
عجزت لاخذ منك كلمة ولا اعطيك
ياكبر بلاويه وياكبر بلاواك
بس انتظر مع غفلة الناس طاريك
عساك تذكر بين ذولا وذولاك
وانت الحكم فيمايخصك ويعنيك
لايخلفك هذا ولايخلفك ذاك
في مملكة ذاتك ولاني مسميك
منك وعليك وفيك خانتني اسماك
ليلي وليلك غير ليلن يباريك
وغطت على الليلين طلعة محياك
من ميشك الساحر لياخر مواطيك
عجزت لا اكتب فيك وصفك ولااقراك
وان كان مالك عذر عن من يناجيك
لاجارك الله كان ماشفت حسناك
وان كان به شئ(ن) عن القرب حاديك
قلي وش اللي حاصل(ن) لك بدنياك
حلفت والله ياحبيبي ماخليك
علمن يجيك وجود العلم لاجاك
وليا وصلك العلم ماني موصيك
عجل تراني هايما واترجاك
