العربي لما اشتكي قال للخيار يا لوبيا ههههه

HaMaDa

الاعضاء
بسم الله الرحمن الرحيم
السلام عليكم


فى الاول احب اسجل اسفى لكل الموجودين فى المنتدى على عنوان الموضوع

بس لو عرفتم اسباب كتابتى لذلك العنوان جايز تلتمسوا لى العذر

انا حاسس ان لغتنا العربيه بدأت تشتكى من اهملنا لها و تشويهنا المستمر لها

لغتنا العربيه يا جماعه اللى نزل بها القرأن الكريم لغه ازهلت البشريه لجمالها و بما فيها من معانى لا توجد فى اى لغه اخرى

لكن للأسف لغتنا دخل عليها عبارات جديده لا نعرف من اين مصدرها ولا هى تابعه لأى لغه و احتمال نكون مش عارفين معناها اصلا

الكلمات او العبارات دى ظهرت فى الفتره الاخيره و للأسف يتكلم بها الشباب و منتشره فيما بينهم

و المصيبه الأكبر انها تسللت الى الكبار و اصبح بعض منهم يستخدمون تلك المفردات


اسمحولى اعرض عليكم بعض من تلك الكلمات جايز نقدر نتغلب عليها و نمحوها من مناقشتنا اليوميه

- مهيس :

كلمة مهيس دى مقصود بيها واحد مش مركز او تعبان او مجهد

ممكن نلاقيها فى جمله زى دى (مالك ياعم انت مهيس كده ليه)

طيب ما الاحسن نقول الجمله كده (انت باين عليك مجهد اوى)

بزمتك مش احلى ؟



- لوكلوك :

كلمة لوكلوك دى مقصود بيها الشخص الثرثار او كثير الكلام رغاى يعنى

ممكن نلاقيها فى جمله زى دى (ياعم بطل لوكلوك لوكلوك ايه مبتزهقش)

مع ان ممكن نوصل نفس المعنى بس بطريقه تانيه ممكن تقول (ممكن تبطل كلام كتير)

مش الاتنين معنى واحد بردو



- نفض :

كلمة نفض بتقال لما شخص يكون عايز يتجاهل رأى حد او يكون مش عاجبه

مع ان الواحد منا يعرف نفض دى يعنى ينفض سجاده ولا مشايه من التراب

تبقى بتتكلم مع واحد و تلاقيه قالك (ياعم نفض هو احنا نقصين)

طيب ما تقول (انا مش عاجبنى الرأى ده او انا مش هنفز الحاجه دى)

مش تبقى احلى


- بؤ :



دى باه كلمه بنستخدمها كتير اوى بتقال على الشخص اللى بيقول حجات كتير لا يقدر على تنفيزها

مع ان كل واحد منا له بؤ اللى هو فم حد مننا بالله عليكم من غير بؤ ؟

تيجى مثلا تلاقى واحد عمال يقول حجات و هو مش قدها ولا يقدر يعملها تروح تقوله

(ياعم والله انت راجل بؤ ولا تقدر تعمل حاجه)

سبحان الله طيب ما قوله (انت متقدرش تعمل كده)

فيها ايه لما نقول كده ما كله نفس المعنى



- شنكوتى :

دى باه الله يكرمه كاريتا شحرها كويس جداااااااااااا

اللى عايز يعرف معنى الكلمه يسمع اغنيه شنكوتى عادى يعنى



كلمات كتير جداااااااااااااااا و انا مش عايز اطول عليكم

بس بزمتكم مش كل كلمه من اللى قولناها نقدر نقولها بأسلوب جميل بدل ما نستعمل المفردات الغريبه دى

المطلوب منكم اى واحد فيكم عنده كلمه غريبه على لغتنا يقولها

و يحاول يشرحها زى ما انا حاولت

و يقوم ايه الكلمه المرادفه ليها فى لغتنا العربيه و نقدر نستعملها بدلها

جايز نقدر فى يوم من الايام نرجع للغتنا لغة القرأن الكريم

اهههههههههههههههههههههههههههههههههههههههههههههههههههههههههههههههههههههههههههههههههه

ههههههههههههههههه
 
الوسوم
اشتكي العربي قال للخيار لما لوبيا ههههه يا
عودة
أعلى