يضيق بالي مـن الفرقـى وطاريهـا
ويرتاح بالي بشوفك يا نظـر عينـي
اشغلت فكري حبيبي وش تواليهـا
وفي غيبتك دمعة الحرمان تشقينـي
امشي مَعَ الناس لكن دون ما اوحيها
واشلون ابنساك وطيوفك تخاوينـي
إليا طرى أسمك دموع العين اخفّيها
خوفي من العاذل اللّي ما يدانينـي
وإليا طرت لي وصوفك جـل باريهـا
من فيض زينـك تـوزّع للمزايينـي
تسبى النواظر بنعس اهداب تسبيها
ومن بسمتك تخطف قلوب الملاييني
يا مهجة الروح روحي كيف تشقيهـا
صمتك ذبحني ونار الشوق تكوينـي
اقرى الرسايل لأجل نفسـي اسليهـا
وأثر الرسايل عقب عينـك تعنينـي
ما باقي الاّ طيـور الـورق الآحيهـا
اذكر بها احلى الليالي يوم تغليني
بعت المحبه من اول كنت شاريهـا
وعلى الوصل والموده كنت توصيني
ماتت ورود الغلا ماعـدت ترويهـا
ماتت سبب قسوتك يا نازح البينـي
حتى العهود القديمه صرت ناسيهـا
ولاعاد باقي سوى الذكر تقدينـي
زادت جروحي ولا غيـرك يداويهـا
ليتك تشوف الخفايا كـان تبكينـي
ضاقت علي الوسيعـه مَـعْ مبانيهـا
اطوي سنين الرجا واقول يـا وينـي
قلبي يحبك وعينـي ساكـن ٍ فيهـا
لاتنخـدع بالعـواذل والشياطيـنـي
في روض قلبي ورودك ليت تسقيها
تعال واسقي ورود الحب واسقينـي
جاتك حروف الشّعر من قبل اسميهـا
دوّر عبـاره تواكـب للمضاميـنـي
مشاعر ٍ ما تبـي يـا كـود غاليهـا
وامنتك الله حبيبـي لا تخلينـي ..!!
ويرتاح بالي بشوفك يا نظـر عينـي
اشغلت فكري حبيبي وش تواليهـا
وفي غيبتك دمعة الحرمان تشقينـي
امشي مَعَ الناس لكن دون ما اوحيها
واشلون ابنساك وطيوفك تخاوينـي
إليا طرى أسمك دموع العين اخفّيها
خوفي من العاذل اللّي ما يدانينـي
وإليا طرت لي وصوفك جـل باريهـا
من فيض زينـك تـوزّع للمزايينـي
تسبى النواظر بنعس اهداب تسبيها
ومن بسمتك تخطف قلوب الملاييني
يا مهجة الروح روحي كيف تشقيهـا
صمتك ذبحني ونار الشوق تكوينـي
اقرى الرسايل لأجل نفسـي اسليهـا
وأثر الرسايل عقب عينـك تعنينـي
ما باقي الاّ طيـور الـورق الآحيهـا
اذكر بها احلى الليالي يوم تغليني
بعت المحبه من اول كنت شاريهـا
وعلى الوصل والموده كنت توصيني
ماتت ورود الغلا ماعـدت ترويهـا
ماتت سبب قسوتك يا نازح البينـي
حتى العهود القديمه صرت ناسيهـا
ولاعاد باقي سوى الذكر تقدينـي
زادت جروحي ولا غيـرك يداويهـا
ليتك تشوف الخفايا كـان تبكينـي
ضاقت علي الوسيعـه مَـعْ مبانيهـا
اطوي سنين الرجا واقول يـا وينـي
قلبي يحبك وعينـي ساكـن ٍ فيهـا
لاتنخـدع بالعـواذل والشياطيـنـي
في روض قلبي ورودك ليت تسقيها
تعال واسقي ورود الحب واسقينـي
جاتك حروف الشّعر من قبل اسميهـا
دوّر عبـاره تواكـب للمضاميـنـي
مشاعر ٍ ما تبـي يـا كـود غاليهـا
وامنتك الله حبيبـي لا تخلينـي ..!!