كتبت اجمل جروحي

خالدالطيب

شخصية هامة
وقت العتب راح لا ترجع تعاتبني
مات الأمل والبقى في راس وجداني

ماني مثل ماأنت خابرني وتحسبني
فلان الأول أصبح واحداً ثاني

خلاص مات الهواء لا تهدم ولا تبني
تركتني الين جاء النسيان ناداني

العام ادور سبب منك يقربني
واليوم ادور سبب علشان تنساني

بعثرتني في هواك اليوم رتبني
نسيتني الناس شفني صرت وحداني

كان السهر في هواك اللي محببني
والحين حتى السهر يكبر على أجفاني

اجيك يمحيني عتابي ويكتبني
مافيه طاري عتب يمر ماجاني

وارجع وانا اقول وش للجرح جايبني
ادري بجرحك ولا ادري وش وداني

عن صدق الاحلام جاء الواقع وكذبني
وعن فرح الايام جاء حبك وبكاني

مليت اشيل الامل والدمع يغلبني
واقول بكره يجي لشوق ويلقاني

وبروح بكره واجي والوقت قالبني
وارجع على وحدتي واحزاني احزاني

بـكـيت العمـر كلـــه يـامعذبنــي
وش فيك ماتبكي الليله على شاني

كتبت ماهو علشان تقول عاجبني
مليت من جزله وصح الله لساني

انا وطن شعر لو شعري مغربني
كتبت اجمل جروحي لجل تقراني

خلاص لا تتعب وترجع تعاتبني
انا نسيتك دخيل جروحك انساني

 
كتبت اجمل جروحي

جزاك الله كل خير
وبارك لك
في انتظار دائم لكل جديد وقيم لديك


 
الوسوم
اجمل جروحي كتبت
عودة
أعلى