له عندي معزّه (آلصمت)

خالدالطيب

شخصية هامة

(آلصمت).... له عندي معزّه ومقدار
في زحمة الأفواه .. يا مزين الصمت!!

لا صار.. بعض البوح عند البشر عار
لو يشتعل جوفي.. حشى ما تكلّمت!!

تعبت من قولةعلامك)و وش صار ؟
وان طحت ما ألقى سوى كلمة(سلمت)

واعذار... أخلقها ..ولو مالي أعذار
مشّيتها مره .. ومرات ما رمت..!!

كذبة صباح الخير/ يا صبح.. الأنوار
عذري.... ليا عدّت ليالي ولانمت؟!

اسهر طوال الليل.. وضْيوفي أفكار
واقول لاْصحابي : نعم توّني قمت..!!

ما عاد فيني..... ألفت عْيون واْنظار
يكفي ....بأني من زماني تعلّمت!!

ان الصدر بيتــ ٍ.. وسكّانه اسرار
نيّام .. بس يصحون لامن تألمت..!!

يصحون.... ويناظرهم الجار والمار
وش عاد ينفع سترهم لو تكتّمت..؟!

آقدّم أقدامي ...على درب الاصرار
أمشي ...ولكن للأسف ما تقدّمت!!

النار قدامي .. ومن خلفي.... النار


والعمر يمضي بي...وأنا ماتولمت..!!



إليــن ذاكـ الحلم ...في لحظة نهار
وأنا مع.. لحظة .. سقوطه تحطمت..!!


حتى جروحي كثار وتناهيدي كثار
لكن على كثر المواجع تبسمت..!!



ثم ألتزمت الصمت وأعزومي كبار
ولو يشتعل جوفي حشى ماتكلمت..!!


 
مشكور ع الكلام الحلو
والمعبر صراحه
له عندي معزّه   (آلصمت)
له عندي معزّه   (آلصمت)

 
حتى جروحي كثار وتناهيدي كثار
لكن على كثر المواجع تبسمت..!!


خالد الطيب

يسلموا على روعتك بين السطور

والاحساس الصادق

دمت بالف خير
 
الوسوم
آلصمت عندي له معزّه
عودة
أعلى