بسم الله الرحمن الرحيم
وَذَكِّرْ فَإِنَّ الذِّكْرَى تَنفَعُ الْمُؤْمِنِينَ
سورة الذاريات -- جزء 27
أخواني فى الله .. قد انعقدت همتى على ان استقصى من تراث الأجداد ما انقله لكم
و ابدأ معكم ان شاء الله هذا الموضوع
تراث الفنون العسكريه الإسلاميه
يا ترى هل المسلمين كان عندهم فن و استراتيجية و تخطيط و علوم حربية ؟
ازاي المسلمين .. فتحوا فارس.. و الشام .. و مصر.. و بلاد ما وراء النهرين
و فتحوا الهند .. وودقوا ابواب الصين و فتحوا المغرب .. و دخلوا افريقيا
و فتحوا الأندلس .. و دخلوا مدن في فرنسا
وحاربوا .. و انتصروا .. و على ايديهم بادت حضارة الفرس .. و الروم في الشام و افريقيا
و القوط في الاندلس
و القوط في الاندلس
طيب ازاي ..
ازاي .. هارون الرشيد كان بياخد الجزية من ملكة الروم وبعده من نقفور كلب الروم ...
.. تعرف ده ابتدي امتي .. و انتهي لية و ازاي
ازاي ... العرب كانوا بيصنعوا السيوف يعني- فن صناعة السيوف-
ازاي كانوا بيستخدموها ...... مش ممكن انهم كانوا بيمسكوا حتة حديدة لها سن ويطعنوا بيها العدو وخلاص..اية انواعها .. اية اسمائها اية اشهرها .. و ازاي كانوا بيستخدموها اية اساليب الطعن و المبارزة
ازاي كانوا بيستخدموها ...... مش ممكن انهم كانوا بيمسكوا حتة حديدة لها سن ويطعنوا بيها العدو وخلاص..اية انواعها .. اية اسمائها اية اشهرها .. و ازاي كانوا بيستخدموها اية اساليب الطعن و المبارزة
ياتري تعرف اسماء اللي خرجوا للمبارزة في المعارك و لية و عملوا اية
ياتري تعرف اسماء الخيل العربية اللي كانت تحت الفرسان و لية كانوا بيتغنوا بالشعر فيها
ياتري تعرف كانت اية تكتيكات المعارك الاسلامية و شكل الاراضي اللي حصلت عليها و كانت كام يوم و هل كل الايام كانت لينا و لا فيه ايام كانت علينا
علي العموم الفايدة من ورا الموضوع كبيرة
ممكن تكون حافز لينا او حتي لأولادنا لو علمناهم التاريخ ده ..
و اللي خلاني ابتدي الموضوع كتاب اسمه " الفن العسكري الأسلامي "
تأليف:العميد الركن ياسين سويد
الناشر: شركة المطبوعات للتوزيع والنشر
تاريخ النشر: 01/01/1990
الناشر: شركة المطبوعات للتوزيع والنشر
تاريخ النشر: 01/01/1990
ان شاء الله هاشارك بنقل بعض من الجهد اللي كان فيه
أرجوكم لو فية حد يعرف عن موضوع فن و تكتيكات الحرب عند المسلمين يشاركنا
انا سمعت عن كتب في مكتبة دبلن في ايرلندا بتحكي عن تاريخ الفروسية و فنون الحرب الاسلامية و في مكتبات انجلترا و الكونجرس الامريكي و فرنسا
سمعت عن مخطوطات هناك محتاجة حد يحققها و يعيد كتابتها و نفسي ييجي اليوم اللي اقدر اقراها لاولادي بكل فخر
انا سمعت عن مخطوطات في تركيا و الصين و الهند ماحدش عارف عنها حاجة ترجموها للغتهم هم و احنا هنا مش عارفين حاجة
ماحدش يعرف يروح الاماكن دي و يدخل و ينشرها لينا و له الثواب
زمان الطبيب برزويه و بأمر من كسري انوشروان راح اشتغل في مكتبة ملك من ملوك الهند علشان ينسخ كتاب" كليلة ودمنة" .. و ده كان كتاب الملوك بيتوارثوه مش مسموح لحد من الرعية انه يقراه و السبب انه كتاب فية حكمة اجيال من الملوك و تراث شعب بيفخر بيه الملوك
تابعونا يمكن نقدر نجاوب على الاسئلة دي مع بعض
التعديل الأخير: