العام خلي يسمع الصوت لا صاح

Dr.HAYA

من الاعضاء المؤسسين
إي والله أهوجس ولاني بمرتاح
والحزن فى حوش الحنايا بفاروع


أمسيت من وصل المواليف مزاح
وأصبحت من فرقى المواليف مفجوع


البارحه في غبة الوصل سباح
واليوم من عرش المواصيل مخلوع


ياصاحبى صرح الهوى والوفى طاح
والقلب كنه من عراويه مقشوع


كان أحسب إن لحبنا عشرة أرواح
إلين شفت الحبل بيديه مقطوع


يوم العهد به حده إسبوع لى راح
إسبوع ويعوّد علي شوق ودموع


واليوم خمس سنين والهم مازاح
هم الفراق الي بلا عذر مشروع


أستغفر الله تسعة شهور ياصاح
في غيبته قمت احسب اليوم بأسبوع !


العام خلي يسمع القلب لا صاح
واليو مهما صاح ماهو بمسموع


ضاع الحساب وشفت برق الجفا لاح
وأيست لو لا إن الرجا في مزروع


وحالى نحل والحال مهوب منساح
من كثر ماأظمأ للمواصيل وأجوع


بليت في من دونه سيوف ورماح
وغدا علي وصله مثل حبة الكوع


له مني إن سره على الناس ماباح
ولي منه إن الصد غصبٍ بلا طوع



(من روائع ابن فطيس)
 
Dr.haya

مميزه باختياراتكـ

ومشاركة رائعة

ننتظر جديدكـ

احترامي
 
شكرا لك هيا لما قدمت
حاولت افهم المعاني على اكمل وجه فيها الكثير من الروعة
تقبلي مروري
دمت بخير وصحة
تحياتي لك
 

dr.haya

كلمات ومعاني رووعه
اختيار جميل
يسلموو على ما قدمتي
 
الوسوم
الصوت العام خلي صاح لا يسمع
عودة
أعلى