احبك كثر ما قد صار احبك رغم ما قد صار

املي بالله

نائبة المدير العام


قصيدة أحبك من اقوى القصائد في الحب






احبك كثر ماقد صار احبك رغم ما قد ماصار
احبك كثر مادنيا الزعل والصد مهجوره



احبك كثر ماتمطر بصدري من غلاك امطار
احبك كثر ماصارت اراضي العشق ممطوره



احبك كثر ماتفتح شبابيك الربيع أزهار
احبك كثر ماغنت عشان الصبح عصفوره



احبك كثر ماتاقف على جنب الطريق أشجار
احبك كثر مايقسى الشتاء وتهاجر طيوره



احبك كثر مافي الارض بنت تلفت الأنظار
احبك كثر مايرتاح عطر بصدر مغروره



احبك كثر ماجاب المساء في معطفه زوار
احبك كثر ماجانا الصبح يشبهك نوره



احبك كثر ماتهدي كفوف الوصل من تذكار
احبك كثر ماشالت يدين العاشق زهوره



احبك كثر مانقراء عن الفارس عن المغوار
احبك كثر مانسمع ولا شفنا ولا أسطوره



احبك كثر ماتلعب بدنيا العاشقين أقدار
احبك كثر ما .. ذا الحظ دايم يلعن قصوره



احبك كثر ماعاثت رياح بحسبة البحار
احبك كثر ماالبحار يعشق نسمة بحوره



احبك كثر مايتحلف اللي منشغل باعذار
احبك كثر مافي الناس ناس بجد معذوره



احبك كثر ما ملت قصايدنا من التكرار
احبك كثر ما الشاعر تمنى حب جمهوره



احبك كثر ماشفنا على وجه الزمن آثار
احبك كثر مافي الارض فقر وناس ميسوره



احبك كثر مادارت بذهن الحالمين أفكار
احبك كثر مافي الخير ناس بخير مذكوره



احبك كثر مانرمى حكايات الحطب للنار
احبك كثر ماقلنا عن الاحوال مستوره



احبك كثر ما نجهل متى توقف بنا الاعمار
احبك كثر مانسمع حكايا حب مشهوره



احبك كثر ماضاق السجين بلعنة الاسوار
احبك كثر ماهاج البحر واجتاحته ثوره



احبك كثر ماننسى واحبك كثر مانحتار
احبك كثر مايسهر محب وفي يده صوره



احبك كثر ماتقطع شفاتك في العسل مشوار
احبك كثر ماخدك يخلي الشمس مبهوره



احبك كثر ماروج عليك الحسن من أخبار
احبك كثر ماصدرك يدوخ الورد بعطوره



احبك كثر مافي عينك من السحر والأغوار
احبك كثر مافيك الغلا ماوفت سطوره



احبك والزمن ساكن واحبك لو زماني دار
احبك يا مدينة حب وسط الصدر معموره



احبك والتفت شاعر لعينك وامطرت أشعار
حلف مايمسى الليلة قبل ما يكتب شعوره



ورتبتك بصدري وأنت تستاهل وراعي دار
تفضل قلب اوراق الغلا وايديك مشكوره



وتفضل وانت لو مثلك ذكرته هلت الانوار
وقمت أجمع من أشواقي قصايد عشق منثوره




كتبتك في القصيد ابيات من حسنك عليك تغار
حروف العشق طفلة في ثياب العيد مسروره



لقيتك والدلع والثقل شله والحسن ثرثار
يقول أشياء كثيره للعيون ويثبت حضوره



كفاية لو تطل ويفرح بطلتك دار وجار
كفاية لو تشوف الناس في نظرتك مأسوره



غرامك يغري حروف سقاها الصدق منك امطار
كتاباتي بتشهد للغلاك وتحفظ عطوره



احبك ثم احبك ثم احبك ثم احبك


احبك رغم ماقد صار .. احبك حيل مهما صار
احبك دام انا طيب .. واراضي العشق ممطوره






 
مشاركة رائعة

واختيار موفق

بحر

سلمت يداكـِ

لكـِ خالص التحية
 
هل ينتهي الحب؟
هل للحب حدود معروفة؟
يعطيك العافية بحر الشوق لما نقلت لناا
تحياتي لك
 
من اروع القصائد سلمتي ياكل الذوق .......#
 
الوسوم
احبك رغم صار قد كثر
عودة
أعلى