ياسر المنياوى
شخصية هامة
البيه المشرف.....بيحذف زي ما هو عايز ويحرر مشاركات برااحته خاااااااالص......مفكر انه مبيغلطش...ومستحيل حد يمسك عليه غلطة واحدة
البيه المشرف ..فاكر انه علي راسي ريشة ...وعمر ما بيتمسحله مواضيع ولا يتحررله مشاركة...طبعا ما هو البيه المشرف
سعادة البيه المشرف....يلف في كل حتة في المنتدي...ويشيل اللي ميعجبهوش ويخلي اللي بيعجبه....وان حطّ عضو في دماغه....يبقي يا ويله....
ديكتاتور وده طبعه...واللي مش عاجبه يبقي يدوق من غضبه
السلام عليكم يا أخوتي الكرام...طبعا عنوان الموضوع يخض...والكلام اللي فوق يخض اكتر
بس بصراحة كدة وبدوووووووون مجاملة؟
عمرك ولا عمرك قلتي او قلت الكلام ده عن مشرف/مشرفة ولو في سرك حتي؟
والله يا جماعة الحكاية مش كدة خاااااالص...ده كلنا زي بعض...عضو ولا مشرف...تفرق ايه؟
ما المشرف اللي بتقول عليه كدة كان في يوم من الايام عضو جديد ..وبدأ زي ما بدأت بمشاركة واحدة
يعني زيه زيك
بس هو يفرق عنّك في حاجة واحدة...انه شايل مسئولية انت مش شايلها
موضوع عايز تنسيق بينسقه...موضوع علمي أو اسلامي عايز مصدر موثوق فيه...يا بيطلب من صاحب الموضوع يجيببه يا اما بيدور هو عليه..وكل ده عشان المعلومة في الأخر توصلك جاهزة وصح وموثوق فيها
حتي يا عم لو نقلك موضوع لقسم تاني...فيها ايه يعني...ما كدة أحسن برضه...بينظم الأقسام عشان تقدر توصل للي انت عاوزه بسهولة
ولو يا سيدي حذفلك موضوع...وماله..أكيد هو شايف حاجة انت مش شايفها....مفيهاش حاجة يعني
حتقوللي اشمعني المشرف مش بيتحذفله...ممكن وليه لأ؟ وحصلت قبل كدة والله كتيرررررررررررررر
يمكن اكتر منك
وأخييييييييييييرا
المشرفين يا جماعة ناس طبيعية والله...زيكم يعني...وشايلين علي راسهم مسئولية والله هو المستعان
محدش يزعل ولا يشيل من مشرف...موافقون؟والا انتوا عارفيييييييييين
ويبقي الموضوع ده فرصة اللي شايل من مشرف ولا مشرفة يقول وبصراحة
( مع الالتزام بأداب الحوار الراقي)
ونبدء مع بعض صفحة بيضاء