لمّا تعرفت عليه فيروز ، قالت : يا إمي و ما بعرف ليش نقاني أنا !!
و لَمن حبوا بعض ، غنتلوا : كِبر البحر و بُعد السما بحبك يا حبيبي بحبك.
و من كِتر ما حبيته ، قالت : حبيتك تنسيت النوم..
و هون هوي ردلا و قال : بحبك حتى نجوم الليل ، نجمة نجمة توقع..
وبعد فترة بلش يتغير معا ، ف قالت : شو قالولك يا محبوب , مغير من شهرين.
ولَمن بعد عنا أكتر ، رجعت غنتله : بشتقلك ما بقدر شوفك ولا بقدر إحكيك.
و بعد ما غنتله هالغنية ، طلبت من الناس و قالت : سلملي عليه ، قوله إنّي بسلم عليه.
ولَمن شافت مافي نتيجة ، رجعت غنت : يا طير يا طاير على طراف الدني ، لَو فيك تحكي للحبايب شو بني.
_ و هون ضاع منا
ولَمن ضاع منا ، غنتله : لو بقدر لفتش عليك و للقيك ، الكذبة الغيم المارق و المنفى سميك.
و مع إنّه هوي ضايع منا ، بس تفاصيلُه لساتا ببالا و ما نسيتا ، و هون غنتله : قِوله عيونه مش فجأة بينتسوا ، وضحكات عيونه ثابتين ما بينقصوا..
و عَ كِتر ما هوي ساكن جواتا ، صارت تحلم فيه و غنتله :
من عز النوم بتسرقني ، بهرب لبعيد بتسبقني.
و بالرغم من كِل اللي حوليها ، ما كان بدا غيروه و غنتله :
من بين الكل بتسرقني و بتلج الماضي بتحرقني.
ولَمن لسه كان عندا آمل ، غنتله : نطرتك أنا ندهتك أنا رسمتك على المشاوير يا هم العمر . قديه كانت مقهورة و موجوعة لمن قالتله : "يا هم العمر" .
و من كِتر ما حنتله وحنت لكلشي منه ، غنتله :
بتودي الحنين ليليّة الحنين , يشلحني بالمنفى بعيونك الحلويّن.
و بعد ما سألت عنه ، عرفت إنّه غاب . و من كِتر ما تعذبت بغيابه ، غنتله : عودوا قبل ما الجفا يغمر ليالي العمر , غير الأحبة القدامى عَ الوفا ما لكن .
و عرفت كمان إنّه سافر ، سافر لبعيد ، ف غنت : يا ريت ما كان في مراكب ، يا ريت ما كان في سفر .
و بعد فترة عرفت إنّه تزوج ، تزوج غيرا . ف غنتله :
بيطلع ع بالي إرجع أنا وياك ، أنتَ حلالي إرجع أنا و ياك..
_ وهون فقدت الأمل..
ولَمن فقدت الأمل غنت : يا خسارة الحُب ، يا خجلة الأمل.
و بعدا غنت : الله معك يا هوانا يا مفارقنا حِكم الهوا يا هوانا و إفترقنا ، يا أهل الهوا يلي نطرونا بكرة إذا تذكروا العشاق ، ضلوا تذكرونا.
وقديش كانت مقهورة و موجوعة و ندمانة لَمن غنتله:
يا ريت ما سهرت و حبيتك .
وبعد سنين رجع ، رجع بدو يشوفا و يحكي معا
ف شافوا بعض صدفة..
قالتله : كيفك إنتَ ملا إنتَ.
ف ردلا : بعدك على بالي.
ف قالتله رغم كلشي : و بعدك بقلبي وردة الوردات.
و هون صفن كتير . حنلا اشتقلا و بدّه يرجعلا
ف قالتلوا : لا إنتَ حبيبي و لا ربينا سوا ، قصتنا الغريبة شلعها الهوا ، و صرت عندك غريبة إنساني يا حبيبي.
#فيروز