+ الرد على الموضوع
النتائج 1 إلى 5 من 5

الموضوع: قدر وغدر البشر

  1. #1
    الصورة الرمزية لحن الحياة
    لحن الحياة
    لحن الحياة غير متواجد حالياً

    مشرفة على عدة اقسام Array
    تاريخ التسجيل: Nov 2013
    المشاركات: 14,587
    التقييم: 751

    Lightbulb قدر وغدر البشر

    #الجزء_الاول
    بمخيم من مخيمات الاجئين السوريين في لبنان
    بخيمة صغيرة مساحتها ٤مترمربع مصنوعة من شادر رقيق مصنوع من النايلون
    رفيف مرى عمرا ٢٨ ساكنة بهي الخيمة هية وبنتا اسما سالي يلي عمرا ٥ سنين
    اندق باب الخيمة ويلي هو عبارة عن لوح خشب رقيق ومن حيلا دفشة بيقلب
    قامت بعبايتها السودة يلي لونها جارد من كتر مانها قديمة ولابسة حجاب فوقو
    فتحت الباب وكانت جارتن ام عمر مرى خمسينية صاحبة دين كتير وقلبا اطيب من العسل
    ام عمر : شو حبيبتي ام سالي مابدك تروح لنستلم توزيع الكراتين التغذية
    رفيف : ليش اليوم في توزيع
    ام عمر : اي ليش مامعك خبر
    رفيف : لا والله
    ام عمر : يلا مامشكلة هي انا عم خبرك امشي معي
    رفيف صفنت شوي بعدين قالت لا خلص مابدي
    ام عمر : لك ليش مابدك هاد حقك وانت بحاجة
    رفيف : طيب بتقدري تجيبلي اياها انتي
    ام عمر : لك ليش يابنتي وكمان مافيني لازم تكوني موجودة
    رفيف : اصبح خلص بعوض الله
    ام عمر : لك شو عم يصير معك لك بيتك عم ينفق ومافي شي يتاكل حرام جيبي شي لهل البنت تاكلو
    رفيف : خالة خلص مابدي بعوض الله
    فاتت وسكرت الباب
    ام عمر : لا حول ولا قوة الا بالله العلي العظيم شو صاير لهل المخلوقة
    راحت على خيمتا
    ام عمر حبيبي محمود قوم معي لنجيب كرتونة غذائية لجارتنا
    محمود : وماتقوم هية
    ام عمر : خطي يا ابني قال ضهرا عم يوجعا
    محمود : امري لالله .. امشي
    ام عمر : الله يرضى عليك ويفرحني فيكي
    محمود.: بكير ماما بكير كل عمري ١٤ سنة
    ام عمر : تقبر قلبي امشي امشي
    ..........
    قاعدة بزاوية الخيمة وعم تبكي قربت بنتا منها وحطت ايدا على كتفا
    سالي : ماما شبك
    رفيف : مافي شي حبيبتي فاتت برغشة بعيني
    سالي : ماما جوعانة
    رفيف : هلأ بقوم شفلك شي تاكليه
    سالي : صرلي ساعة عم دور مالقيت شي
    رفيف : شو رأيك اعملك اندومي
    سالي : اي اي بس انتي شو بدك تاكلي الاندومي مابتكفي الي والك
    رفيف : انا ماني جواعاني ياعمري
    سالي : ماما انت يعني مابتاكلي قدي
    رفيف : لا ماباكل قدك الكبار مابياكلو كتير
    سالي : طيب عطيني روح جيب اندومي
    طلعت من تحت الفرشة يلي قاعدة عليها قطعة معدنية وعطتا اياها وقالت : روحي شتري وحدة وتعالي
    طلعت سالي فرحانة كتير
    بعد شوي اجت لعندها ام عمر وابنها ومعون كرتونة غذائية
    رفيف : شو هاد خالة
    ام عمر : هاي الك
    رفيف : كيف جبتيلي اياها
    ام عمر : ما على كيفون فوتيها فوتيها
    رفيف : يسلمو هالاين تفضلي تفضلي
    فات ابن ام عمر حط الكرتونة وطلع
    ام عمر : اي بنتي هلق روحي عملي فنجان قهوة وتعالي هلأ بدك تحكيلي قصتك
    رفيف تبلكت وقالت : قصتي انا
    ام عمر : اي قصتك انت بدي اعرف ليش انتي وحدانية
    رفيف : طيب تفضلي
    راحت رفيف عملت فنجان قهوة وهية شاردة وعم تفكر ......واجت قعدت مع ام عمر
    ام عمر : يلا احكي بدي اسمع وبدي اعرف ليش ما رحتي جبتي كرتونة غذائية اليوم
    رفيف : قصتي ياخالتي انو انا بنت وحدانية لاهلي واهلي ماتو من زمان وانا تزوجت واحد ابن حلال وجبت منو هالبنت وبالاحداث استشهد
    ام عمر : الله يرحمو
    رفيف : تعيشي وبيت عمي اهل جوزي صارو بدون يجوزني لسلفي فأنا رفضت صارو بدون ياخدو مني بنتي وانا هربت مع بنتي لهون ع اللبنان مشان مايوصلولي وهلأ انا عايشة هون لحالي ومختباي منون لحتى الله يفرجا
    ام عمر : ياقلبي عليكي .. طيب حبيبتي من وين عم تصرفي
    رفيف : والله عايشة من قلت الموت وع المساعدات عايشة الله وكيلك
    ام عمر : لكن ليش ماقبلتي تروحي تستلمي اليوم
    رفيف : ماهو عماد الكلب يلي متسلم المخيم طلب مني استغفر الله العظيم....... واذا ما بعطيه يلي بدو اياه معد يعطيني مساعدات وانا مابدي شي منو
    ام عمر : الله لا يوفقو شو ابن حرام
    رفيف : والله عم ضل طول الليل فايقة من خوفي لايفوت علي بهل الليل
    ام عمر : طيب اشتكي عليه
    رفيف : لمين بدي اشتكي قوليلي
    ام عمر : سمعت انا بكرا جاي لجنة عالمخيم بدون يوزع مساعدات نقدية
    رفيف : عنجد
    ام عمر : اي والله جد ويمكن يتكفلو بالمخيم كلو علىطول اذا شفت المسؤول رح احكيلو قصتك وبخليه يساعدك
    رفيف ؛ خالتي انتي شو عم تحكي بدك تفضحيني
    ام عمر : اعوذ بالله بس قلو انو انك وحدانية وخيمتك مو لقيانة شي بركي بظبطلك اياها وبيدعمك
    رفيف : اي الله يوفقك والله تلفت اعصابي انا كل يوم على هالحالة
    ام عمر : خلص لاتاكل هم ونحنا كمان حدك اذا لاحظتي شي دغري اصرخي صوت
    رفيف : ان شاء الله .. والله ياخالة ام عمر انتي الله بعتلي اياكي من السما عنجد معروفك مارح انساه
    ام عمر : ولو يابنتي .. انتي والله صرتي بمثابة ولادي
    رفيف : الله يخليك اياهن
    ام عمر: تسلمي حبيبتي
    ............
    المسا قاعدة رفيف عم تلمس على شعرات بنتا وبأيدها هاتفا الصغير يلي مكسرة نص شاشتو
    حكتا رفيقتا من ضعيتا
    مرح : مرحبا رفيف
    رفيف : هلا وغلا ..كيفك انتي
    مرح : تمام الحمد لله
    رفيف : شوفي مافي
    مرح : والله اخبار مو حلوة
    رفيف : خير شوفي اهلي واخواتي صايرلن شي
    مرح : لا اطمني صحتون كتير منيحة بس اخوكي عدنان نزل على اللبنان يدور عليكي
    رفيف : شووووو
    مرح : والله متل ماقلتلك وحالف مايرجع ليقتلك ويغسل العار
    رفيف : لك اي عار اقسم بالله ماعملت شي بالحرام .. ورجب الله يرحمو هو وقف جنبي وساعدني لانو عرف انو ماغلطت وستر علي وتزوجني
    مرح : الله يرحمو
    رفيف دموعو عيونا وقالت : آمين .. عنجد ماشفت احسن منو رجال على وجه الكرة الارضية اااخ شو اشتقتلو
    مرح : بعينك الله .. هو مابروح غير المنيح
    رفيف : اي والله ... والله كسرلي ضهري لما مات الله يرحمو ويجعل مثواه الجنة
    مرح : آمين .. اي المهم كيفا سوسو الامورة
    رفيف : والله قلبي عم يتقطع عليها بتشوف هالولاد عم ياكلو ويشترو ويلبسو وهية ياحرام بتزعل ع الفاضي ومابتحكي شي
    مرح : اماني رفيف ابعتلك مصاري
    رفيف : لا انتي والله ماقصرتي بس معد غلبك معي اكتر من هيك الا الله مايفرجا
    مرح : الحمد لله .. وهاد صاحب المخيم الزفت بعدو عم يدايقك
    رفيف : والله ماعم اخطي خطوة برات الخيمة مشان ماشوفو بس من انهارين كتر مانو حقير شايف سالي بالطريق وقلاسلميلي على امك
    مرح : الله لا يوفقو
    رفيف : اي والله الله يخلصني من هالحياة وارتاح والله تعبت
    مرح : خلص طولي بالك الا الله مايفرجا
    رفيف : والنعم بالله ... بس الله لا يسامحو ولا يوجهلو الخير
    مرح : مين رئيس المخيم
    رفيف : لا ليلي وصلني لهون ...سامر
    مرح : اي والله كلو منو الله لايوفقو شو عمل فيكي بس لاتخافي الله مابينسى حدا
    رفيف : اااخ بس لو شوفو لنتفو بسناني دمرلي حياتي الله لا يوجهلو الخير وين ماراح
    مرح : آمين ..
    رفيف : بس انا هلا انشغل بالي بموضوع اخي
    مرح : والله مابعرف لازم تلاقي حل
    رفيف : خلص عم يقولو يمكن بكرا جاي لجنة جديدة عالمخيم بركي بقدر قلون ينقلوني عمخيم تاني وبغير اسمي مشان اذا اجا ودورو علي مايلاقوني
    مرح : والله ياريت وكمان بتخلصي من الزفت يلي عندك
    رفيف : اي والله ... خلص انا لازم لاقي حل
    مرح : ان شاء الله ... المهم حبيبتي انا بدي سكر بدك شي
    رفيف : سلامتك ياعمري بس اماني لاتجيبي سيرة لحدا انك عم تحكي معي
    مرح : اعوذ بالله مسحيل حطي اديكي ورجليكي بمي باردة
    سكرت رفيف التلفون وطبت على رجليها وغمضت عيونا وصارت تتذكر كيف كانت عايشة وكيف صارت عيشتا
    وصار يمرق قدام عيونا كيف كانت مدللة عند اهلا وكلمتا ماتصير تنتين وكيف اما كانت تشتريلا احلا التياب وكيف كانت مشنشلة بالدهب واتذكرت غرفتا كانت اكبر من هي الخمية على عشر مرات وفجأة وهية مغمضة وعم تتذكر اياما الحلوة طلع بوجها سامر وهو عم يتضحك
    فتحت عيونا بسرعة
    رفيف : لك ليش بعدك عم تطلعي ليش .. الله يلعنك ... معقول بحبو ... لأ لأ مستحيل كون بحبو مستحيل حب الشخص يلي ضحك علي واخد مني كلشي .. الشخص الوحيد يلي لازم حبو هو رجب وبس... الله يرحمك يارجب ليش رحت وتركتني .. ااااه يارب اااه لك وين كنت ووين صرت
    قامت طلعت دفتر وقلم يلي عم تكتب فيهن قصت حياتا وكانت كاتبة حياتا عند اهلا وكانت مبلشة بلقائها مع سامر
    من اول السطر
    كالفراشة تطير بين الزهور عندما التقيت بذاك الشاب الجميل لكن لم تتقن هذه الفراشة ان هذا الشخص ليس من فصيلت الفراشات بل كان دبور من الدبابير الحمراء الذي لسعته من اقوى اللسعات وابرته مليئة بالسم المميت وكان متنكر بذي الفراشات
    التقيت به وكأنه اجمل وارق انسان على وجه هذه الكرة الارضية...... واول جملة قالها لي : ممكن ان كون حبيبك
    راحت بذاكرتا لقبل اعوام
    #####فلاااااش#بااااااااك####
    كانت بعرس بنت خالتلا كانت فاردة شعرا الطويل ولابسة فستان سهرة توتي لقوق الركبة منفوشة وتحتو سكربينة كعب عالي
    كان شعرا متل الحرير عم يلوح يمين وشمال بعيونا الخضر وبشرتا الشقرا الناعمة
    فاتت وحدة من المعزيم وقالت اجا العريس والنسوان بلشت تلبس لانو عرس داخلي واكتر الموجودين محجبين
    بلشت رفيف متل المجنونة تدور على عبايتها يلي كانت على كرسيها وماكانت تلاقيها
    رفيف ؛ مرح مشان الله وين عبايتي
    مرح : مابعرف
    رفيف : لك ماني عم لاقيها رح يفوتو اهل العريس
    مرح : لك ليكي كانو بلشو يفوتو
    رفيف : ياربي ياربي شو اعمل
    مرح : فوتي فوتي ع الحمام بسرعة
    راحت رفيف بسرعة على الحمام وهية مقهورة كتير
    رفيف : بس بدي اعرف مين هي يلي اخدتلي عبياتي.. ياربي والله كانت ع الكرسي .. ياربي يعني مارح شوف العريس والعروس وهنن عم يبلدو المحابس ولا رح شوف الحنة .. ياربي لااا وبلشت تضرب رجلا بالارض من القهر
    سمعت حدا جاي بتجاه الحمام بسرعة فاتت على تواليت وسكرت على حالا الباب
    وبلشت تسمع صوت شب طالع من برا
    سامر : بدي اعرف مين هالفهمانة يلي حاطة قطعت الكيك على الكرسي هلأ كيف بدي اطلع وعلى بنطلوني مي والله بنفضح وبصيرو يقولو سامر ابن عم العريس عاملها على تيابو وماشالله كلون لسانون مابفوت على تمون
    رفيف عم تسمع من جوا وحاطة ايدا على تما مشان تكتم ضحكتا بس كانت صوت نفسها ظاهر
    وسامر سمعهاوسكت وبلش يقرب شوي شوي من باب التواليت وهية بعدا عم تضحك ومانا منتبهة انو عم يقرب من باب التواليت وفجأة فتح عليها الباب
    هية انصدمت وجمدت مكانا وعلقت عيونا عليه وهو صفن فيها وصار يتطلع عليها من فوق لتحت ....وهية فاقت من الصدمة ولقتو عم يتطلع عليها ولاحظت انها مانا مسترة وبسرعة مسكت الباب وسكرتو وهو بعدو واقف مكانو وكأنو بحلم معقول هي يلي شافها حقيقة ولا حلم ... رجع دق الباب دقتين ناعمين
    رفيف: لك انت مابتستحي اطلاع لبرا ماعندك شرف كيف بتفتح علي الباب اطلاااع لبرا
    هو بعدو مصدوم وطلع بسرعة وصار يتطلع ع الصالة وكانت عم تعم بالضجة والناس كلا ملتفة حول العروس والعريس بس هو رغم هالضجيج حس كأنو لحالو وكأنو بعالم تاني كمل بطريقو على السيارة يلي هية للعريس كان جاي فيها فتح الباب وركب وحط ايدو على شباك السيارة وحطا تحت دقنو وصفن
    بعد شي ساعة طلعو اهل العريس وركبو بالسيارات
    ( ملاحظة العرس عندن حفلة العروس لحال والعريس لحال بيجي العريس بالحنة ساعة وبيرجع بروح على حفلتو وتاني يوم بيجي بياخدا بعد ماتكون خلصت الحفلة عند العروس وبتبلش الحفلة عند العريس )
    ركب العريس وكانت مبتسم
    سامر : شو ماطولتو
    العريس : خلص وقتنا وكمان بدون يكملو الحفلة والنسوان بدا تاخد راحتا .. انت وينك معد لقيتك
    سامر : لك قعدت على كرسي كان محطوط عليه قطعة كيك واندهبو تيابي ورحت عالحمام مسحتون وجيت لهون مشان مايبين شي على تيابي
    العريس : لكن دور خلينانمشي الكل صارو بالسيارات
    سامر : انا تذكرت عندي شغلة ضرورية بهي المنطقة امسك مفاتيح سيارتك وانا سلام
    العريس : سامر على وين
    سامر : بعدين بعدين
    نزل سامر والعريس ركب ورا دركسيون ومشو
    .......................
    مرح فاتت ع الحمام مالقت حدا
    مرح : رفيف .. رفيف
    رفيف : اي اي انا هون
    فتحت الباب وطلعت
    رفيف : شو راحو اهل العريس
    مرح : اي راحو اطلعي
    رفيف : يلا جاي امشي قدامي
    مرح : شبك ليش هيك لونك مخطوف
    رفيف بتلبك : اناا
    مرح : اي انتي شبك
    رفيف : لأ لأ مافي شي انسي
    طلعو واول ماطلعت لقت عبايتها وشالها محطوطين على كرسي
    رفيف : ليكون تيابي بس وين كانو
    مرح : مابعرف .. بركي حدن كان قاعد عليهن
    رفيف الله يلعنو مين ماكن يكون حرمني شوف الحفلة
    مرح : طولي بالك مو مستاهلة يلا تعالي نرقص.....
    خلصت الحفلة وطلعو وهية كانت حاطة ايدا بأيد اما وطلعو وهو اول ماشافا بسرعة عرفها مع انو كان الجو شبه عتم
    طلعو بتاكسي وراحو وهو طلع وراهن وعرف وين بيتا ورجع على بيتون
    تاني يوم الحفلة بتكون بالنهار والبنات كلا متحجبة لانو رح يروحو يحضرو الحفلة عند العريس وما وقت يشلحو ويلبسو
    كانت لابسة فستان طويل للأرض وفوقو جلي فرو لانو الجو كان برد وحجاب على نفس اللون كعب عالي وكانت طالعة كتير حلوة
    رقصو شوي ورقصو مع العروس وبلشو يسمعو اصوات الزمامير
    واول شي تذكرتو رفيف الشب يلي شافا ليلة مبارح
    فاتو اهل العريس وكان سامر ماشي ورا العريس ولابس طقم رسمي.... رفيف اول ماشافتو حست قلبا صار يدق بسرعة مليون يمكن خجلت منو ومن الموقف يلي صار معون
    رفيف : شبك ليش هيك متوترة اكيد مانو متذكرني او مارح يعرفني لانو مبارح شافني بلا حجاب بس شاف وجهي... لازم ماخليه يلتقي فيني ......ولي على امتي على هالموقف يلي صار معي
    وهو كان عم يدور بعيونو عليها لحتى شافا وصار يراقبا بنظراتو وين ماتروح وهية لاحظت عليه هالشي وخجلت كتير وصارت تحاول تخبي حالا بين المعازيم
    قام سامر اخد وردة من بوكيه جنبو وخباها بجيبتو
    مضت الحفلة وهنن متل القط والفار هية تحاول تهرب من نظراتو.... خلصت الحفلة عند العروس والعالم بلشت تطلع مشان تركب بالسرافيس ويروحو على حفلة العريس ومنون يرجعو على بيوتن
    وهنن طالعين الكل من باب الصالة دفعة وحدة قرب منا بدون محدا ينتبه ومسكلا ايدا وحطلا الوردة بأيدا ومشي من دون ولا كلمة .. هية وقفت مكانا وضلت خمس دقايق على نفس الوقفة لتستوعب الصدمة شافت الوردة بايدا رمتا وكملت
    كانت بدا تروح تحضر عند العريس بس غيرت رأيا وراحت على بيتا
    مرق لسبوع على العرس ورفيف ماكانت تشوفو وحكت لرفيقتا مرح شو صار
    وهية خلال هالاسبوع نسيت شو صار واعتبرتا انو حدا عاكسا وانتهت القصة
    بلش يوم جديد ...رفيف رايحة عالجامعة واقفة لحتى تنطر السرفيس وقفت ع الطريق هية ومرح
    رفيف : شكلنا رح نتأخر
    مرح : لا ان شاء الله بنوصل عالوقت
    رفيف : انا الحق علي اخي علي من الصبح فيقني وقلي قومي لوصلك بسيارتو وانا قلتلو بروح لحالي
    مرح : لك حدا بصرلو يروح بسيارة مكيفة وهدوء لحالك بتفرضي مشان تتشنططي بالسرافيس
    رفيف : قلت بكسب ساعة نوم .. هاه ليكي اجا السرفيس قرب السرفيس ووقف حدون وهنن عم يركبو اجا متور ( دراجة نارية ) وقف وكان راكب عليه تنين واحد عم يسوق والتاني راكب وراه وهو سامر ....نزل سامر وركب بالسرفيس
    رفيف وسامر شافو بعض وتفاجئو بس رفيف ماحبت تعطي اهمية وتجاهلتو هو ركب وراهن
    بس رفيف طول الطريق منها مرتاحة لانو حست عيون سامر عليها ومافارقتا . "وهو كذالك "
    وصلو البنات على جامعتون ونزلو وسامر ماوجهلون اي كلمة وكمل السرفيس
    رفيف ماحبت تبين لرفيقتا انها مهتمة وما قالتلا شي عن سامر لانو اعتبرت شي ماضي ومالو اي قيمة لتحكي فيه .. خلصو الجامعة وهية طالعة لقتو واقف ومبين انو ناطرا لانو كان مستند على حيط ولما شافا وقف ومشي لعندا قرب وصار مقابيلها تماما
    وقال : ممكن كون حبيبك
    رفيف : شووو
    سامر : ممكن كون حبيبك
    رفيف : سمعت بس انو شو هاد يلي عم تطلبو انت اكيد مجنون
    سامر : اي مجنون وخديني على قد عقلي ممكن نحب بعض
    رفيف : لأ ما ممكن
    سامر : ماعلى كيفك
    رفيف : هههه شكلك واثق من حالك
    سامر : كتييير
    رفيف : طيب واثاق بحالك قد مابدك بس بعد عن طريقي لو سمحت
    سامر : مابدي
    رفيف : انت مجنون بعد عن طريقي احسن مالم كل الجامعة عليك
    سامر: خالينا نحكي على رواق
    رفيف: لك عن اي رواق عم تحكي
    سامر: عجبتيني وبدي اياكي
    رفيف: بيت اهلي مفتوح
    صفن شوي وقال :انا حاليا ماني قدران اخطب لانو وضعي تحت الصفر
    رفيف : وشو اعملك شو رأيك روح انا اخطبك
    سامر : ممكن تفهميني وتروقي انتي عنجد اخدتيلي عقلي وقلبي وعلى طول عم فكر فيكي... وماني حابب تروحي لغيري بس عنجد وضعي مابيسمح اخطب هلأ لانو عنجد مافي معي ولا ليرة
    رفيف، شو المطلوب مني
    سامر، بس اذا اجاكي عريس رفضيه بس شهرين ما اكتر
    رفيف، بس انا ماني متطرة انطر حدا
    سامر، صدقيني انا حبيتك من قلبي الا اذا في حدا بحياتك
    رفيف، لا مافي حدا
    سامر، بترجاي بس شهرين
    رفيف، ......
    سامر، ماني طالب منك شي غير شهرين وبوعدك بعد هالشهرين يلا بتلاقيني جيت خطبتك يا معد تشوفي وجهي وبوعدك انو ما ازعجك ابدا من هون لشهرين لانو انا والله رايدك بالحلال... شو قلتلي؟؟
    رفيف، بفكر وبكرا بردلك خبر يا اي يا لأ
    سامر، ناطر على احر من الجمر
    تركتو ومشت وهية من جوا كانت رح تطير من الفرح حكت لرفيقتا مرح شو صار
    مرح، مبين نيتو شريفة
    رفيف، وانا كمان هيك عم قول
    مرح، طيب انتي الشب عاجبك
    رفيف، بكذب عليكي اذا قلتلك لأ...عاجبني بكلشي فيه بجرائتو وبشخصيتو وحتى بصراحتو
    مرح : لكن مابدا تفكير بكرا عطيه الموافقة بس بشرط ما يقرب منك لوقت ما يجي ويخطبك
    رفيف : وانا كمان عن قول هيك
    تاني يوم شافتو على باب الجامعة كان ناطرا .. قربت منو
    رفيف : مرحبا
    سامر : هلا
    رفيف : انا فكرت..... ورح اربط حالي فيك لمدة شهرين ... بس من هون لشهرين مابدي تزعجني نهائيا
    سامر: وانا موافق
    رفيف : بالاذن
    سامر : لحظة مابدك تعرفي اسمي
    رفيف : ااااه صح شو اسمك
    سامر : ههههه اسمي سامر
    رفيف : تشرفت بمعرفتك ... وانا
    سامر : رفيف
    رفيف : من وين بتعرف اسمي
    سامر : معقول اتقدم لوحدة وما اعرف شو اسما
    رفيف : امم .. وشو بتعرف كمان
    سامر : بعرف كلشي
    ابتسمت رفيف وقالت : انا صار لازم امشي بشوفك بعد شهرين ببيت اهلي
    تركتو ومشت
    هو ضل واقف مكانو مبتسم
    ......................................
    المسا ببيت سامر قاعد بين عيلتو عم يتعشى خلص وقام
    ام سامر : عوين ماما
    سامر : رايح لعند رامي اسهر بدك شي
    ام سامر : لا روح الله يرضى عليك
    سامر : يلا سلام
    لبس وراح ركب متورو وراح لعند رامي
    ببيت رامي
    رامي : وهلأ شو بدك تشتغل
    سامر : والله مابعرف
    رامي : يعني كيف بتوعد البنت بعد شهرين وانت مافي بجيبتك ولا ليرة حتى لو اشتغلت شغل شهرين مابخطبوك
    سامر : مابعرف هيك طلع معي وكمان اذا لقيت شغل بتدين وبصير سدد الدين
    رامي : يعني هلأ حليتا
    سامر : مابعرف كمان ببيع المتور
    رامي : ههههه شو عندك هلأ هالرنج كلو متور يادوب حقو ٣٠ الف
    سامر : لك انا جيت لعندك لحتى ترفعلي معنوياتي وانت عم تحبطني
    رامي : طيب شو بدي قلك .... وكمان مالقيت غير هالبنت انت كمان
    سامر : ليش شبا رفيف
    رامي : لك البنت مافي منا .. بس قصدي مالقيت غير من هالعيلة لك هدول مليانين يعني اذا بدك تشتغل ليل مع انهار مارح تقدر تعيشا متل مانها عايشة عند اهلا
    سامر : اذا بتحبني بتعيش معي بأسوء ظروفي
    رامي : ههههه لك ليش لحقت تحبك ويمكن قالتلك هيك انها رح تنطرك مشان تجبر بخاطرك ما اكتر
    سامر : لأ هية معجبة فيني ورح تحبني ... كمان مانها متطرة تجبر بخاطر حدا كانت قالتلي لا تنطر وخلصنا
    رامي : اكيد انت صرت تترجاها ورح تبكي قداما لحتى وافقت
    سامر انقهر : العمى بقلبك قال معتبرك صديقي وعم احكيلك وافتحلك قلبي عنجد تضرب من بين الرفقات
    قام مشان يطلع
    رامي : سامر لحظة .. سامر .. انا اسف خلص معد عيدا
    سامر : حل عني يازلمة ..
    تركو وطلع
    ..............................
    رفيف كانت عم تدرس بعدين صفنت وحطت القلم بين شفافا وسرحت بخيالا وصار تفكر بسامر
    رفيف : معقول حبيتو بهل السرعة .....اي يمكن .. لكن ليش بقلولو حب من اول نظرة
    لاحكي مع مرح
    مسكت موبايلا ودقت لمرح
    مرح : هلا رفيف
    رفيف : زعجتك
    مرح : لا انا سهرانة
    رفيف : عم فكر ..
    مرح : وبشو دخلك
    رفيف : بسامر
    مرح : شو حبيتيه ؟
    رفيف : هيك يمكن
    مرح : نقول مبروك
    رفيف : ههه مابعرف بس في جواتي خوف
    مرح : خوف شو
    رفيف : خايفة اغلط
    مرح : ان شاء الله مابصير هيك شي .. بس ماتكوني عطيتيه رقمك
    رفيف : لا لا
    مرح : لكن لاتخافي
    رفيف ،: ان شاء الله
    ............................
    ######بااااااااك######
    القلم بأيدا وبعدا عم تكتب
    كان يمثل بطريقة فظيعة حتى انا الى الان لم استطع تصديق انه كان كاذب .. لماذا صدقته لماذا لم استطع التميز بين الحقيقة والكذب .. هل يعقل انه كان صادق
    وانا فهمته غلط ... لا لا كيف يكون صادق وهو ... (وقفت الكتابة )
    رفيف : لا بكير لحتى اكتب هدول .... لحتى صير عندن بالكتابة بكتبن .. مسحت شو كتبت اخر سطرين
    سكرت الدفتر وكان الفجر عم ياذن قامت توضت وصلت والشمس بلشت تطلع وهية امنت وحطت راسا مشان تنام كم ساعة

    يتبع .......

  2. [2]
    لحن الحياة
    لحن الحياة غير متواجد حالياً
    مشرفة على عدة اقسام Array


    تاريخ التسجيل: Nov 2013
    المشاركات: 14,587
    التقييم: 751

    افتراضي رد: قدر وغدر البشر

    #الجزء_الثاني

    بمكتب كبير بالخليج بغرفة الاجتماعات ... على طاولة طويلة موجود عليها مجموعة من الاشخاص
    وعلى رأس هاي الطاولة موجود
    ياحزركم مين يلا شوي وبنعرف
    ....................
    بالمخيم
    رفيف عم تربط شعرات بنتا بعد ماخلصت من عمل الضفيرة
    رفيف : يا الله ما احلا هالشعرات
    سالي : ماما انا طالعة العب برا
    رفيف : اي حبيبتي روحي
    طلعت سالي وقامت رفيف وقفت مقبال مراي صغيرة معلقة بحيط الخيمة ظبطت شالها وطلعت
    دقت الباب على جارتا ام عمر
    فتحتلا ام عمر
    ام عمر ؛ اهلا وسهلا فوتي فوتي
    فاتت رفيف وقعدت كانت ام عمر لحالا
    ام عمر لحظة لاعمل شاي
    صارت رفيف تتأمل خيمة ام عمر كانت خيمة ام عمر احسن بمليون درجة من خيمتا كانت معمرة من جوا بالبلوك ومقسمة مكان للحمام والمطبخ فيها تلفزيون وبراد وغسالة
    جابت ام عمر الشاي وقعدو وصارو يحكو
    رفيف : خالة ماقلتيلي جاي لجنة ع المخيم ؟
    ام عمر : والله هيك كانو يقولو .. انو في حدا بدو يدعم المخيم
    رفيف : ان شاء الله يكون هالحكي صح
    ام غمر : ان شاء الله
    ........................
    بنرجع للاجتماع
    موجود على راس هي الطاولة صح متل ماحزرتو سامر
    سامر : هاد المشروع اليوم بدي اياه يخلص عم تفهمو
    الموظفين : حاضر استاذ
    سامر : وهلأ خلصنا من الشغل .. وبدنا نحكي عن موضع الجمعية يلي بدا تدعم المخيمات اللأجئين السوريين
    موظفة : استاذ سامر كلو جاهز
    سامر : كيف يعني جاهز .... بدي التفاصيل لو سمحتي
    الموظفة : جمعيتنا اختارت دولة لبنان لتدعم اللاجئين فيها وباقي الجمعيات اختارت دول اخرى وشركتنا تحديدا اختارت حوالي العشر مخيمات مشان تتكفلون من مواد غدائية ونقدية وخدمات للخيم وخدمات صحة والكهربا والمي وكلشي
    سامر : طيب وايمت رح تبلشو
    موظف : استاذ سامر بكرا بكون كروب من الموظفين بلبنان ورح نعمل جولة على الخيم ورح يعطوهن مساعدات نقدية لكل عائلة ورح نسأل العائلات شو بيحتاجو واذا حدا عم يدايقون ونسمع مشاكلون
    سامر : كتير منيح .. بس استعجلو ولا تتأخرو لانو الدنيا جاي على شتوية
    الموظفين : حاضر استاذ
    سامر : انتهى الاجتماع ويعطيكن العافية
    قام وراح على مكتبو وهو عم يعرج من رجلو ... فتح تلفونو وكان عليه مكالمات كتير
    سامر : اوووف من النسوان
    مسك التفون ودق
    سامر : شبك دق دق شوفي .... لك روحي مين ماسكك ماقلتلك بكون عندي اجتماع .... اي اي روحي الله معك هلأ صرتي تسمعي الكلمة وماتطلعي لحتى تاخدي اذني .. اي اي ماشي سلام
    سكرو التلفون ورماه على الطاولة بقهر
    سامر : اوف .. اوف ..
    .............................
    بالمخيم ....
    الوقت المسا
    سالي : ماما ايمت بدي روح ع المدرسة
    رفيف : يلا كلا شهر وبتروحي ع الروضة
    سالي : وشو بيعطونا بالروضة
    رفيف : بتلعبي معي رفقات جداد وبتصير ترسمي رسمات حلوة وتلوني
    سالي : انا مبسوطة كتير
    رفيف : وانا مبسوطة فيكي ياقطعة من قلبي
    سالي ؛ ماما نعسانة
    رفيف : يلا مديتلك فرشتك نامي انا هون حدك
    قربت باستا على خدا وقالتلا تصبحي على خير
    رفيف : وانتي ما اهلو ياعمري
    .........................
    ببيت سامر فات وكانت موجودة الخادمة
    سامر : وين المدام
    الخادمة : بابا ماما ما اجت
    سامر : ماقلتلك وين راحت
    الخادمة : نو بابا
    سامر ؛ اوك روحي حضريلي العشا
    الخادمة : حاضر بابا
    فات بدل تيابو وطلع كان الاكل جاهز على الطاولة
    قعد ياكل و انفتح الباب وفاتت مرا طويلة لابسة كنزة وبنطلون ديق ولافة حجابا وحاطا مكياج كتير على وجها صار يتطلع عليها من تحت لفوق بطرف عينو
    وهية شايلة بيبي صغير حاطتتو بكرسيه
    نايا : هاي حبيبي حطت ابنا بالارض وقربت ضمتو من ضهرو وباستو على خدوا
    سامر : وين كنتي
    نايا : كنت بالسوق
    سامر : ومن الصبح بالسوق يامدام
    نايا : اي حبيبي اخدني الوقت وماحسيت على حالي ... جوجو تعي خدي سامي
    الخادمة جوجو : حاضر ماما
    نايا قعدت مقبال سامر وصارت تاكل
    نايا : كتير انبسطت اليوم ....انت قلي شو صار معك
    سامر : ليش بهمك
    صفنت شوي وقالت : لأ
    سامر : اي لكن لا تعملي حالك مهتمة اوكي
    نايا :شبك حبيبي مانك على بعضك مين مزعلك
    سامر : هههه رح تخلبني صدق انك مهتمة
    نايا : سامر
    سامر : خرسي ولا كلمة ... لك انتي شو مابتفهمي ما بتحسي
    نايا : انا شو عملت
    سامر : كل يوم مشاوير وطلعات وماخدة سامي معك من مكان لمكان ما احلاه ما يضل مرضان
    نايا : يعني سامي عم يمرض بسببي
    سامر : اي بسببك يامدام الولد معو ربو وبدو مراعات ماكل يوم بمكان شكل
    نايا : يعني شو احبس حالي بالبيت
    سامر : واذا حبستي حالك بالبيت شو رح يصير عليكي
    نايا : بس انا ماني متعودة ع القعدة بالبيت على طول
    سامر : الله يرحم ايام زمان لما كنتي انتي واهلك كلكن عايشين بغرفة وحدة وماكنتي تسترجي تطلعي خطوة لبرات البيت من ابوكي هلأ معد فيكي تقعدي بشقة طويلة عريضة مساحتها قد حارتك وبتقوليلي محبوسة
    نايا : شو يعني عم تعيرني بالماضي تبعي
    سامر : ماني عم عيرك بس لاتنسي مين انتي وتعمي على قلبك المصاري
    نايا : انا ماصدقت ايمت خلصت من الماضي تبعي ومابدي ارجعلو وبدي عيشي يومي بالطول وبالعرض
    سامر : وبمنظرك هيك ؟
    نايا : اي بمنظري هاد بس مايكون ماعاجبك منظري
    سامر : لا ماعاجبني ابدا واذا لسه بشوفك لابسه هيك لبس برات البيت رجليكي بدي اكسرون
    نايا ؛ سامر مابسمحلك ....
    سامر : كلمة تانية وبتعتبري حالك طالق
    ترك الطاولة وقام
    هية رمت الملعقة وقامت
    ............................
    بخيمة رفيف
    عم تحكي مع مرح
    رفيف : مرحبا مرح كيفك شو اخبارك .. كيفو زوجك وولادك
    مرح : هلا الحمد لله كلون تمام .. طمنيني عنك
    رفيف : بخير
    مرخ : شو صار معك اجت اللجنة
    رفيف: ماشفنا حدا
    مرح : بعينك الله ..
    رفبف : شو الاخبار عندك
    مرح : ماحلوة
    رفيف: شوفي ... عن اهلي يعني
    مرح :لا .. بصراحة سامر
    رفيف صار قلبا يدق وايدها ترجف ..
    رفيف : شبو
    مرح : ما انا بكون جارة اهلو
    رفيف : اييي بعرف شبو سامر
    مرح : كانت تقول امو قال بدو يجي زيارة
    رفيف : شوووووو
    مرح : هاد يلي صار اليوم شفتا وكانت عم تقلي وكانت طايرة من الفرح
    رفيف : انشاء الله ما يشوفو الفرح
    مرح : اميين
    رفيف : الله يتنقم منون كلون
    مرح : مابعرف .. خلص طولي بالك وانسي
    رفيف : كيف بدي انسى وهو يلي دمرلي حياتي لحتى وصل لغايتو الله لا يوفقو .. ... يلا سلام مرح بحكي معك بعدين
    مرح : ماشي سلام انتبهي على حالك
    رمت التلفون جنبا وصارت تبكي
    وصارت تتذكر
    .........................
    ########فلااااااااش#باااااااا اك#######
    كانت راجعة من الجامعة نزلت من السرفيس لقتو واقف ناطرا .. وقفت شوي اتطلعت عليه وكملت طريقا وهو واقف عم يتبسملا
    رفيف : شو عم يصير معو هاد ...وليش واقف وكأنو ناطرني
    تاني يوم
    طالعة من البيت كمان لقتو ناطرا براس الحارة
    اتطلعت حوليها وقربت منو
    رفيف : انت شو عم تحاول تعمل
    سامر : انا
    رفيف : اي حضرتك ليش كل مابطلع وبفوت بلاقيك واقف وعم تراقبني
    سامر بأبتسامة : انا ماني عم راقبك انا عم اجي مشان شوفك
    رفيف : ما عأساس مارح تدايقني من هون لشهرين
    سامر : وانا هيك عم دايقك .. ماني عم اعملك شي اعتبريني ماني موجود
    رفيف : ......
    سامر : دخيل هالصفنة ما احلاها ... اولا انا واقف بأملاك دولة وثانيا انا ماني عم دايقك وثالثا انا جاي شوف حبيبتي ... شو عم اعمل شي غلط
    ابتسمت ودارت ضهرا ومشت
    مرق كم يوم وكانت كل يوم تشوفو ويتبادلو البسمات
    .......................
    طالعة هية ومرح من باب الكلية وماشين على الطريق ماشافت غير سيارة وقفت جنبون نزل ازاز السيارة
    اطلعت رفيف ومرح
    رفيف : رجب
    رجب : كيفكن صبايا
    رفيف : بخير كيفك انت شو اخبارك وكيف العيلة
    رجب : كلن مناح بسلمو .. رايحين ع البيت ؟
    رفيف : اي والله
    رجب: طلعو لوصلكن
    رفيف : اي ليش لأ
    مرح سحبت رفيف على جنب وقالتلا مين هاد
    رفيف : هاد ابن عما للماما
    مرح : اممم ... وشو بيشتغل
    رفيف: دكتور
    مرح : دكتور شو
    رفيف : دكتور جراح
    مرح : جراح فرد مرة
    رفيف : لك شبعرفني تعالي هلأ
    طلعت رفيف جنبو ومرح بالقعد الخلفي
    رجب صار يتطلع على رفيف نظرات شوق بس كان متدراي نظراتو مشان ماحدا ينتبهلو
    رجب : اي كيف الدراسة
    رفيف : كلو تمام
    كملو طريقن ع الحارة وصل مرح ع بيتا واتطلع على رفيف وقال : شو رأيك نروح نشرب شي بمكان عام
    رفيف : بصراحة ماخبرت اهلي انو رح اتأخر
    رجب : طيب بتصل وبخبر امك شو رأيك
    رفيف : اي ماعندي مانع
    اتصل رجب بام رفيف : الو مرحبا ... كيفك بنت عمي .. انا الحمد لله ... كيفو ابو عدنان والشباب ... اي الحمد لله ..... ليكي بدي اخطف رفيف شي ساعة اذا ممكن ..... ههههه نشرب قهوة مكان عام وبرجعلك اياها بالحفظ والصون .... اي هية معي ... طيب ماشي سلام
    رفيف : شو قالتلك
    رجب : قال مافي مشكلة المهم مانطول
    رفيف : طيب ماشي
    مشي رجب بالسيارة وطلعو وهنن طالعين من الحارة كان سامر واقف وكأنو ناطرة بس اتفاجئ فيها وهية طالعة من الحارة ومع رجب بالسيارة .. هية لما شافتو تلبكت بس ماحبت تبين لرجب شي وقطعوه ومشو وهو هون كان جانن جنونو ..
    ركب متورو وراح لعند رفيقو رامي
    سامر بقهر : شفتا راكبة معو بالسيارة وضحكتا لورا ادانا ..
    رامي : مين هي
    سامر : رفيف
    رامي : ومع مين كانت راكبة
    سامر : مع هاد الدكتور رجب
    رامي : الدكتور رجب .... اي بس هاد بيقربا
    سامر : واذا بيقربا بتركب معو بالسيارة
    رامي : طيب انتي مادخلك بالبنت تصطفل مع مين مابدا تركب
    سامر : كيف يعني مع مين مابدا ...وانا رح صير جوزا
    رامي : اي لتصير ... وبعدين انت شو صار معك بموضوع الشغل
    سامر : ماعم لاقي
    رامي : بس كأنو الشهرين عم يمرقو وانت بعدك مكانك
    سامر : والله ماطالع بأيدي شي
    رامي : تشتغل بالعمار (البناء) ؟
    سامر : بالعمار ؟ شغلة صعبة ما هيك
    رامي : والله الواحد اذا بدو يجيب مصاري بينحت الصخر
    سامر : والله ماني خرج هالشغلة
    رامي : طيب انا رح دورلك وان شاء الله بلاقيلك شغلة اسهل
    ............................
    بكافيه
    قاعد رجب ورفيف عم يشربو قهوة مع بعض
    رفيف : رجب ممكن سؤال
    رجب : اكيد تفضلي
    رفيف ؛ ليش كل مابشوفك بحس انو في حكي بدك تحكيه
    رجب : انا لا انتي فهمانة غلط
    رفيف : يمكن
    رجب : تاكلي بوظا
    رفيف : لا انا بالشتوية مابحبا ابدا
    رجب : اوك على راحتك
    رفيف : بس اذا في سطلة فواكه مابقول لأ
    رجب : تكرم عيونك
    ..............................
    المسا بغرفة رفيف قاعدة متربعة ومرح قاعدة قداما
    مرح : اي وين رحتو
    رفيف : كافيه قريب من هون
    مرح : وشو حكيتو
    رفيف : ولا شي حكي عادي
    مرح : صح هو شقد عمرو
    رفيف : حوالي ٣٠
    مرح : وليش مانو متزوج
    رفيف : مابعرف مع انو مأمن وضعو وعند بيت حلو كتير وشغلو ماشي وسيارة ورصيد بالبنك
    مرح : طيب مافهمتي انو شو غايتو من هالعزيمة
    رفيف : انا حسيت كأنو بحب شي وحدة وبدو اياني احكيلو معا
    مرح : معقول انا هههههه
    رفيف : هههههه تضربي .. والله مابعرف ... بس صار شي
    مرح : شو صار
    رفيف : شفت سامر وانا طالعة مع رجب
    مرح : اي وبعدين
    رفيف : ماصار شي بس حسيتو انقهر كتير
    مرح : لك صح انا بدي اسالك هاد سامر شو عم يشتغل
    رفيف : حسب ماعرفت ولا شي عم يدور على شغل
    مرح : لكن على ايو اساس وعدك انو رح بجي يتقدملك بعد شهرين
    رفيف : والله مابعرف
    ............................
    ببيت اهلو لرجب ..
    قاعد رجب مقبال المقودة الحطب على كرسي هزاز
    اجا اخوه وقعد حدو
    رعد : شبك رجب حاسك مانك على بعضك اليوم
    رجب : اليوم التقيت برفيف
    رعد : اي وشو صار حكيتا
    رجب : لا
    رعد : ليش
    رجب : ما لازم تعرف
    رعد : ليش .. في شي
    صفن وماحكي
    رعد : اخي احكيلي انت صاير معك شي ... شو هو الشي يلي بيمنعك تحكي مع البنت يلي بتحبا وتقلا انك بتحبا وبدك اياها
    رجب: مافي شي
    رعد : اخي انت والله مانك صغير حلك تتزوج ونفرح فيك وبولادك
    رجب : بولادك هههههههه
    رعد : شو يعني
    رجب : خلص انسى
    رعد : طيب شو رأيك احكيلك معا انا
    رجب : لاااااا
    رعد : خلص متل مابدك تصبح على خير
    رجب : وانت من اهلو
    رجب بقلبو : هههه شو يعني قلا انا بحبك وبدي اتزوجك بس عندي مشكلة انو مابجيب ولاد اكيد مارح توافق ... لأ خليني هيك احسن
    .................................
    رفيف فاقت الصبح طلعت لقت اهلا قاعدين عم يفطرو
    قعدت وصارت تفطر معون
    ام رفيف : رفيف شو كان بدو منك رجب
    علي : ليش وين شافت رفيف رجب
    ام رفيف : هو مبارح اتصل فيني وقلي بدو يعزم رفيف على فنجان قهوة
    علي : وانتي خليتيهن
    ام رفيف : اي شوفيها الشب محترم وابن عمي
    ابو رفيف : علي بعرف انك بتغار على اختك بس ماوقتا هلأ وانا كنت جنب امك لما رجب دقلا وانا سمحتلا تطلع
    رفيف : خلصتو نقار ؟
    ام رفيف : اي شو كان بدو
    رفيف : مابدو شي شربنا فنجان قهوة ووصلني هاي هية كل القصة
    ام رفيف : يعني ما قلك شي نهائيا
    رفيف : لا والله متل شو بدو يقلي
    ام رفيف : انا حاسستو معجب فيكي وبدو اياكي
    رفيف : معجب فيني ههههه اكيد لا .. وكمان ماحكي شي
    ام رفيف : مابعرف
    رفيف : انا تأخرت .. علوش حبيبي توصلني
    علي : علوش!!! هههه ... فوفو حبيبتي انا هلأ جيت من شغلي وقايم نام .
    رفيف : وانت عدنانو
    عدنان : اسف ههههه
    رفيف : تضربو من بين الاخوة يلا سلام
    الكل : سلام
    .......................
    طالعة على راس الحارة مشان توقف سرفيس
    لقت سامر واقف ناطرا
    سامر قرب لعندا ووقف قداما .
    رفيف : شو عم تعمل هلأ حدا بشوفنا
    سامر : ليش كنتي راكبة معو
    رفيف : انا بركب مع يلي بدي اياه وانت شو دخلك
    سامر : كيف يعني
    رفيف : والله متل ماسمعت وانت شو دخلك لحتى تجي تحاسبني لما بتخطبني ساعتها بتمشي كلمتك علي بس هلأ مابحقلك توجهلي اي كلمة ... ااه صح وانت عأساس بعد شهرين بدك تخطبني بتكون امنت مصاري كيف بدك تأمن مصاري وانت واقف هون ناطريني ع الطلعة والفوتة .. انا برايي تروح تدبر شغل احسنلك من الوقفة هون عالفاضي
    سامر عصب كتير وهو من النوع العصبي وقال : وعلى شو شايفة حالك ....يعني صدقتي انو في حدا بحبك وعم تتمقطعي فيه ... واذا اهلك معون مصاري بتشوفي حالك ع الناس اسمعي هالكلمتين انا معد بدي اياكي لا هلأ ولا بعد شهرين
    رفيف : اي وبالناقص ... ليك في معلومة لازم تفهما انو انت يلي راكض وراي ما انا وانا مية شب بيتمناني ووضعن احسن من وضعك بمليون مرة انا اصلا الحق علي يلي وافقت على واحد متلك
    سامر : بتعرفي شغلة .. منيح انو اكتشفتك على حقيقتك قبل ما اتورط
    تركها ومشي .....
    هية حست حالا انو تقلت معو الحكي وكتير كمان وغرغرت الدمعة بعينا ... لفت ورجعت على بيتا سكرت على حالا باب غرفتا وصارت تبكي
    دقت لمرح وخبرتا تجي لعندا ضروري ... ع الضهر اجت مرح لعندا
    مرح : شوفي شو صاير
    حكتلا رفيف كلشي صار
    مرح ؛ يييي ليش هيك صار
    رفيف : يعني هو مابحقلو يحاسبني صح
    مرح : بس ماكان لازم تعيريه انو مانو عم يشتغل وانو فقير
    رفيف : لكن هو على اي اساس عم يوعدني بعد شهرين
    مرح : ماضروري شهرين انت اذا حبيتيه من قلبك رح تنطريه العمر كلو مابس شهرين
    رفيف : المهم انا كتير مقهورة
    مرح : وشو يلي بريحك
    رفيف : بدي سامر
    مرح : هههههه سامر بح.... بلسانك الطويل وشوفت حالك عليه طار
    رفيف : لا انا بدي سامر انا والله حبيتو .. اي انا بحبو لسامر وكتير .. مرح بترجاكي ساعديني
    مرح : والله مابعرف شو اعمل
    رفيف: بدي رقمو .. جيبلي رقمو اماني
    مرح : رقمو من وين بدي جبلك رقمو
    رفيف : مابعرف المهم بدي رقمو بترجاكي
    مرح : طيب رح شوف اذا رقمو بجوال اخي
    رفيف : اي مشان الله
    مرح : اي
    رفيف : لك بعدك قاعدة قومي بسرعة
    مرح : اوووف .. قايمة قايمة
    ........................
    سامر ببيتو قاعد ومقهور من كل قلبو ...
    سامر : انا رح اشتغل ودبر مصاري ورح اخطب بعد شهرين بس مشان فرجيكي يا رفيف خانم انو بقدر امن مصاري من هون لشهرين وكمان رح اخطب وحدة احلا منك بمليون درجة ...
    مسك التلفون ودق لرامي : الو رامي ... وين هاد الشغل يلي قلتي عليه .... اي تبع العمار .... اي بروح هلأ نشوف الزلمة ... يلا عشر دقايق وبكون عندك
    ...................
    تاني يوم الصبح بالجامعة
    رفيف : لك شو صار معك ماجبتلي الرقم
    مرح : لقيت اسم سامر عند اخي بس مابعرف اذا هو
    رفيف: وينو جبتيه
    مرح : اي جبتو
    رفيف: هاتيه
    مرح : وبلكي ماكان هو
    رفيف : بندق اذا طلع هو بحكي واذا لأ بسكر او بقول غلطانة
    سامر لابس تياب عليها تراب واسمنت وحاطط طاقية على راسو وكان ماسك الرفش وعم يجبل الاسمنت يلي قدامو
    رن موبايلو
    سامر : لمين هاد الرقم ... الو
    رفيف : ....
    سامر : الو مين معي ..
    رفيف بعد ما اتأكدت انو هو قالت : بحبك
    سامر اتفاجئ وماميز صوت رفيف : مين
    رفيف : بحبك ورح حبك وانطرك لاخر العمر
    سامر عرفها بس تجاهلا وقال : مين
    رفيف : انا يلي بتحبك وبتموت عليك وبتعتذر منك مليون مرة ورح تنطرك لاخر العمر ومابدا منك شي غير انك تكون جنبا
    سامر : الرقم غلط . وسكر بوجها
    رفيف صارت تبكي وتقول : بحبو بحبو بحبو ....
    ##########باااااااااك#######
    مسحت دموعا يلي كانو على خدا وقالت ياريت ما اتصلت هداك اليوم ياريت .. وكان خليه زعلان وكان كل واحد راح بطريقو ... صارت تضرب على قلبا وتقول : كلو منك كلو منك اااااااه ياربي .... ااااخ تعبااااانة ......
    مسكت الدفتر وبلشت تكمل قصتها
    اول السطر...
    لو نستطيع ارجاع الماضي ومحو كل شي سيئ .. ياليت لو عرفنا مصلحتنا منذ البداية ومشينا اتجاهها ياليت العقل يتغلب على القلب ... ياليت...
    .........................................
    الصبح ببيت سامر
    نايم اجت مرتو مستعجلة وصارت تفيقو
    نايا : سامر سامر فيق
    فتح عيونو : اي شوفي
    نايا : قوم بدي احكي معك
    سامر : بشو
    نايا : عنجد بدنا ننزل على سوريا
    سامر : اي .. مين قلك
    نايا : ماما قال خالتي مخبرتا
    سامر : اي والله نازلين الجمعة الجاي جهزي حالك
    نايا : لا مافي نزلة
    سامر : ليش بلله
    نايا : هيك مافي روحة
    قام سامر وراح اتجاه الحمام وقال ؛ اذا بدك لاتنزلي بس انا نازل ... وبعدين عحد علمي عملتي المستحيل لحتى صالحت امي واخي هلأ معد بدك اياني انزل لعندون
    نايا : انت مافي الك نزلة كمان
    سامر : شو قصتك من عند هالصبح انا اشتقت لبلدي ولاهلي وبدي انزل زورن شومشكلتك اااه
    نايا :مشكلتي يلي نازل مشان تشوفا
    سامر : شو قصدك
    نايا : رفيف خانم نازل مشان تشوفا ماهيك
    سامر حس شعلت نار صارت بقلبو لما سمع اسما ..
    التفت عليها وقال : ليش انا شوبدي برفيف المخلوقة متزوجة وانا من زمان معد فكرت فيها
    نايا : متزوجة ؟؟ ليش تزوجت مرة تانية
    سامر : مرة تانية ؟؟
    نايا اتذكرت انو سامر مابيعرف انو رفيف صارت ارملة
    نايا بتلبك : لك فتت بميت حيط .. قصدي انت عم تفكر فيها ماهيك ؟؟
    سامر انتبه انو مرتو عم تخبص بالحكي قرب منا ومسكا من دراعا وقال : شو مخباي عني انتي
    نايا : انااا شو بدي خبي
    سامر : شو قصدك اتزوجت مرة تانية
    نايا : والله مابعرف شي انا
    سامر : لا بتعرفي لك انا حافظك بصم ... شو يعني مرة تانية يعني رفيف اتطلقت من زوجا
    نايا : لا
    سامر بصوت عالي مرعب : لكن شوووو
    نايا : جوزا مااات
    تركلا ايدا وصفن وقال : ماات ..
    رجع اتطلع بمرتو وهية عم تفرك ايدا مكان ما كان ماسكا وقال : ايمت مات
    نايا : من شي سنة ونص تقريبا
    سامر : من سنة ونص .. وانتي من ايمت بتعرفي
    نايا : من زمان
    سامر : شقد يعني زمان
    نايا : مابعرف بس من زمان
    سامر : ليش انا مامعي خبر
    نايا : لانو اذا خبرت اكيد رح تروح تتزوجا
    سامر : صح وهلأ رح انزل واتزوجا
    نايا : سامر بترجاك ... مشان الله لا تعملا
    سامر : هههههه بدي اعملا بس مشان فرجيكي انتي وامك وخالتك يلي هية امي انو انا مابنحط تحت الامر الواقع
    نايا : بوس ايدك لا تعملا ... سامر نحنا عنا ولد
    سامر : هاد الولد ابني ومارح خليه يحتاج شي...
    نايا : وانا
    سامر : انتي هههههه لك انتي دمرتيني انتي واياهن دمرتوني انا الحق علي يلي سامحتكن وقال شو نازل لعند اهلي لاني سامحتون طلعوتو بعدكن عم تكذبو علي والله مابتستاهلو السماح
    نايا : والله معد كذبنا عليك شي
    سامر : رفيف ليش مامعي خبر انو جوزا مات
    نايا : انا مادخلني والله امك هية قالتلي ماخبرك
    سامر : امي .. اممم بسيطة .. يكون بعلمك وخبري امك وامي انو رفيف رح جيبا ورح اتزوجا واذا بدا توقف كل الدنيا بوجهي انا معد فرقانة معي عم تفهمي
    نايا وهية عم تبكي : شو يعني
    سامر : يعني هلأ رايح احجز اول طيارة على سوريا
    تركها وطلع وهية عم تبكي وتضرب على حالا

    يتبع..........

  3. [3]
    لحن الحياة
    لحن الحياة غير متواجد حالياً
    مشرفة على عدة اقسام Array


    تاريخ التسجيل: Nov 2013
    المشاركات: 14,587
    التقييم: 751

    افتراضي رد: قدر وغدر البشر

    الجزء_الثالث

    قامت بسرعة نايا على التلفون ودقت لخالتا امو لسامر
    نايا : الو خالتي مشان الله الحقي
    ام سامر : لك شبك بنتي شوفي
    نايا : سامر ياخالتي
    ام سامر : شبو شو صرلو ابني
    نايا : خالتي سامر عرف انو رفيف مات جوزا وقال بدو يرجع يتزوجا
    ام سامر : حليتيلي رجلي فكرت في شي
    نايا : خالتي كل هالشي ومافي شي
    ام سامر : اي اطمني مارح يصير هيك شي
    نايا : ليش
    ام سامر : لك رفيف هربانة ومحدا بيعرف عنا شي
    نايا : كيف يعني مافهمت
    ام سامر : الله اعلم مع مين هربت الله يجيرنا
    نايا : خالتي بوس ايدك فهميني
    ام سامر :لك هربت واخدت بنتا معا ومحدا بيعرف عنا شي واخواتا عم يتحلفولا بدون يدبحوها
    نايا : يالطيف
    ام سامر : اي والله صرنا باخر وقت
    نايا : الله لا يوفقا المهم تكون بعيدة عني وعن جوزي
    ام سامر : ان شاء الله بعمرك مابتشوفوها
    نايا : آمين
    ام سامر : يلا لاتطولو والله ناطف قلبي لشوفكن ولشوف حفيدي وابني .. ماصدقت انو سامر واخيرا رضي يجي وشوفو بعد هالسنين
    نايا : بس رجع حقد علينا لانو عرف انو خبينا عنو موت جوزا لرفيف
    ام سامر : بكرا لما يعرف حقيقتا مارح يلومنا ... المهم هلأ اسمعي هالكلمتين منيح
    نايا : شو خالتي
    ام سامر : لا تقوليلو لسامر انو رفيف هربانة
    نايا : ليش ما انا كنت ناوية خبرو
    ام سامر : اصحك .. لانو اذا عرف انها هربانة يبطل يجي عم تفهمي علي
    نايا :اي اي عم افهم
    ................................
    بالمخيم
    ام عمر عم تدق على رفيف ... فتحتلا رفيف
    رفيف: اهلا خالة تفضلي فوتي
    ام عمر : غير مرةبس جاي خبرك انو اللجنة يلي قلتلك عليها صارت بالمخيم
    رفيف : عنجد
    ام عمر : اي والله جهزي حالك
    رفيف ؛ اي ماشي
    ..........................
    بمكتب سامر عم يدق لرفيقو رامي ما عم يرد ... رما التلفون على الطاولة وصار يبرم على كرسيه .. رجع مسك الموبايل وصفن فيه وابتسم واتذكر اول مكالمة اتصلت عليه رفيف
    #######فلااااااش_بااااااك######

    رن موبايلو
    سامر : لمين هاد الرقم ... الو
    رفيف : ....
    سامر : الو مين معي ..
    رفيف بعد ما اتأكدت انو هو قالت : بحبك
    سامر اتفاجئ وماميز صوت رفيف : مين
    رفيف : بحبك ورح حبك وانطرك لاخر العمر
    سامر عرفها بس تجاهلا وقال : مين
    رفيف : انا يلي بتحبك وبتموت عليك وبتعتذر منك مليون مرة ورح تنطرك لاخر العمر ومابدا منك شي غير انك تكون جنبا
    سامر : الرقم غلط . وسكر بوجها وابتسم
    رجعت دقت مرة تانية
    ابتسم ورد : خير
    رفيف : اسفة
    سامر : وغيرو
    رفيف :مابدك تسامحني
    سامر : لا
    رفيف : لا هلأ ولا بعدين
    سامر : ولا لاخر العمر
    رفيف بخيبة امل : طيب على راحتك انا بعتذر عن الازعاج وفرصة سعيدة بس بدي اطلب طلب وهو انو ماتاخد عني فكرة غلط انا والله ماني مغرورة .. يلا سلام
    سامر : رفيف لحظة لاتسكري .
    رفيف : بدك تقول شي
    سامر : اي ... بحبك
    رفيف : يعني سامحتني
    سامر : اي بس لاتعيديها
    رفيف : حاضر وامرك
    سامر : اي الله يرضى عليكي هههههه
    رفبف : تقبر قلبي
    سامر : بعيد الشر عنك ياروحي
    رفيف : يسلملي تمك يلي بنقط عسل
    سامر : لك انتي العسل
    رفيف ؛ بدك تجي تشوفني اليوم
    سامر : لا عندي شغل
    رفيف : شغل .. شغل شو
    سامر : بلشت شغل اليوم
    رفيف : شغل شو
    سامر : بالعمار
    رفيف : بالعمار .. ما صعبة عليك هالشلغة
    سامر ؛ مامهم
    رفيف : مشان الله يا سامر بلالك هالشغلة والله متعبة وخطرة كمان
    سامر : خايفة علي
    رفيف : اكيد بدي خاف عليك .. اسماع مني هالشغلة بلالك اياها وعشان المصاري لاتاكل هم
    سامر : شو يعني
    رفيف : انا عندي شوي مصاري بالبنك ومع دهباتي خير الله
    سامر :لا مابقبل تصرف علي مرى
    رفيف : ما انا رح صير مرتك
    سامر : حتى لو مرتي مابقبل
    رفيف : طيب متل مابدك انتبه على حالك
    سامر : خلص رح انتبه على حالي كرماك
    ########باااااااااك#####
    فاق من شرودو على صوت التلفون
    سامر : الو رامي كيفك
    رامي : هلا سامر لاتواخذني كنت عم صلي قلي في شي لحتى داقق اكتر من مرة
    سامر : اي .. رامي ايمت مات الدكتور رجب
    رامي ؛ من زمان ليش عم تسأل
    سامر : لك شو ليش عم اسأل .. شو نسيت انو هو كان جوزا لرفيف
    رامي : لك ماني عم افهم عليك
    سامر : ليش ماخبرتني انو مات
    رامي : ليش انت مابتعرف
    سامر : لا انا اليوم خبرت
    رامي : طيب وهاي عرفت شوبدك فيه لزلمة
    سامر : لك مابدي فيه شي انا بدي رفيف
    رامي : رفيف !!
    سامر : اي رفيف قلي وينا وشو اخبارا
    رامي : الووو سامر عم تسمعني
    سامر : الوووووو ... راامي وين رحت ... الوووو
    فصل الخط
    رامي : راحت الشبكة .. بس مافهمت سامر شوبدو برفيف
    ............
    سامر :يضرب حظي .. اكيد راحت الشبكة عندن
    ...........
    بالمخيم
    المتطوع : مدام رفيف شو هية طلباتك
    رفيف : بدي اطلع من المخيم
    المتطوع : كيف يعني
    رفيف : اذا بتقدرو تنقلوني على مخيم تاني
    المتطوع : هون في حدا عم يدايقك
    رفيف : بصراحة اي
    المتطوع : الجيران مثلا
    رفيف : بفضل ما احكي بس انا عم اتعرض لمدايقات كتير واذا بتقدرو تنقلوني على مخيم تاني بتشكركن كتير
    المتطوع : اوكي رح ندرس ملفك ونشوف اذا في شي خيمة فاضية من المخيمات المجاورة وبننقلك عليها
    رفيف : شكرا كتير
    المتطوع : مدام انتي شو معك شهادات
    رفيف :كنت عم ادرس بالجامعة رياضة اطفال بس ماكملت
    التطوع : كتير حلو .. ممكن نساعدك لتلاقي شغل شو رأيك
    رفيف : ياريت
    المتطوع : المهم تفضلي هلأ هيدا الظرف في مساعدات نقدية وان شاء الله لح نلبيلكن كل طلباتكن
    رفيف : شكرا كتير الكن
    طلع الموظف وراح على خيمة ام عمر دق الباب
    الموظف : هالا انتي هون
    رفيتو : اي امجد تعال شوي
    فات وقال: شوفي
    هالا :الخالة هون عم تقول انو رئيس المخيم واحد بلا اخلاق
    امجد : شو القصة
    ام عمر : بترجاكن ياخالتي هالحكي مابدي حدا يعرف فيه بس بصراحة جارتي هون .واشرت اتجاه خيمة رفيف
    امجد:المدام رفيف
    ام عمر : اي هية .. هالواطي ماتاركها بحالا
    امجد: خلص خالة عنا نحنا رح نهتم بموضوعا وننقلا عمخيم تاني وبعدا بنتطرد هاد الوسخ مشان مايعرف انو رفيف ورا القصة خلص خالة لاتاكي هم
    طلعو هالا وامجد وهنن عم يحكو انو لازم مايسكتو عهيك واحد وانو لازم يوصلو خبرو لفوق
    ...............................
    المسا ببيت سامر
    قاعد عم يتعشى لاحظ انو مرتو عادية ومانها مقهورة وهو حافظا منيح وانو اكيد مخباي شي عليه
    سامر : شو ضبيتي الغراض مشان ننزل عسوريا
    تالا : ايمت ليش نازلين
    سامر : بهل اليومين
    نالا : اي مامشكلة دغري بضبون لاتهكل هم انت
    سامر : على حد علمي انك مانك حابة تنزلي
    تالا : فكرت فيها منيح وانو انا ماطالع بأيدي شي فاليش لحتى عاندك
    سامر شك بالموضوع وقام عن الاكل وهو عم يقوم دعس دعسة مو مظبوطة على رجلو يلي بيعرج منها ووجعتو بس ماحكي وقف شوي بعدين مشي وهية عم توجعو
    سامر عم يحكي حالو:اكيد مخباي عني شي صرت حافظك بصم ..
    راح عغرفتو وسكر الباب وراه ودق لرامي علق الخط
    سامر : الو رامي كيفك
    رامي : هلا سامر
    سامر : بسرعة قبل ماتروح الشبكة قلي كلشي بتعرفو عن رفيف
    رامي : مابعرف شي
    سامر : كيف يعني
    رامي : لك محدا بيعرف عنا شي من وقت هربت
    سامر : شو شو شو ... هربت .. رامي مشان الله وضح حكيك
    رامي : من فترة هربت هية وبنتا ومحدا بيعرف عنا شي
    سامر : ياربييي...طيب ليش هربت بتعرف انت
    رامي : لا والله محدا بيعرف اصلا كل واحد بقول شكل
    سامر : شو عم يقولو
    رامي : هلأ انا يلي متاكد منو انو بيت عما كانو بدون ياخدو منها بنتا وهية هربت ببنتا مشان محدا ياخدا منا وعالم استغفر الله بتقول ...
    سامر : اييي .. شو بتقول
    رامي :بقولو هربت مع واحد والله اعلم
    سامر : ياربي ... ياربي .. ليش هيك صاير
    رامي : والله مابعرف وانا اصلا فكرت معك خبر بكلشي هون
    سامر : ههههه لك مابعرف شي كل العالم عم تضحك علي
    رامي: والله مابعرف
    سامر : طيب مابتعرف وينا ... اي شي اي معلومة
    رامي : بصراحة هالحكي مو اكيد بسسس
    سامر : بس شوو احكي
    رامي : ابن عمتي بيشتغل بلبنان شافا مرة قريبة من مخيم بس مابعرف اذا هية او لأ يمكن مشبه عليها
    سامر : طيب ماشي ماشي بعتلي رقم ابن عمتك ع الواتساب
    رامي : اوك
    ............................
    قاعدة رفيف عم تلعب بتلفونا يلي بأيدا وبنتا نايمة جنبا وفجاة سمعت صوت اغنية من عند الجيران : دخلك ياالبي وقاف ماعاد بدي عيش اعمى الالب ماشاف الا انا الدرويش .........
    نزلت دمعتا وصارت تذكر
    ######فلااااش_بااااااك######
    رفيف : الو حبيبي
    سامر: اهلين بحياتي
    رفيف : مشتاقتلك
    سامر : مو قدي
    رفيف : كيف كان يومك ياعمري
    سامر : والله تعب
    رفيف : سلامت قلبك من التعب ياروحي وهلأ كمان تعبان
    سامر : اي والله تعبااااااااان
    رفيف : مشان الله لاتقول هيك ريتو التعب لقلبي
    سامر : بعيد الشر عنك يا روحي ما عم اسمع صوتك خلص ارتحت
    رفيف :حبيبي بترجاك بلاه هالشغل
    سامر : لك لو بدي قطع حالي شقف بدي اشتغل مشان اتزوجك
    رفيف : لهل الدرجة بتحبني
    سامر : اكتر مابتتصوري
    رفيف : بحبك
    سامر : بعشقك يادبي
    ########باااااااك#####
    مسحت دوما وقالت بكرهك ... بكرهك
    .........................
    سامر كان نايم بغرفة ابنو بس كان موجوع رجلو عم توجعو كتير ... قام وصار يستند ع الحيط لحتى وصل للحمام فتح الصيدلية يلي فوق المغسلة طلع كريم وراح ع الصالون قعدت ع الكنبة ومد رجلو وصار يدهنا
    سامر : ما الها بالعادة توجعني ليش هيك ..
    مسكت التلفون ودق للدكتور
    سامر : مرحبا دكتور بس ماكون زعجتك
    اادكتور : اهلا سامر .. لامافي اذاعاج انا بعدني فايق
    سامر : دكتور رجلي دبحتني من الوجع شو السبب
    الدكتور :عم تتعبها انت
    سامر : لا ابدا
    الدكتور : بتكون سقعانة
    سامر : يمكن طيب دكتور شو اعمل انا لحتى يهدا علي الوجع
    الدكتور : اشرب ومسكن ودهنا بالكريم يلي وصفتلك اياه
    سامر : شكرا دكتور كتير عذبتك معك
    الدكتور : عذابك راحة واهلا وسهلا فيك

    سكر التلفون سامر ورجع يدهن رجلو وقال تنذكر وماتنعاد هديك الحادثة
    وصار يعيد ذاكرتو لوقت الحادثة
    ########فلاااااااش_بااااااااا ك#######
    واقف تحت الشمس بتيابو يلي كلا طين عم يجبل الجبلة يلي قدامو ... فجأة سمع صوت من الطابق التاني عم ينده عليه :سااااااااامر بعددد
    اتطلع بسرعة لفوق وشاف بلوكة واقعة عليه مالحق يبعد الا كانت جاي على رجلو ورمتو بالارض
    سامر :ااااااااااااااااااااااه
    التمو عليه كلون واخدوه ع المشفى وهو من كتر الوجع فقد الوعي
    بعد ساعات فاق لقا حالو بالمشفى نايم ع السرير ورجلو مرفوعة لفوق مجبرة وطالع منها سياخ حديد
    سامر : اااااه ...شبا رجلي ليش هيك السياخ طالعة منها
    اخوه :الحمد لله عسلامتك اخي
    سامر : الله يسلمك بس شو صار
    اخوه : انكسرت رجلك وجبروك
    سامر : طيب ليش فيها سياخ حديد
    اخوه : بصراحة اخي محل الضربة العضم متفتت واتطرو يعملولك عملية
    سامر : وايمت بينشال هاد عن رجلي
    اخوه : حوالي الشهرين
    سامر : شوووو
    اخوه حسام : طول بالك اخي الحمد لله هيك ولا غيرو
    اتنهد سامر وصفن
    سامر تلفونو عم يرن
    سامر : مين
    حسام : مكتوب r وحدو قلب
    سامر : خلص لاترد
    حسام : شو هي حبيبت القلب
    سامر : لا تدخل بشي مابيعنيك ... وينا امي
    حسام :تعبت عليك ونزل ضغطا واخدوها ع غرفة تانية ومعا اختك اسماء ...شوي وبخبرا انك وعيت
    رجع التلفون يرن
    حسام : انا برأيي ترد لانو يمكن حدا يجي وماتقدر ترد بعدين
    سامر : ......
    حسام : انا طالع خود راحتك
    سامر : الو
    رفيف وهية عم تبكي : سلامت قلبك ياعمري .. قلي كيفك شو عم يوجعك .. تقبر قلبي ...
    سامر : انا منيح
    رفيف : كيفا رجلك ان شاء الله مانها متضررة كتير
    سامر :عملولي عملية وحطولا سياخ
    رفيف : ولي على امتي عليك لك قلتلك بلالك هالشغل ماسمعت مني
    سامر : خلص رفيف حاج تبكي
    رفيف : ليش هيك صوتك موجوع يعني
    سامر : اي موجوع ... انتي مين خبرك
    رفيف : كال العالم معا خبر
    سامر : طيب هلأ سكري بعدين بحكي معك
    رفيف : سامر ليش هيك عم تحكي معي
    سامر : رفيف مابعرف شو بدي قلك بس خلص كل واحد بطريق
    رفيف : ليش هيك عم تحكي انا شو غلطت معك ...
    سامر : انا معد اقدر قوم من الفرشة لمدة شهرين وانتي مانك متطرة تنطريني يمكن يجي نصيبك
    رفيف : سامر نصيبي هو انت عم تفهم وانا مستحيل كون لغيرك ومستحيل اتخلى عنك بظروفك هي عم تفهم ...
    سامر : رفيف اسمعيني
    رفيف : ولا كلمة ع الساعة ٨ انا رح كون عندك
    سامر : شو انتي مجنونة بدك تفضحينا .. كل اهلي بكونو موجودين
    رفيف: مابهمني انطرني ع ٨ بس لحتى اثبتلك حبي
    سامر : رفيف .. رفيف
    سكرت الخط
    سامر : اااااه ياربي شو هالمجنونة هي .. ااااخ يارجلي
    بعد كم ساعة وبلشت الساعة تأشر على ال٨ وهو كل شوي يتطلع على الساعة ومتوتر واهلو كلون حواليه
    اسماء : اخي سامر موجوع
    سامر : اي موجوع تركوني نام شوي
    ام سامر : خلص حبيبي نام ونحنا هون مارح نزعجك
    سامر غمض عيونو ..... فاتت ممرضة
    الممرضة : لو سمحتو ممكن تتفضلو معي
    ام سامر : خير يابنتي شوفي
    الممرضة : نحللكن سكري
    ام سامر : بس محدا بعيلتنا مو سكري
    الممرضة : خالة مزال ببلاش قومو مشان تتطمنو مو اكتر
    ام سامر : بتقيسولي ضغطي ؟
    الممرضة : تكرمي يلا قومو وخلو المريض يرتاح
    سامر وهو مغمض عيونو ابتسم وقال: رفيف
    طلعو كلون مع الممرضة ومافي ثواني الا ورفيف فاتت لعندو وهو لساتو عم يتظاهر انو نايم فاتت بكل هدوء وقربت لعندو وعيونا عم يشرو دموع
    قعدت حدو وصارت تلمسلو على شعراتو وعلى خدو
    رفيف : سلامت عمرك وروحك ياروحي .... سامر حبيبي عم تسمعني
    هو ما عم يرد مسكتلو ايدو وصارت تبوسا
    رفيف : ياروحي انت . وقامت بدا تروح وقفت شوي وصفنت فيه كانت بدا تبوسو بس مترددة .. مشت خطوة بس رجعت بسرعة قربت من خدو وباستو
    هو بسرعة مسكها من قبة كنزتها
    وصار وجها مقابل وجهو تماما وعيونو عم تتطلع علىبعض
    رفيف :ساامر
    سامر : هههه ياملعونة عم تبوسني وانا نايم ماعندك اخوات شباب تخافي عليهن
    رفيف : هههه اي يلا بلا غلاظتك تركني وعامل حالك نايم كمان
    سامر : كنت ناطرك بس قلت لشوف شوبدا تعمل وانا نايم ... طلعتي مانك قليلة
    رفيف : اي تركني ما الحق عليك
    سامر : اي ماني تاركك
    رفيف :خلص تركني
    سامر : عطيني بوسة بالاول بتركك
    رفيف:عيب عليك هالحركات
    سامر : اااه ياقلبي قال عيب .. ويلي كنتي عم تعمليه من شوي ما اسمو عيب
    رفيف: عأساس نايم ومارح تحس
    سامر : لك اذا كنت ميت هاي البوسة بدا تصحيني
    رفيف :هههه وصاير رومنسي كمان
    سامر : انا طول عمري رومنسي بس لسه ماشفتي شي
    رفيف : طيب تركني رقبتي صارت وجعني
    سامر : عاجبني الوضع هيك وانتي مقبالي تماما ... بتعرفي انك حلوة كتير عن قرب
    رفيف : لك انت مرضان كيف عم يطلع معك كل هالحكي
    سلمر : رجلي المضروبة مو لساني وقلبي
    رفيف : اي دخيل هاللسان انا يلا حباب هلأ حدا بفوت
    سامر : ليش ماانتي متفقة مع الممرضة
    رفيف : شو عرفك
    سامر : احساسي
    رفيف : هههه دخيل احساسك وشو عم يقاك احساسك كمان
    سامر : عم يقلي انو بدي بوس احلا بنت بهل الكون
    رفيف :سااامر
    سحبا اكتر وطبعلا بوسة على خدا وبعدين تركها وهية خجلت كتير وصار وجها احمر
    سامر : يسعدلي الخجلان
    رفيف ،:بتلبك انا صار لازم روح بدك شي
    سامر : بدي ما تقطعيني من زيارتك الحلوة
    رفيف : اي صح انا كنت جاي قصلك لسانك على الحكي يلي قلتلي اياه ع التلفون
    سامر : اي والله بدو قص .. لك اناا حمار اذا بفكر ابعد عنك
    رفيف : اي هيك بدي اياك
    سامر : هههه لك يسلملي
    رفيف : انتبه عحالك منيح اي عمري
    سامر : بصراحة انا اوقات بتوجع ويمكن مافي غير صوتك بريحيني
    رفيف : اتصل بأي وقت ... المهم رياحتك يا روحي
    سامر : كل هاد الحكي الحلو الي والله هيك كتير
    رفيف : والله لو بدي قدملك عمري مابقصر يلا سلام باي حبي
    سامر : باي ياعمري
    باستو بوسة ع الهوا وطلعت بسرعة كانت الممرضةواقفة ع الباب حطتلا مصاري بجيبتا وضلت طالعة
    #########بااااااااك######
    سامر : عم اتوجع يا رفيف كتييير ... والله عم اتوجع وينك وينك تجي تداويلي جروحي
    ................................
    رفيف كانت نايمة وفاقت وقلبا عم يدق بسرعة .. شربت مي وصارت تتلفت حوليها
    رفيف : لاحول ولاقوة الابالله العلي العظيم .. شو عم يصير
    .........................
    بعد يومين ...
    بشركة عند سامر بغرفة الاجتماع
    سامر : انا رح غيب فترة عن الشركة والادارة رح يستلمها ماهر
    ماهر : سامر بدك تطول
    سامر : مابعرف انا رايح ابحث على شي وحتى لاقيه برجع ... وانا رح ضل على تواصل معكن ومع الشركة واي شي مهم ابعتوه ع الايميل
    ماهر : ع وين مسافر
    سامر : ع اللبنان .. بس مابدي اي حدا يعرف وين انا وخصوصا زوجتي
    الكل : حاضر استاذ
    موظف : ممكن احكي
    سامر : تفضل
    الموظف : استاذ انا يلي مسؤول عن المخيمات يلي بلبنان
    سامر : اي شوفي
    الموظف : اجا خبر من الموظفين انو في شخص مستلم مخيم وعم يدايق النسوان هنيك متل الارامل والمطلقات وعم يحاول يستغلون مقابل المساعدات
    سامر : شغلتو بسيطةوكمان ما لازم ينسكت عليه .. انتو اجتمعو مع مركز للمفوضية الامم المتحدة وادرسو الموضوع وهنن بكلفو محامي يشيل هالقصة
    الموظف :اوك استاذ
    سامر : اجتماعنا انتهى وبالتوفيق
    قام سامر وقام معو ماهر
    ماهر : ايمت السفر
    سامر : اليوم
    ماهر : الله ييسرلك
    سامر : تسلم .. بس انت مابدك توصاي
    ماهر : اكيد ولا يهمك
    راح سامر ع البيت طلع شنتة السفر وصار يضب تيابو
    فاتت نايا واتفاجئت فيه عم يضب التياب
    نايا : شو عم تعمل
    سامر : شو شايفة
    نايا : عوين مسافر
    سامر : مصر
    نايا : شقد بدك تضل
    سامر : مابعرف
    نايا : ليش اجوبتك مختصرة معي
    سامر سكر الشنتة ونزلا ع الارض وقال : منيح انو عم حكيكي
    سحب الشنتة وطلع ... وهية لحقتو
    نايا : ايمت بدنا نروح ع سوريا
    سامر : مانا رايحين
    نايا : ليش
    سامر : لانو لعبتكن مابتمشي علي فهمتي
    وقفت مكانا وهو ضل مكمل طلع بسيارتو ومشي
    .........................
    بالمخيم
    فاتت سالي لعند اما
    سالي : ماما ماما
    رفيف : اي حبيبتي
    سالي : ابوه لزين وقع واخدوه ع المشفى
    رفيف: عنجد .. ايمت
    سالي : هلأ انا شفتو كان عم يعمل خزان المي
    رفيف : ييي الله يشفيه ولايضرو
    سالي : ماما وينو بابا ما انت قلتي انو رح يجي ياخدنا
    رفيف بلعت رقيا وقالت : اي رح يجي حبيبتي ..
    سالي : انا اشتقتلو كتير واشتقت لبيتنا ماحلو هون بيتنا احلا
    رفيف : اي حبيبتي بعرف ما حلو وان شاء الله مارح نطول .... قومي معي نشوف شوفي برا
    سالي : اي قومي لقلك وين وقع
    طلعت لبرا كان نص المخيم تقريبا مجتمع ... شافت ام عمر قربت منها
    رفيف : خالة ام عمر شو صار
    ام عمر : ياحرام وقع من على السلم وعم يقولو انكسر ضهرو
    رفيف : ييي ياحرام والله الكسر صعب
    ام عمر : اي والله ... وكمان عم يعملولو لمة مشان يعالجوه بتعرفي انتي هون المشفيات غالية
    رفيف : اي والله ان شاء الله الله يبعتلو مين يساعدو
    وهنن واقفين قرب منون عماد رئيس المخيم
    عماد: شو ام سالي مين عاش وشافك
    رفيف :تعالي ماما تعالي
    سحبت بنتا وراحت على خيمتا
    رفيف : لك الله يقصفلك عمرك ... ان شاء الله مابتصبح ياحقير
    هو اتطلع عليها بطرف عينو نظرة خبيثة وهز براسو ومشي
    فاتت على خيمتا وهية عم تبربر
    سالي : ماما
    رفيف : اي ياروحي
    سالي : يعني اذا ما صار معون مصاري مابداوه لابو ليزن
    رفيف:لا ماما ان شاء الله هلق الله بيبعتلو ولادين الحلال
    سالي : ماما عطيهن انتي حرام
    رفيف : هههههه الله عليكي لك انا بدو مين يعطيني ماما لاتفكري بهيك شغلات اي ياروحي
    صفت رفيف وصارت تتذكر
    ########فلاااااااش_بااااااااك# #####
    رفيف : بابا بدي مصاري
    ابو رفيف :حبيبتي المصاري كلا عحسابك
    رفيف: بدي مبلغ كبير
    ابو رفيف : اشقد يعني
    رفيف : ١٥٠الف
    ابوها : مامعك بحسابك بالبنك مصاري واسحبي قد مابدك
    رفيف: انت فهمتني غلط بدي ١٥٠دفعة وحدة بدي ساعد فيهن شخص.... انا كنت سحبتون من البنك بس حبيت اخد اذنك
    ابوها : ومين هالشخص
    رفيف : رفيقتي وحيدة لاهلا وابوها عمل حادث وحالتا بتقطع القلب وما عندن حدا يساعدون
    ابوها : مزال قلبك طيب وعم تاخدي اذني .. رح اعطيكي ٢٠٠الف و٥٠الباقية خديها الك
    رفيف: تسلملي يا احلا اب بالكون
    ابوها : انتي احلا الشي الله بعتلي اياه الله يفرحني فيكي
    اخدت المصاري من ابوها وراحت ع المشفى دفعت اجرة المشفى لسامر وطلعت لانو كان مشفى خاص
    بعد ساعات بيتصل عليها سامر
    رفيف : هلا حبيبي كيفك ايمت بدون يخرجوك
    سامر : مين دفع مصاري للمشفى
    رفيف: ليش انفعد مصاري للمشفى ؟؟
    سامر : رفيف لاتغشمي حالك بعرف انك انتي ليش هيك عملتي
    رفيف : مشان ساعدك
    سامر : بس انا مابدي مساعدة ...انا رجال وبقدر امن مصاري
    رفيف : وسيد الرجال كمان بس انتو هلأ بمحنى وانت حتى تتعافى بترجعون اعتبرون دين
    سامر : طيب ماشي ..... يسلمو
    رفيف : الله يسلمك ولايحرمني منك .. اي حبيبي ايمت بدون يخرجوك
    سامر : بكرى
    رفيف : لكن انا اليوم رح اجي شوفك
    سامر : بتعرفي ماني حابب اطلع من المشفى
    رفيف : وليش بقا
    سامر :لانواذا طلعت مارح اقدر شوفك
    رفيف: خلص لاتفكر بنحلا
    سامر : ان شاء الله
    رفيف : يلا سلام
    سامر : سلام
    ###########بااااااااك#########
    ابتسمت على غبائها بهداك الوقت وقامت تشتغل بالبيت قصدي الخيمة

  4. [4]
    لحن الحياة
    لحن الحياة غير متواجد حالياً
    مشرفة على عدة اقسام Array


    تاريخ التسجيل: Nov 2013
    المشاركات: 14,587
    التقييم: 751

    افتراضي رد: قدر وغدر البشر

    الجزء_الرابع

    بعد نص الليل في حدا واقف بالعتمة وفي سكين بإيدو عم تلمع ع الضو القمر .. بينعكس الضو على وجهو وبيطلع اخوها عدنان .. بيمشي بكل هدوء اتجاه خيمة بس بوقف لما بشوف حدا عم يمشي بين الخيم ورجع لمكانو ... وبصير يراقب وبكون هالشخص هو عماد كمان عم يمشي ع العتمة بقرب من خيمة رفيف بطالع مقص وبصير يقص الشادر مشان يفوت عقلب الخيمة .. بخلص قص وبصير يتلفت حواليه بعدين بفوت ... واقف وصار يتأملا كيف نايمة
    عماد : بصوت واطي انا بفرجيكي يارفيف .. ولشوف عنادك لوين بدو يوصلك
    عدنان من وراه همس بأدنو: بدو يوصلك انت لقبرك التفت عماد بسرعة ليشوف مين هاد ... بهالاثناء بكون عدنان غرز السكين ببطنو
    عماد حط ايدو عبطنو واتبللت بالدم بدون ولا حرف وقع ع الارض
    حست رفيف ع الصوت فتحت عيونا واتفاجئت بالمنظر ماتحكمت على حالا الا وهية بدا تصرخ من الفزع بس عدنان بسرعة قرب وحط ايدو على تما
    عدنان : هششش ... اهدي .. هاد الحقير كان فايت لعندك وانا عملتلو الازم
    هية صافنة بأخوها وعيونا عم يشرو دموع رفعت ايدا ونزلت ايدو عن تما
    رفيف : كنت جاي تقتلني
    عدنان : اي
    رفيف : اقتلني انا بين اديك بس امانتك سالي والله هية بنت حلال
    عدنان : ما هلأ رح اقتلك مالك نصيب تموتي اليوم
    رفيف : ليش
    عدنان : وهاد الحقير بدي تموتي معو مشان يقولو العالم انو كنتومع بعض
    رفيف شافت عماد بالارض والدم عبا الدني وخافت وتلبكت كتير
    رفيف:شوبدنا نعمل
    عدنان : انا رح سلم حالي
    رفيف : لا لا .. انا انابقول اني قتلتو دفاع عن النفس .. انت قوم هروب
    عدنان : لا مستحيل
    رفيف : والله يمكن محدا يصدقك قوم هروب ... بوس ايدك يا اخي قوم هروب
    وقف عدنان وقال : هالمرة سترت على شرفي بس المرة الجاي رح اغسل شرفي . وطلع
    بسرعة رفيف قامت ع السكين مسحتا من بصمات اخوها ومسكتا هية ودهبت اديها دم
    رفيف : الله لايردك .. انا اصلا كنت ناوية اقتلك
    رفيف بأعلى صوتا : ياعالم يانااااااس الحقوني.....
    فاقت بنتا على صوتا وشافت المنظر وبنتا صارت تصرخ : عااااااااااااااا
    بثوني كان كل المخيم عندا
    الكل اول مايفوت ينصدم ويرجع لورا
    بس بنتا لرفيف ضلت تبكي وتصرخ من الرعبة ...اما ضمتا على صدرا بس ماكانت تهدا
    رفيف وهية عم تبكي : ماما اهدي انا هون معك
    سالي : ماما دم ... ماما دم . وجسما كلو عم يرجف
    العالم : شوفي شوصاير
    رفيف وهؤة عم تبكي : هاد الحقير كان جاي يعتدي علي وانا قتلتو
    قربو منو لقوه ميت
    بعد ربع ساعة كانت الشرطة محاوطة المخيم
    وسالي تعلقت بأما كتير لما شافت الشرطة وخافت كتير
    الضابط : مين قتلو
    رفيف : ان .. اناا
    الضابط : ليش
    رفيف : فايت على خيمتي بعد نص ليل بدو يعتدي علي
    الضابط هز براسو ومتل مانو مصدق
    اجت الاسعاف اخدو الجثة وحطو الكلبشات بأدين رفيف
    سالي : لاتخادو ماما ... ماما .. مشان الله ياعمو لاتاحدو ماما والله ماما ماعملت شي
    رفيف : سالي حبيبتي روحي لعند خالة ام عمر انا مابطول وبرجع
    سالي : لا انتي مارح ترجعي متل البابا راح ومارجع
    الضابط : ليش وين زوجك
    رفيف ماحكت وصارت تبكي بزيادة
    الضابط : لو سمحتو حدا ياخد البنت قربت ام عمر اخدت سالي
    سالي : لاااا .. ماما ... انا بدي ماما ... مااااااااامااااا
    رفيف : سالي ... ساااالي
    سحبوها حطوها بسيارة الشرطة وهية عم تتطلع على بنتا وتبكي وبنتا عم تحاول تفلت من بين ادين ام عمر وتروح لعند اما
    اخدو رفيف .. والشرطة سكرو الخيمة وحطو حوليها شريط البوليس
    .........................
    الصبح بالمخفر رفيف قاعدة بغرفة شبه عتمة وعينونا منفخة من كتر البكي وبعدا عم تبكي
    فات المحقق لعندا
    المحقق : اهدي .. بكفي بكي
    رفيف : بنتي بنتي
    المحقق : اذا تعاونتي معنا وكنتي صادقة معنا رح نطالعك من هون باسرع وقت
    رفيف : انا اعترفت وحكيت الحقيقة انا يلي قتلتو
    المحقق : طيب ممكن تحكيلي من الاول
    رفيف : مابعرف .. مابعرف من وين بدي بلش ..
    المحقق :طيب انا رح اسألك ... عماد كان يدايقك
    رفيف : على طول
    المحقق : عندك شهود
    رفيف : لا بس انا حكيت لجارتي ام عمر انو عم يدايقني ويطلب مني نام معو لحتى يعطيني مساعدات
    المحقق : بس مافي دليل على حكيك
    رفيف : مبارح اي مبارح .. كنا مجتمعين عم يحكو انو جارنا وقع وانكسر ضهرو .. قرب مني وقال من عاش وشافك انا اتجاهلتو ومشيت بس جارتي ام عمر قالتلي هز براسو ومشي
    المحقق : كيف هز براسو .. انو من نوع التهديد
    رفيف : يمكن
    المحقق : طيب رح نسأل ونشوف اذا حدا شافك بالمخيم .. السؤال التاني شفتيه كيف فات
    رفيف : لا ماشفتو غير فوق راسي
    المحقق : يعني انتي كنتي نايمة وهو واقف
    رفيف : اي
    المحقق : وكيف لحقتي تقومي وتجيبي سكين وتغرزيها ببطنو
    رفيف : كنت مخباي السكين تحت الفرشة يلي بنام عليها
    المحقق: ليش ماصرختي طيب ..... كانو اجو اهل المخيم وهو هرب ولاهو بكون عملك شي ولا انتي صرتي هون وكمان كان اخد جزاتو
    رفيف ساكتة
    المحقق : طيب ممكن تحكيلي كيف صارت الحادثة بالظبط واذا بتمثليلي اياها بكون احسن
    رفيف: انا بليل مابنام وبحس على دبيب النملة
    حسيت في حدا بالخيمة فتحت العيوني لقيتو فوقي بسرعة تجلست ورجعت لورا
    المحقق : اي وبعدين
    انا قعدت محل مابحط راسي وبنام وهون كنت حاطة السكين
    المحقق : يعني هيك قمتي بسرعة لعند السكين وماحكيتي شي
    رفيف : مبلا قلتلو شوبدك مني مشان الله روح مابدي فضايح
    المحقق: اي وبعدين
    رفيف : هو قلي اذا مابتعطيني يلي بدي اياه رح ارميكي انتي وبنتك بالشارع
    المحقق : اي وبعدين
    رفيف : وانا كنت عم حكيه كنت عم اسحب السكين شوي شوي من ورا ضهر ولما صارت بأيدي وقفت على رجلي
    المحقق : بعرف انا بالخيم اذا واحد بيتنفس بيسمعو جارو .. معقول محدا حس .
    رفيف : قلتلك كنا عم نحكي بصوت واطي
    المحقق : ليش ماصرختي
    رفيف : ما هو انا قلتلو اذا مابتطلع رح اصرخ ولم عليك المخيم
    المحقق : انتي شو كان عم يدور براسك بوقتا
    رفيف : كان بدي اياه يطلع من عندي بلا فضايح واول مايطلع الصبح اترك المخيم
    المحقق : كملي
    رفيف : لما قلتلو بدي اصرخ اجا بسرعة وحط ايد على تمي وتحكم فيني منيح وانا صرت بدي افلت معد اتحكم كنت بدي بدي بعدو عني ونسيت السكين بايدي ماشفتا الا وصارت ببطنو
    المحقق : بس مبين انو السكين مضروبة بعزم قوي
    رفيف : انا كان قصدي بعدو عني واستعملك كل طاقتي
    المحقق : بس الضحية اجتو الطعنة من ناحية البابا يعني مش من ناحيت فرشتك
    رفيف :ماهو لما حط ايدو على تمي برمني وصار ضهري للباب
    المحقق : اممم طيب يعني مابتعترفي انو حدا قتلو غيرك
    رفيف : لا ماكان حدا غيري
    المحقق : بس في شخص من المخيم شاف واحد عم ركض قبل ماتصرخي
    رفيف: مابعرف ...يمكن عماد كان معو حدا ناطرو ع الباب
    المحقق : بصير .. وهلأ بدي تحكيلي عنك وعن عيلتك
    رفيف : بحكي كلشي بس بنتي بتكون خايفة كتير علي بترجاك خليني شوفا
    المحقق :رح تشوفيها بس بدك تطولي بالك شوي انتي قاتلي قتيل ما شغلة صغيرة
    ...........................
    بعد ساعة بغرفة التحقيق مع رفيف ورفيف بين عليها التعب من كتر الاسألة والبكي
    اندق الباب وفات جورج
    جورج : شو الاخبار
    المحقق : اهلا يا وطن .. بس اخبار شو
    جورج : شو صار مع رفيف
    المحقق : بتعرفا للمدام رفيف
    جورج : اكيد بعرفا صرلنا يومين عم ندور عليها
    رفيف : علي انا ؟
    جورج : اي عليكي انتي مفكرة حالك قليلة مانك شاغلة البلد فيكي وبقصصك
    رفيف : انااا؟
    جورج : ههههه عم امزح معك بس في شخص كان عم يبحث عنك .. هو صديقي وعزيز علي
    رفيف ؛ شخص .. مشان الله فهوني شو صاير .
    جورج : هلأ بتعرفي كلشي .... ياعنصر
    انفتح الباب وكان شرطي
    جورج : دخل الاستاذ يلي واقف برا
    العنصر : حاضر سيدي
    اندق الباب ورفيف عيونا على الباب وانفتح الباب ببطء صوت رجليه وهية عم تضرب ع الارض مسموعة حست حالا بدوامة ... فجأة ظهر قداما
    رفيف كانت الصدمة واضحة على وجها وكأنها تجمدت .. غمضت عيونا ورجعت فتحتون .. هو هو بكل شي فيه بعيونو بشعرو بطولو حواجبو .. بس كان متغير كتير وحليان و صاير انسان تاني
    سامر لما شافا انصدم ماكان متوقع يلاقيها بهاد الشكل
    وجه شاحب حول عيونا هالات سودة مع انتفاخ من كتر البكي وتيابها يلي الشحادين مابيلبسوهن
    رفيف تمنت الارض تبلعا ولا اجا عليها هاليوم وتكون واقفة بشكلا هاد قدام يلي كان حبيبا يلي كان فقير وكأنو قلبت القصة بالعكس نزلت دمعة حستا شعلت المكان يلي عم تمرق عليه .. وحست بحلقا غصة كبيرة ماعم تقدر تبلعا
    سامر : كيفك رفيف
    رفيف : انت
    سامر وعيونو مدمعين : اي انا
    رفيف عم تحكي وصوتا عم يرجف : شو جابك ليش جيت
    سامر : رفيف انا
    رفيف كأنها قنبلة موقتة وانفجرت : انت انت شوو ... لك شوبدك ... شوووو
    هجمت عليه مسكتو من تيابو وصارت تصرخ بوجهو : شوو بدك .. قلي شوبدك ... ضل شي وما اختو مني ... شوبدك ليش جيت ... روح من هون روح انا ماضل عندي شي اعطيك اياه ماعندي شي .. ضل عندي هالنفس يلي عم اتنفسو ... ليش جيت ولا جاي تشمت فيني على يلي وصلتلو انا ... روووح... هو واقف ماعم يحكي ولا كلمة ولا عمل ردة فعل كان عم يتأملا ويتأمل تفاصيلا يلي اشتقلون
    والمحقق وجورج واقفين عم يشاهدو بصمت
    رفيف : بكرهك روح ... بكرهك وصارت تدفشو لعند الباب
    سامر : رفيف حبيبتي اهدي
    رفيف : شوووو حبيبتك ...مافشرت كون حبيبتك انقلع من هوون ..
    سامر : يلي صار لعبة وكان ضحيتا انا وانتي
    رفيف ؛ كذاااب ... كذاب .. لك طلاع .. طلااع ...واذا جاي تشمت فيني بحب قلك انا رفيف يلي بتعرفا من زمان ماتغير علي شي والمصاري ما بتأثر علي مامتلك بتموت ع القرش ... انا بهل الحالة لانو نفسي عزيزة ومابطلب من حدا ما متلك ضحكت علي ولما شلحتني كلشي رميتني متل الكلبة ويكون بعلمك انا يلي وصلتك لهون ولولاي كنت طول عمرك عم تدور على شغل
    سامر : انا مابنكر انو انتي يلي وصلتيني لهون وجاي صلح كلشي ورجعلك كلشي عطينيي اياه
    رفيف : هههه في شغلات للأسف ما بتترجع وانت عرفان عن شو عم احكي .... اطلاااع مابدي منك شي ولابدي شوف وجهك ... حضرت المحقق هاد هو يلي قتل رئيس المخيم امسكوه ..
    سامر : اذا هاد الشي بريحك انا بشيل عنك الجريمة
    رفيف : بس بدي تنقبر من هون مابدي شوف وجهك وانا مستحيل اطلب منك شي لك روووووح ... مشان الله طالعوه من هون مابدي شوفو بترجاكن
    جورج : سامر لوسمحت خلينا نضهر
    مشو خطوتين اتجاه الباب وسمع خبطة ع الارض التفت وكانت رفيف اغمى عليها ... ركض لعندا
    سامر : رفيف .. رفيف
    اخدوها على غرفة وجابولا دكتور
    ...................
    سامر راح المخيم .. فات وسأل عن خيمة رفيف والعالم كلها ماشية وراه لانو مبين شخص غريب وفكروه مسؤول مهم
    وصل لقدام الخيمة وشلح النضارات وصار يتطلع ع الخيمة
    سامر : كلو منون لوبعرف انو جوزا مات مابخليها توصل لهون
    سامر سأل واحد : لو سمحت بنت رفيف وينها
    الشخص : بهي الخيمة خيمة ام عمر
    سامر : شكرا
    راح دق الباب على ام عمر وفات سلم عليهن وقعد
    ولقى بنت بالارض نايمة ومغطينا وعم ترجف من البرد والعرق على وجها وعم تهدوس ماما .. بابا .. راحو .. دم
    سامر اتفاجئ لما شافا وقرب منها
    سامر : هي بنتا لرفيف
    ام عمر : اي والله مابعرف شوصابا البنت
    حط ايدو على راسا كان نار
    سامر : البنت سخنانة كتير
    ام عمر : عم اعملا كمادات
    سامر : شو كمادات البنت بدا دكتور
    حملاواجا بدو يطلع وقفت قدامو ام عمر
    ام عمر : مين انت وع وين اخد البنت
    سامر : انا بكون من الدرك .. بعدي عن طريقي
    طلع بسرعة والعالم كلا مجتمعة مرق من بيناتون بسرعة فتح باب السيارة الخلفي حطها وركب بسرعة وساق السيارة
    ...........................
    فاقت رفيف لقت حالا نايمة
    والكلبشات بأيدا ومعلقة بالسرير
    رفيف : شو صار وين انا .. بدي بنتي .. ياربي تحملي بنتي
    ........................
    بالمشفى
    سامر واقف جنب الدكتور يلي عم يفحص سالي
    سامر : دكتور شبا البنت
    الدكتور : شو صاير معا
    سامر : صدمة نفسية كبيرة
    الدكتور : الحرارة شوي وبتنزل بس بدا ضروري دكتور نفسي يكون معا لحتى تتخطى هالمرحلة
    سامر : اي بجبلا
    الدكتور : واذا كانت دكتورة بكون افضل لانو الاطفال بميلو للنساء لانو حنونة
    سامر : اوك ..
    الدكتور : انت بيها ماهيك
    سامر :اااه .. اي اي انا ابوها
    الدكتور : عسلامة
    سامر : شكرا
    بعد ساعات فاقت سالي وكانت الدكتورة النفسية فوق راسها
    طبعا سامر كان جايبلا تياب جديدة والممرضات بدلولا تيابا وبينت بنت تانية
    سالي فتحت عيونا وخافت وماحكت
    الدكتورة : صباحو ياقمر
    سالي : .....
    الدكتورة:حبيبتي خايفة مني
    سالي : وين الماما بدي الماما
    سامر : حبيتي الماما بخير انتي طيبي لاخدك لعندا
    سالي : عنجد
    سامر : والله .. قوليلي شو جبلك جبلك اكلات طيبة
    سالي : ......
    سامر قرب وقعد جنبا ومسحلا على شعراتا واتطلع بعيونا البريئة وحس رعشة بقلبو لما قرب منها اخد نفس وقال :ليش خجلانة مني انا متل البابا قوليلي شو جبلك ..
    سالي : .....
    سامر : طيب انا رح جبلك على زوقي بناكلون وبنروح لعند الماما ماشي
    هزت برسا
    سامر: ماقلتيلي ياحلوة شو اسمك
    سالي : سالي
    اتفاجئ لما سمع اسما بس ماحكي شي .... وطلع
    قعدت الدكتورة حد سالي وحاولت تتقرب منها
    ......................
    سامر : في شي غريب ياترى شو هو
    راح جاب اكلات طيبة لسالي ورجع
    عطوها اياهن وطلعو برات الغرفة
    سامر : شو دكتورة
    دكتورة: خايفة تروح اما متل ماراح ابوها وماترجع .. وكمان كل مابتذكر شو شافت بتخاف كتير وبنخطف لونا
    سامر : طيب شو لازم نعمل
    الدكتورة : الخطوة الاولى هية انو تشوف امها باقرب وقت مشان نرجع جزء من الامان على قلبا وبعدين انا على جلسات بخليها تتخطى هالمرحلة
    سامر : شكرا كتير الك دكتورة .. انا هلأ رح فوت اخدها لعند امها
    الدكتورة : بكون كتير منيح
    سامر : اوك بالاذن
    فات لعند سالي وقعد جنبا
    سالي : مين انت
    سامر : انا رفيقا لامك لما كنا بالمدرسة
    سالي : عنجد
    سامر : اي وهية بعتتني مشان اجي واخدك لعندا
    سالي : يعني رح نروح لعند ماما
    سامر : اي وهلأ كمان قومي معي
    سالي : يلا ... اخد الاكلات معي
    سامر : عراحتك
    لمتون كلون بأيد وحدة وضمتون على صدرا وحطت ايدا التانية بأيد سامر
    لما مسك ايدها حساها كتير دافية وكأنو بدو يعصرلا ايدا الصغير قد ماحب هالشعور نزل بسلا ايدا وطلعو
    وصلو لقدام السيارة وفتحلا الباب
    سالي : هي السيارة الك
    سامر : اي عجبتك
    سالي : اي حلوة والبابا كان عندو وحدة انا بتذكر
    سامر : يلا اركبي جنبي متل الكبار
    سالي : يلا
    ركبت جنبو وصفنت شوي بعدين حكت
    سالي : انت معك مصاري كتير
    سامر : اي معي بدك
    سالي : لا مو الي .. بس ابوه لرفيقي عمل وقع ومامعون يدخلوه ع المشفى
    سامر : ههههه يعني بدك اياني ساعد ابوه لرفيقك
    سالي : اي
    سامر : ماتكرمي انتي ورفيقك
    ابتسمت ابتسامة كبيرة وصارت تاكل شيبس
    سامر عم يتطلع عليها ويبتسم
    ..............................
    بالمخفر
    قاعدة رفيف بزنزانة لحالها فيها تخت عسكري قاعدة عليه وصافنة قداما والدمعة بعيونا
    انتفتح عليها الباب وفاتت سالي وسامر
    ركضت سالي لعند اما ورفيف نزلت ع الارض ضمتا وصارت تبوسا بلهفة وتبكي
    سامر واقف وعم يتطلع على رفيف
    رفيف : كيفك ياقلبي كيفك ياعمري
    سالي : ماما عمو سامر اشترالي اكلات طيبة كتيرة وعرفني على خالة كتير حبابة
    رفيف اتطلعت على سامر : وين كانت بنتي ..
    سامر : بنتك كانت مريضة واخدتا ع المشفى
    رفيف : شووو .وصارت تلمس على بنتا وتتفحصا
    سامر : لاتخافي شوي سخونة
    رفيف : سلامت قلبك ياعمري انتي ياروحي
    سامر : مامعك وقت زيادة اشبعي منها منيح
    رفيف: لا بنتي بدا تضل معي هون وانت ما فيك تفرقنا
    سامر : يامدام بنتك صابتا صدمة نفسية وهاي الخالة يلي كانت عم تقلك عنها دكتورة نفسية وبنتك بدها معالجة ... وانتي بدك تحبسيها هون معك
    رفيف : شووووو .. سالي حبيبتي انتي منيحة
    سالي : ماما انا عم خاف كتير .. تعالي خليكي معي
    رفيف : اي بنتي بترجع عالمخيم لعند ام عمر لعندك مابتروح
    سامر : ياسلام بدك ترجعيها لمكان الحادث ... بعدين انت عاملة حالك ام كيف بتقتلي واحد قدام بنتك
    رفيف : ليكو مين عم يحكي عن الانسانية
    سامر: رح قلك اياها مرة تانية انو انا وانتي انضحك علينا ياريت تفهمي
    رفيف : ماوقتو هالحكي والي راح راح .. بس بنتي مابتروح لعندك
    سامر : للأسف مارح اسمعلك كلامك ... سالي يلا حبيبتي امشي معي
    رفيف : لا خليها كمان
    سامر : بكفيها البنت صدمات .. يلا حبيبتي
    رفيف : ليش هيك عم يصير معي انا ليش
    سامر :بدك تطلعي من هون واليوم قبل بكرا
    رفيف : ليش بيطلع بايدك
    سامر : اي بدفعلك كفالة وبتتحاكمي وانتي برات السجن
    رفيف : لا مابدي منك شي
    سامر : ما انتي الك عندي دين .. اعتبري انو عم رجعلك هالدين
    رفيف : اي موافقة ... بس لما اطلع من هون مابدي شوف وجهك
    سامر : هههه وعم تتشرطي والحلقة الاضعف معك
    رفيف : من الاخير شوبدك
    سامر : بدي اياكي
    رفيف : شوووو
    سامر : متل ماسمعتي هاد شرطي الوحيد ..
    رفيف : مستحيل ... مستحيل ارجع سلمك حالي مرة تانية
    سامر : ليش التجربة الاولة ماكانت حلوة وكنا مبسوطين .. بس انتي بغبائك صدقتيهن وماسمعتيني
    رفيف : حاج تقلي انك مظلوم كلشي كان واضح وقتا لما اخدت يلي بدك اياه رميتني ورا ضهرك
    سامر : انا مارميتك ... هنن لعبو علينا وفرقونا
    رفيف : مين هنن
    سامر : اوووف ... ماوقتو هالحكي .. المهم هلأ هو انك تفكري من هون لبكرا بتوافقي على الزاوج مني وانا اليوم استاجرت بيت مشان سالي بنعيش انا وانتي وسالي ومع الايام انا رح وضحلك شو صار ..
    رفيف : واذا ماوافقت
    سامر : مارح طلعك وحتى بنتك مابخليكي تشوفيها
    رفيف : طول عمرك لئيم
    سامر : معليش انا لئيم فكري بالموضوع منيح وبكرا بدي اسمع الجواب ... يلا سالي
    سالي : بدي ضل عند ماما
    سامر : حبيبتي بدي اخدك ع الملاهي شو رأيك
    سالي : عنجد
    سامر : والله .. يلا
    سالي : باي ماما.
    رفيف وهية عم تبكي وماطالع بأيدا شي وعدت بنتا
    ع الباب وهو طالع سامر وقف والتفت عليها وقلا اشتقتلك كتير
    طلع وتسكر الباب ... قعدت على حرف التخت وصارت تتنهد وتقول : يارب مالي غيرك .. يارب .... ههههه اشتقتلي ياكذاب
    صفنت وصارت تتذكر
    ##########فلااااااش_بااااااااك# #######
    تلفون رفيف عم يرن
    رفيف : الو حبيبي كيفك
    سامر : مشتقلك مشتقلك
    رفيف : وانا كمان كتير اشتقتلك بس شو طالع بالايد انت قاعد بالفرشة ولابتقدر تطلع ولاتفوت وانا مابقدر اجي لعنكن ع البيت
    سامر : لك انا رح طق رح جن
    رفيف : شبك حبيبي مابدا كل هاد
    سامر : لك صرلي اسبوع ماشفتك بتعرفي شو يعني اسبوع
    رفيف : اي يعني سبع ايام هههههه
    سامر : رفيف بلا غلاظتك
    رفيف : طيب جيب اهلك وتعالو اخطبوني
    سامر : ياريت بس انتي بتعرفي البير وغطاه مافي ولا ليرة بالبيت
    رفيف : اذا عشان المصاري ولايهمك انا بحكي مع اهلي وهنن مابيعترضو اذا انا اصريت عليهن.... المهم نخطب حاليا
    سامر : اذا اهلك رضو اهلي مابيرضو
    رفيف : طيب شو الحل بدنا نضل هيك
    سامر: والله مابعرف بس اكيد في حل
    رفيف : طيب شو رأيك نتزوج
    سامر : انتي جنيتي لك خطبة مابقدر اخطب بدك اياني اتزوجك
    رفيف : اي بنتزوج بالسر المهم نكون مع بعض
    سامر : انتي ماعم تفكري بحالك يعني .. يعني اذا انفضحنا الفضيحة رح تكون عليكي انا شب ومحدا بيحكي علي
    رفيف : مابقولو يلي بحب لازم يضحي وانا بضحي بكلشي كرمالك
    سامر : لا انا مابقبل .. انتي بتستاهلي احلا عرس
    رفيف : بنعمل عرس لما تفرج عليك .. ولاتفكر اذا اتزوجتك اتزوجتك عنجد .... يعني بس ع الورق واذا بدنا نلقى بمكان لحالنا
    سامر : المشكلة الرئيسة فيني انو مابقدر اطلع ولافوت
    رفيف : انت ماعندك رفيق تروح عليه
    سامر : اي في رامي
    رفيف : مابتقدر تروح لعندو
    سامر : اي هو عندو سيارة بيجي بياخدني
    رفيف : كتير منيح .. انت جهز كلشي وجيب شيخ وانا بجي وبنكتب الكتاب ... وبنصير نلتقى عند رفيقك
    سامر : واهلك ؟
    رفيف : بقلون اني عند مرح لاتهتم
    سامر : مابعرف .. انتي متأكدة من هالخطوة
    رفيف : متاكدة وكتير وبعدين مارح يصير شي المهم اذا بدنا نلقى مانلتقى بالحرام
    سامر : بحبك
    رفيف : بموت فيك
    ......................
    تاني يوم
    رامي : سامر انت مجنون
    سامر : عم قلك بس ع الورق
    رامي : حتى ع الورق .. فيها مخاطرة
    سامر: هية قبلانة وانا قبلان انتي ليش بتضل نتكد علينا
    رامي : طيب ماشي متل مابدك الله يهنيك
    سامر : شكرا
    رامي : ايمت بدو يجي الشيخ
    سامر : شوي وبوصل ومعو تنين شهود
    رامي : ليش تنين واحد بكفي في انا
    سامر : انت رح تكون وكيل العروس
    رامي : هاه .. لك مجانين
    سامر : واحلا جنان
    بعد شوي اجت مرح ورفيف واجا الشيخ والشهود
    مرح : رفيف قومي نرجع .. والله اذا خبرو اخواتك ليدفنوكي بارضك
    رفيف : معليش موافقة
    قعدو وكتبو الكتاب وعطاهن الشيخ عقد زواج وقام الكل راح وضل رفيف ومرح وسامر ورامي
    رفيف قاعد جنب سامر وماسكلا ايدا
    رفيف: مبروك حبيبي
    سامر : مبروك علينا
    رامي : مبروك
    سامر ورفيف : الله يبارك فيك وعقبالك
    رامي : اذا متل هيك جوزاة لا مابدي
    مرح : مبروك
    سامرورفيف : الله يبارك فيكي
    مرح : انا صار لازم روح بالاذن
    رفيف : قاعدين
    مرح : غير مرة ..
    رفيف : مرح اهلي اذا حكوكي قوليلون عندك اوك
    مرح : اوك لاتخافي يلا سلام
    راحت مرح
    رامي : انا قايم اعملكن شي تشربوه
    قام رامي وضل سامر ورفيف لحالون
    سامر ماسك ادين رفيف وعم يتطلع بعيونا
    رفيف : مابعرف اذا يلي عملتو غلط او لأ بس المهم انو انا مبسوطة
    سامر : انا المبسوط وطاير من الفرح .... عنجد ماني مصدق انك انتي صرتي ملكي الي وحدي وبس
    رفيف : اي انا ملكك وملك قلبك
    سامر : رفيف
    رفيف : عيوني
    سامر : بحبك
    رفيف بخجل : وانا كمان
    بعدو عم يتطلع بعيونا وانفاسن عم تتعانق مع بعضا وايدها بين اديه عم يرجفو .. قرب منها اكتر وباسها على شفافا ..........
    رامي من المطبخ :كيف قهوتكن
    بعد عنها بسرعة .. وقال شو قلت رامي
    رامي : عم قول شلون قهوتكن .. صح معد طلعلكن حس شو عم تعملو
    سامر : ااااه لا ولاشي ماعم نعمل شي....
    رامي : المهم كيف القهوة
    سامر : خلص عملا سادة ونحنا بنحطلا سكر على زوقنا
    رجع اتطلع على رفيف يلي كان وجها احمر من كتير الخجل
    سامر : شو عم تعملي فيني انتي
    رفيف : ليش شو عم اعمل فيك
    سامر : يلي عم حسو جواتي ولاميت شاعر بيقدر يوصفو
    رفيف : اف لهل الدرجة
    سامر : واكتر ... قوليلي انا كيف بدي استحمل انو مايصير شي
    رفيف:سامر لاتحلم .... نحنا اتفقنا انو بس ع الورق
    سامر : مابوعدك
    رفيف : هههه لانو عكيفك الشغلة ... لاتنسى انو متصاوب ومابتقدر تحرك الا ع العكازات
    سامر : شو بدي طول عمري عم احرك ع العكازات
    رفيف : سامر سكر ع الموضوع اوكي حبيبي
    سامر : اوكي وغيرو رفيف خانم
    رفيف : سلامت قلبك
    ###########باااااااااك#######
    رفيف قامت وقفت وصارت تقول : بكفي بكفي طلاع من حياتي ومن ذاكرتي ... بكرهك بكرهك ..........طيب هلأ شو بدي ضل هون ولا اقبل عرض سامر .... اوووووف ياربي ... يارب ساعدني ساعدني
    ............................
    تاني يوم رفيف عم تتمشى بالزنزانة .. انفتح الباب وفات سامر ومعو سالي والضابط جورج
    نزلت رفيف ع الارض وضمتا بنتا وصارت تبوسا
    رفيف : سالي وين نامت
    سامر :عندي بالبيت
    رفيف:كيف بتنيما عندك
    سامر: حدا قلك انو باكل ولاد انا ....
    جورج : مدام رفيف التحقيق معك خلص
    رفيف : اي وشو يعني
    جورج : بدك تنطري ليحكم عليكي القاضي
    رفيف : وايمت المحكمة
    جورج : بعد كم يوم
    رفيف : بدي ضل هون لحتى اتحاكم
    سامر : انا حكيت مع محامي وفيكي تطلعي اليوم قبل بكرى بكفالة وع المحكمة بتجي بنحضرا وبترجعي ع البيت ولاتخافي محكومتك رح تكون تقريبا خمس اشهر لانو دفاع عن النفس وكمان مابنيتك تقتليه وكمان سألو كل المخيم وكل العالم مدحت منك وكمان في كم وحدة اعترفو انو كان يدايقن ما هيك جورج
    جورج : مبلا هيك ... والخمس اشهر بتقضيهن ببيتك المهم ماتغادري اللبنان قبل هي المدة
    سامر : شو قلتلي قبلانة طالعك بكفالة
    رفيف : .........
    سامر : سالي حبيبتي مابدك الماما تطلع من هون
    سالي :اي اي ماما حبابة اطلعي معنا .... يلا ماما ماحلو هون وانا كمان اشتقتلك بليل ماني متعودة نام لحالي ... يلا ماما ... بترجاكي
    رفيف : طيب موافقة
    سامر : وعلى شرطي
    رفيف :.......
    جورج : والله الزلمة بحبك حاج تعذبيه.... اقبلي فيه وخلينا نطالعكن من هون عرسان
    اتطلعت على بنتا كانت ماسكتا من ايدا وعم تترجاها
    رفيف :،موافقة
    جورج : اي هيدا الكلام الحلو الف مبروك
    سامر هو مبتسم : الله يبارك فيكي
    جورج: تفضلو بنحكي بمكتبي بكون وصل المأزون
    رفيف : المأزون ؟؟
    سامر : اي بركي غيرتي رأيك بعد ماطالعك من هون
    طلعو وراحو ع المكتب وكتبو الكتابة ودفعو الكفالة لرفيف وطلعو والمحامي بقي يكمل الاجراءات
    طلعو من المخفر ومشو لعند سيارة سامر
    قرب سامر وفتلا الباب يلي جنبو
    رفيف ماحكت زورتو وركبت وركبت سالي ورا
    رفيف : خدني ع المخيم في شغلات بدي جيبا
    سامر : شغلات شو
    رفيف : وانت شو خصك
    سامر : خصني ونص والمخيم بدك تنسيه
    رفيف : بدي جيب جوالي ووراقي من هنيك
    سامر :كلون معي ليكيهن قدامك بتابلو السيارة
    رفيف : بدي جيب تياب الي
    سامر : جبتلك تياب جديدة بالبيت
    رفيف : مشاء الله عنك مجهز كلشي
    سامر : اي اكيد
    فتحت تابلو السيارة لقت تلفون ايفون حديث
    رفيف : شو هاد وين موبايلي
    سامر : هاد موبايلك
    رفيف : لا مو موبايلي هاد
    سامر : اااه قصدك ع حداك المكسر كبيتو
    رفيف : كيف بتسمح لحالك تتصرف من عندك
    سامر : وليش هيك عم تعيطي
    رفيف : انا بدي تلفوني هداك فيه شغلات مهمة
    سامر : كلشي نقلتو عهاد التلفون وماراح شي
    رفيف : بس انا بدي تلفوني ومابدي شي منك
    سامر : رفيف لاتكبري راس بتحكي معي بإحترام انا هلأ صرت جوزك
    رفيف : ع الورق ما اكتر
    سامر : هههه واثقة من حالك
    رفيف : كتير
    سامر : اوكي مارح ناقشك بهاد الموضوع حاليا ... تفضلو انزلو وصلنا
    طلعو ع الشقة يلي مسأجرا سامر وفاتو
    رفيف ؛ انت بدك تضل معنا هون
    سامر : هيك الهيئة
    رفيف : لا مافي روح دبر حالك وخليك بعيد
    سامر تجاهلا وقعد جنب التلفون الارضي وفتح الدليل واتصل على مطعم وطلب عشا لانو الدنيا بلشت تليل
    رفيف : انا عم احكي معك مابدي اياك تضل هون
    سامر : جوا بالغرفة بالخزانة في تياب الك فوتي تحممي واطلعي
    رفيف : انا عم احكي معك
    سامر وقف بوجها وقال :لا تختبري صبري .. نفذي يلي بقلك عليه من تم ساكت اوكي
    سالي بخوف : ماما شو عم يصير
    سامر : ولا شي حبيبتي لاتخافي ... بس قولي لامك تفوت تتحمم قبل مايوصل العشا
    تركتون ومشت بقهر فاتت ع الغرفة وطبشت الباب قعدت ع التخت وصارت تبكي
    رفيف : ياربي ليش هالنار شاعلة جواتي ليش شو سببها .. من سامر لانو قريب وبحبو ولا لاني بكرهو ولاخوفي من اخي يلي عرف وين انا وبدو يجي يقتلني ولا خوفي على سالي .. ولا ولا ولا ... يارب مليت شو اعمل شو اعمل .. وهلأ بين يوم وليلة صرت مرتو لسامر ... اجاها صوت داخلي قال انسي الكل والتهي بسامر
    رفيف : سامر .. شويعني
    الصوت الداخلي : انتي لليوم بتحبيه اسمعي شو بدو يقول
    رفيف : لا لا هاد واحد كذاب مستحيل صدقو
    سامر من ورا الباب : رفيف عم تحكيني
    رفيف : لا لا
    قامت بسرعة فتحت الخزانة لقت كلا تياب على قدها ومن اجمل التياب طلعت بجامة واخدت منشفة وفاتت ع الحمام وقفت تحت الدش يلي عم ينزل مي سخنة والحمام صار كلو بخار بس هية تفكيرا مانو هون
    .............
    بعد شوي طلعت من الخرفة كانت لابسة البجامة ولافة شعرا بالمنشفة لقت سامر وسالي مجهزين العشا
    سامر لما شافا انصدم فيها
    سالي : ماما ليكي شو عملنا انا وعمو سامر
    سامر : نعيما
    رفيف : انا ماني جوعانة كلو انتو
    سامر : سالي حكي الماما
    سالي : ماما اذا مابدك تاكلي انا ماباكل
    رفيف : يعني عرفت من وين تتحكم فيني
    سامر : انتي مابتجي غير هيك تعالي ناكل
    قعدو ياكلو وسامر طول الوقت عم يتطلع على رفيف ومارفع عيونو عنها
    رفيف : ممكن تتطلع بالاكل يلي قدامك
    سامر ،: ما بأيدي .. ماعم اشبع منك بدي ملي نظري منك
    رفيف : اي حاج كذب ونفاق انا مستحيل اوثق فيك مرة تانية
    سامر : انتي ليش ماعم تعطيني مجال اشرحلك يلي صار
    رفيف : كلشي كان واضح ولا مألف شي كذبة وجاي تسردها علي
    سامر : طيب كلي هلأ ما وقتو الحكي
    سالي وهية عم تاكل عيونا بلشو يغمضو
    سالي : ماما نعست
    قامت رفيف حملتا وبدا تفوتا على الغرفة يلي تحممت فيها
    سامر : الها غرفة لحالا
    رفيف : لا بنتي مابتنام بعيدة عني
    سامر : اعملي يلي بريحك
    فاتت وسكرت الباب وطولت بالغرفو ومعد طلعت
    قرب سامر وصار يدق الباب : رفيف شو نمتي
    رفيف : اي بدي نام .. وعشان الاكل انا بضبو بكرا
    سامر : لاحول ولاقوة الا بالله العلي العظيم
    راح قعد قدام التلفزيون فتحو وصار يتفرج



    يتبع .........

    صح انا بس عم نزل جزئين باليوم بس عم طول الجزء وفيه احداث كتير ... واعتبرو حالكن عم تتفرجو ع مسلسل وبتتطرو تنطرو الحلقة التانية لتاني يوم
    بعدين حلو التشويق

  5. [5]
    لحن الحياة
    لحن الحياة غير متواجد حالياً
    مشرفة على عدة اقسام Array


    تاريخ التسجيل: Nov 2013
    المشاركات: 14,587
    التقييم: 751

    افتراضي رد: قدر وغدر البشر

    الجزء_الخامس

    بلش يوم جديد على ابطالناوسامر نام ع الكنبةقدام التلفزيون .... فتحت الباب رفيف وطلعت لقتو نايم عالكنبة وقفت شوي اتطلعت عليه .... بعدين راحت ع المطبخ تجهز القهوة
    حس سامر وفاق كان جسمو مكسر من النومة ورقبتو متشنجة .. راح ع الحمام غسل وجهو وطلع شم ريحة القهوة طالع من المطبخ ... كمل وفات ع المطبخ
    سامر : صباح الخير
    رفيف : .....
    قرب منها بقهر ومسكها من دراعها وفتلها لعندو ولزقلا ضهرا بالحيط
    سامر : انا عم قلك انو نحنا انضحك ليش ماعم تصدقي
    رفيف : مابدي صدق
    سامر : رفيف انا حبيبيك .. شو نسيتي نسيتي كيف كنتي مجنونة فيني
    رفيف : معك حق كنت مجنونة ومجنونة كبيرة كمان
    سامر : اطلعي بعيوني وشوفي انا اشقد بحبك
    اتطلعت بعيونو وصفنت فيه .. وهو بادلا نفس النظرة
    سامر : والله بحبك .. والله مااستغليتك ...
    رفعلا ايدا وحطا على قلبو وقلا اسمعي دقات قلبي .. شوفي هدول كمان كذابين
    رفيف :......
    سامر : انتي بتكرهيني
    رفيف : .....
    سامر : طيب بتحبيني
    رفيف : ......
    سامر : انا بحبك وبموت فيكي .. واول ماخبرت انو زوجك مات بسرعة نزلت دور عليكي لانو انتي الي ... انا كنت اتعذب كل يوم لما فكر واتذكر انك صرتي لغيري
    رفيف : ليش ما انت السبب
    سامر :لا لا ما انا السبب ... نحنا لازم نقعد ونحكي
    رفيف : طيب بعد عني لانو القهوة فارت
    تركها وهية راحت شالت القهوة ع الغاز
    سامر : انا ناطرك بالصالون
    طلع وهية بعد شوي لحقتو بالقهوة
    رفيف : تفضل
    سامر : يسلمو
    رفيف : عم اسمعك
    سامر : يلي صار لما سافرت . قاطعتون سالي
    سالي : صباح الخير
    رفيف وسامر : صباح النور
    رفيف : تعي لعندي حبيبتي
    سالي قربت قعدت عند اما
    سالي :ماما بدي احكي شي
    رفيف: اي حبيبتي احكي
    سالي : ماما ممكن انده لعمو سامر بابا
    رفيف وسامر انصدمو بنفس الوقت وصارو يتطلعو ببعض
    رفيف بقهر : لأ ماممكن
    سامر : لا حبيبتي ممكن واندهيلي يلي بتحبيه وانا متل ابوكي
    رفيف : انا قلت لأ
    سامر : لك انتي شو مشكلتك البنت حالتها النفسية تعبانة وانتي بتضلي تتغطي عليها
    سالي : ماما انا بعتزر
    رفيف : خلص حبيبتي اذا هالشي بريحك .. خلص قوليلو بابا
    سالي بفرح: عنجد
    رفيف : اي
    تركتون وقامت عغرفتا سكرت الباب وراها
    سالي : الماما زعلت
    سامر : لا مازعلت تعالي لعندي يابنتوتي الحلوة
    قربت لعندو وهو شالا وحطا بحضو وضما على صدرو وصار يلمسلا علىشعرا
    سالي : بحبك بابا
    سامر لما قالت هيك قلبو صار يدق بسرعة وضمها اكتر
    ..................
    رفيف بغرفتا واقفة ع الشباك وعم تبكي
    رفيف : يارب شو عم يصير ... ليش هيك حكت سالي .. ماصرلا بتعرفو غير من انهارين ليش هيك قالتلو معقول قلبا حسا ... لا لا هي طفلة شو عرفا بهيك شغلات ... بس الدم بحن وهو عنجد ابوها ... ياربي .. ياربي شو هالدوامة يلي انا فيها
    سمعت طبشت الباب طلعت من غرفتا ما لقت لا سامر ولا سالي
    طلعت شالت القهوة والعشا يلي كان ع الطاولة وفاتت جلتون ونضفت المطبخ والبيت كلو .. بعد شوي بفوت سامر وسالي
    رفيف : وين كنتو
    سالي : ماما ليكي بابا سامر شو جبلي
    رفيف : شو هاد
    سامر : آيباد
    رفيف : بعرف بس بعدا صغيرة عليه وانا مابدي بنتي تتعود عليه
    سامر : المهم بكل قصة لازم تنكدي .. عطيها اياه ساعة باليوم مابتخرب الدنيا
    رفيف : طيب ماشي ..
    اخدت سالي الآيباد وقعدت ع الكنبة تلعب فيه
    سامر : جبت فطور
    رفيف : هاتو عنك انا بحضرو
    سامر : انا وانتي تعالي
    فاتو ع المطبخ جهزو الفطور وفطرو ..... ومرق يومن عادي وسامر ماصرلو يحكي لرفيف شو صار
    ........................

    المسا
    رفيف : سالي قومي ع النوم يلا
    سامر :وانتي
    رفيف : بدي نام معها
    سامر : ياريت ترجعي مشان نحكي
    رفيف : بحاول
    اخدت سالي من ايدا وفاتت غرفة النوم وقفلت الباب
    نيمت سالي وهية لقت قميص نوم لونو وردي طويل لبستو وتمددت جنب بنتا مشان تنام
    سامر فات عالمطبخ يعمل شي يشربو .. طلع كاسة حطها ع المجلى وحط بقلبا ظرف شاي وصار يسخن المي ... وبدون قصدو ضربت ايدو بالكاسة ووقعت عالارض وانكسرت نزل ع الارض وصار يلم الازاز وجرح ايدو جرح صغير بقطعة ازاز وصارت تطلع دم
    وقف اخد كلينكس وحطها ع الجرح
    رفيف سمعت صوت شي انكسر قامت لبست الكامينو ولفت حجابا وطلعت
    رفيف : خير شوفي
    سامر : لا مافي شي نكسرت الكاسة
    رفيف : وايدك شبها
    سامر: جرح بسيط
    رفيف : طيب طلاع لحتى لم الازاز
    سامر : لا تجرحي حالك
    رفيف : لاتخافي رح لمون بالمكنسة
    طلع سامر قعد بالصالون ورفيف لمت الازاز وطلعت معها كاستين شاي
    رفيف : تفضل هاي شاي
    سامر : يسلمو عزبتك
    رفيف : لا عادي ولا يهمك
    قعدت مقبالو وصارو يشربو شاي
    رفيف : بظن معنا وقت احكي
    سامر : امي واخي هنن ورا يلي صار
    رفيف : كيف يعني
    سامر : انا عملتلو وكالة لاخي لما طلعت ع الخليج مشان يجوزنا انا وانتي ... بس امي هددتو لاخي اذا مابطلقك لانو هنن بيعرفو انو نحنا متزوجين بالسر . هددتو اذا مابطلقك مابتخليه يتزوج حبيبتو واخي راح لعندك طلقك
    رفيف : شوووو معقول
    سامر : هاد يلي صار وانتي صدقتي .. وانا ماصدقت
    رفيف : شو هو يلي ماصدقتو
    سامر : قالولي انو انتي قلتي معد بدك اياني وانتي طلبتي الطلاق واخي طلقك
    رفيف : لحظة انا ماني عم استوعب شي ولا فهمانة شي ..
    سامر : رح احكليك من اول ماسفرت لحد اليوم شو صار معي وانتي كمان بتحكيلي شو صار معك
    رفيف : طيب احكي انت بالاول
    سامر : اي ماشي. بلش بدو يحكي بس وجعتو ايدو فجأة مكان الجرح
    سامر : اااخ
    رفيف : شبك
    سامر : مابعرف بس كأنو في شي بالجرح
    رفيف : معقول شي ازازة معقلة
    سامر : مابعرف ... انا قايم ع الغرفة لجو شوف اذا في شي بالصيدليه
    قام فات ع غرفة نوم بالبيت لانو البيت فيه ٣غرف نوم
    وفتح الدرج جنب التخت مالقى شي بس لقى شاشة ولزيق طبي
    فاتت لعندو رفيف
    رفيف : شو صار معك
    سامر : بدي شي طالع الازازة من الجرح
    رفيف : طيب اقعد هون لشفلك اياه انا
    قعد ع حرف التخت وهية قعدت جنبو مسكتلو ايدو وصارت تضغط ع الجرح مشان تطلع الازازة
    وهو كان عم يتطلع عليها وصافن فيها
    رفيف : طلعتك اياها شقفة صغيرة كتير
    سامر :شكرا
    رفيف : حط عليها لزقة طبية . حطلا لزقة ورجع اتطلع على رفيف
    سامر : مشي حالا ماعد وجعتني
    رفيف : منيح كتير قامت بدا تمشي هو وقف ومسكا من ايدا وسحبا لعندو وضما وحط راشو على كتفا وهية انصدمت من تصرفو
    رفيف : سامر شو عم تعمل
    سامر : مشتقلك .. حسي فيني مشان الله حسي فيني
    رفيف : سامر .. بعد عني بكفي
    سامر ضمها اكتر وكأنو رح يكسرلا اضلاعا .. وكأنو شي طفل صغير
    سامر : بحبك .. بحبككك ... وقلبي ماحدا سكنو غيرك
    رفيف رفعت اديها مشان تضمو هية كمان بس كانت مترددة .. بعدين غمضت عيونا وحاوطتو بأديها
    رفيف : وانا كمان اشتقتلك
    رجع سامر لورا واتطلع بعيونا وقال : عنجد عم تحكي
    رفيف ودموعا على خدا هزت براسا
    هو فرح كتير ولا اراديا سحبا من خصرا وطبع شفافو على شفافا ...... كان عم يبوسا بلهفة وشوق وهية بادلتو نفس المشاعر
    بعد عنها شوي وكان عرقان مد ايدو على شريطة الكامينو وسحبها ... ورفع اديه وشلحها اياه ونزل ع الارض وحملا وحطا على التخت ..........................
    ........................
    الصبح ع اذان الفجر حست رفيف كانت نايمة بحضن سامر .. سحبت تيابا لبستون وقامت شوي شوي
    وراحت بسرعة على غرفتا لقت بنتا نايمة فتحت الخزانة طلعت منشفة وفاتت ع الحمام والابتسامة مرسومة على وجها ... وقفت تحت الدوش وصار تتذكر ليلتها مع سامر وكانت طايرة من الفرح .. وصارت تتذكر لما نامت معو اول مرة
    ############فلااااش_بااااااك#######
    رفيف : الو .. كيفو حبيبي
    سامر : موجوع كتير
    رفيف :خير شبك ..
    سامر : اليوم فكيت السياخ ودبحوني وهنن عم يشيلوهن
    رفيف : ليش ماخدورك
    سامر : بلى بس سحبوهن من بين العظم اجباري بدو يصير وجع
    رفيف : تقبر قلبي ... والله زعلتني عليك
    سامر : حبيبتي مشتقلك تعالي لعندي
    رفيف : هلأ
    سامر : اي هلأ انا كتير بحاجتك
    رفيف : ورامي وينو
    سامر : رامي .. هون
    رفيف : يلا مسافة الطريق وبكون عندك
    سكرت التلفون وقامت لبست وهية ع الباب
    رفيف : ماما انا عند مرح
    طلعت وطبشت الباب ... راحت لعندو قام هو ع العكازات فتح الباب
    رفيف : سلامتك ياعمري
    سامر : الله يسلمك فوتي فوتي
    رفيف : ليش فتحت انت وينو رامي
    سامر : طلع من شوي بجيب شوية غراض
    فاتت وقعدت جنبو ع الكنبة .. هو قرب بدو يبوسا وهية بعدت عنو
    رفيف : سامر شو عم يصير معك انت شايف هالحركات وقتا
    سامر : طيب مشتقلك شو اعمل
    رفيف : وانا كمان بس ماحلوة الزلمة بأي لحظة ممكن يجي
    سامر : خلص اسف واسف لانو بعتلك تجي فيكي تروحي
    رفيف : حبيبي اسفة ماقصدي
    سامر : لا خلص فيكي تروحي ... وانا كمان ماني عم اعمل شي حرام انتي مرتي
    قربت ضمتو رفيف : خلص اسفة معد عيدا وانا كلي ملكك
    بعدلا اديها عنو وقام فات على غرفة النوم وهية لحقتو
    رفيف : والله مانك حلو وانت زعلان
    سامر : رفيف انتي عنجد بتحبيني
    رفيف : معقول عندك شك
    سامر : بدي تثبتيلي هالشي هلأ
    رفيف : كيف يعني
    هو اشر براسو على التخت
    هية اتطلع عليه متفاجئة
    رفيف: سامر شو قصدك
    سامر : بدي تكوني مرتي عن حق وحقيق وهلأ
    رفيف : سامر لا بترجاك بلاها
    سامر : لكن خلص روحي
    رفيف : اسمعني ... هاد غلط وحتى اذا بالحلال بس محدابيعرف وخايفة لقدام ..... محدا بيعرف شو بصير معو
    سامر : معك حق انا اسف على هالطلب بس هلأ ممكن تتركيني لحالي
    رفيف : لا ماممكن حتى يجي رامي بروح
    سامر : رامي مانو هون
    رفيف : وينو
    سامر : سافر ع المحافظة عندو شغل وبكرا بيجي
    رفيف ؛ اممممم
    سامر : خلص روحي هلأ اهلك ببنشغل بالون
    رفيف : لا مابدي
    سامر : عم قلك روحي واسمعي الكلمة .
    رفيف : وانا مابحب اسمع الكلمة ... بحب اعمل يلي براسي
    سامر : وشوفي براسك
    ابتسمت ابتسامة وفكت حجابا وشلحت جاكيتها رمتو ع الارض وبلشت تفتح زرار بلوزتا
    سامر : شو عم تعملي
    رفيف : بدي كون معك والك وبين اديك
    سامر : رفيف لاتجني البسي ورحي على بيتكن
    رفيف : مابدي
    شلحت البلوزة ورمتها ع الارض وقربت لعندو اخدت منو العكازات حطتون عجنب وقعدتو ع التخت وهو سارح فيها وبسحرا .. لفت اديها حول رقبتا وقالت انا ملكك ...........................
    بعد ساعات رفيف واقفة قدام المراي عم تلبس
    رفيف : انا اتأخرت كتير خايفة اهلي يحسو على شي
    سامر : عم تقولي محدا متصل .. انشالله مابكونو انتبهو
    رفيف : انا رايحة بدك شي
    سامر : سلامتك .. رح اشتقلك
    رفيف : وانا كمان
    سامر : رفيف لحظة .. انا معد استحمل بعدك عني
    رفيف : انا فكرت هلأ بالموضوع ورح استأجر غرفة قريبة من الجامعة وبنصير نلقى فيها انا وانت
    سامر : كمان انتي
    رفيف : سامر خلص انا واياك صرنا واحد مو هيك
    سامر : اي هيك
    قربت لعندو باستو وطلعت من البيت
    ......................
    ###########بااااااااك########
    خلصت حمام ولفت حالا بالمنشفة وطلعت .. نشفت حالا ولبست وضبضبت البيت شوي وطلعت الشمس .. وبلشت بتحضير القهوة .. واقفة عم تحرك القهوة اجا سامر من وراها وضمها وباسا على خدا
    سامر : احلا ليلة واحلا صباح
    رفيف : سامر بعد عني هلأ بتفيق سالي وبتشوفنا
    سامر : مريت عليها كانت نايمة
    رفيف : طيب بعد هلأ بتفور القهوة
    سامر : مامشكلة انا بنضفا
    رفيف : سامر بليز بكفي
    سامر : لك انا حاسس حالي بحلم وماني عم صدق انو معقول انتي رجعيلتي ... لك مابعرف شو قول بس الشي يلي بعرفو اني طاير من الفرح
    رفيف : وانا كمان حاسة حالي بحلم بس انا قلبي مامرتاح لانو بحياتا ماكملت معي
    مد ايدو سامر طفا الغاز وبرم رفيف لعندو وضمها على صدرو وقال : انا مارح خلي مخلوق يفرقنا عن بعض ... انتي بس وثقي فيني
    رفيف : مابعرف اذا وقتو هالحكي .. بس متل ما وعدتني انك رح ترجع وقلتلي وثقي فيني
    سامر : والله حقك علي .. بس قلتلك شو صار
    رفيف :ماقلتلي كلشي ..
    سامر :طيب تعالي ع الصالون لنحكي لانو صار لازم نحكي عنجد
    رفيف :يلا لجيب القهوة
    طلع قعد بالصالون وهية طلعت بالقهوة وقعدت مقبالو
    سامر : بترجاكي تعالي اقعدي جنبي
    اجت قعدت جنبو صبتلو قهوة وهو ضما لعندو وهية حطت راسا هلى صدرو
    سامر : قوليلي يلي بدك تعرفيه بالظبط
    رفيف :بدي اعرف كلشي بدي اعرف شو صار معك لما سافرت .. وكيف بين يوم وليلة صار معك مصاري وصرت غني .. وبدي اعرف ليش هيك عملو اهلك اذا كان هالحكي صحيح
    سامر : كمان انت بدك تحكيلي كلشي صار معك وزواجك من رجب
    "" هنن رح يحكو لبعض وانا رح رجعكن ع الماضي مشان نعرف شو صار مع التنين ""
    #########فلاااااش_باااااااك#####
    رفيف نايمة على صدر سامر بغرفة يلي استأجرتا رفيف
    سامر : رفيف
    رفيف : اي روحي
    سامر : اوضاعنا شكلا رح تفرج
    رفيف : عنجد شو في شي جديد
    سامر : خالي بالخليج
    رفيف : شبو
    سامر : باعتلي قال اذا بدي اشتغل بدبرلي شغل ببير نفط
    رفيف : وشو شغلتك انت هنيك
    سامر : قال شغلة بسيطة ومابدا تعب
    رفيف : بس مافي روحة
    سامر : ع الاغلب مارح روح لانو بدي اعمل جواز سفر وبدي حق تيكت الطيارة وهدول بكلفو شي مية الف وانا مامعي ولا ليرة
    رفيف : انت حابب تروح
    سامر : بصراحة اي وكتير كمان بركي بطلع من هالجورة يلي انا فيها وبنتزوج وبتصيري مرتي قدام كل العالم ما بالمخفي
    رفيف : مابعرف .. بس قلبي مانو مطمن خليك هون حدي
    سامر : رفيف عاجبك وضعنا هيك وكانو عم نلقى بالحرام
    رفيف : لا
    سامر : رفيف مابعرف شو قول بس بصراحة انا فكرت ومقرر روح
    رفيف : وتتركني
    سامر : كلا شهرين وببعت اهلي بخطبوكي وباخدك لعندي
    رفيف :لاتقول شهرين صايرة اتشأم من هالكلمة
    سامر : طيب بلا شهرين .. شهر ونص
    رفيف : ومن وين بدك تجيب المصاري
    سامر : امي عندا اسوارة دهب قال بتبيعا وبيع المتور وبدين شوي
    رفيف : والله الفكرة صعبة
    سامر : رفيف اذا ضليت هيك بحياتي مابخطي خطوة لقدام ورح ضل طول عمري هيك وحتى انتي يمكن تكرهيني
    رفيف : لا انا بعمري مابكرهك
    سامر : بصراحة انا هالوضع ماعاجبني يعني ماناقص غير تصرفي على عيلتي هي عم تصرفي علي ودفعتي اجار المشفى واستأجرتي الغرفة
    رفيف : طيب اذا مقرر ع السفر انا بساعدك
    سامر : لا منك مابدي بكفي يلي قدمتيلي اياه
    رفيف : ماعم تقول رح ترجع شو رح تاكلون علي
    سامر : ومن وين بدك تجيبي المصاري انتي
    رفيف: ولا يهمك انت بس قلي اشقد بدك وبتلاقيهن عندك رح اسحبلك من رصيدي بالبنك
    سامر : لا لا انا بدبر حالي
    رفيف : اذا بدك تسافر سافر بسرعة مشان ترجعلي بسرعة مشان هيك بدي ساعدك
    سامر : عنجد انتي احسن انسانة على وجه الكرة الارضية
    رفيف: انا مابدي كون احسن انسانة انا بدي كون حبيبتك وبس
    سامر : انتي مابس حبيبتي انتي النفس بلي بتنفسو .. انتي روحي وحياتي وحياتي ما الها معنى بدونك وانت مرتي وام ولادي انتي دنيتي كلا
    رفيف : ضمتو اكتر وفي بقلبا حزن لانو رح يروح ويتركا
    ..................
    بعد اسبوع
    بحديقة الجامعة
    رفيف عم تبكي
    سامر : رفيف بترجاكي لاتبكي .. دموعك غالين علي
    رفيف : ما بأيدي ما بأيدي .. يعني اليوم رح شوفك وبكرا لا
    سامر : كل يوم رح اتصل فيكي
    رفيف : هنيك الاتصالات غالية
    سامر : ماعندي شي اغلا من صوتك
    رفيف : سامر وعدني
    سامر : بوعدك بكلشي بدك اياه
    رفيف : بدي توعدني انك رح ترجع
    سامر : بوعدك
    رفيف : وانا رح انطرك
    سامر مسكلا ايدا واتطلع بعيونا وقلا وثقي فيني وبس
    رفيف : اي ساعة طيارتك
    سامر : ع اذان الفجر
    رفيف : يعني مارح اقدر ودعك
    سامر : ودعيني هلأ
    رفيف : مابدي ..جاي عبالي ضمك وشم ريحتك مشان تعشش بقلبي
    سامر : قومي لنروح على غرفتنا
    رفيف : صعب اخي علي ساعة و جاي يوصلني ع البيت
    سامر : يعني معقول ما كون معك اخر يوم الي بسوريا
    رفيف : مابعرف انا قلبي فارط وحاسستو شاعل بنار
    سامر : سلامتك من التعب
    رفيف : سامر انا معد استحمل ياريت تروح لانو مابضمن حالي
    سامر : بدك شي
    رفيف : انتبه على حالك
    سامر : رح اتصل فيكي بدي اسهر علىصوتك
    رفيف : هزت راسا وهية عم تبكي قام هو وعيونو عليها وهية فرطت من البكي اجت مرح لعندا وضمو بعض وصارت تبكي
    رفيف : رح يتركني .. رح اشتقلو ... رح موت بغيابو
    مرح : بتتعودي .. ولاتنسي انو راجع
    رفيف : رح موت .. رح موت
    ....................
    ضلو طول الليل عم يحكو مع بعض وتيناتون عم يبكو
    ...... وراح سامر وسافر ورفيف مانمت وضلت للصبح عم تبكي وماراحت على جامعتا .. واجت لعندا مرح وضلت عندا طول اليوم
    ................
    سامر وصل ع الخليخ .. واول ما وصل مسك التلفون بدو يتصل
    خالو : سامر شو عم تعمل
    سامر : بدي احكي مع اهلي
    خالو : لا هون المكالمات كتير غالية
    سامر :بس ضروري احكي
    خالو : يلا اتصل معك دقيقة وبس
    احتار سامر بمين يتصل برفيف ولا مع اهلو
    بالاخير اتصل على اهلو وطمنون انو وصل
    خالو: يلا ارتاح وبكرا بدك تنزل ع الشغل
    قعد سامر مهموم بدو يحكي مع رفيف يطمنها انو وصل وانو هو بخير ومشتقلا ... وحتى مامعو مصاري يتصل من برا ..
    ..................
    رفيف قاعدة على نار وناطرة اتصال من سامر والتلفون بأيدا والشمس بلشت تغيب
    رفيف : مرح ما اتصل
    مرح : مابتعرفي شو ظروفو
    رفيف : هو وعدني انو رح يتصل
    مرح : يمكن تعب بالطيارة ونام
    رفيف : مشغول بالي كتير
    مرح : خلص رفيف بكفي
    مرقت هاي الليلة وسامر قاعد على نار ومانام ورفيف كمان ماسكة التلفون وناطرة اتصال من سامر
    الصبح .....
    سامر : خالي بترجاك بدي احكي مكالمة وانا بعطيك اجارها
    خالو : اتصل بس لاتطول
    سامر اتصل برفيف وهية نقزت لما سمعتو ولما شافتو رقم دولي ردت بسرعة
    رفيف : الو
    سامر: حبيبتي .. انا اسف ..وكمان مامعي وقت زيادة انا منيح ومشتقلك ووصلت بخير وسلامة ولما اشتري خط رح حكيكي منو
    رفيف : اي حبيبي المهم اسمعت صوتك
    سامر : انا لازم سكر باي
    رفيف : باي الله معك
    هيك مرق اسبوع وسامر ماحكي مع رفيف ... وهية على طول تدعيلو
    هاتف رفيف عم يرن
    سامر : كيفك شو اخبارك
    رفيف : هلا حبيبي .. قلي اي رقم معك انا بدقلك
    سامر : مامعي اخر الشهر رح اشتري واحد
    رفيف :قلي انت كيفك شو اخبارك عم تشتغل ولا لأ
    سامر : انا منيح كتير وماناقصني غير شوفتك وعم اشتغل ناطور ليلي ع بير نفط
    رفيف : وان شاءالله ماعم تتعذب بهل الشغل
    سامر : لا الحمد لله كتير مريح
    رفيف :الحمد لله
    سامر : رفيف بحبك
    رفيف : وانا كمان بحبك وبموت فيك
    سامر : انا صار لازم سكر بدك شي
    رفيف :انتبه على حالك كتير منيح
    تاني يوم الصبح
    خال سامر محمد : سامر قوم فيق
    سامر : ع وين خالي
    محمد : بدنا نروح عالفيلا لعند صاحب الشركة
    سامر : خالي انا شو اخدني معك اذا انت الشوفير
    محمد : انا رايح جيب من عندو شوية غراض وبدي وديهن عمكان تاني وانت بدك تساعدني فيهن
    سامر : يلا شوي بس لبدل تيابي
    قام سامر بدل تيابو وراح مع خالو فاتو من باب القصر وبعد مافاتو من باب القصر ضلو يمشو خمس دقايق بالسيارة لوصلو للقصر والخدم والحرس بكل مكان
    نزل سامر من السيارة وصار يتلفت حوليه وهو مزهول من جمال المكان .. ولا بحياتو شاف هيك بيت لا بالحقيقة ولا بالتلفزيون فاتو من باب القصر وفي خادمين فتحو الباب .. سامر للحظة حس حالو بحلم
    سامر : خالي هاد صاحب بير النفط يلي انا بحرسو
    محمد : اي وعندو ٣٠بير غيرو
    سامر : اللهم صل على سيدنا محمد
    محمد : مابس هيك عندو حوالي ٦٠شركة
    سامر : شووو
    محمد : متل ماسمعت
    سامر: وشركات شو هاي
    محمد :من كلشي مواد بلاستك البسة مواد غذائية شركة استرادوتصدير وشركات النفط مابعرف كم وحدة يعني شو مابيخطر على بالك عندو سيارات طيارات
    سامر : مشاء الله نيال ولادو لكن
    محمد : ماعندو غير هالولد
    سامر : ليش بس ولد
    محمد : سمعت انو مرتو مابتجيب ولاد وتعالجو كتير احتى جابو هالولد
    سامر : اي يتزوج شو ناطر
    محمد : قال بحب مرتو كتير
    وصلو للصالة ولقو خادم وحدو شوية غراض
    الخادم : وصل هدول الغراض لهاد العنوان ..
    محمد : ماشي
    الخادم : متل ما وصاك البيك يوصلون متل ماسلمناك اياهم
    محمد : حاضر
    سامر واقف وعم يتلفت حوليه واكتر شي لفت انتباهو السقف قد مافيه زخرفات وع الحيطان تحف اثرية
    شاف بالطابق التاني ولد وخادمة عم تلحقو وكأنها بدا تعطيه شي
    سامر عيونو ع الولد والخادمة .. وفجأة شاف الولد طلع وقعد على الدرابذين بالطابق التاني يلي بطل ع الطابق الارضي .. قربت منو الخادمة مشان تمسكو للولد وهو رجع لورا مشان يبعد عنها وفجأة زحط ووقع لتحت ... بسرعة سامر نط واجا تحت الولد وفتح اديه ومسكو وقلب ع الارض وهو واياه
    وهالشي صار بلمح البصر وطلع صوت الخادمة وهية عم تصرخ والكل قرب ليشوف شو صار
    سامر : عمو انت منيح
    الولد وهو عم يبكي : اريد امي .. يما...يما .. يبا
    نزلت الام من فوق وهية عم تركض ووجها اصفر من الرعبة قربت من ابنا وضمتو : انت زين يا كلبي (قلبي) .. انت زين ياروحي ..
    الولد : يما هاذي نجما كانت تبي تمسكني وآني وكعت
    الام : نجما .. يانجما . انتي حيوانة ماتفهمين .. والله لو صار شي لولدي كنت آني حفرتلك كبرك بأيدي هذول انكلعي من ويهي (وجهي)
    نجما : سوري مادام
    الام : اقولك انكلعي من ويهي ما اريد اشوفك ويهك هين مرة ثانية تفهمين
    مشت نجما ووقفت ام الولد واتطلعت بسامر وقالت : آني مش عافرة اذاي اتشكرك انت انقذت ولدي وحيدي
    سامر : مامشكلة مدام حصل خير
    الام : انت انسان عظيم وآني مستحيل ما قدملك شكر يليق بيك
    سامر : لا مدام مافي داعي انا عملت واجبي واي حدا كان مكاني كان عمل هيك واكتر
    الام : آني محدا يكولي لأ عم تفهم المسا اريدك هنيّ
    محمد نكع سامر
    سامر : حاضر مدام
    الام : الحين تكدر تروح
    اخدو الغراض وطلعو وكأنو سامر عنجد كان بحلم البيت الولد كيف وقع والمرى كلو كان غريب عليه
    سامر : شوبدها مني هاي المسا
    محمد : بتكون بدا تعطيك شي مكافئة صغيرة مشان تتشكرك
    سامر : متل شو
    محمد : شي مبلغ
    سامر : الله يسمع منك
    محمد : بس ماتنساني انا خالك
    سامر : معقول خال انساك شو ماعطتني بالنص
    محمد: انشاء الله خير

    المسا ركبو السيارة وراحو ع القصر وفوتوهن الخدم ع غرفة الضيوف
    يلي هية قد حارة بسوريا
    قعدو وهنن متوترين وعم يتلفتو بالمكان
    سامر : خال
    محمد: شو
    سامر : بتعرف اذا بعنا التحف يلي بهاي الغرفة بنشتري حارتنا كلا
    محمد : هههه شو خيالك واسع
    انفتح الباب وفات صاحب القصر وزجتو
    ############باااااااااااك#######
    رفيف : اي وبعدين شو قلك
    سامر : اهلو وسهلو فينا انا فكرت انو رح يعطيني شي هدية قلت بالكتير الف ١٠٠٠$ دولار
    رفيف : ليش شقد عطوك
    سامر : بعد ماضل ساعة يتشكرني عطاني مفاتيح
    رفيف : مفاتيح شو
    سامر : مفتاح شقة الي ومفتاح سيارة
    رفيف : اييي
    سامر : انا انصدمت وماتوقعت يعطيني كل هاد ورفضت اخدون .. بس هو اصر كتير الا اخدون وكمان سلمني ادارة شركة من شركاتو
    رفيف : كيف هيك يعني كيف بسلمك ادارة شركة وهو مابيعرف شو امكانياتك
    سامر : طلع سائل عني وعندو ملف كامل عني وسلمني ادارة شركت الالكترونيات لانو عرف انو انا دارس هندسة الكترونية
    رفيف : وليش ماخبرتني بوقتا
    سامر : انا من الفرحة اول ماوصلت ع البيت مسكت التلفون وبدي خبرك قلت خليها مفاجئة وببعت اهلي يخطبوكي وبعدا بخبرك ..
    رفيف :ايي وشو صار بعدين
    سامر : صرت اشتغل بالشركة وكان الشغل كتير سهل وصاحب الشغل اسمو ابو زيد حبيني كتير ويلي بطلبو بصير وعطاني رقمو الخاص مشان شو مابدي اتواصل معو
    وانا بوقتا كنت احكي معك طمنك عني وعن حالي بس غلطت ليش خبيت عنك ... حكيت مع ابو زيد وطلبت منو يأمنلك اقامة مشان اخدك لعندي وهو قلي ولايهمك ايمت مابدك بجيبك لعندي ... بس خالي ماقدر يخبي عن اهلي واهلي كتير فرحو
    #############فلااااااش_باااااااا ك#####
    سامر :الو ماما كيفك وكيفون اخواتي
    ام سامر : الحمد لله بخير .. الله يرضا عليك
    سامر : ويخليلي اياكي يارب
    ام سامر : اي حبيبي شو هو الموضوع الضروري يلي بدك اياه مني
    سامر : ماما بدي تروحي تخطبيلي
    ام سامر : يوم المنا ياعمري .. يعني روح اطلبلك نايا بنت خالتلك
    سامر : لا ماما مابدي نايا انا بدي بنت تانية
    ام سامر : والله مارح تلاقي احسن من بنت خالتك
    سامر : ما خلصنا من هاد الموضوع انا بدي بنت تانية
    ام سامر : ومين هية
    سامر: بدي رفيف بنت ابو عدنان
    ام سامر : والله لو تطبق السما ع الارض مابخطبلك اياها
    سامر : ماما هي حياتي انا
    ام سامر : هاي البنت مابخطبا انا مابحبا ولابحب اهلا
    سامر : ماما قبل ماتحكي ع البنت هي بتكون مرتي
    ام سامر : شووووو
    سامر: اي ماما انا كتبت كتابي على هي البنت وكمان نمت معها وغيرا مابدي .. بس اهلا مابيعرفو بدي تروحي تخطبلي اياها وانا وقت العرس رح شوف اذا بقدر انزل وبنطلع لهون انا واياها
    ام سامر : صافنة وماعم تحكي
    سامر : شو ماما وين رحتي
    ام سامر : اي معك .. لشوف شو بصير وبحكي معك
    سامر : بس لاتطولي وليكي رفيف مابتعرف انو بدي اخطبا يعني بدي اعملا مفاجئة اوك ماما
    سكرت ام سامر وهية مصدومة بس بعيونا في شر
    ام سامر : ماجيت تعلق غير مع هالفلتانة والله على جثتي مابخطبلك اياها وانا ام سامر
    ..............................
    رفيف نايمة اجت اما تفيقا
    ام رفيف : رفيف حبيبتي قومي ليش نايمة لهلق قومي
    رفيف : ماما نعسانة كتير مشان الله تركيني
    ام رفيف : انتي صرلك يومين ماعاجبتيني شبك
    رفيف : انا مافي شي
    رفيف صارت نفسا تلعي قامت بسرعة وفاتت ع الحمام وصارت تستفرغ
    رفيف : ماما انا منيحة بس شكلي اخدت برد
    ام رفيف : قلتلك مليون مرة تغطي منيح
    رفيف : خلص ماما متل مابدك بصير
    ام رفيف : اااخ من البنات ومن هم البنات
    ...........................
    ام سامر : حسام عم تسمعني .. اخوك متزوج هاي البنت ونحنا لازم نخلصو منا
    حسام : ماما خليه ياخدا انتي ليش ضددو حرام عليكي
    ام سامر : وبنت خالتك صرلا سنين عم تنطرو
    حسام : ماما وماصار نصيب شو هالشغلة
    ام سامر : خلص انا فكرت
    حسام : وبشو فكرتي بلله
    ام سامر : بدي سامر يطلقا
    حسام : اي طمني مارح يطلقا لو ع جثتو
    ام سامر : مو هو يلي رح يطلقا
    حسام : لكن مين
    ام سامر : انت
    حسام : كيف يعني
    ام سامر : رح خلي اخوك يعملك وكالة عأساس انت تكتبلو كتابو قدام اهلا وبتطلقا
    خسام : انا مستحيل اعمل هيك
    ام سامر : طيب اذا ماعملت هيك لاتحلم تتزوج خديجة
    حسام : ماما شو دخل هي بهي
    ام سامر : متل ماسمعت .... اسمعني يا ابني والله البنت فلتانة وانا سمعانة عنها حكي كتير واكيد طمعانة بأخوك
    حسام : ماما كيف بدا تطمع فيه وحبتو واحد فقير واندبوري
    ام سامر : هية بتكون عم توز براسو انو ياخدا لعندو بعد ماعرفت انو صار معو مصاري اما بالاول كانت عم تتسلى معو ما اكتر
    وضلت تزن براسو لحتى اقتنع
    بعد يومين دقت ام سامر لسامر
    سامر : اي ماما شو صار معك
    ام سامر : ابني اعمل وكالة لاخوك مشان يتكتبلك الكتاب على رفيف
    سامر : ليش ماما .. ما انا بدي انزل وجيبا
    حكيت مع اما وقال هنن بدو كتب الكتاب فورا
    سامر : ماما يعني رحتي لعندن
    ام سامر : اي رحت
    سامر : وشفتي رفيف
    ام سامر : لا
    سامر : طيب شو صار بالتفصيل
    ام سامر : قلتلا لاما انو انت ورفيف بتحبو بعض وبدنا رفيف الك ... وهية ما عترضت وقالت انو اذا رفيف موافقة بيكتبو الكتاب وبنعملا خطبة وعرس وبنبعتلك اياها او انت بنتزل
    سامر ،: يعني رفيف عرفت انو رحتو خطبتوها
    ام سامر : لا واما قالت انو مارح يخبرو رفيف مشان يفاجئوها
    سامر : طيب وهنن ليش مستعجلين على كتب الكتاب
    ام سامر : قال هيك عاداتن ..
    سامر : انا هلأ بروح ع المحكمة بعمل وكالة لحسام وببعتا
    ام سامر : اي منيح ...
    سامر : ماشي .. والله يخليلي اياكي يا احلا ام بالدني
    سكرت ام سامر التلفون وقالت ان شاء الله يقتنع بهل الكذبة
    سكر سامر التلفون وقال : واخيرا رح ارجع شوفك يا رفيف واخيرا ....اااه شو اشتقتلك
    دقلا
    سامر : الو حبي كيفك
    رفيف :كتير كتير مشتاقتلك
    سامر : والله انا اكتر
    رفيف : قلي شو اخبارك
    سامر : قبل الاخبار محضرلك مفاجئة
    رفيف : مفاجئة شو
    سامر : عم قلك مفاجئة
    رفيف : طيب وينها
    سامر : يومين وبتوصل
    رفيف : بدي ضل متحرقصة يومين
    سامر : خلص مابتلاقيها غير وصلت وهلأ انا صار لازم سكر سلام
    ....................
    بعد يومين
    تلفون رفيف عم يرن
    رفيف : الو
    حسام : مرحبا
    رفيف : اهلا مين
    حسام : انا حسام اخوه لسامر
    رفيف: اهلا حسام في شي
    حسام : بدي شوفك ضروري
    رفيف :خير في شي
    حسام : لا لاتخافي بس سامر بعتلك معي امانة
    رفيف : اوك ... وين بدك نلتقى
    حسام : انتي وين
    رفيف : انا بالجامعة
    حسام : انا رح شوفك بعد نص ساعة بالحديقة جنب الجامعة
    رفيف : ماشي
    بعد نص ساعة
    فاتت رفيف من باب الحديقة عم تدور على حسام ... شافتو وراحت لعندو
    رفيف : مرحبا
    حسام : اهلا تفضلي رتاحي
    قعدت رفيف جنبو ع المقعد
    حسام : تفضلي
    رفيف : شو هاد
    حسام : اقريهن بتعرفي
    اخدت الوراق رفيف وقرت
    رفيف : هي وكالة عاملها سامر لالك بس انا مافهمت
    حسام : سامر قلنا انو انتي مرتو
    رفيف ساكتة وناطرة ليخلص
    حسام : وبعتلي هاي الوكالة مشان طلقك انا بالنيابة عنو
    رفيف : شووووو
    حسام : متل ماسمعتي
    رفيف : لا انت كذاب
    حسام : هي الوكالة معك شوفيها
    رفيف : اكيد في غلط .. هي مزحة مو هيك
    حسام : لا مو مزحة ... يمكن هو معد بدو اياكي لما صار معو مصاري
    رفيف : مصاري؟؟
    حسام : ليش مابتعرفي انو سامر صار عندو بيت وسيارة وشغل محترم
    رفيف : لك شو هالتخبيص
    حسام : لحظة لفرجيكي صورو شكلو مانو مخبرك كمان
    فتح التلفون وفرجاها صور سامر وهو لابس تياب جديدة وراكب سيارة جديدة وصورة تانية قاعد ورا مكتب
    رفيف : لحظة لحظة انا اكيد بحلم
    حسام : للأسف هاي الحقيقة ... بس انا مادخلني وليش عمل معك هيك كمان مابعرف
    طلعت رفيف تلفونا واديها عم ترجف بدا تدقلو
    حسام طلع تلفونو بسرعة ودق ع رقم وقلا : رح احكي معو لتصدقي
    حسام : الو ... اي اخي ... اي انا هلأ معها ... مصدومة وعم تبكي
    رفيف : هات بدي احكي معو
    اخدت التلفون منو وحطتو ع ادنا سمعتو سكر الخط اتطلع ع الاسم كان مكتوب سامر اخي
    قعدت وصارت تبكي والنار شاعلة جواتا وحاسة حالا بدا تصرخ بأعلى صوتا
    حسام : انا صار لازم روح ... رفيف انتي طالق
    تركها وراح وهية وبلشت تضرب على وجها
    بنص الطريق حسام طلع تلفون رفيف من جبيتو رماه بالحاوية
    رفيف : مجنونة انا .. حيوانة ... دمرت حالي ... ليش ... ليش ... اااااااه ياربي ..
    وفجأة فقدت توزانا ووقعت ع الارض
    #############بااااااااااااك#######
    رفيف : هاد يلي صار
    سامر : بس انا محدا دقلي وقتا
    رفيف : مابعرف اذا انت او لأ لانو ماسمعت صوتك بس شفت اسمك ... واصلا وقتا قد ماكانت الصدمة قوية حسيت كل الدنيا وقفت
    سامر : انا دقولي وقلي حسام انو انتي مابدك اياني وطلبتي الطلاق وهو طلقك انا ماصدقت وبسرعة صرت دقلك بس كان خارج التغطية
    رفيف : انا هاتفي ضيعتو بعد ماغميت
    سامر : حتى القدر كان ضددنا ... بس انا لهلأ ماعرفت ليش اتزوجتيه لرجب بهل السرعة
    شردت بخيالا رفيف بس ماحكت
    ###########فلااااااا_باااااااك## ######
    فاقت كانت بالمشفى .. ورجب فوق راسا
    اتذكرت شو صار معا وصارت تبكي
    رجب : رفيف شبك
    رفيف : خبرو اهلي اني انا هون
    رجب : لا ماخبرتون
    رفيف: ايمت فيني اطلع من هون
    رجب : رفيف نحنا لازم نحكي
    رفيف : رجب انا تعبانة مابدي احكي شي وياريت تعملي تخريج مشان اطلع
    رجب : قبل ماتطلعي من هون بدي تقوليلي مين هو
    رفيف : شو يعني
    رجب : رفيف انتي حامل
    رفيف : شوووووو ...
    قعدت وصارت تضرب على حالا :ولي على امتي ... ولي على امتي شو عملت بحالي. . شوعملت بحالي انا
    انهارت ورجب ضما مشان تهدا
    رجب : رفيف اهدي كلشي الو حل .. انتي بس اهدي .. قوليلي مين هو
    رفيف : والله بالحلال والله ماعملت شي بالحرام
    رجب : شو يعني
    رفيف : تزوجني عرفي
    رجب : مين هو
    رفيف : مافيني احكي
    رجب :خلص اهدي كلشي الو حل
    رفيف : رجب ببوس ايدك هاد الولد بدي نزلو
    رجب : حرام عليكي هاي روح طاهرة وانتي عم تقولي بالحلال حرام تقتليها
    رفيف :شو بدي اعمل لكن
    رجب: اتزوجو قدام العالم كلا
    رفيف : ماهو ضحك علي وطلقني وسافر
    رجب : خلص انا بتزوجك
    رفيف : شووووو
    رجب : متل ماسمعتي .. والولد يلي ببطنك هو ابني
    رفيف : لا مستحيل اقبل ... انت مانك مجبور
    رجب : ممكن تسمعيني
    رفيف : شوفي
    رجب : انا بحبك
    رفيف انصدمت بس ماحكت
    رجب : اي بحبك ومن زمان .. بس ماكنت متجرأ احكي لانو انا
    رفيف بصوت تعبان : انت شو
    رجب : مابجيب ولاد
    رفيف : انت عم تحكي جد
    رجب : اي جد
    رفيف : انت شايف وقتو هالحكي
    رجب : انا هاي بعتبرا فرصة واجت لعندي انو كون مع البنت يلي بحبا وما انحرم من الولاد
    رفيف : لا انت اكيد جنيت
    رجب : اي جنيت .. معك مهلة لبكرا حتى تعطيني جواب ... بس فكري بلي ببطنك انو عم يكبر ومامعك وقت كتير
    رفيف : انا لازم خبر ابوه
    رجب : هلأ عم تقولي ضحك عليكي وهرب
    رفيف صفنت وصارت تبكي
    رفيف قد مانها مقهورة وحزناني وبدا تنتقم من حالا ع الشي يلي عملتو بغباء... قالت لرجب : انا موافقة
    ##############بااااااااااك########
    رفيف بعدا صافنة وعيونا مدمعين
    سامر : رفيف وين صرتي ماقلتيلي ليش اتزوجتيه لرجب
    رفيف : هو سر ولازم تعرفو
    سامر : شو هو
    رفيف : انا خبيت عنك شي كبير
    سامر : شو هو شغلتي بالي
    صار تلفون سامر يرن .. اتطلع ع الرقم وصفن
    رفيف : مين
    سامر : مامهم ... قوليلي شو هو السر
    رجع التلفون يرن
    رفيف : انا برأيي ترد
    سامر : طيب ماشي .. الو اي نايا
    رفيف لما سمعت اسم نايا جمدت مكانا وصارت تتطلع على سامر بصدمة
    سامر : شوفي شبك .... اي انا بللبنان مين خبرك .... شي مابخصك ..... ماني راجع .... كيفو سامي .... خلص بحكي معك بعدين عندي شغل ضروري
    وسكر
    رفيف : نايا مو هية نفسا بنت خالتك
    سامر : اي
    رفيف : وليش عم تتصل فيك ومين سامي
    سامر : رفيف شبك نايا مرتي وسامي ابني
    رفيف : شوووووو .... انت متزوج ؟؟؟_

    يتبع ............

+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

التعليقات المنشورة لا تعبر عن رأي موقع تو عرب ولا نتحمل أي مسؤولية قانونية حيال ذلك ( و يتحمل كاتبها مسؤولية النشر )

DMCA.com Protection Status