( الجزء الاول)
كانت لابسة فستان اسود طويل وشالة بيضة .. ماشية وعيون موظفين المشفى كلا عليها ..
رغم كسرتها والحزن يلي بعيونا الا انها ضلت البنت يلي ما حدا في يشوفا وما يطلع عليها .. جمالا وركازتا بيجذبو كل العيون عليها ..
بتول: صباح الخير
وقفت السكرتيرة واطلعت ببتول بحزن ..
السكرتيرة: صباح النور .. العمر الك ان شاء الله دكتورة
بتول بصوت مبحوح ومخنوق.. يسلم عمرك حبيبتي .. الدكتور رامز بمكتبو ؟
السكرتيرة: اي بالمكتب .. تفضلي
بتول: يسلمو
دقت الباب بهدوء ودخلت بعد ما سمعت الاذن بدخولا..
بتول: صباح الخير دكتور
اطلع فيها الدكتور رامز وهو متفاجئ..
رامز: بتول !!! صباح النور يا بنتي .. شو جابك
بتول: بدي قدم استقالتي
نصدم وقت سمعا هيك قالت .. اخد نفس واشرلا بانو تقعد.. رتاحي لاطلب شي تشربيه
قعدت بتول ع الكرسي ودمعتا معلقة بطرف عينا..
دق رامز ع التلفون وطلب تنين قهوة .. حط التلفون واطلع ببتول بحزن..
رامز: ما رح اسالك كيفك .. بعرف يلي مريتي فيه مو هين .. بس هاد قدرو يا بنتي وبدك تتقبليه
حطت بتول اديها ع عيونا وما قدرت تتحمل .. فرطت بالبكي ... مانو قدرو .. مانو قدرو يا دكتور.. انا السبب بيلي صار .. انا السبب
رامز: ليش هيك عم تحكي .. اكيد مو انت السبب .. وهيك ربنا رايد
بتول: لو ما طلبت منو يجي ياخدني ما كان مات .. لك ليش ما طلبت تكسي .. ليش
رامز: شو هالحكي يا بتول .. انت انسانة مؤمنة .. ربك هيك كاتب .. هالشي حرام .. ما بجوز
بتول: والله مو بئيدي يا دكتور... ضميري عم يانبني .. كل ما اتزكر شكلو بجننن .. ما عم اقدر اتحمل
رامز: لا يا بنتي .. هالشي غلط .. انت انسانة قوية .. من وانت طالبة بعرفك .. البنت يلي تحدت كل الصعوبات والظروف لتوصل لهالمشفى ما بتستسلم بهالسهولة .. انت انسانة قوية ورح تتجاوزي هالازمة
رامز كان عم يحكي وشهقات بتول عم تزيد .. مانا قدرانة تضبط حالا .. صرلا ايام ماسكة حالا قدام الناس .. بس الدكتور رامز كان بمقام ابوها .. لهيك فلتت حالا قدامو بالبكي ..
رامز: خلص يا بنتي بكفي .. استهدي بالله .. وقومي غسلي وشك
مسحت وشا بايدا اليمين وهي عم تتنهد .. حسبنا الله ونعم الوكيل ..
حست براحة كبيرة دخلت لقلبا بعد هالكلمة .. بس وجع قلبا ما في شي بيمحي .. قامت ع المغسلة يلي بالمكتب وغسلت وشا .. ندق الباب ودخلت السكرتيرة ومعا صينية القهوة وعليها كاسة مي ..
رامز: يسلمو اديكي
حطتا وطلعت وعيونا ما نشالو عن بتول ..نشفت بتول وشا ورجعت قعدت ع كرستا وهي عم تحاول تنظم نفسا وتحبس دمعتا ..
رامز: ارتحتي ؟؟
بتول: يعني .. شوي
رامز: مسكي المي .. شربيها
بتول: يسلمو دكتور
شربو القهوة سوا وهني ساكتين .. رامز كان بدو يخليها تهدا شوي وتاخد نفس لحتى يكمل حكيو معا..
رامز: بتول يا بنتي .. اطلعي فيني
اطلعت بتول بعيون دبلانة وحزينة .. اي دكتور
رامز: انت بتعرفي معزتك بقلبي .. وربي بيشهد انك متل بنتي فرح .. لهيك يابي بدك تسمعي مني ..
هزت راسا بتول وهي عم تقاوم دمعتا ومنزلي عيونا بالارض ...
رامز: هلا بتحملي حالك وبترجعي ع بيتك .. ولا عاد تجيبي سيرة الاستقالة .. ضلي بالبيت لوقت تحسي حالك جاهزة .. وبترجعي بتداومي
بتول: مستحيل .. ما فيني .. طيفو رح يلاحقني بكل المشفى .. من باب المشفى للاصانصيل .. للسرير النقال .. لغرفة العناية .. للتلاجة .. بكل مكان صورتو موجودة .. ما فيني .. مستحيل
تنهد رامز وهو عم يطلع فيها باسى .. طيب ماشي .. مممم .. رح انقلك ع فرعنا التاني ب...... شو رايك
بتول: اي بكون ممنونتك .. المهم ما ابقى هون
رامز: ماشي .. هيك بتشغلي حالك بالشغل.. وبتكوني بعيدة عن هون
بتول: بتشكرك كتير دكتور
رامز: لا تحكي هيك يا بتول .. انت بغلاوة فرح وما فيني اتركك هيك
وقفت بتول واستازنت منو وطلعت من المكتب ..
كانت ماشية بالشارع ومو حاسة ع شي غير نسمات الهوا يلي حاملة معا ريحتو .. عم تشم ريحتو بكل مكان بهالمدينة .. عم تستشنق عشقو ... عشقو يلي لساتو محفور بقلبا .. مانا متخيلة يمضى يوم من غيرو .. فكرة انو خلص ما عاد موجود عم تحرقا .. عم تاكل قلبا اكل ..
دموعا عم ينزلو بالغصب .. مانا قدرانة تتحكم فيهن .. كان بدا تصرخ بنص الشارع ... يااااااااا رب تعبت .. ماااني قدرانة ع فراااقو .. انا عم موت .. عم انحرق .. بكفيييي تعبت ما بدي عيش.. بدي روح لعندو .. ما فيني عيش من غير لمستو وحنيتو .. ما فيني عيش من غير ما،ضمو كل،يوم وحس بحنان قلبو..
هالصرخة كانت عم تصرخا بينا وبين حالا .. ما قدرت تطالعا لبرا .. اختل توازنا وهي ماشية .. سندت حالا بالحيط ليرجع توازنا .. وكملت مشي ...
( الجزء الثاني)
كانت ماشية وعم تتزكر قبل اسبوع ...
بتول: بلال .. هلا كل الخطاب هيك .. معقول كلن بيحبو بعض هيك
بلال: اكيد لا .. لانو مو كلن عندن بتول
اطلع فيها بكل حب وعشق وكمل .. تعي لعندي
اطلعت في بخجل .. اي مانا عندك .. ويني انا
بلال: اي انا بجي .. خليكي
وقف وراح قعد حدا ع الكنبة يلي قاعدة عليها ..
بتول: ههههههه.. لك هاي صغيرة .. ما بتكفينا تنيناتنا
بلال: اي قلتلك تعي وما اجيتي
قعد حدا ع الكنبة لصغيرة وكانو كتير قراب من بعضن .. اطلع فيها .. بوشا قديشو حلو .. هالوش يلي السمار معطيه جاذبية وانوثة ملفتة كتير .. عم يطلع بالعيون يلي مرسومة رسم .. عم يطلع بسوادن قديشو حلو وقديشو عم يعطيها غموض .. مسك شعرا الناعم المجعد بئيدو .. شم ريحتو وغمض عيونو ..
هي كان قلبا عم يدق بسرعة كبيرة .. صرلن تلت شهور خاطبين .. بس لاول مرة بيقرب منها هيك وبيطلع فيها وهو قريب منا لهالدرجة ..
كان بدا تحط راسا ع صدرو العريض .. تحس بلمسة ايدو الرجوليه ع ضهرا .. كان بدا تشم ريحة دفا عن قرب .. بدا تحس بحنيتة .. بدا تسمع دقات قلبو .. كل هالافكار كانت براسا وهو عم يطلع بعيونا ..
وقت غمض عيونو طلعت من افكارا ووقفت فورا.. بلال شو صرلك .. قوم هلا حدا بيجي
بلال: اي شبك .. يعني ما صار شي .. وازا حدا اجا .. انت حلالي ولا ناسية
بتول: مممم .. لا مو ناسية .. بس.. بس
بلال: ههههههههه .. شكلك بجنن وقت تتلبكي
اطلعت في بخدودا الموردة من الخجل وكملت حكي بدلع .. اي وكيف بكون سيد بلال
بلال: ههههههه .. لك تقبري البي .. خدودك بيصيرو بلون الورد الجوري الاحمر .. وعيونك بيلمعو وبيلعبو .. وصوت دقات قلبك بيسمعا يلي بتاني حارة
حطت اديها ع خصرا وميلت حالا.. بالا شو .. اي احكي عن حالك هالشي
وقف وقرب لعندا ومسكلا ايدا وحطا ع قلبو .. اي انا بيكفيني شوفك لحتى دقات قلبي توصل لتاني حارة
كان عم يحاكيها وعيونن تنيناتن عم يبرقو .. دخلو بعالم تاني .. عالم العشق والهيام
بس قطعلن هالشرود صوت اما يلي دقت الباب ودخلت ...
ام بتول: شو يا حلوين .. شو عم تعملو
تلبكت بتول كتير وخجلت وزورتو لبلال وراحت قعدت مطرحا .. ولاشي امي .. ولا شي
بلال: هههههههههههه .. كانت عم تعايني مرت عمي
ام بتول: ههههههه .. اي كتير منيح
اطلع فيها بلال .. ايا ساعة بيخلص دوامك بكرة
بتول: 9 الصبح ان شاء الله
بلال: اي كتير منيح .. لحتى ننزل ع السوق ونشوف فستان العرس
بتول: اي ماشي .. وقت خلص بدقلك
تاني نهار بالمشفى ... خلصت بتول شغلا
بتول: رح دقلو لبلال يجي ياخدني بسيارتو .. بلا ما اهلك هلا بالمواصلات ... الوو .. كيفك حبيبي
بلال: يا عيونو لحبيبك .. مشتاق موووت
بتول: تسلم لقلبي .. مممم بلال
بلال: لك يا قلبو لبلال .. يا نبضو .. يا ضو عيونو
بتول: اييييي .. خلاااص
بلال: لك وقت بدك تحاكيني ضخمي لصوتك قد ما فيكي .. ما فيني اتحملا لهالنبرة .. بتشلني شللل
بتول: ههههههههه .. سلامة قلبك عمري
بلال: ولا تضحكي .. بربك لا تضحكي
بتول: لك رح انسى لشو اتصلت
بلال: هههههههه .. خلص كملي.. كملي
بتول: بقول انوو .. من بعد ازنك فيك تجي تاخدني من المشفى .. ما بدي اخد تكسي
بلال: اي مو تكرمي .. ركيض رح اجي .. جهزي حالك .. جايي ع طول
بتول: تسلملي شو بحبك .. بس انتبه وانت سايق .. لا تستعجل
بلال: اي ما فيني ما استعجل .. العيون السود عم ياكلو عقلي اكل .. ما فيني ما اركض ركض لشوفن
سكرت الخط معو وهي عم تتبسم .. كلماتو كانو عم ترن بادنا رن .. كلماتو وحنانو ومشاعرو كانت غامرتا غمر .. ما كان فيها انو ما تعشقو .. ليش شو بدا منو اكتر من كلمة حنونة .. ومشاعر صادقة ..
راحت ع غرفة الدكاترة وجهزت حالا .. كانت عم تتخيل الفستان الابيض يلي رح تشتري .. وتتخيل بردة فعلو لبلال وقت يشوفا فيه ..
جهزت حالا وطلعت لتستنا برة .. مضى اكتر من ساعة وهي لساتا عم تستنا .. استغربت كتير ..
بتول: غريبة لساتو ما وصل .. رح دقلو
دقتلو مرة وتنين وتلاتة وما رد .. قلبا صار يوجعا .. حست بشي مانو مزبوط .. مستحيل بلال ما يرد ع اتصالا من اول رنة .. في شي غلط ..
قامت صارت تمشي بالممرات وهي فكرا عم ياخدا ويجيبا..
بتول (الجزء الثالث)
كانت ماشية بالممرات وهي كتير متوترة وعم تفرك باديها .. وفجاة سمعت صوت الاسعاف.. وركض الدكتور والممرضين لعند الباب ..
بتول: شو صاير
الممرض: حادث دكتورة بتول .. حادث
غص قلبا وركضت معن لعند الباب لتحاول تساعد .. فتحو باب سيارة الاسعاف .. ونزلو الشب ع الحمالة .. كان وشو كلو دم .. كانت عم تطلع في من ورا القزاز ومانو مبين منيح .. كل الممرضين حواليه .. شي ماسك الاكسجين وشي ماسك السيرون .. دفشو النقالة وقربت منا .. اطلعت بالشب ووقفت وهي مصدومة ... مانا مصدقة يلي عم تشوفو قدام عيونا ..
بتول: ب.. ب.. بلال .. بلال .. بلاااااال .. لك هاد بلال .. بلال
ركضت لعند النقالة وهي مانا مستوعبة .. صارت تدفش معن النقالة وهي كتير متوترة وملبكة ... بدا تساعدو .. بدا تعمل ايا شي ..
بتول: لك عجلووو .. عجلووو .. لك هاد بلال .. لك هاد حبيبي .. لك عجلوووووو
دفشو النقالة ع الاصانصيل .. وقفت حدو وصارت تمسح الدم عن وشو ودموعا عم ينزلو ع خدودو .. بلال .. حبيبي .. لا تروح .. لا تروح خليك معي .. بترجاك ما فيني بلاك .. بترجاك خليك معي .. ما فيني بلاك..
كل يلي معا كانو عم يطلعو فيها وهني مصدومين .. كلن بيعرفوها لدكتورتن بتول .. وكلن بيعرفو قديش بتحبو لبلال .. و بانو عرسا بعد اسبوع ..
الممرض: طولي بالك دكتورة .. طولي بالك
انفتح باب الاصنصيل ودخلو فورا ع غرفة العناية المركزة .. دخلت معو وبلشت تجهز بالادوات .. كانت متل المجنونة .. شوي تمسك الادوات وشوي تروح لعندو تحاكيه وهو مانو واعي ع شي ..
الدكتور : بتول .. طلعي لبرا بترجاكي .. نحنا بنسعفو
بتول: ما فيني اتركو .. مااا فيني
الدكتور: بتول انت هيك عم تئزي .. طلعي لاقدر ركز بشغلي
اشر بئيدو للممرضات ليطالعوها .. مسكوها وطالعوها لبرا وهي عم تصرخ .. بلال .. دكتور ساعدو .. بترجاك ساعدو ..
طلعت لبرا .. وما قدرت تتمالك حالا .. فقدت توازنا .. مسكوها الممرضات ووصلوها للمقعد..
الممرضة: طولي بالك دكتورة .. الله يشفيه
بعد نص ساعة من الانتظار .. طلع الدكتور والدموع بعيونو .. عم يطلع فيها بكل حزن ..
بتول: لا تقولا .. اوووعك تقولا .. بدبحكن .. بدبحكنن كلكتننن
الدكتور: انا لله وانا اليه راجعون
ما قدرت بتول تستوعب .. صارت تطلع فيه وتهز راسا متل المجنونة .. هههههههه .. لا .. مستحيل .. عم تمزح اكيد .. بلال ما بيروح .. لااا ما بيروح من غيري .. ما في بلاييي .. بعد هيك بعدددد
دفشتو ودخلت لعندو لبلال .. كان مسطح ع التخت ووشو مغطى .. ما قدرت تستوعب المنضر .. ركضت لعندو وشالت الغطى عن وشو ..
بتول: بلالللللل .. بلال .. حبيبي فيق .. فييييق
مسكت صاعق الكهربا وصارت تحطو عليه لتفيقو .. بلاللللللل .. ما تروووح .. لك ساعدوووو .. ساعدووو لبلال .. لك هاد حبيبي ما فيني بلاه .. بربببببكن ساعدوه لحبيبي.. يا بلااااال .. فيق .. فيق حبيبي .. يااا ربيي دخيييلك .. ياااا ربيييي
كل يلي بالغرفة كانو عم يبكو ع شكلا .. ما في اصعب من انو تشوف يلي بتحبو قدامك ميت وما فيك تفيقو .. ما في اصعب من فراق روحك .. الكل كان عم يطلع فيها ويبكي ع الموقف يلي نحطت فيه .. مسكتا الممرضة من كتافا وهي عم تبكي من شكلا ... دكتورة خلص .. بترجاكي خلص .. بلال خلص عمرو .. وحدي ربك .. هاد قدرو
هالكلمة سكتتا .. و نزلت ع ركبا ع الارض ودموعا عم يشرو ع خدودا .. لا اعتراض على حكمك يا ربي .. لا اعتراض على حكمك .. يا ربي صبر قلبي .. يا الله
كل هالشي تذكرتو بتول وهي ماشية بالشارع وكانو عم يصير هلا قدام عيونا .. وما شافت حالا غير وصلت لباب بيتا .. مسحت دموعا بئيدا و فتحت الباب ودخلت .. كان ابوها واما قاعدين بالصالة ..
بتول: السلام عليكم
ام بتول وابوها: وعليكم السلام ورحمة الله
ضلت ماشية ع غرفتا .. ما حاكتن شي ..
ام بتول: بتول حبيبتي الاكل جاهز ماما .. غيري تيابك وتعي
حاكتا وهي ماشية من غير ما تطلع فيها .. ماني جوعانة امي
ام بتول: بس....
مسكا زوجا من ايدا وسكتا... مانك شايفة وشا ... تركيها
دخلت بتول لغرفتا وزتت حالا ع تختا .. وفرطت بالبكي اكتر .. وغفيت وهي عم تبكي ..
فاقت بعد بشي ساعة ع صوت الاذان .. مسحت دموعا يلي لساتن معلقين بعيونا ورددت ... لا اله الا الله .. يا رب لك الحمد .. لك الحمد يا الله
قامت من تختا وغيرت تيابا وطلعت ع الحمام توضت ورجعت ع غرفتا ووقفت ع المصلاية وبلشت تصلي .. كانت عم تقرا قران ودموعا يهرو ع خدودا .. خلصت صلاة وسجدت ع المصلاية ودعت ربا من كل قلبا ... يا ربي صبرني .. وعططيني القدرة لاتحمل هالوجع .. يا ربي نور دربي واكتبلي الخير بكل خطوة بخطيها يا الله ..
رفعت راسا وحست براحة كبيرة .. وكانو شي مسح ع قلبا .. وهداها..
بتول (الجزء الرابع)
طلعت لبرا .. لعند اما .. تغديتو امي
اطلعو فيها ابوها واما بكل حزن ..وهني متفاجئين من سؤالا..
ام بتول: اي يا قلبي سبقناكي .. هلا بسكبلك
بتول: لا ماما .. انا بسكب
ابو بتول: تعي تعي يابي .. مشتقلك .. هلا امك بتسكبلك
قعدت بتول حد ابوها وحطت راسا ع كتفو .. غمضت عيونا وهي عم تتزكرو لبلال .. كانت بحاجة لحضنو لتحس بشوية امان يلي راحو مع موت بلال .. ضلت ساكتة ولمسات ابوها الحنونة ع شعرا عم تهديها.. وبعد بدقائق من الهدوء..
بتول: بابا انا نقلت شغلي ل.......
اطلع فيها ابوها وهو مستغرب.. ليش يابي
بتول: هيك احسن .. ما فيني ابقى بنفس المشفى يلي بلال مات فيه
تنهد ابوها وهو عم يمسح ع شعرا بكل حنية .. متل ما بدك يابي .. بس كيف رح تبقي لوحدك هنيك
بتول: ماني لوحدي يابي .. انا رح ابقى بالمشفى .. وكل اخر اسبوع بجي يومين او تلاتة اجازة
ابو بتول: متل ما بدك يا روحي
بالمسا جهزت بتول شنتة السفر .. حطت فيها كم قطعة تياب ... ومسكت قنينة العطر وشمتا..
بتول: هاد يلي بقيلي منك .. ريحتك
فتحتا ورشت منا ع مخدتا لتنام ع ريحتو .. ورجعت رشت جواة الشنتة وحطتا بين تيابا وسكرت الشنتة .. وتسطحت ع تختا ونامت فورا من تعبا وارهاق جسما ..
تاني نهار فاقت ع بكير .. جهزت حالا ولبست تيابا وودعت اما وسافرت ...
وصلت هنيك وتوجهت ع المشفى فورا .. دخلت وتوجهت لغرفة المدير...
السكرتيرة: تفضلي .. بشو فيني اخدمك
بتول: انا الدكتورة بتول .. موظفة جديدة عندكن .. فيني شوفو للدكتور عامر
السكرتيرة: اي تفضلي .. اهلا وسهلا .. هو عم ينطرك جوا
دقت الباب ودخلت بعد ما سمعت صوتو عم ياذنلا تفوت..
بتول: صباح الخير
اطلع فيها عامر بعيون متفحصة..
عامر: صباح النور ... الدكتورة بتول ؟؟
بتول: اي .. هي
تبسملا ... ووقف رحب فيها واشرلا لترتاح.. تفضلي يا بنتي ..
قعدت بتول .. وطلب عامر فنجانين قهوة
عامر: العمر الك يا بنتي .. الدكتور رامز خبرني بظروفك .. بتمنى هالمشفى تكون وجه خير عليكي
اطلعت عليه بعيونا الدبلانة .. وهزت راسا .. ان شاء الله
وهيك بلشت بتول حياة جديدة .. حياة بعيدة عن ذكرياتا مع بلال .. كانت عم تقاوم حزنا ووجعا بكل قوتا .. ما بدا تنكسر ع اول ضربة الها من الحياة ..
من وهي صغيرة وهي مميزة ومعروف عنا قديش هي مثابرة .. كانت بالمقدمة بكلشي .. بالكشافة .. بالاذاعة .. بالمختبرات .. بعلاماتا .. بكلشي .. واجهتا كتير مشاكل اثناء دراستا للدكتوراة وتخطتا بكل قوة وجبروت .. لوقت تعرفت ع بلال يلي كان مرافق لامو المريضة ..
حبا بلال من وقت ما شافا كيف بتعامل المرضى .. وشاف قديش هي انسانة نضيفة وحلوة من جوا قبل ما يشوف جمالا الخارجي يلي بيسحر ايا رجال .. اضافة لادبا ودينا يلي بتمنى ايا شب عم يدور ع شريكة حياتو وام ولادو ..
بلال: يعطيكي العافية دكتورة .. عزبناكي
بتول: لا وعشو .. هاد واجبي .. ربي يخليلك ياها وما يحرمك منا
بلال: دكتورة فيني اطلب منك طلب
بتول: اي طبعا .. تفضل
بلال: فيني اخد رقمك .. من بعد ازنك
بتول: لا تقلق .. رح ابقى حدا للوالدة وما حاتركا .. ما رح يلزمك الرقم
بلال: هااا .. اي ماشي خلص .. يسلمو
بلال كان عم يختبرا .. بدو يشوف ردة فعلا .. وهي عملت حالا مانا فهمانة لشو بدو الرقم .. وهالشي يلي جذب بلال لالها اكتر ..
بلال: امي .. بعرف مو وقتو .. بس لقيتا لكنتك واخيرا
ام بلال: ههههههه .. اي وانا لقيتا .. ما تخاف وقت شوف الجو مناسب بحاكيها
قرب بلال منا وهو عم يضحك وباس راسا .. اي تسلملي يلي بتفهمني انا ..
وبهاللحظة دخلت بتول عليهن..
بتول: الله يخليكن لبعض يا رب
غمزت ام بلال ابنا ليطلع برا .. وهو ما كزب خبر .. وطلع ركيض..
ام بلال: دكتورة بتول انت ما في منك .. ربي يحفظك لاهلك
بتول: تسلميلي خالة .. وابنك اسم الله ما في منو .. كتير حنون عليكي
ام بلال: اااخ .. الحمد لله .. بلال هو وحيدي .. وضو عيوني .. ما الي غيرو بهالدنيي .. ومتل مانك شايفة ما بفارقني ابدا ..
كانت بتول عم تسمعلا وهي عم تتبسم وتقسلا بضغطا..
ام بلال: صرلي سنة كاملة عم دورلو ع بنت الحلال .. وهو زوقو كتير صعب .. بدو بنت كاملة مكملة .. بدو دين وجمال وادب وعلم .. كنت قاطعة الامل بهالمواصفات لوقت شفتك يا بنتي ..
خجلت بتول ووردو خدودا وتلبكت .. تسلميلي خالة .. ربي يسعدك
ام بلال: يعني بما انو انت دكتورة ما بتوقع يكون عندك مانع انو اطلب ايدك بالمشفى هههههههه
بتول: ههههههههههه .. بصراحة ما تخيلتا ولا حسبتلا حساب من قبل
ام بلال: بقا شو قولتك .. ابني مانو دكتور ولا مهندس.. بس الحمد لله متعلم ومخلص مجستير عربي .. وعم يحضر للدكتوراة .. وهو حاليا موظف بمدرسة لوقت يخلص الدكتوراة .. وبيتو جاهز ومانو ناقصو شي
بتول: الله يخليلك ياه خالة
بتول .. تابع الرابع
ام بلال: يعني نقرا الفاتحة يا بنتي
نصدمت بتول وفتحت عيونا ع وسعهن.. لاا شو فاتحة .. خالة هلا بعطيكي رقم تلفونا لامي وتفاهمي معا..
ام بلال: اي كتير منيح .. ربي يحميكي يا بنتي
وهيك تمت خطبتا لبتول من بلال .. هاد كان نصيبا وقدرا .. التقو بالصدفة وحبا وحبتو وتمت خطبتهن بس لتذوق هالعذاب ويتلوع قلبا .. بس ايمانا بربنا عطاها القوة لتتجاوز هالازمة .. كانت شامخة وعم تبين حالا قديش هي قوية وما فيها تنكسر بالوقت يلي كانت عم تنحرق من جوا ..
مرت عليها لحظات كتير صعبة بالمشفى .. كانت كل ما تشوف شب مرضان تتزكر وشو لبلال المليان دم .. تغص وتتوجع كتير وترجع تحاول تتماسك وتكمل ..
كل يلي حواليها كانو سند لالها .. طيبتها واخلاصها بشغلا خلاهن كلن يحبوها ويساعدوها للتجاوز ازمتها ..
ومشت الايام وبلشت بتول تتاقلم مع وجعا وتتناسا بلال .. كانت تمرق عليها لحظات تحس روحا رح تطلع من شوقا الو .. بس بكل مرة كانت تتجاوزا لهاللحظة بقوة اكبر من المرة يلي قبلا ..
بتول ( الجزء الخامس)
ضلت حالا لبتول هيك .. عم تقوي حالا وتشغل حالا بمساعدة المرضى .. وبيوم كانت جاية حالة ولادة صعبة كتير .. الست كانت عم تنزف كتير .. دخلوها لغرفة العمليات وطلبو كل الدكاترة يلي فيهن يساعدوها..
كانت بتول واقفة حدا وعم تجهزا للعملية وقت اجاها صوت من وراها ..
معتز: يعطيكن العافية .. كيف وضعا
بتول غمضت عيونا .. نسيت كلشي حواليها .. نسيت الصوت ونسيت الناس كلا وقت ريحة عطرو لمعتز تغلغلت بانفا..
التفتت لعندو ع امل تشوفو لبلال حدا .. هالريحة ريحة بلال .. ريحة عطرو لبلال .. التفت ع معتز بعيونا المليانة دموع ..
بتول: بلال ...
معتز: عفوا دكتورة .. انا الدكتور معتز
صحيت ع حالا وقت شاافتو .. كانت بدا شي معجزة لتحول صاحب هالريحة لحبيبا يلي راح ..
هزت براسا واشرتلو .. تعا ساعدني .. عم تنزف
رجعت حاولت تركز بشغلا وتساعدا للمريضة .. خلصو شغلن وطلعو من غرفة العمليات ..
بتول: يعطيك العافية .. حضرتك دكتور جديد
معتز: الله يعافيكي .. انا معتز ابنو للدكتور رامز
بتول: اهااا .. اهلا وسهلا .. مو كنت باميركا انت
معتز: ههههه .. ماشاء الله عليه بابا مخبر الكل .. اي صح كنت باميركا .. بس مليت من الغربة .. ورجعت لارضي
شي من جوا جذبها لالو .. تغيرت ملامح وشا وبرقو عيونا بالغصب .. يمكن لقت شي من ريحة بلال .. او يمكن هالانسان من النوع يلي بيرتحلو القلب من اول نظرة ..
طردت كل الافكار يلي براسا فورا .. واعتبرتا خيانة لبلال .. اهلا وسهلا فيك .. بالازن منك ويعطيك العافية .. ومشيت بسرعة قبل لعيونا تفضحا..
وقف معتز عم يراقبا وهي ماشية .. قديش هي انسانة راكزة وهادية حتى بمشيتا .. اعجب بشخصيتها كتير .. كانت مزيج من القوة يلي شافا فيها وهي عم تساعد المريضة .. والجمال وهي عم تطلع بعيونو ... والادب وهي عم تهرب من نظراتو كل ما حستو عم يركز النظر فيها .. والهدوء والركازة وهي عم تحاكيه ..
معتز من سنين سافر ع اميركا كمل دراستو الدكتوراة وتخصص ..واثناء دراستو تعرف ع دكتورة هنيك وحبا وتزوجو .. بس دمو العربي والاسلامي ما قدر يتحمل تصرفاتا يلي كانت بعيدة كل البعد عن الدين .. لهيك طلب منا انو تسلم .. بس هي رفضت .. فانفصلو وقرر يرجع ع ارضو ليكسب دينو وما يعود يغلط غلطة تانية ويتزوج اجنبية كمان مرة ..
تركتو بتول واقف وعم يتامل فيها وركضت ع غرفتا .. يا ربي .. مو معقول .. شو عم يصير .. فتحت خزانتا الصغيرة وطالعت قنينة العطر وصارت تشم فيها ودموعا عم ينزلو ..
بتول: ليش هلا .. شو يلي طالعو بحياتو .. لك بعد ما تعودت ع غيابو .. ليش هيك عم يصير .. ليش
ومن بعدا ما قدرت بتول تتحكم بحالا .. حبا لبلال خلاها تلحقو لمعتز وين ما يروح .. كانت بدا ايا شي يرجعا لزكرياتا مع بلال .. بلشت بريحة عطرو لمعتز .. وصارت شوي شوي تتامل بتفاصيلو .. اديه الرجولية يلي متل اديه لبلال .. صحيح اديه لبلال كانو اعرض .. بس كمان هدول عراض .. عم تتامل شكلو سمارو .. شعرو .. كل شي فيه كان يزكرا ببلال ..
صارت تحاول ترسم صورة بلال بمعتز .. لدرجة صارت تتخيلو هو .. صار قلبا يدق لا اراديا وقت تشوفو او تلمحو ..
وبنفس الوقت معتز كان يوم عن يوم يعجب فيها وبشخصيتها اكتر واكتر .. صار يتعمد يضل حدا ويرافقا بكل شغلا .. لوصل لمرحلة ما عاد يقدر يبعد عنا ابدا .. وصورتا ما تفارقو لا بليل ولا بنهار..
معتز: دكتورة بتول
دق قلبا وقت سمعت صوتو عم يندهلا .. التفتت وراها وتبسمت لا اراديا ..
بتول: هلا دكتور .. خلصت دوامك ؟
معتز: اي خلصت .. واجيت لدردش معك شوي قبل لاطلع
بتول: اي تفضل
معتز: هوون!! (وهزلا براسو).. لا لا ما بيمشي الحال .. بدي روق من جو المشفى
بتول: مممم .. انا من زمان ما تمشيت .. بتحب نطلع نتمشى
معتز: يا ريت
بتول: اي ماشي .. بس لجيب شنتايتي
ركضت بتول لغرفتا وجابت الشنتة وهي مانا مصدقة حالا .. كانت ملهوفة لتحاكي .. بدا تفهمو وتدخل بتفاصيلو اكتر .. كانت عم تتمنى بينا وبين حالا تلاقي جواتو بلال .. وتفكير بلال .. بدا بلال بايا طريقة ..
طلعت من الغرفة .. كان وقف واديه بجيابو وباين عليه كتير ملبك ..
بتول: شبك .. شو صاير
معتز: هاا .. لا ولاشي .. تفضلي
بتول ( الجزء السادس)
مشيو سوا .. كانت غصة بقلبا كبيرة .. مانا فاهمة حالا .. بدا بلال .. وبنفس الوقت كانت حاسة بانو هي هيك عم تخونو .. بس مشاعرها ما الها سلطة عليها ..معتز عم ياسرها .. عم يتغلغل جواة قلبا شوي شوي .. عم يسيطر ع تفكيرا ومشاعرا .. ما عم تقدر تهرب من هالشي .. ولا فيها تطالعو من تفكيرا ابدا ..
معتز: شبك دكتورة .. في شي
بتول: لا لا ولاشي .. سلامتك
اطلع معتز للسما والعتمة بلشت تتغلغل فيها ..
معتز: وقت كنت باميركا .. كنت اشتهي امشي بالشوارع بهيك هدوء .. كنت كتير ايام ابكي من شوقي لهالشوارع ولهالبيوت ..
بتول: الغربة كتير صعبة .. موو
معتز: ما بتتخيلي قديش صعبة .. بتحرقك من جوا وبتسلبك من حالك
بتول: والغربة عن حالك!! شو ممكن تعمل فيك
تفاجا معتز من سؤالا وكمل ..
معتز: هي اصعب انواع الغربة .. بس فيكي تتجاوزيها
وقفت بتول واطلعت فيه ودموعا عم يبرقو جواة عيونا .. كيف .. كيف فيك تطلع من غربتك عن حالك .. كيف فيك تتحكم بحالك وتفهم مشاعرك
تصفن معتز بهالعيون يلي ضو الشارع عكس عليهن والدموع عطوهن جمال فوق جمالن .. اطلع بهالوش البريئ المكسور .. يلي كان عم يستنجد فيه ..
معتز: بانك تصارحي حالك .. وقت بتكوني صريحة مع حالك بتتريحي كتير .. وبتعرفي وجهتك .. صارحي حالك ولا تسمحي لايا شي يوقف بطريقك .. يلي مريت في انا علمني كتير .. علمني ما اوقف ع ايا شي .. علمني ضل ماشي شو ما صار .. علمني ما انكسر وما انهز .. ممكن احزن وممكن انجرح وممكن اتعب وممكن روحي تتعزب .. بس انو وقف لا .. وانو انهزم واستسلم لا ..
حكيو لمعتز كانت كتير بتول بحاجتو .. بتول بكل هالسنين ما كان الها صاحبة غير امها .. ما كان الها حدا لتفضفضلو ويحس فيها ... و معتز من تجربتو.. فهم عليها .. وكان حاسس فيها .. بس يلي كان محيرو نظرات عيونا يلي كلا خوف .. ما كان قدران يفسر هالخوف يلي بعيونا ..
تنهدت بتول .. انت .. انت مريت بتجربة حب
كمل مشي معتز وهو عم يضحك..
معتز: هههههه.. ما بعرف ازا كانت حب او شو .. يمكن حب ويمكن نزوة .. ما بعرف
بتول: كيف يعني
معتز: وقت كنت بالجامعة .. كانو كل الشباب هنيك مصاحبين بنات .. وبحكم عاداتن كان هالشي طبيعي .. وكان الكل مستغرب مني انو ماني مصاحب .. فصرت حاول دور بين هالبنات ع بنت تناسبني لحبا هههههه
بتول: ايييي .. وبعدا
معتز: بعدا تعرفت ع جوليا .. كنت انا سنة تانية وهي سنة اولى .. وقت شفتا مدري شو صرلي .. صرت الحقا بعيوني وين ما راحت وهي لاحظت هالشي واجت هي وحاكتني ... هههههه وحبيتا .. ولحتى ما اوقع بالحرام خبرت اهلي لاتزوجا .. امي جنت وعارضت بس ابي وافق وقلي فورا بتتزوجا .. كان فهمان علي وخاف انو اوقع بالحرام نتيجة علاقتي فيها ... وكانت لحسن الحظ تاخد حبوب منع حمل كرمال دراستا .. وضلينا سوا .. وطول هالفترة كنت اختنق من تصرفاتا .. واغلب وقتنا كان خناقات .. هي كانت تتصرف ع طبيعتها .. بس انا هالشي ما كان مريحني .. وبالاخير طلبت منا انو تسلم وتتحجب وهي رفضت .. واصرت تبقى متل ما هي .. لهيك نفصلنا ومن بعدا رجعت فورا ..
بتول: قديش صرلو هالشي
معتز: شي خمس شهور .. تعزبت كتير بالبداية .. الفترة يلي عشتا معها كانت طويلة .. صح كانت كلا خناقات بس تعلقت فيها كتير .. لهيك ما قدرت ابقى هنيك
بتول: ههههههه يعني هربت متلي
معتز: ههههههه هيك شي
بتول: بتشكرك كتير دكتور معتز .. بصراحة الحكي معك لا يمل .. بس تاخر الوقت .. رح ارجع
معتز: انا يلي بتشكرك .. اخدت من وقتك .. بس كنت كتير بحاجة لحدا احكي معو
بتول: لا ولا يهمك .. كتير فرحت بالحكي معك
دخلت بتول ع غرفتا وهي حاسة براحة كبيرة .. حكيو لمعتز بيدخل القلب .. تريحت كتير بالحكي معو .. صرلا من وقت راح بلال ما حست بهيك راحة
ومشت الايام وبتول لساتا مانا قدرانة تصارح حالا بحب معتز .. ومانا فهمانة ع حالا .. يا ترى هاد حب ولا شو .. وازا كان حب .. ليش لتحب من بعدو لبلال .. ما كانت تتخيل هالشي يصير ابدا .. بس مشاعرها من ربنا .. ما الها سلطة عليها .. ويمكن هالشي كان اكبر نعمة لالها
وبعد شي اسبوع ...
معتز: مرحبا
وقت حاكاها دقات قلبا زادت .. وحمرو خدودا .. هي ع هالحالة دائما .. وصارت عم تدايق من حالا .. لانو هالخدود صارو يفضحوها..
ووقت حمرو هالخدودا زادت جمال فوق جمالا .. ويلي خلاه لمعتز يجن جنانو ويقرر بانو يصارحها.. ما عاد فيه يتحمل اكتر .. بدو يعرف هالطريق لوين بدا توصلو .. وانو يكمل فيه او يرجع ..
بتول: هلا دكتور
معتز: معك وقت خمس دقايق
بتول: تفضل
معتز: مو هون .. بدي حاكيكي بشي ضروري
بتول: اي ماشي .. سبقني ع الكافتيريا .. لاحقتك
شو يلي عم يصير معا .. ليش هي هيك بحضورو ..حاولت اكتر من مرة انو تتمالك حالا .. بس ابدا ما كان فيها .. هي وقعت وخلص ..
بتول (الجزء السابع)
زبطتت حجابا وراحت لعندو ع الكفتيريا .. كان طالب فنجانين قهوة وقاعد والتوتر باين عليه ..
بتول: مرحبا
معتز: تفضلي دكتورة
وقت قربت منو حست حالا حدو لبلال .. ما بتعرف صدق شعورا .. بس هاد يلي كانت عم تحس فيه .. وكانت كتير فرحانة بانها وجدت الشخص يلي حسسها بوجود بلال ..
معتز: بصراحة دكتورة ومن غير مقدمات .. انت انسانة رائعة بكل معنى الكلمة
زادت دقات قلبا يلي ما هديت من وقت حاكاها ووردو خدودا .. هالشي يلي خلاه لمعتز يتلبك اكتر .. وفات بحالو وصار يطلع بعيونا ليسرح فيهن لعلا وعسا ينسى لبكتو ..
بتول: شكرا كتير دكتور
معتز: انا يلي لازم اتشكرك .. انا وقت اجيت لهون ما كنت متوقع انو اتاقلم بهالسهولة مع هالجو لجديد بعد غربة سنين .. بس بفضلك انت صرت حب هالمكان مو بس تاقلمت معو ..
تبسمت بتول واطلعت فيه بعيون محتارة وخايفة ...
معتز: بس يلي مخوفني ومحيرني هالنظرة يلي بعيونك ..
خافت بتول يكون فهملا وتلبكت ..
بتول: كيف يعني
معتز: نظرة الخوف يلي بعيونك .. ما عم بقدر فسرا
ضلت ساكتة وعم تطلع بئديها يلي بلشو يرجفو من توترا... وعم تحاول تتمالك حالا لحتى ما ينزلو دموعا..
اي كان بدا تبكي .. ما عاد فيها تتحمل اكتر .. هي عم تضغط ع حالا كتير .. عم تحارب قلبا ومشاعرا .. حرب النفس كتير صعبة .. وخاصة ازا كانت من بعد كسرة قلب ..
حس معتز بتوترها وشاف الدمعة يلي بعيونا وكمل ..
بتول (الجزء الثامن)
معتز: دكتورة ... بصراحة .. انا.. انا سالت الوالد عنك .. وخبرني بقصتك كاملة ..و حابب اعرف ازا كان عندك استعداد لتجربة جديدة .. لانو بصراحة اكتر انا معجب فيكي .. وكل مالني عم اغرق اكتر .. فحابب اعرف انو كمل الطريق او وقف.. ما عاد الي قدرة داري اكتر ..
سرحت بتول كتير .. وافكار كتيرة تصارعت ببالا .. بلال .. هاي خيانة لبلال.. لا .. لا .. ليش خيانة .. انا لساتني بحبو .. وبحبو كتير .. اصلا انا حبيتو لمعتز لانو زكرني ببلال.. ووقفت عند هالكلمة .. (حبيتو) .. هلا جد انا حبيتو .. ما بعرف.. اي ما بعرف .. طيب ازا ما حبيتو شو هالمشاعر اسما .. معقول تكون لبلال مو الو .. طالعا من افكارا صوتو لمعتز..
معتز: بعتزر منك دكتورة .. يمكن انا تماديت معك ودايقتك..
قوت حالا وسحبت نفس واطلعت فيه بكل قوة ..
بتول: كيف!! لا ابدا ... انت ما غلطت .. بس انا مخربطة شوي .. رح حاكيك بصراحة وما رح خبي عليك .. انت اول شخص بيدق قلبي لالو من بعدو لبلال .. عم شوف بلال فيك.. انا.. انا كتير مخربطة .. ماني قدرانة فسر مشاعري .. ما بعرف ازا كانت هالمشاعر الك او لبلال .. وماني حابة اظلمك معي واظلم حالي وعزبا اكتر ..
فرح كتير معتز وقت حاكتو هيك وكمل.. خدي راحتك .. ماني مستعجل .. خلينا نتعرف ع بعض اكتر وبعدا بتقرري .. انا حاسس بهاللخبطة يلي فيكي وهالخوف يلي بعيونك وقت تطلعي فيه ما بدي يضل بعيونك .. عطيني فرصة لاتقرب منك اكتر وساعدك ..
بتول: اي بس انا ما بعمل علاقات برانية
معتز: اي بعرف .. الوالد خبرني .. وهالشي زاد اصراري عليكي .. خلينا نخطب هلا .. وخلي الخطبة لوقت ما تحسي حالك هديتي وقررتي .. وبوعدك ما ازعل من قرارك
بتول: دكتور معتز.. انت انسان كتير بتريح القلب .. بتشكرك كتير لوجودك بحياتي .. انت رجعتلي روحي مرة تانية
معتز: كتير فرحان بهالحكي هاد .. نتوكل ع الله وخبر اهلي
بتول: اي ماشي .. ونعم الوكيل
تمت خطبتن لمعتز وبتول .. وصارت بتول تتعامل مع معتز باريحية اكتر .. صارت تاخد راحتها وقت بدا تحاكيه .. واطلقت العنان لمشاعرها يلي سحبتها مرة تانية لعالم العشق والهيام والوله .. بلال بقي بقلبا .. بس صارت وقت تتزكرو تنطق اسمو لمعتز .. ووقتا تاكدت بانو عشقها لمعتز وصل للمرحلة يلي وصل فيها عشقها لبلال ..
بتول: معتز حبيبي
معتز: لك يا قلبو لمعتز .. دخيل عينك شو بحب هاللمعة بعيونك السود
نزلت راسا بخجل وكملت .. بصراحة انا هلا صار فيني قلك وبكل جراة باني بعشقك .. وبموت فيك .. وما فيني بلاك
وقت قالتلو هيك صار قلبو يدق من فرحتو ما قدر يتمالك اعصابو .. كان ناطر هاللحظة ع احر من الجمر وخايف تكون نتيجتها سلبية ..
قرب منا من غير وعي وضما وعيونو كلن دموع ..
بتول: هههه.. معتز .. معتز .. لك بعد نحنا بالمشفى ..
بعد عنا وهو عم يتاسف .. متاسف حياتي .. لك يا الله قديش كنت خايف من هاللحظة .. ليك .. ما رح انطر اكتر .. رح بلش بتجهيزات العرس فورا .. رح احجزلك احلا صالة .. وبكرة بعد الدوام رح نروح سوا لنشوف فستان العرس ..
وقت قلا عن فستان العرس .. غصت واختفت ابتسامتا الحلوة ..
معتز: شبك حياتي
بتول: ولاشي حبيبي .. بس .. بس .. ما فيني ما اتزكرو لهداك اليوم
قرب منا معتز ومسك وشا بئديه التنتين .. زكرى وراحت .. فكري بيلي جاي .. بعرسنا .. بحياتنا .. يلي راح .. خلص راح واختفى
رجعت بسمتا وقت حست بالامان والدفا من كلماتو .. وهزتلو براسا ..
جهزو لعرسن.. وحجزو باضخم صالة .. واجمل فستان ابيض..
ناس كتير مجمعين بالصالة ..الكل كان فرحان لبتول يلي ربنا جبر كسر قلبا .. الكل فرحان وعم ينطرا لتطل بفستانا الابيض .. ويشوفو بسمتا من بعد كل هالعذاب..
كانت عم تجهز حالا وقلبا عم يدق .. ندق الباب ودخل معتز بزيو الرسمي الاسود وربطتو الحمرا .. وقت شافا دمعو عيونو .. كانت متل الاميرات بطلتها .. جذابة وكلا انوثة ..
فستان ابيض بكمام دانتيل .. ناعم كتير متل،نعومة وشا .. وطرحة مفرودة ع راسا زايدتا جمال،فوق جمالا..
مدلا ايدو ومسكا ودخلو سوا ع الصالة وصوت الصلاة ع النبي عم يضج فيها .. وامو وامها وراهن وهني كتير فرحانين لهالقلبين يلي ربنا وفق بيناتن .. وجبر كسرة قلبن ..
بتول (الجزء التاسع)
مشت الايام ومعتز وبتول عم يتعلقو ببعضن اكتر .. معتز لقي فيها كل المواصفات يلي كان يحلم فيها .. علم وجمال وادب ودين ..
وبتول لقت فيه بلال .. حبا الاول .. او عشقا الاول .. ومعتز بتعاملو معا وحنيتو عليها خلاها تتعلق في وما تعود تفكر بغيرو ..
كانت بغرفة الدكاترة .. عم تجهز حالا لتطلع وتبلش معايناتا من بعد خلصت اجازتا ..
اجاها معتز من وراها وضما .. كيفا دكتورتي الحلوة
سحبت حالا من بين اديه بخجل .. واطلعت فيه بعيونا المليانة وله وحب ... مشتاااقة
مسكلا انفا باصابيعو بخفة..
معتز: لك اي يسلملي المشتاق انا
بتول: ههههههه تسلملي يا قلبي .. يالا مشي ع شغلك
معتز: حاااضر دكتورة بتول .. بس ليكي دوامنا سوا هاا
ميلت راسا ورفعت حواجبا.. اكيييد لاا .. خلص ايام الدلع راحت ههههههه
معتز: والله !! اي ماشي .. هلا رح حاكي للدكتور رامز وبنشوف
بتول: ههههههههه
كانو احلا عشاق .. ع طول سوا بكلشي .. كل مين يشوفن يحسدن ع حياتن .. يلي كانت يوم عن يوم عم تحلا وتحلا .. لحتى اجا هداك اليوم يلي قلبلن حياتن..
الممرضة: دكتور معتز في ست بدا ياك
معتز: اي دخليها
ندق الباب ودخلت .. اطلع فيها معتز ووقف وهو مصدوم..
معتز: جوليا!!
جوليا: شتقتلك حبيبي
وقربت منو وضمتو ..
معتز تلبك كتير وما عرف كيف يتصرف ..
وبهاللحظة دخلت بتول..
بتول: معتز حبيبي رح.......
وما كملت حكيا وقت شافتن بعيونا ..
جوليا وقت سمعتا نزلت اديها عنو والتفتت ع بتول ..
جوليا: مين هاي يلي عم تقلك حبيبي
بتول ضلت واقفة مطرحا وهي مصدومة وعم تنطر معتز ليفسرلا يلي شافتو ..
معتز: هاي الدكتورة بتول .. مرتي
اطلعت فيه جوليا وهي مصدومة ..
جوليا: شوووو .. مرتك .. لك لحقت تتزوج .. ما صرلنا غير سنة منفصلين .. بهالسهولة قدرت تنساني
معتز: جوليا لو سمحتي ما بدي فضايح بالمشفى .. انت لشو جايي
اطلعت فيه جوليا ودموعا بعيونا ..
جوليا: هلا هيك .. عم تسال لشو جايي ..
وضمتو وكملت حكي .. جيت لشوفك حبيبي ..
بتول شعلت النار بقلبا .. وطلعت من المكتب وهي كتير معصبة ..
شال معتز اديها عنو بعصبية ... وبعد عنها..
معتز: جوليا خلصنا .. يلي بينا انتهى .. لشو جايي
جوليا: معتز انا بحبك كتير .. وماني قدرانة انساك
معتز: بس انا خلص نسيتك .. انا تزوجت .. خلص كلشي انتهى
وقفت جوليا لحظات وهي ساكتة ... واطلعت فيه ..
جوليا: انااا .. انا ما قلتلك
معتز: شو ما قلتيلي
جوليا: من بعد ما تركتني ... اكتشفت انو انا ... انا حامل
نصدم معتز وتوتر .. شوووو .. شو عم تحكي وكيف هيك
جوليا: معتز .. حبيبي .. نحنا صار عنا ولد بيجنن
قرب منا معتز ومسكا من كتافا.. لك عم تجدبيها .. كيف هييييك
فلتت جوليا حالا منو وبعدت عنو وهي عم تطلع فيه بعصبية : هاد يلي صار .. انت عندك ولد .. ولد
وتركتو بحيرتو وطلعت من المكتب .. وقفت وهي ماسكة الباب .. رح ارجع وقت تهدا
قعد معتز ع كرسي المكتب ومسك راسو بئديه وهو كتير متلبك ... يا ربي شو هالمصيبة هي .. شو رح اعمل هلا
طلع من مكتبو وراح لعند بتول .. كانت عم تعاين بمريض..
معتز: بتول
اطلعت فيه بتول ورجعت كملت مع المريض من غير ما تحكي شي ..
مسكا معتز من ايدا وطالعا لبرا ..
معتز: بتول .. نحنا لازم نحكي
بتول: تركني هلا .. ماني قدرانة احكي
معتز: بس انا مالي خبر بجيتا .. وما بعرف شو جابا
بتول: ومالك خبر كيف ضمتك كمان .. موووووو
معتز: بتول بلا حركات مراهقين .. هي اجت لعندي وضمتني وانا بعدتا عني
بتول: معتز .. عندي شغل هلا .. بعدين بنحكي
وفلتت ايدا منو وراحت ع شغلا .. وهو الف سؤال وسؤال براسو .. متلبك ومتحير كيف رح يطلع من هالقصة ..
بتول (العاشر)
خلصو شغلن ومتل العادة جهزو حالن ليرجعو ع بيتن سوا ... ركبو بالسيارة وهني تنيناتن ساكتين..
معتز: بتول حبيبتي .. رقتي
ضلت ساكتة بتول وما جاوبت ..
مسك معتز ايدا وباسا.. بتول حبي .. لساتك ما بتوثقي فيني .. لك انا بعشقك ومستحيل زعلك او اجرحك
تنهدت بتول والدموع بعيونا واطلعت فيه .. معتز .. جوليا رجعت .. حبيبتك وعشيقتك رجعت .. فهمان شو يعني .. يعني خلص .. دوري انا خلص
وغطت عيونا باديها وفرطت بالبكي..
وقف معتز السيارة وضما بكل قوتو .. لك شو عم تحكي .. لك ايا حبيبة وايا عشيقة .. يا قلبي انت .. ما في غيرك حبيبة وعشيقة .. جوليا خلص .. طلعت من قلبي وحياتي ..
كان عم يحكي وهي دموعا عم تنزل ع كتافو .. لفتو باديها وزادت بالبكي ..
بتول: معتز لا تتركني بترجاك .. ما فيني ارجع اتعزب مرة تانية .. وجودك بحياتي كان معجزة .. بترجاك ما فيني اتحمل حياتي بدونك..
رفع راسا باديه واطلع بعيونا المليانة دموع.. حبي لا تفكري هيك .. مستحيل اتركك .. انت كل حياتي وما رح اتخلى عنك ..
باس جبينا ومسحلا دموعا بئديه .. مسكت راحة ايدو يلي كانت ع خدودا وباستا وهي عم تحاول تتمالك حالا..
معتز: اهدي حياتي .. ولا تخلي الافكار السودا تدخل لراسك ..
هزت براسا ومسحت دموعا..
رجع شغل السيارة ومشي .. ودخل بدوامة من الافكار والحيرة.. يا ربي لك ازا عرفت انو عندي ولد شو رح يصير فيها .. انا ضروري حلا مع جوليا ..
هالليلةكانت كتير صعبة عليهن.. بتول كان قلبا واجعا .. مانا حمل وجع فقد جديد .. وفراق جديد..
معتز حملو كتير تقيل .. جوليا طلعت من قلبو وما عاد بدو ياها .. بس هالولد شو زنبو .. بيضل ابنو وما في يتخلى عنو .. بس كيف رح يحلا مع جوليا..
تنيناتن بحاجة لبعض .. بدن بعض .. مالن غير بعض .. ضمو بعضن ونامو ..
تاني نهار وكالعادة راحو ع دوامن بالمشفى .. معتز كان عم ينطر ع احر من الجمر بخبر من جوليا .. ما الها عنوان عندو .. ولا في يتواصل معا ..
بعد بساعة من دوامن دق تلفونو لمعتز ..
معتز: الو
جوليا: كيفك .. روقت
معتز: جوليا .. وينك انت
جوليا: اي روق روق .. ليكني معك حبي
معتز: نحنا لازم نحكي
جوليا: ههههه اي ماشي حبيبي .. بنحكي .. هلا بجي لعندك
معتز: لا .. لااا .. انا بجي .. عطيني العنوان
جوليا: ما بدك المدام تشوفني .. مو هيك
معتز: جولياااا .. عطيني العنوان
جوليا: اي ماشي ماشي .. رووق .. انا بفندق ...... .. عم انطرك ..لا تتاخر
ترك معتز كلشي وطلع من المشفى ركيض لعلى وعسى يقدر يحلا للقصة ..
وصل الفندق ودقلا ع الرقم يلي دقتلو منو .. اي جوليا .. نزلي عم انطرك بالصالة
جوليا: ما بيمشي الحال كرمال البيبي .. طلاع لعندي .. غرفة 211
صار قلبو يدق لمعتز وقت قالتلو عن ابنو .. فففففف ماشي ماشي .. ليكني جاي
طلع بالاصنصيل وهو كتير متلبك .. شو رح يعمل وكيف رح يشوفو لابنو .. حيرة وخوف وقلق ..
وصل دق الباب وفتحتلو جوليا .. نصدم وقت شافا ورجف جسمو وتلبك بزيادة ..
كانت لابسة فستان دانتيل احمر قصير لعند الركبة .. مفصلا جسما كلو ومبين مفاتنا..
انتبهت علي جوليا وفهمتو .. هي كانت مرتو سنين وفاهمتو كتير منيح وعارفة شو يلي بحرك مشاعرو ..
ضمتو وباستو ع خدو بوسة ناعمة .. وهمست بادنو .. شتقتلك
رجف قلبو لمعتز .. ورجع سنين لورا .. هالريحة والصوت والجسم .. كلن تزكرن معتز بهاللحظة هاي..
حاول يتمالك حالو وبعدا عنو وبصوت مهزوز .. جوليا .. لازم نحكي
تبسمت جوليا وبعدت عنو .. اي بنحكي تفضل
دخل لجوا وهو عم يدور بعيونو ع ابنو .. كان طفل متل الملاك نايم ع التخت .. قرب منو بخطوات بطيئة .. واشر بايدو ..
معتز: هاد هو
جوليا: اي .. هو .. هاد ابنك معتز .. ابنا
قعد معتز ع طرف التخت وكمل .. كيف جبتي رقمي
اجت جوليا حدو ع التخت .. مانا صعبة كتير .. من المشفى اخدتو
معتز: اهاا .. فيكي تفهميني كيف حملتي .. مو كنتي تاخدي حبوب منع حمل
جوليا: باخر فترة خربطت شوي فيهن
معتز: جوليا .. انت لازم تروحي من هون .. لازم ترجعي .. وانا.. انا رح ابعتلكن يلي بدكن ياه الك وللولد
اطلعت فيه جوليا بعيونا يلي بلون السما .. بس انا بدي ياك معتز .. نحنا بدنا ياك .. نحنا بحاجة نبقى حدك ..
وحطت راسا ع كتفو ..
وقف بسرعة وكمل حكيو وهو متجه للباب .. انت ما رح تبقي هون .. فهمي هالشي .. نحنا يلي بينا انتهى وخلص .. وهالولد ما رح يغير شي .. مااا رح يغير .. فهمانة ..
وطلع من الباب .. جن جنانا لجوليا وصارت تكسر كلشي قداما ... stupid.. stupid.. screw you
طلع معتز من عندا ورجع فورا ع المشفى .. وهو داخل كانت بتول بالممرات ..
بتول: معتز .. وين كنت
معتز: هااا .. كان عندي شغل ضروري حبيبتي .. صاير شي
بتول: لا ابدا .. بس نشغل بالي عليك
معتز: لا تشغلي بالك حياتي .. رح البس الروب واجي
بتول (الحادي عشر)
مرق هالنهار بصعوبة كبيرة ع معتز .. وبدموع من جوليا .. جوليا رجعت ع امل تلم شملا مع معتز .. بس نصدمت وقت لقيتو متزوج ووقت حست عليه قديش بحبا لبتول .. لدرجة انو ما عاد يطلع بعيونا ابدا ..
تاني نهار ...
معتز: صباح الخير .. كيفك
جوليا: اهلا معتز .. مو منيحة ابدا .. مووو منيحة
معتز: جوليا ... انت لازم تتقبلي الوضع لجديد
جوليا: Noooooo معتز Nooooo .. ما بقدر اتقبل .. معتز I love you.. dont beleave me
تنهد معتز .. جوليا .. الوضع ختلف عن قبل .. ونحنا انفصلنا بقرار مشترك .. وانا هلا عندي حياتي الخاصة
جوليا: بس انا شتقتلك .. وبدي ياك
معتز: جوليا .. رح جهزلك بطاقة السفر وابعتا .. جهزي حالك
حكا هيك وسكر الخط ..
معتز: يا ربي ساعدني .. يا ربي ثبتني
بعد بساعتين من اتصالو بجوليا .. كان عم يتغدا هو وبتول بالكفتيريا دق تلفونو .. وكان رقما لجوليا .. تلبك وهو عم يطلع بالتلفون..
بتول: شبك .. مين عم يدقلك
معتز: اي .. هاد .. هاد رفيقي من اميركا .. رح حاكيه واجي
اخد التلفون وطلع لبرا .. ضلت بتول عم تطلع عليه من القزاز وهو عم يحكي ..
معتز: اي جوليا
جوليا: معتز .. انا جاهزة .. بس بليز .. بدي ودعك .. لاخر مرة .. بليز لا تقول لا
سحب نفس طويل وفرك صباحو بئيدو .. اوووووخ .. طيب ماشي هلا بعد ساعة بكون عندك
جوليا: اوك .. عم انطرك
رجع معتز ع الطاولة ..
بتول: صاير شي
معتز: لا حبي .. ما في شي
خلصو غداهن ورجعو ع الشغل .. وبعد بشوي طلع معتز من المشفى وراح لعند جوليا .. طلع لعندا فورا ع الغرفة .. دقلا وفتحتلو ..
وقت شافا رجف كل جسمو .. كانت بقمة الاثارة..
معتز: جوليا شو هاااد.. ما رح فوت وانت هيك .. لبسي بسرعة
جوليا: شبك .. مو عم تقول انو طلعت من قلبك .. ليش لتخاف .. تعا
معتز: جولياااا .. انت بتعرفي ديني منيح .. خلص لبسي ورح فوت بعدا .. عم انطرك هون
دخلت لجوا بعصبية .. وبعد بش
كانت لابسة فستان اسود طويل وشالة بيضة .. ماشية وعيون موظفين المشفى كلا عليها ..
رغم كسرتها والحزن يلي بعيونا الا انها ضلت البنت يلي ما حدا في يشوفا وما يطلع عليها .. جمالا وركازتا بيجذبو كل العيون عليها ..
بتول: صباح الخير
وقفت السكرتيرة واطلعت ببتول بحزن ..
السكرتيرة: صباح النور .. العمر الك ان شاء الله دكتورة
بتول بصوت مبحوح ومخنوق.. يسلم عمرك حبيبتي .. الدكتور رامز بمكتبو ؟
السكرتيرة: اي بالمكتب .. تفضلي
بتول: يسلمو
دقت الباب بهدوء ودخلت بعد ما سمعت الاذن بدخولا..
بتول: صباح الخير دكتور
اطلع فيها الدكتور رامز وهو متفاجئ..
رامز: بتول !!! صباح النور يا بنتي .. شو جابك
بتول: بدي قدم استقالتي
نصدم وقت سمعا هيك قالت .. اخد نفس واشرلا بانو تقعد.. رتاحي لاطلب شي تشربيه
قعدت بتول ع الكرسي ودمعتا معلقة بطرف عينا..
دق رامز ع التلفون وطلب تنين قهوة .. حط التلفون واطلع ببتول بحزن..
رامز: ما رح اسالك كيفك .. بعرف يلي مريتي فيه مو هين .. بس هاد قدرو يا بنتي وبدك تتقبليه
حطت بتول اديها ع عيونا وما قدرت تتحمل .. فرطت بالبكي ... مانو قدرو .. مانو قدرو يا دكتور.. انا السبب بيلي صار .. انا السبب
رامز: ليش هيك عم تحكي .. اكيد مو انت السبب .. وهيك ربنا رايد
بتول: لو ما طلبت منو يجي ياخدني ما كان مات .. لك ليش ما طلبت تكسي .. ليش
رامز: شو هالحكي يا بتول .. انت انسانة مؤمنة .. ربك هيك كاتب .. هالشي حرام .. ما بجوز
بتول: والله مو بئيدي يا دكتور... ضميري عم يانبني .. كل ما اتزكر شكلو بجننن .. ما عم اقدر اتحمل
رامز: لا يا بنتي .. هالشي غلط .. انت انسانة قوية .. من وانت طالبة بعرفك .. البنت يلي تحدت كل الصعوبات والظروف لتوصل لهالمشفى ما بتستسلم بهالسهولة .. انت انسانة قوية ورح تتجاوزي هالازمة
رامز كان عم يحكي وشهقات بتول عم تزيد .. مانا قدرانة تضبط حالا .. صرلا ايام ماسكة حالا قدام الناس .. بس الدكتور رامز كان بمقام ابوها .. لهيك فلتت حالا قدامو بالبكي ..
رامز: خلص يا بنتي بكفي .. استهدي بالله .. وقومي غسلي وشك
مسحت وشا بايدا اليمين وهي عم تتنهد .. حسبنا الله ونعم الوكيل ..
حست براحة كبيرة دخلت لقلبا بعد هالكلمة .. بس وجع قلبا ما في شي بيمحي .. قامت ع المغسلة يلي بالمكتب وغسلت وشا .. ندق الباب ودخلت السكرتيرة ومعا صينية القهوة وعليها كاسة مي ..
رامز: يسلمو اديكي
حطتا وطلعت وعيونا ما نشالو عن بتول ..نشفت بتول وشا ورجعت قعدت ع كرستا وهي عم تحاول تنظم نفسا وتحبس دمعتا ..
رامز: ارتحتي ؟؟
بتول: يعني .. شوي
رامز: مسكي المي .. شربيها
بتول: يسلمو دكتور
شربو القهوة سوا وهني ساكتين .. رامز كان بدو يخليها تهدا شوي وتاخد نفس لحتى يكمل حكيو معا..
رامز: بتول يا بنتي .. اطلعي فيني
اطلعت بتول بعيون دبلانة وحزينة .. اي دكتور
رامز: انت بتعرفي معزتك بقلبي .. وربي بيشهد انك متل بنتي فرح .. لهيك يابي بدك تسمعي مني ..
هزت راسا بتول وهي عم تقاوم دمعتا ومنزلي عيونا بالارض ...
رامز: هلا بتحملي حالك وبترجعي ع بيتك .. ولا عاد تجيبي سيرة الاستقالة .. ضلي بالبيت لوقت تحسي حالك جاهزة .. وبترجعي بتداومي
بتول: مستحيل .. ما فيني .. طيفو رح يلاحقني بكل المشفى .. من باب المشفى للاصانصيل .. للسرير النقال .. لغرفة العناية .. للتلاجة .. بكل مكان صورتو موجودة .. ما فيني .. مستحيل
تنهد رامز وهو عم يطلع فيها باسى .. طيب ماشي .. مممم .. رح انقلك ع فرعنا التاني ب...... شو رايك
بتول: اي بكون ممنونتك .. المهم ما ابقى هون
رامز: ماشي .. هيك بتشغلي حالك بالشغل.. وبتكوني بعيدة عن هون
بتول: بتشكرك كتير دكتور
رامز: لا تحكي هيك يا بتول .. انت بغلاوة فرح وما فيني اتركك هيك
وقفت بتول واستازنت منو وطلعت من المكتب ..
كانت ماشية بالشارع ومو حاسة ع شي غير نسمات الهوا يلي حاملة معا ريحتو .. عم تشم ريحتو بكل مكان بهالمدينة .. عم تستشنق عشقو ... عشقو يلي لساتو محفور بقلبا .. مانا متخيلة يمضى يوم من غيرو .. فكرة انو خلص ما عاد موجود عم تحرقا .. عم تاكل قلبا اكل ..
دموعا عم ينزلو بالغصب .. مانا قدرانة تتحكم فيهن .. كان بدا تصرخ بنص الشارع ... يااااااااا رب تعبت .. ماااني قدرانة ع فراااقو .. انا عم موت .. عم انحرق .. بكفيييي تعبت ما بدي عيش.. بدي روح لعندو .. ما فيني عيش من غير لمستو وحنيتو .. ما فيني عيش من غير ما،ضمو كل،يوم وحس بحنان قلبو..
هالصرخة كانت عم تصرخا بينا وبين حالا .. ما قدرت تطالعا لبرا .. اختل توازنا وهي ماشية .. سندت حالا بالحيط ليرجع توازنا .. وكملت مشي ...
( الجزء الثاني)
كانت ماشية وعم تتزكر قبل اسبوع ...
بتول: بلال .. هلا كل الخطاب هيك .. معقول كلن بيحبو بعض هيك
بلال: اكيد لا .. لانو مو كلن عندن بتول
اطلع فيها بكل حب وعشق وكمل .. تعي لعندي
اطلعت في بخجل .. اي مانا عندك .. ويني انا
بلال: اي انا بجي .. خليكي
وقف وراح قعد حدا ع الكنبة يلي قاعدة عليها ..
بتول: ههههههه.. لك هاي صغيرة .. ما بتكفينا تنيناتنا
بلال: اي قلتلك تعي وما اجيتي
قعد حدا ع الكنبة لصغيرة وكانو كتير قراب من بعضن .. اطلع فيها .. بوشا قديشو حلو .. هالوش يلي السمار معطيه جاذبية وانوثة ملفتة كتير .. عم يطلع بالعيون يلي مرسومة رسم .. عم يطلع بسوادن قديشو حلو وقديشو عم يعطيها غموض .. مسك شعرا الناعم المجعد بئيدو .. شم ريحتو وغمض عيونو ..
هي كان قلبا عم يدق بسرعة كبيرة .. صرلن تلت شهور خاطبين .. بس لاول مرة بيقرب منها هيك وبيطلع فيها وهو قريب منا لهالدرجة ..
كان بدا تحط راسا ع صدرو العريض .. تحس بلمسة ايدو الرجوليه ع ضهرا .. كان بدا تشم ريحة دفا عن قرب .. بدا تحس بحنيتة .. بدا تسمع دقات قلبو .. كل هالافكار كانت براسا وهو عم يطلع بعيونا ..
وقت غمض عيونو طلعت من افكارا ووقفت فورا.. بلال شو صرلك .. قوم هلا حدا بيجي
بلال: اي شبك .. يعني ما صار شي .. وازا حدا اجا .. انت حلالي ولا ناسية
بتول: مممم .. لا مو ناسية .. بس.. بس
بلال: ههههههههه .. شكلك بجنن وقت تتلبكي
اطلعت في بخدودا الموردة من الخجل وكملت حكي بدلع .. اي وكيف بكون سيد بلال
بلال: ههههههه .. لك تقبري البي .. خدودك بيصيرو بلون الورد الجوري الاحمر .. وعيونك بيلمعو وبيلعبو .. وصوت دقات قلبك بيسمعا يلي بتاني حارة
حطت اديها ع خصرا وميلت حالا.. بالا شو .. اي احكي عن حالك هالشي
وقف وقرب لعندا ومسكلا ايدا وحطا ع قلبو .. اي انا بيكفيني شوفك لحتى دقات قلبي توصل لتاني حارة
كان عم يحاكيها وعيونن تنيناتن عم يبرقو .. دخلو بعالم تاني .. عالم العشق والهيام
بس قطعلن هالشرود صوت اما يلي دقت الباب ودخلت ...
ام بتول: شو يا حلوين .. شو عم تعملو
تلبكت بتول كتير وخجلت وزورتو لبلال وراحت قعدت مطرحا .. ولاشي امي .. ولا شي
بلال: هههههههههههه .. كانت عم تعايني مرت عمي
ام بتول: ههههههه .. اي كتير منيح
اطلع فيها بلال .. ايا ساعة بيخلص دوامك بكرة
بتول: 9 الصبح ان شاء الله
بلال: اي كتير منيح .. لحتى ننزل ع السوق ونشوف فستان العرس
بتول: اي ماشي .. وقت خلص بدقلك
تاني نهار بالمشفى ... خلصت بتول شغلا
بتول: رح دقلو لبلال يجي ياخدني بسيارتو .. بلا ما اهلك هلا بالمواصلات ... الوو .. كيفك حبيبي
بلال: يا عيونو لحبيبك .. مشتاق موووت
بتول: تسلم لقلبي .. مممم بلال
بلال: لك يا قلبو لبلال .. يا نبضو .. يا ضو عيونو
بتول: اييييي .. خلاااص
بلال: لك وقت بدك تحاكيني ضخمي لصوتك قد ما فيكي .. ما فيني اتحملا لهالنبرة .. بتشلني شللل
بتول: ههههههههه .. سلامة قلبك عمري
بلال: ولا تضحكي .. بربك لا تضحكي
بتول: لك رح انسى لشو اتصلت
بلال: هههههههه .. خلص كملي.. كملي
بتول: بقول انوو .. من بعد ازنك فيك تجي تاخدني من المشفى .. ما بدي اخد تكسي
بلال: اي مو تكرمي .. ركيض رح اجي .. جهزي حالك .. جايي ع طول
بتول: تسلملي شو بحبك .. بس انتبه وانت سايق .. لا تستعجل
بلال: اي ما فيني ما استعجل .. العيون السود عم ياكلو عقلي اكل .. ما فيني ما اركض ركض لشوفن
سكرت الخط معو وهي عم تتبسم .. كلماتو كانو عم ترن بادنا رن .. كلماتو وحنانو ومشاعرو كانت غامرتا غمر .. ما كان فيها انو ما تعشقو .. ليش شو بدا منو اكتر من كلمة حنونة .. ومشاعر صادقة ..
راحت ع غرفة الدكاترة وجهزت حالا .. كانت عم تتخيل الفستان الابيض يلي رح تشتري .. وتتخيل بردة فعلو لبلال وقت يشوفا فيه ..
جهزت حالا وطلعت لتستنا برة .. مضى اكتر من ساعة وهي لساتا عم تستنا .. استغربت كتير ..
بتول: غريبة لساتو ما وصل .. رح دقلو
دقتلو مرة وتنين وتلاتة وما رد .. قلبا صار يوجعا .. حست بشي مانو مزبوط .. مستحيل بلال ما يرد ع اتصالا من اول رنة .. في شي غلط ..
قامت صارت تمشي بالممرات وهي فكرا عم ياخدا ويجيبا..
بتول (الجزء الثالث)
كانت ماشية بالممرات وهي كتير متوترة وعم تفرك باديها .. وفجاة سمعت صوت الاسعاف.. وركض الدكتور والممرضين لعند الباب ..
بتول: شو صاير
الممرض: حادث دكتورة بتول .. حادث
غص قلبا وركضت معن لعند الباب لتحاول تساعد .. فتحو باب سيارة الاسعاف .. ونزلو الشب ع الحمالة .. كان وشو كلو دم .. كانت عم تطلع في من ورا القزاز ومانو مبين منيح .. كل الممرضين حواليه .. شي ماسك الاكسجين وشي ماسك السيرون .. دفشو النقالة وقربت منا .. اطلعت بالشب ووقفت وهي مصدومة ... مانا مصدقة يلي عم تشوفو قدام عيونا ..
بتول: ب.. ب.. بلال .. بلال .. بلاااااال .. لك هاد بلال .. بلال
ركضت لعند النقالة وهي مانا مستوعبة .. صارت تدفش معن النقالة وهي كتير متوترة وملبكة ... بدا تساعدو .. بدا تعمل ايا شي ..
بتول: لك عجلووو .. عجلووو .. لك هاد بلال .. لك هاد حبيبي .. لك عجلوووووو
دفشو النقالة ع الاصانصيل .. وقفت حدو وصارت تمسح الدم عن وشو ودموعا عم ينزلو ع خدودو .. بلال .. حبيبي .. لا تروح .. لا تروح خليك معي .. بترجاك ما فيني بلاك .. بترجاك خليك معي .. ما فيني بلاك..
كل يلي معا كانو عم يطلعو فيها وهني مصدومين .. كلن بيعرفوها لدكتورتن بتول .. وكلن بيعرفو قديش بتحبو لبلال .. و بانو عرسا بعد اسبوع ..
الممرض: طولي بالك دكتورة .. طولي بالك
انفتح باب الاصنصيل ودخلو فورا ع غرفة العناية المركزة .. دخلت معو وبلشت تجهز بالادوات .. كانت متل المجنونة .. شوي تمسك الادوات وشوي تروح لعندو تحاكيه وهو مانو واعي ع شي ..
الدكتور : بتول .. طلعي لبرا بترجاكي .. نحنا بنسعفو
بتول: ما فيني اتركو .. مااا فيني
الدكتور: بتول انت هيك عم تئزي .. طلعي لاقدر ركز بشغلي
اشر بئيدو للممرضات ليطالعوها .. مسكوها وطالعوها لبرا وهي عم تصرخ .. بلال .. دكتور ساعدو .. بترجاك ساعدو ..
طلعت لبرا .. وما قدرت تتمالك حالا .. فقدت توازنا .. مسكوها الممرضات ووصلوها للمقعد..
الممرضة: طولي بالك دكتورة .. الله يشفيه
بعد نص ساعة من الانتظار .. طلع الدكتور والدموع بعيونو .. عم يطلع فيها بكل حزن ..
بتول: لا تقولا .. اوووعك تقولا .. بدبحكن .. بدبحكنن كلكتننن
الدكتور: انا لله وانا اليه راجعون
ما قدرت بتول تستوعب .. صارت تطلع فيه وتهز راسا متل المجنونة .. هههههههه .. لا .. مستحيل .. عم تمزح اكيد .. بلال ما بيروح .. لااا ما بيروح من غيري .. ما في بلاييي .. بعد هيك بعدددد
دفشتو ودخلت لعندو لبلال .. كان مسطح ع التخت ووشو مغطى .. ما قدرت تستوعب المنضر .. ركضت لعندو وشالت الغطى عن وشو ..
بتول: بلالللللل .. بلال .. حبيبي فيق .. فييييق
مسكت صاعق الكهربا وصارت تحطو عليه لتفيقو .. بلاللللللل .. ما تروووح .. لك ساعدوووو .. ساعدووو لبلال .. لك هاد حبيبي ما فيني بلاه .. بربببببكن ساعدوه لحبيبي.. يا بلااااال .. فيق .. فيق حبيبي .. يااا ربيي دخيييلك .. ياااا ربيييي
كل يلي بالغرفة كانو عم يبكو ع شكلا .. ما في اصعب من انو تشوف يلي بتحبو قدامك ميت وما فيك تفيقو .. ما في اصعب من فراق روحك .. الكل كان عم يطلع فيها ويبكي ع الموقف يلي نحطت فيه .. مسكتا الممرضة من كتافا وهي عم تبكي من شكلا ... دكتورة خلص .. بترجاكي خلص .. بلال خلص عمرو .. وحدي ربك .. هاد قدرو
هالكلمة سكتتا .. و نزلت ع ركبا ع الارض ودموعا عم يشرو ع خدودا .. لا اعتراض على حكمك يا ربي .. لا اعتراض على حكمك .. يا ربي صبر قلبي .. يا الله
كل هالشي تذكرتو بتول وهي ماشية بالشارع وكانو عم يصير هلا قدام عيونا .. وما شافت حالا غير وصلت لباب بيتا .. مسحت دموعا بئيدا و فتحت الباب ودخلت .. كان ابوها واما قاعدين بالصالة ..
بتول: السلام عليكم
ام بتول وابوها: وعليكم السلام ورحمة الله
ضلت ماشية ع غرفتا .. ما حاكتن شي ..
ام بتول: بتول حبيبتي الاكل جاهز ماما .. غيري تيابك وتعي
حاكتا وهي ماشية من غير ما تطلع فيها .. ماني جوعانة امي
ام بتول: بس....
مسكا زوجا من ايدا وسكتا... مانك شايفة وشا ... تركيها
دخلت بتول لغرفتا وزتت حالا ع تختا .. وفرطت بالبكي اكتر .. وغفيت وهي عم تبكي ..
فاقت بعد بشي ساعة ع صوت الاذان .. مسحت دموعا يلي لساتن معلقين بعيونا ورددت ... لا اله الا الله .. يا رب لك الحمد .. لك الحمد يا الله
قامت من تختا وغيرت تيابا وطلعت ع الحمام توضت ورجعت ع غرفتا ووقفت ع المصلاية وبلشت تصلي .. كانت عم تقرا قران ودموعا يهرو ع خدودا .. خلصت صلاة وسجدت ع المصلاية ودعت ربا من كل قلبا ... يا ربي صبرني .. وعططيني القدرة لاتحمل هالوجع .. يا ربي نور دربي واكتبلي الخير بكل خطوة بخطيها يا الله ..
رفعت راسا وحست براحة كبيرة .. وكانو شي مسح ع قلبا .. وهداها..
بتول (الجزء الرابع)
طلعت لبرا .. لعند اما .. تغديتو امي
اطلعو فيها ابوها واما بكل حزن ..وهني متفاجئين من سؤالا..
ام بتول: اي يا قلبي سبقناكي .. هلا بسكبلك
بتول: لا ماما .. انا بسكب
ابو بتول: تعي تعي يابي .. مشتقلك .. هلا امك بتسكبلك
قعدت بتول حد ابوها وحطت راسا ع كتفو .. غمضت عيونا وهي عم تتزكرو لبلال .. كانت بحاجة لحضنو لتحس بشوية امان يلي راحو مع موت بلال .. ضلت ساكتة ولمسات ابوها الحنونة ع شعرا عم تهديها.. وبعد بدقائق من الهدوء..
بتول: بابا انا نقلت شغلي ل.......
اطلع فيها ابوها وهو مستغرب.. ليش يابي
بتول: هيك احسن .. ما فيني ابقى بنفس المشفى يلي بلال مات فيه
تنهد ابوها وهو عم يمسح ع شعرا بكل حنية .. متل ما بدك يابي .. بس كيف رح تبقي لوحدك هنيك
بتول: ماني لوحدي يابي .. انا رح ابقى بالمشفى .. وكل اخر اسبوع بجي يومين او تلاتة اجازة
ابو بتول: متل ما بدك يا روحي
بالمسا جهزت بتول شنتة السفر .. حطت فيها كم قطعة تياب ... ومسكت قنينة العطر وشمتا..
بتول: هاد يلي بقيلي منك .. ريحتك
فتحتا ورشت منا ع مخدتا لتنام ع ريحتو .. ورجعت رشت جواة الشنتة وحطتا بين تيابا وسكرت الشنتة .. وتسطحت ع تختا ونامت فورا من تعبا وارهاق جسما ..
تاني نهار فاقت ع بكير .. جهزت حالا ولبست تيابا وودعت اما وسافرت ...
وصلت هنيك وتوجهت ع المشفى فورا .. دخلت وتوجهت لغرفة المدير...
السكرتيرة: تفضلي .. بشو فيني اخدمك
بتول: انا الدكتورة بتول .. موظفة جديدة عندكن .. فيني شوفو للدكتور عامر
السكرتيرة: اي تفضلي .. اهلا وسهلا .. هو عم ينطرك جوا
دقت الباب ودخلت بعد ما سمعت صوتو عم ياذنلا تفوت..
بتول: صباح الخير
اطلع فيها عامر بعيون متفحصة..
عامر: صباح النور ... الدكتورة بتول ؟؟
بتول: اي .. هي
تبسملا ... ووقف رحب فيها واشرلا لترتاح.. تفضلي يا بنتي ..
قعدت بتول .. وطلب عامر فنجانين قهوة
عامر: العمر الك يا بنتي .. الدكتور رامز خبرني بظروفك .. بتمنى هالمشفى تكون وجه خير عليكي
اطلعت عليه بعيونا الدبلانة .. وهزت راسا .. ان شاء الله
وهيك بلشت بتول حياة جديدة .. حياة بعيدة عن ذكرياتا مع بلال .. كانت عم تقاوم حزنا ووجعا بكل قوتا .. ما بدا تنكسر ع اول ضربة الها من الحياة ..
من وهي صغيرة وهي مميزة ومعروف عنا قديش هي مثابرة .. كانت بالمقدمة بكلشي .. بالكشافة .. بالاذاعة .. بالمختبرات .. بعلاماتا .. بكلشي .. واجهتا كتير مشاكل اثناء دراستا للدكتوراة وتخطتا بكل قوة وجبروت .. لوقت تعرفت ع بلال يلي كان مرافق لامو المريضة ..
حبا بلال من وقت ما شافا كيف بتعامل المرضى .. وشاف قديش هي انسانة نضيفة وحلوة من جوا قبل ما يشوف جمالا الخارجي يلي بيسحر ايا رجال .. اضافة لادبا ودينا يلي بتمنى ايا شب عم يدور ع شريكة حياتو وام ولادو ..
بلال: يعطيكي العافية دكتورة .. عزبناكي
بتول: لا وعشو .. هاد واجبي .. ربي يخليلك ياها وما يحرمك منا
بلال: دكتورة فيني اطلب منك طلب
بتول: اي طبعا .. تفضل
بلال: فيني اخد رقمك .. من بعد ازنك
بتول: لا تقلق .. رح ابقى حدا للوالدة وما حاتركا .. ما رح يلزمك الرقم
بلال: هااا .. اي ماشي خلص .. يسلمو
بلال كان عم يختبرا .. بدو يشوف ردة فعلا .. وهي عملت حالا مانا فهمانة لشو بدو الرقم .. وهالشي يلي جذب بلال لالها اكتر ..
بلال: امي .. بعرف مو وقتو .. بس لقيتا لكنتك واخيرا
ام بلال: ههههههه .. اي وانا لقيتا .. ما تخاف وقت شوف الجو مناسب بحاكيها
قرب بلال منا وهو عم يضحك وباس راسا .. اي تسلملي يلي بتفهمني انا ..
وبهاللحظة دخلت بتول عليهن..
بتول: الله يخليكن لبعض يا رب
غمزت ام بلال ابنا ليطلع برا .. وهو ما كزب خبر .. وطلع ركيض..
ام بلال: دكتورة بتول انت ما في منك .. ربي يحفظك لاهلك
بتول: تسلميلي خالة .. وابنك اسم الله ما في منو .. كتير حنون عليكي
ام بلال: اااخ .. الحمد لله .. بلال هو وحيدي .. وضو عيوني .. ما الي غيرو بهالدنيي .. ومتل مانك شايفة ما بفارقني ابدا ..
كانت بتول عم تسمعلا وهي عم تتبسم وتقسلا بضغطا..
ام بلال: صرلي سنة كاملة عم دورلو ع بنت الحلال .. وهو زوقو كتير صعب .. بدو بنت كاملة مكملة .. بدو دين وجمال وادب وعلم .. كنت قاطعة الامل بهالمواصفات لوقت شفتك يا بنتي ..
خجلت بتول ووردو خدودا وتلبكت .. تسلميلي خالة .. ربي يسعدك
ام بلال: يعني بما انو انت دكتورة ما بتوقع يكون عندك مانع انو اطلب ايدك بالمشفى هههههههه
بتول: ههههههههههه .. بصراحة ما تخيلتا ولا حسبتلا حساب من قبل
ام بلال: بقا شو قولتك .. ابني مانو دكتور ولا مهندس.. بس الحمد لله متعلم ومخلص مجستير عربي .. وعم يحضر للدكتوراة .. وهو حاليا موظف بمدرسة لوقت يخلص الدكتوراة .. وبيتو جاهز ومانو ناقصو شي
بتول: الله يخليلك ياه خالة
بتول .. تابع الرابع
ام بلال: يعني نقرا الفاتحة يا بنتي
نصدمت بتول وفتحت عيونا ع وسعهن.. لاا شو فاتحة .. خالة هلا بعطيكي رقم تلفونا لامي وتفاهمي معا..
ام بلال: اي كتير منيح .. ربي يحميكي يا بنتي
وهيك تمت خطبتا لبتول من بلال .. هاد كان نصيبا وقدرا .. التقو بالصدفة وحبا وحبتو وتمت خطبتهن بس لتذوق هالعذاب ويتلوع قلبا .. بس ايمانا بربنا عطاها القوة لتتجاوز هالازمة .. كانت شامخة وعم تبين حالا قديش هي قوية وما فيها تنكسر بالوقت يلي كانت عم تنحرق من جوا ..
مرت عليها لحظات كتير صعبة بالمشفى .. كانت كل ما تشوف شب مرضان تتزكر وشو لبلال المليان دم .. تغص وتتوجع كتير وترجع تحاول تتماسك وتكمل ..
كل يلي حواليها كانو سند لالها .. طيبتها واخلاصها بشغلا خلاهن كلن يحبوها ويساعدوها للتجاوز ازمتها ..
ومشت الايام وبلشت بتول تتاقلم مع وجعا وتتناسا بلال .. كانت تمرق عليها لحظات تحس روحا رح تطلع من شوقا الو .. بس بكل مرة كانت تتجاوزا لهاللحظة بقوة اكبر من المرة يلي قبلا ..
بتول ( الجزء الخامس)
ضلت حالا لبتول هيك .. عم تقوي حالا وتشغل حالا بمساعدة المرضى .. وبيوم كانت جاية حالة ولادة صعبة كتير .. الست كانت عم تنزف كتير .. دخلوها لغرفة العمليات وطلبو كل الدكاترة يلي فيهن يساعدوها..
كانت بتول واقفة حدا وعم تجهزا للعملية وقت اجاها صوت من وراها ..
معتز: يعطيكن العافية .. كيف وضعا
بتول غمضت عيونا .. نسيت كلشي حواليها .. نسيت الصوت ونسيت الناس كلا وقت ريحة عطرو لمعتز تغلغلت بانفا..
التفتت لعندو ع امل تشوفو لبلال حدا .. هالريحة ريحة بلال .. ريحة عطرو لبلال .. التفت ع معتز بعيونا المليانة دموع ..
بتول: بلال ...
معتز: عفوا دكتورة .. انا الدكتور معتز
صحيت ع حالا وقت شاافتو .. كانت بدا شي معجزة لتحول صاحب هالريحة لحبيبا يلي راح ..
هزت براسا واشرتلو .. تعا ساعدني .. عم تنزف
رجعت حاولت تركز بشغلا وتساعدا للمريضة .. خلصو شغلن وطلعو من غرفة العمليات ..
بتول: يعطيك العافية .. حضرتك دكتور جديد
معتز: الله يعافيكي .. انا معتز ابنو للدكتور رامز
بتول: اهااا .. اهلا وسهلا .. مو كنت باميركا انت
معتز: ههههه .. ماشاء الله عليه بابا مخبر الكل .. اي صح كنت باميركا .. بس مليت من الغربة .. ورجعت لارضي
شي من جوا جذبها لالو .. تغيرت ملامح وشا وبرقو عيونا بالغصب .. يمكن لقت شي من ريحة بلال .. او يمكن هالانسان من النوع يلي بيرتحلو القلب من اول نظرة ..
طردت كل الافكار يلي براسا فورا .. واعتبرتا خيانة لبلال .. اهلا وسهلا فيك .. بالازن منك ويعطيك العافية .. ومشيت بسرعة قبل لعيونا تفضحا..
وقف معتز عم يراقبا وهي ماشية .. قديش هي انسانة راكزة وهادية حتى بمشيتا .. اعجب بشخصيتها كتير .. كانت مزيج من القوة يلي شافا فيها وهي عم تساعد المريضة .. والجمال وهي عم تطلع بعيونو ... والادب وهي عم تهرب من نظراتو كل ما حستو عم يركز النظر فيها .. والهدوء والركازة وهي عم تحاكيه ..
معتز من سنين سافر ع اميركا كمل دراستو الدكتوراة وتخصص ..واثناء دراستو تعرف ع دكتورة هنيك وحبا وتزوجو .. بس دمو العربي والاسلامي ما قدر يتحمل تصرفاتا يلي كانت بعيدة كل البعد عن الدين .. لهيك طلب منا انو تسلم .. بس هي رفضت .. فانفصلو وقرر يرجع ع ارضو ليكسب دينو وما يعود يغلط غلطة تانية ويتزوج اجنبية كمان مرة ..
تركتو بتول واقف وعم يتامل فيها وركضت ع غرفتا .. يا ربي .. مو معقول .. شو عم يصير .. فتحت خزانتا الصغيرة وطالعت قنينة العطر وصارت تشم فيها ودموعا عم ينزلو ..
بتول: ليش هلا .. شو يلي طالعو بحياتو .. لك بعد ما تعودت ع غيابو .. ليش هيك عم يصير .. ليش
ومن بعدا ما قدرت بتول تتحكم بحالا .. حبا لبلال خلاها تلحقو لمعتز وين ما يروح .. كانت بدا ايا شي يرجعا لزكرياتا مع بلال .. بلشت بريحة عطرو لمعتز .. وصارت شوي شوي تتامل بتفاصيلو .. اديه الرجولية يلي متل اديه لبلال .. صحيح اديه لبلال كانو اعرض .. بس كمان هدول عراض .. عم تتامل شكلو سمارو .. شعرو .. كل شي فيه كان يزكرا ببلال ..
صارت تحاول ترسم صورة بلال بمعتز .. لدرجة صارت تتخيلو هو .. صار قلبا يدق لا اراديا وقت تشوفو او تلمحو ..
وبنفس الوقت معتز كان يوم عن يوم يعجب فيها وبشخصيتها اكتر واكتر .. صار يتعمد يضل حدا ويرافقا بكل شغلا .. لوصل لمرحلة ما عاد يقدر يبعد عنا ابدا .. وصورتا ما تفارقو لا بليل ولا بنهار..
معتز: دكتورة بتول
دق قلبا وقت سمعت صوتو عم يندهلا .. التفتت وراها وتبسمت لا اراديا ..
بتول: هلا دكتور .. خلصت دوامك ؟
معتز: اي خلصت .. واجيت لدردش معك شوي قبل لاطلع
بتول: اي تفضل
معتز: هوون!! (وهزلا براسو).. لا لا ما بيمشي الحال .. بدي روق من جو المشفى
بتول: مممم .. انا من زمان ما تمشيت .. بتحب نطلع نتمشى
معتز: يا ريت
بتول: اي ماشي .. بس لجيب شنتايتي
ركضت بتول لغرفتا وجابت الشنتة وهي مانا مصدقة حالا .. كانت ملهوفة لتحاكي .. بدا تفهمو وتدخل بتفاصيلو اكتر .. كانت عم تتمنى بينا وبين حالا تلاقي جواتو بلال .. وتفكير بلال .. بدا بلال بايا طريقة ..
طلعت من الغرفة .. كان وقف واديه بجيابو وباين عليه كتير ملبك ..
بتول: شبك .. شو صاير
معتز: هاا .. لا ولاشي .. تفضلي
بتول ( الجزء السادس)
مشيو سوا .. كانت غصة بقلبا كبيرة .. مانا فاهمة حالا .. بدا بلال .. وبنفس الوقت كانت حاسة بانو هي هيك عم تخونو .. بس مشاعرها ما الها سلطة عليها ..معتز عم ياسرها .. عم يتغلغل جواة قلبا شوي شوي .. عم يسيطر ع تفكيرا ومشاعرا .. ما عم تقدر تهرب من هالشي .. ولا فيها تطالعو من تفكيرا ابدا ..
معتز: شبك دكتورة .. في شي
بتول: لا لا ولاشي .. سلامتك
اطلع معتز للسما والعتمة بلشت تتغلغل فيها ..
معتز: وقت كنت باميركا .. كنت اشتهي امشي بالشوارع بهيك هدوء .. كنت كتير ايام ابكي من شوقي لهالشوارع ولهالبيوت ..
بتول: الغربة كتير صعبة .. موو
معتز: ما بتتخيلي قديش صعبة .. بتحرقك من جوا وبتسلبك من حالك
بتول: والغربة عن حالك!! شو ممكن تعمل فيك
تفاجا معتز من سؤالا وكمل ..
معتز: هي اصعب انواع الغربة .. بس فيكي تتجاوزيها
وقفت بتول واطلعت فيه ودموعا عم يبرقو جواة عيونا .. كيف .. كيف فيك تطلع من غربتك عن حالك .. كيف فيك تتحكم بحالك وتفهم مشاعرك
تصفن معتز بهالعيون يلي ضو الشارع عكس عليهن والدموع عطوهن جمال فوق جمالن .. اطلع بهالوش البريئ المكسور .. يلي كان عم يستنجد فيه ..
معتز: بانك تصارحي حالك .. وقت بتكوني صريحة مع حالك بتتريحي كتير .. وبتعرفي وجهتك .. صارحي حالك ولا تسمحي لايا شي يوقف بطريقك .. يلي مريت في انا علمني كتير .. علمني ما اوقف ع ايا شي .. علمني ضل ماشي شو ما صار .. علمني ما انكسر وما انهز .. ممكن احزن وممكن انجرح وممكن اتعب وممكن روحي تتعزب .. بس انو وقف لا .. وانو انهزم واستسلم لا ..
حكيو لمعتز كانت كتير بتول بحاجتو .. بتول بكل هالسنين ما كان الها صاحبة غير امها .. ما كان الها حدا لتفضفضلو ويحس فيها ... و معتز من تجربتو.. فهم عليها .. وكان حاسس فيها .. بس يلي كان محيرو نظرات عيونا يلي كلا خوف .. ما كان قدران يفسر هالخوف يلي بعيونا ..
تنهدت بتول .. انت .. انت مريت بتجربة حب
كمل مشي معتز وهو عم يضحك..
معتز: هههههه.. ما بعرف ازا كانت حب او شو .. يمكن حب ويمكن نزوة .. ما بعرف
بتول: كيف يعني
معتز: وقت كنت بالجامعة .. كانو كل الشباب هنيك مصاحبين بنات .. وبحكم عاداتن كان هالشي طبيعي .. وكان الكل مستغرب مني انو ماني مصاحب .. فصرت حاول دور بين هالبنات ع بنت تناسبني لحبا هههههه
بتول: ايييي .. وبعدا
معتز: بعدا تعرفت ع جوليا .. كنت انا سنة تانية وهي سنة اولى .. وقت شفتا مدري شو صرلي .. صرت الحقا بعيوني وين ما راحت وهي لاحظت هالشي واجت هي وحاكتني ... هههههه وحبيتا .. ولحتى ما اوقع بالحرام خبرت اهلي لاتزوجا .. امي جنت وعارضت بس ابي وافق وقلي فورا بتتزوجا .. كان فهمان علي وخاف انو اوقع بالحرام نتيجة علاقتي فيها ... وكانت لحسن الحظ تاخد حبوب منع حمل كرمال دراستا .. وضلينا سوا .. وطول هالفترة كنت اختنق من تصرفاتا .. واغلب وقتنا كان خناقات .. هي كانت تتصرف ع طبيعتها .. بس انا هالشي ما كان مريحني .. وبالاخير طلبت منا انو تسلم وتتحجب وهي رفضت .. واصرت تبقى متل ما هي .. لهيك نفصلنا ومن بعدا رجعت فورا ..
بتول: قديش صرلو هالشي
معتز: شي خمس شهور .. تعزبت كتير بالبداية .. الفترة يلي عشتا معها كانت طويلة .. صح كانت كلا خناقات بس تعلقت فيها كتير .. لهيك ما قدرت ابقى هنيك
بتول: ههههههه يعني هربت متلي
معتز: ههههههه هيك شي
بتول: بتشكرك كتير دكتور معتز .. بصراحة الحكي معك لا يمل .. بس تاخر الوقت .. رح ارجع
معتز: انا يلي بتشكرك .. اخدت من وقتك .. بس كنت كتير بحاجة لحدا احكي معو
بتول: لا ولا يهمك .. كتير فرحت بالحكي معك
دخلت بتول ع غرفتا وهي حاسة براحة كبيرة .. حكيو لمعتز بيدخل القلب .. تريحت كتير بالحكي معو .. صرلا من وقت راح بلال ما حست بهيك راحة
ومشت الايام وبتول لساتا مانا قدرانة تصارح حالا بحب معتز .. ومانا فهمانة ع حالا .. يا ترى هاد حب ولا شو .. وازا كان حب .. ليش لتحب من بعدو لبلال .. ما كانت تتخيل هالشي يصير ابدا .. بس مشاعرها من ربنا .. ما الها سلطة عليها .. ويمكن هالشي كان اكبر نعمة لالها
وبعد شي اسبوع ...
معتز: مرحبا
وقت حاكاها دقات قلبا زادت .. وحمرو خدودا .. هي ع هالحالة دائما .. وصارت عم تدايق من حالا .. لانو هالخدود صارو يفضحوها..
ووقت حمرو هالخدودا زادت جمال فوق جمالا .. ويلي خلاه لمعتز يجن جنانو ويقرر بانو يصارحها.. ما عاد فيه يتحمل اكتر .. بدو يعرف هالطريق لوين بدا توصلو .. وانو يكمل فيه او يرجع ..
بتول: هلا دكتور
معتز: معك وقت خمس دقايق
بتول: تفضل
معتز: مو هون .. بدي حاكيكي بشي ضروري
بتول: اي ماشي .. سبقني ع الكافتيريا .. لاحقتك
شو يلي عم يصير معا .. ليش هي هيك بحضورو ..حاولت اكتر من مرة انو تتمالك حالا .. بس ابدا ما كان فيها .. هي وقعت وخلص ..
بتول (الجزء السابع)
زبطتت حجابا وراحت لعندو ع الكفتيريا .. كان طالب فنجانين قهوة وقاعد والتوتر باين عليه ..
بتول: مرحبا
معتز: تفضلي دكتورة
وقت قربت منو حست حالا حدو لبلال .. ما بتعرف صدق شعورا .. بس هاد يلي كانت عم تحس فيه .. وكانت كتير فرحانة بانها وجدت الشخص يلي حسسها بوجود بلال ..
معتز: بصراحة دكتورة ومن غير مقدمات .. انت انسانة رائعة بكل معنى الكلمة
زادت دقات قلبا يلي ما هديت من وقت حاكاها ووردو خدودا .. هالشي يلي خلاه لمعتز يتلبك اكتر .. وفات بحالو وصار يطلع بعيونا ليسرح فيهن لعلا وعسا ينسى لبكتو ..
بتول: شكرا كتير دكتور
معتز: انا يلي لازم اتشكرك .. انا وقت اجيت لهون ما كنت متوقع انو اتاقلم بهالسهولة مع هالجو لجديد بعد غربة سنين .. بس بفضلك انت صرت حب هالمكان مو بس تاقلمت معو ..
تبسمت بتول واطلعت فيه بعيون محتارة وخايفة ...
معتز: بس يلي مخوفني ومحيرني هالنظرة يلي بعيونك ..
خافت بتول يكون فهملا وتلبكت ..
بتول: كيف يعني
معتز: نظرة الخوف يلي بعيونك .. ما عم بقدر فسرا
ضلت ساكتة وعم تطلع بئديها يلي بلشو يرجفو من توترا... وعم تحاول تتمالك حالا لحتى ما ينزلو دموعا..
اي كان بدا تبكي .. ما عاد فيها تتحمل اكتر .. هي عم تضغط ع حالا كتير .. عم تحارب قلبا ومشاعرا .. حرب النفس كتير صعبة .. وخاصة ازا كانت من بعد كسرة قلب ..
حس معتز بتوترها وشاف الدمعة يلي بعيونا وكمل ..
بتول (الجزء الثامن)
معتز: دكتورة ... بصراحة .. انا.. انا سالت الوالد عنك .. وخبرني بقصتك كاملة ..و حابب اعرف ازا كان عندك استعداد لتجربة جديدة .. لانو بصراحة اكتر انا معجب فيكي .. وكل مالني عم اغرق اكتر .. فحابب اعرف انو كمل الطريق او وقف.. ما عاد الي قدرة داري اكتر ..
سرحت بتول كتير .. وافكار كتيرة تصارعت ببالا .. بلال .. هاي خيانة لبلال.. لا .. لا .. ليش خيانة .. انا لساتني بحبو .. وبحبو كتير .. اصلا انا حبيتو لمعتز لانو زكرني ببلال.. ووقفت عند هالكلمة .. (حبيتو) .. هلا جد انا حبيتو .. ما بعرف.. اي ما بعرف .. طيب ازا ما حبيتو شو هالمشاعر اسما .. معقول تكون لبلال مو الو .. طالعا من افكارا صوتو لمعتز..
معتز: بعتزر منك دكتورة .. يمكن انا تماديت معك ودايقتك..
قوت حالا وسحبت نفس واطلعت فيه بكل قوة ..
بتول: كيف!! لا ابدا ... انت ما غلطت .. بس انا مخربطة شوي .. رح حاكيك بصراحة وما رح خبي عليك .. انت اول شخص بيدق قلبي لالو من بعدو لبلال .. عم شوف بلال فيك.. انا.. انا كتير مخربطة .. ماني قدرانة فسر مشاعري .. ما بعرف ازا كانت هالمشاعر الك او لبلال .. وماني حابة اظلمك معي واظلم حالي وعزبا اكتر ..
فرح كتير معتز وقت حاكتو هيك وكمل.. خدي راحتك .. ماني مستعجل .. خلينا نتعرف ع بعض اكتر وبعدا بتقرري .. انا حاسس بهاللخبطة يلي فيكي وهالخوف يلي بعيونك وقت تطلعي فيه ما بدي يضل بعيونك .. عطيني فرصة لاتقرب منك اكتر وساعدك ..
بتول: اي بس انا ما بعمل علاقات برانية
معتز: اي بعرف .. الوالد خبرني .. وهالشي زاد اصراري عليكي .. خلينا نخطب هلا .. وخلي الخطبة لوقت ما تحسي حالك هديتي وقررتي .. وبوعدك ما ازعل من قرارك
بتول: دكتور معتز.. انت انسان كتير بتريح القلب .. بتشكرك كتير لوجودك بحياتي .. انت رجعتلي روحي مرة تانية
معتز: كتير فرحان بهالحكي هاد .. نتوكل ع الله وخبر اهلي
بتول: اي ماشي .. ونعم الوكيل
تمت خطبتن لمعتز وبتول .. وصارت بتول تتعامل مع معتز باريحية اكتر .. صارت تاخد راحتها وقت بدا تحاكيه .. واطلقت العنان لمشاعرها يلي سحبتها مرة تانية لعالم العشق والهيام والوله .. بلال بقي بقلبا .. بس صارت وقت تتزكرو تنطق اسمو لمعتز .. ووقتا تاكدت بانو عشقها لمعتز وصل للمرحلة يلي وصل فيها عشقها لبلال ..
بتول: معتز حبيبي
معتز: لك يا قلبو لمعتز .. دخيل عينك شو بحب هاللمعة بعيونك السود
نزلت راسا بخجل وكملت .. بصراحة انا هلا صار فيني قلك وبكل جراة باني بعشقك .. وبموت فيك .. وما فيني بلاك
وقت قالتلو هيك صار قلبو يدق من فرحتو ما قدر يتمالك اعصابو .. كان ناطر هاللحظة ع احر من الجمر وخايف تكون نتيجتها سلبية ..
قرب منا من غير وعي وضما وعيونو كلن دموع ..
بتول: هههه.. معتز .. معتز .. لك بعد نحنا بالمشفى ..
بعد عنا وهو عم يتاسف .. متاسف حياتي .. لك يا الله قديش كنت خايف من هاللحظة .. ليك .. ما رح انطر اكتر .. رح بلش بتجهيزات العرس فورا .. رح احجزلك احلا صالة .. وبكرة بعد الدوام رح نروح سوا لنشوف فستان العرس ..
وقت قلا عن فستان العرس .. غصت واختفت ابتسامتا الحلوة ..
معتز: شبك حياتي
بتول: ولاشي حبيبي .. بس .. بس .. ما فيني ما اتزكرو لهداك اليوم
قرب منا معتز ومسك وشا بئديه التنتين .. زكرى وراحت .. فكري بيلي جاي .. بعرسنا .. بحياتنا .. يلي راح .. خلص راح واختفى
رجعت بسمتا وقت حست بالامان والدفا من كلماتو .. وهزتلو براسا ..
جهزو لعرسن.. وحجزو باضخم صالة .. واجمل فستان ابيض..
ناس كتير مجمعين بالصالة ..الكل كان فرحان لبتول يلي ربنا جبر كسر قلبا .. الكل فرحان وعم ينطرا لتطل بفستانا الابيض .. ويشوفو بسمتا من بعد كل هالعذاب..
كانت عم تجهز حالا وقلبا عم يدق .. ندق الباب ودخل معتز بزيو الرسمي الاسود وربطتو الحمرا .. وقت شافا دمعو عيونو .. كانت متل الاميرات بطلتها .. جذابة وكلا انوثة ..
فستان ابيض بكمام دانتيل .. ناعم كتير متل،نعومة وشا .. وطرحة مفرودة ع راسا زايدتا جمال،فوق جمالا..
مدلا ايدو ومسكا ودخلو سوا ع الصالة وصوت الصلاة ع النبي عم يضج فيها .. وامو وامها وراهن وهني كتير فرحانين لهالقلبين يلي ربنا وفق بيناتن .. وجبر كسرة قلبن ..
بتول (الجزء التاسع)
مشت الايام ومعتز وبتول عم يتعلقو ببعضن اكتر .. معتز لقي فيها كل المواصفات يلي كان يحلم فيها .. علم وجمال وادب ودين ..
وبتول لقت فيه بلال .. حبا الاول .. او عشقا الاول .. ومعتز بتعاملو معا وحنيتو عليها خلاها تتعلق في وما تعود تفكر بغيرو ..
كانت بغرفة الدكاترة .. عم تجهز حالا لتطلع وتبلش معايناتا من بعد خلصت اجازتا ..
اجاها معتز من وراها وضما .. كيفا دكتورتي الحلوة
سحبت حالا من بين اديه بخجل .. واطلعت فيه بعيونا المليانة وله وحب ... مشتاااقة
مسكلا انفا باصابيعو بخفة..
معتز: لك اي يسلملي المشتاق انا
بتول: ههههههه تسلملي يا قلبي .. يالا مشي ع شغلك
معتز: حاااضر دكتورة بتول .. بس ليكي دوامنا سوا هاا
ميلت راسا ورفعت حواجبا.. اكيييد لاا .. خلص ايام الدلع راحت ههههههه
معتز: والله !! اي ماشي .. هلا رح حاكي للدكتور رامز وبنشوف
بتول: ههههههههه
كانو احلا عشاق .. ع طول سوا بكلشي .. كل مين يشوفن يحسدن ع حياتن .. يلي كانت يوم عن يوم عم تحلا وتحلا .. لحتى اجا هداك اليوم يلي قلبلن حياتن..
الممرضة: دكتور معتز في ست بدا ياك
معتز: اي دخليها
ندق الباب ودخلت .. اطلع فيها معتز ووقف وهو مصدوم..
معتز: جوليا!!
جوليا: شتقتلك حبيبي
وقربت منو وضمتو ..
معتز تلبك كتير وما عرف كيف يتصرف ..
وبهاللحظة دخلت بتول..
بتول: معتز حبيبي رح.......
وما كملت حكيا وقت شافتن بعيونا ..
جوليا وقت سمعتا نزلت اديها عنو والتفتت ع بتول ..
جوليا: مين هاي يلي عم تقلك حبيبي
بتول ضلت واقفة مطرحا وهي مصدومة وعم تنطر معتز ليفسرلا يلي شافتو ..
معتز: هاي الدكتورة بتول .. مرتي
اطلعت فيه جوليا وهي مصدومة ..
جوليا: شوووو .. مرتك .. لك لحقت تتزوج .. ما صرلنا غير سنة منفصلين .. بهالسهولة قدرت تنساني
معتز: جوليا لو سمحتي ما بدي فضايح بالمشفى .. انت لشو جايي
اطلعت فيه جوليا ودموعا بعيونا ..
جوليا: هلا هيك .. عم تسال لشو جايي ..
وضمتو وكملت حكي .. جيت لشوفك حبيبي ..
بتول شعلت النار بقلبا .. وطلعت من المكتب وهي كتير معصبة ..
شال معتز اديها عنو بعصبية ... وبعد عنها..
معتز: جوليا خلصنا .. يلي بينا انتهى .. لشو جايي
جوليا: معتز انا بحبك كتير .. وماني قدرانة انساك
معتز: بس انا خلص نسيتك .. انا تزوجت .. خلص كلشي انتهى
وقفت جوليا لحظات وهي ساكتة ... واطلعت فيه ..
جوليا: انااا .. انا ما قلتلك
معتز: شو ما قلتيلي
جوليا: من بعد ما تركتني ... اكتشفت انو انا ... انا حامل
نصدم معتز وتوتر .. شوووو .. شو عم تحكي وكيف هيك
جوليا: معتز .. حبيبي .. نحنا صار عنا ولد بيجنن
قرب منا معتز ومسكا من كتافا.. لك عم تجدبيها .. كيف هييييك
فلتت جوليا حالا منو وبعدت عنو وهي عم تطلع فيه بعصبية : هاد يلي صار .. انت عندك ولد .. ولد
وتركتو بحيرتو وطلعت من المكتب .. وقفت وهي ماسكة الباب .. رح ارجع وقت تهدا
قعد معتز ع كرسي المكتب ومسك راسو بئديه وهو كتير متلبك ... يا ربي شو هالمصيبة هي .. شو رح اعمل هلا
طلع من مكتبو وراح لعند بتول .. كانت عم تعاين بمريض..
معتز: بتول
اطلعت فيه بتول ورجعت كملت مع المريض من غير ما تحكي شي ..
مسكا معتز من ايدا وطالعا لبرا ..
معتز: بتول .. نحنا لازم نحكي
بتول: تركني هلا .. ماني قدرانة احكي
معتز: بس انا مالي خبر بجيتا .. وما بعرف شو جابا
بتول: ومالك خبر كيف ضمتك كمان .. موووووو
معتز: بتول بلا حركات مراهقين .. هي اجت لعندي وضمتني وانا بعدتا عني
بتول: معتز .. عندي شغل هلا .. بعدين بنحكي
وفلتت ايدا منو وراحت ع شغلا .. وهو الف سؤال وسؤال براسو .. متلبك ومتحير كيف رح يطلع من هالقصة ..
بتول (العاشر)
خلصو شغلن ومتل العادة جهزو حالن ليرجعو ع بيتن سوا ... ركبو بالسيارة وهني تنيناتن ساكتين..
معتز: بتول حبيبتي .. رقتي
ضلت ساكتة بتول وما جاوبت ..
مسك معتز ايدا وباسا.. بتول حبي .. لساتك ما بتوثقي فيني .. لك انا بعشقك ومستحيل زعلك او اجرحك
تنهدت بتول والدموع بعيونا واطلعت فيه .. معتز .. جوليا رجعت .. حبيبتك وعشيقتك رجعت .. فهمان شو يعني .. يعني خلص .. دوري انا خلص
وغطت عيونا باديها وفرطت بالبكي..
وقف معتز السيارة وضما بكل قوتو .. لك شو عم تحكي .. لك ايا حبيبة وايا عشيقة .. يا قلبي انت .. ما في غيرك حبيبة وعشيقة .. جوليا خلص .. طلعت من قلبي وحياتي ..
كان عم يحكي وهي دموعا عم تنزل ع كتافو .. لفتو باديها وزادت بالبكي ..
بتول: معتز لا تتركني بترجاك .. ما فيني ارجع اتعزب مرة تانية .. وجودك بحياتي كان معجزة .. بترجاك ما فيني اتحمل حياتي بدونك..
رفع راسا باديه واطلع بعيونا المليانة دموع.. حبي لا تفكري هيك .. مستحيل اتركك .. انت كل حياتي وما رح اتخلى عنك ..
باس جبينا ومسحلا دموعا بئديه .. مسكت راحة ايدو يلي كانت ع خدودا وباستا وهي عم تحاول تتمالك حالا..
معتز: اهدي حياتي .. ولا تخلي الافكار السودا تدخل لراسك ..
هزت براسا ومسحت دموعا..
رجع شغل السيارة ومشي .. ودخل بدوامة من الافكار والحيرة.. يا ربي لك ازا عرفت انو عندي ولد شو رح يصير فيها .. انا ضروري حلا مع جوليا ..
هالليلةكانت كتير صعبة عليهن.. بتول كان قلبا واجعا .. مانا حمل وجع فقد جديد .. وفراق جديد..
معتز حملو كتير تقيل .. جوليا طلعت من قلبو وما عاد بدو ياها .. بس هالولد شو زنبو .. بيضل ابنو وما في يتخلى عنو .. بس كيف رح يحلا مع جوليا..
تنيناتن بحاجة لبعض .. بدن بعض .. مالن غير بعض .. ضمو بعضن ونامو ..
تاني نهار وكالعادة راحو ع دوامن بالمشفى .. معتز كان عم ينطر ع احر من الجمر بخبر من جوليا .. ما الها عنوان عندو .. ولا في يتواصل معا ..
بعد بساعة من دوامن دق تلفونو لمعتز ..
معتز: الو
جوليا: كيفك .. روقت
معتز: جوليا .. وينك انت
جوليا: اي روق روق .. ليكني معك حبي
معتز: نحنا لازم نحكي
جوليا: ههههه اي ماشي حبيبي .. بنحكي .. هلا بجي لعندك
معتز: لا .. لااا .. انا بجي .. عطيني العنوان
جوليا: ما بدك المدام تشوفني .. مو هيك
معتز: جولياااا .. عطيني العنوان
جوليا: اي ماشي ماشي .. رووق .. انا بفندق ...... .. عم انطرك ..لا تتاخر
ترك معتز كلشي وطلع من المشفى ركيض لعلى وعسى يقدر يحلا للقصة ..
وصل الفندق ودقلا ع الرقم يلي دقتلو منو .. اي جوليا .. نزلي عم انطرك بالصالة
جوليا: ما بيمشي الحال كرمال البيبي .. طلاع لعندي .. غرفة 211
صار قلبو يدق لمعتز وقت قالتلو عن ابنو .. فففففف ماشي ماشي .. ليكني جاي
طلع بالاصنصيل وهو كتير متلبك .. شو رح يعمل وكيف رح يشوفو لابنو .. حيرة وخوف وقلق ..
وصل دق الباب وفتحتلو جوليا .. نصدم وقت شافا ورجف جسمو وتلبك بزيادة ..
كانت لابسة فستان دانتيل احمر قصير لعند الركبة .. مفصلا جسما كلو ومبين مفاتنا..
انتبهت علي جوليا وفهمتو .. هي كانت مرتو سنين وفاهمتو كتير منيح وعارفة شو يلي بحرك مشاعرو ..
ضمتو وباستو ع خدو بوسة ناعمة .. وهمست بادنو .. شتقتلك
رجف قلبو لمعتز .. ورجع سنين لورا .. هالريحة والصوت والجسم .. كلن تزكرن معتز بهاللحظة هاي..
حاول يتمالك حالو وبعدا عنو وبصوت مهزوز .. جوليا .. لازم نحكي
تبسمت جوليا وبعدت عنو .. اي بنحكي تفضل
دخل لجوا وهو عم يدور بعيونو ع ابنو .. كان طفل متل الملاك نايم ع التخت .. قرب منو بخطوات بطيئة .. واشر بايدو ..
معتز: هاد هو
جوليا: اي .. هو .. هاد ابنك معتز .. ابنا
قعد معتز ع طرف التخت وكمل .. كيف جبتي رقمي
اجت جوليا حدو ع التخت .. مانا صعبة كتير .. من المشفى اخدتو
معتز: اهاا .. فيكي تفهميني كيف حملتي .. مو كنتي تاخدي حبوب منع حمل
جوليا: باخر فترة خربطت شوي فيهن
معتز: جوليا .. انت لازم تروحي من هون .. لازم ترجعي .. وانا.. انا رح ابعتلكن يلي بدكن ياه الك وللولد
اطلعت فيه جوليا بعيونا يلي بلون السما .. بس انا بدي ياك معتز .. نحنا بدنا ياك .. نحنا بحاجة نبقى حدك ..
وحطت راسا ع كتفو ..
وقف بسرعة وكمل حكيو وهو متجه للباب .. انت ما رح تبقي هون .. فهمي هالشي .. نحنا يلي بينا انتهى وخلص .. وهالولد ما رح يغير شي .. مااا رح يغير .. فهمانة ..
وطلع من الباب .. جن جنانا لجوليا وصارت تكسر كلشي قداما ... stupid.. stupid.. screw you
طلع معتز من عندا ورجع فورا ع المشفى .. وهو داخل كانت بتول بالممرات ..
بتول: معتز .. وين كنت
معتز: هااا .. كان عندي شغل ضروري حبيبتي .. صاير شي
بتول: لا ابدا .. بس نشغل بالي عليك
معتز: لا تشغلي بالك حياتي .. رح البس الروب واجي
بتول (الحادي عشر)
مرق هالنهار بصعوبة كبيرة ع معتز .. وبدموع من جوليا .. جوليا رجعت ع امل تلم شملا مع معتز .. بس نصدمت وقت لقيتو متزوج ووقت حست عليه قديش بحبا لبتول .. لدرجة انو ما عاد يطلع بعيونا ابدا ..
تاني نهار ...
معتز: صباح الخير .. كيفك
جوليا: اهلا معتز .. مو منيحة ابدا .. مووو منيحة
معتز: جوليا ... انت لازم تتقبلي الوضع لجديد
جوليا: Noooooo معتز Nooooo .. ما بقدر اتقبل .. معتز I love you.. dont beleave me
تنهد معتز .. جوليا .. الوضع ختلف عن قبل .. ونحنا انفصلنا بقرار مشترك .. وانا هلا عندي حياتي الخاصة
جوليا: بس انا شتقتلك .. وبدي ياك
معتز: جوليا .. رح جهزلك بطاقة السفر وابعتا .. جهزي حالك
حكا هيك وسكر الخط ..
معتز: يا ربي ساعدني .. يا ربي ثبتني
بعد بساعتين من اتصالو بجوليا .. كان عم يتغدا هو وبتول بالكفتيريا دق تلفونو .. وكان رقما لجوليا .. تلبك وهو عم يطلع بالتلفون..
بتول: شبك .. مين عم يدقلك
معتز: اي .. هاد .. هاد رفيقي من اميركا .. رح حاكيه واجي
اخد التلفون وطلع لبرا .. ضلت بتول عم تطلع عليه من القزاز وهو عم يحكي ..
معتز: اي جوليا
جوليا: معتز .. انا جاهزة .. بس بليز .. بدي ودعك .. لاخر مرة .. بليز لا تقول لا
سحب نفس طويل وفرك صباحو بئيدو .. اوووووخ .. طيب ماشي هلا بعد ساعة بكون عندك
جوليا: اوك .. عم انطرك
رجع معتز ع الطاولة ..
بتول: صاير شي
معتز: لا حبي .. ما في شي
خلصو غداهن ورجعو ع الشغل .. وبعد بشوي طلع معتز من المشفى وراح لعند جوليا .. طلع لعندا فورا ع الغرفة .. دقلا وفتحتلو ..
وقت شافا رجف كل جسمو .. كانت بقمة الاثارة..
معتز: جوليا شو هاااد.. ما رح فوت وانت هيك .. لبسي بسرعة
جوليا: شبك .. مو عم تقول انو طلعت من قلبك .. ليش لتخاف .. تعا
معتز: جولياااا .. انت بتعرفي ديني منيح .. خلص لبسي ورح فوت بعدا .. عم انطرك هون
دخلت لجوا بعصبية .. وبعد بش