قصة#
الجزء الأول - الجزء الثاني
الساعه 2 الظهر وصلت للبيت انا وتعبانه .. فتحت الباب وفتت مستعجلة عالمطبخ .. وتفاجئت انو ما في شي على النار وما في ريحة اكل بالبيت ..
حطيت اغراضي على طاولة المطبخ وندهت لأمي ..
(( ماما وينك ؟ انا جوعانه كتير ليش مو طابخه ! )) ..
وصلت للصالة وتفاجئت بأمي قاعده و في جنبها شخص غريب .. لابس بدلة سودا .. بس شافني وقف وصار يتطلع فيني ويبتسم وامي عيونها بالأرض
(( شو في امي ؟ مين هاد ؟ ))
مسكتني من ايدي وسحبتني لاقعد جنبها .. سألتها بصوت واطي (( في شي مشكلة ؟ )) هزت براسها ومسحت دموعها (( لا زينة .. بنتي هاد ابوكي .. ))
بعد ما صار عمري 20 سنه ، كبرت و وعيت وعشت كل شي صعب بحياتي لحالي انا وامي ... بعد كل هالسنين الي تركنا فيهن .. بلحظة بيجي وبيوقف قدامي وبيطلب عانقو وابكي بحضنو
علي اي اساس وكيف بدي سدء ! ... كان صعب علي كتير استوعب .. ليش كل هالسنين تركنا لحالنا .. لك وليش هلأ رجع ! ما كنت فهمانه شي
سألتهن كتير اسئله كانو يتطلعو ببعض وما يجاوبوني .. تطلعت فيه بقرف وجسمي عم يرجف ( وهلأ شو المطلوب مني بالضبط ؟ قلك بابا ؟او شو بدي اعمل ؟ .. )
التفتت لامي ومسكتها من اكتافها ( بتتذكري لما وعيت وسالتك وين ابي شو قلتي ؟ قلتيلي ابوكي سافر لبعيد كتير ونحنا ما لازم نستناه .. قلتيلي انو انتي ابي وامي ، هلأ كيف بتخليه يفوت على بيتنا ؟ لك كيف بتسمحيلو يوقف قدامي ويقول انو انا بنتو ؟ )
مالك : زينة اهدي شوي مشان نعرف نحكي
زينة : لك انتو شو بدكن مني انت ليش رجعت هلأ انقلع من بيتنا
ماجده : زينة بكفي ... انا بعرف انو الصدمة كبيرة بس للأسف هي الحقيقه ..الي واقف قدامك بكون ابوكي .. وهو هلأ راجع مشان يصلح غلطو ويعوضك عن
زينة : عن شو ؟ عن 20 سنه قهر و وحده وضعف ؟ كيف بدو يعوضني ؟ .. اديش بدك تدفعلي بابا مالك ؟ ليك تعال نحسبهن كل سنه بــ 100 ألف .. بتوفي معك ولا اعملك خصم ؟
مالك : طيب ماجده انا هلأ رح امشي ، انتي تفاهمي معها وبعد نص ساعه برجع باخدها متل ما اتفقنا
زينة : وين تاخدني ؟ وشو يعني اتفقتو ؟
طلع بدون ما يجاوبني .. لحقتو انا وعم اصرخ : اوعك ترجع لهون
سكرت الباب بقوة ورجعت لعند امي : لك كيف بتفوتي لهون بعد كل شي ؟
ماجدة : _ _ _
رميت حالي بحضنها انا وعم ابكي : امي ما لازم تسمحيلو يفوت لهون .. نحنا مبسوطين سوا .. انا ما عندي اب وما بدي ياه بحياتي ابداً
مسحت على شعري وحكت بصوت هادي : ما بصير هالحكي .. هاد ابوكي وهو كتير ندمان وبدو ياكي تسامحيه .. بعدين هو شرحلي ليش تركنا وطلع سببو كتير مقنع ما تقسي عليه
بعدت عنها انا ومصدومة : ما اقسى عليه ؟
ماجدة : ليكي بنتي .. انتي رح تروحي تعيشي مع ابوكي ، هو رح يعوضك عن كل شي وانتي دايماً كنتي تحكيلي انو بتمني لو ابوكي معك صح ؟ امنيتك تحققت
زينة : مستحيل .. انا بكرهو .. امي انتي كيف بتحكي هيك ؟ نحنا مبسوطين سوا وحياتنا كتير منيحه .. وانا كم سنه وبتخرج وانتي خلص بترتاحي ما بتعودي تشتغلي شي وحياتنا كلها بتنقلب ماشي ؟ بوعدك !
ماجدة : افهميني
زينة : انتي افهميني !!!! انا ما عم استوعب كيف قدرتي تسامحيه بهل بساطة ! كيف فيكي تبعتيني معو ؟ انتي بتوثقي فيه ؟ بتوثقي بالشخص الي تركك ضعيفه ومكسورة وترك بنتو عم تبكي وما الها سند غيرو . ؟
كيف بتوثقي فيه ؟؟؟؟؟
ماجدة : اي بوثق فيه لان بعد كل هالسنين شعورو بالأبوة خلاه يرجع ندمان
زينة : ندمو ما رح يمحي الماضي .. ما رح يغير الحقيقه .. ندمو مجرد عقاب لازم يعيشو بقية حياتو ليجرب شعور الحرمان الي عيشنا ياه ! مالك مو جزء من حياتنا وما الو الي صلة فيني
ماجدة: زينة بكفي .. بعرفك عنيدة كتير بس انا الي بقرر شو المناسب الك .. وهلأ رح تضبي غراضك وتروحي مع ابوكي
زينة : انتي عم تمزحي صح ؟ اكيد عم تمزحي
مسكتني من ايدي بقوة لدرجة وجعتني ، وتطلعت فيني بنظرات كلها غضب و جدية : تطلعي فيني .. شكلي بيوحي انو عم امزح ؟؟
زينة : ماما .. شو صرلك .. ليش هيك ؟
ماجدة : انا ما عاد قادرة اتحمل مسؤوليتك .. خلص صار دورو يتحمل هاد الهم .. ما عدت مجبورة اصرف عليكي واشتغل مشان دراستك واتعذب .. انا بدي شوف حياتي وارتاح لهيك ازا بتريدي روحي عيشي انتي وابوكي
وخلوني كمل حياتي
زينة : امي !!
ماجدة : روحي ضبي غراضك مشان تروحي معو .. ما ضل شي نتناقش فيه الي عندي حكيتو ..
بعدت عني واعطتني ضهرها ..
وقفت وراها وهمست بضعف : انتي هيك عم تتخلي عني ؟ عم تعملي متلو تماماً .. ازا بتتركيني ما رح اقدر سامحك انتي كمان .. ما رح سامحك ابداً !
ماجدة : _ _
مديت ايدي لكتفها .. بعدت عني وما تطلعت فيني
ماجدة : ضبي اغراضك فوراً ..
_______________________
_______________________
كان كل الطريق عم يحكي ، عم يحكيلي انو مجهزلي كل شي ورح كون مرتاحه ومبسوطه .. عم يحكيلي انو بدو مني فرصه لسامحو ورح يعوضني عن كل شي ..
بعد ما تعب من الاسئلة الكتيره الي ما اعطيتو الها ولا جواب .. فهم انو الموضوع ما رح يكون سهل ابداً .. سكت وكملنا طريقنا أربع ساعات بدون ولا صوت .. نزل من السيارة وفتحلي الباب
كان عتمة ومبين المنطقة هاديه كتير وكلها شجر وغابات ..
مالك : تفضلي .. هاد بيتنا
حمل شنتايتي ومشي قدامي .. تطلعت على البيت الي رايح باتجاهو ، بيت كبير كتير والأضوية الي حواليه متل النجوم الي بالسما .. كتار كتير وعم يلمعو
استقبلونا الموظفين الي بيخدمو بالبيت .. كلهن بيعرفوني كأنو الكل متأكد من موعد جيتي .. كان كل شي مخططلو ، تجاهلت الكل و وقفت بنص البيت عم اتفرج على كل شي حوالي
قصر أثري كلو تحف ولوحات غالب عليه اللون الدهبي والخمري ..
مالك : عجبك البيت ؟
زينة : وين بدي نام ؟
مالك : هلأ جهزتلك غرفة لترتاحي وبكرا انتي بتختاري اي غرفة بتعجبك بتاخديها .. جميلة خدي زينة على غرفتها وساعديها بترتيب اغراضها
جميلة : حاضر .. تفضلي زينة خانوم
مشيت معها طلعنا للطابق التاني ومرينا بممر طويل كلو غرف لوصلنا لغرفتي .. فتحتلي الباب وفتت .. شغلت الضو وانصدمت من غرفتي الجديده !!
حياتي الجديده كانت بتشبه السجن المؤبد مع اعمال شاقه ! كل يوم لازم شوف الشخص الي بكرهو .. واسمعو هو وعم يتوددلي ويعتذرلي كأنو اعتذارو رح يغير شي او رح يصلح حياتي الي عشتها
كان قلبي مكسور بسبب حكي امي .. الحضن الدافي والأمان و القوة .. حسستني انو انا عبء .. حسستني انو شي بدها تتخلص منو كأنو كانت عايشه معي بجحيم ..
مدينة جديده .. ناس جداد .. كل شي تدمر بلحظة ..
مالك : زينة وين سرحانه ؟ كملي فطورك مشان اخدك تتعرفي على المنطقه برا
زينة : مو جوعانه .. ومابدي شوف شي
مالك : الك تلات ايام من لما جيتي ما عم تاكلي .. الاكل ما عم يعجبك ؟
زينة : ما في شي عم يعجبني ..
تطلع فيني شوي وكنت منتظره منو يرد بعصبيه ، ابتسم وكمل اكلو .. : لكن بتمنى جامعتك الجديده تعجبك ، لان مشكلة ازا ما عجبتك
زينة : جامعتي الجديده ؟
مالك : اها ، اوراقك جاهزة ورح تداومي من بكرا
تذكرت رفقاتي و قمت بسرعه من على طاولة الأكل ..
مالك : زينة ..
وقفت بدون ما التفت عليه ..
مالك : كل شي رح يصير منيح بنتي لا تخافي
زينة : امي ما اتصلت ؟
مالك : _ _
زينة : هي ما عم ترد علي بدي احكي معا .. خليا تتصل فيني
مالك : حاضر
طلعت على غرفتي ضليت عم ابكي ونمت من التعب .. صحيت الساعه 9 بالليل .. كان النوم مهربي من الدوامة الي عم عيش فيها ..
لقيت الأكل جنبي اكلت لقمتين واخدت دش .. تفقدت موبايلي وما لقيت اي اتصال من امي
فتحت الشباك وقعدت على طرفو .. كان المنظر لبعيد مخيف نوعاً ما و موحش .. غابة ممتده كلها اشجار ضخمة ومتشابكة ..
انا وعم اتأمل المكان .. لفت انتباهي البيت الي جنبنا مباشرة .. بيفصلنا عنو سور عالي كتير .. وما فيه ضو او صوت .. كأنو بيت مهجور ضليت عم اتأملو وحسيت قشعر جسمي للحظة من العتمه والهدوء الي بهل بيت ..
جميلة : صح النوم يا خانوم
التفتت عليها بخوف و بلعت ريقي : جميلة ؟
جميلة : عفواّ ما دقيت الباب خفت تكوني لسه نايمه
زينة : مو مشكلة
جميلة : مالك بيك طلب طلعلك عصير وازا صاحيه بدو ياكي تنزلي تقعدي معو
زينة : ما الي مزاج شوف وشو
جميلة : عفواً ؟
زينة : تعي بدي اسألك
جميلة : خير يا خانوم ؟
سحبتها من ايدها و وقفتها على الشباك .. اشرتلها باصبعي على البيت : هاد البيت مين عايش فيه ؟
جميلة : _ _ _
زينة : شبك ليش ساكته ؟
جميلة : ليش عم تسألي ؟
زينة : عادي فضول .. انتي ليش تلبكتي هيك ؟
الجزء الثاني
جميلة : ابداً ما تلبكت بس استغربت سؤالك ... هاد بيت السيد طيف
زينة : هههههه طيف ؟ حتى اسمو غريب متل بيتو
مالك : نطرتك كتير تحت بعدين توقعت ما تنزلي قلت بطلع انا ..
جميلة : مالك بيك ؟ انا قلتلها بس اخدنا الحديث بعتذر
مالك : ما في مشكلة فيكي تنزلي انتي
جميلة : حاضر
راحت جميلة وانا تجاهلت وجودو بقيت واقفه كأنو ما في حدا بالغرفة .. وقف جنبي وحاول يفتح معي حديث
مالك : مع انو امك الي ربتك وعاشت معك كل شي ، بس انتي ما بتشبهيا ابداً .. انتي بتشبهيني تماماً
زينة : _ _
مالك : عنيده ، شرسة .. قوية .. وما بتغفري وما بتسامحي
ابتسمت بلئم :هلأ انت شرس و قوي ؟ لهيك رميت بنتك ومشيت ؟
مالك : انا ما رميتك .. انا حاولت احميكون
زينة : هههههههه عنجد ؟
تركني وقعد على تختي انا وعم راقبو بعيوني ..
مالك : قبل 20 سنة ، كنت انا بعمرك هيك تقريباً .. انا وامك حبينا بعض كتير .. انغرمت فيها وكنت طايش لدرجه بس بدي احصل عليها شو ما كان الثمن
تقدمت لخطبتها مرتين وانرفضت لانو ما جبت حدا من اهلي ، بالمره التالته وافق ابي يروح معي وخطبت امك ومشيت امورنا وتزوجنا بس هالشي كان بالسر عن عيلتي .
عيلتي الي من الطبقة الغنية جداً .. ما كانو مستعدين يعترفو بأمك تحت اي ظرف والي فهمتو بعدين انو ابي وافق يسايرني لانو يأس مني اتنازل عن ماجده وفكر ازا تزوجتها وحصلت عليها رح مل منها واتركها
الكارثه كانت لما طلعت امك حامل ، خبيت خوفي عنها مشان ما دمر فرحتها وخبيت هالخبر عن ابي مشان حطو تحت الأمر الواقع بس يجي المولود
للأسف .. لما انتي جيتي .. هن حطوني تحت الأمر الواقع وهددوني يتخلصو منك .. عرفت امي و وصلت لحل هي وابي انو بنتي الي اجت من زوجه غير مناسبه الي لازم يقتلوها مشان ما تكون هي وريثة العيله
كان عندي حلين تنين ..
اما بخسرك .. او بخسر سعادتي .. وانا ضحيت كرمالكون وانسحبت من حياتكون بشرط تضلي بحضن امك
زينة : واو .. بابا البطل المضحي كتير تأثرت انا .. بس امي ما حكتلي هيك ..
مالك : شو حكتلك ؟
صفنت شوي و توترت .. هي فعلاً ولا مره قالتلي شو السبب ليش تركنا وانا ولا مره فكرت اسألها شو السبب .. كل شي كنت بعرفو انو تركنا وبس
مالك : حتى لو بتعرف هاد الحكي ما رح تقتنع فيه ، تماماً متلك هلأ لو بتعرفي انو امك ضحت كرمالك ما رح تقتنعي بسببها
زينة : وانا هيك مكتوب علي ؟ كل واحد فيكون يئذيني بابشع طريقه ويرجع يحملني جميله انو ضحى كرمالي ؟ فيكون تبطلو تضحيات باسمي ؟ انا ما بدي اي تضحية من حدا بدي عيش متلي متل اي بنت
بس بدي حياة طبيعيه ما بدي منكون بطولات ودراما صعب هالشي ؟؟؟؟
مالك : تمام انتي مو ذنبك انو ولدتي بهيك ظروف ، يمكن انا وامك تسرعنا بقرار زواجنا بس كنا نحب بعض وانتي ثمرة هاد الحب
زينة : و وين اختفى هالحب العظيم لما احتجناك ؟
مالك : ما اختفى ! انا كملت حياتي وحاولت بكل مره انو رجعكون لحضني بس سلطة اهلي كانت اقوى مني .. توفى ابي و تخيلي انا فرحت ؟ فيكي تتخيلي انو فرحت لان خطرلي هلأ رح نصير عيله وحده ؟
بس كانت امي متل السيف بوشي .. كانت قاسيه كتير يا زينة .. قاسيه اكتر مما انا كنت قاسي عليكي
قعدت جنبو واخدت نفس .. : طيب ممكن اطلب منك طلب ؟
مالك : طبعاً
زينة : رجعني لعند امي .. انا ممكن مع الأيام اتفهمك واقدر سامحك بس هلأ صعب كتير .. انتو حطيتوني تحت الأمر الواقع بس الأمور ما بتمشي بهي الطريقه انا اشتقت لأمي كتير
لبيتي ولرفقاتي ولحياتي الي تعودت عليها .. وما فيني اتقبلك ابداً .. بكفي الأذى الي سببتلي ياه كل هالسنين ما تحرمني هلأ من امي
مالك : بس هاد قرار امك قبل ما يكون قراري
زينة : لأ ..
مرقت ببالي صوتها هي وعم تقلي انو ما بدها ياني وما عاد بدها تصرف علي ..
قمت وتمددت بتختي وغطيت راسي : بدي نام
مالك : عم نحكي ؟
زينة : بعدين منحكي هلأ بدي نام ..
مالك : طيب متل ما بدك ، بس بدي احكيلك انو كل هالسنين انا كنت مرافقك ومتل ملاكك الحارس ماشي؟
زينة : _ _ _
قام وطفى الضو وقبل ما يسكر الباب رفعت الغطى عن وشي
زينة : يبدو انك ما بتعرف انو اكتر شي مرعب بحياتي هو العتمه .. هه .. يا ملاكي الحارس
شغل الضو وابتسم : بعتذر .. وهي صرت اعرف
__________
__________
تاني يوم طلعت لاتعرف على جامعتي الجديده ، كانت الجزء الحلو بحياتي .. جامعه ضخمة و عريقه والطلاب فيها اجتماعين و ودودين لدرجه بأول يوم قدرت كون صداقات مع اكتر من بنت وما حسيت حالي غريبه
مالك كان عم يهتم فيني وبكل تفاصيلي بس ابداً ما قدرت خبي شرارة الحقد الي بتلمع بعيوني ..
كان اكتر شي موترني هو بعد امي عني ، حاولت اتصل فيها كتير ما كانت تجاوب على اتصالاتي للحظة حسيت انو فعلاً كل همها تتخلص مني ، وما الي ملجئ اهرب الو من هالحياة الباردة
مالك كان رجل اعمال معروف ، ودائماً بيتنا فيه ضيوف حاول يعرفني عليهن لاندمج بمجتمعو المختلف عن مجتمعي البسيط والهادي
مالك : حاسس انك عم تتحسني .. عم تحبي المكان ؟
زينة : مجبورة ..
مالك : شو الي جابرك ؟
زينة : ما في مكان تاني روح عليه بما انو امي ما بدها ياني ، بس مو مشكلة هاد حل مؤقت
مالك : هههه ليش شو مخططك لبعدين هاتي لشوف ؟
زينة : بس خلص دراسه بدي سافر وهيك بترتاح انت وياها من مسؤوليتي
مالك : اووه .. حل مثالي بس هيك بدك تستني سنتين ؟
زينة : للأسف اي..
كملت اكلي بدون ما اتطلع فيه ، لوقت ما سمعت رنة موبايلو واجتو رسالة .. فتحها واتخربط وتلبك كتير .. قام عن الاكل بسرعه بدون ما يحكي شي معي
زينة : في شي ؟
مالك :لا انتي كملي اكلك
رجعت لكمل اكلي بس حسيت في شي مهم ، قمت ولحقتو .. طلع لبرا وكان عم يتصل .. حاولت كون قريبه لاسمع ..
مالك : ليش ما عم تردي شغلتي بالي ؟؟؟؟؟
طيب المهم في داعي اجي هلأ ؟ .. لك لا لا زينة مو حاسه على شي ابداً .. بس انا بكرا جايه ما فيني ضل بعيد اكتر من هيك
التفت علي هو وعم يحكي : اوثقي فيــ ـ ـ
وقف حكيو وتطلعنا ببعض .. نزل الجوال وسألني بهدوء : في شي زينة ؟
زينة : مع مين عم تحكي ؟
مالك : مكالمة خاصه فوتي لجوا
زينة : خاصه و فيها سيرتي .. من حقي اعرف شو القصه ؟
مالك :لا مو من حقك تعرفي خصوصياتي .. وهلأ فوتي لجوا
قربت لعندو وحاولت اخود الموبايل من ايدو .. و لاول مره بيطلع عن اعصابو وبيعصب .. بعد ايدي بقوة وصرخ فيني : انتي شو عم تعملي
رجعت خطوة لورا : شو عم تحاول تعمل ؟ أي لعبة عم تلعبها ؟
مالك : بس ارجع منحكي .. صار لازم نحط النقاط على الحروف
طلع بسيارتو من البيت وتجاهل اسئلتي الو .. طلعت على غرفتي و اتصلت على امي كتير بعدين بعتلها رساله ( ازا هلأ ما بتردي انا رح اطلع من البيت بدون ما خبر مالك )
استلمت الرساله واتصلت علي .. رديت بلهفة : امييي ليش هيك عم تعملي فيني ..هاد الرجال تصرفاتو غريبه انا ما عم حس بالأمان هون تعي خديني بترجاكي
ماجدة : شو صاير ؟
زينة : انا مو مرتاحه وخايفه كتير وما بدي عيش معو بترجاكي حاج تقسي علي اتي بتحبيني انا متأكده لا تعملي فيني هيك
ماجده : زينة .. انا هلأ بشهر العسل .. تزوجت ومسافره مع زوجي ما فيني قضي الوقت انا وعم رد على اتصالاتك بنتي .. زوجي كتير بينزعج ازا بنشغل عنو انتي ما عدتي صغيره وانا اديت واجبي معك
ياريت تحترمي حياتي الخاصه وما تتصلي لهون .. انا بس افضى بصير اتصل تمام ؟
زنية: _ _
ماجدة : فهمتي بنتي ؟ .. الو ؟ زينة ؟
سكرت الخط وحطيت ايدي على البي حسيتو رح يطلع من محلو رح يصرلي بس شهر هون .. ايمت لحقت تبني حياة جديده ! من ايمت كانت عم تحلم تخلص مني !
طلعت من البيت ، اخدت سيارة خصصلي ياها مالك
بعد مسافه قصيره .. نزلت من السيارة و ضليت عم امشي بالغابة ما بعرف حالي وين رايحه ... انا عم ابعد اكتر والشمس عم تغيب و عم يصير عتمه
وصلت لحفة الجبل .. شلحت من رجلي وقربت اكتر للزاوية الحادة ... لهاوية الحياة والنهاية ! .. وقفت على روس اصابعي واخدت نفس ...
الشمس رح تختفي ... ضل منها جزء بسيط .. واول ما تغيب رح غيب معها ..
هيك قررت ... بس بثواني تغير كل شي .. عند نقطة النهاية ... بلشت لعبة جديده !!
#يتبع
الجزء الأول - الجزء الثاني
الساعه 2 الظهر وصلت للبيت انا وتعبانه .. فتحت الباب وفتت مستعجلة عالمطبخ .. وتفاجئت انو ما في شي على النار وما في ريحة اكل بالبيت ..
حطيت اغراضي على طاولة المطبخ وندهت لأمي ..
(( ماما وينك ؟ انا جوعانه كتير ليش مو طابخه ! )) ..
وصلت للصالة وتفاجئت بأمي قاعده و في جنبها شخص غريب .. لابس بدلة سودا .. بس شافني وقف وصار يتطلع فيني ويبتسم وامي عيونها بالأرض
(( شو في امي ؟ مين هاد ؟ ))
مسكتني من ايدي وسحبتني لاقعد جنبها .. سألتها بصوت واطي (( في شي مشكلة ؟ )) هزت براسها ومسحت دموعها (( لا زينة .. بنتي هاد ابوكي .. ))
بعد ما صار عمري 20 سنه ، كبرت و وعيت وعشت كل شي صعب بحياتي لحالي انا وامي ... بعد كل هالسنين الي تركنا فيهن .. بلحظة بيجي وبيوقف قدامي وبيطلب عانقو وابكي بحضنو
علي اي اساس وكيف بدي سدء ! ... كان صعب علي كتير استوعب .. ليش كل هالسنين تركنا لحالنا .. لك وليش هلأ رجع ! ما كنت فهمانه شي
سألتهن كتير اسئله كانو يتطلعو ببعض وما يجاوبوني .. تطلعت فيه بقرف وجسمي عم يرجف ( وهلأ شو المطلوب مني بالضبط ؟ قلك بابا ؟او شو بدي اعمل ؟ .. )
التفتت لامي ومسكتها من اكتافها ( بتتذكري لما وعيت وسالتك وين ابي شو قلتي ؟ قلتيلي ابوكي سافر لبعيد كتير ونحنا ما لازم نستناه .. قلتيلي انو انتي ابي وامي ، هلأ كيف بتخليه يفوت على بيتنا ؟ لك كيف بتسمحيلو يوقف قدامي ويقول انو انا بنتو ؟ )
مالك : زينة اهدي شوي مشان نعرف نحكي
زينة : لك انتو شو بدكن مني انت ليش رجعت هلأ انقلع من بيتنا
ماجده : زينة بكفي ... انا بعرف انو الصدمة كبيرة بس للأسف هي الحقيقه ..الي واقف قدامك بكون ابوكي .. وهو هلأ راجع مشان يصلح غلطو ويعوضك عن
زينة : عن شو ؟ عن 20 سنه قهر و وحده وضعف ؟ كيف بدو يعوضني ؟ .. اديش بدك تدفعلي بابا مالك ؟ ليك تعال نحسبهن كل سنه بــ 100 ألف .. بتوفي معك ولا اعملك خصم ؟
مالك : طيب ماجده انا هلأ رح امشي ، انتي تفاهمي معها وبعد نص ساعه برجع باخدها متل ما اتفقنا
زينة : وين تاخدني ؟ وشو يعني اتفقتو ؟
طلع بدون ما يجاوبني .. لحقتو انا وعم اصرخ : اوعك ترجع لهون
سكرت الباب بقوة ورجعت لعند امي : لك كيف بتفوتي لهون بعد كل شي ؟
ماجدة : _ _ _
رميت حالي بحضنها انا وعم ابكي : امي ما لازم تسمحيلو يفوت لهون .. نحنا مبسوطين سوا .. انا ما عندي اب وما بدي ياه بحياتي ابداً
مسحت على شعري وحكت بصوت هادي : ما بصير هالحكي .. هاد ابوكي وهو كتير ندمان وبدو ياكي تسامحيه .. بعدين هو شرحلي ليش تركنا وطلع سببو كتير مقنع ما تقسي عليه
بعدت عنها انا ومصدومة : ما اقسى عليه ؟
ماجدة : ليكي بنتي .. انتي رح تروحي تعيشي مع ابوكي ، هو رح يعوضك عن كل شي وانتي دايماً كنتي تحكيلي انو بتمني لو ابوكي معك صح ؟ امنيتك تحققت
زينة : مستحيل .. انا بكرهو .. امي انتي كيف بتحكي هيك ؟ نحنا مبسوطين سوا وحياتنا كتير منيحه .. وانا كم سنه وبتخرج وانتي خلص بترتاحي ما بتعودي تشتغلي شي وحياتنا كلها بتنقلب ماشي ؟ بوعدك !
ماجدة : افهميني
زينة : انتي افهميني !!!! انا ما عم استوعب كيف قدرتي تسامحيه بهل بساطة ! كيف فيكي تبعتيني معو ؟ انتي بتوثقي فيه ؟ بتوثقي بالشخص الي تركك ضعيفه ومكسورة وترك بنتو عم تبكي وما الها سند غيرو . ؟
كيف بتوثقي فيه ؟؟؟؟؟
ماجدة : اي بوثق فيه لان بعد كل هالسنين شعورو بالأبوة خلاه يرجع ندمان
زينة : ندمو ما رح يمحي الماضي .. ما رح يغير الحقيقه .. ندمو مجرد عقاب لازم يعيشو بقية حياتو ليجرب شعور الحرمان الي عيشنا ياه ! مالك مو جزء من حياتنا وما الو الي صلة فيني
ماجدة: زينة بكفي .. بعرفك عنيدة كتير بس انا الي بقرر شو المناسب الك .. وهلأ رح تضبي غراضك وتروحي مع ابوكي
زينة : انتي عم تمزحي صح ؟ اكيد عم تمزحي
مسكتني من ايدي بقوة لدرجة وجعتني ، وتطلعت فيني بنظرات كلها غضب و جدية : تطلعي فيني .. شكلي بيوحي انو عم امزح ؟؟
زينة : ماما .. شو صرلك .. ليش هيك ؟
ماجدة : انا ما عاد قادرة اتحمل مسؤوليتك .. خلص صار دورو يتحمل هاد الهم .. ما عدت مجبورة اصرف عليكي واشتغل مشان دراستك واتعذب .. انا بدي شوف حياتي وارتاح لهيك ازا بتريدي روحي عيشي انتي وابوكي
وخلوني كمل حياتي
زينة : امي !!
ماجدة : روحي ضبي غراضك مشان تروحي معو .. ما ضل شي نتناقش فيه الي عندي حكيتو ..
بعدت عني واعطتني ضهرها ..
وقفت وراها وهمست بضعف : انتي هيك عم تتخلي عني ؟ عم تعملي متلو تماماً .. ازا بتتركيني ما رح اقدر سامحك انتي كمان .. ما رح سامحك ابداً !
ماجدة : _ _
مديت ايدي لكتفها .. بعدت عني وما تطلعت فيني
ماجدة : ضبي اغراضك فوراً ..
_______________________
_______________________
كان كل الطريق عم يحكي ، عم يحكيلي انو مجهزلي كل شي ورح كون مرتاحه ومبسوطه .. عم يحكيلي انو بدو مني فرصه لسامحو ورح يعوضني عن كل شي ..
بعد ما تعب من الاسئلة الكتيره الي ما اعطيتو الها ولا جواب .. فهم انو الموضوع ما رح يكون سهل ابداً .. سكت وكملنا طريقنا أربع ساعات بدون ولا صوت .. نزل من السيارة وفتحلي الباب
كان عتمة ومبين المنطقة هاديه كتير وكلها شجر وغابات ..
مالك : تفضلي .. هاد بيتنا
حمل شنتايتي ومشي قدامي .. تطلعت على البيت الي رايح باتجاهو ، بيت كبير كتير والأضوية الي حواليه متل النجوم الي بالسما .. كتار كتير وعم يلمعو
استقبلونا الموظفين الي بيخدمو بالبيت .. كلهن بيعرفوني كأنو الكل متأكد من موعد جيتي .. كان كل شي مخططلو ، تجاهلت الكل و وقفت بنص البيت عم اتفرج على كل شي حوالي
قصر أثري كلو تحف ولوحات غالب عليه اللون الدهبي والخمري ..
مالك : عجبك البيت ؟
زينة : وين بدي نام ؟
مالك : هلأ جهزتلك غرفة لترتاحي وبكرا انتي بتختاري اي غرفة بتعجبك بتاخديها .. جميلة خدي زينة على غرفتها وساعديها بترتيب اغراضها
جميلة : حاضر .. تفضلي زينة خانوم
مشيت معها طلعنا للطابق التاني ومرينا بممر طويل كلو غرف لوصلنا لغرفتي .. فتحتلي الباب وفتت .. شغلت الضو وانصدمت من غرفتي الجديده !!
حياتي الجديده كانت بتشبه السجن المؤبد مع اعمال شاقه ! كل يوم لازم شوف الشخص الي بكرهو .. واسمعو هو وعم يتوددلي ويعتذرلي كأنو اعتذارو رح يغير شي او رح يصلح حياتي الي عشتها
كان قلبي مكسور بسبب حكي امي .. الحضن الدافي والأمان و القوة .. حسستني انو انا عبء .. حسستني انو شي بدها تتخلص منو كأنو كانت عايشه معي بجحيم ..
مدينة جديده .. ناس جداد .. كل شي تدمر بلحظة ..
مالك : زينة وين سرحانه ؟ كملي فطورك مشان اخدك تتعرفي على المنطقه برا
زينة : مو جوعانه .. ومابدي شوف شي
مالك : الك تلات ايام من لما جيتي ما عم تاكلي .. الاكل ما عم يعجبك ؟
زينة : ما في شي عم يعجبني ..
تطلع فيني شوي وكنت منتظره منو يرد بعصبيه ، ابتسم وكمل اكلو .. : لكن بتمنى جامعتك الجديده تعجبك ، لان مشكلة ازا ما عجبتك
زينة : جامعتي الجديده ؟
مالك : اها ، اوراقك جاهزة ورح تداومي من بكرا
تذكرت رفقاتي و قمت بسرعه من على طاولة الأكل ..
مالك : زينة ..
وقفت بدون ما التفت عليه ..
مالك : كل شي رح يصير منيح بنتي لا تخافي
زينة : امي ما اتصلت ؟
مالك : _ _
زينة : هي ما عم ترد علي بدي احكي معا .. خليا تتصل فيني
مالك : حاضر
طلعت على غرفتي ضليت عم ابكي ونمت من التعب .. صحيت الساعه 9 بالليل .. كان النوم مهربي من الدوامة الي عم عيش فيها ..
لقيت الأكل جنبي اكلت لقمتين واخدت دش .. تفقدت موبايلي وما لقيت اي اتصال من امي
فتحت الشباك وقعدت على طرفو .. كان المنظر لبعيد مخيف نوعاً ما و موحش .. غابة ممتده كلها اشجار ضخمة ومتشابكة ..
انا وعم اتأمل المكان .. لفت انتباهي البيت الي جنبنا مباشرة .. بيفصلنا عنو سور عالي كتير .. وما فيه ضو او صوت .. كأنو بيت مهجور ضليت عم اتأملو وحسيت قشعر جسمي للحظة من العتمه والهدوء الي بهل بيت ..
جميلة : صح النوم يا خانوم
التفتت عليها بخوف و بلعت ريقي : جميلة ؟
جميلة : عفواّ ما دقيت الباب خفت تكوني لسه نايمه
زينة : مو مشكلة
جميلة : مالك بيك طلب طلعلك عصير وازا صاحيه بدو ياكي تنزلي تقعدي معو
زينة : ما الي مزاج شوف وشو
جميلة : عفواً ؟
زينة : تعي بدي اسألك
جميلة : خير يا خانوم ؟
سحبتها من ايدها و وقفتها على الشباك .. اشرتلها باصبعي على البيت : هاد البيت مين عايش فيه ؟
جميلة : _ _ _
زينة : شبك ليش ساكته ؟
جميلة : ليش عم تسألي ؟
زينة : عادي فضول .. انتي ليش تلبكتي هيك ؟
الجزء الثاني
جميلة : ابداً ما تلبكت بس استغربت سؤالك ... هاد بيت السيد طيف
زينة : هههههه طيف ؟ حتى اسمو غريب متل بيتو
مالك : نطرتك كتير تحت بعدين توقعت ما تنزلي قلت بطلع انا ..
جميلة : مالك بيك ؟ انا قلتلها بس اخدنا الحديث بعتذر
مالك : ما في مشكلة فيكي تنزلي انتي
جميلة : حاضر
راحت جميلة وانا تجاهلت وجودو بقيت واقفه كأنو ما في حدا بالغرفة .. وقف جنبي وحاول يفتح معي حديث
مالك : مع انو امك الي ربتك وعاشت معك كل شي ، بس انتي ما بتشبهيا ابداً .. انتي بتشبهيني تماماً
زينة : _ _
مالك : عنيده ، شرسة .. قوية .. وما بتغفري وما بتسامحي
ابتسمت بلئم :هلأ انت شرس و قوي ؟ لهيك رميت بنتك ومشيت ؟
مالك : انا ما رميتك .. انا حاولت احميكون
زينة : هههههههه عنجد ؟
تركني وقعد على تختي انا وعم راقبو بعيوني ..
مالك : قبل 20 سنة ، كنت انا بعمرك هيك تقريباً .. انا وامك حبينا بعض كتير .. انغرمت فيها وكنت طايش لدرجه بس بدي احصل عليها شو ما كان الثمن
تقدمت لخطبتها مرتين وانرفضت لانو ما جبت حدا من اهلي ، بالمره التالته وافق ابي يروح معي وخطبت امك ومشيت امورنا وتزوجنا بس هالشي كان بالسر عن عيلتي .
عيلتي الي من الطبقة الغنية جداً .. ما كانو مستعدين يعترفو بأمك تحت اي ظرف والي فهمتو بعدين انو ابي وافق يسايرني لانو يأس مني اتنازل عن ماجده وفكر ازا تزوجتها وحصلت عليها رح مل منها واتركها
الكارثه كانت لما طلعت امك حامل ، خبيت خوفي عنها مشان ما دمر فرحتها وخبيت هالخبر عن ابي مشان حطو تحت الأمر الواقع بس يجي المولود
للأسف .. لما انتي جيتي .. هن حطوني تحت الأمر الواقع وهددوني يتخلصو منك .. عرفت امي و وصلت لحل هي وابي انو بنتي الي اجت من زوجه غير مناسبه الي لازم يقتلوها مشان ما تكون هي وريثة العيله
كان عندي حلين تنين ..
اما بخسرك .. او بخسر سعادتي .. وانا ضحيت كرمالكون وانسحبت من حياتكون بشرط تضلي بحضن امك
زينة : واو .. بابا البطل المضحي كتير تأثرت انا .. بس امي ما حكتلي هيك ..
مالك : شو حكتلك ؟
صفنت شوي و توترت .. هي فعلاً ولا مره قالتلي شو السبب ليش تركنا وانا ولا مره فكرت اسألها شو السبب .. كل شي كنت بعرفو انو تركنا وبس
مالك : حتى لو بتعرف هاد الحكي ما رح تقتنع فيه ، تماماً متلك هلأ لو بتعرفي انو امك ضحت كرمالك ما رح تقتنعي بسببها
زينة : وانا هيك مكتوب علي ؟ كل واحد فيكون يئذيني بابشع طريقه ويرجع يحملني جميله انو ضحى كرمالي ؟ فيكون تبطلو تضحيات باسمي ؟ انا ما بدي اي تضحية من حدا بدي عيش متلي متل اي بنت
بس بدي حياة طبيعيه ما بدي منكون بطولات ودراما صعب هالشي ؟؟؟؟
مالك : تمام انتي مو ذنبك انو ولدتي بهيك ظروف ، يمكن انا وامك تسرعنا بقرار زواجنا بس كنا نحب بعض وانتي ثمرة هاد الحب
زينة : و وين اختفى هالحب العظيم لما احتجناك ؟
مالك : ما اختفى ! انا كملت حياتي وحاولت بكل مره انو رجعكون لحضني بس سلطة اهلي كانت اقوى مني .. توفى ابي و تخيلي انا فرحت ؟ فيكي تتخيلي انو فرحت لان خطرلي هلأ رح نصير عيله وحده ؟
بس كانت امي متل السيف بوشي .. كانت قاسيه كتير يا زينة .. قاسيه اكتر مما انا كنت قاسي عليكي
قعدت جنبو واخدت نفس .. : طيب ممكن اطلب منك طلب ؟
مالك : طبعاً
زينة : رجعني لعند امي .. انا ممكن مع الأيام اتفهمك واقدر سامحك بس هلأ صعب كتير .. انتو حطيتوني تحت الأمر الواقع بس الأمور ما بتمشي بهي الطريقه انا اشتقت لأمي كتير
لبيتي ولرفقاتي ولحياتي الي تعودت عليها .. وما فيني اتقبلك ابداً .. بكفي الأذى الي سببتلي ياه كل هالسنين ما تحرمني هلأ من امي
مالك : بس هاد قرار امك قبل ما يكون قراري
زينة : لأ ..
مرقت ببالي صوتها هي وعم تقلي انو ما بدها ياني وما عاد بدها تصرف علي ..
قمت وتمددت بتختي وغطيت راسي : بدي نام
مالك : عم نحكي ؟
زينة : بعدين منحكي هلأ بدي نام ..
مالك : طيب متل ما بدك ، بس بدي احكيلك انو كل هالسنين انا كنت مرافقك ومتل ملاكك الحارس ماشي؟
زينة : _ _ _
قام وطفى الضو وقبل ما يسكر الباب رفعت الغطى عن وشي
زينة : يبدو انك ما بتعرف انو اكتر شي مرعب بحياتي هو العتمه .. هه .. يا ملاكي الحارس
شغل الضو وابتسم : بعتذر .. وهي صرت اعرف
__________
__________
تاني يوم طلعت لاتعرف على جامعتي الجديده ، كانت الجزء الحلو بحياتي .. جامعه ضخمة و عريقه والطلاب فيها اجتماعين و ودودين لدرجه بأول يوم قدرت كون صداقات مع اكتر من بنت وما حسيت حالي غريبه
مالك كان عم يهتم فيني وبكل تفاصيلي بس ابداً ما قدرت خبي شرارة الحقد الي بتلمع بعيوني ..
كان اكتر شي موترني هو بعد امي عني ، حاولت اتصل فيها كتير ما كانت تجاوب على اتصالاتي للحظة حسيت انو فعلاً كل همها تتخلص مني ، وما الي ملجئ اهرب الو من هالحياة الباردة
مالك كان رجل اعمال معروف ، ودائماً بيتنا فيه ضيوف حاول يعرفني عليهن لاندمج بمجتمعو المختلف عن مجتمعي البسيط والهادي
مالك : حاسس انك عم تتحسني .. عم تحبي المكان ؟
زينة : مجبورة ..
مالك : شو الي جابرك ؟
زينة : ما في مكان تاني روح عليه بما انو امي ما بدها ياني ، بس مو مشكلة هاد حل مؤقت
مالك : هههه ليش شو مخططك لبعدين هاتي لشوف ؟
زينة : بس خلص دراسه بدي سافر وهيك بترتاح انت وياها من مسؤوليتي
مالك : اووه .. حل مثالي بس هيك بدك تستني سنتين ؟
زينة : للأسف اي..
كملت اكلي بدون ما اتطلع فيه ، لوقت ما سمعت رنة موبايلو واجتو رسالة .. فتحها واتخربط وتلبك كتير .. قام عن الاكل بسرعه بدون ما يحكي شي معي
زينة : في شي ؟
مالك :لا انتي كملي اكلك
رجعت لكمل اكلي بس حسيت في شي مهم ، قمت ولحقتو .. طلع لبرا وكان عم يتصل .. حاولت كون قريبه لاسمع ..
مالك : ليش ما عم تردي شغلتي بالي ؟؟؟؟؟
طيب المهم في داعي اجي هلأ ؟ .. لك لا لا زينة مو حاسه على شي ابداً .. بس انا بكرا جايه ما فيني ضل بعيد اكتر من هيك
التفت علي هو وعم يحكي : اوثقي فيــ ـ ـ
وقف حكيو وتطلعنا ببعض .. نزل الجوال وسألني بهدوء : في شي زينة ؟
زينة : مع مين عم تحكي ؟
مالك : مكالمة خاصه فوتي لجوا
زينة : خاصه و فيها سيرتي .. من حقي اعرف شو القصه ؟
مالك :لا مو من حقك تعرفي خصوصياتي .. وهلأ فوتي لجوا
قربت لعندو وحاولت اخود الموبايل من ايدو .. و لاول مره بيطلع عن اعصابو وبيعصب .. بعد ايدي بقوة وصرخ فيني : انتي شو عم تعملي
رجعت خطوة لورا : شو عم تحاول تعمل ؟ أي لعبة عم تلعبها ؟
مالك : بس ارجع منحكي .. صار لازم نحط النقاط على الحروف
طلع بسيارتو من البيت وتجاهل اسئلتي الو .. طلعت على غرفتي و اتصلت على امي كتير بعدين بعتلها رساله ( ازا هلأ ما بتردي انا رح اطلع من البيت بدون ما خبر مالك )
استلمت الرساله واتصلت علي .. رديت بلهفة : امييي ليش هيك عم تعملي فيني ..هاد الرجال تصرفاتو غريبه انا ما عم حس بالأمان هون تعي خديني بترجاكي
ماجدة : شو صاير ؟
زينة : انا مو مرتاحه وخايفه كتير وما بدي عيش معو بترجاكي حاج تقسي علي اتي بتحبيني انا متأكده لا تعملي فيني هيك
ماجده : زينة .. انا هلأ بشهر العسل .. تزوجت ومسافره مع زوجي ما فيني قضي الوقت انا وعم رد على اتصالاتك بنتي .. زوجي كتير بينزعج ازا بنشغل عنو انتي ما عدتي صغيره وانا اديت واجبي معك
ياريت تحترمي حياتي الخاصه وما تتصلي لهون .. انا بس افضى بصير اتصل تمام ؟
زنية: _ _
ماجدة : فهمتي بنتي ؟ .. الو ؟ زينة ؟
سكرت الخط وحطيت ايدي على البي حسيتو رح يطلع من محلو رح يصرلي بس شهر هون .. ايمت لحقت تبني حياة جديده ! من ايمت كانت عم تحلم تخلص مني !
طلعت من البيت ، اخدت سيارة خصصلي ياها مالك
بعد مسافه قصيره .. نزلت من السيارة و ضليت عم امشي بالغابة ما بعرف حالي وين رايحه ... انا عم ابعد اكتر والشمس عم تغيب و عم يصير عتمه
وصلت لحفة الجبل .. شلحت من رجلي وقربت اكتر للزاوية الحادة ... لهاوية الحياة والنهاية ! .. وقفت على روس اصابعي واخدت نفس ...
الشمس رح تختفي ... ضل منها جزء بسيط .. واول ما تغيب رح غيب معها ..
هيك قررت ... بس بثواني تغير كل شي .. عند نقطة النهاية ... بلشت لعبة جديده !!
#يتبع