حيرت قلبي معااك

صفا النعمان

الادارة
طاقم الإدارة
#بقلم_فيلوفوبيا

#الجزء_الاول

كنا اعدين بغرفة الاعدة ببيتنا الصغير والدنيا برد...متحومين حوالي الصوبيا انا و عبد الاله و امير وعم ناكل فطورنا المعتاد سندويشات اللبنة مع الشاي وامي عم تلبس لتروح عشغلا وتودينا عمدارسنا بطريقها

ام امير:يلا ياولاد جاهزين....تأخرنا يلا ماما يلا

سنا:يلا ماما بس زبط حجابي قبل مانطلع

ام امير:بسرعة لك امي مابدي اتأخر عالشغل هلأ السيد تيم بيخصم من مرتبي

سنا:(بابتسامة)يلا جاهزة

طلعنا من البيت ومشينا شوي بالحارة لحد ماصرنا جنب بيت خالة ام عدي مشان تروح مع امي عالشغل...وشفت عدي..حبي الاول..هو موكبير بس نحنا منحب بعض عمرو 22 سنة وعم يدرس طب

عدي:صباحو ياقمر

سنا:هسس هلأ امهاتنا بينتبهو

عدي:(وهو عم يفرك ايديه حتى يدفا ويبتسم) عأساس مابيعرفو يعني

ام امير:يلا يا سنا ماخلص السؤال يلي عم تسألي لعدي

عدي:ايه خالة مبلة فهمت السؤال

ام امير:اي الله يرضا عليك سنا عندا بكالوريا السنة الجاية

عدي:بعيوني خالة بعيوني(مبتسم)

ام عدي:يلا يا ام امير رح نتأخر

ام امير:يلا اختي يلا

(انا سنا....عمري 17 سنة يتيمة الاب و امي عم تربينا انا واخواتي الصغار امير وعبد الاله...ابي مات من سنتين بحادث وامي عم تشتغل بشركة ادوية مستخدمة حتى تعيشا ....وعايشين على قد الحال يوم مناكل ويومين لا مستورين وماشي حالنا..ام عدي بتشتغل مع امي بنفس الشركة)

__________

متل كل يوم الصبح اعد عالكرسي الهزاز و ماسك روايتو المفضلة بايدو و عم يشرب فنجان القهوة عمهلو...ببيت دافي و منعم بكل شي بتشتهي العين و عيلة متحابة كان هو الابن الكبير الهن...تيم...30 سنة مدير شركة الادوية يلي بتشتغل فيها ام امير...و الاخ الاصغر تميم 25 سنة...و اخت بنت وحدة..نور 19 سنة

(فاطمة)ام تيم:صباح الخير حبيبي

تيم:(ترك الرواية من ايدو وقام)يسعد صباحك ست الكل

فاطمة:الله يرضا عليك ياعمري...طالع لابوك بتفتح عيونك عالقراءة وبتسكرهن عالقراءة

تيم: ههههه ليش وينو بابا؟؟

فاطمة:متل العادة اعد بمكتبتو وعم يقرأ من الصبح.

تيم:القراءة عشق يا ام تيم عشق

فاطمة:علواه تعشقلك شي بنت و تجيبها تمليلنا هالبيت ولاد

تيم:(التفت عالمراية و زبط كرافتو و هو عم يبتسم)بكييييير
فاطمة:لايمتا؟؟صار عمرك 30 سنة لايمتى بدنا نستنى يا ابني

تيم:انا قلتلك بس انتي رفضتي

فاطمة:لا...رولا لا..لومابيضل غيرا مرا مابجوزك.ياها

تيم:ليش لك امي ليش؟

فاطمة:لك اول شي من جيلك يادوبا اصغر منك بسنة و بعدين ارملة...لو كانت بنت اخي بس ارملة و انا بدي اخدلك بنت بنوت...و صغيرة و نغنوغة تبسطك وتدير بالا علينا بكبرتنا

تيم:(التفت لعند امو)طيب..لكن اجلي الموضوع هلأ لتعجبني شي وحدة بقلك عليها...و زوجي تميم ازا حابة

فاطمة:عنيد...من طول عمرك عنيد

تيم:(بابتسامة)بس بتحبيني...لاتنكري

فاطمة:تقبر قلبي قال مابحبك...لك انت بكري

تيم:(باس ايد امه)يلا بخاطرك لازم روح عالشركة..رح امرق ع بابا قبل ما اطلع

/بمكتبة البيت/

تيم:صباح الخير حجي

عباس(ابو تيم):صباح الخير يا ابني..كيفك اليوم

تيم:الحمدلله...شو شوفي بايدك اليوم

عباس:عم عيد قراءة مقدمة ابن خلدون

تيم:حلو....اختيار صائب....راجعتلي ملفات المناقصة يلي ورجيتك ياهن مبارح؟

عباس:اي راجعتن...العرض يلي مقدمو قوي ومابتصور ينرفض...انا بوثق باختيارك يا تيم

تيم:يخليلي ياك...لكن انا قايم امشي

عباس:مع السلامة

//بعد ساعتين بالشركة//

تميم:تفضل اخي هي الملفات يلي طلبتا

تيم:(عم يطلع بالاوراق)دققتهن منيح؟مابدي اي اخطاء ها قدام الوفد الاجنبي

تميم:ولو...على زوئك الشغل(غمز تيم وابتسم)

تيم:طيب تفضل عمكتبك

تميم:عالاقل وصيلنا عفنجان قهوة

تيم:اي مو تكرم....الو..يا ام امير طالعيلي 2 قهوة سادة عمكتبي......(طلع بتميم)هات لشوف يا افندي وين عم تقضي سهراتك لاخر الليل كل يوم؟؟

تميم:(تلبك و حك انفو)عند طارق بالبيت عم نلعب شدة

تيم:ايوا...والجماعة اللي شافوك بالبار مبارح؟؟

تميم:عم تراقبني لك تيم

تيم:اي لا ماعم راقبك صدفة صارت الشغلة...هلأ لاتلف وتدور..هات حكيلي

تميم:اي كلا سهرة صغيرة بهالبار لاتكبرها

تيم:اممممم..صغيرة لكن؟و النسوان اللي كانو معكن

تميم:اي هدول بنات البار انا مادخلني..بتعرفني انت اخي انا تربايتك

تيم:اي نشالله خير دير بالك لك اخي من هالشلة العاطلة اللي مرافقهها دير بالك

تميم:لك والله داير بالي..بعدين انا صغير حتى تقلي دير بالك؟
تيم:لا..كبيرالقدر

ام امير:ممكن ادخل يابيك

تيم:تفضلي...حطيهن عالمكتب

ام امير:تفضل يابيك

تيم:ليش لهلا يا ام امير؟ساعة ليطلع فنجان القهوة؟

ام امير:والله يا استاذ ماعم لحق عالموظفين طلباتن كتيرة

تيم:امممم اصبح بتدبريلي وحدة تشتغل عندي هون بمطبخ المكتب..تعملي طلباتي..وتنضف مكتبي

ام امير:وحدة؟

تيم:(بلئم)اي وحدة..شو تقلان سمعك هالايام..بدي ياها صبية وحركة..تلبيلي طلباتي بسرعة..متل مادبرتي ام عدي للبوفيه دبريلي وحدة لمكتبي..ساعتها بتشوفي شغلك للموظفين

ام امير:امرك يا بيك

تميم:خليها تكون حلوة ام امير(غمزها وضحك)

تيم:تميم!!!(بعصبية)

بكفي انو يكون مظهرها لائق ادام ضيوفي

ام امير:حاضر يابيك...بتسمحلي انصرف

تيم:انصرفي

تميم:حرام عليك لك تيم المخلوقة اد امك لاتحاكيها بلئم

تيم:هدول موظفيني وكيف ماحبيت بحاكيهن

تميم:عراحتك.انا رايح لمكتبي

(تيم كان انسان عملي ناشف وجدي..لئيم ببعض الاحيان
شخصية الها هيبتها بالشغل..قليل حكي بشكل ملحوظ عكس تميم الشخصية المرحة يلي بياخد وبيعطي مع الكل ويلي مصاحب شلة سيئة عم تعلمو على شغلات مالو فيها)

/المسا ببيت ام امير/

سنا:ماما شو رح نتعشى

ام امير:شوربة

عبد الاله:كل يوم شوربة يا الله بدي شاورما

امير:اي و انا بدي فروج

سنا:بس انت وياه كلو وشكرو الله

ام امير:تكرم عينكن بكرا اول الشهر بجبلكن كل شي مشتهينو

امير:اي كل مرة هيك بتقولي وما منشوف شي

سنا:يلا هلأ حاج لعي تعو ناكل قبل ماتقطع الكهربا..يلا ماما انا حملت السفرة

(حطيت السفرة عالارض وقربت لناح دفاية الكهربا دفي ايديي شوي)

ام امير:يلا بسم الله

سنا:امممم ياعيني ع اكلاتك يا ماما شو طيبين

ام امير:سنا بنتي بدي اسألك

سنا:(تركت المعلقة من ايدها)اي امي شوفي

ام امير:(بصوت واطي)امي مانك مصمدة مصاري؟

سنا:اه؟؟مبلا مبلا ال200 يلي عطيتيني ياها لساتا معي هلا بجيبا

امير:امي شوفي شو عطاني عمي ممدوح اليوم

ام امير:شو هاد؟؟مصاري!انا مانبهت عليك مابتاخد مصاري من حدا؟

امير:اي هو قلي بزعل منك اذا ما بتاخدا

ام امير:يكتر خيرو على هالالف ليرة...منيح بيتزكروكن فيها كل شهر زمان

(سمعنا صوت تخبيط عالباب)

سنا:ولي امي شوفي

ام امير:اي اي يلا جاية جاية

راحت امي فتحت الباب طلع ابو جمال صاحب البيت

ام امير:اهلين اخي

ابو جمال:اهلين ام امير...ليكي اختي انا بدي اجار البيت هلأ

ام امير:بس لسا بكير لسا في اسبوع

ابو جمال:(بعياط)انا ماااابفهم هلا بدي اجار البيت..وبتعملي حسابك الشهر الجاية بدي ارفعلكن الاجار انا ماني مقعدكن عندي صدقة

ام امير:طيب طيب بس مهلني لبكرا..بكرا بدبرلك ياهن

ابو جمال:بكرا الضهر بيكونو عندي عم تفهمي..والا حملي
كراكيبك و نقلعي انتي وولادك

ام امير:خلص خلص بكرا الضهر بكونو عندك

ابو جمال:اي ماشي...وينها بنتك سنا؟

ام امير:ليكا هون

(انا خفت وتخبيت ورا الباب)

ابو جمال:(بصوت واطي ونبرة حنونة)لك ام امير سمعي مني وجوزيني هالبنت وبصير البيت حلالك وزلالك

ام امير:الله يخليك يا اب جمال الموضوع منهي الله يجبرك

ابو جمال:اييه بيطلعلك ترفسي...(بعياط)بكرا ها...بكرا

سكرت امي الباب وفاتت ووجهها مهموم ومو عارفة من وين بدها تدبر الاجار لاب جمال

سنا:امي...خليني اشتغل معك..مو انتي كنتي عم تقولي لفادية جارتنا بدهن وحدة لمكتب المدير..خليني انا روح وهيك بصير معنا مصاري اكتر

ام امير:لا امي لا..بكرا انا بطلب سلفة من السيد تيم هو صحي لئيم بس مارح يردني

سنا:الله يخليكي امي خليني اشتغل وساعدك بالمصروف انا صرت كبيرة

ام امير:و دراستك؟؟

سنا:اي اصلا الحادي عشر مومهم بكرا بقدم بكالوريا حرة وباخدها..بيدرسني عدي وبنجح ما تاكلي هم

ام امير:مابعرف والله مابعرف(حطت ايديها عراسها)
سنا:الله يخليكي ماما

ام امير:طيب بكرا باخدك خلي تيم بيك يشوفك..بس مابتخبري حدا ها

سنا:حاضر ماما حاضر

فقت تاني يوم الصبح رتبت البيت و لبست اخواني وصلناهن للمدرسة انا وامي و رحنا عالشركةهالمرة امي ما اخدت ام عدي معها مشان ماتعرف انو حتشغلني بنفس الشركة

/بمكتب تيم/

تيم:هي الاوراق بتدققيها..عندك اخطاء بالترجمة

السكرتيرة:حاضر استاذ

تيم:بدي دقة اكتر يا وفاء

وفاء:من عيوني استاذ

تيم:انصرفي عمكتبك وخلي ام امير تدخل

وفاء:حاضر استاذ؛فوتو الاستاذ ناطركن

طلعت فيني وفاء من فوق لتحت مافهمت ليش هيك عم تطلع..مع انها حلوة صابغة شعرها اشقر ومسشورتو...ولابسة تنورة قصيرة ومتمكيجة عالاخر و ريحة عطرها معبية المكتب

لما دخلنا شفت ادامي رجال متل يلي منشوفهن بالتلفزيون طويل و جسمو رياضي..شعرو بني وعيونو عسليات..نظرتو كتير حادة بيطلع بالواحد كأنو عم يقرأ افكارو..شخصيتو الها هيبة فظيعة نبرة صوتو الهادية بتخلي ايا بنت بتشوفو تحبو بس مين انا لحبو..بعدين انا عندي عدي بالدنيا

تيم:شو يا ام امير لقيتيلي طلبي بسرعة

ام امير:خادمتك بنتي سنا

تيم:بنتك؟شي حلو..(قام وقف عالشباك وحكى بنبرة
مستفزة)شو رأيك تشغلي العيلة كلا بفرد مرة

ام امير:والله يابيك انا ماكنت بدي شغلا..بس مطرة ادفع اجار البيت دغري و مامعي مصاري قلت بتشتغل عندك

تيم:(مقاطع)وبتاخدي راتبها سلفة و بتدفعي اجار البيت ماهيك...شو يا سنا انتي موافقة امك تاخد تعبك هيك؟

سنا:(حكيت وعيوني بالارض)اي موافقة يابيك

تيم:طيب..خديها عالمطبخ فهميها كل شي وين مكانو وعتبريها تعينت وروحي لعند المحاسب خدي المبلغ المحتاجتي

ام امير:يكتر خيرك يابيك غمرتني بفضلك

تيم:(طلع فيني من فوق لتحت) يلا يا سنا..فوتي دوقيني قهوتك

سنا:حاضر

هيك تعينت بمكتب تيم بيك كان المطبخ ضمن مكتبو يلي بيطلع اد بيتنا عمرتين..كنت اعملو قهوتو و لبيلو طلباتو كلا وابقى قاعدة بالمطبخ كل الوقت عم انطرو حتى يطلب شي
كان السيد تميم اخو تيم الصغير اهضم منو..كان ياخد ويعطي معي ايام ويمازحني..ايام يعطيني مصاري بدون سبب و انا اخدهن كان ينظرلي نظرات ما افهمها ولا اعرف عن شو بتوحي بس كملت بهالشغل لانو حياتنا تحسنت بفضل راتبي وبفضل المصاري يلي اخدها من تميم وكنت مفكرتها صدقة بس طلعت لغرض تاني)

#يتبع
 
#حيرت_قلبي_معاك
#بقلم_فيلوفوبيا

#الجزء_الثاني

تميم:انا فايت اشرب مي اخي

تيم:اي طلوب من سنا بتجبلك

تميم:اه..لك لا ليكو المطبخ رح فوت اشرب وراجع

تيم:خود راحتك

(كنت واقفة عالمجلى عم اشطف فناجين القهوة)

تميم:كيفك سنا

سنا:اهلين تميم بيك

تميم:انا جاية اشرب مي

سنا:اي انا بعطيك لحظة

تميم:لا...رح اخد لحالي...لحظة لاخد كاسة بس

(وقف ورايي وكان المطبخ ديق يادوب واسعنا ومد ايدو ليطول كاسة من الخزانة وكان قاصد يقرب مني كتير)

شووهاد..ريحتك حلوة يابنت

سنا:سسسيد تميم ازا بتريد خلص

تميم:شو خلص...لك دوبتي قلبي بريحتك...شو هالحجاب يلي حاطتي..شلحي لشوف شعرك شوي اكيد بيجنن متلك

سنا:تميم مشان الله(تبكي)

فتلني لعندو بسرعة باسني وطلع وانا بقيت لحالي بالمطبخ وعم ابكي عاللي عملو فيني

تيم:شو ليش طولت

تميم:هههه لك هي سنا سألتني عشغلة

تيم:(هز براسو كان مو مصدق)امممم شغلة لكن
يلا ماشي هلأ قوم لنمشي

تميم:يلا تفضل

تيم:اه لحظة...سنا يا سنا!!

سنا:امرك يا بيك(ملتبكة)

تيم:تميم سبقني لاحقك

تميم:يلا سابقك

تيم:سنا اول شي زبطي حجابك قبل ماتطلعي ماشي

سنا:حاضر يابيك

تيم:تاني شي بدي منك تقولي لامك انو بكرا في اجتماع وبدك تبقي وقت زيادة بعد الدوام و انا او اخي منوصلك عالبيت

سنا:حاضر يا بيك

تيم:يلا سلام

راح تيم وتركني وانا عم ارجف وخايفة من تميم و من حركاتو معي...معقول يكون بحبني؟طيب ليش هيك عم يعمل؟ياربي تريحني يارب...رحت عللبيت و قبل ما اوصل شفت عدي شوفتو ريحتني شوي ونستني من شو تدايقت

عدي:بسست ياقطة

سنا:لك عدي انت شو عم تساوي

عدي:(قرب وهو عم يبتسم)لك مشتقلك مشتقلك

سنا:(ابتسمت ونزلت راسي)شتقتلي

عدي:لك دخيل الخجل اي..وانتي ماشتقتيلي

سنا:مبلا..مبلا

عدي:لك الله يسعدو..وعني مايبعدو

سنا:يلا انا بدي روح هلأ امي بتستفقدني

عدي:تعي لقلك...وين كاينة؟؟

سنا:انا...انا كنت مع امي عم ساعدها شوي بالشغل

عدي:الله يرضا عليكي... بحبك ياحلوتي

سنا:خلصنا عدي عم تخجلني

عدي:خلص مابقا خجلك...يلا روحي بلا ماتحس امك سلام
رحت عالبيت وقلبي طاير من الفرح بكلام عدي بس مانسيت يلي عملو تميم ولساتني خايفة من بكرا

تاني يوم خبرت امي اني رح ابقى وقت زيادة و انو تيم رح يوصلني عالبيت وماعارضت بحكم انو تيم عطاني راتب مابحلم فيه...بالفعل قضيت نهاري وانا عم اهرب من نظرات تميم الي وخلص الاجتماع ولانو حظي زفت وصلني تميم مو تيم

/بالسيارة/

تميم:هه شبك من شو خايفة شو رح اكلك

سنا:لا بس ليش خليتني اقعد قدام؟

تميم:احسن...شو انا شوفير لتركبي ورا..بعدين بدي اتأمل وجهك الحلو كل الطريق

سنا:(بارتباك)طيب...وصلني عالبيت فورا لانو امي بتكون ناطرتني

تميم:اي يلا يلا...ماتقولي الا صرتي بالبيت

مشي فيني تميم و طولنا وماكنا نوصل اخر شي لقيت حالي بطريق مقطوع ومافي حدا

سنا:شو هاد..لوين جايبني

تميم:هاد طريق العشاق(بابتسامة)

سنا: عشاق!عشاق شو وديني عالبيت

تميم:شو وديكي عالبيت لك انا ماصدقت ستفردت فيكي شوي

سنا:شو بدك مني
تميم:كل شي...كلل شي

بلش يقرب مني بطريقة بشعة وانا ابكي وقلو يبعد بس هو ماكان عم يسمعني

تميم:شيلي هالحجاب بقا بدي شوف شعرك

سنا:(تبكي)لا لا مشان الله ...لاتشيلو

تميم:هسسس لاتخافي...ها هي نزلتو عن شعرك حسيتي بشي؟...(بلش يفرد شعري)شوهاااد حرير يا الله حرير
سنا:بعد عني بعد عني

وصار يلي صار...واغتصبني تميم..ماترأف بدموعي ولا ببكايي ماااحس فيني..كنت حاسة انو هاد حيوان مو انسان...كنت حاسة انو روحي عم تطلع مني تمنيت موت تمنيت اتقطع مليون قطعة ولا يكون هالشي حقيقي
الم الكون اجتمع فيني بلحظة وحدة...متت تشوهت انقتلت على ايدين هالمجرم...خلص مني وطلع من السيارة حتى لملم اللي بقي من كرامتي...حتى امسح شرفي اللي انهدر على ايدو واستر حالي بعض مافضحني
طلع بالسيارة بعد شوي وبلش يسوق ليوديني عبيتي
كنت حاسستو مو واعي موعارف شو عم يعمل كان كل شوي يطلع فيني و يشرد..بعدين ينتبه للطريق...بس بلحظة وهو مو منتبه ضربت فينا شاحنة قلبت السيارة عجنب الطريق وماوعيت على شي الا و انا بالمشفى

/ببيت سنا/

ام امير:ياربي وين راحت البنت...يا ربي دخيلك تطمن قلبي يارب

امير:طيب ماما اتصلي عالشغل شوفيها

ام امير:اي...اي رح اتصل...هات دفتر الارقام لطالع رقم تيم بيك

امير:يلا......ها خدي

ام امير:طلبو وعطيني السماعة........عم يرن...الو ..الو تيم بيك

تيم:ايوا مين معي

ام امير:انا ام امير يا بيك..المستخدمة

تيم:اي اهلين..خير في شي

ام امير:الله يخليك يابيك بنتي لهلأ مارجعت صارت الدنيا المسا ولهلأ مابينت

تيم:كيف؟؟انا بعتا مع تميم كيف ما وصلت

ام امير:والله ما اجت و انا قلبي متل النار يابيك

تيم:طيب بلكي عند رفقاتي

ام امير:مابتروح لمكان ازا ماقالتلي يابيك بنتي مابتروح لمكان(تبكي)دخيلك داخلة ع الله و عليك ترجعلي ياها

تيم:خلص خلص رح شوف وينهن و بجبلك ياها

ام امير:اي الله يجبرك

/ببيت تيم/

فاطمة:شوفي تيم شوصاير

تيم:ابنك المحترم مدري وين اخد بنت المستخدمة تبع الشركة

عباس:شلون يعني مدري وين اخدها؟

تيم:لك كان عنا اجتماع اخر الدوام والبنت مستخدمة بمكتبي قلتلا تبقى مشان تشوف طلباتي انا و الوفد الاجنبي و تميم بياخدها عبيتها...اي طلعت وامنت انو تميم افندي وصلها و لهلأ البنت ما رجعت عبيتها

فاطمة:(بقرف)بالله شو..ابني بدو يطلع بشقفة مستخدمة

تيم:(بعصبية)لاتقولي شقفة مستخدمة!!هي انسانة ومرباية احسن ترباية

عباس:خلصنا هلأ اتصل وشوف اخوك وين

تيم:يلا رح اتصل.......ماعم يرد (بعصبية )ماعم يرد!....الو..الو

مجهول:الو مين معي

تيم:حضرتك مين..هاد تلفون اخي

مجهول:تميم اخوك؟

تيم:اي اخي مين انت؟

مجهول:عفوا بس نحنا لقينا اخوك عامل حادث سيارة عالاتستراد هو وبنت بالسيارة واسعفنا ع اقرب مشفى ولانو حاطط رمز لموبايلو ماقدرنا نتصل باهلو ونطرنا ليتصل حدا ونخبرو

تيم:شوهالحكي!!بسرعة عطيني اسم المشفى لاجي

مجهول:سجل عندك.........

تيم:طيب طيب جاية فورا"

فاطمة:شو في...مشفى شو لك امي

تيم:تميم عامل حادث..بدي روح شوفو

فاطمة:استنى جايين معك

تيم:بسرعة يلا بسرعة

راحو تيم واهلو عالمشفى و استفسرو عن تميم و تبين انو هو بوضع خطير كتيركونو السائق و السيارة قلبت من جهتو
...
تيم:اذا الوضع بيستدعي بنقلو ع احسن مشفى دكتور

الدكتور:للاسف وضعو مو مستحمل انو ينتقل لغير
مشفى...للاسف الخطر كبير عحياتو

فاطمة:ولي على امتي...ولي عليي انا.ابني...ابني بدو يعيش اكيد موهيك دكتور

عباس:وكلي الله يا ام تيم وكلي الله

الدكتور:دعيلو حجة دعيلو

تيم:بتسمحلي بكلمتين عجنب دكتور

الدكتور:تفضل تيم بيك

تيم:البنت يلي كانت مع اخي شو وضعها؟

الدكتور:الحمدلله وضعها مستقر..شوية رضوض وكدمات بس
..
تيم:(بقلق)بس شو دكتور

الدكتور:البنت عليها اثار اغتصاب...و عملنالا فحص نسائي وقارنا نتائج التحاليل وتبين انو اخو حضرتكن هو اللي اغتصبه
تيم:نعم!!!!!اغتصاب؟واخي هو اللي اغتصبها؟

الدكتور:للاسف الشديد ونتائج التحاليل بتأكد هالشي..والبنت هلأ نايمة تحت تأثير المهدئ لانها كانت بصدمة نفسية كبيرة

تيم:(مسح على دقنو)طيب طيب دكتور...ياريت هالموضوع يبقى بيناتنا و مايعرفو اهل البنت فيه

الدكتور:بس انا لازم اخلي مسؤوليتي كطبيب وخبر اهلها

تيم:انا رح خبرهن بس مو بالوقت الحالي بيكفي صدمة انها بحادث..اعتبر الموضوع عندي ازا بتريد مابدي بلبلة
الدكتور:طيب متل مابتريد

فجأة بلشو الممرضين يركدو بالممر باتجاه غرفة العناية المشددة يلي فيها تميم..راح الدكتور يلي كان راكد مع تيم وتيم لحقو

تيم:شو صار دكتور؟؟

الدكتور:انت كيف فتت لهون؟طالعو بسرعة من هون

الممرضة:دكتور المريض بدو يحكي شي

تيم:خليه يحكي خليه

تميم:(عم يحكي ويلهت)ت...تيم...تيم ا اانا اغتصبت...اغتصبت سنا يا تيم...اغتصبت سنا
(وقف نبض تميم)

الدكتور:بسرعة جهزو صدمات الكهربا بسرعة..طالعولي هاد من هون

طلع تيم و الدنيا عم تفتل فيه...حاسس حالو بدوامة..وصدى صوت تميم عم يتردد بذهنو..معقول كل هالشي يصير بنهار واحد....بعد ماطلع تيم بشوي...طلع الدكتور و ملامح الخيبة مبينة ع وجهو

فاطمة:طمنا دكتور مشان الله

تيم:شو دكتور؟طمن

الدكتور:انا مابعرف شو بدي احكي

عباس:احكي دكتور فرطت اعصابنا

الدكتور:نحنا عملنا جهدنا...بس للاسف العوض بسلامتكن

فاطمة:شوووز!تميم..تميم شو صرلو

الدكتور:العمر الكن انا لله و انا اليه راجعون

فاطمة:(تصرخ)لاااااااا....ابني ما مات...ماامااات

تيم:بابا!...بابا شو صرلك..بسرعة دكتور شوف شو صرلو

ابو تيم ماقدر يتحمل الصدمة بانو يفقد ابنو..صارت معو جلطة دماغية خلفت شلل نصفي وام تيم صابها انيهار عصبي..بقي الحمل كلو على تيم من جهة وفاة تميم و من جهة شلل ابوه و من جهة المصيبة يلي خلفها تميم وراه

صحيت من النوم و حاسة جسمي كلو مكسر....فتحت عيوني لقيت سيروم معلق بايدي وفي ضماد على جبيني...تزكرت اخر شي صوت صراخي وقت ضربت فينا الشاحنة انا و تميم...ياترى مين جابنا لهون..ياربي كيف بدي داري فضيحتي ياربي...لاشعوريا صرت ابكي بدون صوت بس بحرقة قلبي...ياترى كيف بتكون حاسة امي هلأ.....بقيت على هالحالة شي ساعة لحد مادخل لعندي تيم بيك..كانو عيونو محمرين كأن بكيان

تيم:الحمدلله عسلامتك سنا

سنا:______

تيم:انا بعرف شو عمل اخي معك

سنا:(لما سمعت هالحكي رجعتلي حالة البكا)

تيم:اهدي..اهدي

سنا:تيم بيك دخيلك انا مادخلني والله مادخلني

تيم:انا بعرف انو مادخلك

سنا:لازم تميم يصلح غلطو و يتزوجني...لازم يسترني من هالفضيحة..والله عمامي اذا عرفو ليدبحوني

تيم:تميم عطاكي عمرو...توفى من شوي

سنا:(بتعيط)شو!!مات!!(صرت ابكي و الطم على خدودي)يامصيبتك ياسنا...يافضيحتك ياسناااااا..يامصيبتي يامصيبتي

تيم:(بيصرخ)لك اهدي!..خلص هدي شوي شبك

سنا:كيف بدي اهدا كييييف مشان الله قلي كيف...و امي و عمومي و الناس

تيم:ليكي هالموضوع مااااااحدا بيعرف فيه غير انا و الدكتور و انتي....انا اتصلت بامك و قلتلا انو عملتو حادث اوعى تجيبيلا سيرة شي و الموضوع انا بحلو..ماشي..هلأ هالفترة لاتروحي عالشغل بس تمرق ايام العزا..انا بحكي معك و بقلك رجعي و بترجعي بتشتغلي عندي متل اول

و انا بحللك مشكلتك...بس انتي اهدي ماشي
سنا:ماشي...ماشي

صار العزا تبع تميم بافخم صالات الشام...بقيت بالبيت اسبوع يوم بعدهن تيم قال لامي ترجعني...كل هالفترة كنت اتهرب من عدي وماشفتو...خجلت اي خجلت حط عيني بعينو و انا يلي واحد حقير استباح شرفي كان يسأل امي عني وامي تقلو مريضة يبعتلي اخبار مع اخواتي او اخواتو ومارد...ماكان فيني رد...يمكن انا كرهت كل رجال عوجه الدنيا..
#يتبع
 
#حيرت_قلبي_معاك
#بقلم_فيلوفوبيا

#الجزء_الثالث

/بعد شهر/

سنا:تفضل قهوتك يابيك

تيم:حطيها عالمكتب

سنا:حاضر ....(حسيت بدوخة خفيفة و دلقت الفنجان عالمكتب)

تيم:فيكي شي؟!مالك منتبهة!!

سنا:انا اسفة اسفة والله دخت

تيم:لك شوفي كم ورقة خربتي!!

سنا:(ركضت عالمطبخ و فضيت كل شي بمعدتي)

تيم:تعي لهون(لحقني عالمطبخ)شبكي اليوم مو عبعضك

سنا:انا اسفة ماقدرت اتحكم بحالي

(كان المطبخ ديق وتيم واقف عم يحكي معي و انا بس عم شوف شفايفو عم تتحرك و عيونو عم يلمعو ماعم اسمع صوتو شوعم يحكي معي..وغميت وغبت عن الوعي...صحيت عحالي بالمشفى وتيم جنبي)

سنا:وين انا؟؟؟

تيم:صحيتي؟...(كان عم يحكي بخيبة)بالمشفى انتي

سنا:ليش بالمشفى شوصار؟

تيم:ماصار شي..غميتي وجبتك لهون وفحصوكي الدكاترة

سنا:اي شوقالو؟

الدكتور:مرحبا

تيم:هلا دكتور

الدكتور:شو صحيت مرضيتنا...كيف حاسة حالك؟

سنا:انا منيحة مافيني البلا

الدكتور:اي الحمدلله...بدي ياكي تديري بالك عحالك و تتغذي منيح ها....سيد تيم لازم تدير بالك عالمدام عندا فقر دم وهالشي مابينفع كرمال الجنين...انا كتبتلا على مقوي و فيتامين بس الغذاء اكتر شي بيلعب دور

سنا:جنين شو...انو جنين؟

الدكتور:شو ماخبرك زوجك...مبروك انتي حامل يامدام..و صرلك شهر تقريبا

سنا:حامل!!!حامل شووو (تبكي)حامل شووو

تيم:خلص سنا شبك هيك الله راد اهدي شوي...معلش دكتور هيه متفاجئة لان ما كان بدنا ولاد

الدكتور:بكل الاحوال الحمدلله عالسلامة وبتمنى تاخدي فيتاميناتك على طول

(طلع الدكتور)

سنا:(تبكي)كلو بسبب اخوك..كلو بسببو مابتكفيني مصيبتي كمان حامل فوقها..شوبدي اعمل بحالي؟انا مابدي الولد مابدي ياه بدي نزلو بدي روحو مابدي ياه هاد ابن حرام

تيم:اهدي بقا وحاج تنوحي..انا رح لاقيلك حل

سنا:حل شوووو...لك حل شووو..هاد حمل حمل..بكرا بيبين عليي والله اذا عرفت امي لتدبحني

تيم:خلصنا بقا!عم قلك رح لاقي حل...هلأ رح اخدك عبيتكن و رح جبلك ادويتك و انا بفهم امك انو معك فقر دم و هدول فيتامينات لااتخبري حدا بالموضوع و انا هاليومين بلاقي حل..يا مننزل الولد او...

سنا:او شو؟

تيم:خلص بحكي معك قومي لوديكي

(وصلني تيم عالبيت و فهم امي انو فقر دم و انو بدي راحة...امي صدقت حكي تيم وشكرتو على توصيلي
و راح على بيتو و كان مبين انو هموم الدنيا فوق راسو)

/ببيت تيم/

تيم:مرحبا امي...كيفك

فاطمة:اهلين حبيبي..اهلين

تيم:وينو ابي؟

فاطمة:بالمكتبة عم يقرأ

تيم:رايح لعندو

فاطمة:مابدك تتغدا

تيم:مالي نفس امي مالي نفس

/بالمكتبة/

تيم:مرحبا حجي

عباس:اهلين يا ابني

تيم:(باس ايد ابوه و قعد عركبو عند رجلين ابوه)بدي احكي معك بموضوع مهم

عباس:احكي عم اسمعك

تيم:بتتزكر وقت لحقنا تميم عالمشفى وقالو انو عامل حادث

عباس:ايه...

تيم:تميم كان معو بنت

عباس:سمعت الدكتور عم يحكي هيك شي

تيم:تميم.....(تنهد)تميم كان مغتصبها لهالبنت

عباس:نعم!!!!شو هالحكي هاد

تيم:اي والله يا حجي...بس مو هون المصيبة

عباس:لسا في مصايب؟احكي لشوف

تيم:البنت هلأ حامل

عباس:شلون شلون؟كيف حامل؟شوهالحكي هاد..لتكون عم تكزب عليك لك ابي

تيم:لا حجي هيه ماكانت بتعرف..قلتلك انو البنت مستخدمة بمكتبي...اليوم داخت وغميت بالمكتب وانا اسعفتها وبالمشفى بين حملها..والبنت صارت تقتل بحالها وتبكي ويادوب قدرت هديها..وهلأ مالي عرفان شو اعمل

عباس:(سكت شوي بعدين حكى)هالولد مالازم ينزل

تيم:كيف؟ياحجي البنت بتروح فيها ازا بقيت حامل

عباس:هالولد مابينزل...هاد من ريحة تميم..ومارح ينزل

تيم:كيف بدو يبقى؟؟قلي كيف؟

عباس:انت بتتزوج البنت

تيم:نعم!!!انا اتزوجها...مستحيل هالحكي

عباس:لا مو مستحيل..انا براسي بروح بطلبلك ياها و بتخطبو وبتتزوجو فورا خلال شهر لازم تكونو متزوجين..او اقل وبتقولو انها حملت دغري وبتقضي فترة حملها هون بالفيلا...و وقت تولد منقول ولادة مبكرة

تيم:بس يا ابي انا مابقدر مااابقدر

عباس:هن كلمتين مالهن تالت..رح تتزوج البنت..وخلص
انا بدي ابن تميم يعيش ويكبر بيناتنا ويبقى من ريحة تميم شي..انا موت تميم كسرني..كسر ضهري..وهالولد رح يعوض شوي عن غيابو..برضاي عليك لاتكسر كلامي ومن بكرا منروح منطلب البنت

تيم:(دمعو عيونو)حاضر...متل مابدك بصير

/تاني يوم عطريق لبيت سنا/

فاطمة: ماقلتلي وين رايحين ابو تيم

عباس:رايحين نخطب لتيم

فاطمة:شو؟كيف بدنا نخطبلو ولسا اربعين اخوه ماصار

عباس:انا هيك بدي

فاطمة:فهمني ليش؟لك انا قلبي محروق و انت بدك تفرح بابنك

عباس:تميم الله يرحمو...لازم نخطب لتيم و نفرح فيه و يجبلنا ولد يملي علينا البيت بدال تميم

فاطمة:ماحدا بياخد مكان حدا

عباس:مارح ياخد مكانو حدا...بس لازم الفراغ يلي تركو بحياتنا ينملا

فاطمة:بس...(تبكي) موهلأ نخطبلو..لسا جرحي مابرد

عباس:بيبرد...بس تحملي ابن ابنك على ايدك بيبرد

فاطمة:طيب مين هيه البنت

عباس:بنت رفيقي

فاطمة:ورفيقك ساكن بهيك حارات شعبية؟

عباس:رفيقي من ايام الدراسة وبعرف انو عندو بنت وبدي اخطبها...خلص حاج تناقشي..انا بدي اخطب هالبنت لابني و بس ومافي كلام بعد هالكلام

(بقيت فاطمة ساكتة كل الطريق ولما فاتت بيتنا فاتتو بقرف وبشوفة حال...ابو تيم حكى فورا ليش جاية و بما انو عمي ممدوح كان موجود فورا عطا الموافقة و تمت خطبتي على تيم و بعد اسبوع كان زواجنا...طبعا"بدون عرس او زفة اوحتى فستان ابيض...تيم عطاها لامي مصاري تجبلي كم قطعة لالبسهن بعد مااتزوج وجابتلي فستان رسمي لونو زهري كرمال روح فيه عبيت زوجي..ماكان فيه اية مظهر من مظاهر الفرح او السعادة...بس امي كانت مبسوطة و مصدقة انو تيم حبني و بدو يتزوجني...وفرحانتلي بحياة العز يلي رايحتلا و مانها عرفانة انو ماخفي كان اعظم...اجا تيم اخدني بسيارتو وكل الطريق ماحكينا مع بعض ولا كلمة...وصلت عالبيت بست ايد عمي و مرت عمي يلي كانت قرفانة مني بس ماحكت شي من خوفها من عمي يلي كانت شخصيتو طاغية على هالبيت)

عباس:الله يرضا عليكي يابنتي بعرف انو جبناكي بلا عرس بس ان شاء الله رح عوضك عن كل شي

سنا:الله يخليلي ياك عمي

نور(اخت تيم):و اخيرا صار عندي مرت اخ اتسلا انا وياها بهالبيت

سنا:تسلمي نور

عباس:يلا تيم..خود عروستك و طلعو ع غرفتكن

تيم:تفضلي سنا

/بالغرفة/

تيم :ليكي خدي راحتك انا شوي ورح اطلع نام بغير غرفة

سنا:____

تيم:زواجنا صار بسرعة...و انا و انتي (تنهد و مسح على دقنو)ماعنا اي مشاعر لبعض...اللي بدي ياه منك انو تنظاهري بانو زواجنا حقيقي ادام اهلي والعالم و اي شي بتحتاجي بتطلبي بدون خجل انتي كنة هالبيت و ام..ابن اخي انا رح صير نام بغير غرفة مشان ماتنحرجي وبتمنى نبقى بعاد فترة بينما نتعود عبعض

سنا:حاضر

تيم:انا رح غير تيابي بالحمام

سنا:متل مابدك

(فات تيم عالحمام و غير تيابو..و انا اخدتني دوامة كبيرة شو اللي وصلني لهون وليش هيك صار ليش انا مو غيري نطرت تيم ليطلع و فتت عالحمام غسلت المكياج السخيف يلي على وجهي ولبست بجاما وضليت حاطة حجابي..لانو هو قرر انو نحنا مو زوجين...طلعت من الحمام وتسطحت بالتخت حاولت نام و ماقدرت كنت شايفتو متوتر ومعصب...كأنو وجودي مدايقو بس شو بدي اعمل انا نفرض عليي هالشي و اخوه يلي فرضو...انا هون المظلومة مو الظالمة مابعرف ليش هيك عم ينظرلي)

سنا:اعملك شي؟

تيم:خلص نامي لاتشغلي بالك

(غطيت راسي تحت الحرام و اخدتني موجة البكا بكيت من حرقة قلبي عحالي عاللي صار فيني..انكتب عليي عيش مع انسان بيكرهني وعم يحاسبني ع ذنب انا ماعملتو)

/تاني يوم/

تيم:قومي شو ماشبعتي نوم

سنا:(فتحت عيوني وطلعت فيه بدون مااحكي)

تيم:قومي غيري تيابك لننزل نفطر مع اهلي

سنا:____

تيم:يلاقومي خدي تيابك و فوتي عالحمام غيري عم استناكي هون

(قمت طالعت تياب من الخزانة لبست و نزلنا كانو ناطرينا عطاولة الفطور)

سنا:صباح الخير عمو...صباح الخير مرت عمو

عباس:صباح النور

فاطمة____

نور:صباحو سنا

سنا:صباح النور

عباس:يلا بسم الله تفضلو

فاطمة:وليش لابسة حجابك ؟مابتعرفي انو عمك متل ابوكي

عباس:تركيها بتتعود لحالها

فاطمة:بعدين شو هاللبس اللي لابستي؟؟كل المصاري يلي اخدتوها وماعرفتو تشترو تياب تليق بمستوانا؟

تيم:هههه شبكي ماما عادي بكرا سنا بتتعلم شو تلبس

فاطمة:بالله شو؟؟هيك بدها تشرشحني ادام ضيوفي يلي بدهن يباركولي..اليوم باخدها وبشتريلا كم قطعة عليهن القيمة

تيم:متل مابدك...يلا انا بدي روح عشغلي

فاطمة:عريس وبدك تروح من اول يوم؟

تيم:معلش امي الشغل تراكم عليي وصارت المسؤولية عليي لحالي..يلا بخاطركن

فاطمة:الله معك...و انتي يلا قومي لبسي مشان ننزل عالسوق

عباس:طولي بالك البنت مااكلت لسا

فاطمة:شو بدها تاكل السفرة كلا؟؟حاجة مو شايفها شلون ناصحة..خليها تصير متل نور مليكان

عباس:ماشي..يلا قومو روحو..نور بنتي تعي طالعيني عالمكتبة

نور:حاضر بابا

(رحنا انا ومرت عمي عالسوق جابتلي تياب رسمية كلها مافيها شي متل مابيلبسو الصبايا...كلو غوامق ورجعنا عالبيت قعدت تعلمني كيف استقبل الضيوف وكيف احكي كانت مربية ولادها عالاتيكيت و صار دوري تربيني...بعد شهر من زواجي قرر تيم يخبر امو اني حامل قبل مايبلش يبان عليي الحمل)

تيم:امي عندي الك خبرية حلوة

فاطمة:شوفي..خبرني

تيم:(حط ايدو عكتفي وحكى)سنا حامل

فاطمة:شو ؟حامل؟كيف هيك ماحلا تحمل لسا

عباس:شو حلا وما حلا....بدال ماتفرحيلن مبروك ابني مبروك بنتي الله يقيمك بالسلامة

سنا:الله يبارك فيك عمو

نور:ياااااي مبروووك و اخيرا حيجينا بيبي

فاطمة:(بعصبية)نور!تقلي ماما تقلي

نور:احم..حاضر..مبروك مرت اخي

سنا:الله يبارك فيكي

عباس:يلا ابني خود مرتك و روحو ارتاحو بغرفتكن

تيم:حاضر...تفضلي حبيبتي

/بالغرفة/

تيم:سمعي..امي بلشت تحس اني عم نام بغير غرفة..لهيك بدي نام هون

سنا:خود راحتك البيت بيتكن مو بييتي

تيم:ماشي...رح نام عالكنباية وانتي نامي
عالتخت

سنا:حاضر

(فتت عالحمام..غيرت تيابي و طلعت كيف بطني برز شوي ابتسمت ابتسامة صغيرة بس دموعي غلبتني..تيم بيكرهني..وحماتي بتكرهني وبتقرف مني و مانعة نور تخالطني وعمي كل وقتو قراءة وحيدة بهالبيت الكبير لابحاكي حدا ولا بتسلا مع حدا..حتى الخدم ممنوع حاكيهن طلعت من الحمام..فردت شعري لاول مرة ادام تيم وقعدت عالتخت اقرأ قصة اخدتا من مكتبة عمي)

تيم:(وقف مذهول ادام جمال شعرها..طويل كتير رح يوصل لركبها و ناعم متل الحرير...و اسود متل الليل زادها حلا وجمال...بس رغم هيك واقع بحيرة بمشاعرو مابيعرف اذا كان بيحبها او بيكرهها...بس كيف بدو يحبها..كيف الانسان بيحب شي مفروض عليه
بس هو مابيكرهها..هو بيحب ريحتها بالغرفة..بيحب سكوتها الطاغي عليها...بيحب حركاتها بس ماااابيقدر يعاملها منيح...مابيقدر يظهر هالشي..هو بيحب كل شي فيها بس مابيعرف اذا بيحبها..ومستحيل يفكر يستغني عنها)

انتي من ايمتا بتقرأي

سنا:(حكت وعيونها بالكتاب)من وقت مابطلو البشر يحاكوني

تيم:شو عم تقرأي

سنا:حكايات عالمية

تيم:هههههه هاد للاطفال مسمية هي قراءة؟؟؟

سنا:(حكت والدموع بعيونها)ما انا طفلة....17 سنة طفلة مو هيك...تصبح على خير

تيم:(لنفسه)طفلة!مزبوط انتي طفلة...
زعلتي؟!

سنا:تعودت عالزعل..تصبح على خير

#يتبع
 
#حيرت_قلبي_معاك
#بقلم_فيلوفوبيا
#الجزء_الرابع

مرقت اشهر حملي و تيم لساتو معي متل ماهو و ايام بصير يبعد عني ومابعرف السبب..عمي طار عقلو بس عرف انه معي صبي..وقرر يسمي تميم وحماتي لما سمعت هيك حنت عليي شوي...صارت تسمحلي احكي مع نور..او اطلع شي مشوار بحكم انو عيب الوحدة تطلع بلا زوجها...صرت بالشهر التاسع و الكل مفكرني بالتامن والحمل تعبني كتير لانو بنية جسمي ضعيفة و صغيرة
بليلة كنت متدايقة وماعم اعرف نام..تيم مفكرني نايمة وكان عم يحكي بالموبايل)

تيم:اي حبيبتي...طبعا مشتقلك ليش انا بقدر ما
اشتقلك...نشالله بيسلمولي هالحكيات سكر والله سكر
مرتي؟؟؟(بارتباك)..لا لاتخافي مالها حاسة على شي..نايمة بعدين كيف بدها تعرف اذا الموبايل مابتعرف تمسكو...طيب حبي روحي نامي و بكرا بشوفك..تصبحي على خير

(فتل ضهرو لقاني عم طلع فيه وعيوني غرقانين بالدموع)

سنا انتي فايقة؟؟شو اللي صحاكي؟

سنا:ليش هيك؟(تبكي)ليش هيك؟

تيم:شو ليش هيك

(قمت من التخت ووقفت مقابلو)

سنا:ليش هيك عم تعمل...ماقدرت تحبني؟ماقدرت تحن عليي؟

تيم:هوووهوو علينا.. اي انا مابحبك ولا رح حبك وروحي بلطي البحر ماشي وهي رولا بنت خالي و انا بحبا وهيه بتحبني ورح اتزوجها

سنا:(تبكي)انا بكرهك...بكرهك..بكرهكن كلكن

تيم:(لنفسه)لك شو خبصت يامجنووون

سنا:انت واحد بلا احساس بلا ضمير بلا مشاعر

تيم:(بعيط)سنا!!!لا تتخطي حدودك

سنا:ااااااااه(تصرخ)ااااااه مشان الله ااااه

تيم:شبكي..شوصرلك

سنا:لك اااااااه...بطني دخيل الله بطني

تيم:لاتعملي فيني افلام هلأ سنا!

سنا:بوس ايدك بوس ايدك رح موت والله رح موت

تيم:سنا...سنا عم تحكي عنجد شبكي سنا(حط ايديه على خدودي)سنا انا..انا اسف بعرف اني زعلتك

سنا:(تبكي)دخيلك رح موت من وجعي

تيم:شو شو يعني عم تولدي

سنا:ااااه....اااه مشان الله

تيم:طيب...طيب رح نادي لامي طيب

(نادى لامو و اخدوني عالمشفى وقالولن اني ولادة..كان وجع الولادة اكبر من اي وجع دقتو بحياتي..وتعسرت ولادتي كتير لانو حجمي صغير صوت صراخي عبا المشفى)

الدكتورة:ياجماعة احتمال نحولا عالقيصرية

تيم:عملي كل شي بيلزم...مابدي مرتي و ابني يصيبهن شي

الدكتورة:الولادة معسرة كتير والله خايفين عالطفل يختنق

عباس:دكتورة حوليها عالقيصرية فورا"

تيم:دكتورة خليني فوت لعندا

الدكتورة:كيف؟؟

تيم:انا بقويها بس تحس اني جنبها رح تقوي حالها

الدكتورة:طيب مافي مشكلة

(فاات تيم لعندي عالمخاض...انصدمت بشوفتو ادامي استغربت فيه مسك ايدي و شد عليها)

تيم:يلا سنا...شدي حالك لاتخافي انا جنبك

سنا:تيم....انا موجوعة

تيم:يلا معلش..شدي حالك مشان تجيبي تميم الصغير

سنا:ااااااه...رح موت والله رح موت

تيم:انا معك يلا قوي حالك

سنا:اااااااه ياربي

تيم:يلا حبيبتي يلا شدي حالك يلا

(بقي تيم معي شي ساعة بغرفة الولادة وهو ماسك ايدي و عم يقويني...بعد ساعة ولدت بابني تميم الصغير شوفتو ردتلي الروح ونستني كل الوجع حتى تيم...دمعو عيونو لما شافو وحملو على ايدو....ولادة تميم كانت بداية جديدة بحياتي..حسيت للحظة انو تيم بيحبني وبيخاف عليي رغم انو مخبي هالشي منيح...صار في شي بيجمعنا مع انو حماتي صارت بدها تاخد الاولية بكل شي بيخص ابني بس ما انا ماتدايقت عالاقل صار في حدا يلهيها عني...جية تميم عالدنيا جابت السعادة لبيتنا الكئيب بس رغم هيك تيم بقي بعيد عني..ولاتقربنا من بعض و رولا بعدها بحياتو وهالشي ولع النار بقلبي قلبي يلي حبو..وتعلق فيه)

بعد الولادة بساعات

تيم:الحمدلله عسلامتك

سنا:الله يسلمك

تيم:موجوعة؟؟

سنا:(ابتسامة)شوي

تيم:كيفو هالازعر...كتير زغنون ماهيك

سنا:اي صغير بس بكرا بيكبر

تيم:(مسك ايدي وحكا)انا بعرف اني زعلتك وجرحتك بالحكي

سنا:(سحبت ايدي)مانك مجبور تحبني..هلأ طلاع ازا بتريد بدي رضع الصغير

تيم:متل مابدك..خاطرك

/بعد سنة/

سنة حلوة ياتميم سنة حلوة باجميييل

عباس:يلا جدو يلا طفي الشمع

فاطمة:تؤبرني تعال خود هداياك تعال ياعمري

عباس:مو عاجبني وضعو ابدا لتيم هاليومين...سنا بنتي مابتعرفي شوفي؟

سنا:لا والله ياعمو

فاطمة:روحي لحقيه وفهمي منه روحي

سنا:حاضر

(لحقت تيم عالمكتب قبل مافوت حطيت ادني عالباب)

تيم:شو يعني جاييكي عريس؟هاتي لشوف

رولا:اي جاييني عربس وبدي انخطب انت لهلأ ماقدمت ولا اخرت انا لايمتا بدي انطر

تيم:لك مافيني هلأ اخطبك مافيني

رولا:ليش؟شو المانع؟خايف من سنا؟ولا من اهلك؟ما اصلا ابوك بيعرف انك مابتحبا

تيم:رولا لاتجيبي سيرة سنا ع لسانك ها هي مرتي و ام ابني

رولا:هههههه ابنك؟؟؟عليي ياتيم شبك شو نسيت انك حاكيلي كل شي..هاد ابن اخوك مو ابنك

تيم:بس مافيني اعمل هيك بسنا هلأ

رولا:طيب انت لا تعمل انا رح اعمل

تيم:شو رح تعملي؟

رولا:رح انخطب...سلام

تيم:رولا استني رولا....لك يلعن

سنا:ممكن فوت؟

تيم:انتي هون؟فوتي

سنا:(كتمت دموعي غصب والغصة بحلقي)ليش معصب؟

تيم:شو بدك فيني انتي؟لك كلو منك كلو منك...انتي لو ماشتغلتي عندي و لوماتميم اغتصبك وومات ولو ما تزوجتك كنت هلأ عايش احلا عيشة مع رولا

سنا:(بلعت ريقي ورح اختنق)طيب تزوجها

تيم:كيف بدي اتزوجها(حط ايدو على خدودي)و انتي..انتي شو حيصير فيكي مابقدر اعمل فيكي هيك

سنا:ليش تيم؟ليش مابتقدر..مانحنا مامنشبه المتزوجين بشي

تيم:(قرب وحط جبينو على جبيني وغمض عيونو)سناااا..انا مابعرف شبني ساعة بحس اني بحبك وبدي ياكي وساعة بحس انو رولا هيه حبي الحقيقي وبدي ياها انا ضايع والله ضايع

سنا:شو اعمل لترتاح؟انا بدي ياك تكون مبسوط..انا بعرف منيح انك مابتحبني وتأقلمت مع هالشي بيكفي انك سترت عليي..وماعم اطلب انك تحبني...قلي شو اعمل لساعدك انك تحصل عاللي بتحبها

تيم:لاتكوني ملاك سنا لاتكوني ملاك طيبتك عم تقتل قلبي من جوا

سنا:انا رح خبر مرت عمي انك بدك تخطب رولا ورح احكي مع عمي كمان لازم تعيش مع الانسانة الي بتحبها

تيم:و انتي؟

سنا:تيم!انا من الاصل مو زوجتك..انا ام ابن اخوك ومابعنيلك شي خلص انا رح ردلك معروفك عليي رايحة حاكي عمي ..بالاذن

تيم:(لنفسه)معقول تعملها؟انا..انا مابستاهلك سنا

(طلعت من عند تيم و دموعي على عرض خدودي...اصعب شي انك تضحي بالانسان اللي بتحبو لغيرك وتقدملو ياه عطبق من دهب...ببساطة لان سعادة هالانسان مع غيرك مو معك...قلبي مدبوح وعم ينزف..بس لازم ساعد تيم يحصل على رولا..خلي هو يكون مبسوط بحياتو و انا رح اكتفي بابني وسكر قلبي عن الحب)

سنا:ممكن ادخل عمو

عباس:تفضلي سنا

سنا:عمو بدي احكي معك بموضوع

عباس:تفضلي عم اسمعك

سنا:من الاخير انا بدي اخطب رولا لتيم...تيم و رولا بيحبو بعض من زمان و زواجنا انا و تيم عطل ارتباطهن و انا مافيني كون عقبة بدرب سعادة تيم بعدما ستر عليي وتزوجني..وعمي انت بتعرف انو تيم مابيحبني وعايشين سوا بس كرمال تميم الصغير

عباس:بس انتي بتحبي تيم...عيونك فاضحتك

سنا:ولاني بحبو بدي ياه يكون سعيد..بدي يعيش مبسوط تيم مو مبسوط معي مو مبسوط

عباس:انتي قد هيك خطوة

سنا:اي انا قدها..انا بدي اسعدو و ردلو معروفو

عباس:طيب...انا رح حاكي مرت عمك مشان تروحو تخطبو رولا ل تيم

سنا:شكرا عمي عنجد شكرا..انا رايحة خبر تيم

(بغرفة تيم وسنا)

سنا:شو مانمت

تيم:ناطرك...شو صار معك؟ماوافق مو هيك

سنا:مستعجل لتعرف؟

تيم:لا تفوريلي قلبي احكي

سنا:(ابتسامة ممزوجة بدموع)عمي قبل نخطبلك رولا

تيم:عنجد؟؟؟

سنا:اي عنجد...بكرا انا رح اخطبلك ياها

تيم:لك ههههه لك تسلميلي مأحلاكي

سنا:سعادتك هيه سعادتي تيم...انا من اليوم و رايح رح نام عند تميم بغرفتو...خلص تمثيليتنا خلصت

تيم:لك ليش؟

سنا:رح اخد غراضي و رتبهن بغرفة تميم و انت لازم تجهز غرفتك مشان عروستك...تصبح على خير

تيم:(لنفسه)معقول؟انا و رولا رح نخطب؟و سنا؟شو رح يصير فيها...كيف بدي اجرحك هيك جرح ياسنا؟انا لاعرفان حبك ولاعرفان اكرهك....معقول كون اناني لهدرجة

/تاني يوم/

رحنا انا و مرت عمي و نور طلبنا ايد رولا ل تيم...وطبعا بيت خالو لتيم وافقو فورا ما هنه ناطرين هالعرض وتمت خطبتهن و انا قلبي عم يحترق بكل نبضة بس ماحدا شايف هالشي ولا حدا حاسس ومشيت هالحياة وماوقفت عندي

بيوم من الايام...

عباس:وينها مرتك؟ليش ماعاد اجت سهرت معنا متل اول؟و ليش عم تنام بغرفة تميم؟

تيم:اه؟والله مابعرف

عباس:مابتعرف مو هيك...لك ابني لوكنت مابتحبها..حرام تطنشها هيك..البنت ربيت ببيتنا

تيم:والله مو طناش..بس هيه من وقت ماخطبت ماعادتعاطت معي

عباس:موهاد اللي بدك ياه؟

تيم:انا موعارف شوبدي

عباس:اوقات بيكون الشي بين ايدينا ومالنا شايفينو ولا منتبهين لقيمتو وبس يروح ويضيع مننا منتبه انو كان عنا و ساعتها منقول ياحسرة وياندم

فاطمة:والله مرتك مافي منها..ولو كانت رولا بنت اخي..بس انا بميز المنيح من القبيح

تيم:قصدك رولا مومنيحة(بعصبية)..ماشي انا رايح شوف سنا هاتي الصغير

/بغرفة تميم/

تيم:مسالخير

سنا:مسالنور

تيم:ليش قاعدة لحالك؟

سنا:عم اقرأ

تيم:شو عم تقرأي

سنا:تاجر البندقية

تيم:حلو....صرتي بالادب العالمي...صايرة فارة كتب(غمزها)

سنا:بدي عبي وقتي...كيفك انت و رولا

تيم:تمام..مناح..حددنا موعد عرسنا

سنا:بالله!كتير منيح..هات عطيني ابني لنيمو

تيم:بس بتعرفي..مالي مرتاح...مع انه من زمان كنت احلم بهالشي بس هلأ في شي تغير

سنا:شي متل شو؟

تيم:متلك انتي...مالي حابب اخسرك سنا..بعرف اني اذا تزوجت رولا رح اخسرك وكتير

سنا:ليش هلأ انت ربحانني؟شو الفرق ما انا بالحالتين مومعك

تيم:مو معي..بس الي..مافيكي تنكري هالشي موهيك

سنا:لشو هالحكي ؟مشي الحال هلأ اللي صار صار

تيم:امممم...خبريني انتي من شو زعلانة فيكي شي؟

سنا:(تطلعت فيه نظرة عتب...هلأ عم تسأل شوفيني؟هلأ انتبهت لوجودي)لا مافيني شي..فيك تروح

تيم:مابدك ترجعي عغرفتك..برجع بنام عالكنباية كرمالك

سنا:هي موغرفتي هي غرفة مرتك..و انا مو مرتك..تصبح على خير

تيم:(قرب مني و رفع خصلة عن وجهي و حط ايدو ع خصري)...انتي مرتي..بالشرع و بالقانون مرتي وانا هلأ بدي احضن مرتي(حضني..وغرقت بريحة عطرو..غرقت بحنيتو؛وبدفاه.
تمنيت ماتخلص هاللحظات ويبقى حاضني كل العمر
بس تزكرت معاملتو معي و تزكرت تميم و تزكرت دموعي كل هاد خلاني بلحظة ادفشو عني

سنا:بعد عني..انا مو مرتك

تيم:شوصرلك سنا...كيف مومرتي انتي

سنا:اي مو مرتك..بكرا بتتزوج رولا و بتحضنها على كيفك..انا مابدي مين يحضني و يشفق عليي ماشي

تيم:بس هي مو شفقة

سنا:(فكرت بكلمة تغيظو و تجننو)الله يرحمك ياتميم

تيم:شو جاب سيرتو هلأ؟ليش عم تترحمي عليه

سنا:لانو يمكن هو الوحيد يلي حبني عنجد..هو لو ماحبني ماكان عمل معي يلي عملو...الله يرحمو لو ما مات يمكن كنا هلأ متزوجين و مبسوطين وعم نربي ابننا و اكيد كنا حبينا بعض

تيم:(بعصبية)لك شو عم تحكي؟شو عم تخبصي؟لا يا ستي تميم ماحبك....ماااااااحبك عم تفهمي..واللي عملو يامجنونة مو بدافع الحب

سنا:لكن بدافع شو؟

تيم:بدافع...بدافع شي تاني وسيرة تميم لاتجيبيها علسانك

سنا:مو انت بتقرر شو احكي وشو مااحكي

تيم:ماشي..ماشي ياسنا..عملي اللي بريحك؛سلام

سنا:اييي سلااااام..(لنفسها)هلأ جاية تقدملي مشاعر مهترية..هلأ جاية تمثل دور العاشق و الغيران..بس والله لاحرقك فيها لنار غيرتك..
#يتبع
 
#حيرت_قلبي_معاك
#بقلم_فيلوفوبيا
#الجزء_الخامس

سنا:مرت عمي تميم تعبان اليوم لازم اخدو عدكتور
فاطمة:اي حبيبتي خديه شوعم تستني
سنا:طيب رح لبسو و اخدو
(لبست انا و تميم و حملتو و خليت الشوفير ياخدني لعند دكتورو يلي موقفتو عندو من ولادتو...دخلت لعند الدكتور ولقيت عندو شب غريب و لما شفتو كانت الصدمة)
الدكتور:اهلا وسهلا مدام...اهلين بالبطل تميم
سنا:اهلا فيك دكتور
الدكتور:خير شبنا اليوم؟
سنا:دكتور عم يسعل و ويعطس و حاسة عندو ديق تنفس
الدكتور:طيب هلأ منشوف..حطي عالسرير..يادكتور عدي تفضل فحصلي هالطفل
سنا:(لنفسها)عدي!!معقول بعد هالسنين؟!
(طلع فيني عدي حسيت عيونو عم تحكي كتير حكي و عتب و زعل...وبلش يفحص ابني)
ذعدي:دكتور تبين من الفحص انو عندو رشح تحسسي و التهاب قصبات
الدكتور:اها...رح اكتبلو هالادوية وبتمنى تنعطى بوقتها..الدكتور عدي كان طالب عندي بكلية الطب ومن اكفئ الطلاب وانا اصريت يشتغل معي بينما يأسس عيادتو
سنا:تشرفنا دكتور عدي
عدي:الشرف الي مدام
سنا:يلا بالاذن يسلمو اديكن
(شوفة عدي خربطت كياني كلو..مابعرف شو صرلي اخدني شريط الذاكرة لايام كنت فيها بريئة ومرتاحة
ايام ماكان عندي هم...ايام كنا نحب بعض عن جد بدون مايكون حبنا مشروط بشي او مرهون بأي شي..بس هلأ نحنا ماعدنا نحنا..حتى عدي كتير متغير حاولت انسى الموضوع بس بعد ايام رن موبايلي)
سنا:الو
عدي:كيفك سنا
سنا:اهلين مين معي
عدي:ههه شونسيتي صوتي..عدي انا
سنا:اهلين عدي..لاتواخزني
عدي:ولا يهمك عادي
سنا:من وين جبت رقمي
عدي:من الملف تبع تميم
سنا:اممم..اي كيفك انت
عدي:منيح...مو اكتر من منيح..سنا بقدر شوفك
سنا:ليش؟؟
عدي:حابب نحكي وندردش..يعني بصراحة حابب افهم منك كم قصة
سنا:والله مابعرف يعني تميم تعبان
عدي:ماباخد من وقتك كتير ساعة زمان
سنا:طيب..بكرا بشوفك
عدي:تمام..تعالي جنب العيادة عال2 ومن هنيك منروح عشي مكان
سنا:طيب..بشوفك يلا سلام
(انفتح الباب)
تيم:كيفك اليوم
سنا:(بنشافة)منيحة
تيم:تميم كيفو
سنا:منيح الحمدلله..تحسن شوي
تيم:سنا..اناااا
سنا:خلص تيم اذا بتريد ياريت تهتم بخطيبتك و حبيبتك وتتركني ربي ابني ماشي..هلأ بالاذن انا بدي روح اتغدى
(عدي و ورجعتو قلبت كياني..حسيت اني متشوقة لشوفو او متوترة..و صار تاني يوم و اجا الوقت يلي قابلت عدي فيه...التقينا جنب العيادة رحنا ع مطعم قريب)
عدي:اي...كيفك شو اخبارك
سنا:تمام الحمدلله...(بابتسامة)كيفك انت...ملا انت؟
عدي:ههههه....كمليها
سنا:بتزكر اخر مرة شفتك سنتا؟بتزكر وقتا اخر كلمة قلتا؟وماعدت شفتك...وهلأ شفتك...كيفك انت ملا انت؟
عدي:ههههه....كيفك قال عم بيقولو صار عندك ولاد...انا والله كنت مفكرتك برات البلاد
سنا:ههههه...كانت ايام حلوة ياعدي
عدي:و تركتيني و رحتي..قلبت الدنيا عليكي وماخليت حدا ماسألتو عنك..حتى اهلك تركو الحارة و راحو...ليش هيك عملتي
سنا:عدي...انا نجبرت اعمل هيك...رح احكيلك قصتي
(وحكيتلو كل القصة من البداية لحد ماوصلت انا وتيم)
عدي:كيف قدرتي تتحملي كل هاد؟
سنا:ابني...ابني صبرني عالظلم وجودو بحياتي عطاني قوة اتجاهل كل شي تاني
عدي:بتحبيه؟
سنا:مين؟
عدي:تيم..بتحبيه
سنا:مابعرف
عدي:ههههه لاتكزبي...يابنت انتي ربيتي على هالادين..بعرفك وقت بتكزبي
سنا:شو قصدك؟يعني انا بحبو؟
عدي:مابعرف
سنا:طيب انت شو اخبارك؟تزوجت؟اجاك ولاد حكيلي
عدي:انا(تنهد)على حالي..اااه...لساتني بالحارة وساكن مع امي اخواتي تجوزو...و انا تخرجت وبلشت اشتغل..يعني فيكي تقولي تحسن وضعي شوي..ماشي الحال بس
سنا:بس شو؟
عدي:ااااه...هالقلب معزبني..بعدو بيحبك..بعرف انو بحياتك مارح تكوني الي..بس سنا انا مانسيتك ولايوم..كنت اتعزب بغيابك..كنت دور على وجهك بين هالوجوه..كل هالوقت ومالقيتك ولاشفتك..اوقات ازعل منك..و اوقات سامحك لحالي..حاكيكي و اشكيلك همي...كل هااد و انتي بعيدة و مابعرف عنك شي
سنا:عدي انا اخدتني الدنيا..وهي كانت مشاعر مراهقة
عدي:بالنسبة الك يمكن...بس بالنسبة الي لا...ليكي سنا انا مابدي منك شي..لاتفكري رح قلك تطلقي و نتزوج او نهرب او نرجع لبعض..لا انا هالشي مو ببالي..انا كان بدي اتطمن عنك واعرف اخبارك..مو اكتر..كان بدي شي يعطيني الامل لحبك اكتر.... مارح سببلك مشاكل بكفي يلي مريتي فيه
سنا:هاد الحب يلي بقلبك عم يحملني هم زيادة
عدي:لاتحملي همي...مارح ازعجك ماتخافي..بكفي كل فترة تسمعيني صوتك لاتطمن انك بخير
سنا:طيب...خليني امشي هلأ..منبقى منحكي
عدي:انتبهي عحالك..وقلبك لاتعطي الا للشخص يلي بيستاهلو حتى لو ماكان انا
سنا:حاضر...سلام
(كل الايام يلي مرقت بكفة وهاد اليوم بكفة عدي كان برات حساباتي...رجعتو قلبت الموازين..خلاني عيد كل حساباتي...معقول ارجع حبه؟وتيم وحبي اله...كيف رح اتصرف وشو بدي اعمل)
/بعد ايام/
فاطمة:كيفك يا ابو باسل نشالله موتعبان
ابو باسل(والد رولا):الحمدلله...شو اختي وينو صهري
تيم:اهلين بالخال...كيفك...كيفك مرت خالي؟شو هالمفاجئة الحلوة
ابو باسل:اهلين صهري...كيف شغلك
تيم:الحمدلله..عم نمشي الامور
ابو باسل:
شو ياتيم...عرسك انت ورولا قرب..باقي اقل من شهر مابدك تمشي بكتاب المحكمة وتثبت زواجكن؟نحنا ماكتبنا كتاب شيخ قلنا فورا بتثبتو زواجكن بالمحكمة..بس انت كتير عم تماطل..يعني رولا قالتلي انها حكت معك اكتر من مرة بالموضوع وانت اجلت بقا شو ؟ايمتا بدك تنهي هالقصة؟
تيم:والله ياخال انت بتعرف ضغط الشغل والحمل صفي عليي لحالي..لهيك انا قررت اكتب الكتاب يوم العرس..بجيب كاتب بالعدل بيكتبلنا الكتاب لان انا مابقدر اترك شغلي و امشي بوراق تثبيت الزواج
رولا:وااااااو..منصير متل الاتراك..كتييير حلو خلص انا موافقة بابا خلي الكتاب ليوم العرس
ابو باسل:بس يا تيم
ام باسل:خلص يارجال هنه هيك حابين تركهن ع راحتهن المهم انه الزواج يتثبت
فاطمة:على خيرة الله لكن تفضلو عالعشا
ابو باسل:شو وينهن ابنك و مرتك؟
تيم:بغرفة تميم..سنا عم تنيمو هلأ بتجي
رولا:شوبدكن فيها تركوها تنيم ابنها موناقصنا تتعكر قعدتنا مو هيك حبيبي(تطلعت بتيم بغنج)
تيم:اي مبلا..يلا تفضلو
(كنت قاعدة وتميم نايم بحضني..عم فكر بعدي وبحكيو يلي قلب كياني..فجأة بيرن تلفوني)
سنا:الو
عدي:كيفك؟
سنا:تمام وانت
عدي:مشتاق
سنا:عدي..الله يخليك نحنا تفقنا ماتحرجني
عدي:بس انا هاد حالي عنجد..مااعم احرجك ولاشي
سنا:طيب...في شي لحتى اتصلت؟
عدي:لا ولاشي بس حبيت اسمع صوتك.
(انفتح باب الغرفة و فات تيم اطلعت فيه بارتباك وماعاد عرفت شو احكي)
سنا:اممم..طيب ماشي منحكي بعدين
عدي:طيب انتبهي عحالك...سلام
سنا:سلام
تيم:شو مع مين عم تحكي؟
سنا:مع امي
تيم:طيب...مابدك تجي تقعدي معنا شوي؟
سنا:بالله...من ايمتا منجتمع انا و حبيبة القلب بمكان واحد؟
تيم:لاتحكي بهالطريقة
سنا:لكن بأي طريقة بدك احكي؟
تيم:انا صبري بلش ينفد ها
سنا:وشو المطلوب مني؟
تيم:ولا شي..ولا شي خليكي هيك ماشي...تصبحي على خير
سنا:مع السلامة
تيم:ماشي
(مابعرف شوصايرلي و ليش صايرة عصبية مع تيم..مع اني كنت اتمنى يهتم فيني اتمنى يحاكيني..هلأ لما صار يهتم انا صرت بعد و انفر منو مابعرف ليش و عدي زاد الطين بلة..ماعاد اعرف كيف اتصرف..ياااارب انا ضايعة
ضايعة كتير...راحت رولا و اهلها وفات تيم ع غرفته لينام..صار يفكر ب سنا و يقارن معاملة رولا مع معاملتها سنا و هيه بعز عصبيتها مابتتقارن ب رولا يلي عطول منرفزة و معصبة...ضل يفكر كل الليل لحتى غفي و فاق تاني يوم مريض)
عباس:شو وينه تيم ليش مااجا يفطر معنا
فاطمة:مابعرف والله...هلأ ببعت ام منير تشوفه
عباس:ام منير؟؟؟؟قومي سنا شوفي زوجك ليش ما اجا عالفطور...عطي تميم.لمرت عمك و قومي
سنا:حاضر عمو
(رحت ع غرفة تيم...دقيت الباب اكتر من مرة بس مافتحلي...فتحت الباب و فتت لقيتو نايم ع تختو...ومبين.كأنو مريض قربت لفيقو...هي اول مرة بقرب منه و بلمسه)
سنا:تيم...تيم يلا قوم مابدك تفطر معنا(حطيت ايدي ع شعرو...وحسيت رعشة انتابت جسمي...هي الملامح الحادة...وشعرك الاسود..يلي نفس طبيعة شعري..و دقنك الخفيفة..كل شي فيك بيخلي قلبي يدق الف دقة بالدقيقة...لاول مرة..تجرأت و طبعت بوسة على خدك)
تيم...يلا اصحى
تيم:(فتح عيونو بصعوبة)تعبان...كتير تعبان
سنا:شو فيك...شو عم يوجعك
تيم:كل جسمي مهدود...وحاسس نار شاعلة فيني
(بدون شعور حطيت شفايفي ع جبينو لاتحسس حرارتو لان هيك بتحسس حرارة تميم انتبهت على حالي وبعدت و انا.خجلانة)

سنا:حرارتك.مرتفعة...خليني اتصل بدكتور يجي يشوفك
تيم:مابدها دكتور...هلأ باخد مسكن بيمشي الحال
سنا:لا لاخليني اتصل بدكتور العيلة يجي يشوفك
رح خبر مرت عمي..خليك مرتاح اي هلأ برجعلك
تيم:حاضر
سنا:يلا رايحة
(رن موبايل تيم)
تيم:(بتعب)الو...اهلين رولا
رولا:كيفو حبي
تيم:تعبان والله
رولا:خير شبك
تيم:مابعرف جسمي مكسر وفارط وراس...
رولا:(مقاطعة)يا الله يعني مارح نطلع مشوار متل ماوعدتني
تيم:والله تعبان يارولا
رولا:طيب طيب سلامتك..بس تتحسن حاكيني يلا باي
تيم:زعلتي؟
رولا:اي طبعا" زعلت..مالقيت تمرض الا يوم وعدتني نروح عالملاهي...خلص باي(سكرت)
تيم:الحق معك تزعلي...(تنهد)
سنا:ممكن فوت
تيم:تفضلي
سنا:دكتور العيلة مسافر...اتصلت بدكتور تاني ليكو جاية عالطريق
تيم:مافي لزوم سنا..انا منيح
سنا:لا معلش انا بدي اتطمن(بارتباك)...مرت عمي بدها تطمن عليك
تيم:(بابتسامة)طيب متل مابدك
سنا:رح اعملك عصير فريش مشان تصحصح
تيم:طيب(لنفسه)شو هالحنية هي...انتي وين و رولا وين..(حط ايدو على جبينو)اووووف من هالوضع
/بعد نص ساعة/
سنا:تفضل عدي...تيم فوق بالغرفة
عدي:طيب تفضلي ادامي
(دقيت الباب)
تيم:تفضل
سنا:الدكتور وصل
عدي:مرحبا
تيم:اهلا دكتور(قام ليتجلس..و ركدت عليه)
سنا:خليك خليك مافي داعي موهيك دكتور
عدي:اي مزبوط خليك مرتاح سيد تيم
(فحص عدي تيم و كتبلو على دوا وطلعت معه عالباب)
سنا:يعطيك العافية عدي عزبتك
عدي:الله يسامحك عزابك راحة
سنا:اديش بتريد؟
عدي:عيب ياسنا...شوفتك لحالا بتكفي وزيادة معقول اخد منك
سنا:هيك كتير
عدي:مو عليكي...على فكرة نيالو فيكي هاد يلي فوق
سنا:شوقصدك؟
عدي:قصدي روحي طلعي
بعيونك عالمراية بتعرفي شو قصدي...
سنا:عدي انا...
عدي:هههه خلص انا ماشي..انتبهي عحالك
(فتحتلو الباب و دخلت نور)
نور:مرحبا
سنا: اهلين نور...بقدملك الدكتور عدي....نور اخت زوجي
عدي:تشرفنا انسة نور
نور:اهلا وسهلا
عدي:ياريت السيد تيم ياخد الدوا بوقته...بالاذن
سنا:مع السلامة
نور:خير شبه اخي
سنا:مافي شي..نزلة برد
نور:اممممم ومين هاد الحليوة؟؟؟
سنا:هاد عدي...قصدي الدكتور عدي ابن جيرانا
نور:ولي على قلبي مأحلاه
سنا:بدك امك تسمعك
نور:اييي وتسمعني شوعيب ان الله جميل يحب الجمال
سنا:طيب..انا طالعة شوف تيم
(شوقصدو عدي اطلع بعيوني عالمراية...معقول لهدرجة عيوني فاضحيني...بس انا معاملتي مع تيم عادية مافي شي زايد...اكيد عدي عم يحكي هيك ليبين غيرتو...طلعت لعند تيم لاعطيه الدوا)
سنا:جيت اعطيك الدوا
تيم:شو انا ولد لتعطيني دوايي
سنا:لا بس قلت لحالي بتكون نسيت
تيم:اي نسيت...تعالي عطيني الدوا......بس ماقلتيلي مين هاد الدكتور
سنا:(بارتباك)هاد الدكتور عدي كان ابن جيرانا بالحارة وبالصدفة لقيتو عم يشتغل بعيادة دكتور تميم(ناولتو كاسة المي)
تيم:ايوا...ومن وين جبتي رقمه
سنا:اه؟عالكرت كان مكتوب
تيم:اممممم
سنا:رح اتركك ترتاح
تيم:طيب
#يتبع
 
#حيرت_قلبي_معاك
#بقلم_فيلوفوبيا
#الجزء_السادس

/بعد ايام/

(كنت اعدة انا و نور بغرفة تميم و عم نحكي قمت لاعمل لتميم ببرونة حليب و تركت نور عندو)

نور:ابشني توتي شو طيب...لحظة موبايل ماما عم يرن تعال نشوف مين.....عدي....شي حلو يا سنا خانم....
رح رد

الو

عدي:كيفك اليوم

نور:اهلين عدي..انا مو سنا انا نور اخت تيم

عدي:اه عفوا"..كيفك نور

نور:عادي ولا يهمك...بدك شي من سنا

عدي:لا بس كان بدي...بدي اخد عنوان بيت اهلها الجديد لامي

نور:اممممم...بس تجي بخليها تحكي معك

عدي:طيب...يلا سلام

نور:سلام..(سكر)...والله شي حلو ياسنا عم تحاكي عدي من ورا ضهر اخي...طيب...وهي موبايلك رح ورجي لتيم اليوم
سنا:اجت ماما...تعا ياعمري تعال خود

نور:انا رايحة ادرس بغرفتي

سنا:مع السلامة حبيبتي

(راحت نور تنطر تيم بحديقة الفيلا لحتى تعطي الموبايل فورا....بعد شوي وصل تيم و فورا قالتلو نور)

نور:تيم...كيفك

تيم:اهلين نوارة..تمام كيفك انتي

نور:منيحة..عايزتك بشغلة

تيم:اي تعالي لجوا لنحكي

نور:لا لا هون احسن

تيم:شوفي؟؟؟؟

نور:بصراحة انا ماقدرت خبي عليك...سنا عم تحاكي عدي من ورا ضهرك

تيم:(باستغراب)شو!مين عدي

نور:لك عدي...عدي عدي الدكتور يلي جابتلك ياه..مو تاري بيحكو مع بعض من وراك

تيم:و انتي شو عرفك

نور:اليوم كنت انا ويااها ف هيه راحت تعمل حليب لتميم و انا بقيت جنبو و رن موبايلا شفت مسجلة اسم عدي رديت عليه دغري قلي كيفك اليوم..يعني لومافي حكي بيناتهن ماكان بلش بالحديث فورا و حستو ارتبك بس قلتلو مين انا

تيم:امممم...وين الموبايل هلأ؟

نور:ليكو معي...تفضل فتحو وشوف...ههههه الجدبة مو حاطتلو رمز

تيم:خلص روحي انتي هلأ

(طلع تيم ع غرفة تميم و سحبني من ايدي
بقوة و اخدني ع غرفتو سكر الباب و دفشني عالباب ووقف مواجهي والشرار عم يقدح بعيونو)

تيم:(بعصبية)مين عدي؟

سنا:عدي؟

تيم:(بيعط)اي عدي!مين هاااد و ليش عم تحكي معه

سنا:(بارتباك)مااعم احكي معه

تيم:(بعصيبة)كزابة!!هاد شو؟شوووو ؟مو اسمو بسجل مكالماتك؟؟؟

سنا:(بارتباك)انت مين عطاك موبايلي

تيم:لااااتغيري الموضوع...شوفي بينك و بينه؟

سنا:_____

تيم:عم اسألك شوفي بينك وبينه؟؟

سنا:_____

تيم:(بيصرخ)لك جاوبي!!!

سنا:خلي يلي عطاك موبايلي يجاوبك

(ضربني على وجهي كف كسر فيني كل شي...قلبي و خاطري ومشاعري و كرامتي)

تيم:بتحبي؟

سنا:_____

تيم:بتشتاقيله؟؟

سنا:_____

تيم:بتحني لريحته؟؟

سنا:_____

تيم:بتفكري فيه؟؟؟بتقوليلو بحبك؟؟؟جااااوبي..لك جاااوبي

سنا:____

تيم:بتروحي عبيته؟؟

سنا:(صرخت فيه)لهون وبس تيم..مابسمحلك تهيني اكتر من هيك

تيم:ومين انتي لتسمحيلي؟

سنا:ولا شي..انا ولا شي(مسحت دموعي)

تيم:كيف بتخونيني؟كيف

سنا:(حكيت والدموع على عرض خدودي)
عن اي خيانة عم تحكي؟عن اي خيانة؟بحياتك فكرت تتطمن عليي؟بحياتك فكرت تسألني ناقصك شي؟قلي لشوف...ليش حاسب حالك عليي زوج و انت مو مقدملي الا اسمك...لك عن اي خيانة عم تحكي؟وانا شايفتك ادام عيوني مع خطيبتك رايح و جاية و عم تتغزل فيها و تمسك ايديها و تشهر حبك الها ادام الناس وانا يلي بتخجل فيني ادام مجتمعكن الراقي...عن اي خيانة عم تحكي بس قلي...لك انا و انت مابيربطنا الا توقيع سخيف على ورقة نحكم عليي فيها بالمؤبد مع انسان شايفني عم دوب متل الشمع و موسائل...شوبدك مني تيم..شوبدك..تركني بحالي تركني بقا

تيم:(مسكني من كتافي)انتي مرتي عم تفهمي مرتي مابسمحلك توطي راسي

سنا:حاج تدوس عليي حااااج...اتزوج يلي بترفع راسك و تركني تركني

تيم:كيف بدي اتركك؟لك انا بجن بس فكر انو حدا لمسك قبلي..بجن بس فكر انو قلبك عم يدق لغيري..بجن بس حس عيونك لمحو غيري...بجن بس شوفك عم تبتسمي لاي حدا غيري...كيف بدي اتركك...انا بحبك يامجنونة بحبك فهمي بقا...كل لحظة وكل دقيقة بحبك..بحب ريحتك بالغرفة..بحب حسك بالبيت..بحبك..بحبك يشهد عليي ربي اني بحبك

سنا(دفشته عني)مو هيك يلي بيحب التاني ياتيم موهيك انت حرقتني بنارك حرقتني...وخلص لهون وبس وصلت معك تتهمني بشرفي؟

تيم:مو هيك انا...

سنا:(مقاطعة)طلقني...طلقنني..خلص طفح الكيل ماعاد اتحمل هالعيشة ماااعااد اتحمل

تيم:بدك تتطلقي مشانه؟بدك تروحي لعنده؟قولي...مخططين تتزوجو؟

سنا:لك انا اشرف منك!(طلعت من الغرفة و الغضب عم ياكلني...طالعت تيابي و حطيتهن بشنتة...و حطيت تياب تميم و طلعت شافني عمي عند باب غرفته و حاكاني ومارديت عليه..لحقني تيم عحديقة الفيلا)

تيم:(بعيط)سنا!!!!

سنا:(وقفت و التفتت بدون مااحكي)

تيم:بدك تروحي الله معك بس تميم بيضل هون

سنا:بدك تاخد ابني مني

تيم:كلمتين و رد غطاهن..يا بتبقي انتي و ابنك يا بتروحي و بتتركي تميم هون غير هالحكي مافي

فاطمة:صلو عالنبي ياولاد..شوصاير بيناتكن

تيم:امي خليكي برات الموضوع

سنا:(هون حسيت انو لازم اقلب الميزان لكفتي و خلي مرت عمي تربي بنتها)ابنك يامرت عمي عم يتهمني بشرفي هو وبنتك المصون

فاطمة:شو هالحكي؟!!!نووور شوهالحكي يلي عم اسمعو؟

تيم:امي مافي شي من هاد

سنا:لاتكزب تيم...خليك قد كلامك اللي حكيتو..اي يامرت عمي تهموني بشرفي مع الدكتور عدي...الدكتور يلي
جبتو لتيم وقت مرض...هاد الدكتور ابن جيرانا...ابن حارتنا الفقيرة...ربيانين سوا و كبرانين سوا...ومابينكر العشرة الا ابن الحرام...و انا يامرت عمي يشهد ربي عليي انو مافي شي بينه و بيني...هنه مرتين 3 اتصل فيني فيهن..واقسم بالله اني صديتو و مافتحتلو مجال يتمادى معي...وهلأ ازا بدك بتصل فيه خلي يجي يشهد على هالحكي و خلي اهلي يجو و خلي اهلو يجو...ولا ياتيم بيك عم تستوطي حيطي لانو مالي اب ومالي سند يدافع عني؟بس في الي رب هو بيدافع عني...هلأ انا طالعة و رح اخد ابني معي...بشوفك بالمحكمة تيم بيك

تيم:لك تعي لهون!!!

فاطمة:تركها ابني...تركها وفوت لشوف شوبدنا نعمل
بهالمصيبة....وانتي حسابك عند ابوكي

(رحت لعند امي...وحكيتلا كل شي صار...)

ام امير:حسبي الله فيهن يا امي حسبي الله

امير:والله لحطلك احسن محامي ياخد حقك ياسنا ولا دمعة تنزل من عيونك

سنا:اتصل بعدي امير..خلي يجي لهون

امير:بس انا مامعي رقمه

سنا:رح اكتبلك عنوان عيادتو روح و جيبو لنحكي

ام امير:شو بدك تحكي معه لك امي...بلاها هلأ..هلأ بتكون النار شاعلة عند جوزك و ازا اجا و شافو عنا مارح يحصل خير....اشكي امرك ل الله...شكيهن ل الله

سنا(تبكي)الله ياخد حقي.منك يانور...و منك ياتيم

/بيت تيم/

تيم:رح جن....رح جن يا الله

عباس:ماتوقعت انك من اول مطب تشك بمرتك هيك

تيم:لك انا شفت اسمو بالسجل

عباس:شفت اسمه؟عرفت شو حكا معها و وشو ردت عليه؟هاد موكافي لتحكم عليها هيك موكافي ابدا

تيم:لاتزيدها عقلبي يابي مشان الله

عباس:و انتي نور خانم...هيك مربيينك نحنا..هيك دينك بيأمرك..لك النبي شاف بعينه وستر بعبايته..جاية تتهمي مرت اخوكي هيك اتهام يانور

نور:بابا والله ماكان قصدي والله

عباس:لك شلون موقصدك...مابتعرفي انو هيك حكي
بتروح فيه مرت اخوكي

نور:بابا...بابا والله موقصدي والله هي رولا عبت براسي

تيم:شلووون؟كيف يعني رولا عبت براسك

نور:هيه قالتلي انو سنا مو منيحة و انو بس امسك عليها شي خبرك دغري مشان تطلقها

تيم:لك شو عم تخبصي انتي

نور:انا قلتلا انو سنا جابتلك دكتور وقت مرضت غير دكتورنا وقلتلا انو شب وحلو...و انو وقت فتت عالبيت كانو عم يحكو مع بعض حديث فهمت منه كم كلمة

تيم:(بعصبية)وشو فهمتي من حديثهن

نور:____اخي مشان الله

تيم:(بيصرخ)لك احكي!!

نور:كان عم يقلا نيالو فيكي زوجك...قالتلو شوقصدك...قلا روحي تطلعي بعيونك عالمراية بتعرفي شوقصدي..و اجت لتعطي مصاري مارضي

عباس:وانتي نقلتي الحكي ل رولا

نور:بابا والله زلقت انت بتعرف انه انا ورولا رفقات كتير وهيه قالتلي انو سنا مبينة عم تخون تيم مع هاد عدي

تيم:(صار يضرب على راسو)ياااربي...ياربي شو اعمل ياربي...لك ابتلي فيكي هلأ...قوم اشرب من دمك

عباس:هدي حالك تيم هدي حالك كل عقدة والها حلال

نور:انا سمعت سنا وهيه عم تحاكي عدي مرة

تيم:كمان؟!!وشو سمعتي

نور:كانت عم تقلو حاج تتصل فيني...انا متزوجة وهالشي غلط انت وعدتني ماتعملي مشاكل...انا اللي فيني بيكفيني

تيم:(قام لعند نور وشدها من شعرها)لك انتي شووو..انتي شووو بتعرفي كل هاد وساكتة

نور:(تبكي)تركني مشان الله...ماما قوليلو يتركني

فاطمة:خلص لك امي فلت شعر اختك خلص

تيم:لك الله يلعنك و يلعن رولا معك...بس حسابكن عندي ماخلص..ليكي وليك مااابتجيبي سيرة اللي صار ل رولا عم تفهمي..ولاكلمة ولاااااكلمة

نور:(تبكي)حاضر...حاضر

تيم:انا رايح شوف سنا

عباس:خليك ابني..تركها تهدا وبعدين منروح انا وياك و انا رح رجعلك ياها

تيم:طيب انا رايح عشغلي..لاتتصلو فيني لاني مو راجع اليوم

(مرقو كم يوم هدوء تام و مافي شي لاتيم اتصل فيني و لا انا حاكيته...وبيوم)

فاطمة:اهلين بنتي كيفك

رولا:تمام..كيفك انتي عمتو

فاطمة:الحمدلله..ماشي حالنا

رولا:شو وينه تيم صرلو كم يوم ماعم ي ع تلفونو
فاطمة:والله عم يطلع من الصبح وماعم يرجع لاخر الليل

رولا:امممممم....مالي سمعانة حس تميم الصغير شو مالو هون؟

فاطمة:لا والله سنا عند اهلها

رولا:خير عمتو حاسستك مو على بعضك

فاطمة:مو على بعضي؟؟سنا تركت البيت و طلبت الطلاق

رولا:(اخفت فرحتها بصعوبة)عنجد؟؟!..ليش طيب

فاطمة:نور تسببتلا بمشكلة حكتلو انها عم تحاكي شب و قوم القيامة وطلبت الطلاق

رولا:له له له...والله ياعمتو انا كمان بعرف شي عن سنا و هالشي كتير كبير و انا متأكدة من صحتو

فاطمة:شو هالشي لك رولا

رولا:بتعرفي انه تميم مو ابن تيم؟

فاطمة:ولي عليي لكن ابن مين؟

رولا:ابن تميم الله يرحمه...سنا كانت على علاقة مع تميم و حملت منه و بعدها توفى و جبرت تيم يتزوجها كرمال الحمل و كرمال يستر عليها

فاطمة:و انتي مين خبرك هالحكي؟

رولا:اه؟؟؟تيم حكالي

فاطمة:بالحرف الواحد هيك حاكيلك

رولا:اي عمتو اي

فاطمة:بتحلفي عالمصحف على هالحكي

رولا:اي بحلف

فاطمة:يخرب بيتك شو كزابة وقوية

رولا:ليش هيك عم تحكي عمتو؟

فاطمة:لك انتي شو؟انتي شو فهميني...فوق ماقدمتلك زوجها ع طبق من دهب كمان بدك تخربي عليها؟و تنزعي عيشتها..بس عرفي انو حسابك عند الله كبير على هالحكي هاد

رولا:لك عمتو انا متأكدة من حكيي و عملو فحصdnaللولد و تأكدو

فاطمة:لك خرسي بقا خرسي انا بعرف تميم ابن مين من وقت مااكانت سنا حامل فيه

رولا:شلون؟كيف بتعرفي يعني؟كيف ساكتين

فاطمة:انا بعرف الحقيقة مو الحكي الفاضي يلي حكيتي من شوي...بعرف انو تميم اغتصب سنا بنفس اليوم يلي توفى فيه...وبعرف انها حملت منه وبعرف انو ابو تيم هو يلي جبر تيم يتزوجها....هو حكالي كل شي من زماااان كزبك ونفاقك وتلفيقك مارح يفيد بشي نضبي احسنلك رولا..عم تفهمي والله لولا انك بنت اخي ولوما بخاف ع زعل اخي لكنت هلأ فسخت خطبتك بس ابوكي هو يلي موقفني

رولا:عمتو انا...

فاطمة:خرسي هلأ و روحي عبيت اهلك مابدي شوف وجهك ليوم عرسك عم تفهمي....ويكون بعلمك سنا رح ترجع عبيت زوجها فهمانة وخططك كلا رح تفشل و حسابك عند تيم بس مو هلأ بعد العرس مشان ماينجلط اخي وقت تيم يتركك

(عرفت رولا انو خططها فشلت انو تيم يتركني..بعد اسبوع اجا لعندي تيم)

سنا:شو جابك لهون

تيم:جاية شوف ابني

سنا:تميم مو ابنك

تيم:مبلا ابني..

سنا:ماما هاتي تميم لابوه

ام امير:اهلين صهري تفضل هي ابنك

تيم:تعا ياروح البابا انت تعا(حضنو وشمو)مشتقلك انا ياولد

سنا:انا رايحة ع غرفتي

تيم:سنا...مابدك ترجعي على بيتك

سنا:هداك البيت مو بيتي...و انا مابقعد ببيت انتهمت فيه بشرفي

تيم:سنا...انا اسف..انا حاكيت عدي و شفته و هو حكالي كل شي..وقلي انه رح يسافر ويترك البلد مشان يريحك منه

سنا:(تبكي)لا انا بحبه...وبدي اتزوجه...مو هيك....يمكن
يمكن عنا شي خطة بعد السفر...او..اومخططين اسرقك مصاريك واقتلك و بعدين اهرب لعنده

تيم:الله يخليكي اهدي

سنا:(انهرت من البكي)لك انتو ماعنكن قلب...ماعنكن قلب...مشتهية موت لارتاح منكن ومن هالعيشة

تيم:(قرب مني وحط ايدو ع كتفي)سنا

سنا:خلص!!بعد عني...روح لعند حبيبتك لك روح(صرت ادفشو ليطلع)

ام امير:مشان الله لاتواخزنا ياابني

سنا:(صرت صرخ)لك انا بكرهك!بكرهكن!بكرهكن!

تيم:مرت عمي خليني جبلا دكتور يعطيها ابرة مهدئ

سنا:روح من هووون! روح مابدي منك شي بس روح!

تيم:خلص خلص رايح رايح

(بعد ما راح)

ام امير:شو صرلك لك بنتي بسم الله عليكي

سنا:جيبولي عدي

ام امير:شو؟هلأ بدك عدي

سنا:عم قلك جيبيلي عدي..هلأ بدك تجيبي احسن ماموت حالي

ام امير:طيب...طيب رح اتصل عشغلو قلو يجي بس يخلص
سنا:انا رح حاك

(تبكي)الو...الو عدي انا سنا

عدي:شبكي سنا...ليش هيك عم تبكي شوفي

سنا:تعا لعندي عدي...تعا مشان الله

عدي:مسافة الطريق بكون عندك...سنا لاتجني وتعملي بحالك شي..جاية انا

(انهرت من البكي...حسيت سيل من الوجع عم يمشي بعروقي...حسيت انو صابني حالة هيستيريا وماعاد اقدر وقف بكا لحد ما اجا عدي)

عدي:سنا...شبك ليش عم تبكي هيك

سنا:(تبكي)عدي...ظلموني..قهروني و كسرو بخاطري
مابدي شي غير يتركوني بحالي والله مابدي شي غير يتركوني بحالي..تعبت والله تعبت ياعدي

عدي:(حط ايديه على خدودي ومسح دموعي)اهدي يا سنا اهدي..اهدي شوي

سنا:شو اعمل؟شو اعمل لارتاح و اخلص قلي شو اعمل
عدي:خلص روقي...صلي عالنبي وخدي نفس هيك و روقي..شوبدك اعمل انا جاهز

سنا:صحي بدك تسافر؟

عدي:جوزك هيك بدو...انا رح سافر مشان مااعملك مشاكل كمان

سنا:_____

عدي:عيونك المليانين دموع بيكسرو ضهري...مسحي دموعك و رجعي الفرح لعيونك...عيونك مابيلبق الهن الا الفرح

سنا:بدي اتطلق

عدي:ليكي سنا...انا بعرف منيح انك بتحبيه لتيم...و هو لما شفت اديش غيران عليكي..ولما هجم ليضربني عرفت انو هو كمان بيحبك ومستحيل يتركك تروحي بالسهل..ماعدا انك اذا تطلقتي رح تثبتيلو كل شكوكه فيكي و انتي اكيد مابدك هالشي و اذا نثبتت شكوكه فيكي ف اكيد مارح يتركلك تميم تربيه و رح يحرمك منه..فيكي تعيشي بدونه؟؟؟

سنا:بس انت بتحبني

عدي:بس انتي مابتحبيني..انتي بتحبي تيم..انتي ماشفتي لهفتك عليه وقت مرض..ماشفتي اللمعة بعيونك وقت تطلعي فيه..ماشفتي خدودك كيف بيتوردو و بيحمرو بوجوده..سنا حاج تهربي و تكزبي عحالك..انتي اذا عم تفكري تتطلقي و تجي لعندي اكيييد انا رح حطك بعيوني..رح حطك بقلبي و داريكي متل الطفلة بس حبي مارح يعوضك عن ابنك...و مارح تنسي تيم و رح يضل عايش بيناتنا...بعدين حطي ببالك شي...صح انا بحبك بس انا مابرضا كون خيار تاني...خطة بديلة...احتمال وارد..انا يابكون الخيار الوحيد يامابكون...يابكون خطتك الوحيدة للحياة يا مابكون...يا بكون احتمال اكيد مو احتمال وارد يا مابكون..و انا وضحتلك من البداية انو مابدي منك شي نهااائيا..وجودك بس كافي

سنا:انت كتير قوي

عدي:و انتي قوية...وبدال ماتتركي جوزك لقمة سهلة لهديك روحي طالبي فيه

سنا:بس هو ظلمني

عدي:هاد شأنك و هي حياتك وانتي حرة التصرف..تأكدي اي خطوة رح تخطيها انا رح كون معك...بس كصديق مو اكتر من هيك و لا اقل

سنا:طيب

عدي:صار لازم امشي...بحكي معك لشوفك قبل ماسافر...سلام
#يتبع
 
#حيرت_قلبي_معاك
#بقلم_قصص_فيلوفوبيا
#الجزء_السابع

#انتهت

بلشت تمضي الايام و كلام عدي اثر فيني...بس انا مجروحة من تيم جرح كتير كبير...لحد ما اجا اليوم يلي اجتني فيه دعوة لحضور عرس تيم و رولا بالفيلا..انصدمت كتير و ماصدقت رغم كل شي و رح يتزوجها!!!رغم التهمة يلي لفقتلي ياها هيه واخته و رح يتزوجها!!!...بس انا قررت كون اقوى..وقررت احضر العرس انا و تميم...حتى يشوف اني موسائلة عليه...لو كان قلبي من جوا عم يحترق...قبل العرس بيومين وصلتني رسالة من عدي...بتقول:
سنا القلب....سنا الروح...سنا الغالية..سنا كل شيء في حياتي
اما قبل:
فها انا ذا راحل..اتركك لدنيا لم اشأ ان اتركك لها..اتركك و حبك في قلبي لم ولن يتركني يوما"...طفلتي الصغيرة
طفلتي البريئة...سأشتاق لك بكل ما اوتيت من اشواق..بكل ما اتيت من مشاعر و اعصاب و دموع و نبضات قلب
اما بعد:
فانتبهي لنفسك حيث لست موجود لانتبه لك..و كوني جيدة في غيابي بل كوني على افضل حال يا حبيبتي
عديني ان تستمري بالتفتح و الازهار..عديني الا تدعي الربيع في عينيك للذبول عديني ان تكوني على افضل مايرام
لن اكذب ف أنا خائف من رحيلي الى مكان لست فيه
خائف من بلد اكون فيه وحدي..فلا انت ولا صوتك و لا ابتسامتك تدفئني...لكنني سأحصن نفسي بذكرياتك..سأحصن نفسي بالتداوي بك كي الملم شتات نفسي...و اجبر هشاشتي ف غيابك هو الانكسار بحد ذاته
أخيرا ايتها الغالية:
فاعلمي اني باق على حبك الى مابعد الابد...الى اللانهاية ومابعدها..اعلمي اني و أن تزوجت فسأتزوج لانجب بنتا" تحيي اسمك في شفاهي..فأرتوي و اناديكي كيفما شئت ومتى شئت..وكل املي ان تشبهك في عينيك و في ابتسامتك وفي رونق الحياة بخديك
باقة ورد محملة باشواقي وحبي
لك السلام وكل الحب
عدي
طويت الرسالة و دموعي على عرض خدودي..يمكن انا غلطت لما فرطت بعدي من البداية...بس قدري كان مخبيلي اشياء اكبر و كان لازم واجهها لحالي بدون مساندة من حدا.......نزلت عالسوق و اشتريت فستان شيفون اوف وايت مع جاكيت قصير دانتيل اسود و مبطن اوف وايت وسكربينة سودا عالية كتير و لفيت حجابي لفة تركية لاول مرة بعملها كان شكلي بليق بعرس تيم بيك..و رحت عصالون وعملت مكياج كتير راقي و ناعم...بس امي ماخلتني اخد تميم معي...و رحت لحالي
وصلت قبل ماتبلش الحفلة وفتت لقلب الفيلا وتفاجأ الكل بشوفتي
سنا:مرحبا...كيفكن
عباس:سنا؟!اهلين يابنتي اهلين فوتي تفضلي
سنا:كيفك عمو(قربت وبست ايده)
عباس:الله يرضا عليكي...الحمدلله منيح وانتي كيفك
سنا:(بابتسامة)الحمدلله ماشي الحال...كيفك مرت عمي
فاطمة:الله يرضا عليكي..مشتاقتلك..شو وينه تميم ليش ماجبتي
سنا:عند امي..ماخلتني جيبه معي مشان الضجة
فاطمة:انا متفاجئة فيكي كتير من وين جبتي كل هالقوة
سنا:الله يسامحك معقول ما احضر عرس زوجي؟لازم بارك للعروس بايدي
فاطمة:طولي بالك يابنتي والله لاخدلك حقك منها بس مشيلنا هالعرس مشان اخي
سنا:انا مالي جاية افتح دفاتر قديمة..جاية بارك للعريس شو وينه؟
فاطمة:ليكه بغرفته عم يجهز حاله
سنا:طيب..انا رايحة شوفه قبل ماتبلش الحفلة
فاطمة:بس....
عباس:تركيها..روحي بنتي
(رحت على غرف تيم...وقلبي عم يدق بسرعة رهيبة
دقيت الباب وفتت كان اعد عالتخت وحاني ضهر وحاطط ايديه على راسو)
تيم:(بعصبية)انا ماقلتلكن مااابدي شوف حدا
سنا:____
تيم:امي الله يخليكي خلص ماقادر حاكي حدا خلص
سنا:ولا انا؟؟
تيم:(رفع راسه وهو مدهوش)سنا!!!
سنا:(قربت منه وحكيت بابتسامة)مبروك ياعريس
تيم:سنا انتي شو جابك
سنا:جاية بارك للعريس
تيم:لاتعملي هيك سنا الله يخليكي
سنا:(قعدت جنبه)خلص تيم شبك...لازم تتزوج يلي بتحبها
تيم:خلص الله يخليكي
سنا:يلا قوم لاربطلك الكرافة
تيم:____
سنا:(قمت على خزانته وفتحتها و حكيت والغصة بحلقي)اي كرافة بدك...الحمرا؟او سودا؟امممم يمكن الحمرا احلا موهيك؟انت شو رأيك؟(درت وجهي والدموع بعيوني)انا مابعرف يعني ماصرلي عرس لاعرف العريس شو بيلبس..يلا وقف لاربطلك ياها
تيم:____(كان ساكت وبس عم يطلع فيني وانا عم اربط الكرافة عم يراقب عيوني كيف عم يقاومو الدموع)
سنا:هيك تمام...يلا شوفها عالمراية
(قربنا ووقفنا عالمراية وكنت واقفة وراه...مسحتلو على كتافه وفتلتو لعندي شديت الكرافة ومسحت على صدره وبخيتله من عطره)هلأ صرت جاهز
تيم:(مسك ايديي وحكا)مابيسوا تكوني حلوة هالقد وانتي عم تبكي...موهيك
سنا:يلا بدي زفك بايدي
تيم:انتي مو طبيعية سنا
سنا:يلا امشي...بدك تسمحلي شنكلك لان العروس عم تستناك تحت وبدي سلمها ياك بايدي
(نزلنا انا وتيم وكانت الناس تحت و رولا عم تستنا تيم عند باب الفيلا ليطلعو سوا عالحديقة مافيني احكي عن شكلها وقت شافتني نازلة مع تيم و مشكنلته)
رولا:هي؟؟!!هي شوعم تعمل هووون...لك هي الغبية هي التافهة..لك لك شوفو شلون مشنكلة تيم
سنا:تفضلي يا عروس عريسك...بس شوفيلي الكرافة زابطة..مابعرف جربت اعمله ياها
رولا:لك انتي كيف بتتجرأي..من ايمتا انتي هون؟
تيم:خلص رولا شوصرلك
رولا:لك هي وحدة فلتانة انا هلأ بدي افضحها ادام الناس..لك تميم موابن تيممو ابنوووو
(ضرب تيم رولا كف على وجهها)خرسي والتزمي حدودك سنا مرتي ومابسمحلك تحكي كلمة وحدة عنها..طلعي لنكمل هالعرس السخيف وبعدين منحكي...سنا طول.....وينها سنا وين راحت
(ماقدرت اتحمل الاساءة اكتر من هيك وطلعت ودموعي على عرض خدودي كنت عم اسمع حكي الناس عني و اديش تيم محتفل برولا وعاملين عرس عالطراز التركي..و عاملين منصة لكتب الكتاب كأنو عنجد اتراك حسيت حالي مالي مكان هون ولا بقلب تيم)
فاطمة:يلا ابني كاتب العدل ناطركن
رولا:عمتي قوليله يفرد وجهه شوي
فاطمة:حمدي الله انه قبل يكمل العرس معك
(تيم ماحكا ولا كلمة راح عطاولة كتب الكتاب و هو مخنوق و متدايق و انا ماشية و عم امسح دموعي..فتلت وجهي لعندن حتى شوفه وهو عم يوقع على ارتباطه ب رولا للابد اجت عيني بعينه حسيت دموعي عم تترجاه مايوقع ومايعمل هالخطوة....فجأة شفته عم يقوم من عالكرسي وماشي باتجاهي ماصدقت عيوني بس اي تيم جاية باتجاهي و العالم عم تطلع فيه وفيني...راقبته وهو جاية و دقات قلبي عم تزيد مع خطواته تجاهي)
تيم:ماقلتلك مابينفع تكوني حلوة هالقد وانتي عم تبكي
سنا:(ضحكت ومسحت دموعي)انت شو جابك
تيم:(مسك ايدي و حطها على خدو وباسها)كل الناس دموعها مالحة الا انتي دموعك حلوة
سنا:تيم
تيم:خلينا نهرب قبل ماتجي رولا وتقتلنا
سنا:هههههه يلا
(ركضنا و ركبنا بسيارة تيم شغلها و بعد عن الفيلا وطلع فينا ع جبل)
سنا:مأحلا الهدوء هون
تيم:(وقف جنبي ومسك ايدي)مافي شي احلا منك...سنا انا بدي تسامحيني انا شكيت فيكي و الغضب عما عيوني
مستعد اعمل كل شي لتسامحيني سنا..سامحيني بترجاكي(قعد على ركبه)سنا يشهد ربي اني بحبك من كل قلبي بحبك و مو من هلأ من اول ماشفتك دخلتي على هالقلب...بعرف اني كنت معك مزاجي و مجنون و موعارف شوبدي بس الاكيد انو مابدي اخسرك
سامحيني ورجعيلي
سنا:قلبي مابيقدر الا يسامحك
(وقف حملني و دار فيني و ضحكنا من قلبنا)
تيم:بما اني عريس ف اكيد انتي عروستي مو هيك
سنا:مبلا...بس العروس بدها فستان موهيك
تيم:احلا فستان لعيونك..بس امشي معي
سنا:لوين؟
تيم:خلص بس امشي...بدي اخدك شهر عسل
سنا:وتميم؟؟!مافيني اتركو لحالو
تيم:مو هو عند امك...خلص امك بتدير بالها عليه
سنا:طيب مامعي شي مامعي غراض
تيم:انا بشتريلك كل شي بدك ياه من هنيك بس خلينا نهرب فترة من وجه رولا و جنانها
سنا:لكن خلينا ناخد تميم بخاف تعمله شي او تحاول تئذيه
تيم:طيب مناخده...هلأ منروح عبيت اهلك بتجيبي جواز سفرك و كم غرض..خدي حاكي امك من جوالي
سنا:شوهاد؟؟؟حاطط صورتي خلفية الشاشة؟؟
تيم:مشان ماتفارقيني وين مارحت
سنا:هههه تاريك رومنسي
تيم:اي ماشفتي شي لسا...طولي بالك عليي شوي بس وحتشوفي اللي بحياتك ماحلمتي فيه
(وصلنا عبيت اهلي و اخدنا تميم وكم غرض و طلعنا وعطريق المطار اجا اتصال ل تيم و مارد بس صارو اهلو يتصلو فيه كتير واخر شي رد عليهن)
فاطمة:لك تيم وينك انت؟؟كيف هيك بتعمل
تيم:خلص امي قولي للناس انو العرس التغى
فاطمة:وينك انت؟؟سنا وين؟
تيم:امي سنا معي و طالعين عشهر العسل يلي حجزتو رولا بتايلند خبريها مشان تفرحلنا
فاطمة:رولا صابها انهيار عصبي و ركضو فيها عالمشفى و الناس راحو ع بيوتهن وهنه عم يحكو عليك و خالك معصب كتير
تيم:رولا حدا جهنم و الناس مابتهمني و خالي انا بتفاهم معه لان عمايل بنته مابينسكت عنها و لان ملف غلطاتها كبر كتير وهلأ انا وصلت عالمطار رح يصير خطي خارج التغطية رح غيب فترة و بس ارجع بتكون هديت الامور و منحل كل شي يلا سلام
سنا:شبها رولا؟؟؟
تيم:ولايهمك انسيها
سنا:صار مشاكل اكيد مو
تيم:لك انا بخوض حرب كرمالك مو مشاكل..سنا انا بحبك وصلت لدرجة بدي خبر الدنيا كلها اديش بحبك انا عشت بصراع و ضياع داخلي كبير و كنت عم اهرب بس مااقدرت مااعترف بهالحقيقة كان معمي على عيوني كأنه غشاوة بس انتي اليوم جيتي و شلتي هالغشاوة عن عيوني و خليتيني شوف اديش انا بحاجتك اديش انا بدونك ناقص و ضعيف..انا كنت عم اتخبط و مفكر رولا حب حياتي بينما كانت الجوهرة الحقيقية ادام عيوني ومالي شايفها..بس عهد عليي لعوضك عن كل يوم ماكنت فيه جنبك..ولعوضك عن كل دمعة من عيونك
سنا:بيكفيني انك معي
(سافرنا على تايلند و رحنا عالفندق يلي حجزت فيه رولا لشهر العسل جناح بحاله بياخد العقل..ارتحنا من السفر و طلعنا تمشينا وشترالي تيم شوية تياب و فستان ابيض قصير موديل باربي و المسا اخد تميم لحتى يتمشى فيه و ينيمو بينما جهز حالي لان بيغار يخلي وحدة اجنبية تعملي شعري و مكياج...طلبت عشا لشخصين مع شموع و جهزت حالي و نطرت تيم ليجي)
تيم:انا اجيت وينك حبيبتي
سنا:فوت سطح تميم عالتخت و طلاع نطرني برا انا رح فوت عالحمام
تيم:اي حاضر....يامتخبي احفور و غمق ههههههه....ليكي انا سطحت تميم و طالع ناطرك لا تتأخري
سنا:(فتحت الباب و تأكدت انو تيم مو بالغرفة وقفت عالمراية و زبطت شعري وحطيت عطر و طلعت كان واقف عالشباك و حاطط ايديه بجيب بنطلونه)
سنا:احم احم
تيم:(فتل ضهرو و اندهش فيني)مين انتي؟؟اميرة من اميرات الاحلام؟؟نجمة وطلت من السما؟لا يمكن القمر بزاته؟
سنا:خجلتني
تيم:(قرب مني وحاوط خصري بايديه)و لشو الخجل ياعمري...في وحدة بتخجل بجمالها؟؟لك انتي لازم يحطو ملكة ع عرش الجمال
سنا:(بخجل)خلص تيم
تيم:(زاح خصلة عن وجهي و تأمل عيوني و ملامحي )بتعرفي انو عيونك بيزكروني بالؤلؤ ...رموشك الكثيفين هدول لما يتسكرو على عيونك بيرسمو لوحة بتاخد العقل..و شعرك يلي انفتنت فيه من اول مرة شفته
بتعرفي الله متأني بخلقك...و حط سحر حواليكي بيخلي مين ماشافك يعشقك...انا مابلوم عدي على حبه الك..ولا بلوم تميم مع انه غلط...انا بلوم حالي كيف كنت معمي عن هالجمال كل هالوقت...بس خلص من اليوم ولاخر يوم بعمري مارح اترك فرصة متع فيها عيوني بجمالك
(حضني و غمر وجهو بشعري وهمس بأدني بحبك.....عشت مع تيم شهر من العمر مابنسى منه ولا لحظة و بعد هالشهر رجعنا عالشام لحتى تيم يواجه خالو و رولا.....رولا كانت منهارة و مومصدقة اللي صار و جن جنانها لما عرفت انه رحنا ع شهر العسل يلي هيه حجزتله و خططتله..تيم حكا مع خاله و حكالو عن عمايل رولا بالتفصيل و تفاجأت لما قله عن قلة اهتمامها فيه و عن تقصيرها معه وانه كل همها كان الروحات والجيات والبريستيج و حتى مرت عمي خبرت اخوها انه رولا اجت و حكت بشرفي مرة تانية وقالت اني كنت على علاقة بتميم واعتذر تيم من خاله و قله انو رولا مابتناسبه زعل فترة خاله لتيم بس بعدين تصالحو وصفيت القلوب بينه و بين عيلة تيم بس رولا ماصفي قلبها وبسبب جنانها زوجها ابوها لرجل اعمال كبير بالعمر بس هيه ماهمها الا ماله....نور اخت تيم انخطبت لشب بيدرس معها ولان الله بده ياخد حقي منها خطيبها تركها قبل العرس بشهر لانه شك فيها انها بتحب غيرو.....اما عدي ف سمعت انو تزوج دكتورة بتشتغل معه و انو الله رزقو ببنت و سماها ع اسمي....اما انا وتيم عم نربي تميم بحب كبير و ناطرين ولادتي اول طفل النا بعد 3 سنين زواج)
#انتهت
 
الوسوم
حيرت قلبي معااك
عودة
أعلى