هتصوموا ولا زي كل سنة؟

ياسر المنياوى

شخصية هامة
دة سؤال حقيقي لكل الناس!

وأنا أولكم

هتصوموا ولا زي كل سنة؟

دايماً بنسأل السؤال دة لأنفسنا ولأحبابنا وأقاربنا على سبيل المزاح بإعتبار أن إجابته معروفة!

لكن أنا لا أمزح هذه المرة!


إنما أسأل بكل جدية وأريد إجابة من نفسي قبل غيري!

إحنا هنصوم ولا زي كل سنة؟!

هنتوب توبة نصوح ولا زي كل سنة؟!

هنحافظ عالصلوات ونغض الأبصار ونكف عن الغيبة والنميمة وفحش القول ولا زي كل سنة؟!

هنبطل أغاني ومسلسلات وبرامج وأفلام ومباريات وضياع أوقات ولا زي كل سنة؟!
هنبطل سجاير وشيشة ولا زي كل سنة؟!

هنقرأ القرءان بتدبر ونصلي بخشوع ونقيم الليل ولا زي كل سنة؟!

هندعو للمسلمين بإخلاص كما ندعو لأنفسنا ولا زي كل سنة؟!

هنحب الناس ونحب الخير ليهم ونساعدهم ولا زي كل سنة؟!

هنصلح بين المتخاصمين ونصل الأرحام ولا زي كل سنة؟!
هنبطل شات مع الجنس الآخر ولا زي كل سنة؟!

هنكف أذانا عن الجيران والأقارب والناس جميعاً ولا زي كل سنة؟!

هنجدد العهد ونراجع النوايا ونتعلم الصبر ولا زي كل سنة؟!

إخوتي في الله

يقول الله تعالى

بسم الله الرحمن الرحيم

"يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ "


يا ترى هنتّقي الله ولا زي كل سنة؟!


يا جماعة تعالوا نعاهد ربنا إننا نصوم الشهر دة بجد!

مش زي كل سنة!
 
اخ ياسر..
get-11-2008-z8dw3lxf.gif
 
ياسر المنياوي

يسلمو على الموضوع وربنا عالم بكل نفس وما تفعل

تحياتي

 
جزاك الله كل خير اخ ياسر ربنا يتقبل منا واياكم صيام وقيام وقراءة القران في هاذا الشهر الفضيل
 
الوسوم
زي سنة؟ كل هتصوموا ولا
عودة
أعلى