عشّاق ياما وعدهن لَبّوا
بْفيّات شجره والدّمع صَبّوا
وْكم إسم ضلّوا بْقلبها محفور
وتستر غْصونا الإسم وتضبّوا
وكم حلم عصفوره وحلم عصفور
وفراخ بمروج السّما يْربّوا
وْما كان بعدو في ورق وسطور
عشّاق بسّ صدورهن هبّوا
وكان الحبر لوعة جرح معصور
عم ينزف وعالارض ينكبّوا
ولتصير تحكي العاطفه وتفور
ومجرى الدمع ما ينشف مْصَبّو
صار الشجر عالتضحيه مجبور
كرمال يللي بْفيّتو تْخبّوا
يكسر ضلوعو لتصير قشور
ويمشي ع درب الجلجله ال حَبّو
ومن وقتها صارت الكلمه النور
لمّا الشجر كسر ضْلوعوا وصار
كل الورق خلقان من لِبّوا
بْفيّات شجره والدّمع صَبّوا
وْكم إسم ضلّوا بْقلبها محفور
وتستر غْصونا الإسم وتضبّوا
وكم حلم عصفوره وحلم عصفور
وفراخ بمروج السّما يْربّوا
وْما كان بعدو في ورق وسطور
عشّاق بسّ صدورهن هبّوا
وكان الحبر لوعة جرح معصور
عم ينزف وعالارض ينكبّوا
ولتصير تحكي العاطفه وتفور
ومجرى الدمع ما ينشف مْصَبّو
صار الشجر عالتضحيه مجبور
كرمال يللي بْفيّتو تْخبّوا
يكسر ضلوعو لتصير قشور
ويمشي ع درب الجلجله ال حَبّو
ومن وقتها صارت الكلمه النور
لمّا الشجر كسر ضْلوعوا وصار
كل الورق خلقان من لِبّوا