بــــــــــائعة الاحلام

ز

زهرة الجنة

الاعضاء
لو عايزة تشترى أحلام ​


تعالى عندى وأعرفك بالعنوان​

عنوانى ميدان الحب شارع الوفاء.. ​

متفرع من شارع الحنان​

على ناصيته حتلاقى بائعة الهوى وبائعة الأوهام​


حتلاقى بيت كبير اسمه بيت السعادة والحرمان​

حتلاقينى ساكنه فى أعلى دور وبابى مكتوب ​

عليه بائعة الأحلام​

أطرق بابى حتلاقينى منتظراك ​

ومعايا أحلام كتير​

على كل شكل ولون حتسعدك.. حتبهرك.. ​

حتعيش فى ملكوت​

شوف نفسك فى أبة​

وقولي عليه!!​

معايا أحلام000 ​

تخليك عايش فى زمان غير الزمان ​

ومع ناس غير الناس ​

تلاقى فيهم كل اللى تتمناه​

من حب وغرام وهيام. ​

وتعيش وسطهم كأنك سلطان ​

الزمان والمكان​

معايا كمان أحلام000 تخليك تسيطر على ​

الكون دة كله​

والناس لك عبيد وخدام​

كمان معايا أحلام000 تبدلك ليلك بالنهار​

وتجعل طريقك الصعب جنة مفتوحة تجرى فيها ​

من غير جنود ولا حراس​

معايا كمان أحلام000 تقلب الصخور والجبال ​

لأجمل ما أبدع الرحمن... ​

حتلاقى فيها البساتين ​

مليانه بورود.. وزهور.. وريحان​

حتلاقى فيها الأشجار خضراء والعصافير
تتراقص وتشدو​

بأصوات سيمفونية عذبة الالحان​

وأخر ما عندى من أحلام000 ​

أحلام تخلى الحبيب.البعيد منك قريب​

وان كنت بتعانى من جفا الحبيب​

تلقاة مغرم وهيمان.. ومتيم بك ​

وعايش يفكر فيك وقلبه مشغول بيك​

ولوعة بعادك يقاسيها فى أسى وتنهيد​

قول لى ​

عايز أبيع لك ايه من أحلامى...؟؟​

عارف عينيك بتسأل الف سؤال وسؤال!!!​

عايز تسأليني... ​

أنا عملت اية بالأحلام...؟؟​

بلاش أنا... علشان أحلامى كلها ​

ضاعت فى الهوى ​

ومشوفتش فيها يوم هنا​

عشت أحلم وأحلم ​

ملقيتش غير سراب وهوان وأسى.​

من بعدها حرمت أشترى الأحلام​

لكن ببيعها انتقاما منى للزمن​

ياريت انت كمان ​

بلاش تشترى الأحلام​

ارضي بالمقسوم ​

علشان متشوفش الهوان​

وتعيش حياتك فى الاسى!!​
​
​
​
 
التعديل الأخير بواسطة المشرف:
راقـــ لـــي أختيارك وطرحك الرائــــع
ننتظـــر جديدك بكــــل شـــــوقــ
بــــــــــائعة الاحلام
 
الوسوم
الاحلام بــــــــــائعة
عودة
أعلى