مابقـى الا عالـمٍ كاثـرٍ وسواسـهـا !!!

المنسي

الاعضاء
مابقـى الا عالـمٍ كاثـرٍ وسواسـهـا !!!



كل ماجيت أزرع الطيب واسوي جميـل
الجميلـه تالـي الوقـت قلـوا ناســـهـا

الجميله ما بقى من عربهـا الا القليـل
مابقــــى الا عالـمٍ كاثـرٍ وسواســــهـا

والجميله ماتناسب من النـذل البخيـل
لو بغاها ماعرف ذيلهـا مـن راسهـا

راح جيل المعرفة وابتدا جيـل المديـل
وابتلشـت بعالـمٍ ماعرفـت اجناســــهـا

تختلف الاجيال ويصير جيل بعـد جيـل
والاوادم يختلـف فعلهـا واقواسـهـا

لو بغيت تعدل النـاس شـئ مستحيـل
فرقهـا بافعالهـا مايجـي بلباسـهـا

لا تحط ضعيّف النفس بالطرقـة زميـل
دوّر اللـي لا تكبّـر خطرهـا داسهـا

والضعيّف جنبه مامعـه حيلـة وحيـل
رافق اللي قد سبح بالبحـور وقاسهـا

واشهد ان ضعيّف النفس مايصلح عميل
والضعافة عند ناسٍ ضعيف احساسهـا

مابغي النفس الضعيفة ولا الرجل الذليل
كل ماجينـا نسـوي جميلـة حاسهـا

افتخر فـي عاقـل مايعيـل ولا يميـل
خطته لا من رسمهـا يعـرف قياسهـا

يحتمل طول المسافات والخـط الطويـل
لا تعكر جـو نفسـك يزيـل عماسهـا

الحكيم اللي على المعرفه رايـه دليـل
من رجـال بالمواقـف قـويٍ باسهـا

اشهد ان الظلم والخوف والحال الهزيل
حاجة توثر على النفس فـي مجلاسهـا

واشهد ان الصبر زينٍ وله وزن ثقيـل
مزبنٍ للنفس لا مـن كثـر هوجاسهـا

ليت بعض الناس حرفٍ نزيله بالمزيـل
من حروف تنمسح لا انمسح قرطاسها

ماتصير الحنظلة مثل شكـل الزنجبيـل
لـو تغيّـر شكلهـا ماتغيّـر ساسهـا




أطيب تحيااااااتي لكم ...


مابقـى الا عالـمٍ كاثـرٍ وسواسـهـا !!!

 
الوسوم
الا عالـمٍ كاثـرٍ مابقـى وسواسـهـا
عودة
أعلى