بضيعتي حكايات مابتنعد
واخبار عنها كتير محكيي
وبضيعتي سياج بيتي ورد
ومشقرقا داله وشمسيه
ومعشبقا فوق هالحيطان
عا السطح هالمشلوح عليي
بضيعتي بتزكرالالفه
شلون الحبايب ولمتا علي
وتنده عجوز مزينه بعصبه
يازهرة الضيعه المنسيه
صوتا بداني كل يوم يرن
بحس بدفاها مغلغله في
يازهرة الضيعه وين عم بتفل
وتارك وراك حباب مرميه
يسلم تم القالها واللم
شمل المحبة قد ماهي
ياضيعتي الزهرات والنحلات
رب السما هالواهبا عطيه
مشتاق للخبزات للميات
لجبالها وسهول مرويه
لعطرها وحبقات باب الدار
وقعدات هالجيران عصريه
وطقة الظهر والشمسات
وشجره وكاسة شاي والفي
ومطراتها طيناتها والارض
حبات لولو بتلمع بعيني
ياضيعتي يازهرة الضيعات
بشمك صبح والنفس مسويه
متل الحلم هارب باخر ليل
بعدك بقلبي وعيوني صبيه
رح ضل بسيرتك مشغول
ورح ارسمك بحروف مشتاقه
لوحة… ..سماويه