طبعا احنا عارفين ان الحلق ممكن يجيله اصابات تسبب التهابهPharyngitis
معظم هذه الاصابات بتكون فيروسية وبتنتهي لوحدها دون مشاكل ..لكن بعض هذه الاصابات بتكون بكتيرية
من أهم المسببات البكتيرية مجموعة يطلق عليها
Group A streptococcus وتختصر GAS
ودي اللي احنا بنسميها الميكروب السبحي لاننا لو شفناها تحت الميكروسكوب هنلاقيها شبه السبحة بالفعل
لو تم علاج هذه الاصابة بالشكل السليم مش هيبقى عندنا اي مشكلة (وده بيحصل في الدول المتحضرة التي انقرض فيها مرض الحمى الروماتيزمية تقريبا)
انما بالنسبة للدول النامية فغالبا مبتتعالجش كويس لأن زي ماحنا عارفين الطفل مبيكملش كورس المضاد الحيوي للآخر أو مبياخدوش بالطريقة السليمة
في الحالة دي لا يتم القضاء على البكتيريا بصورة كاملة وان اختفت أعراض الاصابة بها ويقوم الجسم بافراز أجسام مضادة لها Antibodies
بتحصل هنا مشكلة ان هذه الأجسام المضادة المفرزة لا تهاجم البكتيريا فقط بل تهاجم أيضا المفاصل والمخ والجلد والقلب وتسبب التهابات بهم جميعا أو ببعض منهم