التحاضير الحديثة

التحاضير الحديثة

التحاضير الحديثة

التحاضير الحديثة

التحاضير الحديثة


بترجاكن تساعدوني, كيف فيني قوي ثقتي بنفسي و حس بذاتي.

انا عمري 33 سنة, و مشكلتي الأساسية اني عندي low self-esteem يعني تقدير ضعيف للذات, او فيكن تقولو انعدام كامل لتقدير الذات. هلق من وقت اللي وعيت عالدنيا و انا

بترجاكن تساعدوني, كيف فيني قوي ثقتي بنفسي و حس بذاتي.


+ الرد على الموضوع
النتائج 1 إلى 19 من 19

الموضوع: بترجاكن تساعدوني, كيف فيني قوي ثقتي بنفسي و حس بذاتي.

انا عمري 33 سنة, و مشكلتي الأساسية اني عندي low self-esteem يعني تقدير ضعيف للذات, او فيكن تقولو انعدام كامل لتقدير الذات. هلق من وقت اللي وعيت عالدنيا و انا

  1. #1
    الصورة الرمزية لحن الحياة
    لحن الحياة
    لحن الحياة غير متواجد حالياً

    Array
    تاريخ التسجيل: Nov 2013
    المشاركات: 12,735
    التقييم: 751

    22 بترجاكن تساعدوني, كيف فيني قوي ثقتي بنفسي و حس بذاتي.

    انا عمري 33 سنة, و مشكلتي الأساسية اني عندي low self-esteem يعني تقدير ضعيف للذات, او فيكن تقولو انعدام كامل لتقدير الذات. هلق من وقت اللي وعيت عالدنيا و انا بعرف اني بعاني من هالمشكلة و حاولت كتير و لجات لكتير طرق بس ما في فايدة, مع اني عندي كتير اشياء بتستاهل اني افتخر فيها و عاملة انجازات بحياتي و شاغلة و تعبانة على حالي كتير بس كل هالشي ما بحس فيه. منشان ما حدا يفهمني غلط, هالشي مو جحود او نكران لنعمة رب العالمين بس ما بحس بحالي انا شو او شو حققت او انجزت, و اهم شي اني بعمري بحياتي ما شفت حالي حلوة او حسيت بحالي اني حلوة (مع اني الحمد لله من فضل الله عين الله علي و باعتراف كتيرين اني حلوة و مجبة بس بعمري ما حسيت بهالشي) و دايما عم كسر بمقاديفي.
    اللي حسسنني اني مشكلتي متفاقمة اني مبارح رحت استنى زوجي قدام شغلو (هو بيشتغل بشركة كتير محترمة و راقية) بلشوا يطلعوا هالصبايا و ما شاء الله عليهن مكياج كامل و كعوبة عالية و بارفانات و اخر طرز, و انا حجاب و مانطو اسود و نظارة و كعب واطي. استحيت من حالي كتير و انخزيت لدرجة اني بعدت لبعيد لحتى ما خجل جوزي فيني و ما حدا يشوف اني مرتو (زوجي شخصية كتير و حلو و مرتب). هون حسيت انو قلبي من جوا انكسر, طالما اني خجلت بحالي (و انخزيت لدرجة اني ما حبيت حدا من رفقات زوجي يشوفوني) معناها مشكلتي كتير كبيرة و صار بدها حل.
    على فكرة: انا جامعية و معي ماجستير و بشتغل و شغلي كتير منيح و بحكي 3 لغات اجنبية
    و للتوضيح فقط: زوجي الحمد لله ملتزم و عينو ابدا مو لبرا و دايما بقلي ماني شايف غيرك و اني شو ما عملتي حلوة و احلى صبية بالكون بس كلو ما بياثر فيني و نفسيتي كلمالها بالحضيض.
    بترجاكن تساعدوني, كيف فيني قوي ثقتي بنفسي و حس بذاتي. يا ريت تساعدوني بنصائح سهلة قابلة للتطبيق. لاني تعبت من اهمالي لحالي و تعبت من انعدام ثقتي بنفسي.

    بترجاكن تساعدوني, كيف فيني قوي ثقتي بنفسي و حس بذاتي. 1397251881671.jpg



  2. = '
    ';
  3. [2]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    ما هو شو سبب انعدام الثقة وكيف ايام الطفولة كنتى هل هذا الحكى جديد ولا من زمان هيك من خلال السبب بتحلى كل شئ

  4. [3]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    حبيبتي أنتي مشكلتك بالعقل الباطن مترسخة عندك فكرة " أنا مو حلوة " و" أنا مالي واثقة من نفسي " على أد ما سمعتيا يمكن من ناس معينة و صرتي تكرريها بينك و بين حالك لحتى صارت عندك قناعة .. العلاج :
    كل ما تقولي لحالك أنا مو حلوة أو تسمعيا من حدى .. احكي بينك و بين حالك كلمة " إلغاء " و بدليها بـ " أنا حلوة " و " و أنا واثقة من نفسي " ضلي كرري لحالك عبارات المديح و التفاؤل و و اذكري الميزات يللي عندك ياهون مو يللي ناقصينك الكمال لله يا أختي .. مع الوقت رح يصيرو قناعات و تصير حياتك أفضل ..
    طريقة نصحني فيها حدى من قبل جربتا و استفدت عليها و حبيت فيدك فيها .. و الله يوفقك و يكون بعونك يارب

  5. [4]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    بالنسبة للبسك هو اللبس الشرعي المحتشم خارج المنزل واكيد مع زوجك نمط لباسك مختلف لذلك هي كلها اوهاام تناسيهاا ...وجربي تتخيلي حالك فقدتي شي من انجازاتك كزوجك او اطفالك او علمك وعملك او صحتك وشكلك احد نعم رب العالمين عليك ...وسوف تقنعين بانك على قدر .....بس بتصوري بما انك عارفة المشكلة ووجميع جوانبها بتخيل انو ما عندك شي ولا اي عقدة بس كانو بدك تفكري وتشغلي بالك بموضوع جديد وقديم بنفس الوقت... راي جيبي هاجس تاني وفكري فيه وربي يكون بعونك وعوني

  6. [5]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    انت مثقفة ومتدينة وزوجك الحمد لله مقتنع فيكي شهادة جامعية لا تقارني نفسك بغيرك انت بتملكي أشياء يمكن هنن ما بيميلكوها اهتمي بنفسك داخل بيتك وكوني بنفس اناقتن ببيتك وتقدير زوجك بالنسبة الك وحديثة عن انة لا يري غيرك هي نعمةه دائما قولي لحالك اني انا جميلة وبشرف زوجي انت انت كاملة مكملة لكن لم تلاحظي ذلك لترسخ فكرة انك ما بتشرفي زوجك وكأنك ايضا بتخجلي بلباسك وتدينك انا بهنيكي علي التزامك بدينك ودائما شوفي الناحية الأجابية زوج بحب فيكي هل الصفة وكما أسلفت كوني بقمة أناقة بوجودة هو بالبيت وتباهي بشهادتك ودائما تذكري انك بتملكي أمور رائعة ب!شخصيتك ودليل هو رضي زوجك عليكي وهو بين الموظفات الجميلات وهو مو شايف غيرك دائما انت تذكري جمالك وشكري الله علية وتكلمي عنة حتي أمام صديقاتك بنية الشكر لله علي هل النعمة جمال وشهادة جامعية وزوج رائع أيقظي عقلك علي ما تملكين ودائما رددي أنك قوية وأنك بتشرفي زوجك وأهلك وأولادك والأهم بتشرفي دينك ونفسك بتمني الحياة السعيدة الهانئة لكي لأنك كاملة مكملة

  7. [6]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    اكتبي على ورقة صفاتك الحلوة واكتبي الفرق بينك وبين المتبرجات الي شفتيهم وشوسبب هالفرق اذا كان لله فانت اجمل منهن واذا كان لنفسك راجعي نفسك واعملي كل شي لله اولا العطر اصعب شي هي تعتبر زانية الكعب العالي زيادة فتنة مكياج ولايبدين زينتهن الا لبعولتهن بيكفي زوجك شايفك حلوة وهاد فضل من الله انك محتشمة

  8. [7]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    لازم تكتبي صفاتك الحلوة وتقرايها كل يوم الصبح بعد الاذكار حتى تضل صفاتك الحلوة بعقلك يمكن انت وصغيرة كان في حدا يبهدلك ويقلك صفات مو منيحة لاتحطي ببالك الانسان لما يعصب بيحكي اي شي فشة خلق

  9. [8]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    بسم الله الرحمن الرحيم اختي الكريمة انتي حسب كلامك تمتلكي صفات تجعلكي قوية الاماعليك اعادة الثقة الى نفسك والتحلي بالايمان والصبر والله الموفق حفظك الله.

  10. [9]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    اولا الحمد الله الله أعطاكي نعم تفوق الخيال والكل يتمناها ثانيا انتي ولله الحمد خاليه تماما من الامراض فقط عندك مرض عدم الاهتمام بالنفس والشكل لذا عليكي اولا ان تغيري حالك وذلك المناطو جيبيه مرتب وحلو وانيق وبما ان الله فاتح عليكي خليه يكون من الغالي وراقي ومحتشم ثاتيا غيري النظارات وهاتيها نظارات موديل تناسبك وحتي إشارك ففيه إشارات خيال وشوفي صور المحجبات وحاولي أخذ منهم مايناسبك ثالثا بالبيت غيري من شكلك أصبغي شعرك وغيري طريقه لبسك وعطوراتك وخليكي جديده حتي كلامك خليه أنيق وحلو وأفعالك رائعه وخلي طفولتك تطغي بتعاملك ثالثا حاولي إشغال حالك بأي شي تحبيه من مثلا رسم او اي هوايه وإن قدرتي إعملي لزوجك شي حلو من صوف او لحشه او اي شي رابعا حاولي تثقيف نفسك بما تحبين لحتي عندما يشاهدك الناس ويسألوكي تكوني واثقه من الاجابه خامسا دوما أخرجي مع زوجك لكل الاماكن التي تتمنينها وخليكي أنيقه بملابسك وعوديه علي ان تكوتي معاه وعودي الناس علي رؤيتكم معا سادسا انتي مو شرط حدا يتغزل بكي او يهتم بكي بل أنتي إهتمي بحالك وخليكي جميله بلبسك وطبعك وكلامك وفعلك جميل وإلا خسرتي نفسك وزوجك فالرجل يريد زوجه عاقله وطفوليه ومهتمه بحالها ومهتمه به ثامنا حاولي ولو مره في الاسبوع ان تخرجي مع زوجك الي مطعم او الي التمشايه ثامنا العمل جميل ويسلي ولكن الاطفال لهم طعم خاص واخيرا ان ماغيرتي بحالك داخليا فلن تغيريه خارجيا وحاولي مره ان تهملي حالك وتكنفشي شعرك وسوف تعرفين انكي كنتي بألف نعمه وانتي غافله عنها لذا الدنيا حلوه إستمتعي بها مع زوجك قبل فوات الاوان ولا تنسي التلفاز بعلم كثير خذي منه الجيد

  11. [10]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    انت مالة من الرتابة بحياتك لذلك انصحك بالمداومة على التجديد في كل شيء وابتعدي عن الروتين في حياتك ااا حتى العبادة اا اذهبي الى الحج اوالعمرة اا اشتري الطعام ووزعيه ااا غيري الالوان والاشكال فالانسان يمل وبالتدريج يعتقد ان المشكلة فيه لاياعزيزتي المشكلة فقط في طريقتنافي الحياة ااا

  12. [11]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    اختي بدنا نتفق انو اذا حبيتي حالك راح يحبك كل يلي حوليكي نحنا مراية انفسنا..لا تستحي بحالك ولا شي قومي كل يوم الصبح متفائلة ووقفي على المرايا وقولي 10 مرات انا حلوة ...ويوم عن يوم حتزيد ثقتك بنفسك...وبلنسبة لهي شغلة عدم تقدير الذات بدك تنسيلي ياها يعني قرر انك انتي بتعاني من هل شي؟؟؟؟؟اكبر مشكلة بلحياة انو نلاقي اسم لمشكلتنا ونقرر او هاد شي علمي مرضي عم نعاني منو...لا الأنسان لتفائله ونشاطه مو بتقييم الناس له...

  13. [12]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    أهم الشي الدعاء خيتا صلاة ركعتين بقيام الليل والدعاء لله بإذنه بتروح كل هالشي والله خلق لكل انسان شي مميز يعني بيكفي انو ما في حدا بيشبهك روحي دوري بكل الدنيا هل بتلاقي حدا متلك ؟؟ أكيد لأ حتى بالشكل معناها لو ما كنتي هون كان ما حدا رح يكون متلك وما حدا رح يعمل يلي عملتيه وهدا أكثر شي حلو انو انتي لحالك استعيني بالله وفكري بهالأسلوب لانو عدم الثقة بالنفس بتجي من الشيطان ,,, بعدين هدول البنات يلي شفتيهن ربما انتي تفكريهن حلوات بس هنن مو حلوات , لانو مو محجبات وظاهر كل شي فين وهدا كلو من الشيطان عبيحاول يصورلك المنكر انو حلو منشان تخجلي من لبسك وربما لا سمح الله تغيريه بس انتي الله زرقك بزوج والحمد لله منيح كتير فاستعيني بالله خيتا وكلو جهاد في سبيل الله والله عز وجل يفرج همك يا رب

  14. [13]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    واختي في موضوع مهم لا تفكري انو الدنيا بتغني عن الاخرة يعني بنات طالعين بمكياج ومدري شو...العفة ومخافة الله افضل من كل المكياج والعطور والفتن..المؤمن جميل مرتب راقي..بحياتوا التفلت ماكان رقي..

  15. [14]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    عليك أختي ان تدربي نفسك بالوعي على احترامها و ذلك بان ترددي الأشياء الجميلة التي تقومين بها و تؤكدي لنفسك انك واثقة و قوية و واعية و متعلمة اذكري الإيجابيات و لا تقارني نفسك أبدا بالاخريات عندها ستصل هذه المعلومات الى العقل الباطن و اللاوعي و مع الوقت و التدريب و الشد على النفس و ذلك سيحتاج فترة زمنية ليست بالقصيرة فستجدين انشاء الله نتائج مرضية فلا تستهيني بذاتك و تأكدي انك ام و زوجة و لك مكانة في الاسرة و المجتمع و اهميتك و مكانتك محفوظة و أينما كنت فأنت فرد له رأي و مكانة و شخصية كوني واثقة من ذلك وفقك الله و أراح بالك...

  16. [15]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    اختي العزيزة لتعلمي انك في نعمة كبيرة من الله وانه يجب عليك ان تكوني من الشاكرين له ومن القانعين بما قسم الله لكي ان تذهبي لزيارة ذوي الاعاقات من الناس الذين فقدو ارجلهم او ايديهم او ذوي الاصابة بالسرطان والامراض الخطيرة لتعلمي انك بنعمة كبيرة وجب عليكي شكر الله عليها ليل نهار ... اذهبي لزيارة ورؤية من هم من اهل الكعوب العالية واهل الموضة والصياعة لتعلمي انهم والله العظيم يشتهون راحة البال والسكينة وانهم من داخلهم غير راضين عن انفسمهم فالله ياعزيزتي جملك بحجابك ومانطوكي المستور ومن المفرح ان زوجك يراكي اجمل الجميلات فاحمدي الله واياكي ثم اياكي ان تبيني لزوجك انك مستاءة من حجابك او من شكلك او انك اقل جمال من احدهن بل ارفعي راسك وتفاخري بادبكك وجمالك وحشمتك واحمدي الله فغيرك يتمنى ربع الي عندك ...لاتكوني من الجاحدين فقط انظري لاصحاب الاعاقة والفقر والمشردين بالطرقات وقتها ستحمدي الله على ماانتي فيه من نعم بالغة يااختاه . وتاكدي ان جمالك بتمام وكمال اعضائك فالله لم يخلقكي معاقة او مريضة فهذا هو الجمال الحقيقي مع جمال الروح

  17. [16]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    بأمكانك تكتشفي جمالك الخاص فيكي و انك اجمل منن بمملكتك يلي هو منزلك ..
    و بقدرتك تتزيني و تلبسي و تطلعي أحلى منن و جوزك يشوفك هيك
    بمنزلك أنثى كامله بجمالك و عطرك له
    و بالخارج أنثى محتشمة ..
    مو متلن هنن جمالن كل العالم بيشوفن ..

  18. [17]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    من آسرَآر السعآده ، ان يتذَكّر الانسآنّ مآ لديه منّ نَعمّ
    قبل انّ يتذكر مَآ لديه منّ مَشَاكل وهموم


    قارني حالك بمن هم أقل منك بكل شيء، واستشعري نعم الله عليكي.



    لازم تعززي ثقتك بنفسك وإذا شفتي بنات أخر طرز مو يعني إنتي ما بتعرفي تلبسي متلون بس أنتي تكوني محتشمة لازم ترفعي راسك لفوق وهاد الشي ما بيخزي بالعكس تماما

  19. [18]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    ماشاء الله برأي انك بتتمتعي( بالدين والعلم )وهدول صفتين نادر مايجتمعو مع بعض بالصبايا هالايام...برأي لازم تاخدي الشغلة ببساطة اكتر وماتعتبريها مشكلة يعني انا بظن لازم تهتمي بحالك من ناحية الجمال لفتت نظري كونك ذكرتيها مو من شان الناس بقدر مشان نفسك يعني فيك بـأول مناسبة بتجيكي كعيد ميلاد ابنك او عيد زواجك تروحي كوافير وتعملي ميك اب كامل ولبس جديد وتشوفي حالك انو بالوقت يلي بتريديه وضمن بيتك وشرع الله فيك تكون اجمل من كل البنات!!لازم تحسي انك جميلة وتشوفي هالشي بالمرايه.. ومن الناحية العامة اذا فيك تتعرفي على ناس جداد يعني خارج نطاق الشغل والعيلة ناس مابيعرفوك مثلا نسوان رفقات زوجك او جيران مابتعرفيهم او....... يعني الشي الاول يلي رح تعمليه انك رح تضطري تعرفيهم ع حالك وتحكي عن انجازاتك وشو بتعملي وشو بتشتغلي وهاد الشي رح يعزز ثقتك بنفسك يعني حاولت لخص افكاري انشالله كون اقدرت فيدك.

  20. [19]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: بترجاكن تساعدوني, كيف فيني قوي ثقتي بنفسي و حس بذاتي.

    عزيزتي اجلسي مع نفسك جلسة صراحة وفتشي في نفسك ياترى لو انك لست مع الموضة فهل تهتمين بالترتيب والنظافة لنفسك ولبيتك فربما الفوضى في ذلك يجعلك قلقة ولاتعرفين لماذا وبالنسبة للزوج فصحيح انه يثني عليك ولكن هذا لايعني اذا كنت كما ذكرته لك فربما يعجبه بك دينك وخوفك على اولادك وعليه وانشغاله الكبير بالعمل يجعله يتغاضى عن اخطاؤك ولكن نصيحتي عليك بكسر روتين حياتك بالتجديد في نفسك وفي بيتك ولاتؤاخذيني اذا كنت غير ذلك وتؤدي كل ماعليك من واجبات وحقوق فمشكلتك من الطفولة وماعليك الا تعزيز شخصيتك بالمهارات التي تمتلكينها

+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. بخاف كتير وقلق مو طبيعي...فيكن تساعدوني..
    بواسطة لحن الحياة في المنتدى الطب البديل
    مشاركات: 6
    آخر مشاركة: 2014-04-05, 07:48 PM
  2. ذاتي بذاتي
    بواسطة خالدالطيب في المنتدى بوح الخاطر
    مشاركات: 2
    آخر مشاركة: 2013-05-25, 03:14 PM
  3. / فيني أَلَمْ / فيني أضْدادْ
    بواسطة المنسي في المنتدى بوح الخاطر
    مشاركات: 0
    آخر مشاركة: 2013-04-29, 02:03 AM
  4. ثقتي بنفسي كيف أبنيها ؟
    بواسطة نغم السماء في المنتدى الحوار والنقاش
    مشاركات: 8
    آخر مشاركة: 2012-11-04, 09:05 AM
  5. اعتبرتك قدوة وللأسف خنت ثقتي بك!..
    بواسطة ايفےـلےـين في المنتدى بوح الخاطر
    مشاركات: 6
    آخر مشاركة: 2011-06-01, 09:23 AM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

التعليقات المنشورة لا تعبر عن رأي موقع تو عرب ولا نتحمل أي مسؤولية قانونية حيال ذلك ( و يتحمل كاتبها مسؤولية النشر )