التحاضير الحديثة

التحاضير الحديثة

التحاضير الحديثة

التحاضير الحديثة

التحاضير الحديثة


زوجي يضربني وهربت منه الى عالم النت ووجدت البديل

بعد وفاة ابي وامي زوجوني اعمامي بعمر صغير جدا زوجي قاسي جدا كل همو يكون سي السيد يضربني لاتفه الاسباب ويحقرني لانو ماعندي سند بهالحياة انجبت منو 3 اطفال اكبر

زوجي يضربني وهربت منه الى عالم النت ووجدت البديل


+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 20 من 27

الموضوع: زوجي يضربني وهربت منه الى عالم النت ووجدت البديل

بعد وفاة ابي وامي زوجوني اعمامي بعمر صغير جدا زوجي قاسي جدا كل همو يكون سي السيد يضربني لاتفه الاسباب ويحقرني لانو ماعندي سند بهالحياة انجبت منو 3 اطفال اكبر

  1. #1
    الصورة الرمزية لحن الحياة
    لحن الحياة
    لحن الحياة غير متواجد حالياً

    Array
    تاريخ التسجيل: Nov 2013
    المشاركات: 12,735
    التقييم: 751

    مدهش زوجي يضربني وهربت منه الى عالم النت ووجدت البديل

    بعد وفاة ابي وامي زوجوني اعمامي بعمر صغير جدا زوجي قاسي جدا كل همو يكون سي السيد يضربني لاتفه الاسباب ويحقرني لانو ماعندي سند بهالحياة انجبت منو 3 اطفال اكبر واحد عمرو 7 سنين من كثر قسوة زوجي علي وامام اطفال اتوجهت للانترنت العالم الافتراضي لاهرب من واقع سيئ عم عيشو كل يوم واتعرفت على شب بيصغرني با8 سنين هو مجرد مراهق بس حنون كتير عليي وعقلو اكبر من عمرو بكتير هو ناقصو حنان الام وانا ناقصني حدا يحسسني اني انسانة وانحنا منكمل بعض متعلقة في لاكبر درجة حتى ماعدت اهتممت باطفالي ابدا صار حياتي كلها هو وهو عم يشتغل ومن فترة عرض عليي نهرب مع بعض ومنتساعد بتربية اطفالي سوا وانا كتير خايفة بس بدي اخلص من زوجي وظلمو وضربو الي اليومي لك حتى اذا اتطلعت في بيضربني بقلي ليش جائرة فيني واذا ماتطلعت بقلي ليش مو شايلتيني من ارضي وبيضربني بحس انو بس بدو سبب بدي اخلص شو اعمل مشان الله ساعدوني ......
    زوجي يضربني وهربت منه الى عالم النت ووجدت البديل 1396442794961.jpg



  2. = '
    ';
  3. [2]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    واليوم أحضرت لكم بعض الاراء شاركوني ايها الافضل:وأي نصيحة تتبع الاخت السائلة....

    ﻻ حول وﻻ قوة الا بالله يعني انتي قلتيها بلسانك عالم افتراضي يعني بدال ما تنقذي نفسك وقعتي حالك بطابوسة اكبر...... استغفري ربك وﻻ تحاكيه ابدا ربي اوﻻدك و اهتمي فيهم ﻻنهم رح يعوضوكي بحنانهم بس يكبروا .... يعني انتي كأم بتقبلي ابنك الشب يعمل هيك ؟ الجواب اكيد ﻷ ..... و قبل ما تخوني زوجك خنتي ربك و الخيانة مو بس بتكون خيانة فراش حتى النظرة فيها خيانة و افترضي كشفك زوجك شو موقفك لو ضربك و حرمك اﻻوﻻد او قتلك ﻻ سمح الله .......استغفري يا اختي و صلي و ادعي لزوجك بالهداية و لو مو قادرة تعيشي معو فامساك بمعروف او تسريح باحسان

  4. [3]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    عزيزتي أنت هلأ عم تعيشي اللحظة٠٠يعني عايشة وقتك بس ما فكرتي أبدآ بلأيام لي جاية٠٠هاد الشب يلي بيصغرك ب ٨ سنين يمكن يكون بعده مراهق أو لو ما كان مراهق لنفرض انه شب مشورب٠٠الله وكيلك عيارك معه ١٥ يوم بيشبع منك و{بعتذر عل تعبير} وبعدها بيبلش يفكر كيف بده يتركك ويهرب٠٠هو هلأ عم يفرشلك الأرض حرير حتى يوصل للي بده ياه٠٠انت ناقصك حب وحنان وحكي حلو واهتمام٠٠وهو الواضح ضليع بهل مواضيع والحكي ببلاش وعم يحاكيكي ليل نهار أحلى العبارات والكلام المعسول٠٠٠أنتبهي لالك شغلة أنت انسانة نضيفة وبتخافي الله ولو ما كنت هيك ما كنت كتبتيلنا مشكلتك وحكيتيلنا نساعدك٠٠٠حطي بين عيونك غضب رب العالمين وسخطه ٠٠انت إذا عملتي متل ما عم يألك هل ملعون رح تكوني زانية شرعآ٠٠فكري بهل كلمة منيح٠٠زانية٠٠كبيرة كتير هل كلمة بحقك وحق ولادك٠٠فيها كل الذل والحقارة والوساخة هل كلمة٠٠الله يحفظك ويهدي بالك حافظي على شرفك وعرضك وكرامتك٠٠وبعدي عن هل شب٠٠أهتمي بولادك وأطلعي بعيونهم ٠٠هنن بيحبوكي ومالهم ألا صدرك ليغفوا بحنانك وعطفك٠٠إذا انت انحرمتي من حنان الأبوين لا تحرمي ولادك منه٠٠٠وزوجك يلي عم يضربك إلا مايكون أله مفتاح ليحسن أخلاقه معك وأنت لي بتعرفيه أكيد٠٠٠أهتمي بسطوري الأولى وفكري فيا منيح

  5. [4]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    عندك حل تاني ، انو هالوقت والجهد الداخلي والاحاسيس تحوليها لشي تاني يخدم حياتك وولادك ، اشتغلي على حالك ، اتعلمي حرفة مثلا ، خياطة ، اعمال يدوية شي تقدري تعيلي حالك فيه مستقبلا اذا كنتي ما بدك تكملي معو ، واذا بالامكان ادرسي وخدي شهادة واتوظفي ولو ما اتوظفتي الشهادة سلاح بايدك ومن هون ليكبرو شوي ولادك بتكوني اشتغلتي على حالك وممكن مع بعض المساعدة من اعمامك انك تستقلي ماديا وتطلقي
    وين اهلو امو وابوه من موضوعك ، جربتي تحكي لحدا من اهلو اخواتو مثلا ، لعل وعسى يحننو قلبو عليكي
    كيف علاقتك باعمامك ؟؟ اذا بيحبوكي وبيسالو عنك احكيلهون بركي بيساعدوكي
    اما يا عزيزتي انك تهربي معو ، شو ضمنك انو ما تهربو ويتركك بعد شهر او شهرين او سنة مثلا ، هو بعدو صغير وما حيتحمل مسؤوليتك و3 اولاد معك ووقتها ما حدا حيكون بصفك ابدا وحتصيري ظالمة بدل مالك مظلومة حتكوني ظلمتي حالك وولادك بالسمعة السيئة وسيط لاحقك طول عمرك
    انتي قلتي هروب من الواقع يعني كلو اوهام باوهام ، حطي عقلك براسك وفكري ولا تتهوري
    ممكن تشتركي بغروبات محترمة للبنات متل mother careالصبايا هونيك بيساعدوكي وبيوقفو معك معاملتون بتحسيون متل العيلة وبتلاقي مين يعبيلك فراغ الشب الي عم تحاكيه
    رجااااااء فكري بولادك كمان مو بس بحالك وشو نتيجة قرارك على حياتهم

  6. [5]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    الله يهديلك زوجك ويحنن قلبه عليكي معلش عندي كم سؤال الك هل حاولتي مع زوجك لحتى يتغير اويتحسن معك وهل كلمتي ام زوجك تساعدك يااختي كونك يتيمة الام والاب لايعني انك تفكري بالغلط اذا هربتي لما يكبرو ولادك رح يقولو ياريت امنا ماتت ولاعيشتنابذل انت بالف نعمة لاتطلعي عالي ناقصك تطلعي عاللي عندك ياه

  7. [6]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    في ناس من ظلم اهلن بتتمنى انو ماعندن ام واب ولما تطلعي بوجه زوجك لاتطلعي بنشافة خليكي دائما مبتسمةواعمليلوالاكلات الي بحبا انتي اعتبري انو زوجك هو الشخص الوحيد بالعالم الي بحبك ولوماحسيتي بهالشي بس اغلب تصرفاتنا وتصرفات الي حولينا تتئثر بتفكيرنا

  8. [7]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    اول شي انسي الافكار السيئة وفكري بحالك وشخصك...لانه الغلط يبدولي منك ومو من زوجك لانه مافي رجال بيعامل مرته هيك وبيكون موفرلها النت بالبيت وتقنيات الاتصال ونقول عنه بعدين ظالم او متجبر ...اكيد يا اختي لازم تتعاملي معه بمحبه وحسن خلق الزوجة للزوج وزوجوكي صغيرة وعمر ابنك حاليا 7 سنوات يعني عمر ك بين 20 وال 25 ويللي بدك تهربي معه اصغر منك ب 8 سنوات يعني طفل وشاف لعبة يلعب فيها شوية ... وانتي زكرتي انه ناقصه حنان الام وانتي عم تعطيه هالحنية علما انو ولادك اولى فيها لانك بتعرفي شو معنى نقص الحنية عند الاطفال لانه والديكي توفو وكنتي صغيرة عمريا نوعا ماا,,, لذلك اصلحي نفسك مع زوجك وتمتعي بحسن التدبير والمعشر ولا تعزبيه افهمي عليه من تطليعة مو كل شي تتركيه عليه كوني له امة يكن لك عبداً

  9. [8]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    عزيزتي انا بنصحك انك تكوني ام صالحة ومربية فاضلة لاطفالك لانو ح يجي يوم ويعوضوكي الحرمان الي قبلتي فيه كرمالن ولازم تعرفي يا قلبي انو عم يحاكيكي كلام معسول لانو اله غاية عندك ولما يوصل لطلبه مش ح يتحمل مسؤؤليتك مع ٣ اطفال ووقتها ح تكوني شردتي الاطفال واذيتيهم نفسيا

  10. [9]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    1. اصحك تهربي معه لانو حتى هو ح يذلك بعدين ويقلك متل ما هربتي معي ح تهربي مع غيري وهون بقى الجحيم بالحياة انو الانسان يعيش بلا كرامة

  11. [10]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    الله يهدي بالك ويصلح امرك شيلي هالولد من بالك الله يكرمك خليكي كبيرة بعيون ولادك واشغلي وقتك بشي اهم ربي يكرمك وعفوا عالاطالة وانتي لاتحطي ببالك انك خاينة مافي حدا معصوم والمهم التوبة يا اختي

  12. [11]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    اختي كيف بتفكري بالهرب مع شخص انت مابتعرفيه اصلا وكيف بتفكري بنفسك بس دون اطفالك شورح يكون موقفك امام اطفالك لو صار وهربتي بعدين يااختي انت اعمامك غلطوا بحقك وزوجوك لواحد مابيخاف الله فيك وقاسي فالمفروض انك تكوني تعلمتي من تجربتك وماتغلطي بحقك نفس الغلط وتتعرفي ع واحد اصغر منك ب8 سنين لو انا محلك كنت اول شغلة فكرت فيها اني اتعلم مصلحة حطها بايدي لان اكيد كونك صغيرة ماكفيتي تعليمك متل الخياطة شغل الكروشيه او بكفي دراستي ان امكن ولو فكرت اني اخلص من زوجي القاسي اترك بشرف وكرامة وكوني قادرة اصرف ع اطفالي وربيهن صح ما روح اغلط واهرب اسفة اذاكلامي كان قاسي بس لازم تفكري باطفالك قبل نفسك والتجأي لرب العباد يلي مابينسى حجا عسى ولعل يحنن قلب زوجك عليك

  13. [12]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    اصحك اصحك اصحك ... انتي بنفسك قلتي هاد مراهق
    اقسم بالله ما يدرو اهلو لياخدوع بالاحضان و يوفرو له كل اساليب الراحة ليبعد عنك

    انسي الفكرة تماما الموضوع مو بهالسهولة خاصة انه صغير
    فكري بحل معك و مع زوجك الحالي
    و لا عاد تجيبي ولاد

  14. [13]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    لاحول ولاقوة الابالله اا ابتعدي عن النت وديري بالك على حالك وبيتك واولادك والله يهديلك زوجك اااا يارب اااا

  15. [14]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    الغلط مابيتعالج بغلط ومدام زوجك بيضربك كتير ماحدا من عمامك لاحظ هل شي؟
    وفرضا ماحدا وقف معك وانت مقررة الهروب وهل شي رح ياثر كتير عسمعتك وسمعة ولادك خاصة البنات
    بدك تفكري لبعيد كتير لان هل شي ولا ممكن ينتسى اذا صار
    فالافضل اذا في علامة ضرب تروحي تشتكي عزوجك بالشرطة ويعملو محضر ويطلقوكي منو
    وبعدها ممكن تفكري بزواج من شخص تاني وبالعلن وبالحلال
    واذا عندك القوة تعملي هيك ثقي ان هل شخص المراهق رح يتركك مباشر
    واعملي حساب لكل شي فرضا تركك بدك تعرفي باما اتعيشي ولادك وتشتغلي
    او تتركي الاولاد يربو عند ابوهن وانت ترجعي عند عمامك.
    غير هيك مافي حل وان ضلي عم تتحملي القتل مالو حل كمان

  16. [15]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    أختي ان الله يغار...أنتي أم عندك أطفال زوجك قاسي أو مريض أو شو ماكان...رب العالمين ستار ولكن أذا ما صحينا ورجعنا عن غلطنا هوا شديد العقاب....بدنا نتفق أنا وأنتي أن قلوب العباد بيد الرحمن يعني زوجك القاسي الظالم بركعتين بتصليهم أنتي بجوف الليل بصير أحسن رجل بلعالم...وبلنسبة لهاد الشب مابحسن قول غير انو عم يتفاعل معك لانوا شي عم يفرغ فيه مراهقتوا أي شاب مراهق بفكر انو يهرب هوا وبنت الى جزيرة ويعيشوا سوا وهل خيالات...أما بعد أول لقاء بينك وبينوا راح يتغير كل شي....ضمي أولادك وصلي وأبكي وتأكدي أن الله معك ولكن يجب أن تكوني معه....الله يفرج همك ويسترك دنيا وأخرة.

  17. [16]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    مستقبلهم بين ايديكي حافظي عليهم هن اكبر نعمة ربنا عطاكي ياها في ناس كتير بتتمنى ظفر طفل ولا يحاكيها زوجها ولا كلمة حلوة ما فارقة معها قدام نعمة الاطفال

  18. [17]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    الاكيد انو مشكلتك كبيرة بس الاكيد اكتر انو حلك بعيد تماما عن هاد الشب انا برائي علاقتك بهل الشب لازم تنتهي من اليوم وعلاقتك بجوزك لازم تنتهي هاد انسان ما رح يتغير اتركيه بس السؤال اذا تركتيه وطلقك في بيت يحتويكي انت وولادك اذا قي تركيه فورا وطلقيه لانو متل اشباه هل الرجال ما بيستحقو ضلك معون ولا ثانية والحياة مطلقة احسن من حياتك مع هل الرجل لانو واضح انو حياتك معو لح تروحك بستين داهية اتركيه ولا تترددي واذا ما تزوجتي بعدو احسن ما ضلك قاعدة كل عمرك عم تنضربي منو هلاء لسى في امل اذا تركتيه تتزوجي غيرو بعد شوي اذا كبرتي لح تصير حظوظك اقل بالتوفيق برجل اخر انا بعرف انسان متلك عانا كتير وصبر كتير وبالاخير ندم بقى تركيه من هلاء وحاولي تكملي دراستك او تشتغلي لتصرفي على حالك من بعدو وولادك اذا ضلو عندك بتاخدي نفقتهم منو غص من على راسو بدك تكوني قد حالك الحل مالو سهل بس الاستمرار مصيبة بالنسبة الك واذا هل مرة نفدت مع شب مراهق على نت مرة جاية لح تلاقي حالك بحضن رجل غريب وتندمي بس وقتها ما رح ينفعك الندم بشي لهيك لا تستني وطلبي الطلاق او بيتعدل معك وبيعاملك بما يرضي الله او بتكملي باجرائات الطلاق وبتشوفي حياتك بعيد عنو الله يبعتلك ايام حلوة ويحميكي من كل شر

  19. [18]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    عزيزتي الشب انتي مع الاسف حتكوني مجرد نزوة بحياتو و مستحيل يحمل معك مسؤولية الاولاد غير انو اهلو و المجتمع مارح يشجعو على هالتصرف الغلط حلك الوحيد باللجوء الى الله سبحانه لانو هوة الوحيد اللي بايدو قلب زوجك و قلبك و مصيرك اكيد بحياتك فيه ايجابيات مو منتبهتيلها استعيني بالله و توكلي عليه وهوة بيطلعك من اللي انتي فيه الله يرضى عليكي و يهديكي

  20. [19]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    حبيبتي : الله يرحم والديكِ و يعوضك الخير.

    اعمامك زوجوكي و انتي صغيرة لكن الآن عندك ٣ أطفال و أكبرهم عمره ٧ سنوات . يعني كبرتي و صرتي أم في وقت كنتي محرومة فيه من حنية الأم عليكي ، تذكري كيف كان إحساسك لما انحرمتي من أمك بالموت؟ لو هربتي مع هذا الطفل المراهق ماذا ستستفيدين؟؟؟؟
    راحة البال؟ ما أظن ! لأنك لو هربتي مع أولادك ستلاحقك الشرطة حتى تجدهم و تعيدهم لأبوهم! و بعدها؟؟؟ ماذا سيكون مصير هؤلاء الأطفال عندما يحرمون منك و انت على قيد الحياة و موصومة بوصمة عار الهروب مع شاب/ مراهق ضحك عليك؟؟؟؟
    و بعدين : هربتي مع المراهق إياه ، هل تعتقدي إنه سيهرب معك لوجه الله؟ هو غرضه إشباع غريزة و رغبة : هل ستوافقين على ممارسة جنسية معه؟؟؟ في حال وافقتي ارتكبتي جريمة زنا!! + و انتي على ذمة رجل آخر (زوجك) مهما كانت ديانتك مسلمة او نصرانية او حتى يهودية ستكونين زانية في نظر المجتمع إلى الأبد و في نظر هذا المراهق أيضاً الذي سيتركك اول ما يشبع رغبته. هنا فكري في اثر هذا على الأولاد : ستلتحق هم هذه السمعة هم و أولادهم ، المجتمع لا يرحم !!!

    من جهة اخرى : هل هذا المراهق الذي وعدكِ بالمساعدة في تربية أولادك سيتحمل مسؤولية الأولاد ماديا؟؟؟ وهل يستحمل أمام الشرطة و القضاء نتائج تحريضك على الهرب معه؟؟؟؟

    انتي بنفسك وعيتي انه محتاج حنان ام و لكنك لم تعي ربما لقلة تجربتك و صغر سنك ان كل الرجال في اعماقهم طفل يحتاج الى حنان ام.

    الآن : دعيني أعود معك الى مسألة الضرب. اولا انا لا اقبل بأن تعاني من الضرب و الاهانة خصوصا أمام الأطفال و هنا عدة حلول، كما تفضلن الأخوات أعلاه : أولها ان تشتكي لاعمامك ، اشتكي لهم بهدوء و اشرحي لهم معاناتك ، تكلمي عن نفسك فقط و عن الأذى النفسي المترتب على ذلك لك و للأولاد . اذا ما لقيتي استجابة من اعمامك هنا حاولي استشارة الجيران اذا ما كان احد منهم يقبل ان يشهد معك في الشرطة بالاضافة الى وجود رضوض او علامات . و قبل هذا يجب ان تحذري زوجك بأنه لو لن يتوقف عن ضربك سوف تشكيه للشرطة.

    من ناحية اخرى

    وجدت من رسالتك نبرة الضحية: اعمامي زوجوني صغيرة، زوجي قاسي و يضربني، يضربني

  21. [20]
    لحن الحياة
    لحن الحياة غير متواجد حالياً
    Array


    تاريخ التسجيل: Nov 2013
    المشاركات: 12,735
    التقييم: 751

    افتراضي رد: زوجي يضربني وهربت منه الى عالم النت ووجدت البديل

    من ناحية اخرى وجدت منك نبرة الضحية : وهذه فيها خطورة عليك لأنك هنا تتصرفي و كأنه ما يحدث شيء لا يد لك فيه

    ربما زواجك كان خارج إرادتك و لكن النجاح في هذا الزواج بيدك انت وحدك!!! الاختيار هو لك و يبدو الى الان انك تتعاملي مع زوجك ع أساس انه امتداد لاعمامك الذين زوجوكي فتفرغي غضبك عليهم زون وعي على زوجك

    يبدو انك ذكية و لماحة، لأنك لاحظتي ان نقطة ضعف زوجك ( او ردة فعله على رفضك الداخلي له) هو رغبته ان يكون سي السيد : لماذا لا تحققي له ذلك بذكاءك فترتاحي و يرتاح هو؟؟؟ هل تظني انه يستمتع بالضرب ؟؟ لو كان فعلا قاسيا و متعمدا لان يذلك لما وفر في البيت الانترنت الذي استخدمتيه للهروب من مشكلتك مما ضاعف المشكلة

    حاولي ان تتحدثي مع نفسك: حللي مشاعرك تجاه زواجك و ليس زوجك، حددي مشاعرك تجاه أولادك و ما الذي تتمنيه لهم في المستقبل
    و حددي لنفسك من انت : هل انتي ضحية فعلا لظلم شديد وقع عليك من الجميع ام ان ما يحدث هو ردود أفعال مستمرة على سلوك مستمر لرفضك الاقتناع بالزواج.

    فكري هل الطلاق حل؟؟
    هل اذا تزوجتي رجلا آخر من اختيارك سيكون افضل من ابو أولادك ؟؟؟

    اذا تنازلتي عن التفكير في كونك ضحية هنا ستخطر في بالك الحلول الممكنة لأنك ستبادرين بأخذ زمام الأمور في يدك و بذكاءك سوف تحولين دفة الحياة الزوجية لصالحك، فزوجك عندما يضربك ليس قسوة منه: انه منتهى الضعف أمام زوجة لم تتقبله نفسيا و إن كانت أنجبت منه ! و بدلا من ان توزعي حنانك على المراهقين الغرباء امنحي زوجك و أولادك هذا الفيض من المشاعر

    خذي جلسات مع نفسك : اعترفي لنفسك ما الذي فعلتيه بدون وعي منك سبب لك هذا ما انتي فيه : اطلقي الحرية لعقلك و اكتبي ما سيخطر ببالك ثم فكري في الأسباب التي أدت لذلك ثم حددي الحلول الممكنة التي تستطيعي القيام بها دون ان تضعي نفسك اولا في اي موقع لا تحبي ان تري نفسك فيه بعد عشرات السنين و ثانيا دون ان تضعي أولادك في مأساة مدى الحياة

+ الرد على الموضوع
صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. سلمته نفسي باحساس واليوم يضربني برصاص
    بواسطة kenzy* في المنتدى منتدى الروايات
    مشاركات: 80
    آخر مشاركة: 2017-11-17, 10:01 PM
  2. عالم الشمال و عالم الجنوب وطنية بكالوريا منهاج جديد ملخص الدرس
    بواسطة سـ مـ اا يـ ل في المنتدى المرحلة الثانوية في المناهج السورية
    مشاركات: 4
    آخر مشاركة: 2013-04-14, 02:29 AM
  3. عالم الاطفال اجمل عالم
    بواسطة عازفة الأمل في المنتدى منتدى الاسرة والطفل
    مشاركات: 5
    آخر مشاركة: 2013-03-20, 07:13 AM
  4. ما الذي تغيـــر فينــــــــا .. بعــد .دخولنا عالم النت
    بواسطة املي بالله في المنتدى الحوار والنقاش
    مشاركات: 4
    آخر مشاركة: 2011-07-28, 07:01 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

التعليقات المنشورة لا تعبر عن رأي موقع تو عرب ولا نتحمل أي مسؤولية قانونية حيال ذلك ( و يتحمل كاتبها مسؤولية النشر )