على الماني عالماني
سورية عشقك رماني
رح مضي العمر بحبك
طول ماالله خلاني
******
قلبي عاغيابك محروق
والذهن شارد مسروق
العالم عم بتقلي روق
الله مارح ينساني
*****
عنا الحرف وعنا اللون
وعنا الدبكة وعنا فنون
وعنا الشعب المابيهون
يشوفوا بلادو منهاني
******
عنا الصدر وعنا الدار
وعنا شواطي وبحار
وبسهولا تجري الانهار
الطير يغنيلا غناني
******
سوريا عم بتنادي
شتقنا والله ياولادي
انتو قلبي وفؤادي
وعاغيبتكم دبلاني
*****
سورية كبيرة وبتضلي
ذهب ليرة عثملي
يارب رزقنا طلي
نشوف بلادي الحزناني
****
وعلى الماني عالماني
سوريا عشقك رماني