انا عمري 29 سنة اتزوجت صغيرة كتير وعندي 3 اطفال ومرتاحة كتيرمع زوجي والحمد الله ومن فترة خمس سنين اتزوجو سلافي وكنت انا الكبيرة بيناتن وهنن سلفتين وانا والحمد الله عاملتن باحسن المعاملة متل ما ربتني والدتي ما بعرف كيف بدي اشرحلك اكتشفت انو بحب الحكي كتير اشياء غير مهمة وصارو صحبة هنن التنتين ووعم يتفئوو عليي وعم يسببولي مشاكل مع بيت احمايي

وهلا وبهي الظروف انا ساكنة عن بيت احمايي صرلي سنتين من وقت ما تركت بيتي وبلشت المشاكل بالارياف

والمشكله انو سلفتي الصغيرة بيني وبينها 9 سنين بس هي قوية كتير بس بتورجي العالم عكس هاد الشي

واخدة بيت احمايي من صفها

والمشكله الاكبر انو بدي صير جارتها وانا خايفة كتير منها انها تعملي مشاكل

انا كتير انسانة بحب الاستقلالية ما اعرف عن حدا شي ولا حدا يعرف عني شي

ولادي مناح بالعمر عندي صبي عمرو 12 سنة وصبي 10 وبنوتة 2

وانا انسانة قلبي كتير طيب وبصدء كل الناس ودغريببكي من ايمشكلة او موقف بمر بحياتي

انا بدي كون اقوى بكتير بس مابعرف شو ساوي؟
بدي كون قوية ..بس قلبي طيب ومش عارفة شو اعمل 1970832_619082064842