العدس المصرى فى الشتاء 12986323291104.gif


كيلوا عدس اصفر
6 جزرات كبار
3 بصلات كبار
4معلقه كبيره توم مفروم
2طماطم
4فلفل اخضر
معلقه شطه حمراء
ملح وفلفل
بصله متوسطه مقطعه للتقليه
نصف كوب زيت زره
شوربه فراخ او لحمه او مكعبات ماجى
معلقتين سمن بلدى او زبده
نصف كيس شعريه شعر


الطريقه

نقشر الجزر ونقطعه ونقطع الطماطم
والبصل والفلفل الخضر ونحطهم على العدس
فى حله وعليهم معلقه واحده توم مفروم من الكميه
بتاعتنا وشويه ميه تغطيها بس ومكعب مرقه
وخلى الشوربه بعدين شويه ونرفعهم على النار
لغايه المكونات ما تستوى ونسيبهم يبردوا خالص
وبعدين نضربهم فى الخلاط وكده يبقى عندنا العدس
لعمل الشوربه
نشوح الشعريه الشعر فى معلقتين
السمن لغايه ما يتحمروا وناخد نصف كميه
العدس اللى ضربناه فى الخلاط ونحطه عليها
ونزود شوربه فراخ اوبط او لحمه اللى موجود عندنا
ونقلب ونسيبه على النار لغايه ما يستوى
ونتبله ملح وفلفل وقليل من الشطه الحمراء

وكده بقى جاهز عندنا ممكن نقدمه كده


ندخل على العدس المغروف بقى
نحط نصف كبايه الزيت وعليها بقيه معالق
التوم المفروم بتاعتنا نشوحهم مع بعض ولما
يتغير لون التوم نحط باقى العدس بتاعنا
المضروب فى الخلاط ونقلب ونتبل ملح وفلفل
وشطه حمراء بتبقى روووووووعه ونقلب جامد
ونسيله 5 دقايق بس على النار ونغرفه فى الاطباق
على طول ونسيبه يبرد وممكن ناكله كده او نعمله تقليه
بصل نجيب بصله متوسطه ونقطعها رفيع ونشوحها فى طاسه
تيفال من غير دهون حالص علشان تبقى ناشفه ومقرمشه
ونرشها على وش الطبق قبل الاكل وبالهنا والشفا


العدس المصرى فى الشتاء 6127_girls-jo.gif