سمك سنجارى 12986323291104.gif

سمك سنجارى nbd1386626163141.png



نجيب السمك بتاعنا ونضفة كويس اوى
ونكون محضرين التتبيلة بتتكون من
2بصلة كبيرة مبشورين
2 راس توم كبيرة مفرومين
2 طمطماية متوسطة مفرومين
1فلفل اخضر كبير مفروم
نصف كوب خل
ملح وفلفل وشطة وكمون كتير
معلقتين كبار كاتشب
معلقتين كبار مستطردة
هنخلط كل التتبيلة مع بعض كويس جدا
نتبل بقى السمك
نفتح السمك ونحط جواها التتبيلة كمية كبيرة علشان السمك يتبل كويس
وونحطه فى مصفى ونسيبة حوالى ساعتين او اكتر علشان يتشرب بالتتبيلة كويس
وبعدها نجيب السمكة ونحط جواها حبة زيت ونجيب ورق الالمونيوم ونحط حبة زيت ونحط السمكة ونحط فوقها حبة زيت كمان ونلف السمكة كويس ونقفلها من الجوانب
ونجيب صنية فرن وندهنا زيت
ونرص السمك فيها ونكون مسخنين الفرن اعلى حاجة وندخل الصنية الفرن وبعد ربع ساعة نوطى الفرن شوية ونستنى لما تقرب عالسوى ونقلبها عالجنب التانى واول ما تستوى نطلعها من الفرن ونشيل ورق الالمونيوم من عليها ونحطها فى طبق التقديم وجنبها حبة سلطة خضرا و طحينة وبالهنا والشفا


سمك سنجارى 6127_girls-jo.gif