التحاضير الحديثة

التحاضير الحديثة

التحاضير الحديثة

التحاضير الحديثة

التحاضير الحديثة


شعر عن غزة اهل العز كاتم الاهات

غزة هذي غزة ارض العزة فيها الشجر وفيها الحجر عاش بعزة فيها الشب وفيها العاجز مات بعزة فيها البنت وفيها الطفل بات برعبة هذي غزة .........كانت غزة تنام بسلام

شعر عن غزة اهل العز كاتم الاهات


+ الرد على الموضوع
النتائج 1 إلى 5 من 5

الموضوع: شعر عن غزة اهل العز كاتم الاهات

غزة هذي غزة ارض العزة فيها الشجر وفيها الحجر عاش بعزة فيها الشب وفيها العاجز مات بعزة فيها البنت وفيها الطفل بات برعبة هذي غزة .........كانت غزة تنام بسلام

  1. #1
    الصورة الرمزية كاتم الاهات
    كاتم الاهات
    كاتم الاهات غير متواجد حالياً

    عـضو فـعـالــ Array
    تاريخ التسجيل: May 2010
    المشاركات: 133
    التقييم: 50

    افتراضي شعر عن غزة اهل العز كاتم الاهات

    غزة
    هذي غزة ارض العزة
    فيها الشجر وفيها الحجر عاش بعزة
    فيها الشب وفيها العاجز مات بعزة
    فيها البنت وفيها الطفل بات برعبة


    هذي غزة .........كانت غزة تنام بسلام ...
    صارت غزة في الاحلام...
    راح الشجر ... وراح الحجر ... راح الشب وراح العاجز
    ماتت غزة ....


    هذي غزةغزة تقاوم .... لا ماتساوم ....احنا نكابر والله ياغزة....
    مين يقاوم ...كيف نقاوم ... وين نقاوم ..
    زنانة بتكشف ..
    عملا بتعرف ...
    اباتشي واف16 بتقصف ..
    دبابة وجرافة بتجرف ...
    ودم اطفال غزة بينزف ...


    هذي غزة...راحت دور ...
    بنت قبور ...
    وكل ارضك صارت بور ..والله ياغزة
    كل العالم شاف غزة ...
    كل العالم ناصر غزة ...
    كل العالم صاح وقال ...سقطت غزة ..
    احنا في غزة لا ما سقطنا ......
    احنا في غزة والله صبرنا ........
    احنا في غزة جعنا وقلنا .....
    بنموت وبتحيي يا غزة ....
    بنموت وبتحيي يا غزة


    هذي غزة ....فيها البيت راح ادمر ...
    فيها الام قلبها اتحسر ....
    فيها الطفل صاح وكبر ...
    الله يحميكي ياغزة ....




    هذي غزة .....صاحت نادت وين الامة تصون العزة ....
    قامت أمة ...
    نامت أمة ....
    وسابت أطفالك يا غزة .. تعيش بظلمة ...


    هذي غزة ...كل شي بغزة فيها راح ....
    وصارت مدينة أشباح ...
    ما بتسمع غير صوت سلاح ...
    سلاح بيضوي ...
    اسعاف بيدوي ....
    والشهداء فوق الالاف ......


    هذي غزة ....كل حاكم فيها تاجر ....
    حتى الطير هج وهاجر .....
    سابوا غزة هربو وشردوا...
    والجيش ارتكب المجازر ...


    هذي غزة ....صار الموت فيها عادي .....
    اسطورة للعدو النازي ......
    اقصف .. اقتل .... دمر ..... خرب ....
    واشفي صدور هاالاعادي ....


    هذي غزة ..........قطعوا الكهرب وقطعو المي .......
    وسابو الشهدا بكل حي ........
    فيها الطفل عاش اتشرد .....
    بدون مأوى وبدون بي ........


    هذي غزة .....كنا بغزة بنبني احلام ....
    نحلم لنعيش بسلام ....
    فجأة صحينا ...
    قمنا اجرينا ....
    لقينا غزة في الاوهام .....






    هذي غزة .........كل شي بغزة فيها اتقلص ......
    حتى العمر نفذ وخلص ....
    هدموا قصورك .....
    دكوا حصونك .....
    والمتخبي بجحروا ظل .....


    هذي غزة .........يمكن بكرة يصير حل .....
    والمتخبي بيظهر ويطل ....
    بيحمل راية ...
    بيروي رواية ....
    والشعب بيهتف للكل ....


    هذي غزة.........احنا بغزة بين الموت ......
    ما بنعرف نطلع ونفوت ......
    يمكن نطلع ...
    ومش حنرجع .....
    وبيستنانا شبح الموت ..........



    هذي غزة ..........فيها الطفل كبر بليله .....
    والشب شاب بليله .....
    واليتيم بدون عيلة ....
    تحميه من هالبرد .........


    هذي غزة .....كل العالم طلع أتظاهر ....
    مافي واحد منهم كابر .....
    رفعوا علمنا .....
    حملوا رايتنا ....
    بشعار الله عالظالم ......


    هذي غزة .......كل العرب حلف أتوعد.....
    وأكثر شي هدد وندد.....
    وما في واحد منهم صعد ....
    لانو العربي ما بيتوحد.....




    هذي غزة ..........صغير غزة صار كبير ....
    والكبير متخبي في بير ....
    وماظل فيها والله أمير ......
    ولاواحد بيستجري يبين .......



    هذي غزة .........ما بيختلف نهار وليل .....
    كلنا في غزة ذقنا الويل ......
    والظالم ياويله ويل .....
    من الله رب الكل ......


    هذي غزة ......أحنا بغزة برقبة مين .؟؟؟؟
    شو بيستنوا صلاح الدين ؟؟؟؟
    ولا حجارة من سجين ؟؟؟؟
    تنزل على راس المحتل ....


    هذي غزة ...كبار غزة هجوا ورحلوا ....
    اكلوا وشربوا ونهبوا وسرقوا ....
    والي ظلوا بنفق اتخبوا ....
    وبنستنى منهم يحكواااا؟؟؟؟؟؟


    هذي غزة.....لكبار احنا اعرفناهم .....
    والي برة الله يمحاهم ....
    دمروا غزة ...
    وباعوا ترابا ...
    وسابوا اهلها تعيش بغابه ....
    وتقولوا الله يحماهم ..؟؟؟؟


    هذي غزة ....كل شي بغزة صار مسيس ....
    بدك تحيا روح تحيز ....
    مابدنا فتح ولا حماس ....
    ولا بدنا جبهه ولا جهاد ...
    والله زهقنا ....
    والله قرفنا ....
    والله بدنا نعيش يا ناس ....



    هذي غزة ......صارت غزة سوق سودة ...
    بدك شغلة بتبعت سوقة ....
    حتى العيشة صارت سودة ....
    بأسوارك والله ياغزة ....




    هذي غزة .....شافت غزة أعنف حرب ....
    على كرسي والله مالو جنب ...
    راحو فيها ناس كثيرة ....
    والله ما الهم ولاذنب ....


    هذي غزة ....يلا اتحدوا شدو الهمه ....
    على الله تزول هالغمة ....
    وترجع بيناتنا اللحمة ....
    ونحيا بوطن مالو هم ....


    هذي غزة .....والله يا عالم احنا غلابه .....
    ما بدنا نعيش بهالغابه .....
    ولا بدنا أسود ولا ذيابه ....
    تنهش فينا من كل جنب .....


    هذي غزة ....أحنا بغزة بدنا سنين ....
    لتشفى جراح الغاليين ....
    الي استشهد ....
    والي اتقطع .....
    والي بيقضي عمروا أنين ......


    هذي غزة ....احنا بغزة بكل حارة ....
    بتيجي علينا كل يوم غارة ...
    والعالم بلبس نظارة .....
    وما في عندو غير يا خسارة ......


    هذي غزة .........يرحم روحك يا ختيار .....
    ما بتقبل ذل ولا عار .....
    بصمودك كبروا الثوار .....
    يا غالي يا أبو عمار .......



    هذي غزة .....اخر كلمة بدي اقولها ....
    والعالم كلوا لازم يقولها ......
    يرحم شهدائك ياغزة ....
    يشفي جرحاكي ياغزة .....
    يحرر أسراكي يا غزة .....
    الله ...
    الله...
    الله يحماكي يا غزة .........

  2. = '
    ';
  3. [2]
    HADI
    HADI غير متواجد حالياً
    عـضـو سوبــر Array


    تاريخ التسجيل: Feb 2010
    المشاركات: 2,022
    التقييم: 50
    النوع: Black

    افتراضي

    يسلمووووووووووو
    كاتم الاهات
    لتسليط الضوء
    بكلمات معبرة وصريحة
    على الوضع الذي مر ويمر على أهلنا
    الأحبة في غزة
    كان الله معهم ونصرهم وأيدهم
    ورحم شهداءهم

  4. [3]
    املي بالله
    املي بالله غير متواجد حالياً
    نائبة المدير العام Array


    تاريخ التسجيل: Feb 2010
    المشاركات: 68,020
    التقييم: 1052
    النوع: Red

    افتراضي

    يسلموووووووووووو كاتم الاهاااااااااات

    حلوووووووو عن غزه

    بانتظار جديدك

    تقبل مروري

  5. [4]
    سـSARAـاره
    سـSARAـاره غير متواجد حالياً
    من الاعضاء المؤسسين Array


    تاريخ التسجيل: Feb 2010
    المشاركات: 9,310
    التقييم: 50

    افتراضي

    كاتم الاهات..
    غزة لم تمت ولن تمت
    غزة في القلب
    تقبل تقديري

  6. [5]
    MAHMOUD YASSIN
    MAHMOUD YASSIN غير متواجد حالياً
    عـضـو سوبــر Array


    تاريخ التسجيل: Mar 2010
    المشاركات: 2,106
    التقييم: 50
    النوع: Black

    افتراضي

    يسلموووووووووو اخونا الكريم تقبل مرورى

    غزه فى القلب طبعا

+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. كاتم سر الرسول صلي الله عليه وسلم
    بواسطة راجية الفردوس الاعلي في المنتدى الصوتيات والمرئيات الاسلامية
    مشاركات: 0
    آخر مشاركة: 2015-04-08, 12:52 PM
  2. كاتم أنفاسي
    بواسطة رنون في المنتدى بوح الخاطر
    مشاركات: 7
    آخر مشاركة: 2010-09-15, 10:01 PM
  3. الصحة في حياة الاسنان من كاتم الاهات
    بواسطة كاتم الاهات في المنتدى منتدى الصحة
    مشاركات: 4
    آخر مشاركة: 2010-05-27, 09:41 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

التعليقات المنشورة لا تعبر عن رأي موقع تو عرب ولا نتحمل أي مسؤولية قانونية حيال ذلك ( و يتحمل كاتبها مسؤولية النشر )