دجاج بانيه 13770970011.gif

دجاج بانيه images?q=tbn:ANd9GcS

الطريقة


بانيه دجاج حسب عدد أفراد الاسرة
المقدار دة لــ 10 قطع بانيه

التتبيلة الأولى :

ملعقتين أكل مليانة دقيق , وملح, وفلفل اسود ,وبهارات دجاج
وثوم بودر , وبيضة ,وربع كوباية حليب
ونقلب الخليط كله كويس ولو احتاج ينخفف شوية نحط ملعقتين حليب
( التتبيلة دي مش بتكون خفيفة ولا تقيلة أوي
تقريبا بتكون زي خليط الكيك أو أخف قليلا)

التتبيلة الثانية ( الغطاء الخارجي ) :

نحضر في طبق تاني نص كوباية دقيق + ربع كوباية بقسماط +
ملعقة كبيرة سمسم + رشة ملح خفيفة +
رشة فلفل اسود +رشة ثوم بودرة +ربع ملعقة بيكنج بودر
ونقلب الخليط مع بعض كويس

الطريقة

تقطع صدور الدجاج شرائح وتغسل جيدا.

نخلط مقدار التتبيلة الأولى في طبق عميق
نغمس شرايح الدجاج في التتبيلة دي
وتتحط في الثلاجة ساعة أو ساعتين حسب وقتك.

لما نيجي نحمرها بقا..
نجهز مقدار التتبيلة التانية في طبق عميق
وناخد قطعة البانية من التتبيلة الأولى
ونحطها على طول ع التتبيلة التانية
ونضغطها كويس ونطلعها على طبق لحد ما نخلص الكمية..
وبعدها نبدأ بالقلي في زيت غزير لحد ما يبقى لونها ذهبي
نطلعها على ورق نشاف ونرصها في طبق التقديم


دجاج بانيه jKeF7.png