التحاضير الحديثة

التحاضير الحديثة

التحاضير الحديثة

التحاضير الحديثة

التحاضير الحديثة


رضاء الرحمن في صلة الارحام

رضاء الرحمن في صلة الارحام اخواتى واخوتى ...والله بكلمكم من قلبى فكر فى كلام ربنا ({فَهَل عََسيُتم إِن تَوَليتُم أَن تُفِسدُوا فِي الأَرِضِ َوتُقَطِعُوا

رضاء الرحمن في صلة الارحام


+ الرد على الموضوع
النتائج 1 إلى 4 من 4

الموضوع: رضاء الرحمن في صلة الارحام

رضاء الرحمن في صلة الارحام اخواتى واخوتى ...والله بكلمكم من قلبى فكر فى كلام ربنا ({فَهَل عََسيُتم إِن تَوَليتُم أَن تُفِسدُوا فِي الأَرِضِ َوتُقَطِعُوا

  1. #1
    الصورة الرمزية المنسي
    المنسي
    المنسي غير متواجد حالياً

    رفـيق الـدرب Array
    تاريخ التسجيل: May 2011
    المشاركات: 30,627
    التقييم: 50

    22 رضاء الرحمن في صلة الارحام

    رضاء الرحمن في صلة الارحام





    رضاء الرحمن في صلة الارحام oioiuiooy8.gif
    رضاء الرحمن في صلة الارحام 2916639hxh3rb1vmq.gi
    رضاء الرحمن في صلة الارحام 1copyin.jpg

    رضاء الرحمن في صلة الارحام 56371289.png
    اخواتى واخوتى ...والله بكلمكم من قلبى



    فكر فى كلام ربنا
    ({فَهَل عََسيُتم إِن تَوَليتُم أَن تُفِسدُوا فِي الأَرِضِ َوتُقَطِعُوا أَرحَامَكُم)
    وكمان ◄ قال تعالى :
    ( واتّقُوا الله الَِّذي َتسَا~ءَلُونَ بِهِ َوالأَرحَامَ إِنَّ الله كَانَ عَلَيكُم َرِقيبًا ) .


    رضاء الرحمن في صلة الارحام download.php?img=621
    ممكن نعمل صفقه رابحه مع ربنا
    ..كل واحد مقاطع أهله أو أى حد من أرحامه ..تعالوا ..تعالوا بسرعه
    ..حطوا إديكم فى إيدى ..قبل فوات الآوان تعالوا معايا الأول نتعرف على فضائل صلة الأرحام وكمان عواقب قاطع الأرحام
    ...والأيات السابقه لو فكرنا فيها
    هانعرف اننا جميعا

    هانُسأل والله عن قطيعة صلة الأرحام
    ازاى يكون لى أقارب وانا مقاطعهم
    ...ازاى أغضب ربنا....؟؟؟


    رضاء الرحمن في صلة الارحام download.php?img=611

    طيب ماأنا بكلمهم فى التليفون
    ...وده ينفع برضوه يعنى لو إبنك وللا بنتك مسافرين مكان بعيد مش ها تروح تشوفهم ..يبقى ازاى تقعد شهور ما تشوفش الناس اللى ربوك وتعبوا فيك ودمهم بيجرى فى عروقك ؟؟

    رضاء الرحمن في صلة الارحام download.php?img=621

    يعنى انت عايزنى أسيب شغلى وأولادى وأقطع مسافه طويله علشان أقولهم أزيكم ..!!!

    وليه لأ ...انت بس فكر فى الموضوع فضى نفسك يوم واحد بس على حسب مقدرتك يعنى مره فى الشهر او مره كل أسبوع ..المهم تبل صلة الرحم بل ......زى ماقال علمائنا الأفاضل ..فهذه المقوله سمعتها من الشيخ محمد حسين يعقوب بالتحديد فى برنامج فضفضه وسأله واحد انه له أقارب مقاطعينه وهو حاول ان يوصلهم وكانوا بيقفلوا الباب فى وجهه ..عارفين كان رد شيخنا الفاضل إيه ..؟؟ قاله روح تانى وتالت ..قاله ياشيخنا طيب حفاظا لماء الوجه ...قاله برضوه روح وإوصلهم ..المهم أن تبل صلة الرحم بل..
    (يعنى ما تسيبهاش تجف من القطيعه ولو بالود القليل ...)

    وبعدين دلوقتى فى زماننا ده مش اقارب بس اللى مقاطعين بعض ..ده احنا بنسمع عن مقاطعة الآباء والأمهات كمان ...يعنى مين اللى فاضل لك بقى بعدهم ...ده ربنا قال عنهم فى كتابه العزيز
    :
    ( وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا)
    أحسن إليهم يمكن ربنا يرحمك فى كبرك ويحنن قلب ولادك عليك .


    رضاء الرحمن في صلة الارحام download.php?img=621
    طيب سؤال
    ..بقالك قد ايه ماشوفتش عمك وعمتك ..وخالك وخالتك.. اللى فى البلد ..؟؟
    ...يعنى حوالى ....!!!!اه :::!!
    شوفت بقى انت مقصر ازاى ..؟؟
    بس انا جايه النهارده علشان أقولك تعمل ايه ..بس استنى شويه لما نشوف المتخاصمين دول :
    تعالى هنا ...انتى ياأختى ياللى مخاصمه أختك من رمضان اللى فات ...
    -ماهى غلطت فيّه ومستحيل أسامحها أو أبص فى وشها ..
    ليه كده ياحبيبة قلبى ده ربنا بيسامح ...
    -أيوه ونعم بالله بس انا بشر مش إله ...!!!
    والله انا حاسه بيكى ياغاليه ..ممكن


    الإنسان يكون اتصدم فى أحب إنسان لقلبه وفى لحظات ضعفه يقول
    مش هااكلمه تانى ومش عايز أشوفه
    ...وفى أثناء ثورته دى ممكن يتقابل معاه والله صدقونى ياأخواتى هتلاقى نفسك واحد تانى وانت اللى ها تبادر بالسلام عارف ليه ..
    ؟
    لأنكم دم واحد.

    رضاء الرحمن في صلة الارحام download.php?img=621

    الموضوع تفشى فى مجتمعنا بشكل
    مرعب ياجماعه

    ...تابعونى ...
    وربنا يقدرنى وأقدر

    أوصل لكم الفكره
    ..بس إدعو لى ...


    رضاء الرحمن في صلة الارحام download.php?img=621
    رضاء الرحمن في صلة الارحام af57a38e04.jpg

  2. = '
    ';
  3. [2]
    المنسي
    المنسي غير متواجد حالياً
    رفـيق الـدرب Array


    تاريخ التسجيل: May 2011
    المشاركات: 30,627
    التقييم: 50

    افتراضي رد: رضاء الرحمن في صلة الارحام



    شوف ياأخى ياللى بتقول مقدرش أكلم حد أهاننى وجرحنى ..طيب قبل ماأقولك على فضائل صلة الأرحام وقبل ما أخوفك من ربنا وأقولك على عقوبة قاطع رحمه ..عندى كلمتين ممكن تسمعنى وأنتى ياأختى إسمعينى أرجوكى بقلبك :
    عارف لما حد منهم يجرحك أو يكسر قلبك ..---اوعى تدور ظهرك عنه أبدا لأنك عمرك ما ها تقدر تستغنى عنهم أبدا :


    -إوعى تقول أنا لفظتهم خلاص زى ما لفظونى ..ورفضونى ...استنى ..انت مش فاكر انك كنت بتبكى فىبعدهم قد أيه ؟؟ ...فاكر ...!!!
    -عايزاك تنقى المساحات اللى لوثتها القطيعه ..بمعنى انك تمسح قلبك من الداخل ..وتجليه على الأخر مش عايزين أى أثر للقسيه اللى كانت فيه .
    -شيل كل خناجر الحقد والغل اللى جرحت قلبك وحاول تستعيد نفسك من جديد .
    -إتأكد أن المساحه اللى انت نضفتها فى قلبك ها تسعاهم من تانى .
    -إنتظرهم بلهفه وشوق دور عليهم فى كل مكان حتى ولو كانت صدفه حلوه تجمعكم ..بس بلاش عتاب .

    -والله انت دلوقتى شامم ريحتهم وحاسس بنبض قلوبهم وبأنفاسهم ..أهى بتقرب منك ....شامم ..
    أوعى تقول لأ مش حاسس بيهم خالص ...!!
    عمرى ما ها أصدقك ...عارف ليه؟ لأنك أنت وهما حاجه واحده .ومش ممكن هاأصدقك لو قولت كرهتهم ,لأ، ما حدش يقدر يكره نفسه .
    -هاتقولى أنا حتى نسيت أساميهم ...لا والله اساميهم محفوره فى ذاكرتك..
    بس هما جرحونى وشربت منهم مرارة الظلم والقسوه ..إنسى وسامح وتعالى دلوقتى أعرفك


    يعنى إيه صلة أرحام ؟؟
    الصلة: الوصل، وهو ضد القطع،ويكون الوصل بالمعاملة نحو السلام، وطلاقة الوجه، والبشاشة، والزيارة، وبالمال،ونحوها.

    الأرحام : الرحم: اسم شامل لكافة الأقارب من غير تفريق بين المحارم وغيرهم،وقد ذهب بعض أهل العلم إلى قصر الرحم على المحارم، بل ومنهم من قصرها على الوارثين منهم، وهذا هو مذهب أبي حنيفة ورواية عن أحمد رحمهما الله، والراجح الأول.


    نوعا الرحم
    الرحم التي أمر الله بها أن توصل نوعان:

    الأول: رحم الدين، وهي رحم عامة تشمل جميع المسلمين، وتتفاوت صلتهم حسب قربهم وبعدهم من الدين، وكذلك حسب قربهم وبعدهم الجغرافي.

    ويدل على ذلك قوله تعالى: "إنما المؤمنون إخوة فأصلحوا بين أخويكم"[2]، فأثبت الله الأخوةالإيمانية لجميع المسلمين


    الثانى رحم القرابة، القريبة والبعيدة، من جهتي الأبوين.


    ها ...لسه برضوه معاند طيب تعالى معايا نعرف مع بعض فضائل صلة الأرحام:


  4. [3]
    المنسي
    المنسي غير متواجد حالياً
    رفـيق الـدرب Array


    تاريخ التسجيل: May 2011
    المشاركات: 30,627
    التقييم: 50

    افتراضي رد: رضاء الرحمن في صلة الارحام


    صلة الأرحام سبب في زيادة الرزق وطول العمر .
    ◄ عن علي بن أبي طالب رضي الله عنه . عن النبي صلى الله عليه وسلم قال : ( من سرّه أن يمد له في عمره ويوسّع له في رزقه ويدفع عنه ميتة السوء , فليتق الله وليصل رحمه ) رواه الحاكم والبزار بسند جيد .


    ◄ وعن أنس رضي الله عنه أن رسول الله صلى الله عليه وسلم قال : ( من أحب أن يبسط في رزقه وينسأ له في أثره فليصل رحمه ) رواه البخاري ومسلم .

    صلة الرحم تدخل الجنة وتباعد عن النار
    ◄ قال أعرابي لرسول الله صلى الله عليه وسلم : ( أخبرني بما يقربني من الجنة ويباعدني من النار ؟ فقال النبي عليه الصلاة والسلام : تعبد الله ولا تشرك به شيئا وتقيم الصلاة وتؤتي الزكاة وتصل رحمك ) رواه البخاري .

    صلة الرحم سبب لمغفرة الذنوب
    ◄ عن ابن عمر رضي الله عنهما قال : أتى النبي صلى الله عليه وسلم رجل فقال : إني أذنبت ذنبا عظيما , فهل لي من توبة ؟ فقال النبي صلى الله عليه وسلم : هل لك من أم ؟ قال : لا . قال : فهل لك من خاله ؟ قال : نعم . قال : فبرّها ) رواه الحاكم والترمذي .



    صلة الرحم أحب الأعمال إلى الله تعالى
    سئل النبي صلى الله عليه وسلم أي الأعمال أحب إلى الله , فقال : ( الإيمان بالله ثم صلة الرحم ) . رواه ابو يعلي بسند جيد .

    ماشاء الله يعنى فيها زياده فى الرزق وطول العمر وتدخلك الجنه وتبعدك عن النار ..ياألله ايه اللى يستاهل انى أسيب الخير ده كله علشانه وكمان..هاتكون سبب لمغفرة ذنوبى ومن أحب الأعمال الى الله..والله الدنيا صغيره جدا ياحبايبى ومسيرنا فى يوم هانقابل ربنا ها نقوله احنا خاصمنا بعض فى دنيته دى علشان ايه ..هاتقول كرامتى اتهانت ياأخى وياأختى هما أنتم أحسن من النبى عليه الصلاة والسلام ماهو كمان اتهان وجرح وطرد من بلده وكسرت رباعيته وشجت رأسه و...و.. كل ده علشانا إحنا .....مش علشان كان بيدافع عن كرامته ...فكر كده فى معنى كلمة رحم ...ده ربنا شق للرحم اسم من اسمه ...وهتلاقوا الكلام ده واضح فى
    الحديث الشريف ده ..

    (، فعن أبي هريرة رضي الله عنه عن النبي صلى الله عليه وسلم قال: "إن الله خلق الخلق، حتى إذا فَرَغ من خلقه قالت الرحم: هذا مقام العائذ بك منالقطيعة؛ قال: نعم، أما ترضين أن أصل من وصلك وأقطع من قطعك؟ قالت: بلى يا رب؛ قال: فهو لك؛ قال رسول الله صلى الله عليه وسلم: اقرأوا إن شئتم: "({فَهَل عََسيُتم إِن تَوَليتُم أَن تُفِسدُوا فِي الأَرِضِ َوتُقَطِعُوا أَرحَامَكُم)


    لسه برضوه مش مقتنع ...طيب انا هاأقولك على عقوبة قاطع صلة الأرحام ..وصدقنى والله مش بخوفك أنا بس علشان خايفه عليك ونفسى تصدق ربنا ورسوله عارف إيه العقوبه ...!!!

    إمسك أعصابك ...دى مصيبه والله لو استمرينا فى القطيعه إسمع كده :



  5. [4]
    المنسي
    المنسي غير متواجد حالياً
    رفـيق الـدرب Array


    تاريخ التسجيل: May 2011
    المشاركات: 30,627
    التقييم: 50

    افتراضي رد: رضاء الرحمن في صلة الارحام

    عقوبة قاطع الرحم
    " قاطه الرحم لا يدخل الجنة "

    ياألله ....يعنى أكون مسلم وموحد بالله وأصوم وأصلى وأزكى وأحج وأعتمر وفى النهايه يتشطب على كل أعمالى وأتساوى بالكفار والعصاه .. وأكون معاهم فى النار ...يارحمن!!!!


    .دى لوحدها كارثه ...يارب إرحمنا

    ◄ قال رسول الله صلى الله عليه وسلم : ( لا يدخل الجنة قاطع ) قال سفيان يعني قاطع الرحم . رواه البخاري ومسلم .

    ◄ قال رسول الله صلى الله عليه وسلم : ( ثلاثة لا يدخلون الجنة , مدمن الخمر ,وقاطع الرحم , ومصدق بالسحر ) رواه أحمد وابن حبان .

    قاطع الرحم لا يقبل عمله
    ◄ قال رسول الله صلى الله عليه وسلم : ( إن أعمال بني آدم تعرض كل خميس ليلة الجمعه . فلا يقبل عمل قاطع رحم ) رواه أحمد

    يعنى ممكن رمضان... صيامك وقيامك وتسابيحك..وختمك للقرءان كل ده ما تقبلش ...ياألله..دى كمان تبقى كارثه والله .

    قطيعة الرحم من أبغض الأعمال
    ◄ سئل رسول الله صلى الله عليه وسلم : ( أي الأعمال أبغض إلى الله , قال : الإشراك بالله ثم قطيعة الرحم ) رواه ابو يعلي بسند جيد .

    وأسمع دى كمان ...يارب سلم :
    عقوبة ووزر قاطع الرحم في الدنيا والآخرة

    أولاً: في الدنيا
    1. لا يرفع له عمل ولا يقبله الله
    2. لا تنزل الرحمة على قوم فيهم >قاطع >.الشر يعم والخير يخص، فلاتنزل رحمة على قوم فيهم قاطع رحم، ولهذا يجب التواصي ببر الآباء وصلة الأرحام،والتحذير من العقوق، فإذا فعلوا ذلك سلموا من هذه العقوبة.
    3. تعجيل العقوبة للعاق في الدنيا قبل الآخرة
    4. أبواب السماء مغلقة دون قاطع الرحم

    ثانياً: في الآخرة
    1. لا يدخل الجنة مع أول الداخلين
    2. لا تفتح له أبواب الجنة أولاً.
    3.يدخر له من العذاب يوم القيامة مع تعجيل العقوبة في الدنيا إن لم يتب أويتغمده الله برحمته

    4. يُسف المَلّ، وهوالرماد الحار


    والله حاجه تخوف وترعب ..طيب عايز تعرف ازاى توصل رحمك
    تعالوا معايا ... :


    بم توصل الرحم؟




    أولاً: صلة الرحم العامة
    1. التناصح والتشاور.

    2. التوادد.



    3. العدل والإنصاف.

    4. القيام بالحقوق الواجبة والمستحبة على قدر الطاقة.

    5. التعليم، والإرشاد،والتوجيه.

    6. الأمر والنهي.

    7. الشفاعة الحسنة.

    8. تحمل الأذى.

    9. كفُّ الأذى عنهم، وهذا أضعف الإيمان أن يكفَّ الإنسان أذاه عن إخوانه المسلمين.

    والأدلة على ذلك كثيرة جداً، فمن القرءآن:
    1. "إنما المؤمنون إخوة فأصلحوا بين أخويكم".[25]
    2. "واخفض جناحك للمؤمنين"{26{




    ومن السنة:
    1. "المؤمن للمؤمن كالبنيان يشدُّ بعضُه بعضاً"[27]
    وشبَّك بين أصابعه.


    2. "مثلُ المؤمنين في توادِّهم وتراحمهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى".[28]

    3. "المسلم أخو المسلم لا يخونه، ولا يكذبه، ولا يخذله، كل المسلم على المسلم حرام عرضه، وماله، ودمه، التقوى ههنا، بحسب امرئ من الشر أن يحْقِر أخاه المسلم".[29]

    ثانياً: صلة الرحم الخاصة
    وهم جميع القرابات من جهة النسب، من قبل الأم والأب، وهؤلاء صلتهم عامة كذلك وخاصة:

    أ‌) الصلةالعامة
    وهي شاملة لجميع حقوق الصلة لعامة المسلمين التي ذكرناها آنفاً.

    (ب‌) صلة خاصة
    وهي زيادة حقوق على حقوق المسلم العامة

    وهذا يحصل بـ:
    1. السلام.
    2. طلاقة الوجه، التبسم.
    3. كف الأذى.

    الحد الأعلى:
    وهذا يحصل بـ:
    1. الزيارة.
    2. عيادة المريض.

    3. الإهداء.
    4. الإنفاق على المعسرين.




+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. اذاعة مدرسية عن صلة الارحام 1438 هـ
    بواسطة مناهج تعليمية في المنتدى قسم النشاط
    مشاركات: 0
    آخر مشاركة: 2017-03-14, 02:36 PM
  2. استبيان مدى رضاء اولياء الامور عن تعليم ابنتهم
    بواسطة مناهج تعليمية في المنتدى المناهج السعودية
    مشاركات: 1
    آخر مشاركة: 2017-01-15, 09:17 PM
  3. برنامج دون رقابة حلقة عن " تأجير الارحام "
    بواسطة MiDoooooZ في المنتدى صفحة white page بيضاء
    مشاركات: 5
    آخر مشاركة: 2012-11-25, 07:46 PM
  4. أحاديث نبوية شريفة عن صلة الارحام
    بواسطة رنون في المنتدى منتدى الاحاديث النبوية
    مشاركات: 5
    آخر مشاركة: 2011-08-01, 05:37 PM
  5. عبد الرحمن بن عوف..!!
    بواسطة سـSARAـاره في المنتدى قصص الانبياء وعظماء المسلمين
    مشاركات: 6
    آخر مشاركة: 2010-12-09, 11:20 AM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

التعليقات المنشورة لا تعبر عن رأي موقع تو عرب ولا نتحمل أي مسؤولية قانونية حيال ذلك ( و يتحمل كاتبها مسؤولية النشر )