قصيده عن الم الحب , من يقول ان الحب موجود كاذب

اللي يقول الحب موجود كذاب
شغلات ممنوعه يسمونها حب
واللي يقول اسهرني العشق نصاب
ويعرف نصّابه معلمته النصب
لاشافت عيوني مواليف واحباب
والعشق ماخطّا بقلبي ولا دب
اكتب غزل كله على شان الأعجاب
ماهو على شان الهوا كل ماهب
لاهب نسناس الهوا خاطري ذاب
ولا كمّل النسناس وشلون بشتب
اوهام شعّار وخرابيط كتّاب
والجيل ذا من يوم جا والهوا خرب

نهيت قلبي من طبوعه ولا تاب
قد قلت له خل الصراحه على جنب
لن الصراحه دايمن تفتح ابواب
صار الكلام الواقعي يشبه السب
الي بيزعل بيلقا له اسباب
لو ان مالي ذنب بيحط لي ذنب
حنا بزمن فيه العلاقات بحساب
للواضحه ريبه وللخافيه رب
حب اوطنك حب اهلك حب الاصحاب
ذولا لا قلت تحبهم فعلن تحب