صمتـــــي قهــــــــــر


صمتي قهر ياسائلي عـن خفايـاه
مااقدر ابوح جروح قلبي عظيمة

لاتسأل المقهور وش في حنايـاه
مااظن نوحي والبكاء لك غنيمـة

لاصار صوتي ما يوفي عطايـاه
بكتب بدم القلـب قصـة اليمـة

قصة جروحي والألم في زاوياه
والدمعة الي في عيونـي يتيمـة

حلمن توفى وسط قلبـي بقايـاه
يحكي معاناتي وحالـي سقيمـة

قلبي فقد صوته وحبـه وطريـاه
وأشواقي الي في حياتي قديمـة

ماغير صمتي والحزن من سواياه
ليته يشوف شلون ذقت الهزيمـة