حروف متعبة




لامبتدا ولاأنت خبر لافاعل أو مفعول به

............بس الأكيد إنك معي جملة وصعب إعرابها

تركت نفسي بين أقواسك حروفٍ متعبه
..........مدري خطا والاّ صواب إني عجزت أشقابها

ياللي تمناك الشعور وكل روحي تطلبه
...........أحتاجلك تروي المشاعر من ضمى أحبابها

كانت مسافاتي ألم كانت وهم أتعذبه
................كانت بدونك دنيتي صعبه عليّ أحيابها

كانت مقاديري شقا وهموم وقتٍ مرعبه
.................وأحزان ليلٍ سرمديٍ ماعرفت أسبابها

كانت وكانت ماضي وقررت بعدك أ شطبه
............وأنهي عنا ليل الجروح وغربتي وأبوابها