قالت من انت وقلت



قالت من انت وقلت مجموعة اوطان
................. من كـلٌِ موطـن تلقين .. فيني

فيني بداية فرح وسرور واحزان
................. وأبكي ودمعي تذرفه .. لي سنيني

أدفي قلوب الناس بحضني و بردان
................. وأحتار وادور انا من .. يدفيني

قلبي وفا و لين وعطف واشجان
................. والحب غرام(ن) يـنزفه لي حـَنيِني

تحتويني محبه وشوق وحرمان
................. والمرجله والشهـامه طبع فيني

لي جفن ابنظــرته معتــلي الشان
................. وجفِـن معـتـليه دمـع(ن) حـزيني

اعتبريني حزن في صورة انسان
................. وحـزني اداويـه بينــي وبــيـني

شابت سنيني بي وشيبني الزمان
................. والحـزن يوم(ن) أبكيـه و يبـكيني

لـو ماعـرفتـيني فلاني بنـدمان
................. ( حتى انـا تراني احـترت فـيني )