جزاك الله خير يالحرامي







السلام عليكم ورحمة الله وبركاته

كيفكم حالكم ان شاء الله بخير


طبعا انتم مستغربين من العنوان اكيد

كيف حرامي ويجزاه الله خير .....

القصه غريبه شوي لكن دامني فاضي ابي اسردها لكم

طبعا بحكم عملي بالمجال الخير (بجمعية الملك عبدالعزيز الخيريه بتبوك ) جاني متبرع من الرياض يبي يساعد محتاجين تبوك وكان يبي بالظبط كل محتاج ساكن بخيمه يهدم الخيمه ويبني مكانه بيت مسلح .
طبعا انا ابلغته ان هالشي لايوجد بمنطقة تبوك لانه جميع الاراضي مملوكه اما للدوله او المواطنين فلو بنينا منزل تجي الدوله او المواطنين ويهدم البيت على روسهم وصارت عندنا كثير .
فا اقترحت عليه انه نقوم بمساعدتهم ام صحيا او شراء منزلهم لهم او بترميم منازلهم

قال لي المتبرع نبي عائله ساكنه بخيمه نشتري لها منزل قلت اوكي

طبعا انا بديت بالبحث عن هالاسره وابلغت الجميع بالامر لكي يساعدونا ونزلت موضوع بمنتديات المتعلقه بتبوك يعني سويت المطلوبي مني كالموظف مسؤل المهم جاني اتصال من احد الاخوان الله يوفقه يارب
قال لي علي انت تبي اسره ساكنه بخيمه
قلت اي والله
قال في
قلت اعطيني العنوان
قال لي ابي ارسل لك رقم وحده هي الي بلغتني عنهم
قلت ارسل لي الرقم لكي اتواصل معها والله وارسل الرقم
اتصلت على المرءه التي بلغت واسمها ام عوض
السلام عليكم معك علي السحيمي من الجمعيه وسمعنا انك مبلغ عن اسره تسكن بخيمة
قالت نعم
وين المكان والله وصفت لنا المكان هو خارج تبوك ب 15 كيلو
واتصلت على المتبرع وقلت جهز حالك راح نروح لاسره تسكن بالخيمه ومحتاجه مثل طلبك
قال المتبرع اتوكلنا على الله
والله ورحنا للموقع ولفينا ام عوض تنتظرنا والله واستقبلتنا استقبال تشكر عليه المهم
ااتكلمت مع ام عوض عن وضع هالاسره الا الان انا ماوصلت للخيمه من بعيد اشوفها المهم قالت لي والله مؤساوي الاب مريض بجلطه ويعاني ولا يستطيع الذهاب فقط جالس ويوجد لديه 10 افراد من الاسره
وصلت الخيمه يا اخوان لقيت فيها بنات بالغات واطفال واولاد المبلس لاتعليق ويسكنون بالعراء ولايوجد لديهم ثلاجه ولايوجد لديهم غاز والاثاث معدوووووم شي محزن والله ومعهم سياره يذهبون عليها الصبح للمدارس وتقوم الام بالجلوس عن احد معارفها لما تتنهي المدارس لاستقبال الاولاد بعد عودتهم من المدرسه ثم يعدون الى الخيمه وكان في احد من الجيران موصل لهم سلك كهرباء وجار اخر موصل لهم ماء لا حول والا قوه الابالله
وكان وقتها يا اخوان صيف وكانت والله العظيم الحراره تصل الى 50 درجه كما رايتها بالسياره قبل نزولنا من السياره وقتها كان عصر يعني الحراره خافه شوي تخيل بالله عليكم هالاسره هذه بالصيف لا ثلاجه يشربون ماء بارد ولا غاز ولا اي شي فقط خيمه يسكنون بها معاااااناه اااااااااااااه

سألت ام عوض متى شفت هالوضع هذا
قالت والله انا من شفت هالوضع بديت اسعى لهم ولا ماكان وصلك البلاغ
قلت كم لك مبلغه قالت لي ثلاث ايام
قلت لك 3 ايام وهم يقولون انهم لهم شهور هنا
قالت انا صار لي موقف خلاني انقل بجوارهم

قلت انت ناقله هنا مو بكيفك

قالت والله انا املك قطيع من الغنم وكان لي حوش على طريق المدنية المنوره وجاني حرامي وسرق غنمي الله لا يوفقه يارب
عاد انا صرخت بصراحه وقلت لها لا تتدعي عليه بل الله يجزاه خير هالحرامي

زعلت علي ام عوض وقالت لي انت تتدعي للحرامي وقدامي

قلت لها ام عوض
لو افترضنا هالحرامي ماسرق غنمك حلو بتغير مكان هالحوش
قالت لا اكيد

قلت هالحرامي سرق غنمك وخلالك تغير مكانك لكي تكوني سبب بانقاذ هالاسره فانت شايفه هالجيران ماهمهم الي ماد لي سلك كهرباء والثاني مويا لا حول ولا قوه الا بالله
طيب بلغو عنهم مو الله انا وصلت لهم كهرباء او ماء خلاص انا ساعدتهم
انت الحين يا ام عوض دليت الجمعيه لناس محتاجه عارفه الجمعيه ايش راح اتسوي للاسره هذه
راح تشتري لهم بيت وتسكنهم بتبوك وعلى ماتخلص معاملات المنزل راح يكنون بمنزل على حسابه الجمعيه وراح نستر على البات الي عايشن بالخلاء ويعني بالله عليك يا ام عوض هالحرامي مو يستحق اني اقول له الله يجزاه بخير سكت وقالت الله يسامحه يارب
ولي عند الله مايضيع والله يكتب لي اجر هالاسره


والحمد لله قام الجمعيه بتوفير سكن للاسره و مساعدتهم بتأثيث المنزل ومساعدتهم عيني وماديا
وتقوم الجمعيه باعانتهم بدفع الايجار واعانتهم ماديا
ولله الحمد الاسره الان بوضع جيد واستغنت عن خدمات الجمعيه وهي من تصرف على نفسها الان وهذا بفضل الله ثم فضل جهود الجمعيه

وابلغتني ام عوض بان الاسره تدعي لي يا اخوان عند شربهم للماء البارد
يااااااااااااااااااااااه من اجل شربت ماء بارد يدعون لك
فا ابلغت ارجوك انا قمت بعملي وان كان هناك من يستحق الدعء فهي الجمعيه التي لم تقصر معهم فانا بدونه لا اقدر ان اعمل اي شي لهم


واسف على الاطاله هاه الحين هالحرامي يستحق هالدعاء اما انا مخطئ

واخيرا
يا اخون نصيحت لكم ان رائت محتاج فالا تقف مكتوف الايدي
!!!!!!!!!
قم بمساعدتهم عن طريق احدى الجمعيات الخيريه فوالله لا تعلم ما الاجر الذيب تاخذه من هذا البلاغ


واخير ما اقول الا

اللهم اعني على اعانة المحتاج