جــيــت الــيــوم أرضـــيــكـ





من فوق خشم ظروفنا جيت لرضاك

ولأجل إبتسامه جيت فدوة عيــونك

أكسر مجاديف التعب غصب وألقاك

إن قلت أجيك أجيك ماطحت دونك

تهزهز غصون الغلا حيل00 ذكراك

صرت الخريف وصار عشقي مزونك

ياورد عمري / ياربيعي/ ويا ذاك

يافصلي الخامس على الكون كونك

من علم إحساس الهوا صدق لولاك

من خانه التفكير لحظـة جنـونــك

من يسكن أعماقي غلا قلت يفداك

كلي على بعضي وكلي يبونك 00

شفي/ قصايد حب وأبيات تنخاك

خل البكا / والهم / وإترك شجونك

شفها يميني تعطش لكف 00يمناك

شف هالحنين اللي ذبحني/ بدونك

شفني نويت أجيك والقلب قد جاك

شفني تحديت الظروف لـ عيونكْ